iPhone အတွက် အရေးကြီးသော ဘေးကင်းလုံခြုံရေးဆိုင်ရာသတင်းအချက်အလက်များ
သတိပေးချက် ဘေးကင်းလုံခြုံရေးညွှန်းကြားချက်များကို မလိုက်နာပါက မီးလောင်မှု၊ လျှပ်စစ်မီးရှော့ဖြစ်ခြင်း၊ ထိခိုက်ဒဏ်ရာရခြင်း သို့မဟုတ် iPhone ဖြစ်စေ အခြားပစ္စည်းဥစ္စာများဖြစ်စေ ပျက်စီးနိုင်သည်။ iPhone အသုံးမပြုခင် အောက်ဖော်ပြပါဘေးကင်းလုံခြုံရေးဆိုင်ရာ သတင်းအချက်အလက်များအားလုံးကို ဖတ်ရှုပါ။
ကိုင်တွယ်ခြင်း iPhone ကိုသတိနှင့်ကိုင်တွယ်ပါ။ ၎င်းကို သတ္တု၊ ဖန်သားနှင့် ပလတ်စတစ်တို့နှင့် ပြုလုပ်ထားခြင်းဖြစ်ပြီး အထဲတွင် ထိခိုက်လွယ်သော အီလက်ထရွန်နစ်အစိတ်အပိုင်းများ ပါရှိသည်။ ပြုတ်ကျခြင်း၊ မီးလောင်ခြင်း၊ ကျိုးပဲ့ခြင်း သို့မဟုတ် ကွဲကြေခြင်းတို့ဖြစ်လျှင် သို့မဟုတ် အရည်နှင့် ထိတွေ့မှု ရှိလျှင် iPhone သို့မဟုတ် ၎င်း၏ဘက်ထရီသည် ထိခိုက်ပျက်စီးနိုင်သည်။ iPhone သို့မဟုတ် ဘက်ထရီသည် ထိခိုက်ပျက်စီးနေသည်ဟု သံသယရှိလျှင် အပူလွန်ကဲခြင်း သို့မဟုတ် ထိခိုက်ဒဏ်ရာရနိုင်သည့်အတွက် iPhone ကို ဆက်လက်အသုံးမပြုပါနှင့်။ iPhone မှန်မျက်နှာပြင်သည် ကွဲအက်နေလျှင် ထိခိုက်ဒဏ်ရာရနိုင်သည့်အတွက် အသုံးမပြုပါနှင့်။ iPhone မှန်မျက်နှာပြင်ကို ပွန်းရာခြစ်ရာထင်မည်ကို စိုးရိမ်လျှင် ဖုန်းအဖုံး သို့မဟုတ် အကာကို အသုံးပြုရန် ထည့်သွင်းစဉ်းစားပါ။
ပြုပြင်ခြင်း သင်ကိုယ်တိုင် iPhone ကိုဖွင့်၍ ပြုပြင်ရန် မကြိုးစားပါနှင့်။ iPhone ကိုဖြုတ်ခြင်းသည် ထိခိုက်ပျက်စီးနိုင်သည့်အပြင် ရေစင်ခံနိုင်မှုနှင့် ရေစိုခံနိုင်မှုကို (ပံ့ပိုးပေးထားသောအမျိုးအစားများ) ဆုံးရှုံးနိုင်သည် သို့မဟုတ် သင်ထိခိုက်ဒဏ်ရာရနိုင်သည်။ iPhone 7 နှင့် လေဆာတစ်ခု သို့မဟုတ် တစ်ခုထက်ပိုပါသော နောက်ပိုင်းအမျိုးအစားများတွင် တွင် ပြင်ဆင်ချိန် (သို့မဟုတ်) အစိတ်အပိုင်းများ ဖြုတ်ချိန်အတွင်း ထိခိုက်ပျက်စီးနိုင်သည့် လေဆာတစ်ခု (သို့မဟုတ်) တစ်ခုထက်ပိုမိုပါရှိပြီး ၎င်းသည်မမြင်နိုင်သည့် အနီအောက်ရောင်ခြည်နှင့်ထိတွေ့ပြီးအန္တရာယ်များသည့်အကျိုးဆက်ကို