Betchete a- d' aprepiaedje

Li betchete a- d' aprepiaedje, c' est ene des sôres del betchete a-.

C' est ene vicante betchete ki mostere k' el mouvmint si fwait aviè l' ci ki djåze (a- d' aprepiaedje).

Li betchete a d' aprepiaedje s' abetchtêye a :

• des viebes sins coplemint
  • di mouvmint: acori, abizer,
  • k' aprestèt on mouvmint: atchessî, ahertchî, atourner, avoyî, abouter, abouler, s' assåver, atchôkî
• des dvancetes : addé, aviè, amon

Li contråve betchete, c' est l' betchete e- d' endalaedje. Li viebe contråve pout eto esse basti avou li spitron "evoye", kécfeye "foû".

Ele respond al betchete francesse a- (accourir). Mins li gn a bråmint moens di sfwaits viebes e francès k' e walon.

Li betchete a- d' aprepiaedje si loye voltî al betchete ri- po fé l' betchete ra- d' raprepiaedje.

Egzimpes di mots

Mots classikes

• abizer (<> bizer evoye)
• abouler
• abouter
• abroker
• abrotchî
• acori (<> s' ecori)
• aclepter
• adårer (<> dårer evoye)
• addé
• adjeter
• adramter
• adschinde
• afure
• ahertchî (<> ehertchî)
• amoenner (<> emoenner, moenner evoye)
• amoussî (<> moussî foû)
• apasser
• aplonkî
• aploure
• apoirter (<> epoirter)
• aprepyî
• ariver
• aroufler
• aspiter (<>sipiter evoye)
• s' assåver (<> s' essåver)
• assaetchî (<> essaetchî)
• atchessî (<> etchessî)
• atchôkî
• atoumer
• aviè (<> eviè)
• avni
• avoyî (<> evoyî, voyî evoye)
• azûner

Noûmots

Elle a eto siervou dins les noûmots :

• aberweter (<> eberweter)

Istwere del betchete

Cisse piceure la do walon est ddja viye, ca on rtrouve des sfwaits viebes dins les scrijhaedjes di Djhan d' Djudla-Mouze

I trovît bén 7000 Djwifs k' estént afûs del tere di Djudêye (Djan d' Djudla Mouze, I, 374)

La co èn egzimpe del mitan do 15inme sieke :

La, il a aploveut todi grand djins (Djihan di Ståvleu, 1757)

Hårdêye difoûtrinne

• Sacwants viebes avou l' betchete a- d' aprepiaedje (ki sont dedja sol Wiccionaire)