iPhone ရှိအက်ပ်များထဲတွင် VoiceOver ကိုသုံးခြင်း
ဖန်သားပြင်ပိတ်နေသည့်အခါလျှင်ပင် မြေပုံများ၊ ကင်မရာ၊ ဓာတ်ပုံများ၊ အသံမှတ်စု၊ Safari အစရှိသည့်အက်ပ်စ်များနှင့်အပြန်အလှန်လုပ်ဆောင်ရန် VoiceOver ကိုသုံးနိုင်သည်။
Phone တွင် VoiceOver ကိုသုံး၍ဖုန်းခေါ်ဆိုခြင်းနှင့်ဖုန်းလက်ခံခြင်း
ဖုန်းခေါ်ဆိုမှုများပြုလုပ်ရန်နှင့်လက်ခံရရှိရန် VoiceOver ကိုသုံးပါ။
ဖုန်းဖြေဆိုခြင်း သို့မဟုတ် ဖုန်းချခြင်း၊ လက်ချောင်းနှစ်ချောင်းနှင့်ဖန်သားပြင်ကို နှစ်ကြိမ်ဆက်နှိပ်ပါ။
VoiceOver ဖြင့်ဖုန်းခေါ်ဆိုသည့်အခါ၊ ခေါ်ဆိုရန်ရွေးချယ်မှုများပြသမည့်အစားဖန်သားပြင်တွင်ဂဏန်းခလုတ်ခုံအသေးစားပြသမှုပုံသေးပေါ်လာမည်။
ခေါ်ဆိုရန်ရွေးချယ်မှုများကိုပြသခြင်း၊ ညာဘက်အောက်ခြေထောင့်ရှိ Hide Keypad ခလုတ်ကို ရွေးပါ၊ ထို့နောက် နှစ်ကြိမ်ဆက်နှိပ်ပါ။
ဂဏန်းခလုတ်ခုံအသေးစားကိုထပ်မံပြသခြင်း၊ ဖန်သားပြင်အလယ်နားရှိ Keypad ခလုတ်ကိုရွေးချယ်ပါ၊ ထို့နောက်နှစ်ကြိမ်ဆက်နှိပ်ပါ။
VoiceOver ကိုသုံး၍ Apple Books သို့မဟုတ် Files ထဲရှိ PDF စာရွက်စာတမ်းများကိုဖတ်ခြင်း
PDF စာရွက်စာတမ်းများရှိ- ပုံစံများ၊ဇယားများနှင့်စာရင်းများကဲ့သို့- သတင်းအချက်အလက်အသေးစိတ်ကို VoiceOver မှဖတ်နိုင်သည်။
Safari ထဲတွင် VoiceOver ဖြင့် ဝက်ဘ်စာမျက်နှာကိုရှာဖွေခြင်း
ဝက်ဘ်စာမျက်နှာကိုရှာဖွေခြင်း၊ ရှာဖွေအကွက်ကိုရွေးချယ်၍ စာရိုက်ခလုတ်ခုံ နှစ်ကြိမ်ဆက်နှိပ်ပါ၊ ရှာဖွေမည့်အရာကို ရိုက်ထည့်ပါ၊ ထို့နောက် အကြံပြုထားသည့် ရှာဖွေရန်ပုဒ်စုများကို အောက် သို့မဟုတ် အပေါ်သို့ရွှေ့ရန် ညာဘက် သို့မဟုတ် ဘယ်ဘက်သို့ ပွတ်ဆွဲပါ။ ထို့နောက်ရွေးချယ်ထားသည့်ပုဒ်စုကိုသုံး၍ ဝက်ဘ်စာမျက်နှာကိုရှာရန် ဖန်သားပြင်ကို နှစ်ကြိမ်ဆက်နှိပ်ပါ။
အဓိကသီးသန့်အမျိုးအစားတစ်ခုချင်းစီ၏နောက်ထပ်စာမျက်နှာကိုကျော်ခြင်း၊ ရိုတာကို-ခေါင်းစဉ်များနှင့် လင့်ခ်များကဲ့သို့သော-အဓိကအမျိုးအစားသို့စီစဉ်ပါ၊ ထို့နောက်အပေါ် သို့မဟုတ် အောက်သို့ရွှေ့ပါ။
ဝက်ဘ်စာမျက်နှာရှာဖွေမှုအတွက်ရိုတာချိန်ညှိမှုကိုစတင်ခြင်း၊ Settings
> Accessibility > VoiceOver > Rotor သို့သွားပါ။ select သို့မဟုတ် deselect ချိန်ညှိမှုများကိုနှိပ်ပါ၊ သို့မဟုတ် အမျိုးအစားတစ်ခုကို ပြန်နေရာချရန်
