Dildariyan

Ye story do families k aas pass ghumti hai :

Sinha family:
(1):Mr.raghuveer sinha: yeh is parivar ke mukhiya hain .present age 48 years.inhone apni life mein bahut
mehnat ki aur is ke balbute ek bahut badi company ke malik hain. apne bete se bahut pyar karte hain
.toh kul milakar ek khusnaseeb insan hain jinke pass paisa hai aur ek pyara sa parivar hai...
(2):Mrs.sunidhi sinha: present age 46 years .. raghuveer ki wife hain.kafi padhi hain aur ek bade pariwar
ki beti hain.inhone apne pati ka Bahut sath diya business mein.Lekin aaj kal ghar par hi rehti hain kionk
apne bete se jaan se bhi jyada pyar karti hain isliye naukaron ki fauj hone ke bawjud apne bete ki har
choti badi jarurat ka khyal khud rakhti hain....
(3)Mr.Raj sinha :present age 20 years..inke bare mein kya btaun ye khud aj tak apne aap ko samj nahi
paya ..is ek insaan mein gussa pyar gum hasi rona har ek emotion ko kut kut kar bhara hai.isse teen
chijon se sabse jyada lagaav hai parents,music aur gym.raj ki height 6'1" rang gora ankhein neeli...jayada
gym mein rehne ki bajah se achi khasi body hai six pack abs bhi hain..laikin insab se uper iske chehre pe
ek masoomiyat hai Jo ghayal kar dene wali hai..study mein thik thak hai....amir hone ke bavjood kisi
mehngi cheej ka shonk nahi hai sirf ek guitar hi hai Jo hamesha sath rakhta hai...

Ab baari hai Agarwal

(1)Mr.mohit agarwal: present age 49 years.ye bhi raghuveer ki trah ek kamzab businessman hai.iski ek
beti hai jisse yeh behad pyar krta hai...raghuveer iska dost hai Lekin yeh dono ek dusre ke liye bhai se bhi
badhkar hain.
(2):Mrs.geeta agarwal:present age 46 years. Inka subah bohut shant kisam ka hai .yeh bhi apni beti se
behad pyar karti hain Lekin raj ko apna beta samjti hain sayad is karn inki beti inse jyada apne papa ke
karib hai.
(3):Miss Priya agarwal: present age 20 years.yeh raj se sirf 1 month choti hai.priya ki height 5'6" rang
dhudh jaisa gora..moti ankhein..pink lips..surahidar gardan..perfect figure kulmilakar bala ki khubsurat
hai...Lekin mene is jesi nalchadhi gusse wali aur ghumandi ladki nahi Dekhi...padne me bohut hosiyar hai
...ladke iske irad girad bhi nahi ate kionk bodyguard sath rakhti hai kisi ko bhaw nahi deti.
Update 1
Raghuveer aur mohit ek dusre ke bhai ki trah hain in dono ke pita business partner the unhone apne
bachon ko ek hi school mein dala sath padte huye dono mein gehri dosti huyi dono mein pyar itna jyada
tha k dono ne shadi v ek hi mandap pe ki shaadi k ek saal baad raghuveer k ghar Raj ka janam huya aur
usse lagbhag 1-1.5 mahine k baad mohit ki patni Geeta ne Priya ko janam diya ..dono parivar bahut khus
the unhe laga k unke bache v unki dosti ko ek alag mukam par le jayenge par unka yeh sochna kitna sach
hoga yeh to ane wala waqt hi batayega..
Abhi bachon ne puri tarah hos v nahi sambhala tha k Raghuveer ko business k liye UK Jana pada ..WO
apne pariwar ko lekar wahan chala gaya kionk mohit ka ghar uske ghar ki bagal mein tha to mohit aksar
ja kar dekh ata tha vese saf safai k liye naukar rakhe huye the

Waqt beet raha tha bache bade ho gaye ..aksar mohit aur uski patni UK jakar unse milte the Geeta Raj
ko bahut pyar karti thi wo use apna hi beta samjti thi or aksar apne ghar mein usi ki batein karti rehti
thi..Priya ko najane kion aisa lagta k Raj usse uski mummy ko cheen lega ..wo use man hi man apna
sabse bada dushman samjne lagi thi..najane age chal kar kya hoga yeh to waqt k garabh mein chipa hai..

Dusri taraf Raj kafi hasmukh aur cute sa tha wo hamesha apne chehre pe ek pyari si muskan liye gumta
tha ..WO kafi mota tha aur uske dost usse motu kaha karte the..Lekin WO kabhi bura nahi manta tha...

Waqt beet ta gaya aur Raghuveer ka business v UK mein settle ho gaya tha...us sal Raj ke 8th k exam
hone wale the to unhone socha k exam k baad wo wapis India laut jayenge..usne ye khabar apne
pariwar ko aur Mohit ko di sab bahut khus the sabse jyada Raj khus tha kionk usne kabhi apna ghar nahi
dekha tha isliye wo kafi jyada exited tha..

Par ek sakhs esa v tha jise ye nahi pata tha k wo khus ho jan dukhi aur wo thi Priya ...ek taraf wo khus thi
uncle aunty a rahe hain jine wo kafi pyar karti thi dusri taraf uska sabse bada dusman Raj isliye wo thodi
gusse me thi aur udaas v..fir usne socha k akhir yeh uska desh hai dekh legi us English murge ko...

Akhir kar wo din a hi gaya jiska sabko besabri she intzar tha Raj k exam khatm ho chuke the aur unke
India Jane ki tyari v ho chuki thi...
Jis din unhe wahan pahunchna tha to Mohit aur Geeta behad khus the wo airport pahunch chuke the
unhe receive karne k liye ...jaise hi unko airport se niklte dekha to Geeta ki ankhon me khusi k mare
ansoo a gaye wo bhagti huyi raj k gale lag gayi ye dekh kar Sunidhi ki ankhen bhi bhar ayi aur Mohit aur
Raghuveer k chehre pe muskan a gayi Sab ek dusre se mile aur itne mein Sunidhi boli
Sunidhi: Geeta Priya nahi ayi kahin hamse naraj to nahi.
Geeta:are kaisi baatein karti ho wo mujhse naraz ho sakti hai laikin tumse kabhi nahi.
Sunidhi: fir wo ayi kion nahi.
Geeta: are wo apne doston k sath trip par gayi huyi hai kus din bad lautegi.Maine toh use kaha tha rukne
ko par usne kaha hai k ake mil legi uska program pehle se fix tha
Sunidhi: are yeh to ashi bat hai ghum fir legi.

Yeh Sab baten karte huye sab ghar pahunch gaye driver ne unsab ko utar kar gadi garage ki aur badha di
Raj jese utra toh wo apne ghar ko dekhta hi reh gaya ek alishan bangla tha ..main gate ke andar guste hi
ek bada sa garden tha ek taraf pool bana huya tha aur bichkar mein ek alisan do manija mahal jaisa
tha...jaisa hi wo ander ghusa to ek wada sa haal ek kitchen chaar rooms attach bathrooms 1st floor v
ground floor jaisa hi tha ghar dekhne k baad Raj ko uska kamra dikhaya gaya Jo uper wale floor par tha
uske mummy daddy ka kamra neeche ....Raj to kafi Thak gaya tha wo jaker apne kamre mein so gaya...
Mohit aur uski patni v sham ko ane ka bol kar chale gaye...
Update 2
Raj sham k 6:30 utha fresh hone k baad wo neeche aya to dekha k uski mummy aur Geeta aunty hall
mein baithi batein kar rahi thin
Raj Geeta dekh kar bahut khus hua
Raj: hlo aunty
keh kar wo dono k pair chuta hai aur Geeta k bagal mein baith jata hai
Geeta: hlo beta kaise ho tum.
Raj: bilkul theek hun ap btao kaisi ho
Geeta: main to tume dekhte hi thik ho gayi thi..aur btao UK mein hume yad karte the jan yahin ake yad
aya k main v tumari koi apni hun.
Raj: nahi aunty main to apko roj yad karta tha akhir ap ho hi itni ashi aur mujhse kitna pyar karti hain aap
:
Geeta: aur btao tumhara result kaisa raha 8th ka.
Raj: kafi asha raha aunty
Geeta: chalo main to yahi chahti hoon k tum khub padho aur apne papa aur uncle ki tarah ek kamjab
insan bano...
Raj: aisa hi hoga kionk mere saath meri do do maaon ka ashirwad Jo hai .
Geeta: tum kitne pyare ho Raj isikarn main tume itna pyar karti hun .
Yeh kehkar Geeta ne Raj ko gale se laga liya aur uske sir pe hath phirane lagi..Raj ko bahut asha feel ho
raha tha usse aisa mehsoos ho raha tha k mano kismat uspar bahut meharban ho jo usse ek nahi do do
maa mili thi
Sunidhi kafi Time se unko dekh rahi thi
Sunidhi: bhai tum dono bas v karo mujhe pata hai k tum dono kafi time baad mile ho par koi meri taraf v
dyan do main konsa kisi dusre planet se ayi hun..
Sunidhi ki baat pe teeno hasne lage fir Raj bola k wo apne room mein ja raha hai aur wo apne room mein
chala gaya..sunidhi aur Geeta dono niche baithi hi batein karti rahin akhir itne time baad jo mili thin

Lagbhag 8 baje Raj k door par knock huya

Wo sayad ander so raha tha kus time knock karne k Raj ne uth kar darwaja khola to dekha k samne ek
20-22 saal ki sunder si gore rang aur ashi height ki mast figure wali ladki khadi thi..
Ladki: gud evening sir
Raj: gud evening ap kaun ho
Ladki: sir mera naam Rita hai aur main apne ghar mein kam karti hun.
Raj: OK apko koi kam tha kya.
Rita: ji wo apko Geeta mam ne bulaya hai..
Raj: OK ap unko kehna k main thoda fresh ho kar aya
Rita: OK sir
Itna keh kar wo ladki niche chali gayi aur Geeta ko raj ka message de diya ...
15-20 minute baad raj fresh ho kar aya usne normal se t shirt aur shorts pehn rakhe the
Usne dekha k aunty hall mein baithi hain wo unke pass gaya aur Usne geeta k pair chue aur bade pyar k
sath Geeta se use bulane ka karn pucha
Raj: aunty apne kion takleef ki koi kam tha to phone kar deti main a jata vese v main apke ghar ane hi
wala tha
Geeta: are nahi beta mere ko koi kam nahi hai tujhse main tujhe apne sath ghar lene ayi thi taki tum
apna dusra ghar dekh sako...aur han aj k bad kabhi apka ghar kaha to mujhse baat mat karna wo bhi
tumhara hi ghar hai..
Raj: sorry aunty aj bad yeh galti nahi hogi
Itna keh kar usne apne kan pakad liye to Geeta uski masoomiyat dekh kar hanse bina na reh saki
Geeta: OK ab chalen aur han apni mummy ko bata do k tum aj rat ka khana wahin kha kar aoge main aj
tumhare liye apne hathon se khana bna kar khilaungi
Raj OK keh kar apni mummy k room mein chala gaya uski mummy Naha kar ayi thi aur apne Baal sambar
rahi thin
Raj: mummy
Sunidhi ne door ki taraf dekha to raj khada tha
Sunidhi: kya hua beta wahan kion khade ho ander a jao
Raj: nahi mom main to apko btane aya tha k main aunty k sath ja raha hun aur dinner karke lautunga
Sunidhi: OK beta jao phir aunty wait kar rahi hongi
Itna sun kar raj bahar aya aur Geeta ke sath uske ghar ko chal diya....
Update 3
Raj aur Geeta wahan se nikal kar Geeta k ghar ki taraf chal diye..kionk dono ghar sath me hi the to dono
jaldi hi wahan pahunch gaye...
Jese hi raj wahan pahuncha to usne Charon taraf nazar ghuma kar dekha to wo ghar v usse apne ghar
jaisa hi laga to usne Geeta se is baare mein jan Lena chaha..
Raj: aunty dono ghar toh ek jaise hi hain..aisa kion.
Geeta: beta tume pta hai na k tumare papa aur uncle aik dusre k bhai jaise hain to unhone ne aik jese hi
ghar banwaye hain...
Raj: ohh yeh kitni achi baat hai...
Aise hi batein karte huye wo dono ander chale gaye aur hall mein baith kar batein karne lage ...
Itne mein Geeta boli k mainkhana banati hu tum yahin baith kar TV dekhlo...Raj TV dekhne laga aur
Geeta khana banane chali gai...abhi thodi der hi huyi thi k Mohit ghar a gaya...wo Raj ko dekhte hi khus
ho gaya
Mohit: are Raj beta kaise ho
Raj ne Mohit k paon chue aur ashirwad liya
Raj: main thik hun uncle aap btao kaise ho
Mohit: main to ek dum badhiya hun aur sunao kaya chal raha hai:
Raj: kush nahi uncle aunty khana bana rahi hain aur main TV dekh raha tha...
Mohit : isliye main v sochun k itni ashi khusbu kahan se a rahi ab pta chala k yeh to madam apne bete
par pyar luta rahi hain.... bhai hamen toh kabhi naseeb hi nahi hota inke hath ka khana...kabhi hamara
bhi khyal kar liya karo...
Mohit ki baat sun kar Geeta kitchen se hi boli...
Geeta: are mera beta itne salon baad aya hai....uske liye khana to bnaungi hi....ap ka kya hai aap to uske
liye koi gift v nahi kharid sakte....
Mohit: are itna gussa kion kar rahi ho....main to majak kar raha tha aur ye akela tumhara hi beta nahi hai
mera v hai isliye Maine iske liye gift liya hai ...
Itna bol kar usne nauker ko awaj dekar ander se kus lane ko kaha thodi der baad nauker ander se koi chij
lekar aya jise ek kapde k ander chipaya gaya tha usne wo chij mohit ko de di....
Raj kafi time se ye sab dekh raha tha...par jab usne Mohit k hath mein wo laal bag dekha to wo kafi soch
mein pad gaya k ye inti badi chij kaya hai...uska romanch badta ja raha..jese jese Mohit uske karib a raha
tha wo aur romanchit hota ja raha tha ...dhire dhire wo uske karib pahunch gaya aur Mohit ne wo chij
Raj ki taraf badha di jaise hi raj ne us chij ko pakad kar uska kapda uthaya to wo itna khus ho gaya k
pucho mat wo khusi k mare nachne laga ...usme aik guiter thi jo ek kit k ander band thi wo usse sofe par
rakh kar bhag kar Mohit k gale se lag gaya aur jor jor se thanks uncle thanks uncle kehne laga....Mohit v
kafi khus hogaya kionk jab ap kisi apne k liye koi gift late ho aur wo usse itna jyada khusi de to aap ka dil
garden garden ho jata hai ...
Raj ki itni excitement dekh kar Geeta v kitchen se bahar a gayi wo usko kush dekh kar bohut khus aur
hairan v thi k akhir Mohit ne usse aisa kya de diya jo wo itna jyada excited ho gaya...
Raj kafi time se Mohit k gale lag k uchal raha tha k itne mein Geeta ki awaj ayi...
Geeta: are Raj beta tum to sirf apne uncle ko hi pyar karte ho mujhe nahi karte akhir bola to mene hi tha
inse k mere bete k liye kus le ayen
Uski baat sun kar Raj Mohit se alag ho kar Geeta ki taraf dauda aur uske gale lag gaya thodi der baad jab
wo usse alag hua to Geeta boli: are raj beta akhir hai kya mujhe v to dikhao...
Itna sun kar Raj guitar ko us kit se nikal kar Geeta k pass le aya...wo guitar sach mein bohut khubsurat lag
rahi thi...usse dekh kar Geeta boli: are wah yeh to guitar hai kitni jyada khubsurat hai...tume bajani ati
hai kya Raj...
Raj: nahi aunty par seekhna chahta hun socha tha k 8th k exam k baad sikhunga par jahan ane k baad
socha thoda time aur ruk jaun...thanks uncle aunty ap logon ne mujhe ab tak ka best gift diya hai....I love
you...
Mohit: are Raj beta aisi baat nahi karte hum v toh tumhare maa baap jaise hain....
Raj: ok uncle par apko kaise pata chala k mujhe guitar chahiye..
Mohit: Are aj main aur tere papa baat kar rahe the to us ne bola k use tumhare liye ek guitar khareedani
hai tume music se bahut pyar hai...jab mujhe yeh pata chala toh mene use
Update 4
Raj Mohit k ghar se nikal kar apne ghar ki taraf jane laga wo raste mein soch raha tha k uncle aunty usko
kitna pyar karte hain...uska kitna khyal rakhte hain...yeh sab sochte hue wo apne ghar a gaya...ander
uski mummy usi ka intzar kar rahi thi...wo Raj ko dekhte hi boli
Sunidhi: agaya beta
Raj: han mummy aap abhi tak soye nahi..
Sunidhi: mujhe kaise neend ati apne bache ko dekhe bina...
Raj: are mummy aap meri fikar mat kiya karo ab main bada ho gaya hun..
Sunidhi: mujhe to pata hi nahi tha k mera RAJU bada ho gaya hai...
Raj: aur nahi to kya ab main 9th mein ho gaya hun..
Sunidhi: are han sach beta tumhare papa ne tumhara admission krwa diya hai Priya k school mein Tum
munday ko join kar Lena..
Raj: sach mummy I love you ...apko pata hai main bahut excited hun main apne naye school mein jaunga
naye naye friend bnaunga..
Sunidhi: han beta jaroor aur vese v Priya hai na tumhare sath mujhe pata hai wo tume koi problem nahi
hone degi bahut pyari bachi hai ...
Raj: mummy Priya sach mein meri dost banegi kya?
Sunidhi: are kion nahi banegi akhir tum dono k daddy v toh friend cum bhai hai na
Raj: aisa jaroori to nahi na k agar hamare daddy dost hai to hum v ban jayenge..
Sunidhi: beta isme itni preshan hone wali kya baat hai..mujhe Priya par pura bharosa hai...wo tumhara
sath jaroor degi...
Raj: kya wo sachme itni achi hai..
Sunidhi: han baba ab jao aur so jao kitni rat ho gai hai...
Raj: ji mummy good night
Sunidhi: are han sach beta yeh tum guitar kahan se laye( sunidhi poochna to pehle hi chahti thi par raj
ne ate hi use baton mein uljha liya)
Raj ne use puri baat bata di Sunidhi apne bete k prati Mohit aur Geeta ka pyar dekh kar bahut khus thi..
Sunidhi: ok beta ab so jao good night beta and sweet dreams.
Itna bol kar sunidhi ne raj ko gale lgaya or dono apne apne room ki taraf chal diye...

