Heissøya

Heissøya
øy
Land	Russland
Del av	Frans Josefs land
Areal	132 km²
Folketal	4
Heissøya 80.566666666667°N 57.683333333333°E / 80.566666666667; 57.683333333333
Wikimedia Commons: Heiss Island

Plasseringa til Heissøya i Frans Josefs land

Heissøya (russisk Остров Хейса - Ostrov Khejsa) er ei øy i Frans Josefs land i Russland. Ho ligg sentralt i øygruppa, nord for Galljaøya, mellom Champøya og Wilczek land. Øya har eit areal på 132 km².

Heissøya er nesten isfri og har berre små iskapper sentralt på nordkysten. Det høgaste punktet er 242 meter over havet.

Sundet sør for Heissøya heiter Markamasundet og er 5 km på det smalaste. I aust ligg Austriskijsundet, med dei mindre Komsomoløyane på andre sida. I nord ligg det 7 km breie Jermaksundet med Zitsjy land på andre sida.

Neset på sørvestsida av øya heiter Mys Ostantsovij.

Historie

Khejsa var ein tidlegare sovjetisk rakettutskytingsbase på øya.

I dag ligg Krenkel hydrometeorologiske stasjon på øya (80°37′ N, 58°03′ E).

Øya vart opphavleg kalla opp etter polfararen Isaac Hayes, som utførte ein historisk polekspedisjon i 1850. Tyske kartografar germaniserte derimot namnet etter transkripsjon frå russisk og namnet Heissøya har vorte verande.

Nærliggande øyar

• 7 km aust for Heissøya ligg Komsomoløyane (Острова Комсомольские - Ostrova Komsomolskije). Dei består av ei 7 km lang trekanta øy og to holmar på nordsida. Øygruppa er kalla opp etter Komsomolane i sovjettida. .

• Det ligg ei 1,2 km lang øy utanfor ei lita bukt vest for det nordaustlegaste neset på Heissøya.

Kjelder

• Denne artikkelen bygger på «Heiss Island» frå Wikipedia på engelsk, den 27. juli 2008.
  • Wikipedia på engelsk oppgav desse kjeldene:
• Location: Plassering Arkivert 2013-11-25 ved Wayback Machine.
• Meteorology: Meteorologi Arkivert 2007-10-28 ved Wayback Machine.
• Hayesøya på eit kart av Fridtjof Nansen
• Polekspedisjonar

Bakgrunnsstoff

• Bilete Arkivert 2007-10-28 ved Wayback Machine.