بماکو
| باماکو | ||
| |center]] | ]] | |
| دیس: | مالی | |
| رقبہ: | ||
| لوک گنتی: | 1,690,471 | |
بماکو جمہوریہ مالی دا راجگھر تے 16،90،471 دی آبادی نال ملک دا سب توں وڈا شہر اے ۔ بماکو مالی دا سب توں تیزی نال تے جگ دا 6ویں نمبر تے سب توں تیزی نال پھیلن آلا شہر اے ۔ بماکو دیس دے لہندے دکھن چ دریائے نائجر تے کنڈے آباد اے ۔ بماکو جمہوریہ مالی دا انتظمی مرکز ہون دے نال نال دریائے نائجر تے اہم بندرگاہ تے علاقائی تجارت دا مرکز وی اے ۔ اس دیاں اہم پیداواراں چ ٹیکسٹائیل دیاں مصنوعات ، گوشت تے دھاتی اوزار شامل نیں ۔ اس دے علاوہ دریائے نائجر توں تجارتی پیمانے تے ماہی گیری وی کیتی جاندی اے ۔
تریخ
[سودھو]آثار قدیمہ ظاہر کر دے نیں کہ ایہہ علاقہ پتھر دے زمانے توں آباد اے ۔ پر موجودہ شہر دی نیہہ 17ویں صدی عیسوی چ سیریبادیان نیارے تے سومبا کولیبالی یاں بامبا سانوگو نے رکھی ۔ شہر اک اہم منڈی بن گئیا ۔ 1833ء چ ایہہ علاقہ فرانسیسی قبضے چ چلا گئیا تے 1908ء چ شہر فرانسیسی سوڈان دا راجگھر بنئیا ۔ شہر دی آبادی تیزی نال ودھن لگ پئی تے 1960ء چ اسدی آبادی 1 لکھ 60 ہزار تک پہنچ گئی ۔
جغرافیہ تے شہر دا منصوبہ
[سودھو]بماکو دریائے نائجر تے آباد اے جس دی وجہ توں شہر دے پھیلن تے ترقی تے اثر پئیا اے ۔ سیلابی حد چ ہون دی وجہ توں دریا دا نیڑلا علاقہ تعمیرات دے قابل نئیں اے ۔ زمین دی سطح ہموار اے ، سوائے شمال دے جتھے پرانے آتش فشاں دی باقیات نیں ، ایسے علاقے چ صدارتی محل تے وڈا ہسپتال واقع نیں ۔
پہلاں شہر شمال چ ای تعمیر کیتا گئیا سی پر بعد چ ودھدی ہوئی آبادی دی ضرورتاں پوریاں کرن لئی دریا تے پل بنا کے دکھنی پاسے وی تعمیراں کیتیاں گغیاں تے اج شہر دریا دے دونے پاسے آباد اے ۔
کسے زمانے چ شہر چ اک فوجی ہوائی اڈا ہندا سی ، جس نوں ختم کر کے اس دی تھاں شہر دا کاروباری علاقہ بنا دتا گئیا اے جس نوں ACI2000 آکھئیا جاندا اے ۔
روایتی تجارتی مرکز دریا دے شمال دے پاسے بنئیا ہوہیا اے ۔ شہر دا مرکز بوہت زیادہ گنجان ، آلودہ تے مہنگا اے ۔ شہر ہن لہندے ول پھیل رہئیا اے جتھے ACI2000 واقع اے ۔ مالی دی حکومت ایسے بنے اک ہور کاروباری مرکز بنان دا ارادہ رکھدی اے ۔
بماکو دیاں اہم عمارتاں چ مالی قومی کتب خانہ ، بی سی ای اے او ٹاور تے بماکو مسجد شامل نیں ۔
دوجیاں اہم تھانواں چ مالی قومی عجائب گھر ، موسو کنڈا عجائب گھر ، بماکو علاقائی عجائب گھر ، بماکو چڑیا گھر ، بماکو بوٹینیکل گارڈن تے پوائنٹ جی ہل شامل نیں ۔ 1994ء توں بماکو چ افریقی تصویر کشی دا دوسالہ مقابلہ وی منعقد ہندا اے ۔
آواجائی دے ذریعے
[سودھو]ہوائی سفر لئی شہر چ مالی دا سب توں وڈا ہوائی اڈا سینو بین الاقوامی ہوائی اڈا واقع اے ۔ اس دے علاوہ بماکو ڈاکار نائجر ریلوے دی منزل وی اے جہڑی مالی دے شہر کولیکورو نوں سینیکال دے راجگھر ڈاکار نال ملاندی اے ۔
· کمپالا · ہرارے · گابورون · کوناکری · کیپ ٹاؤن · باماکو · اسمارا · الجیرز · رباط · تونس · خرطوم · کیگالی · کنشاسا · لبرول · لیلیونگوے · ہرجيسا · لوباما · لوم · لواندا · لوساکا · ماموڈزو · ماپوٹو · موگادیشو · ماسیرو · مبابین · مونروویا · مورونی · نیروبی · نجامينا · نیامی · نوواکوٹ · اوگاڈوگو · ابوجا · ادیس ابابا · اسمارا · انٹاناناریوو · اوگاڈوگو · باجمبورا · بانجول · برازاولے · بساؤ · بلوئمفونٹین · بماکو · بنگوئی · جبوتی · جیمز ٹاؤن · دودوما · ساو ٹومے · اکرا · فری ٹاؤن · قاہرہ · لوبامبا · لیلونگوے · مالابو · ماپوتو · نواکشوت · نیامے · ونڈہوک · وکٹوریا · پرائا · پورٹ لوئی · پورٹو نووو · ڈاکار · یوموسوکرو · یاونڈی