Raj ne apne kamre mein pahunch kar darwaja band kiya aur bathroom mein ja kar shower le ke bahar
aya usne ek loose sa kurta pajama uthaya aur pehan kar bistar par lait gaya...dopehar ko kafi sone k karn
use neend to nahi a rahi thi is liye wo aj pure din ki ghatnaon k bare mein soch raha tha...use kafi khusi
thi k sab use kitna pyar karte hain...uski kitni dekhwal karte hain...itne mein use apni guitar ki yaad a gayi
Raj bed se utha aur usne apni guitar uthai usne guitar ko uske kit se nikala aur dhyan se dekhne laga use
laga k uski guitar sach mein bohut pyari hai..usne socha kion na ek baad Baja k dekhun..itna soch kar wo
guitar bjane laga ya yeh kahiye k uski maa Behan eik karne laga kionk use ata jata to kuch tha nahi to bas
aise hi sir khpane k baad usne guitar ko wapis apni jagah rakh diya..aur fir se apne bed par lait gaya

Par neend ka abhi bhi koi pata thikana nahi tha...to wo apne ane wale dino k bare mein sochne laga...wo
khus v tha aur nervous v...uski soch baar baar bus ek hi jagah par ake atak jati thi..Priya...

Wo soch raha tha k kya mummy ki bat sach hai...kya Priya meri dost banegi...
kya wo mera sath degi is nayi jagah mein...

Par wo bar bar apne bicharon ko jhatk deta aur kus aur sochne lgta ....par wo kar v kya Sakta tha sirf
sochne k ilawa kionk j swaal sirf Priya se Milne k baad hi khatam hote..

Par aj tak wo Priya se mila nahi tha ya to usne sirf uske bare mein apne parents se suna tha ya fir uski
kus pics dekhi thi....
Par use apni mummy ke Priya k prati bichar or uski pics mein uska cute sa chehra yad karne par Priya use
ek behad achi ladki lag rahi thi ...use kuch kuch viswash jaroor ho gaya tha k Priya achi ladki hogi...
Khair usne apne man me se Priya k bicharon ko nikal diya ...
Aur baki ki batein sochne laga... Jaise uske classmates kaise honge uske teachers jyada strict to nahi
honge ..
Aur uska naya school kaisa hoga kya usse koi dosti karna pasand karega ya nahi...aisi kai batein sochte
hue akhir kar Raj neend k agosh mein kho gaya..
Update 5
Sunday ka din tha subah 5:00 baje Raj ke room ke door pr knock huya toh Raj ki neend ekdum khul gayi
wo ekdum se utha aur apni adh khuli akhon ko maslta huya gate ki taraf gaya...Jaise hi usne gate khola
to samne uski mummy khadi thi..
Apni mummy ko dekh kar usne turant unke pair chuye aur good morning wish kiya ....
Raj : mummy good morning
Sunidhi: good Morning beta..
Raj: mummy itni jaldi kion utha diya kitni achi neend a rahi thi...
Sunidhi: itni bhi jaldi nahi hai...pichle 5 minute se door peet rahi hun tu hai k sunta hi nahi aur door
ander se lock kion karta hai...
Raj: sorry mummy wo main age se nahi karunga...
Sunidhi: chalo koi baat nahi ab jaldi se brush wagerha kar k niche a jao tumhare papa tumhara wait kar
rahe hain....
Raj: kion mummy itni subah papa ko kya kam hai mujhse thoda so lene do na...
Sunidhi: beta dekho tumhare papa kafi time se tumhara wait kar rahe hain jaldi se niche a jao ab...
Abhi raj kuch bolne k liye munh khol hi raha tha k turant Sunidhi bol padi...
Sunidhi: no discussion ...jaldi fresh ho jao aur apna track suit daal kar neeche a jao...come on hurry up..
Yeh keh kar Sunidhi to chali gayi par uska track suit k bare mein bolna Raj ko samj nahi a raha tha par
use jaldi hi samj mein a gaya k usko aj papa k sath morning walk k liye jana padega ...ye sochte hi Raj ka
hamesha khila rehne wala chehra kisi tute hue phool ki tarah murjha gaya...
Par bechara kar v kya sakta tha jana toh padega hi papa ne jo kaha tha...iska yeh matlab bilkul v nahi tha
k wo Raghuveer se darta tha bas wo apne papa ki izzat hi itni karta tha k unki koi baat nahi talta tha...

Akhir kar apne subah k jaroori kam karke Raj neeche a gya samne uske papa mummy aur Mohit baithe
the...Raj ke chehre par aik jhuthi smile thi...jise Sunidhi dekhte hi samjh gayi par use pata tha k isme uske
bete ka fayda hi hai to wo kus nahi boli...Raj ne apne uncle aur papa k pair chuye aur morning wish
kiya...unhone v usse ashirwad diya aur fir teeno chal pade park ki aur

Raghuveer aur Mohit age age jogging kar rahe aur hamara hero Raj v jogging hi kar raha tha...par usko
dekh kar aisa lag raha tha jaise koi bade pait wala constable kisi tez tarar criminal ka pure sehar mein
picha karne k baad haar maan chuka ho...wo kisi kachuye ki tarah in dono k piche reng raha tha...

Kafi time tak Raj ki band bjane k baad akhir kar teeno ghar laut hi aye Mohit apne ghar chal diya aur Raj
aur uske papa apne ghar ki taraf...

Raj jaise taise ghar pahunch gaya tha hall mein ghuste hi wo wahin sofe par dher ho gaya aur jor se
chillaya
Raj: mummyyyyyyyyyy
Raj ki awaj sun kar Sunidhi gabhra gayi aur apne room se daudti huyi hall mein a gayi...
Wo Raj ke pass ja kar baith gayi aur uske sir par hath phirane lagi aur pucha...
Sunidhi: kya hua beta aise kion chilla rahe ho koi chot to nahi lag gayi kahin...
Raj kush bol pata is se pehle hi uske papa ne sari ramayan suna di k kaise jogging k dauran Raj ki yeh
halat ho gayi....
Sunidhi ko yeh sun kar kuch tasali toh huyi par maa ka dil toh hota hi aisa hai k apne bache ka chota sa
dard dekh kar hi uska dil ro uthta hai...sayad isi ka hi nateeza tha k Jo kuch time pehle soch rahi thi k yeh
sab uske bache ki bhalai ke liye hai wo sab kus bhool kar apne pati par hi kud padi...
Sunidhi: are apko samj nahi ata k bache k sath itna jyada sakhti k sath pesh nahi ana chahiye...
Raghuveer: are bhai main konsa hilter hun mera v beta hai yeh main v isse pyar karta hun main toh isi
liye ise lekar gaya tha kionk iska weight badhta ja raha hai pait nikal raha hai mota ho gaya to koi ladki v
nahi pategi isse...
Sunidhi: are aise kaise baat kar rahe hain ap...main apne bete ke liye ladkion ki line laga doongi....yeh Jo
apke croron rupey bankon mein pade sad rahe hain....ye jhad pe lgane hain kya
Raj apne parents ko kafi time se dekh raha tha to bola .
Raj: mummy papa ki is me kya galti hai aur ap plz mere liye pani le ayein....aur mere pairon mein v bahut
darad hai....
Yeh sun kar Sunidhi kitchen mein chali gayi..to Raj ke papa uske pass baith gaye...
Raghuveer: thanks beta mujhe bacha liya nahi to tumhari mummy mujhe sandwich ki trah toast kar
deti...
Yeh sun kar Raj dard k bawjood v Hans pada ...Raghuveer ne filhal wahan se niklme mein hi bhlai samji...
Itne mein Sunidhi kitchen mein se pani ka gilas le kar ayi.
Sunidhi: beta yeh lo pani pi lo aur apne bedroom mein jao main tumhare liye pain killer le kar ati hun...
Raj ne pani pi liya aur apne room ki taraf chal pada uski halat itni khrab thi k wo aram se chal v nahi pa
raha tha par wo Jaise taise apne room mein pahunch hi gaya aur bed par lait gaya thodi der bad uski
mummy ayi...Raj ne ab ki bar gate lock nahi kiya tha ...
Sunidhi ne raj ko tablet di aur wo uske pair dawane lagi Raj ne bahut mana kiya par Sunidhi nahi mani
aur uske pairon ko dabati rahi ....Raj ko kafi aram mil raha tha isliye wo gehri neend mein chala gaya ...

Sham ko 4 baje uski ankh khuli usne dekha k uski mummy abhi bhi uske pas baithi hai to wo uth kar
baith gaya Sunidhi ne dekha k raj uth gaya hai
Sunidhi: uth gaya beta ab kaisa hai tumhara pain ...
Raj: abhi kafi acha feel kar raha hun ...
Sunidhi: chal tu aram kar main Naha kar ati hun subah se tere pass hi baithi hun...
Raj :OK

Abhi Sunidhi ko gaye 10-15 minute hi huye the k Raj k door par knock hua...
Raj: come in door khula hi hai.
Gate khula to raj ne dekha k samne Geeta khadi thi.
Geeta : kaise ho beta ab kus aram hai ..
Raj: han aunty ab better hai ....ap btao kaisi hain..
Geeta: main to ekdum thik hun beta
Raj : apko kaise pata chala meri halt ka...
Geeta : wo aj jab tumhe Milne ayi to tum so rahe the aur Sunidhi ne mujhe bataya tumhare bare
mein...main kafi time baithi rahi par mujhe jana pada kionk aj Priya ko ana tha to....
Raj: to kaisi rahi uski trip....
Geeta: pata nahi agar ghar ayegi tabhi to pata chalega...
Raj: kion ap to keh rahi thin k wo ane wali thi aj
Geeta: han par ayi nahi uska phone aya tha k wo aj apni friend Sonia k ghar ruke gi ....aur kal seedha
school se hi ghar ayegi....Maine use bahut kaha k ghar a jaye aur tum logon se mil le par usne kaha k kal
ko hi mil lungi....
Raj: chalo aunty koi baat nahi kal ko school mein hi mil lunga ....
Geeta: Maine v usse bata diya hai k tum kal ko school a rahe ho....
Raj: to fir kya boli wo....
Geeta: usne bola hai k koi baat nahi bhej dena main smbhal lungi use...
Raj gehri soch mein dub gaya k mummy ki baat sach hi hogi wo kitni achi hai usne kaha k wo sambhal
legi....
Kus time batein karne k baad Geeta apne ghar chali gayi....

Raj ne sham ko dinner apne room mein hi kiya aj sayad pain killer ka asar tha k Sara din sone k baad v
Raj ko jaldi hi neend a gayi...

Chaliye tab tak hum log Priya k pass chalte hain ....Priya ka trip 2:30 baje hi wapis a gaya tha par wo ghar
Jane ko le kar thodi confuse thi ek taraf wo soch rahi thi k wo jaldi ghar jaye aur Raghuveer aur Sunidhi
se mile to dusri taraf wo Raj k samne nahi Jana chahti thi ....wo chahti thi k Raj k sath uski pehli mulakat
kush special ho aur us hisab se school hi best place thi to usne apni best friend Sonia k ghar rukne ka
faisla liya...usne jab Sonia ko btaya k wo aj rat uske ghar rukegi to Sonia boht jyada khus ho gayi....aur
Priya ne ghar phone kar k Geeta ko bata diya ....

Chalo ap logon ko Sonia k bare mein bata dete hain:

Present age 20 years ....height 5'4" gora rang ...34-28-34 ka figure neeli ankhein ...( age, height aur figure
present time ka hai tab ka nahi jahan story is baat hai)....is ladki ki sabse badi khubi is ki samjdari aur
baat karne ka tareeka tha ...ye Priya ki best friend thi par iski koi v adat usse nahi milti...vese to Priya k
bohut sare friend the par sab Priya ki chamchagiri karte the ye baat Priya ko v pata thi k sirf Sonia hi uski
sachi dost hai ....Sonia Priya jitni ameer to nahi thi par papa government officer the to asha khasa kama
lete the...ye bachpan se hi Priya ke sath padi hai...

To Priya rat ko Sonia k ghar rukne wali thi to usne sonia ko sari baat bata di k kion wo yahan rukne wali
hai...usne Sonia ko ek plan v bataya pehle to wo nahi mani par jab Priya ne use baat na karne ki dhamki
di to wo chah kar v na nahi kar pati..par usne itna jaroor kaha k wo is plan ka part nahi banegi....Priya is
ke liye maan gayi der raat tak batein karne k baad dono so gain Priya k chehre par ek vijayi muskan thi
....ab is muskan ke piche kya raj hai...j to kal ka din hi batayega....so bane rahiye ye jan ne k liye k Raj aur
Priya ki pehli mulakat kya rang layegi ...
Update 6
Monday subah 5:30 baje
Raj ke kamre ka darwaja khulta hai aur Sunidhi ander ghus kar so rahe Raj k bagal mein baith jati hai aur
uske balon mein hath firane lagti hai...
Sunidhi soch rahi thi k uska beta kitna cute sa hai sote huye to aur v jyada masoom lag raha hai...par ek
anjana sa dar use sata raha tha k kahin Raj ki isi masoomiyat ki bajah se wo kisi musibat mein na pad
jaye...jaroorat se jyada bholapan v aj kal k jamane mein le dhubta hai...khair aj Raj k school ka pehla din
tha to Sunidhi na chahte huye v Raj ke sir pe apna hath firate huye ek pyar bhari awaj mein use uthane
lagi...ek do baar awaz dene par hi raj uth k baith gaya...
Raj: good morning mummy...
Sunidhi: good morning beta...abhi to pair mein dard nahi hai na...
Raj: nahi mummy ab to ekdum thik hai...
Sunidhi: to jaldi se uth jao aur tyar ho jao...
Aj tumhe school jana hai 8:00 baje se pehle tyar ho jana ... School ka time 8:30 hai...
Raj: thik hai mummy..
Sunidhi: aur ye lo tumhara school uniform...
Itna keh kar Raj Sunidhi se ek bag leta hai jisme uniform thi aur use bed pe rakh kar bathroom mein ghus
jata hai...
7:45 baje Raj tyar ho kar school uniform mein breakfast karne ke liye table par baith jata hai yahan pehle
hi Raghuveer baitha tha sayad Raj ka inzar kar raha tha...
Raghuveer: kaise ho naughty boy....kafi smart lag rahe ho school dress mein..
Raj : thik hun papa...and thanks for the compliment...par sorry papa itna to mujhe v pata hai k mere se
jyada mera ye pait is uniform mein se dikh raha hai...
Itna keh kar Raj apne pait par hath rakh deta hai jise dekh kar Raghuveer hans deta hai aur Raj v uske
sath hansne lagta hai...itne mein Sunidhi ki awaj ati hai..
Sunidhi: are kya chal raha hai baap bete mein Jo itna hans rahe ho...
Raj: kus nahi Mummy aur jaldi se khana khilaiye plz main pehle din hi lait nahi hona chahta...
Sunidhi Raj ki baat sun kar thoda muskurati hai aur Rita ko awaz deti hai
Sunidhi: are Rita jaldi se khana laga do...
Sunidhi ki awaz sun kar Rita v jaldi se khane ko ek trolley ki help se lekar ati hai aur table par laga deti hai
aur sab ko serve karti hai...
Khana dekh kar Raj ka munh phool jata hai kionk khane mein sirf halka fulka ghaas phoos tha ..
Raj: mummy ye sab kya hai...
Sunidhi: dekho beta tume exercise nahi karni to mat karo par ye to khana hi padega ...ye sab tere ache
ke liye hi hai nahi to jyada weight badh jayega...
Raj: mummy plz
Sunidhi: nahi main kus nahi sunne wali ...waise v breakfast mein jyada heavy nahi khana chahiye...ab
mera pyara shona beta jaldi se ise khao aur juice pio nahi to lait ho jayega...
Raj: OK mummy...
Raj na chahte hue v khana shuru kar deta hai....

Jab tak ye khana khatam karta hai tab tak thoda Priya ka pata kar lete hain k wo kya kar rahi hogi...

Sunday subah 5:00 baje

Priya aur Sonia aik double bed par so rahi thi k tabhi unke room ka darwaja khulta hai aur ek aurat ander
ati hai....ye aurat thi Sonia ki mummy Radha ab unki jyada into ki to jaroort nahi bas itna bata deta hun k
nature ki kafi achi hain...

To wo a kar Priya aur Sonia ko uthane lagti hai..

Radha: are beta Priya utho...Sonia ab uth v jao tum dono kitna Soti ho...
Radha k thode der tak uthane se akhir kar dono maharanian jag hi jati hain...
Dono Radha ko good morning wish karti hai aur Radha v unhe gale laga kar wish karti hai...
Radha: chalo ab jaldi se tum dono ready ho jao aur main tab tak khana tyar karti hun...

Dono bari bari tyar ho jati hain aur bahar nikal kar dinning table par baith jati hain...wahan Sonia ke
daddy pehle hi baithe the Mr. Jagdeesh Sharma..ye v nature k ache hain magar gussa boht ata hai inhe
Jo k sayad govt. Officers mein naturally a hi jata hai...to hum kahan the han Priya aur Sonia table par
baithti hain aur pehle Jagdeesh ko morning wish karti wo bhi jawab mein chehre par ek halki smile la kar
wish karta hai...itne mein Radha khana le kar a jati hai aur sabhi khana shuru kar dete hain...Priya aur
Sonia ek taraf baithi thin aur Sonia ke parents unke samne...unka dhyan puri tarah se khane mein tha to
yeh dekh kar Sonia Priya k kan k paas munh karke kus khusar phusar karti hai to dekhein k kya baat ho
rahi hai dono mein...
Sonia: Priya dekh ek bar aur sochle...tume aisa nahi karna chahiye...
Priya: kion main to khana khaungi dekh na aunty ne kitna acha bnaya hai aur tu v kha le ab chup chap...
Sonia : are main khane ki baat nahi kar rahi...
Priya: to fir aur kiya keh rahi hai Jo mujhe nahi karna chahiye...
Sonia: are main us plan ki baat kar rahi hun Jo tune kal rat btaya tha...
Priya: kion na karun aisa mauka ek baar hi ata hai....
Sonia: sochle agar tere parents ko pata chala to...
Priya : j to Maine v nahi socha baad mein soch lenge ...
Sonia: are you mad? Ye tum itni asani se kaise keh sakti hai...
Priya: ab dekh yar is mein tera naam nahi ayega tu fikar mat kar...
Sonia: yar tu galt soch rahi hai mujhe teri fikar ho rahi main nahi chahti k tu kisi musibat mein fase..
Priya : don't worry yar just chill
Is se pehle k Sonia kus bolti Radha ne unhe dekh liya...
Radha: are beta tum dono jaldi se khana kha lo lait ho jayega...
Itna sun kar dono jaldi jaldi khana khane lagi ...

Khana khatm karne ke baad dono Jagdeesh k sath bahr ko chal padti hain...Radha v unke piche jati hai
Jagdeesh apni car nikal ne k liye garage mein chala jata hai to wahan wo teeno reh jati hain....
Radha: beta Priya ab tum kab aogi...
Priya: aunty jaldi hi aungi
Radha: beta jaldi hi ana jab tum ati ho to aisa lagta hai Jaise meri Riya hi a gayi ho(Riya Sonia ki choti
Behan hai pdhai mein kam dhyan deti thi to Jagdeesh ne use hostel bhej diya tha ab wo kam hi ati thi
ghar)...
Itna bol kar Radha ki ankhon mein ansoo a jate hain...Priya unke ansoo pochti hai aur Sonia v apni
mummy ko rote dekh unhe gale se laga leti hai...Priya unhe haunsla deti hai...
Priya : are aunty ap ro kion rahi hain main v to apki beti hi hun vese v Riya apko Milne ati to hai har
month aur ap v kabhi kabhi use mil ati hain so plz smile now nahi to hamara pura din khrab ho jayega...
Radha v apne ansoo poch kar smile kar deti hai...itne mein Jagdeesh gadi le ata hai aur dono gadi mein
baith kar Radha ko bye karke nikal jati hain apni manjil yani school ki aur....