အပေါ် သို့မဟုတ် အောက်သို့ပွတ်ဆွဲပါ။
ရွှေ့နေစဉ်တွင်ပုံများကိုကျော်ခြင်း၊ Settings >> Accessibility > VoiceOver > Navigate Images သို့သွားပါ။ ပုံများအားလုံး သို့မဟုတ် ညွှန်ကြားချက်များမပါသည့် ပုံချည်းသက်သက်ကိုသာ ကျော်ရန် ရွေးချယ်နိုင်သည်။
အလွယ်တကူဖတ်ခြင်းနှင့် ရွှေ့ခြင်းလုပ်ရန်အတွက် စာမျက်နှာများရှုပ်ပွနေခြင်းကိုလျှော့ချခြင်း၊ Safari လိပ်စာအကွက်ထဲရှိ Reader အမျိုးအစားကို ရွေးချယ်ပါ (ဝက်ဘ်စာမျက်နှာမာျးအားလုံးအတွက်မဖြစ်နိုင်ပါ)။
နည်းပညာများကို အထောက်အကူပြုစေရန် ဝက်ဘက်ဆိုဒ်များ၏ လုပ်ဆောင်ပုံများကို စိတ်ကြိုက်ပြုလုပ်ဆောင်နိုင်ရန် ခွင့်ပြုပေးခြင်း၊ Settings > General > Accessibility > VoiceOver > Web သို့သွားပါ၊ ထို့နောက် Accessibility Events ကိုဖွင့်ပါ။ ဤချိန်ညှိမှုသည် သင့် iPhone တွင်အထောက်အကူဖြစ်သည့်နည်းပညာ ပွင့်မပွင့်ကိုပြသနိုင်သည်။
အကြံပြုချက် အကယ်၍ Magic Keyboard ကို iPhone နှင့်ချိတ်ဆက်ပါက၊ ဖွင့်ထားသည့်ဝက်ဘ်စာမျက်နှာများသို့ single-key Quick Nav ညွှန်ကြားချက်များကိုသုံးနိုင်သည်။
VoiceOver ကိုသုံး၍သင်္ချာညီမျှခြင်းများကိုဖတ်ပါ။
VoiceOver သည် ဝက်ဘ်စာမျက်နှာပေါ်ရှိသင်္ချာညီမျှခြင်းများကိုဖတ်နိုင်သည် (MathML ကိုသုံး၍စာဝှက်ရေးထားသည်) Numbers နံပါတ်များနှင့် Keynote ကဲ့သို့ Apple အက်ပ်စ်များအကူအညီဖြင့်ဖြစ်သည်။
ညီမျှခြင်းတစ်ခုကြားရခြင်း၊ VoiceOver သည်စာသားကိုထုံးစံအတိုင်းဖတ်သည်။ ညီမျှခြင်းကိုစဖတ်ခြင်းမပြုမီတွင် VoiceOver က “math” ဟုပြောသည်။
ထိုညီမျှခြင်းကိုရှာဖွေခြင်း၊ ဖန်သားပြင်အပြည့်ဖြင့်၎င်းကိုပြပြီး တစ်ကြိမ်လျှင်တစ်စု ၎င်းမှတစ်ဆင့်ရွှေ့ရန်ရွေးချယ်ထားသည့် ညီမျှခြင်းကိုနှစ်ခါနှိပ်ပါ။ ညီမျှခြင်းအစုများကိုဖတ်ရန်ဘယ် သို့မဟုတ် ညာသို့ရွှေ့ပါ။ သင်္ကေတများ၊ အသေးစားဖော်ပြချက်များ၊အလတ်စားဖော်ပြချက်များ၊ သို့မဟုတ် အကြီးစားဖော်ပြချက်များကို ရွေးချယ်ရန် ရိုတာကိုသုံးပါ၊ ထို့နောက် ယင်းအရွယ်အစား၏နောက်အစုကိုကြားရန်အပေါ် သို့မဟုတ် အောက်သို့ရွှေ့ပါ။ ရွေးချယ်ထားသည့်အစုပေါ်တွင် အဓိကထားသည့် ညီမျှခြင်းထဲသို့ မွှေနှောက်ရှာဖွေရန် ရွေးချယ်ထားသည့်အစုကို ဆက်တိုက်နှစ်ကြိမ်နှိပ်ပါ၊ ထို့နောက်တစ်ကြိမ်လျှင် တစ်ပိုင်းဖတ်ရန်ဘယ် သို့မဟုတ် ညာ၊ သို့မဟုတ် အပေါ် သို့မဟုတ် အောက်သို့ရွှေ့ပါ။