ဖြစ်စေနိုင်ပါသည်။ iPhone ပျက်စီးခြင်း သို့မဟုတ် ချွတ်ယွင်းခြင်းရှိခဲ့လျှင် Apple သို့မဟုတ် Apple မှ တရားဝင်ခွင့်ပြုချက်ရရှိထားသည့်ဝန်ဆောင်မှုကုမ္ပဏီကို ဆက်သွယ်ပါ။ Apple သို့မဟုတ် Apple ဝန်ဆောင်မှုကုမ္ပဏီများကလွဲပြီး ဝန်ဆောင်မှုကုမ္ပဏီများက ပြင်ဆင်မှုများသည် Apple အစိတ်အပိုင်းအစစ်များကို အသုံးပြုချင်မှ အသုံးပြုမည်ဖြစ်၍ စက်ပစ္စည်း၏ လုပ်ငန်းဆောင်ရွက်ချက်များတွင် အကျိုးသက်ရောက်မှုရှိနိုင်သည်။ ပြုပြင်ခြင်းနှင့် ဝန်ဆောင်မှုများအကြောင်းသိကောင်းစရာများကို iPhone ပြုပြင်ခြင်းဝက်ဘ်ဆိုက် ၌ ပိုမိုလေ့လာနိုင်သည်။
ဘက်ထရီ iPhone ဘက်ထရီကို သင်ကိုယ်တိုင်အစားထိုးထည့်သွင်းရန် မကြိုးစားပါနှင့်။ Apple ကုမ္ပဏီ သို့မဟုတ် တရားဝင်ဝန်ဆောင်မှု ကုမ္ပဏီတစ်ခုတို့ကသာ iPhone ထဲရှိ လစ်သီယံသံသတ္တုဘက်ထရီကို လဲလှယ်အစားထိုးသင့်သည်။ မမှန်မကန်အစားထိုးလဲလှယ်ခြင်း သို့မဟုတ် ပြုပြင်ခြင်းကြောင့် ဘက်ထရီထိခိုက်ပျက်စီးနိုင်သလို အပူလွန်ကဲခြင်း သို့မဟုတ် ထိခိုက်ဒဏ်ရာရသည်ထိ ဖြစ်နိုင်သည်။ ဘက်ထရီများကို အိမ်သုံးစွန့်ပစ်အမှိုက်များနှင့် သီးခြားစီ စွန့်ပစ်ခြင်း သို့မဟုတ် ပြန်လည်အသုံးပြုရန်ပြုလုပ်ခြင်းတို့ လုပ်ရမည်။ ဘက်ထရီကို မီးမရှို့ပါနှင့်။ ဘက်ထရီဝန်ဆောင်မှုနှင့် ပြန်လည်အသုံးပြုမှုအကြောင်း သတင်းအချက်အလက်များကို ဘက်ထရီဝန်ဆောင်မှုနှင့် ပြန်လည်အသုံးပြုမှု ဝက်ဘ်ဆိုက်တွင်ကြည့်ပါ။
အနှောက်အယှက် အချို့အခြေအနေတို့တွင် iPhone အသုံးပြုခြင်းသည် သင့်ကိုအနှောက်အယှက်ဖြစ်စေနိုင်ပြီး အန္တရာယ်ရှိသော အခြေအနေတစ်ခုကို ဖြစ်စေနိုင်သည်။ (ဥပမာ၊ စက်ဘီးစီးနေစဉ် နားကြပ်များကိုအသုံးပြုခြင်းကို ရှောင်ကြဉ်ပြီး ကားမောင်းနေစဉ် မက်ဆေ့ချ်စာရိုက်ခြင်းကို ရှောင်ကြဉ်ပါ) မိုဘိုင်းဖုန်းများ သို့မဟုတ် နားကြပ်များအသုံးပြုခြင်း တားမြစ်ထားချက် သို့မဟုတ် ပိတ်ပင်ထားချက်စည်းမျဉ်းများကိုလေ့လာပါ။ ကားမောင်းရင် ဘေးကင်းစေရေးအကြောင်း ပိုမိုသိရှိရန်iPhone တွင် Do Not Disturb While Driving ကိုဖွင့်ပါ ကိုကြည့်ပါ။