Udhar Raj v apna khana complete kar chuka tha aur apni mummy k pair chu raha tha uski mummy use
ashirwad deti hai aur gale se laga leti hai...
Sunidhi: beta sabse pehle Priya se milna OK...
Raj: ji mummy ..
Sunidhi: chalo ab bahar chalte hain tumhare papa wait kar rahe honge...
Fir dono bahar ate hain aur Raj apne papa k sath gadi mein baith jata hai....aur wo bhi apni mummy ko
bye bol kar school ki taraf nikal padta hai
Update 7
Priya Raj se pehle school pahunch jati hai...Priya aur Sonia Jagdeesh ko bye karti hain aur school ke
ander chal deti hain...Jaise hi dono school ke ander pahunchti hain to aisa lag raha tha jaise Priya kisi ko
dhundh rahi ho..uski najrein baar baar idhar udhar ghoom rahi thin...par sayad jise wo dhundh rahi thi
wo dikh nahi raha tha to wo bechain si lag rahi thi...par tabhi uski najar garden mein khade ek ladkon ke
group par padi to uske chehre par ek muskan a gayi...wo Sonia ka hath pakad kar unki taraf chal di...

Jese hi wo dono unke kareeb pahunchi to Priya ne awaj di...

Priya: oye Monty idhar a..
Awaj sun kar unme se ek ladka Priya ki taraf dekhta hai aur uski taraf chal deta hai...
Monty: ji koi kam tha...
( asal mein Monty Priya ka chamcha nahi tha par usne ek baar Priya se panga liya tha to Priya ne apne
bodyguard se pitwa diya...tab se bechara kute ki tarah dumbh hilata hai uske samne)
Priya: han ek chota par important kam tha...
Fir Priya use kuch samjaati hai...jab Priya ki baat puri huyi to Monty ke chehre par ghawrahat saaf dekhi
ja sakti thi...
Monty: koi gadbad ho gayi to...principal ko kia kahunga...
Priya: dekho main sab sambhal lungi tum bas mera kam kar dena...
Monty: ji sure but plz mera naam principal tak na pahunche...
Priya: don't worry yar..
Itna keh kar Priya wahan se chal deti hai Sonia v uske piche chal deti hai...Monty v main gate se thodi
door ja kar khada ho jata hai aur uska group v uske sath hi tha...

8:15 baje Raj ki gadi school ke gate par rukti hai wo aur uske papa gadi se bahar niklte hai...
Raj: papa Priya pahunch gayi hogi kya...
Raghuveer: pata nahi beta par agar wo abhi na ayi ho to tum uska wait kar lena ..aur jyada nervous hone
ki jaroort nahi hai yeh bahut acha school hai....gud luck beta ab tum ander jao...
Fir Raj apne papa ko bye bol kar gate ki taraf chal deta hai...

Udhar Priya Sonia k sath play ground mein khadi thi par uski ankhein main gate par hi tiki huyi thi aur
Monty apne group k sath khada tha kabhi wo Priya ko dekhta aur kabhi gate ki taraf...

Jaise hi Raj gate k ander aya to Priya k chehre pe ek katil muskan fail gayi usne thoda dhyan se
dekha...jab use confirm ho gaya k ye Raj hi hai to usne Monty ki taraf dekha....wo v Priya ki taraf hi dekh
raha tha...Priya ne Raj ki taraf ungli se ishara kiya jise Monty ne dekh liya...pehle usne Priya ki ungli ka
ishara dekh kar Raj ki taraf dekha aur fir Priya ko thumb's up ka ishara kiya ...usne Raj ko awaj di...

Monty: hlo ladke...

Raj uski awaj sun kar pehle to idhar udhar dekha fir ishare se pucha k mujhe bulaya hai...
Monty: han tujhe hi bula raha hun yahan a ...
Raj thoda ghabra gaya par dhime kadmo ke sath Monty ki taraf chal pada...
Monty: thoda jaldi a na
Raj ne apni speed badha di aur Monty ke pass ja kar khada ho gaya...
Raj: ji ap ne mujhe bulaya koi kam tha...( darasal Raj Monty ko dekh kar thoda dar gaya tha kionk wo
dekhne mein hi gunda type lag raha tha aur uper se uske sath 8-10 ladke aur the)
Monty: tu kya kam kar sakta hai be mote...
Monty ki baat sun kar uska pura group hasne laga ...Raj ko aj pehli baar mota kahe jane par sharm ayi
kionk isse pehle use aisa keh kar sirf majak kiya jata tha par aj to uska mjak banaya ja raha tha...par fir v
wo apni himmat jhuta kar bola...
Raj: ji main to aise hi puch rha tha k apne mujhe bulaya kion..
Monty: are yar main to vese hi thodi jan pachan badhana chahta tha tu naya hai na yahan pehle kabhi
dekha nahi tujhe...
Yeh sun kar Raj ko thodi tasali mili...
Raj: ji mera naam Raj hai...main UK se aya hun...aur ab yahin padunga...
Monty: mera nam Monty hai...vese konsi class mein hai tu...
Raj: ji main 9th mein aur ap
Monty: main 10th mein hun...chal tujh se baad mein milte hain...
Raj ki to Jaise sans mein sans ayi wo wahan se jaldi se nikal pada wo abhi thodi door hi gaya tha k Priya
jaldi se bhagte hue Monty k pass pahunch gayi...Sonia apni jagah pe hi khadi rahi...
Priya: to ache se dekh liya na use....
Monty: ji han......
Priya: to fir recess mein kam ho Jana chahiye...
Monty: ji thik hai...
Fir Priya Raj ki taraf chal di Jo dhire dhire classes ki taraf ja raha tha...
Update 8
Raj dhire dhire classes ke karib pahunch gaya tabhi use piche se awaj ayi ye awaj Priya ki thi...
Priya: Raj.
Raj awaj sun kar ruk gaya aur piche mud kar dekhne laga use Priya ko pehchan ne mein jyada time nahi
laga...
Raj: Priya?
Priya : han kaise ho...
Raj: bilkul thik hun tum batao....
Priya: main to ek dum badiya hun...aur sunao school kab pahunche...
Raj : bus abhi thodi der pehle...
Priya : to fir kaisa laga ye school tume...
Priya ki baat sun kar Raj ka dimag fir Monty ki taraf chal pada par usne apne dimag k ghodon ko lagam
lagate huye jawag diya..
Raj: dekhne mein to ekdum badiya lag raha hai...baki dekhte hain kaisa hoga...
Priya: chalo hum playground mein chalte hain prayer shuru hone mein abhi 10 mint hain...wahan meri
friend mera wait kar rahi hogi...
Raj: OK chalte hain...
Dono Sonia ki taraf chal padte hain Raj sochne laga k uski mummy sach hi bol rahi thi Priya kitni achi
ladki hai....par Priya ke dimag mein kya tha ye to wo hi janti thi...itne mein dono Sonia k paas ja kar
khade ho jate hain...Sonia Raj ko dekh kar samj to jati hai par fir v wo Priya ki taraf dekh kar puchti hai...
Sonia: Priya ye kon hai..
Priya: are Maine btaya tha na Raghuveer uncle ka beta Raj ane wala hai ye wahi hai...aur raj ye meri best
friend Sonia hai...
Raj : hlo Sonia...kaisi hain ap...
Sonia: hlo main ek dum thik hun ap batao ...
Raj: main v thik hun...
Itne mein Priya bich mein bol padi...
Priya : Raj yar sorry wo main tum logon se Milne nahi a saki...
Raj: are koi bat nahi...
Fir teeno vese hi batein karte rahe itne mein prayer shuru hone ka time ho gaya fir teeno us taraf chal
pade prayer khatm hone k baad sab apne apne classrooms mein pahunch gaye Raj Priya aur Sonia k sath
hi baitha raha...

Periods ke bich mein jab bhi time milta to unme thodi boht batein shuru ho jati....Raj aur Sonia dono kafi
khul gaye the apas mein Priya ko ye baat bilkul v achi nahi lag rahi thi k uski friend kisi aur se itni jyada
batein kare...
Dusri taraf Raj ka sawagat bhale hi school mein acha na huya ho par ab use Priya aur Sonia k sath batein
karne k baad acha lagne laga tha...

Aise hi karte karte 5 period kaise nikal gaye kus pata nahi chala fir jaise hi recess huyi to sab bache apna
apna tiffin box le kar ek hall ki taraf chal pade Jo k lunch k liye bnaya gaya tha jo bache apna tiffin box
sath late the wo wahin baith kar khate the...

Wo teeno v uski taraf chal diye...jese hi wo hall ke gate par pahunche to Priya boli...
Priya: Raj tum aisa karo k tum ander ja kar lunch karlo...hum washroom ho ate hain vaise v hum aj khana
nahi laye hain...
Raj: ok but ager bhukh lagi hai to mere sath share kar sakti ho...
Priya: nahi hum dono ne hi nahi khana tum kha lo...
Raj: OK koi bat nahi par mujhse yahin a k milna...
Jaise hi Raj ander ghusa to Priya Sonia ka hath pakad kar ek taraf chal padi...
Sonia: are kahan ja rahi hai washroom to dusri taraf hai...Aur tumne Raj ko jhuth kion bola k hamare
pass lunch box nahi hai mujhe kitni bhukh lagi hai...
Priya: bhuki kahin ki aik din nahi khayegi to mar nahi jayegi...aur jyada sawal mat kar chup chap chal
mere sath...
Priya Sonia ka hath pakad kar chal padi aur thodi door Monty khada dikha apne group ke sath to Priya
uski taraf chal padi....usne Monty ko kuch kaha to Monty apne group k sath usi hall ki taraf chal pada
jahan Raj gaya tha...Priya v Sonia ko leke usi taraf chal padi...

Monty hall mein ghus gaya par Priya bahar hi ruk gayi aur chupke se ander dekhne lagi...Monty ander
ghus kar apni najar Charo taraf daudane laga tabhi uski najar Raj par padi Jo ek table pe akela baitha hi
apna lunch karne mein laga tha...

Monty ne ek lambi sans li aur Raj ki taraf chal pada....itne mein Raj ki najar v Monty par padi Jo k uski
taraf hi a raha tha ..Raj boht jyada ghabra gaya par usne apne ap ko sambhala aur niche garden kar
khana khane laga ya yeh keh sakte hain k khane ka natak karne laga kionk uske gale se niwala niche nahi
utar raha tha wo bas yahi soch raha tha k Monty kisi aur taraf ja raha ho....

Par Raj ka yeh sochna galat nikla aur Monty uske hi table par padi chair par baith gaya baki uske group
wale bahin a kar khade ho Gaye...
Monty: oye mote akela akela kya thus raha hai be....
Raj: ji kya kaha apne...
Monty: Abe tu behra hai yan Natak kar raha hai main ye keh raha hun k akela itna khana khayega to fat
jayega....
Monty ki baat sun kar wahan mojoud sare students Raj par hansne lage par Raj chup chap garden nichi
karke baith gaya...Monty Raj ko chup baitha dekh kar age bola...
Monty: Abe sale angrezi kadu yahan kya karne aya hai....tum jaison ka jab man karta hai India ki taraf
chal padte ho k chalo chal kar apni dhauns jamate hain....par sale ek bat sun le k angrez yahan boht saal
tik gaye par tujhe nahi rukne dunga main yahan...sale Teri wo halat karunga na k tu ye v bhul jayega k
khana kab hai aur hagna kab hai....
Raj k sath pehli baar aisa suluk ho raha tha wo bas chup chap baitha raha...use umeed thi k agar Priya a
jaye to use v sath mil jayega par uski yeh umid v tut gayi kionk uski nazar Jaise hi gate ki taraf padi to
wahan Priya khadi sab dekh rahi thi aur Hans rahi thi...Wo kafi jhel chuka tha par Priya ki yeh hansi uske
dil mein katar ki tarah ja lagi aur wo chup na reh saka aur uth kar Priya k pass pahunch gaya...
Raj: Priya tum v mujh par Hans rahi ho inko roko na ....
Priya pehle to Raj ko apne samne dekh kar ghabra gayi par Jo gussa usne apne ander itne salon se daba
rakha tha wo achanak hi fat gaya...
Priya: ha ha ha main kion rokun use wo Jo kus v kar raha hai wo sab mere kehne par hi kar raha ha....
Raj: tumne aisa kion kiya...
Priya : kionk nafrat karti hun main tujhe...main nahi chahti thi k tu India mein rahe....
Priya ki baat sun kar Raj ekdum se shock ho gaya uski ankhon mein kafi der se ruke huye ansoo beh
nikle....par fir v usne himmat juta kar Priya se agla swaal kar hi diya....
Raj: fir wo subah se mere sath dosti ka natak kion kiya...
Priya: Maine yeh socha tha k main tujhse dosti karungi taki agar tu Monty k bare mein kisi ko batana v
chahega to sab se pehle mujhe hi batayega aur main tujhe samjha kar kisi ko bolne nahi dungi...aur
Monty tume itna preshan kar deta k tu mentally ek dum se tut jaye aur main tujhe keh dungi k tu jahan
se wapis chala ja....par pata nahi tujhe kaise pata chal gaya main jahan khadi sab dekh rahi hun aur hans
rahi hun...
Raj Priya ki baat sunte huye bhi ro raha tha...Raj siskian lete huye fir se bola...
Raj: ab main mummy papa aur uncle aunty ko bata dunga k tumne mere sath aisa kiya...
Priya: khusi se bata par ye soch Lena k unki itni gehri dosti tumhare karn ek hi jatke mein tut jayegi....
Priya ki baat sun kar Raj wahan se bhag gaya aur class room mein jaker baith gaya usne apna saman
uthaya aur kisi aur jagah rakh diya....wo bahut buri tarah se ro raha tha usne kabhi sapne mein v nahi
socha tha k koi aisa v hoga Jo usse nafrat karta hoga.....wo ander tak tut chuka tha wo Priya se aur v
bahut kus pusna chahta tha aur sabse jaruri k wo usse itni nafrat kion karti hai wo to kabhi mile v
nahi....par usme ab itni himmat nahi bachi thi k wo aur baat kar paye Priya se....

Dusri taraf Priya v thodi ghabrai huyi thi ....uski ghabrahat ki bajah Raj ki halat nahi thi balki wo ye soch
rahi thi k kahin wo kisi ko kus bata na de....Sonia v kafi pareshan thi...usne kus soch kar Priya se kus
kaha...
Sonia: are ye tune kya kar diya use sab kus bata diya ....
Priya: fir kya huya ye to acha hi hai na k uske sath dosti ka Natak nahi karna padega ...
Sonia: agar usne ghar mein kisi ko bata diya to....
Priya: dekh dar to mujhe v lag raha hai par main uske sath nahi reh sakti.....Jo hoga dekha jayega.....
Sonia: yr I hope k sab thik ho....

Itne mein recess time khatm ho gaya aur sabhi apni classrooms ki taraf chal pade....Priya aur Sonia ne
class mein ate hi dekha k Raj alag jaker baith gaya hai....ye dekh kar Priya ko kafi khusi huyi k acha huya
picha chuta....Sonia ko Raj ki halat dekh kar kafi Taras aya par wo kus nahi kar sakti thi to wo bhi Priya k
sath ja ker baith gayi....

Jaise taise baki k period v nikal gaye aur Jaise hi school ki chuti huyi to sabhi bache uth kar classes ke
bahar chal pade jahan sabhi bache khus the to Raj ,Priya aur Sonia k chehre par kus alag hi bhaw the par
sabhi ke apne apne karn the ...
Update 9
Raj pehle school ke gate se bahar nikla use lene k liye driver bheja gaya tha…driver Raj ko dekhta hai aur
awaj deta hai…to Raj uske pass chala jata hai aur gadi mein baith kar ghar ki taraf chal deta hai wo bahut
udas aur preshan tha…fir wo apne ghar pahunchta hai aur gadi se utar kar ander ki taraf chal deta
hai….Raj ki mummy hall mein hi baithi thi…Raj ne jab dekha ke uski mummy hall mein hi baithi hai to
usne apne chehre pe ek jhuthi smile lane ki kosish ki…
Par kehte hain na k maa to akhir maa hoti hai to Raj ki smile ke piche ka sach Sunidhi se chip na saka wo
turant samj gayi k Raj kus preshan hai…
Sunidhi: Raj beta koi problem hai kya…kya kisi ne kus kaha tere se…
Raj: nahi mummy aisi koi bat nahi hai bus thoda thak gaya hun…kya ap thoda pani le aogi…
Sunidhi: OK beta tum apne kamre mein jao main pani le kar ati hun…
Raj Sunidhi ki bat sun kar wahan se chala jata hai aur apne room mein ja kar baith jata hai…itne mein
Sunidhi hath mein pani ka gilas lekar kamre mein enter hoti hai…Sunidhi Raj ko pani deti hai aur Raj pani
ko hath mein pakad kar bhaitha rehta hai par wo pani pi nahi raha tha balki wo kisi gehri soch mein
dooba huya tha ye dekh kar Sunidhi ko yakeen ho jata hai k Raj ko koi na koi problem jaroor hai..isliye
wo fir se Raj se puchti hai..
Sunidhi: beta agar koi problem ho to tum mere sath share kar sakte ho…
Raj: nahi mummy koi problem nahi hai…main bas thoda rest karna chahta hun…
Sunidhi: koi baat nahi beta tum rest karlo main fir aungi par kisi v baat ka jyada stress mat Lena tumhari
mummy hamesha tumhare sath hai…
Ye sun kar Raj ki ankhein bhar ati hain par wo apne ap ko control karta hai aur mummy ke gale lag jata
hai…fir dono alag hote hain aur Sunidhi Raj k mathe pe ek kiss karti hai aur uske kamre se chali jati hai…
Raj bed par lait jata hai…uske dimag mein aj ki sari gatnayein ek film ki tarah chal rahi thin…uski ankhon
mein ansoo the…wo sirf yahi soch raha tha k ab kya hoga…uske dimag mein kayi sawaal the Jaise Priya
ne aisa kion kiya…wo mujhse nafrat kion karti hai…kya mujhe sab kus ghar pe bata dena chahiye…par
agar meri wajah se papa aur uncle ki dosti tut gayi to…par agar Maine kisi ko kus nahi bataya to mujhe
roj Priya ka samna karna padega…kya mujhme itni himmat hai k main uska samna ab kar paunga…
Tabhi achanak Raj ekdum se bed se uth jata hai aur bolne lagta hai…
Raj: nahi main aisa nahi kar sakta mujhe sabko sab sach bata dena chahiye…
Raj ne aj tak apni jindgi mein kabhi v koi decision khud nahi liya tha par aj wo ek dorahe par khada tha
jahan aik aur use apne papa aur uncle ki dosti nazar a rahi thi to dusri taraf Priya ki uske prati nafrat…use
koi teesra rasta nazar nahi a raha tha to usne socha k wo apni mummy k paas chala jaye par tabhi uske
dimag mein kus aya aur wo ruk gaya aur wapis apne bed par lait gaya…usne socha k sham ko papa k ane
k baad wo dono se ek sath mein baat karega…
Ye soch kar Raj sone ki kosish karne lagta hai par wo so nahi pa raha tha…to wo wahan se uth kar upar
chat par chala jata hai aur Priya ke ghar ki taraf dekhne lagata hai….Priya ke ghar ki chat par v koi
tha…par wo use saaf saaf dekh nahi pa raha tha kionk Raj ke ghar aur Priya ke ghar ke bichkar…Raj ke
ghar ka swimming pool aur fir unke aur Priya ke ghar ki boundary aur fir Priya ke ghar ka garden the…aur
uper se Priya ke ghar ki chat par ghoom raha sakhas chat ki dusri taraf tha…
Par jese hi wo thoda us taraf aya to Raj ko itna to pata chal gaya k wo koi ladki hai aur thoda aur kareeb
ane par use ye v shak ho gaya k j ho na ho Priya hi hai…to Raj wahan se jaldi mein niche ki taraf chal
padta hai aur apne kamre mein ghus kar bed par lait jata hai...par Priya ne use dekha nahi tha…
Raj soch raha tha k yeh ladki chhat par v chain se nahi ghumne deti…ab wo aur besabri se apne papa k
ane ka intzar karne laga tha…ab wo jaldi se jaldi is problem se chutkara pana chahta tha…
Raj apne kamre mein ghum raha tha….use aisa lag raha tha mano ghadi v aj bohut jyada slow chal rahi
hai…wo bar bar kamre se bahar nikal kar niche gate ki taraf dekh raha tha…
Tabhi door bell bajti hai…uski mummy door kholne jati hai..wo door kholti hai to samne Raj k papa
khade the…unke hath mein ek brief case tha…Raj k mummy papa dono apas mein batein karte huye
apne kamre ki taraf chal padte hain...raj k chehre se saaf pata chal raha tha k uske dimag mein jaroor kus
confusion chal rahi hai…..
Wo apne kamre mein ata hai aur sochne lagta hai k kya mummy papa se is bare mein baat karni
chahiye….kya wo meri baat manenge…par ab kar v kya sakte hain iske ilawa aur koi rasta v nahi najar a
raha….baat to karni hi padegi Jo hoga dekha jayega…yeh soch kar Raj apne kamre se nikal kar niche apne
mummy papa k kamre ki taraf chal padta hai…wo Jaise hi gate par pahunch kar knock karne ke liye hath
uthata hai to foran apna hath fir se niche kar leta hai…par fir kus soch kar gate knock kar hi deta hai….
Update 10
Raj apne parents ke room k gate par knock karta hai to uski mummy gate open karti hai…aur dekhte hai
k samne Raj hai wo use ander bulati..