VoiceOver ဖြင့်ပြောထားသည့် ညီမျှခြင်းများကို Nemeth ကုဒ်သုံး၍ မျက်မမြင်စာကိရိယာတွင်လည်း ထုတ်နိုင်သကဲ့သို့ ပေါင်းစပ်ထားသည့်အင်္ဂလိပ်မျက်မမြင်စာ၊ ဗြိတိသျှအင်္ဂလိပ်စာ၊ ပြင်သစ်နှင့်ဂရိစာတို့ဖြင့်သုံးထားသည့်ကုဒ်များဖြင့်လည်းပြနိုင်သည်။ iPhone တွင် VoiceOver ဖြင့် မျက်မမြင်စာပြသမှုကို သုံးပါ ကိုကြည့်ပါ။
VoiceOver ဖြင့် Maps တွင်ရှာဖွေခြင်း
Maps အက်ပ်ထဲတွင် ဒေသတစ်ခု၊ စိတ်ဝင်စားသည့်နေရာများရှာဖွေရန်၊ လမ်းများလိုက်ကြည့်ရန်၊ ပုံကြီးချဲ့ရန် သို့မဟုတ် ချုံ့ရန်၊ ပင်(pin) ရွေးချယ်ရန် သို့မဟုတ် တည်နေရာနှင့် ပတ်သက်၍ သတင်းအချက်အလက်ရရှိရန် VoiceOver ကိုသုံးနိုင်သည်။
သင်၏လက်ရှိတည်နေရာကို မြေပုံတွင်လိုက်ကြည့်ပုံကို ထိန်းချုပ်ခြင်း၊ သင်အလိုရှိသည့် လမ်းကြောင်းရွေးချယ်မှုကိုကြားသည်အထိ
ကိုနှစ်ကြိမ်ဆက်နှိပ်ပါ၊
Tracking ကိုဖွင့်ခြင်း၊ ဤမြေပုံသည်သင်၏လက်ရှိတည်နေရာကိုအလိုအလျောက်ဗဟိုပြုသည်။
ဦးတည်ရာဖြင့်Tracking ကိုဖွင့်ခြင်း၊ ဤမြေပုံသည်သင်၏လက်ရှိတည်နေရာတွင်အလိုအလျောက်ဗဟိုပြုပြီးလည်နေမည်ဖြစ်သည်ထို့ကြောင့်သင်မျက်နှာမူထားသည့် ဦးတည်ရာသည်ဖန်သားပြင်၏ထိပ်တွင်ရှိသည်။ ဤပုံစံတွင် iPhone သည် သင်ချဉ်းကပ်လိုက်သည့် လမ်းနာမည်များနှင့် စိတ်ဝင်စားဖွယ်နေရာများကို ပြောပြသည်။
Tracking ကိုပိတ်ခြင်း၊ ဤမြေပုံသည်သင်၏လက်ရှိတည်နေရာကိုအလိုအလျောက်ဗဟိုပြုခြင်းမရှိတော့ပါ။
မြေပုံကိုရှာဖွေခြင်း၊ ဖန်သားပြင်တစ်ဝိုက်ကိုသင့်လက်ချောင်းပွတ်ဆွဲပါ၊ သို့မဟုတ်အခြားအမျိုးအစားသို့ပြောင်းရန်ဘယ် သို့မဟုတ် ညာသို့ရွှေ့ပါ။
ဓာတ်ပုံ ချုံ့ရန် သို့မဟုတ် ချဲ့ရန်၊ မြေပုံနေရာကိုရွေးချယ်ပါ၊ ပုံချုံ့ချဲ့သည့်နေရာသို့ရိုတာကိုထားပါ၊ လက်ချောင်းတစ်ချောင်းဖြင့်အောက် သို့မဟုတ် အပေါ်သို့ရွှေ့ပါ။
၎င်းမြေပုံကိုအနီးကပ်ဆွဲချဲ့ခြင်း၊ လက်ချောင်းသုံးချောင်းနှင့်ရွှေ့ပါ။
မြင်နိုင်သောစိတ်ဝင်စားဖွယ်နေရာများကိုရှာဖွေခြင်း၊ စိတ်ဝင်စားဖွယ်နေရာများသို့ ရိုတာကိုနေရာချပါ၊ ထို့နောက်လက်ချောင်းတစ်ချောင်းဖြင့်အပေါ် သို့မဟုတ် အောက်သို့ရွှေ့ပါ။
