Fontein (Aruba)

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

Entrada di e cas unda e chinesnan tabata biba na Fontein

Fontein ta nomber di un lugá na e isla Aruba, den region di San Nicolas. E ta situá den Parke Nacional Arikok na e parti pasùit serka di kosta nort banda di Boka Prins.

Fontein ta konosí pa su fuente di awa dushi natural. E awa di e fuente ta awa di shelu prosedente di e formashon nan di kalki na e kosta aki. Den serkania ta enkontra e kuebanan di Fontein, Guadirikiri i Huliba, miho konosi komo e "kuebanan di Fontein". Riba e diferente Islanan ABC, tantu Kòrsou komo Aruba, tin luga ku ta yama Fontein. E nomber Fontein ta mustra riba un fuente di awa dushi na tur e luganan aki.

Historia

Na 1839 a otorga Fontein den konseshon na Maria E. Oduber-Croes. Despues e konseshon a pasa pa e komersiante Adrian Lacle (1866-1936). Den siglo 20 chinesnan tabata praktika hortikultura na Fontein, produsiendo berdura i fruta pa e merkado lokal.

Imagen

• 
  Bista di Fontein for di kueba Guadirikiri
• 
  Kueba Guadirikiri
• 
  Pintura indjan den un di e kuebanan di Fontein

Wak tambe

• Fontein (Boneiru)

Fuente, nota i/òf referensia