Sunidhi: are beta tume kus chahiye…

Raj: nahi mummy vaise hi man kiya k apse thodi batein karlun to isliye a gaya…
Sunidhi: to aao na beta ander baitho ake….
Raj jaker bed par baithta hai aur kamre mein idhar udhar dekhta hai aur fir apni Mummy se pushta hai..
Raj: mom dad kahan hain…
Sunidhi: beta wo naha rahe hain abhi ate hi honge koi kam tha kya…
Raj: nahi mom bas aise hi…
Abhi Raj aur Sunidhi batein hi kar rahe hote hain k tabhi Raghuveer bathroom se apne kurte ke button
band karte huye niklta hai…tabhi uski najar Raj par padti hai…
Raghuveer: are Raj aj tum yahan…akhir kya batein ho rahi hain maa bete mein…
Raj: kus nahi papa bas aise hi apne kamre mein bore ho raha tha to yahan a gaya…
Sunidhi: are tum dono baith kar batein karo main tab tak thoda kitchen mein ho ati hun….
Raj: nahi mummy ap baithiye mujhe ap dono se kus bat karni hai…
Sunidhi: kya hua beta sab thik to hai na…
Raj: han mummy sab thik hai…
Raj ki baat se Sunidhi aur Raghuveer thodi tension mein a jate hain k akhir kya baat hogi…Raj ek gehri
sans leta hai aur baat ko age badata hai par wo bahut ghabraya huya tha k akhir uske mummy papa uski
baat par kaisa react karenge…
Raj: papa main ap logon se kus mangna chahta hun…
Raghuveer: han jarur beta hum tume kisi chij k liye na thodi karenge bolo kya chahiye tumhe…
Raj: pehle ap dono promise Karo k ap meri baat manege…
Sunidhi: beta tu bata na aisi kya baat hai jiske liye tujhe promise chahiye….mujhe bahut ghabrahat ho
rahi hai…
Raj: mummy ghabrane ki koi jarurat nahi hai…bas ap plz promise kijiye…
Sunidhi: promise beta main tumhari har baat manugi…
Raj: papa ap v…
Raghuveer: han bhai promise ab baat v to bata…
Raj: papa main kahin aur reh kar padhna chahta hun…
Raghuveer: beta main kahin aur nahi ja sakta mujhe jahan ka business shambalna hai…
Raj: papa main akela hi Jana chahta hun…
Raj ki baat sun kar dono k mun khul jate hain khas kar Sunidhi to ek dum shocked hi ho jati hai…un dono
ki aisi halat dekh Raj apni baat ko age badhata hai…
Raj: mummy papa mujhe pata hai k meri is baat se ap logon ko jhatka laga hai…par papa main apke jaisa
banna chahta hun main apne ap ko physically aur mentally strong banana chahta hun…yeh tabhi hoga
jab main duniya ka samna akele karunga…
Sunidhi: par beta j sab tu hamare sath reh kar v to kar sakta hai…
Raj: mom apko yad hai na jab papa mujhe jogging k liye le ke gaye the aur mere pairon mein dard hone
laga tha to ap papa se v lad padi thin…isliye main akela rehna chahta hun…main v ap logon se bahut pyar
karta hun…par kya ap log yeh chahte hain k main hamesha dusron par dependent rahun…so plz mom
man jaiye na…
Sunidhi: beta main tumhari baat ko samjti hun par tum abhi itne bade nahi hue k tum akele reh sako….
Raj: mom mujhe pata hai k yeh muskil hoga par main sambhal lunga….
Raghuveer un dono ki batein sun raha the aur is baat ka koi hal soch raha tha…
Raghuveer: dekho Raj tum sahi keh rahe ho main khud v yahi chahta hun k tum apne ap ko sambhal
pao…par beta tumhari mummy v sahi keh rahi hai hum tume abhi akela nahi chod sakte…
Raj: papa plz…ap logon ne promise kiya tha…
Raghuveer Raj ki baat sun kar soch mein pad jata hai par use jaldi hi aik rasta nazar ata hai…
Raghuveer: OK mere pass ek solution hai…
Raj jaldi se bolta hai kya…
Raghuveer: tum aisa karo k tum Pune chale jao…wahan Ka business Mohan sambhalta hai…mujhe us par
pura bharosa hai k wo tumhara khyal rakh sakega…
Raj: OK papa par meri kus shartein hain…
Raghuveer: ab wo bhi bata do bhai…kya shartein hain….
Raj: pehla to main Mohan uncle k ghar nahi rukunga…dusra wo meri madad tab karenge jab main unki
madad mangu…
Raghuveer: OK tum hamare Pune wale ghar mein hi rehna wo Mohan k ghar k jyada dur nahi hai...
Raj: to fir thik hai papa…
Raghuveer: Sunidhi tume to koi problem nahi hai na…
Sunidhi: vaise to main apne bete ko apne se dur nahi kar sakti par fir v agar iski khusi isi mein hai to thik
hai…aur fir Mohan to wahan hoga hi…
Raj ye sun kar khus ho jata hai aur apne mummy papa k gale lag jata hai…
Raj: ok papa main kal ko hi jaunga…
Raghuveer: are bhai aj itni raat ho chuki hai kal tak ghar tyar nahi ho payega tum aisa karo tum Thursday
ko chale jana…do din to kamse kam lagenge hi na…
Raj: OK papa thik hai…ok ab main apne kamre mein ja raha hun…
Raj wahan se nikal kar apne kamre mein chala jata hai…Sunidhi kitchen mein chali jati hai…aur
Raghuveer Mohan ko phone karke sari batein samja deta hai…aur use Thursday tak sab thik karne ke liye
keh deta hai…
Raj apne kamre mein aker bed pe lait jata hai wo kafi khus tha ek to ab use Priya ka samna nahi karna
padta…uper se ek nayi jindagi jine ka mauka milta jahan wo apne dum par khud ko sabit karna chahta
tha….asal mein jab Monty ne use bura bhala kaha to usne pehli baar apne ap ko itna kamjor mehsus kiya
k koi use itne jalil kar raha hai par wo kus v nahi kar sakta agar kus karta to jyada se jyada ek 5-6 saal ke
bache ki tarah apne papa ko bata deta…uske dimag mein ye bhi aya k uski apni koi pehchan nahi hai…wo
sirf ek crorepati baap ka beta hai Jo age chal kar uska Sara kaam shambal lega…par ab wo chahta tha k
log use jane use pyar karein…han use thoda dukh v tha k wo apne mummy papa se dur ja raha hai….par
wo janta tha k kus pane ke liye kus khona padta hai…

Raj apne inhi khyalon mein ghum tha k tabhi uski mummy use dinner ke liye niche bulati hai….aur wo
chala jata hai sab milkar dinner karte hain….aur apne apne kamre mein jaker so jate hain…

Aj raj ko kafi achi neend ai thi uske chehre par ane wale kal ke suraj ki chamak thi….Ab dekhte hain k Raj
apne sapne pure kar payega ya fir waqt ke dhakon ke samne apne ghutne tek dega…
Update 11
Tuesday 8:00 am ka time ho raha tha…Raj abhi bhi so raha tha…pata nahi aj aisi kaisi neend ayi thi use k
uthne ka naam hi nahi le raha tha…uske chehre pe ek badi muskan thi Jo saaf ishara kar rahi thi k Raj
jarur koi aisa sapna dekh raha hai Jo k use kafi khusi de raha hai…par kehte hain k koi v chij chahe kitni v
achi kion na ho uska ant hota hi hai…isi tarah Raj ki neend ka v ant ho jata hai wo apni ankhein maslta
huya uth baithta hai…aur apni ankhein kholte hi sabse pehle deewar par tangi ghadi ki taraf najar Marta
hai aur dekhta hai k 8:10 ho chuke hain…yeh dekh kar wo hadbadate huye uthta hai aur jaldi se
washroom ki taraf badta hai aur sochta hai k mummy ne uthaya kion nahi khamkha school ke liye late ho
jaunga…par thodi hi der mein use yaad ata hai k wo ab school nahi Jane wala…aur wo ek chain ki saans
leta hai…fir brush wagerha karke aur fresh ho k wo niche hall ki taraf chal padta hai…wahan uske papa
tyar ho k bahar ki taraf ja rahe the sayad office hi ja rahe honge…raj yeh dekhta hai aur apne papa ke
paas ja ker unke pair chuta hai…
Raj: good morning dad….
Raghuveer: good morning beta…uth gaye…
Raj: han papa…ap office ja rahe ho kya…
Raghuveer: han beta aur mujhe late ho raha hai niklta hun aur vese v aj meri aik important meeting hai…

Fir Raghuveer wahan se nikal jata hai aur Raj sofe par baith kar television on kar deta hai…aur cricket
dekhne lag jata hai…itne mein Sunidhi hall mein enter hoti hai…aur Raj ko wahan bhaitha dekh kar uske
pass jaker baith jati hai…
Sunidhi: uth gaya beta…
Raj: han mummy good morning…
Sunidhi: good morning beta…
Raj: mummy apne mujhe uthaya kion nahi…
Sunidhi: beta main tujhe uthane ayi thi par jab tere chehre ki taraf dekha k tu kitni masoomiyat aur aram
se so raha hai to mera tujhe uthane ka man nahi kiya…vaise v aj konsa tujhe school Jana hai…
Raj: han ye baat to hai…
Itne mein Sunidhi ko kal raat ki baat yad a jati hai aur uske chehre ka rang badal jata hai ye soch kar k
uska beta ek- do din k baad usse alag jaker rehne wala hai…wo thodi emotional ho kar raj se puchti hai…
Sunidhi: Raj beta tu mujhe chod ke kion ja raha hai…
Raj: mummy main apko hamesha ke liye chod ke thodi ja raha hun bas thode time ki baat hai…fir main
apke paas hi rahunga…aur vaise v main sirf isliye ja raha hun ta ki main is kabil ban paun k apni pyari
mummy ka khyal rakh sakun…
Raj ki itni pyari batein sun kar Sunidhi ki ankhon mein ansoo a jate hain…Sunidhi k ansoo dekh ke Raj ka
dil fat sa jata hai…wo turant apni maa k gale lag jata hai…aur fir alag ho kar unke ansoo pochte huye unki
god mein sir rakh kar sofe par lait jata hai….
Raj: mummy…
Sunidhi: han beta…
Raj: mummy meri ek baat manogi kya…
Sunidhi: beta main to tere liye jaan v de sakti hun…
Raj: mummy apki jaan itni sasti nahi hai…han mujhe apki ankhon mein ansoo bilkul v ache nahi lagte
hain…to plz ap royie mat…
Sunidhi: are beta main ro nahi rahi hun wo to tera pyar dekh kar khusi k mare ansoo nikal aye…
Raj: mummy I love you…
Sunidhi: I love you too beta…
Raj: mummy papa ne Mohan uncle se baat ki hai kya …
Sunidhi: han beta unhone rat ko baat ki thi aur sab samja diya tha…
Raj: mummy ap mere se gussa to nahi ho na…
Sunidhi: kis baat ke liye...
Raj: yahi k main pune ja raha hun…
Sunidhi: are beta main gussa nahi hun han thoda bura lag raha hai k tu mere se door rahega…bera ek
promise kar mujhse…
Raj: bolo mummy…
Sunidhi: tu mujhe roj subah uthne ke baad aur raat ko sone se pehle phone jaroor karega…
Raj: promise mom…aur han ye Raj Sinha ka wada hai…meri garden bhale hi tut jaye par wada nahi
tutega…
Raj ki baat sun kar Sunidhi hans padti hai…aur thodi der pehle Jo mahol itna emotional tha wo ek dum se
khusnuma ban jata hai…
Sunidhi: chal uth ab meri god se nautanki kahin ka mujhe aur v kaam hain…
Raj uth ke baith jata hai aur wapis tv dekhne lag jata hai Sunidhi uth kar kitchen mein chali jati hai aur raj
ke liye breakfast aur juice leke ati hai Raj wahin TV dekhte dekhte breakfast karta hai…rita wahan se
khali barten utha kar le jati hai aur Sunidhi raj ke pass baith kar TV dekhne lagti hai…kus time baad
Sunidhi uth kar apne bedroom mein chali jati hai par Raj wahin TV k samne chipka rehta hai…
Update 12
Raj kafi der tak tv dekhta raha fir wo uth kar apne room mein chala jata hai…wo apne bed par baith kar
apne ane wale dino k bare mein sochne lagta hai…fir wo apna laptop on karke us pe koi movie dekhne
lagta hai…itne mein uski mummy use lunch k liye bula laiti hai to wo apne laptop ko band karke niche
chala jata hai…aur lunch karne ke baad wapis apne room mein a jata hai…uske baad uski ankh lag jati hai
aur wo gehri neend ke kho jata hai…sham ko 5:00 baje uske gate pe knock hota hai to uski neend khul
jati hai….wo uth kr darwaja kholta hai to samne Geeta khadi hoti hai…Raj uske pair chuta hai…
Raj: hlo aunty kaisi hain ap…
Geeta: main thik hun beta tum batao k kaise ho…
Raj: thik hun aunty…ap ander a kar baithiye main thoda washroom ho ke ata hun…
Geeta bed pe a kar baith jati hai aur Raj bathroom mein ghus jata hai….thodi der baad Raj v a kar bed pe
baith jata hai aur dono apas mein batein karne lag jate hain…
Geeta: beta koi problem to nahi hui na school mein…
Raj thoda ghabra jata hai k kahin aunty ko pata na chal gaya ho par fir v apne ap ko normal karte huye
jawab deta hai..
Raj: nahi aunty ap aisa kion puch rahe ho…
Geeta: are jab Maine aj Priya ko tere bare mein pucha to usne kaha tu aj school nahi aya to mujhe laga k
kahin Teri tabiyat na kharab ho…isiliye main yahan ayi to niche Sunidhi baithi thi par jab Maine use tere
bare mein pucha to usne btaya k tu ab school nahi Jane wala aur pune ja raha hai…
Raj: han aunty main pune ja raha hun…par school mein kus nahi hua…apko mummy ne mere pune Jane
ka karn nahi btaya kya…
Geeta: Maine pucha to tha par usne kaha k Raj se hi puch lo toh main tere paas a gayi…ab tu hi batade k
kya karn hai tumhare jane ka…
Raj Geeta ko sari baat bata deta hai…jo kal uske aur uske parents ke bich mein huyi….
Geeta: to yeh wajah hai…
Raj: han aunty…apko kya lagta hai k maine sahi kiya ya galat….
Geeta: beta agar practically sochun to tu sahi kar raha hai…par dil kehta hai k tujhe nahi jana
chahiye…tum pehle hi bade saalon baad mere paas aye the to ab tujhe apne se dur karne ka dil nahi
karta…par fir v main hamesha yahi chahti hun k tu ek successful admi bane isliye tu ja beta tu bilkul sahi
kar raha hai…
Raj: thanks aunty mujhe samjhne ke liye…I love you aunty…
Geeta: I love you too beta…
Raj aur Geeta aise hi batein karte rehte hain aur fir Geeta apne ghar chali jati hai…uske baad us din kus
khas nahi hua raat mein dinner karne ke baad sabhi apne apne kamron mein ja kar so jate hain…