လမ်းကြောင်းပြ Maps သည် အင်တာနက်ဝန်ဆောင်မှုအပေါ် မူတည်သည်။ ၎င်းအင်တာနက်ဝန်ဆောင်မှုများသည် အပြောင်းအလဲရှိနိုင်သလို နိုင်ငံများသို့မဟုတ် ဒေသများအားလုံးတွင် မရနိုင်သောကြောင့် မြေပုံများနှင့် တည်နေရာအခြေပြုသတင်းအချက်အလက်များကို မရရှိနိုင်သလို မတိကျနိုင်သည့်အပြင် ပြည့်စုံမှုမရှိနိုင်ပါ။ သင်၏ ပတ်ဝန်းကျင်အတွက် Maps တွင်ပံ့ပိုးပေးထားသော သတင်းအချက်အလက်များနှင့် နှိုင်းယှဉ်ကြည့်ပါ။ လမ်းကြောင်းပြသည့်အခါ သာမန်အသိကို အသုံးပြုပါ။ ကွာဟချက်များကို ဖြေရှင်းရန် လက်ရှိလမ်းကြောင်းအခြေအနေများနှင့် လမ်းညွှန်ဆိုင်းဘုတ်များကို အမြဲတစေလေ့လာပါ။ အချို့ Maps အင်္ဂါရပ်များသည် တည်နေရာပြဝန်ဆောင်မှုများ လိုအပ်သည်။
အားသွင်းခြင်း USB ကြိုးနှင့် အားသွင်းခေါင်းတို့ဖြင့် iPhone ကို အားသွင်းပါ သို့မဟုတ် ပံ့ပိုးပေးသော အမျိုးအစားများတွင် Qi အသိအမှတ်ပြုကြိုးမဲ့အားသွင်းစက်တို့တွင် iPhone ကိုမျက်နှာအပ်ထားခြင်းဖြင့် အားသွင်းပါ။ “Made for iPhone” ကိရိယာများ သို့မဟုတ် USB 2.0 နှင့် နောက်ပိုင်းထွက်အမျိုးအစားများနှင့် ကိုက်ညီသော ကြားခံကြိုးများနှင့် အားသွင်းခေါင်းတို့ဖြင့် iPhone ကိုအားသွင်းပါ။ ထို့အပြင် သက်ဆိုင်သော လုံခြုံရေးသတင်းအချက်အလက်နည်းပညာပစ္စည်းကိရိယာဆိုင်ရာ အပြည်ပြည်ဆိုင်ရာ စံနှုန်းသတ်မှတ်ချက် (IEC 60950-1) အပါအဝင် တိုင်းပြည်စည်းမျဉ်းများနှင့် နိုင်ငံတကာနှင့် ဒေသဆိုင်ရာလုံခြုံရေးအဆင့်အတန်းတို့အလိုက် အားသွင်းနိုင်သည်။ အခြားအားသွင်းခေါင်းများသည် သက်ဆိုင်ရာ လုံခြုံရေးစံနှုန်းသတ်မှတ်ချက်များနှင့် ကိုက်ညီမှုရှိကောင်းရှိမှာဖြစ်ပြီး ထိုကဲ့သို့သော အားသွင်းခေါင်းများနှင့် အားသွင်းခြင်းသည် အသက်အန္တရာယ် သို့မဟုတ် ထိခိုက်ဒဏ်ရာရနိုင်သည်။