လမ်းတစ်လမ်းကိုလိုက်ကြည့်ခြင်း၊ ၎င်းလမ်းပေါ်တွင်လက်ချောင်းကိုဖိထားပြီး “pause to follow” ဟုကြားသည်အထိစောင့်ပါ၊ ထို့နောက်လမ်းညွှန်သံနားထောင်၍လက်ချောင်းကိုလမ်းတစ်လျှောက်ရွှေ့ပါ။ ထိုလမ်းမှလွဲချော်သွားသည့်အခါအသံကျယ်လာမည်။
ပင်တစ်ခုကိုရွေးချယ်ခြင်း၊ ပင်တစ်ခုကိုထိပါ သို့မဟုတ် ပင်ရွေးရန် ဘယ် သို့မဟုတ် ညာသို့ရွှေ့ပါ။
တည်နေရာတစ်ခု၏ အချက်အလက်ရယူခြင်း၊ ပင်တစ်ခုရွေးချယ်ပြီးသတင်းအချက်အလက်စာတွဲကိုပြသရန် နှစ်ကြိမ်ဆက်နှိပ်ပါ။ More Info ခလုတ်ကိုရွေးရန်ဘယ် သို့မဟုတ် ညာသို့ရွှေ့ပါ၊ ထို့နောက်သတင်းအချက်အလက်စာမျက်နှာကိုပြသရန် နှစ်ကြိမ်ဆက်နှိပ်ပါ။
VoiceOver ဖြင့် ကင်မရာ၊ Photos နှင့် Voice Memos များသုံးခြင်း
ကင်မရာဗီဒီယိုများနှင့် Voice Memos အသံဖမ်းခြင်းများရိုက်ကူးခြင်းနှင့် တည်းဖြတ်ခြင်းအတွက် VoiceOver လက်ဟန်အမူအရာများကိုသုံးပါ။
ရိုက်ကူးမှုတစ်ခုကို ခေတ္တရပ်ခြင်း သို့မဟုတ် ဆက်လက်လုပ်ဆောင်ခြင်း လက်ချောင်းနှစ်ချောင်းနှင့်ဖန်သားပြင်ကို နှစ်ကြိမ်ဆက်နှိပ်ပါ။
ဗီဒီယိုကိုဖြတ်တောက်ခြင်း၊ Photos တွင် ဗီဒီယိုဖိုင်တစ်ခုကို ကြည့်နေစဉ်အတွင်း အဆိုပါဗီဒီယိုကိုညွှန်ကြားသည့်ခလုတ်များကို ပြသရန် ဖန်သားပြင်ကို နှစ်ကြိမ်ဆက်နှိပ်ပါ၊ ထို့နောက် ဖြတ်တောက်သည့်ကိရိယာ၏ အစ သို့မဟုတ် အဆုံးကိုရွေးပါ။ ထို့နောက်ညာဘက်သို့ဆွဲယူရန် အပေါ်သို့ရွှေ့ပါ၊ သို့မဟုတ် ဘယ်ဘက်သို့ဆွဲယူရန်အောက်သို့ရွှေ့ပါ။ ရိုက်ကူးထားသည်မှ လက်ရှိနေရာအထိ ဖြတ်တောက်မည့် အချိန်ပမာဏကို VoiceOver ကကြေညာပေးသည်။ ဖြတ်တောက်မှုပြီးမြောက်ရန် Trim ကိုရွေးချယ်ပါ၊ ထို့နောက်နှစ်ကြိမ်ဆက်နှိပ်ပါ။
အသံမှတ်စုကိုဖြတ်တောက်ခြင်း၊ Voice Memos ရှိဖြတ်မည့်မှတ်စုကိုရွေးချယ်ပါ၊ Edit ကိုနှိပ်ပါ၊ ထို့နောက် Start Trimming ကိုနှိပ်ပါ။ ရွေးချယ်မှုအစ သို့မဟုတ် အဆုံးကိုရွေးချယ်ပါ၊နှစ်ကြိမ်ဆက်နှိပ်ပြီးထိန်းထားပါ၊ ထို့နောက်ညှိရန်ပွတ်ဆွဲပါ။ ရိုက်ကူးထားသည်မှ လက်ရှိနေရာအထိ ဖြတ်တောက်မည့် အချိန်ပမာဏကို VoiceOver ကကြေညာပေးသည်။ ဖြတ်တောက်ထားသည့်ရိုက်ကူးထားမှုကိုကြိုတင်ကြည့်ရန် Play ကိုနှိပ်ပါ။ သင်အလိုရှိသည့်အတိုင်းရသည့်အခါ Trim ကိုနှိပ်ပါ။