Agle din Wednesday tha…Raj aj v der se uthta hai aur fresh hone ke baad hall mein pahunch jata
hai…uske dad jaa chuke aur uski mummy hall mein hi baithi TV dekh rahi thi…Raj jaker apni mummy ke
pair chuta hai….
Raj: gud morning mom..
Sunidhi: gud morning beta...main tere liye khana laga deti hun…
Fir Sunidhi uth kar kitchen mein chali jati hai aur khana dinning table pe laga deti hai Raj khana khata hai
aur fir TV dekhne lagta hai…
Dopehar mein Geeta v unke ghar ati hai kionk Raj ne kal subah jaldi hi chale jana tha…
Fir Geeta aur Sunidhi milkar Raj ki packing karne lagti hain Raj v bich bich mein apni jarurat ka saman
utha kar unhe de raha tha…fir teeno milkar lunch karte hain…aj Geeta tab tak wahan rahi jab tak Priya
ke ane ka time nahi ho gaya …usne Raj se dher sari batein ki…
Iske baad us din kus khas nahi huya….raat dinner ke baad Raj jab apne kamre mein pahuncha to wo
bahut khus tha…wo soch raha tha k wo ane wale Dinon mein kya karega…uske sath kya kya naya hoga
aur wo apne parents ke bina apne ap ko kaise sambhalega
Update 13
Thursday subah 5:30 baje Sunidhi Raj ke kamre mein ati hai…Raj wahan so raha tha…par uske chehre pe
ek masoomiyat bhari muskan faili huyi thi…Sunidhi ko apne bete ki is masoomiyat par bada pyar ata hai
aur wo uske mathe pe chum leti hai…isse Raj ki neend khul jati hai aur wo apni maa ko apne paas baitha
dekhta hai….
Raj apni ankhein malte huye bed pe baith jata hai…
Raj: gud morning mom…
Sunidhi: gud morning beta…ab jaldi se uth aur tyar ho ja..
Raj: mummy mujhe konsa aj school Jana hai Jo ap itni jaldi tyar hone ko bol rahi ho…
Sunidhi: are bhul gaya kya aj tujhe pune Jana hai…
Yeh sun kar Raj apne mathe pe hath Marta hai aur jaldi se uth kar bathroom mein ghus jata hai…Sunidhi
wahan se chali jati hai…
Raj tyar ho kar niche ata hai to uske mummy papa wahin baithe the…Raj apne papa ke pair chuta hai…
Raj: gud morning papa…
Raghuveer: gud morning beta…toh ho gaye tyar…
Raj: han papa ek dum ready hun…
Sunidhi: chalo pehle khana kha lo…
Raj: ok mummy…
Fir teeno khana khane lagte hain…
Jab tak ye khana kha rahe hain tab tak chaliye thoda Priya ke ghar ho ate hain….wahan Priya aur uske
mummy papa hall mein hi baithe the…itne mein Geeta khadi hoti hai…aur bolti hai..
Geeta: chalo Raj se mil ayein fir Priya ko v school Jana hoga…
Mohit: han chalo bhai…
Geeta: Priya tu v chal fir school chali Jana…
Priya to Raj ki shakl v dekhna pasand nahi kar rahi thi par fir v wo yeh jan na chahti thi k Raj se akhir kion
milna hai…
Priya: kion use kya hua…
Geeta: kus ho uske dusmano ko…wo to puna ja raha hai padne ke liye…

Priya to Geeta ki baat sun kar man hi man uchal padti hai k chalo picha chuta us gubare se…wo vaise to
Raj se nahi milna chahti thi par fir v apni Mummy ka dil rakhne ke liye aur Raj ki haar dekhne ke liye usne
wahan chalne ka man bana liya…
Priya: chalo fir chalte hain vaise v mujhe late ho raha hai school ke liye…
Fir wo teeno v Raj ke ghar ki taraf chal padte hain…
Udhar Raj ke ghar mein sabhi khana kha chuke the aur hall mein baithe batein kar rahe the…Itne mein
door bell bajti hai aur Rita door kholti hai samne Priya aur uske parents khade the wo teeno hall mein
enter karte hain…aur un logon ke pass ja kar baith jate hain…Raj aur Priya ki najar ek pal ke liye milti hai
par dono ek dusre ko ignore kar dete hain…
Raj uth kar geeta aur mohit ke pair chuta hai aur Priya v raj ke mummy papa ko wish karti hai…
Geeta: to Raj beta ho gayi tumhari tyari puri…
Raj: han aunty…
Sabhi aise hi batein kar rahe the aur itne mein Priya uth kar khadi ho jati hai…
Priya: mummy mera time ho gaya hai main chal rahi hun….aur han bye Raj and good luck for the future…
Ye baat kehte huye Priya ke chehre pe ek vijayi muskan thi…wo samaj rahi thi k usne apne sabse bade
dushman ko hara diya hai aur ab puri duniya uski muthi mein hai…uski is muskan ko Raj ne v notice kar
liya…fir v usne Priya ko thanks kaha aur Priya sabhi ko bye bol kar chali gayi…

Raj: papa flight kitne baje ki hai…

Raghuveer: are beta tum flight se nahi ja rahe ho…
Raj: to fir…
Raghuveer: jara mere sath ao tumhare liye ek surprise hai…
Ye bol kar Raghuveer Raj ko apne sath bahar le jata hai…bahar pahunch te hi Raj ki najar Jaise hi samne
padti hai to wo ek dum surprised ho jata hai…samne ek bahut hi mehngi BMW car khadi thi…
Raj: papa apne nayi car kharidi hai…bahut achi hai…
Raghuveer: ye tumhare liye hai…aj tum puna isi mein jane wale ho…
Raj: par papa main kaise mujhe to chlani hi nahi ati…
Raghuveer: are beta tumhare liye ek driver v rakha hai…yahi tume leke jayega aur tumhe driving v sikha
dega…
Raj: ok papa…and thanks..I love you papa..
Raj apne papa ke gale lagta hai…vaise to use aise mehnge gift lene ka koi sounk nahi tha par wo us car ki
price ko nahi balki apne papa ke pyar ko dekh raha tha…
Fir wo dono ander a jate hain Raj ka saman gadi mein rakhwa diya jata hai…Ab Raj wahan se Jane ke liye
tyar tha sabhi use vida karne ke liye bahar hi khade the…Raj sabse pehle apne Papa ke paon chuta
hai…wo use ashirwad dete hain aur gale laga lete hain…fir wo mohit ke pair chuta hai…wo v use
ashirwad deta hai…fir uski najar Sunidhi aur Geeta par padti hai wo dono ek sath khadi thin aur unki
akhein nam ho chuki thi…Raj unke paas jata hai aur un dono ka ek ek hath apne hath mein pakad leta
hai…
Raj: ap dono ro kion rahi hain main koyi army mein thode ja raha hun…plz ap dono rona band karein
nahi to main v ro dunga apko meri kasm…

Raj ki baat sun kar dono siskte huye apni ankhein poch leti hain…fir Raj bari bari dono ke gale lagta hai
aur bye kehta hai…
Itne mein Raj ko kus yad ata hai aur wo ek mint keh kar bhagte huye apne kamre ki taraf jata hai…wo
apni guitar uthata hai aur fir se bahar chal padta hai…bahar sab usi ka wait kar rahe the…fir Raj sab ko
bye bol kar apni gadi mein ja kar pichli seat par baith jata hai…wo apni gadi ka sheesa neeche karta hai
aur fir se sabko hath hila kar bye karta hai...sabhi usko bye karte hain…Sunidhi aur Geeta ke chehre ki
udasi dekh kar ek bar to Raj ka man pighal jata hai par fir agle hi pal Priya ki wo muskan uski ankhon ke
samne ati hai aur uska faisla aur v majboot hi jata hai….itne mein gadi start hoti hai..aur main gate se
bahar nikal jati hai…Raj apne ek naye safar pe nikal chuka tha…usne apne dimag mein Jo manjil Sochi thi
wo uski taraf apna pehla kadam badha chuka tha…ab age kya hoga ye janne ke liye bane rahiye…
Update 14
Raj ki gadi pune ke liye chal padi thi…is tarah uska ghar usse dur hota ja raha tha…aur uski manjil uske
aur karib ate ja rahi thi…unko chale huye lagbhag 1:30 ghanta ho chuka tha…Raj ab gadi mein baitha
baitha bore ho raha tha…
Raj: uncle abhi aur kitni der lagegi…
Driver: sir ek dedh ganta to aur lag hi jayega…
Raj: chalo thik hai…
Raj fir se chup chap baith jata hai par boriyat se bachne ke liye wo apna phone nikalta hai aur
headphones laga kar songs sun ne lagta hai…music to Jaise uski jaan tha…wo romantic songs bahut
sunta tha aur unme aisa kho jata tha k use duniya ki koi khabar hi nahi rehti thi sayad yahan bhi wahi
huya...wo songs mein itna kho gaya ke wo kab pune pahunch gaya use pata hi nahi chala…jab gadi ruki
to wo ekdum se aise utha Jaise wo kisi aur hi duniya ki shair par nikal gaya ho…itne mein driver ki awaj
ayi…
Driver: sir pahunch gaye puna…..
Raj aas pass dekhta hai to wo ek ghar ke main gate ke ander the…Raj gadi ka door open karta hai aur aas
pass dekhta hai…to uski najar us ghar par padti hai…wo Raj ke Mumbai wale ghar jitna alishan to nahi
tha par fir v bahut khubsurat ghar tha…Bahar ki boundaries ke bilkul bich mein ek ghar tha…uske Charon
taraf garden fails huya tha…garden ke bich hi ek Oval shape ka pool bana huya tha…main gate se ghar ke
gate tak ek pakka rasta banaya huya tha jiske dono taraf rang birange phool gamlon mein lage huye
the…sach kahun is ghar ki khubsurati mein Raj itna kho jata hai k ek pal ke liye wo apne bangle ko bhi
bhool jata hai…yahan use kus alag sa mehsoos ho raha tha wo kus jyada hi kho sa gaya tha…par ek awaj
use wapis hosh mein lati hai ye awaj Mohan ki thi jo apne pariwar ke sath Raj ke welcome liye khada
tha…

Dosto Mohan aur uski family ka introduction de deta hun…

Mohan Kumar: ye ek imandar aur jimedar insan tha…ye Raghuveer ko apna bhagwan samjta tha…aur
Raghuveer us pe bahut jyada bharosa karta tha…isliye pehle apna pune ka business uske bharose chod
diya aur ab apna beta…Mohan ne bhi apni jimebari puri imandari se nibhayi thi…
Rekha Kumar: ye Mohan ki wife hain ye v Raghuveer ki boht izat karti hai aur Raj ke wahan ane se bahut
khus thi….
Sandeep Kumar: ye Mohan ka iklauta beta hai…Raj ka humumar hai…dikhne mein thik thak hai…na to
jyada fit hai aur na hi jyada mota bas thoda bhari sa hai…ladkian use jyada pasand nahi karti hain par
school mein kafi mashoor hai kionk ek do ko peet chuka hai…padai mein v kus jyada acha nahi hai…

To dosto kahan the hum…han Raj Mohan ki awaj sun kar unki taraf dekhta hai aur unke paas chala jata
hai…
Raj: hlo uncle aunty..
Mohan: hlo beta acha huya tum a gaye hum tumhara hi wait kar rahe the...
Fir Raj Sandeep se hath milata hai aur fir Charon ander a jate hai…aur hall mein sofon par baith jate
hain…Naukron ko keh kar Mohan Raj saman ander rakhwa deta hai aur ….fir sab apas mein batein karne
lagte hain…
Raj: uncle apne ghar ko bahut ashe se tyar karwaya hai….
Mohan: thanks beta ab jab Raghuveer sir ka order tha to mujhe to karna hi tha…
Raj: uncle apne meri admission to karwa di hai na…
Mohan: han beta maine Sandeep ke school mein tumhari admission karwa di hai….tum jab chaho join
kar sakte ho…
Raj: OK uncle thanks…
Mohan: are isme thanks ki kya baat hai…yeh to mera farz hai…
Raj : uncle kya ap mera ek aur kam kar sakte hain kya…plz
Mohan: han bolo beta kya kam hai…
Raj: uncle mujhe ek music teacher ki jarurat hai Jo mujhe guitar sikha sake….aur mujhe ghar par gym bhi
chahiye aur ek personal trainer v chahiye….
Mohan: beta jaisa tum kaho ….main kal tak hi kus intzam karta hun…aur han abhi hum chalte hain…aur
sham ko Sandeep a jayega agar koi kam ho to ise bata dena…
Raj: ji uncle…han mujhe thoda aram karna hai mera kamra konsa hai....
Fir Mohan Raj ko uska kamra bata kar apni family ke sath wahan se chala jata hai…Raj ghar ko ashe se
dekhna chahta tha par safar ki thakawat ke karn apne kamre mein jata hai aur bed par girte hi so jata
hai…
Update 15

Raj kafi der tak apne room mein sota rehta hai…karib 4:00 baje uski ankh khulti hai aur wo uth kar
bathroom mein ghus jata hai…fir fresh hone ke baad apna phone uthata hai apni mummy ko lagane ke
liye…to dekhta hai k uski mummy ke 16 aur uske papa ke 7 miss call aye huye the…
Wo apni mummy ko phone karta hai…uski mummy to Jaise uske phone ke intzar mein hi baithi thi usne
ring jate ke phone utha liya aur raj par baras padi…
Sunidhi: tume koi akal wakal nahi hai kya k pahunche hi ghar phone kardun…pata hai mujhe kitni fikar
ho rahi thi…upar se phone uthata v nahi hai….wo to asha huya k Mohan ka phone agaya tha tumhare
papa ke pass…
Raj ko apni galti ka ehsas ho jata hai…wo apni mummy mafi mangta hai…
Raj: sorry mom kafi thak gaya tha main isliye ate hi so gaya…
Sunidhi: chal chod ab aur bata kaisa hai tu…
Raj: thik hun mom ap batao ap aur dad kaise ho…
Sunidhi: thik hain beta koi problem to nahi huyi na raste mein…
Raj: nahi mom…
Sunidhi: beta agar koi v dikat ho to Mohan se bol dena…
Raj: ji mom….
Sunidhi: beta abhi mujhe kus kam hai…han raat ko pakka phone kar lena bhul mat Jana ….nahi to wahan
akar Teri khabar lungi…
Raj: ji mom nahi bhulunga…
Fir dono bye keh kar phone kaat dete hain aur Raj sochta hai k chalo ghar ko thoda ashe se dekha
jaye…Fir Raj wahan se uth kar bahar a jata hai…aur hall mein ghus kar charon taraf najar daudata
hai…ghar sirf ek hi floor ka tha…wahan ek kitchen tha aur chaar rooms the attached washroom…fir Raj
wahan se nikal kar bahar garden mein a jata hai…aur idhar udhar tehlne lagta hai…fir wo swimming pool
ke paas chala jata hai aur …itne mein Sandeep wahan a jata hai…
Sandeep: hi Raj sir...
Raj: hlo kaise ho…
Sandeep: thik hun…ap batao kaise ho…
Raj: yaar thik hun but tum ye mujhe itni respect kion de rahe ho…
Sandeep: ap Raghuveer sir ke bete ho hamare boss ho…
Raj: yaar aj se tu mujhe aise itni respect nahi dega…aj se hum dost hain OK..
Sandeep: thik hai sir oh sorry Raj…
Fir dono has padte hain aur hath milate hain…
Raj: vaise yaar tumhara naam bada lengthy hai kya main tume kus aur bula sakta hun…
Sandeep: vaise to mera koi nick name nahi hai par agar tum chaho to koi rakh lo…
Raj: to fir Sandy kaisa rahega…
Sandeep: badiya hai…
(friends ab se main sandeep ko sandy hi likhunga)
Raj: tum meri hi class mein ho kya..
Sandy: han…
Raj: yaar school kaisa hai…
Sandy: school toh jahan ka number 1 hai…baki tum koi tension mat Lena...meri bahut chalti hai wahan
pe…
Raj: acha vaise tumhari kion chalti hai school mein…
Sandy: kus nahi yaar bas do teen ko peet dala isiliye thodi izat mil hi jati hai…
Raj: yaar kion peeta tumne kisi ko mujhe to yeh ladai jhagda bilkul pasand nahi hai…
Sandy: yaar kaminon ne mujhe maa ki gaali di to mujhse bardast nahi huya…vaise main kisi se ladai
jhagda nahi karta hun….
Raj: chal fir to thik kia…aur sunao…
Sandy: yaar aur to kus nahi tum batao koi girlfriend hai kya…
Raj: nahi bhai aj tak to koi nahi….ab age kisi ko bnaunga v nahi…
Sandy: kion bhai…
Raj: yaar sach kahun to mujhe ladkion se nafrat ho gai hai…yeh apne ap ko pata nahi kya samjti
hain…yeh kisi v insan ki seerat nahi uski Surat dekhti hain…main to kabhi inke chakar mein nahi padne
wala..(yeh sab kehte huye Raj ke dimag mein Priya ka chehra tha jise wo sach mein nafrat karta tha isliye
wo yeh sab kafi gusse mein keh raha tha…)
Sandy: yaar tu toh jyada hi serious ho gaya koi khaas wajah hai kya ladkion se itni nafrat karne ki…
Raj: nahi yaar kus nahi tu bata Teri koi girlfriend hai kya…
Sandy: nahi yaar meri aisi kismat kahan…kafi try kiya par koi fasti hi nahi…
Raj: yaar chodo ab in sab baton ko ….abhi hamari umar hi kya hai…abhi to khelne kudne ke din hain….
Sandy: han yaar aur bata tujhe koi problem toh nahi hai na yahan…
Raj: nahi sab thik hai…
Sandy: tu aisa kar mera no. Le aur agar koi v problem hui to bata dena mujhe…

Fir Sandy Raj ko apna no. De deta hai aur fir thodi der aur batein karne ke baad Sandy wahan se chala
jata…uske Jane ke thodi der baad Raj ke paas Geeta ka phone ata hai…

Geeta: hlo beta…kaise ho…

Raj: bilkul thik hun aunty ap btao kaisi ho…
Geeta: bilkul theek hun beta aur batao thik thak pahunch gaye the na…
Raj: han aunty thik thak pahunch gaya tha…aur sunao ghar par sab kaise hain…
Geeta: sab thik hain beta…aur sunao beta school kab se join kar rahe ho…
Raj: aunty main soch raha tha k parson se join karlun…
Geeta: han jaisa tum thik samjo…
Dono thodi der batein karte hain aur fir phone kaat dete hain….Raj raat ko dinner karne ke baad apni
mummy ko phone karke usne baat karta hai aur apne papa se bhi baat karta hai aur uske baad so jata
hai…

Dosto Raj to so gaya Lekin us din kus aur v hua Jo sayad hi kisi ne socha ho…to sham ke 5:00 baje ki baat
hai...Raj ke Mumbai wale ghar pe door bell bajti hai…Sunidhi door kholti hai to samne khade sakhs ko
dekh kar wo khus ho jati hai….
Update 16
Toh Jaise hi Sunidhi ne gate khola to samne Priya khadi thi…vaise ap log soch rahe honge ke yeh to Raj
se nafrat karti hai to aj yahan kya karne ayi hai…to main ap logon ko bata dun k yeh sirf Raj se hi nafrat
karti hai…sunidhi aur Raghuveer se kafi pyar karti hai…

Sunidhi Priya ko dekh kar bahut khus ho jati hai…

Priya: namaste aunty…
Sunidhi: namaste beta kaisi ho…
Priya: thik aunty…ap batao kaisi ho…
Sunidhi: thik hi hun beta…ao ander a kar baitho…
Priya ander a kar sofe pe baith jati hai…
Sunidhi: beta main coffee leke ati hun…
Priya: chodiye na aunty coffee ki kya jarurat hai…main to apse batein karne ke liye ayi hun….
Sunidhi: chalo jaisi tumhari marji…aur batao kaise ana hua…
Priya:kyon aunty main a nahi sakti kya….
Sunidhi: are beta aisi baat nahi hai tumhara hi ghar hai jab man kare ajaya karo…main to sirf isliye pus
rahi thi k sayad koi kaam ho tujhe…
Priya: nahi aunty koi kaam nahi tha…bas socha k jab se ap aye ho main ap logon se dhang se mili hi
nahi…
Sunidhi: han beta mujhe to laga tha k tum hamse kisi baat ko lekar naraz ho…
Priya: aunty main bhala kaise ap se naraz ho sakti hun…bas thoda jyada hi busy ho gayi thi…
Sunidhi: chalo koi baat nahi beta aur batao tumhara trip kaisa raha…
Priya: boht asha tha aunty boht maja aya…
Sunidhi:yeh toh ashi baat hai aur batao tumhari padhai kaisi chal rahi hai…
Priya: bilkul thik chal rahi hai…ap batao aur sab kaisa hai…
Sunidhi: baki sab to thik hai but mera bilkul v man nahi lagta ghar mein…
Priya: kion aunty…
Sunidhi: beta jab se Raj gaya hai tab se bas yeh ghar khane ko daudta hai…
Yeh baat kehte huye Sunidhi ki anhkon mein ansoo a jate hain aur Priya yeh dekh leti hai…wo Sunidhi ke
ansoo pochne lagti hai…Sunidhi fir se apni baat ko age badhati hai…
Sunidhi: Priya beta Raj ne aisa kion kiya aisa kya hogaya jo usne ekdum se itna bada faisla le liya…han
usne wajah to batai thi…par mujhe pata nahi aisa kion lagta hai k asli wajah koi aur hai…pata nahi mera
bacha apne dil mein kya chipaye baitha hai…
Priya ke paas Sunidhi ke is sawal ka koi jawab nahi tha kionk yeh baat to use pehle hi pata thi ke Raj uski
wajah se hi gaya hai…bas ab farak itna tha ke tab tak Priya Raj ke chale jane ko apni jeet samaj rahi thi to
ab Sunidhi ke ansoo dekh kar use lagne laga ke usne apne hathon se hi apne ap ko hara diya hai….ab use
apne kiye par pastawa ho raha tha par wo ab kus nahi kar sakti thi…wo bas Sunidhi ke behte huye ansu
saaf karti rehti hai aur Sunidhi ko apne gale laga leti hai…
Priya: aunty plz chup kar jaiye nahi to main v ro padungi…
Sunidhi: thik hai beta…par plz tu roz mere paas aya karegi na…tere ane se mere dil ko sukun sa mehsoos
ho raha hai…aya karogi na beti…
Priya: ji aunty main roj apse Milne aungi…par ap plz rona mat…
Sunidhi: thik hai beta…tu baith main tumhare liye kus khane pine ke liye magwati hun…
Priya: nahi aunty abhi to main ja rahi hun kal ko aungi…
Sunidhi: chalo thik hai beta…
Fir Priya wahan se nikal kar apne ghar ki taraf chal padti hai…uske chehre pe udasi saaf dikh rahi thi…aj
pata nahi uske dimag mein soch ke kitne dhage apas mein uljhe pade the…itne mein wo apne ghar
pahunch jati hai aur vaise hi gum sum si apne khyalon mein khoyi huyi apne room me apne bed pe lait
jati hai…

Aj uske jeevan mein jo toofan aya tha usne usko ander tak hila kar rakh diya tha…usne ye plan banane se
pehle yeh nahi socha tha ke Raj ke sath aur v jindagian Judi hui hain Jo use jaan se jyada pyar karte
hain…

Aj wo apne ap par sarmindagi mehsoos kar rahi thi…wo soch rahi thi k wo itni kaise gir sakti hai…kaise ek
bete ko uski maa se alag kar sakti hai…akhir kyon?

Lekin uske in sab baton ke bare mein sochne se koi farak nahi padne wala tha…lekin ek baat to thi k kisi
ne sach hi kaha hai k maa ke pyar ke samne bade bade apne ghutne tek dete hain…aur aj Sunidhi ka Raj
ke prati pyar dekhkar Priya ne v apne ghutne tek diye the…wo Priya jisne kabhi harna nahi Sikha tha…jo
hamesha apne ap ko sahi aur dusron ko galat samjhti thi….aj wo life mein pehli baar apne ap par guilty
feel kar rahi thi…

Khair najane Sunidhi ki baton ne Priya ki aisi halat kaise kardi usne us raat dinner v nahi kiya…Geeta ne
use bahut kaha par wo bas yahi soch rahi thi k wahan Raj apni mummy ke hathon ke bane khane ke liye
taras raha hoga aur jahan wo baith kar bade aram se maje le le kar khayegi…us raat Priya sach mein jaise
kahin kho si gayi thi wo bas yahi soch rahi thi k kaise wo apni galti ko thik kare…

Us raat Priya ko badi muskil se neend ayi…najane ab wo kya karne wali hai …par mujhe lag raha hai ke
hame is story mein ab kus naya dekhne ko milega…

Agle din Friday subah 5:00 baje Pune Raj ka ghar…

Raj ka alarm bajta hai aur wo uth kar baith jata hai…wo aur sona chahta tha par fir v apne man ko mana
kar uth jata hai aur fresh hone ke baad…

Apne ghar mein hi bane garden mein a jata hai…aj raj pehli baar apni marji se jogging karne wala
tha…Raj thoda warm up karne ke baad ghar ke garden mein hi chakar lagane lagta hai…pehla din tha is
liye wo thode rounds ke baad hi thak jata hai...aur fir ghar ke ander a kar hall mein baith jata hai…fir
ramu kaka ko awaj deta hai…
Raj: ramu kaka juice la dijiye…
( ramu kaka Raj ke ghar pe naukari karta tha…aur wahin servent quarter mein rehta tha…Mohan use kayi
salon se janta tha isliye uspar kafi bharosa karta tha…aur usi ne Raj ki dekhbhal ke liye use rakha tha)

Khair ramu kaka Raj ke liye juice le ata hai…Raj juice pita hai aur apni mummy ko phone karta
hai…Sunidhi thodi der ring hone ke baad phone utha leti hai…
Raj: good morning mummy…
Sunidhi: good morning shona…kaise ho…
Raj: bilkul fit…ap sunao
Sunidhi: main kya sunaun…tu hi kus suna kya kya kiya wahan Jane ke baad…
Raj sunidhi ko puri batein bata deta hai…apni jogging karne ki bhi…
Sunidhi: wah mere shona ne jogging ki…jahan to tere papa bol bol kar thak jate the par tu manta hi nahi
tha…
Raj: isliye to yahan aya hun…taki thodi mehnat karni seekh lun…
Sunidhi: are wah kya baat hai mera beta to badi jaldi samjdar ho gya …aisa kya hai puna ke paani mein…
Raj: mummy puna ke pani ka nahi ap logon ke ashirwad ka kamaal hai…
Sunidhi: bas kar baba subah subah itni bhari bhari batein hajam nahi hongi…
Fir Raj hasne lagta hai…
Raj: OK mummy ab main phone rakhta hun sham ko baat karta hun beech mein Mohan uncle ka phone a
raha hai…
Sunidhi: chalo bye beta…sayed unhe koi jaruri baat karni hogi isliye itni subah call ki hogi…take care…
Fir Raj phone kaat deta hai aur Mohan ko call back karta hai…Mohan jaldi hi utha leta hai…
Raj: good morning uncle…
Mohan: good morning beta…
Raj: uncle sab thik to hai na itni subah subah call ki apne…
Mohan: han beta sab thik hai bas tujhe ek baat kehni thi…k Maine gym trainer aur music teacher dono
dhundh liye hain…
Raj: are wah uncle apne toh kamal kar diya ek hi din mein dhundh liya…
Mohan: are beta yeh to mera farj hai…han sach gym trainer aj 10:00 am ayega…maine tumhara address
de diya hai…tum usse baat kar lena agar thik lage to usko done kar dena nahi toh mujhe bata dena…
Raj: thik hai uncle…main handle kar lunga…and thank you…
Mohan: welcome beta…asal mein mujhe aj Mumbai Jana hai tumhare papa ne ek jaruri meeting bulai
hai…nahi to main khud a jata…par han sham tak laut aunga…aur us music trainer ko apne sath hi le
aunga…
Raj: ji uncle OK bye…
Mohan: bye beta….

Fir Raj phone kaat deta hai aur sochne lagta hai k wo trainer se kya baat karega usne to apne liye kabhi
kapde v nahi kharide wo kaise decide karega k wo mere liye sahi hai ya nahi….fir socha k agar manjil tak
pahunchna hai to mehnat to karni padegi ….
Update 17
Mohan se baat karne ke baad Raj thoda chintit tha…wo isi soch mein tha k akhir wo trainer kaisa
hoga…kahin jyada khadoos na ho…kya main gym mein kus kar v paunga ya fir sirf batein hi banata reh
jaunga…

Raj aise hi kafi der tak sochta rehta hai….breakfast tyar hone ke baad wo breakfast karta hai…aur hall
mein baith kar TV dekhne lagta hai……

10:00 baje door bell bajti hai Raj uth kar door kholta hai aur samne ek khoobsurat aur fit body wali ladki
khadi thi…
Ladki: ji kya Mr. Raj sinha ap hi hain…
Raj: ji han par ap kon hain…
Ladki: ji main miss Isha Sharma…Mohan Kumar ji ne bheja hai…main ek gym trainer hun…
Raj: ji han mujhe uncle ne bataya tha ap ander ayiye…
Isha aur Raj ander a jate hain aur hall mein sofon par baith jate hain….
Raj: Ap garam thandha kus lengi….
Isha: ji nahi thanks...
Raj: OK to apko uncle ne samja hi diya hoga ke mujhe ek personal trainer ki jarurat hai…
Isha: ji han…
Raj: apko mere ghar pe hi ana hoga…apko Jo Jo gym ka saman chahiye wo ap mujhe bata dijiye…
Isha: ji thik hai mujhe manjur hai…bas ap ye bata dijiye ke ap kya karna chahte hain..I mean ke ap weight
reduce karna chahte hain yah muscles banana chahte hain…

Raj use Sara kus samja deta hai aur…Isha v Raj ko Jo Jo saman chahiye wo bata deti hai….
Isha: to sir main kab se a sakti hun…
Raj: ap kal subah se a jana…karib 6:00 baje kionk uske baad mujhe school Jana hoga…
Isha: sure sir…
Raj: agar ap bura na mane to ek baat pus sakta hun…
Isha: yes..
Raj: apki age kya hai…
Isha: 21
Raj: to fir ap mujhe sir mat kaha kijiye…main to apse 6 saal chota hun…ap mujhe mere naam se hi bula
sakti hain…
Isha: OK sir…I mean Raj…
Fir dono hasne lagte hain…
Isha: OK sir ab mujhe chalna chahiye…
Raj: ok ap ja sakti hain…
Fir Isha wahan se chali jati hai…
Raj fir se baith kar TV dekhne lagta hai...ab jab tak ye janab TV dekh rahe hain to ham log Priya ke school
ki taraf chalte hain…

Priya apni class room mein baithi thi…uske sath hi Sonia v baithi thi…Sonia aur Priya batein kar rahe the
sayad jis teacher ka period tha wo aya nahi tha…Sonia to batein kar rahi thi par Priya sirf han na hi kar
rahi thi…Sonia Priya ko ache se janti thi use pata tha ke Priya itni shant kabhi nahi baithti jarur koi
problem hai…
Sonia: Priya ghar mein sab thik hai na…
Priya: han…
Sonia: to fir studies ki tension…
Priya: nahi…
Sonia: kisi ne kus kaha kya tujhse…
Priya: nahi yaar tum kion yeh sab puch rahi ho…
Sonia: kionk mujhe pata hai k tumhe koi na koi problem to jarur hai…
Priya: yaar nahi main bilkul thik hun…
Sonia: dekh yaar tu mujhse jhuth nahi bol sakti sach sach bata kya hua hai…
Priya: are sach mein koi baat nahi hai…
Sonia: dekh yaar tu mujhe apni friend nahi samjti…
Priya: nahi yaar aisi baat nahi hai….
Sonia: yaar ab bahut hua tujhe meri kasam tumhe sach batana hi padega…
Priya apni best friend ki kasam nahi tod sakti thi…aur wo apne dil ki baat aur kisi ko bata v nahi sakti thi
isliye usne Sonia ko sab kus batane ka faisla kar liya…
Priya: kus nahi yaar bas thodi tension hai…
Sonia: kion kya hua…
Priya Sonia ko Apne aur Sunidhi ke bich huyi sari batein bata deti hai...
Sonia: to yeh baat hai…par tu itni tension kion le rahi hai…
Priya: yaar yeh to tujhe v pata hai k aunty meri bajah se dukhi hain…
Sonia: han par agar tu aise hi sochti rahegi to sab thik ho jayega kya…
Priya: aur main kya karun main bahut guilty feel kar rahi hun…
Sonia: dekh yaar tu aisa kar k ghar jate hi Raj ko phone karke usse sorry mang lena…
Priya: main usse baat nahi kar sakti…mujhe dar lag raha hai…
Sonia: yaar agar tum maafi nahi mangogi to tum aise hi ander hi ander dukhi hoti rahogi…
Priya: wo to thik hai par…mere paas uska number v nahi hai…
Sonia: to isme kya hai…apni mummy se le Lena....
Priya: yaar main kya kahungi k mujhe Raj se kya baat karni hai…
Sonia: ab wo sab mujhe nahi pata tu hi kus soch…

Priya: yaar main kya karun…ek to vaise hi main usse baat nahi karna chahti thi…uper se number lene ki v
tension…
Sonia: abwo sab mujhe nahi pata tu hi kus soch…

Priya: yaar main kya karun…ek to vaise hi main usse baat nahi karna chahti thi…uper se number lene ki v
tension…
Sonia: ab chod in sab baton ko tu jyada tension mat le aur class mein apna dhyan laga…
Itne mein wo period khatm ho jata hai aur agle period wali teacher a jati hai aur Priya apna dimag class
ki taraf lagati hai…

Udhar pune mein Raj Hall mein baitha TV dekh raha tha k uske phone ka ring bajta hai…Raj dekhta hai
wo Sandy ka number tha…Raj phone pick karta hai…
Raj: hlo
Sandy : hlo yaar kaisa hai…
Raj: thik hun tu bata…
Sandy: main v bilkul thik hun…yaar sun abhi kya kar raha hai…
Raj: kus nahi bas aise hi tv dekh raha hun…
Sandy: to kahin bahar ghumne chalein…
Raj: kya karenge yaar bahar ja kar vaise v mujhe ghumna phirna jyada pasand nahi hai…
Sandy: kya yaar Maine to socha tha k tume thoda shehar ghuma dunga isliye aj school v nahi gaya…par
tune toh mood hi kharab kar diya…
Raj: yaar sorry mujhe nahi pata tha k tune mere liye chuti li hai…
Sandy: to bol fir chal raha hai na…
Raj:chal thik hai…
Sandy: sabash to main a raha hun tere ghar tujhe pick karne…
Raj: kab ayega..
Sandy: bas 15 mint mein…
Raj: OK thik hai…
Fir dono phone kaat dete hain aur Raj TV band karke nahane chala jata hai…..
Update 18
Raj sandy se baat karne ke baad nahane chala jata hai…wo abhi naha ke nikla hi tha ke sandy ka fir se
phone a jata hai…Raj phone pick karta hai…
Sandy: bahar aja yaar main tera wait kar raha hun…
Raj: tu aisa kar ander hi aja mujhe thoda time lagega…
Sandy: OK yaar thik hai…
Fir sandy ander ja kar baith jata hai aur Raj v thode time mein hi tyar ho kar bahar a jata hai…
Raj: kaisa hai Sandy….
Sandy: thik hun tu bata…
Raj: main toh bilkul thik hun…kus lega kya khane peene ko…
Sandy: yaar chod bahar hi kha lenge…
Raj: chal thik hai main driver ko bolta hun gadi nikal lega…
Sandy: yaar meri bike pe hi chalenge…
Raj: abe tera toh abhi license bhi nahi bana hai…kahin chalan ho gaya toh...
Sandy: abe yeh tera UK nahi India hai yahan sab chala hai…ab tu jyada soch mat aur chal mere sath
bahut maja ayega…
Raj: chal but koi gadbad nahi honi chahiye…
Sandy: chal na yaar kion itna darta hai…
Fir wo dono Raj ki bike se nikal padte hain…aur khoob masti karte hain…Dono ek ache se hotel mein
baith kar lunch karte hain…uska bill Raj ne hi pay kiya…Sandy ne bahut mana kiya par wo nahi mana….

Fir lagbhag 2:30 baje dono ghar ki taraf chal padte hain…aj dono ki dosti aur gehri ho gayi thi…dono ne
aj bahut batein ki…

Fir dono Raj ke ghar pahunch jate hain…aur bike park karke ander hall mein akar baith jate hain…ramu
kaka dono ke liye juice lekar ata hai…dono juice pite hain aur batein karne lagte hain…
Raj: yaar aj toh sach mein maja hi a gaya…
Sandy: han yaar…
Raj: mujhe nahi pata tha ke doston ke sath ghumane mein itna maja ata hai….aur kabhi dost banaye v
toh nahi sayad isliye nahi pata tha…
Sandy: yaar ab to main tera dost hun na to milkar dono damaal macha denge…
Raj: han bilkul…
Sandy: chal thik hai yaar abhi mujhe Jana hoga…kal ko school a raha hai na…
Raj: han chal fir wahin milte hain…

Fir sandy wahan se nikal jata hai…aur Raj apne kamre mein chala jata hai….wo jakar bed par lait the hi so
jata hai…abhi use soye huye adha ghanta hi huya tha k tabhi uske room ke gate oar knock hota hai…baar
baar knock hone par Raj ki neend khul jati hai aur wo uth kar gate kholta hai…samne ramu kaka khade
the…
Raj: ji kaka koi kam tha kya…
Ramu kaka: Raj baba wo Mohan sahab aye hain unhone ne apko bulaya hai…
Raj: ji main do mint mein ata hun…
Fir Raj washroom mein jakar munh dhota hai aur bahar hall mein ajata hai…Wahan Mohan ke sath aik
aur admi baitha tha Jo sayad 32-33 saal ka hoga…
Raj un dono ko namaste karta hai aur unke paas jakar baith jata hai…
Mohan: beta yeh hain Mr. Harish Patel…boht bade music teacher hain…tum inse baat karlo aur bata do
ke tum kya seekhna chahte ho…
Fir Raj Harish se baat karta hai aur dono sham 5:00-6:00 baje tak ek ghante ki class fix karte hain aur fir
Harish wahan se chala jata hai par Mohan wahin baitha rehta…

Mohan: toh beta aj tum us trainer se mil liye the?