ပျက်စီးနေသော အားသွင်းကြိုးများ သို့မဟုတ် ကိရိယာများကို အသုံးပြုခြင်း သို့မဟုတ် အစိုဓာတ်ရှိနေချိန် အားသွင်းခြင်းတို့ကြောင့် မီးလောင်မှု၊ လျှပ်စစ်မီးရှော့ဖြစ်ခြင်း၊ ထိခိုက်ဒဏ်ရာရခြင်း သို့မဟုတ် iPhone ဖြစ်စေ အခြားပစ္စည်းဥစ္စာများဖြစ်စေ ပျက်စီးနိုင်သည်။ iPhone ကိုအားသွင်းရန် Apple USB အားသွင်းခေါင်းကို အသုံးပြုသည့်အခါ အားသွင်းခေါင်းကို ပလတ်ခေါင်းထဲသို့ မထိုးစိုက်မီ USB အားသွင်းကြိုးကို သေချာတပ်ဆင်ထားပါစေ။ အသုံးပြုနေစဉ် သို့မဟုတ် အားသွင်းနေချိန်တွင် iPhone နှင့် ၎င်း ၏ အားသွင်းခေါင်း သို့မဟုတ် ကြိုးမဲ့အားသွင်းစက်ကိရိယာတို့ကို လေဝင်လေထွက်ကောင်းသော နေရာတွင်ထားရှိရန် အရေးကြီးပါသည်။ ကြိုးမဲ့အားသွင်းစက်ကို အသုံးပြုချိန်တွင် ပူလာခြင်းကြောင့် သို့မဟုတ် အားသွင်းခြင်းကို အနှောင့်အယှက်ဖြစ်နိုင်သောကြောင့် အားသွင်းကိရိယာပေါ်မှ သတ္တုပစ္စည်းများကို ဖယ်ရှားထားပြီး ပြင်ပသတ္တုပစ္စည်းများ (ဥပမာအားဖြင့်၊ သော့များ၊ အကြွေစေ့များ၊ ဘက်ထရီများ သို့မဟုတ် လက်ဝတ်ရတနာ) တင်ထားခြင်းကို ရှောင်ကြဉ်ပါ။
အားသွင်းကြိုးနှင့် ချိတ်ဆက်ပစ္စည်းများ အားသွင်းကြိုးကို လျှပ်စစ်အရင်းအမြစ်တစ်ခုနှင့် ချိတ်ဆက်ထားသည့်အခါ အားသွင်းကြိုးနှင့် ချိတ်ဆက်ပစ္စည်းများကို အရေပြားဖြင့် ကြာရှည်စွာ ထိတွေ့ပါက မအီမသာဖြစ်ခြင်း သို့မဟုတ် ထိခိုက်ဒဏ်ရာရစေနိုင်သောကြောင့် ရှောင်ကြဉ်ပါ။ အားသွင်းကြိုးနှင့် ချိတ်ဆက်ပစ္စည်းပေါ်တွင် အိပ်စက်ခြင်း သို့မဟုတ် ထိုင်ခြင်းတို့ကို ရှောင်ကြဉ်ပါ။
ကြာရှည်စွာအပူနှင့်ထိတွေ့ခြင်း iPhoneနှင့် ယင်း၏ USB အားသွင်းခေါင်းတို့သည် လုံခြုံရေးသတင်းအချက်အလက်နည်းပညာ ပစ္စည်းကိရိယာဆိုင်ရာ အပြည်ပြည်ဆိုင်ရာစံနှုန်းသတ်မှတ်ချက် (IEC 60950-1) ကသတ်မှတ်ထားသည့် မျက်နှာပြင်အပူချိန် စံနှုန်းနှင့် ကန့်သတ်ချက်တို့ကို လိုက်နာထုတ်လုပ်ထားသည်။ သို့သော် ၎င်းသတ်မှတ်ချက်များရှိသော်လည်း ပူနွေးသောထိုမျက်နှာပြင်များနှင့် အချိန်ကြာမြင့်စွာဆက်တိုက်ထိတွေ့လျှင် မအီမသာဖြစ်ခြင်း သို့မဟုတ် ထိခိုက်ဒဏ်ရာ ရစေနိုင်သည်။ စက်ပစ္စည်းတစ်ခု၊ ၎င်း၏အားသွင်းခေါင်း သို့မဟုတ် ကြိုးမဲ့အားသွင်းစက်များကို အသုံးပြုနေစဉ်ဖြစ်စေ လျှပ်စစ်အားပေါက်တစ်ခုနှင့် ချိတ်ဆက်ထားသည့်အခါ သင်၏အရေပြားနှင့်ထိတွေ့ရသည့် အခြေအနေများကို သတိထား၍ ရှောင်ကြဉ်ပါ။ ဥပမာအားဖြင့် လျှပ်စစ်အားလိုင်းနှင့် ချိတ်ဆက်ထားသော စက်ပစ္စည်းတစ်ခု၊ အားသွင်းခေါင်း၊ သို့မဟုတ် ကြိုးမဲ့အားသွင်းစက်များ အပေါ်တွင် မအိပ်ပါနှင့် သို့မဟုတ် ၎င်းတို့ကို စောင်အောက်၊ ခေါင်းအုံးအောက် သို့မဟုတ် မိမိခန္ဓာကိုယ်အောက်တွင် မထားရှိပါနှင့်။ အသုံးပြုနေစဉ် သို့မဟုတ် အားသွင်းနေချိန်တွင် iPhone နှင့် ၎င်း ၏ အားသွင်းခေါင်း သို့မဟုတ် ကြိုးမဲ့အားသွင်းစက်ကိရိယာတို့ကို လေဝင်လေထွက်ကောင်းသော နေရာတွင်ထားရှိပါ။ သင်၏ကိုယ်လက်များသည် အပူခံစားမှုအစွမ်းကို သက်ရောက်မှုရှိသော ရုပ်ပိုင်းဆိုင်ရာ အခြေအနေတစ်ခုရှိလျှင် အထူးသတိထားကိုင်တွယ်ပါ။
USB အားသွင်းခေါင်း Apple USB အားသွင်းခေါင်းကို အပူအားနှင့် ဆက်နွယ်သော ထိခိုက်ဒဏ်ရာရရှိနိုင်ခြေကို လျှော့ချပြီး ဘေးကင်းကင်းနှင့် အသုံးပြုရန် အားသွင်းခေါင်းကို လျှပ်စစ်အားပလတ်ပေါက်နှင့် တိုက်ရိုက်ချိတ်ဆက်ပါ။ ပန်းကန်ဆေးကန်၊ ရေချိုးကန် သို့မဟုတ် ရေချိုးရေပန်းတို့ကဲ့သို့ စိုစွတ်သည့်နေရာများတွင် အားသွင်းခေါင်းကို အသုံးမပြုပါနှင့်။ စိုစွတ်သော လက်များနှင့် အားသွင်းခေါင်းတို့ကို တပ်ခြင်းဖြုတ်ခြင်း မပြုလုပ်ပါနှင့်။ အောက်ဖော်ပြပါအခြေအနေများထဲမှ တစ်ခုခုဖြစ်ခဲ့လျှင် အားသွင်းခေါင်းနှင့် မည်သည့်အားသွင်းကြိုးဖြစ်ပါစေ အသုံးမပြုပါနှင့်၊
အားသွင်းပလတ်ခေါင်း သို့မဟုတ် ပလတ်တံတို့ ပျက်စီးနေသည်။
အားသွင်းကြိုးသည် ကြိုးဖွာနေသည် သို့မဟုတ်ပါက ပျက်စီးနေသည်။
အားသွင်းခေါင်းသည် အစိုဓာတ်နှင့်အလွန်အကျွံထိတွေ့ထားသည် သို့မဟုတ် အားသွင်းခေါင်းပေါ်သို့ အရည်ဖိတ်ကျထားသည်။
အားသွင်းခေါင်းပြုတ်ကျထားပြီး ၎င်းဘေးဘီတို့ပျက်စီးနေသည်။
18W USB အားသွင်းခေါင်း အသေးစိတ်အချက်အလက်များ၊
ကြိမ်နှုန်း၊ 50 မှ 60 Hz ထိ၊ ဓာတ်အားတစ်ခုတည်းစီးဝင်မှုစနစ်
လျှပ်စစ်ဓာတ်စီးအား၊ 100 မှ 240 V ထိ
လျှပ်စီးထွက်အား၊ 5V/3A သို့မဟုတ် 9V/2A
