Eva-Liv-øya

Eva-Liv-øya
øy
Land	Russland
Del av	Belaja Zemlja, Frans Josefs land
Areal	288 km²
Folketal	0
Eva-Liv-øya 81.633333333333°N 63.1°E / 81.633333333333; 63.1
Plasseringa til Belaja Zemlja i Frans Josefs land. Eva-Liv-øya er den nordlegaste i denne gruppa. Plasseringa til Belaja Zemlja i Frans Josefs land. Eva-Liv-øya er den nordlegaste i denne gruppa.

Eva-Liv-øya (russisk Остров Ева-Лив, Ostrov Jeva-Liv) eller Evaøya er den nordaustlegaste øya i Frans Josefs land i Russland.

Eva-Liv-øya har ei form som kan minne om ei kanin og ei overflate på 288 km². Det høgaste punktet på øya er 381 m.

Området der Evaøya ligg vart kalla Hvidtenland av Fridtjof Nansen som kom til Evaøya 5. august 1895 under polarekspedisjonen hans. På kartet sitt teikna han to øyar og kalla den største øya i aust opp etter kona si Eva Nansen (som døydde i 1907). «Øya» i vest, som Nansen fann to dagar, kalla han Livøya. Sidan den permanente polisen kryssar Belaja Zemlja er det vanskeleg å skilje land og sjø. Etter kvart var det derimot klart at Livøya berre var ei halvøy vest på Evaøya. Derfor fekk øya det offisielle namnet Eva-Liv-øya. I 2021 blei det vidare funne at «halvøya» berre hadde vore danna av ein isbre som no hadde smelta vekk.

Evaøya og dei to mindre naboøyane (Frieden og Adelaide) vert framleis på russisk kalla Белая Земля (Belaja Zemlja), som tyder «Hvidtenland», eller «Det kvite landet», og har altså halde på Nansen sitt originale namn. Øyane er stort sett dekte av is.

Mellom Belaja Zemlja og resten av Frans Josefs-øyane ligg eit 45 km breitt sund kalla Proliv Severo Vostotsjnij.

Dette var staden i Frans Josefs lands om den russiske sjøfararen Valerian Albanov frå den mislukka Brusilov-ekspedisjonen prøvde å nå då han forlet «Svjataja Anna» med delar av mannskapet. Albanov enda derimot mykje lenger sørvest i Aleksandra land.

Nærliggande øyar

• Eit par kilometer mot sørvest ligg den vesle Adelaideøya (Остров Аделаиды), kalla opp etter prinsesse Adelheid av Hohenlohe-Langenburg. Ho er berre 2 km lang.
• Friedenøya (Остров Фреден), er ei større ovalforma øy med ei lengd på 8,2 km . Ho ligg 2,5 km sør for Adelaideøya. Øya har namn etter det tyske ordet for «fred».

Kjelder

• Denne artikkelen bygger på «Eva Island» frå Wikipedia på engelsk, den 18. juli 2008.
  • Wikipedia på engelsk oppgav desse kjeldene:
    • Det tidlege kartet til Fridtjof Nansen
    • islands.unep.ch Arkivert 2013-11-25 ved Wayback Machine.
    • Eva Nansen Arkivert 2011-07-24 ved Wayback Machine.