Raj: han uncle aur wo kal subah se ayegi…aur han mujhe gym ka saman chahiye ap ko aj hi sab set
karwana hoga…
Mohan: koi baat nahi beta tum bata do tume kya chahiye…

Fir Raj Mohan ko list de deta hai aur Mohan wahan se chala jata hai…Abhi sirf char hi baje the to Raj
apne kamre ja kar lait jata hai…aur laptop on karke movie dekhne lagta hai…

Udhar Mumbai mein Priya apne room mein baithi kus soch rahi thi…
Priya(apne man main hi bol rahi thi): kya mujhe Raj se baat karni chahiye ..kya wo meri baat
manega…wo to mujhse bahut jyada gussa hoga…aur upar se mere paas Raj ka number v to nahi
hai…yaar bahut tension hai…main abhi to Aunty ke paas ja kar ati hun fir hi kus sochungi…
Priya wahan se Raj ke ghar ki taraf chal padti hai…wo jab wahan pahunchti hai to Sunidhi bahar hi
garden mein baithi thi…
Priya: namaste aunty…
Sunidhi: namaste beta kaisi ho….
Priya: bilkul thik hun aunty…ap batao kaisi ho…
Sunidhi: main v thik hun beti aur suna aj Teri padhai kaisi chal rahi hai…
Priya: thik chal rahi hai aunty…
Sunidhi: beta main coffee le kar ati hun…tu v ander hi chal hall mein baith kar batein karenge…
Fir Priya aur Sunidhi Hall mein chale jate hain aur Sunidhi Rita ko awaj dekar coffee mangwati hai…fir
dono coffee pite hain aur batein karne lagte hain…

Priya ek chij notice karti hai k Sunidhi usse batein karte waqt kafi khus lag rahi thi…Sunidhi ke chehre ki
khusi dekh kar Priya ke man mein Jo sarmindagi ke bhaw the wo bhi kam hone lage the….ab usne yeh
socha ke wo Raj ko phone nahi karegi…balki khud Sunidhi ka khyal rakhegi apni maa ki tarah…pata nahi
Priya ka yeh Vichar sahi hai ya nahi…par ab wo pakka faisla kar chuki thi…

Fir wo kafi time tak Sunidhi se batein karti rahi…aur fir apne ghar ki taraf chal padti hai…aj uske chehre
pe ek satisfaction jhalak raha tha…

Khair uske baad us din kus khas nahi huya aur bas Raj ke ghar pe ek bade se kamre mein uske gym ka
saman set karwa diya gaya tha….Raat ko Raj ne apni mummy se phone pe baat ki…aur fir so gaya…

Dusre din Raj subah utha apni mummy se baat ki aur halki jogging karne ke baad Isha ka wait karne
laga…Isha apne time pe a gayi aur Raj ki gym shuru karwa di…Fir Raj apne school v gaya wahan uska kafi
man laga…Sandy ki bajah se use koi khas problem nahi huyi sham ko uska music teacher harish aya usne
use kus basics sikhaye Raj ko gym ke karn Jo thakawat mehsoos huyi thi wo music ki wajah se bilkul thik
ho gayi thi…Sham ko Isha fir se ayi …aur Raj ko exercise karwayi….
Udhar Priya v sunidhi ke paas gayi aur usse batein ki….ab Priya ko Sunidhi se ek lagav sa ho gaya tha…
Update 19
Aj Raj wapis apne ghar Jane wala tha uske papa ne uske 2nd year admission Mumbai mein hi karwa diya
tha… dosto jyada confuse hone ki jarurat nahi hai ab hum log present main a chuke hain..Toh pehle
mein ye bata dun pichle 5 salon mein kya kus badal chuka hai…
Vaise badla to kafi kus hai…

Pehle hamare hero Raj se hi shuru karte hain…Raj main sabse bada badlaw toh yeh aya tha ke wo ab
pehle ki tarah mota sa bacha nahi raha tha…balki ab wo muscular body ka malik tha…uske six pack abs
dekhne ke liye to ladkian Marti thi...khair agar uski man pasand chij yani music ki baat karein to ab wo ek
trained singer ban chuka tha…guitar toh uski unglion par Jaise nachti thi aur awaj aisi Jaise suron ki nahi
balki pyar ki bundon ki barsat ho rahi ho…vaise uski awaj mein itni kashis thi k ladkian uske gore chehre
neeli ankhein lambe kad aur muscular body se jyada uski awaj ki deewani thi....Jo Raj pehle apne ap
mein hi khoya rehta tha ab wo apne college ki jaan tha…aur aj usi college ko use chod kar Jana pad raha
tha…

Khair Raj ne itne salon mein ek aur chij payi thi wo thi Sandy ki dosti…in dono ki dosti itni gehri ho chuki
hai k dono ek dusre ke liye jaan v de sakte hain…Aur isi dosti ki wajah se aj Sandy v Raj ke sath hi
Mumbai jane wala tha…Raj ne toh use yeh bhi kaha tha wo uske ghar hi reh le par Sandy nahi mana usne
kaha ke uske mama ji rehte hain Mumbai mein unke paas rahega…Raj ki dosti hi thi jiski wajah se Sandy
thoda bahut padhai ki taraf dhyan dene laga tha sayad yahi wajah thi ke Sandy ki mummy Raj ko bahut
pyar karti thi….

Khair hum log ab thoda Priya ki taraf bhi ek najar maar lete hain…Priya toh itne salon mein aur jyada
khubsurat ho chuki thi …uska chehra bilkul dudh ki tarah safed tha aisa chehra dekh kar sayad chand v
Sharma jaye…uske figure ke toh kya kehne…ladke marte the us par but bechare kar kus nahi sakte the
kionk Priya ki reputation abhi v ek hitler ki hi thi…vaise ab wo pehle se basal chuki thi ab pehle ki tarah
paglon Jaise kaam nahi karti thi…Iski sabse badi wajah sayad Sunidhi hi thi…asal mein us din ki Sunidhi ki
baton ne Priya ko itna badal diya tha...Priya ab Sunidhi se bahut pyar karti thi wo har roj Sunidhi ke paas
baith kar dheron batein karti thi…Jab kabhi Sunidhi Raj se Milne ke liye pune jati thi toh Priya ka bilkul v
dil nahi lagta tha...

Sonia v ab Priya ki tarah bahut khubsurat thi Priya se thodi kam thi par usme samjdhari Priya se kahin
jyada thi…sayad Sonia hi thi Jo Priya ko har ache bure ke bare mein batati thi…

Dosto waqt ke sath bahut kus badal chuka tha….par ek chij thi Jo nahi badli thi wo Raj ke man mein Priya
ke liye nafrat…Priya v Raj ko bilkul v pasand nahi karti thi han yeh baat thi ke use apne kiye par afsos tha
par wo abhi v Raj ko nafrat karti thi…Sayad yahi wajah thi k Raj ke mummy papa aur Priya ke Mummy
papa Raj se milne puna aksar jate rehte the par Na toh kabhi Raj mumbai gaya aur na hi kabhi Priya Pune
gayi….dono ke man mein ek dusre ke prati itni nafrat thi ke in panch salon mein na to ek dusre ki photo
Dekhi aur na hi ek dusre ke bare mein kabhi baat ki….

Raj toh Mumbai Jana hi nahi chahta tha par uske 1st year ke exams ke baad uski Mummy ne use kasam
de di thi ke ab wo uske bina aur nahi ji sakti agar wo nahi aya toh wo uska Mara munh dekhega…ab Raj
kus v seh sakta tha par apni mummy ke munh se aisi batein nahi sun sakta tha…isliye usne Mumbai Jane
ka faisla kiya…Vaise toh Priya aur Raj ek hi college ki alag alag branches mein padte the...Raghuveer ne
Priya ke college mein hi Raj ka admission karwa diya tha…
Aj Raj Jane wala tha…wo via road hi Jane wala tha ab wo khud hi drive kar leta tha isliye wo lagbhag
10:00 baje ghar se niklta hai aur Sandy ke ghar ki taraf chal padta hai…Sandy ka ghar jyada dur nahi
tha...isliye Raj sirf 5-7 minute mein hi wahan pahunch jata hai…wo door bell bajata hai…Sandy ki
mummy door kholti hai Raj unke pair chuta hai aur Rekha use ashirwad deti hai…fir Raj ander ajata hai
wahan Sandy aur Mohan baithe the Sandy v bilkul tyar tha aur uska saman v packing kar ke uske paas
mein rakha hua tha…
Raj: namaste uncle….
Mohan: namaste beta…toh ho gayi tyari tumhari…
Raj: han uncle…aur mere khyal se hame ab niklna chahiye Sandy…
Sandy: chalo main toh ready hun…
Raj: OK bye uncle aunty…
Rekha: bye beta apna khyal rakhna aur is nalayak ka bhi…aur han Sandeep jate hi phone kar dena…
Sandy: ji mom…

Fir dono Sandy ke parents ko bye bol kar wahan se chal padte hain…ab inhe Mumbai pahunchne mein
time to lagega hi tab tak hum log Mumbai ka hal chal dekh lete hain…
Aj Sinha mansion mein toh Jaise time se pehle diwali a chuki thi….ghar mein sabhi bahut khus
the…Mohit aur Geeta v Raj ke ghar pe hi the…sabhi bas usi ka intzar kar rahe the….Priya college gayi
huyi thi aisa nahi tha ke wo Raj se bhag rahi thi but wo apne college ki topper thi aur kabhi v apni classes
nahi chodti thi…vaise to abhi 1st year ke exams khatam hi huye the aur Aj yani Monday se 2nd year ki
classes shuru huyi thi isiliye Priya nahi chahti thi ke wo pehle din hi absent rahe….vaise v aj sham ko
Raghuveer ne apne bete ke ane ki khusi mein ek grand party rakhi thi…toh wo tabhi Raj se mil legi isliye
ghar ke kisi v mamber ne Priya par koi pressure nahi dala…

Yaar hum v kin baton mein uljh gaye…khair hum baat kar rahe the ke ghar mein bahut chahal pahal
thi…bahar garden mein party ki tyarian badi jor shor se chal rahi thi..aur gharwale sirf Raj ka wait kar
rahe the…Sunidhi toh baar baar bahar nikal kar main gate ki taraf dekh rahi thi….

Aise hi waqt beeta aur karib 1:00 pm ko ek nauker ander daudte huye aya…sayad iski duty Sunidhi ne
lgayi thi taki wo apne jaan se pyare bete ka sawagat kar sake….
Nauker: mam wo Raj sir a chuke hain wo gadi park karne garage ki taraf gaye hain…

Nauker ki baat sun kar Sab khus ho jate hain khas kar Sunidhi aur Geeta….Sunidhi to sayad hawa mein hi
ud rahi thi...fir Sunidhi aarti ki thali uthati hai aur Door ke paas ja kar khadi ho jati hai…Baki ke gharwale
v uske sath chal dete hain…Raj Jaise hi gate pe ata hai toh Samne ghar walon ko dekh ke bahut khus ho
jata hai…Sunidhi v apne bete ki aarti utarti hai....Fir Raj aur Sandy bari bari sab logon ka Ashirwad lete
hain…Sandy ko sabhi ache se jante the…

Raj pehle Raghuveer aur Mohit se milta hai jab wo apni mummy ke paas jata hai toh wo use apne gale se
laga leti hai…vaise toh thode time baad hi Sunidhi Raj se Milne ke liye Pune jati thi par fir v ab use bahut
jyada khusi thi kionk use pata tha ke Raj ab hamesha ke liye uske paas a gaya hai….

Kafi time aise hi rehne ke baad Raj apni mummy ko apne se alag karta hai toh dekhta hai ke uski mummy
ki ankhon mein ansoo the wo unhe saaf karta hai…

Raj: mom ap ro kion rahi ho ab toh main apke paas a gaya hun na aur ab main apko kabhi chod kar nahi
jaunga…
Sunidhi: beta yeh toh khusi ke ansoo hain…main bata nahi sakti k main kitni khus hun ….
Geeta: are wah yeh toh koi baat nahi huyi…apni ek maa se itna pyar aur dusri ki taraf dekha v nahi….
Raj Geeta ke paas jata hai aur use apne gale laga leta hai…
Raj: are aunty apse kisne keh diya k main apse pyar nahi karta…
Mohit: are bhai ab tum dono us bechare ko chod v do use ander toh ane do thak gaya hoga wo…

Fir sabhi ander a kar baith jate hain….aur apas mein batein karne lagte hain…

Raghuveer: beta tum dono ko raste mein koyi pareshani toh nahi huyi na…
Raj: nahi papa…
Raghuveer: sandeep beta tumhare ghar pe sab kaise hain…
Sandy : ji thik hain sir…
Raghuveer: yaar tum Raj ke dost ho Mujhe uncle keh sakte ho…
Sandy : ji thik hai…
Sunidhi: Beta Raj toh Tea coffee kus peeta nahi hai main tumhare liye Coffee mangwa dun…
Sandy: nahi mam main fir aunga abhi toh mujhe mama ji ke ghar Jana hai unka phone a raha hai…
Sunidhi: chalo jaisi tumhari marji par han sham ko party mein jarur ana aur apne mama Mami ko v sath
lana…
Sandy: ji yeh koi kehne ki baat hai Raj ke liye party rakhi ho aur main na aun yeh toh kabhi ho nahi
sakta…
Raghuveer: toh beta main driver bhej deta hun tumhe ghar chod ayega…
Raj: papa main chod ata hun aur party ke liye invite v kar dunga…
Raghuveer: thik hai beta jaisi tumhari marji…

Fir Raj aur Sandy wahan se chal padte hain…Raj ka saman gadi se nikal kar uske kamre mein rakh diya
gaya tha par Sandy ka saman gadi mein hi tha…Raj ke ghar se Sandy ke mama ke ghar tak tarkriban 15-
20 minute lage…Raj aur Sandy uska saman leke ghar ki door bell bajate hain…

Door ek lady kholti hai…Raj use nahi janta tha par jab Sandy ne uske pair chuye toh raj ne v chu diye us
aurat ne un dono ko ashirwad diya aur fir teeno ander a gaye…
Sandy: Raj ye meri Mami hain…aur Mami yeh hai Raj mera dost mera bhai…
Lady: han beta mujhe Teri mummy ne bata diya tha…vaise inke daddy ko toh pura shehar janta hai…tum
dono baitho main khane pine ko kus lati hun…
Raj: nahi rehne dijiye aunty…
Sandy: Mami koi ghar mein najar nahi a raha…
Mami: wo tumhare mama ji toh duty pe gaye hain aur tumhari Behan college….
Raj: OK sandy ab main chalta hun…Aunty aj mere ghar pe party hai aur ap sabhi ko ana padega…
Mami: beta main kya karungi a kar…
Raj: mujhe kus nahi pata mummy ne kaha hai ke ap logon ko ana padega aur vaise v Sandy ke mummy
daddy v a rahe hain sham ko toh ap ko v jarur ana padega…
Mami: chalo thik hai beta hum jarur ayenge…
Fir Raj wahan se apne ghar ki taraf chal padta hai…
Update 20
Raj apne ghar pahunchte hi so jata hai…us din kus khas nahi huya…toh hum log seedha party mein
chalte hain…sham ko 7:30 se hi mehman ane shuru ho chuke the…pura Sinha mansion lighting aur
decoration se chamak raha tha…Party mein Raghuveer aur Mohit ke business partners, friends, ristedaar
a rahe the…kafi VIP log Jaise ministers aur Celebrities aye huye the…Raj abhi bhi tyar ho raha tha…
Sandy v a chuka tha uske sath uske mama Mami aur Do ladkian thi sayad uski cousins thi…Wo wahan
pahunchte hi Raj ko phone karta hai...Raj vaise toh busy tha par kionk Sandy ka phone tha toh usne utha
liya…

Raj: kaisa hai…

Sandy: thik hun yaar tu kahan hai…hamko bula liya aur khud gayab hai…
Raj: yaar main gayab hone ko Mr. India nahi hun…tu aisa kar abhi party mein thoda time hai tu ander
aja…
Sandy: yaar tu bahar kion nahi a jata…
Raj: yaar main a toh jata hun par jab log mujhse puchenge k main underwear mein kion ghum raha hu
toh tu khud un ko bata dena ke Maine hi bulaya hai…
Sandy: chal thik hai yaar…par mere sath meri family hai unko akela nahi chod sakta…
Raj: yaar tu tension bahut leta hai aisa kar main dad ko phone kar deta hun wo in logon ko attend kar
lenge…
Sandy: chal thik hai…
Fir Raj apne dad ko phone karta hai…wo thodi der ke baad utha lete hain…

Raghuveer: are beta kya huya kus chahiye kya…

Raj: nahi papa ap abhi kya kar rahe ho…
Raghuveer: kus nahi Home minister aye hain apni family ke sath unse hi batein kar raha tha….
Raj: wo Sandy ki family wale aye hain…wo yahan kisi ko jante nahi hain kya ap unko attend kar sakte
hain…
Raghuveer: are koi baat nahi beta tum tension mat lo main sab sambhal lunga tum bas jaldi se tyar ho
kar niche ao sare mehman a chuke hain…
Raj: ji papa thoda time lagega bas…
Fir Raghuveer Sandy ki family ko attend karta hai aur Sandy upar Raj ke kamre mein chala jata hai…

Sandy: yaar tu na tyar hone mein ladkion se v jyada time lagata hai…
Raj: bhai mujhe koi Shauk nahi hai aur vaise v nahane mein time lagata hun tyar hone mein nahi…
Sandy: yaar tu kion yeh kapde pehan ke ja raha hai…itni achi body kion banayi hai…aise hi chala ja sari
ladkian tujhpe mar mitengi…
Raj: yaar mujhe ladkian patane ka koyi Shauk nahi hai par teri cousin ayi ho toh bata main aise hi chalne
ko tyar hun…
Sandy: Abe kya bakwas kar raha hai…
Raj: bakwas main nahi tu kar raha hai sale tujhe kitni baar kahun ke mujhe ladkion se nafrat hai…
Sandy: yaar mujhe toh Jaise kus pata hi nahi…Wo tere aur Teri us trainer Isha ke beech Jo chakar hai na
mujhe sab pata hai…
Raj: yaar tu baar baar uski baat kion leke baith jata hai…dekh main tujhe last warning de raha hun…main
nahi chahta ke jab tu niche party mein jaye toh tera chehra suja huya ho….
Sandy: yaar sorry ab jaldi se tyar ho ja…

Fir Raj jaldi jaldi tyar hone lagta hai…usne aj blue jeans aur white shirt pehna tha…fitting ke kapdon mein
Raj ki physic ek dum kamal ki lag rahi thi...Raj kafi handsome lag raha tha…Fir tyar hone ke baad dono
bahar party mein a jate hain…Raj sab se pehle Sandy ki family ki taraf jata hai…wo ek taraf khade the wo
sirf teen log the ek ladki kam thi pata nahi kahan gayi thi par koi baat nahi pata chal jayega…un teeno ke
paas Sunidhi aur Geeta v khadi thi…Raghuveer wahan nahi tha…

Sandy Sab se pehle Sunidhi ke pair chuta hai aur fir Raj ko apni Family ka intro deta hai…
Sandy: Raj yeh mere mama ji hain Jagdeesh Sharma aur Mami ji ko toh tum mil hi chuke ho vaise inka
naam Radha Sharma hai aur yeh meri Choti cousin Riya aj sham ko hi ayi hai aur hamare college mein hi
admission li hai ek saal junior hai hamse…

Fir Raj Sandy ke mama Mami se milta hai aur Jab wo Riya ki taraf hath badhata hai toh Riya jhat se apna
hath badha deti hai…fir wo un sab se batein karne lagta hai….
Tabhi Sandy bol padta hai…
Sandy: Mami Sonia kahan gayi dikh nahi rahi kahin mujhe laga ke washroom gayi hogi par ab toh kafi der
ho chuki hai…
Radha: Wo beta Sonia ki best friend hai Priya wo yahin rehti hai…Wo usi ke ghar chali gayi aur boli k uske
sath hi ayegi…

Radha ki baat sun ke Raj ke toh Jaise hosh hi udh jate hain…use yakeen nahi ho raha tha ke Sonia Sandy
ki Behan ho sakti hai…wo ek dum se sun sa ho gaya tha…

Tabhi Raghuveer use awaj deta hai…

Raghuveer: Raj beta mere sath chalna wo main tujhe Home minister se milwata hun…

Fir Raj Raghuveer ke sath chal padta hai…wahan char log ek round table par baithe the...Jaise hi Raj aur
Raghuveer wahan pahunchte hain wo Charon khade ho jate hain…

Raghuveer: beta yeh hain Satpal Chada hamari state ke Home minister…yeh hain inki patni Parveen
Chada....yeh inke bete Maninder Chada aur inki beti Diksha Chada….