5W USB အားသွင်းခေါင်း အသေးစိတ်အချက်အလက်များ၊
ကြိမ်နှုန်း၊ 50 မှ 60 Hz ထိ၊ ဓာတ်အားတစ်ခုတည်းစီးဝင်မှုစနစ်
လျှပ်စစ်ဓာတ်စီးအား၊ 100 မှ 240 V ထိ
လျှပ်စီးထွက်အား၊ 5V/1A
အကြားအာရုံထိခိုက်ခြင်း အသံကျယ်လောင်စွာ နားထောင်ခြင်းကြောင့် သင်၏အကြားအာရုံကို ထိခိုက်စေသည်။ နောက်ခံဆူညံသံအပြင် ကျယ်လောင်သော အသံများနှင့် ဆက်တိုက်ထိတွေ့ခြင်းတို့ကြောင့် အသံသည် ထင်သည်ထက်ပို၍ တိတ်ဆိတ်သည်ဟု ထင်ရသည်။ သင်၏နားထဲသို့ မည်သည့်အရာမှ မထည့်သွင်းမီ အသံဖိုင်ကိုဖွင့်၍ အသံအတိုးအကျယ်ကို စစ်ပါ။ အမြင့်ဆုံး အသံနှုန်းတစ်ခုကို ကန့်သတ်မှုထားရှိနည်းအကြောင်း သတင်းအချက်အလက်များအတွက်iPhone တွင်သီချင်းဖွင့်ခြင်း ကိုကြည့်ပါ။ အကြားအာရုံထိခိုက်ခြင်းအကြောင်း သတင်းအချက်အလက်များ ပိုမိုသိရှိရရန် အသံနှင့်အကြားအာရုံဝက်ဘ်ဆိုက် ကို ကြည့်ရှုပါ။
သတိပေးချက် အကြားအာရုံပျက်စီးခြင်းများမရှိစေရန် အချိန်ကာလကြာမြင့်စွာ အသံကျယ်ကျယ်ထား၍ နားမထောင်ပါနှင့်။
ရေဒီယို လှိုင်းထုတ်လွှင့်မှုနှင့်ထိတွေ့ခြင်း iPhone သည် ကြိုးမဲ့ကွန်ရက်များကို ချိတ်ဆက်ရန် ရေဒီယိုထုတ်လွှင့်လှိုင်းများကို အသုံးပြုသည်။ ရေဒီယိုထုတ်လွှင့်မှုလှိုင်းမှ အကျိုးဆက်အနေနှင့် ရေဒီယိုကြိမ်နှုန်း (RF) စွမ်းအင်နှင့် ထုတ်လွှင့်မှုကို အနည်းဆုံးဖြစ်စေရန် လုပ်ရမည့်အဆင့်များအကြောင်း ပိုမိုသိလိုလျှင် Settings > General > About > Legal > RF Exposure သို့သွားပါ သို့မဟုတ် ရေဒီယိုလှိုင်းထုတ်လွှင့်မှုဝက်ဘ်ဆိုက် ကိုကြည့်ပါ။
ရေဒီယိုလှိုင်းနှောင့်ယှက်သံ ဆိုင်းဘုတ်များနှင့် အီလက်ထရွန်းနစ်စက်ပစ္စည်းများကို အသုံးမပြုရန် သို့မဟုတ် တားမြစ်ထားသည့် သတိပေးစာများကို ရှာဖွေပါ။ iPhone ကို အစိုးရပိုင်ရေဒီယိုလှိုင်းထုတ်လွှင့်မှု စည်းမျဉ်းများနှင့် သင့်မြတ်အောင် ဒီဇိုင်းဆွဲစမ်းသပ်၍ ထုတ်လုပ်ထားသော်လည်း ယခုလို iPhone မှလှိုင်းများထုတ်လွှင့်မှုကြောင့် အီလက်ထရွန်းနစ်စက်ပစ္စည်းများကိုအကျိုးသက်ရောက်ကာ ချွတ်ယွင်းချက်များ ဖြစ်စေနိုင်သည်။ လေယာဉ်စီးနင်းခရီးသွားစဉ်ကဲ့သို့သော အသုံးပြုခြင်းကို ပိတ်ပင်ထားသည့်အခါ သို့မဟုတ် သက်ဆိုင်ရာအာဏာပိုင်တို့မှ ပိတ်ထားရန်တောင်းဆိုလာသည့်အခါ iPhone များကို ပိတ်ထားပါ၊ သို့မဟုတ်လေယာဉ်စီးသည့်စနစ်ကိုသုံးပါသို့မဟုတ် Settings > Wi-Fi and Settings > Bluetooth သို့သွားကာ iPhone ၏ကြိုးမဲ့လှိုင်းထုတ်လွှင့်မှုကိုပိတ်ထားပါ။
ဆေးဘက်သုံးစက်ပစ္စည်းများကို အနှောက်အယှက်ဖြစ်စေခြင်း iPhone သည် အစိတ်အပိုင်းများစွာပါရှိပြီး လျှပ်စစ်သံလိုက်စက်ကွင်းများ ထုတ်လွှင့်သည့် ရေဒီယိုများလည်း ပါဝင်သည်။ iPhone တွင် သံလိုက်များပါသည့်အပြင် EarPods ထဲတွင်လည်း သံလိုက်များပါရှိသည်။ ၎င်းလျှပ်စစ်သံလိုက်စက်ကွင်းများနှင့် သံလိုက်များကြောင့် နှလုံးခုန်စက်အတုနှင့် နှလုံးနှိုးစက်များကဲ့သို့သော ဆေးဘက်သုံးစက်ပစ္စည်းများကို အနှောင့်အယှက်ဖြစ်စေသည်။ သင်၏ဆေးဘက်သုံးစက်ကိရိယာနှင့် iPhone နှင့် EarPods တို့ကို အကွာအဝေးတစ်ခုထိ ခွာထားရန် လိုအပ်မှုရှိမရှိကို သင်၏ဆရာဝန်နှင့် ဆေးဘက်သုံးစက်ပစ္စည်းထုတ်လုပ်သူတို့နှင့် သင်သုံးနေသည့်ဆေးဘက်သုံးစက်ကိရိယာအကြောင်း ဆွေးနွေးပါ။ iPhone သို့မဟုတ် EarPods များသည် သင်၏ဆေးဘက်သုံးစက်ပစ္စည်းကို အနှောင့်အယှက်ဖြစ်စေသည်ဟု သံသယရှိလျှင် iPhone သို့မဟုတ် EarPods အသုံးပြုခြင်းကို ရပ်ပါ။
ဆေးဘက်သုံးစက်ပစ္စည်းမဟုတ်ပါ iPhone သည် ဆေးဘက်သုံးစက်ပစ္စည်းတစ်ခုမဟုတ်သောကြောင့် ကျွမ်းကျင်အဆင့်ဆေးဘက်ဆိုင်ရာသုံးသပ်ချက်များထုတ်ရန် အစားထိုးစက်အဖြစ် အသုံးမပြုသင့်ပါ။ ထိုစက်ပစ္စည်းကို ရောဂါရှာဖွေခြင်း သို့မဟုတ် အခြားသောအခြေအနေများအတွက်နှင့် ကုထုံး၊ ရောဂါသက်သာစေခြင်း၊ ဆေးကုသခြင်း သို့မဟုတ် အခြေအနေတစ်ခုခုကို ကာကွယ်ရန်သို့မဟုတ် ရောဂါကာကွယ်ရာတွင်သုံးရန်အတွက် ထုတ်ထားခြင်းလည်း မဟုတ်ပါ။ သင်၏ကျန်းမာရေးနှင့် ဆက်နွယ်သည့် ဆုံးဖြတ်ချက်များမချမှတ်မီ သင်၏ကျန်းမာရေးစောင့်ရှောက်ကုသပေးသူနှင့် ဦးစွာတိုင်ပင်ပါ။
ဆေးဘက်ဆိုင်ရာအခြေအနေများ သင်သည် ကုသနေသည့်အခြေအနေ သို့မဟုတ် iPhone ကြောင့်ဖြစ်စေ လျှပ်တစ်ပြက်မီးများကြောင့်ဖြစ်စေ ထိခိုက်နိုင်သည်ဟု ယုံကြည်စေသည့် ရောဂါလက္ခဏာများ ပေါ်လာလျှင် (ဥပမာ လေဖြတ်ခြင်းများ၊ မေ့လဲခြင်းများ၊ မျက်စိနာခြင်း သို့မဟုတ် ခေါင်းကိုက်ခြင်းများ) iPhone အသုံးပြုခြင်းနှင့်ပတ်သက်၍ သင်၏ ဆရာဝန်နှင့် ဦးစွာတိုင်ပင်ပါ။
ပေါက်ကွဲစေနိုင်ပြီး ပတ်ဝန်းကျင်ကို ထိခိုက်စေနိုင်သောအခြေအနေများ လေထုထဲတွင် မီးလောင်လွယ်သော ဓာတုပစ္စည်းများ၊ ငွေ့ပျံရည်များ သို့မဟုတ် ဒြပ်မှုန်များ (အစေ့အဆန်၊ အမှုန့် သို့မဟုတ် သတ္တုအမှုန့်များကဲ့သို့) သိပ်သည်းနေသည့်ဧရိယာကဲ့သို့သော ပေါက်ကွဲနိုင်ခြေရှိသော ဧရိယာတွင် iPhone ကိုအားသွင်းခြင်း သို့မဟုတ် အသုံးပြုခြင်းသည် အန္တရာယ်များနိုင်သည်။ ဟီလီယမ်ကဲ့သို့သော ငွေ့ရည်ဖွဲ့ဓာတ်ငွေ့များအပါအဝင် စက်မှုသုံးဓာတုပစ္စည်းများ သိပ်သည်းနေသည့် ပတ်ဝန်းကျင်များတွင် iPhone ထုတ်သုံးခြင်းသည် iPhone ကိုပျက်စီးစေနိုင်သလို လုပ်ငန်းဆောင်တာအပိုင်းချွတ်ယွင်းနိုင်သည်။ သင်္ကေတများနှင့် ညွှန်ကြားချက်များအားလုံးကို လိုက်နာပါ။
ဆက်တိုက်အသုံးပြုခြင်း iPhone တွင်စာရိုက်ခြင်း၊ ပွတ်ဆွဲခြင်း သို့မဟုတ် ဂိမ်းကစားခြင်းတို့ကို ဆက်တိုက်လုပ်ဆောင်နေသည့်အခါ သင်၏လက်များ လက်မောင်းများ၊ လက်ကောက်ဝတ်များ၊ ပခုံးများ၊ လည်ပင်း သို့မဟုတ် ခန္ဓာကိုယ်အခြားအစိတ်အပိုင်းများတွင် မအီမသာဖြစ်နိုင်သည်။ ကိုယ်လက်မအီမသာဖြစ်လျှင် iPhone အသုံးပြုခြင်းကို ရပ်နားပြီး ဆရာဝန်နှင့်တိုင်ပင်ကြည့်ပါ။
အကျိုးဆက်များသောလုပ်ဆောင်ချက်များ စက်ပစ္စည်းပျက်စီးမှုကြောင့် အသက်ဆုံးရှုံးရခြင်း၊ ကိုယ်တိုင်ထိခိုက်ဒဏ်ရာရခြင်း သို့မဟုတ် ပတ်ဝန်းကျင်ကိုအပြင်းအထန်ထိခိုက်စေနိုင်သည့် နေရာတွင် ဤစက်ပစ္စည်းကိုအသုံးပြုရန် မရည်ရွယ်ထားပါ။
အသက်ရှူကျပ်စေသောအန္တရာယ် အချို့သော iPhone ဆက်စပ်ပစ္စည်းများသည် ကလေးငယ်များအတွက် အသက်ရှူကျပ်စေနိုင်သည်။ အဆိုပါဆက်စပ်ပစ္စည်းများကို ကလေးငယ်များနှင့် ဝေးရာတွင်ထားပေးပါ။