Raj sabhi se milta hai...par wo unki taraf koyi khas dhyan nahi deta kionk uska dhyan toh Sonia ki taraf
tha…Minister aur uski Family Raj ki personality dekh kar kafi Impress the…wo baar uski tareef kar rahe
the…Diksha toh Raj ko hi ghure ja rahi thi…par Raj ne jyada dhyan nahi diya wo toh bas yahi soch raha
tha ke Sonia Sandy ki behan kaise ho sakti hai…
Thodi der aise hi batein karne ke baad Raj wahan se chala jata hai…use ajeeb sa lag raha tha wo bas
Sonia ke bare mein hi soche ja raha tha…wo wahan se sidha apne room mein chala jata hai aur bed par
baith jata hai…wo kafi preshan tha pehle toh wo sirf yahi soch raha tha ke wo Priya se kaise duri bana
kar rakhega par yahan toh ek aur bomb phut chuka tha...Uski sabse badi dusman ki best friend uske best
friend ki Behan Nikli…use dar tha ke kahin Priya Sonia se keh kar Sandy se uski dosti tudwa na de....

Hum thoda dhyan Priya ke ghar pe v mar lete hain…Wahan Priya aur Sonia hi thi baki members toh Raj
ke ghar par the…
Sonia kafi tension mein lag rahi thi…
Sonia: yaar ab kya hoga agar Raj ne Sandy ko bata diya ke hum dono ne hi use yahan se bhagaya tha toh
kya hoga…
Priya: yaar isme tera kya kasur tha sari planning toh meri hi thi na…
Sonia: par Raj ko toh yahi lagta hoga na ke main v tere sath hi thi…
Priya: yaar tu ghabra kion rahi hai…usne aj tak kisi ko nahi bataya toh ab kion batayega wo…
Sonia: yaar mujhe nahi pata mujhe toh bahut ghabrahat ho rahi hai…agar mujhe pata hota ke Raj hi
Sandy ka friend hai toh main toh yahan ati hi na….
Priya: yaar koi baat nahi kus nahi hoga ab hamein chalna chahiye sab intzar kar rahe honge…
Sonia: nahi mujhe nahi Jana…
Priya: yaar dar mat main hun na sath tu chal kus nahi hoga…
Fir Priya Sonia ko mana kar wahan se party ke liye nikal jati hain…wo party main pahunch kar Sonia ke
pariwar se milti hai….fir sabhi party ke liye ke jagah ikathe ho jate hain kionk Ab Raghuveer sabhi ko
apne bete se milwana chahta tha…par Raj toh wahan tha nahi toh Raghuveer use phone karta hai…aur
party mein ane ko kehta hai….
Update 21
Raghuveer ke phone karne ke baad Raj apne ap ko mentally tyar karta hai aur bahar ki taraf chal padta
hai…party itni grand hai toh jiske liye party rakhi gayi hai uski entry v toh kus special honi chahiye…aur is
entry ke liye pehle se tyari ho chuki hai…yahan party rakhi gayi hai wahan sabhi mehman apni apni
family ke sath round tables pe baithe hain…aur sab ki nigahein stage ki taraf hain yahan par Raj ki entry
hone wali hai…Sab ki udeek ka alag alag karan hai…yahan kus log toh isliye udeek rahe hain kionk wo
dekhna chahte hain k Sinha Empire ka eklauta waris akhir dikhta kaisa hai…kus logon ki udeek mein Raj
ke prati unka pyar jhalak raha hai…wahin kus log aise v hain jo Raj ko apna dushman samjte hain…

Stage pe light band ho chuki hai…sabki nigahein abhi v stage ki taraf hi hain but wahan kus dikhayi nahi
de raha…thodi hi der mein Guitar ki volume ani shuru ho chuki thi aur badi hi mithi composition thi…Fir
ek romantic song shuru hota hai…sabhi guest jhum uthte hain….song khatam hote hi sabhi guest khade
ho kar talian marte hain...fir achanak Stage ki light jalti hai aur samne ek Jana pehchana sakhs khada
tha….wahan majood kus log use jante the par kus ke liye bilkul ajnabi tha…tabhi Raghuveer stage pe ata
hai…

Raghuveer: so friends hum log jiske liye yahan ikathe huye hain…jiska hamein intzar hai…mera beta
mera waris koi aur nahi balki ye hai Raj…

Ji han Jisne wo song gaya tha wo koi aur nahi balki hamara hero Raj hi tha…Sabhi log Raj ko dekh rahe
the…par do logon ka munh khula huya tha…Priya aur Sonia….

Kionk 5 saal pehle jis Raj ka majak bana kar use yahan se bhaga diya tha….yeh wo Raj nahi tha…jis Raj ko
sabhi mota,pumpkin, balloon aur na jane kya kya kehte the…wo Raj toh sayad bahut pehle mar chuka
tha…aj Jo Raj un logon ke samne khada tha uski tarif ke liye un logon ke paas koyi shabad nahi tha…

Aj Raj ki awaj ne aisa jadu kiya k ek pal ke liye toh Priya v pighal si gayi par wo itni kamjor nahi thi usne
apne ap ko sambhal liya…par wo abhi bhi hairan thi k yeh zero ek dum se hero kaise ban gaya…Raj mein
kus toh aisi baat thi Jo khas thi…

Priya toh thik hi thi par Sonia ki toh jaise halat hi kharab ho gayi thi usne kabhi itna handsome ladka nahi
dekha tha najane uske lakh rokne ke bawjood kion uske man mein sirf Raj hi ghum raha tha…Najane
kion uske kanon mein Raj ke song ke bol hi gunj rahe the…uska munh khula huya tha jise Priya ne band
kiya…

Priya: tu kion munh phad ke dekh rahi hai koi Rajkumar nahi hai wo…
Sonia: may be…
Priya: kya boli tu…
Par Sonia koi jawab nahi deti…

Tabhi stage pe lagi badi si screen par Raj ki bachpan se jawani tak ki photo ane lagti hain…Sabhi log in
photos ka maja utha rahe the….par sayad ab munh khulne ki bari kisi aur ki thi....aur wo ek ladka tha
dosto galat mat samjna wo koyi gay nahi tha aur na hi uska munh Sonia ki tarah khula tha…balki uska
munh toh piche se khula tha…agar sudh Hindi mein bataun toh uski phat chuki thi aur sayad itni buri
tarah phati thi ke koi maa ka laal aisa tailor nahi hoga Jo uski see sake…

Khair Jyada lumba suspense nahi rakhunga….yeh koi aur nahi balki minister sahab ka beta Maninder
tha..ab uski kion phati yeh toh pata lagana hi padega…aur uski phatne ki wajah thi Raj ki ek photo Jo tab
hi thi jab Raj Pehli baar India aya tha …yani 5 saal pehle ki…

Par ab ap log soch rahe honge ke Is photo se Maninder ka kya Lena dena hai…toh ap logon ko bata dun
ke 5 saal pehle bhai sahab ne ek kand kiya tha…ek bechare bhole bhale cute se ladke ko dara ke bhaga
diya tha ..ab ap sabhi samaj hi chuke honge…par fir v story writer hone ke nate mera farz hai batane ka
toh…main bata dun ke Maninder ka nick name Monty hai…yeh wahi Monty hai…jo Priya ke ishare pe Raj
ko preshan karta tha…vaise toh iske papa ab ek minister the…par fir v use pata tha k agar Raghuveer
Sinha ko pata chal gaya k Raj ke Pune jane ki wajah Monty tha toh Pata nahi uske papa ke sath kya hota
aur fir uske papa uski Jo halt karte wo main likh nahi paunga…

Usne kabhi socha v nahi tha k Jo kand kar ke wo bhul chuka tha…wo itne salon baad uske samne a
jayega aur itna bada ho kar ayega….Raghuveer ki baat toh alag hai agar kahin Raj ko v pata chal jaye k
yeh Monty hai toh Raj itna strong toh tha hi k uski bones ka churan bana kar Dabar walon ko bech de…

Khair hum monty ki halat mein kus jyada hi kho gaye the par yahan toh uski halat aur v kharab thi…uske
mathe pe pasine ki bundein saaf najar a rahi thin…wo ekdum se uth kar khada ho jata hai…uske aisa
karne se minister ka dhyan uski taraf jata hai….

Satpal: kya aise kion uth raha hai Jaise kisi ne kaat liya ho…
Monty: kus nahi dad wo toilet Jana hai…
Satpal: tu koi panch saal ka bacha nahi hai Jo tu aise bol raha hai k papa papa mujhe toilet Jana hai…
Monty: sorry papa…
Satpal: Raj se kus seekh dikhne mein kisi hero jaisa hai…padhne mein v intelligent aur Aj toh yeh v pata
chal gaya ke wo kitna acha singer hai…aur ek tu hai toilet Jana v nahi ata…kamse kam meri izzat ka toh
khyal kar….

Satpal kafi dhire bol raha tha…taki kisi ko sunai na de…par Satpal ki batein sun kar Monty ka pressure
sach mein badh gaya aur wo bina kus bole wahan se washroom ki aur teji se chal pada…

Khair fir kus khas nahi huya aur sabhi ne party enjoy ki teen logon ko chod kar…fir sabhi guest 11:30 baje
ke as pas chale gaye the aur Raj v apne kamre mein ja kar so gaya kionk wo bahut thak chuka tha isliye
use jaldi hi neend a gayi…

Subah Raj jaldi uth gaya ab uski habit ban chuki thi subah jaldi uthne ki aur Fir apni routine exercise mein
lag gaya…uske gym ka saman pehle hi ghar pe set kara diya gaya tha…

Fir usne shower liya aur apna juice wagera pi ke apni guitar uthai aur bajane laga…Tabhi uske gate pe
knock hota hai…uska gate ander se band tha toh usne uth kar khola…samne Sunidhi khadi thi…

Raj: good morning mom…

Sunidhi: good morning beta…sorry tujhe disturb kiya..par kya karun kal v tujhse ache se batein nahi kar
payi…aur kya pata din mein fir se mauka na mile…
Raj: are mom ap mujhe kabhi disturb nahi kar sakte…ap jab chaho mere paas a sakte hain…ayiye ab
ander baith ke batein karte hain…
Fir dono ander a jate hain aur bed par baith jate hain…
Sunidhi: beta tune abhi bhi wahi guitar rakhi huyi hai nayi kion nahi le leta…
Raj: mom nayi le ke kya karna hai …vaise v uncle aunty ne kitne pyar se di hai…
Sunidhi: beta tum abhi bhi nahi badle na…abhi bhi sabse pyar karte ho aur sabka khyal rakhte ho…tujhe
pata hai jab tu yahan nahi tha toh mujhe aisa lagta tha Jaise kisi ne meri jaan nikal li ho aur main bas ek
jinda lash ban ke reh gayi thi…
Raj: mom ab main a gaya hun na aap bilkul fikar mat kijiye main ab apka Ashe se khyal rakhunga..
Sunidhi: mujhe pata hai beta k tu sabka khyal rakhta hai…sach kahun toh mujhe tumhari yahi baat sabse
jyada pyari lagti hai…hamesha aise hi rehna beta kabhi bhi apne aap ko badlna mat…
Raj: promise mom apka Raj kabhi nahi badlega…
Sunidhi: mujhe tum pe apne se bhi jyada bharosa hai…vaise sach tu college kab se ja raha hai…
Raj: kal se jaunga mom…aj thoda Mumbai ghum ke aunga..
Sunidhi: kis ke sath ja raha hai…
Raj: aur kiske sath sandy jayega na main use bol deta hun….
Sunidhi: OK thik hai aur breakfast kar lena niche a ke…
Raj: thik hai…

Fir Sunidhi wahan se chali jati hai aur Raj v thodi der baad niche chala jata hai breakfast ke liye...
Update 22
Raj breakfast karne ke baad apne kamre mein chala jata hai Aur Sandy ko phone karta hai….Sandy phone
pick karta hai…

Sandy: hlo yaar kaisa hai…

Raj: thik hun tu bata kaisa hai…
Sandy: main v bilkul thik hun…bol kaise phone kiya…
Raj: yaar main soch raha tha k kion na Mumbai ghum ayein fir kal se college join kar lenge…
Sandy: han thik hai chalte hain…
Raj: chal thik hai tu yahan aja fir chalte hain…
Sandy: yaar main a toh jata par kaise aun yahan toh meri bike bhi nahi hai tu hi aja yahan…
Raj: chal thik hai…

Fir Raj phone kaat deta hai tabhi wo sochta hai ke Maine keh toh diya par agar wahan Sonia mil gayi
toh…sayad wo college gayi hogi aur agar mil v gayi toh kya ho jayega vaise v ek na ek din toh humara
samna hona hi hai…

Fir Raj apni gadi nikalta hai aur Sandy ke ghar ki taraf chal padta hai…Wahan pahunch kar Raj door bell
bajata hai Raj bas yahi soch raha tha k kahin sonia na gate kholne a jaye…tabhi ek ladki darwaja kholti
hai…tabhi Raj ki sans mein sans ayi kionk samne Riya khadi thi…

Riya: hi..
Raj: hi…kaisi ho..
Riya: fine: ap batao…
Raj: thik hun Sandy kahan hai…use bhej do na plz…
Abhi Raj ki baat puri hi huyi thi k wahan Sandy a gaya…
Riya: kion kahin ja rahe ho kya…
Sandy: han bahar ghumane ja rahe hain…
Riya: sach? Mujhe v le jao…
Sandy: tum kya karogi wahan…
Riya: plzzzzz
Sandy: yaar thik hai par agar mami nahi mani toh…
Riya: mummy ko main mana lungi…
Sandy: chalo thik hai Jo karna hai jaldi kar hamare paas jyada time nahi hai…

Fir Riya bhagti huyi Apni mummy ke paas jati hai aur use apni mummy ko manane mein jyada time nahi
laga fir wo jaldi se apne room mein jati hai aur change karke ek top ke sath jean pehan ke bahar ati
hai…wo kafi khubsurat lag rahi thi fir teeno bahar a jate hain aur gadi mein baith jate hain…

Raj driving seat pe aur Sandy uske sath wali seat pe aur Riya piche baith jati hai…

Riya: bhaiya hum kahan Jane wale hain…

Sandy: aisa karte hain pehle koi movie dekhne chalte hain fir lunch ke liye chaleinge…
Riya: OK thik hai…

Fir Raj gadi ko theatre ki taraf badha deta hai…par wo kus bol nahi raha tha…Fir wo log Theatre pahunch
jate hain teen tickets lete hain…movie v khatam ho jati hai aur wo log ek restaurant mein chale jate
hain…par pure samay Raj ne koi v baat nahi ki…aur yeh Riya ko bada ajeeb lag raha tha…

Fir Sandy ko bata kar Raj washroom chala jata hai aur Sandy aur Riya jaker ek table pe baith jate hain…

Riya: bhaiya ye Raj kaisa ladka hai…jab se aya hai kus bolta hi nahi apne kaise usse dosti kar li…
Sandy: nahi yaar wo aisa nahi hai…bas use ladkion se pata nahi kya problem hai na toh ladkion se jyada
baat karta hai aur na hi unki taraf koi dhyan deta hai….
Riya: yeh kya baat huyi uski koi girlfriend toh hogi hi na…
Sandy: na koi nahi hai…
Riya: bada ajeeb hai yeh itna handsome hai k chahe toh ladkion ki line laga de….par koi toh wajah hogi hi
na iske aise hone ki…
Sandy: pata nahi Maine kayi baar pucha lekin kehta hai bas aise hi…han ek ladki jaroor hai Isha jiske sath
yeh thoda khul ke baat karta hai…iski gym trainer thi…
Riya: toh ho sakta hai wo iski girlfriend ho…vaise dikhne mein kaisi hai…
Sandy: yaar toh wo kamaal ki ek dum kisi model jaisi par wo Raj se 6 saal badi hai…
Riya: toh fir kya hua bade hone se kya hota hai…
Sandy: yaar ab bas kar aur dimag mat kha mera…

Itne mein wahan Raj a jata hai…Raj ko pata nahi kya hota hai wo apne table ki taraf Jane ki bajaye age
chala jata hai aur ek table pe teen ladke baithe the unmein se ek ka collar pakad kar khada karta hai…

Ladka: Abe kya hai yeh collar chod mera…

Tabhi wahan Sandy aur Riya v a jate hain…

Sandy: kya kar raha hai Raj chod ise…

Raj sandy ki baat ka koi jawab nahi deta aur ek jordar punch us ladke ke jabde pe Marta hai…par uska
collar nahi chodta…
Raj: kya bol raha tha tu ab bol jyada herogiri chadi hai kya tujhe…

Tabhi wahan pe baki ke dono ladke v a jate hain aur Raj ko pakad kar us ladke ko chudane ki kosish karte
hain tabhi Raj dusre ladke ke pait mein laat marta hai…aur wo dur jaker girta hai aisa dekh kar Jo teesra
ladka tha wo bhag jata hai kionk wo dikhne mein hi kafi kamjor sa tha…Raj fir se usi ladke ko teen char
thapad Marta hai jiska usne collar pakda huya tha...fir Sandy jabardasti Raj ko wahan se bahar le jata hai
Riya v uski madad karti hai Riya toh bahut jyada Dari huyi thi…

Sandy: Abe tu pagal ho gaya hai kya Jo aise mar peet kar raha hai…
Raj: pagal main nahi tu hai aur sayad behra bhi hai…isiliye tujhe wo nahi suna Jo mujhe itni dur se bhi
sun gaya…
Sandy: kya sun gaya aisa tujhe Jo us sab ko mar raha hai…
Raj: yaar wo ladke Riya ke bare mein ulta seedha bol rahe …main nahi bata sakta k wo kitna ganda bol
rahe the…par tum dono toh pata nahi kis topic mein itna uljhe pade the k itni paas baithe hone k
bawjood pata nahi chala…

Raj ki baat sun kar Sandy ka sir sarmindagi se jhuk gaya kionk kus log uski Behan ke bare mein ulta
seedha bol rahe the par usko pata tak nahi chala aur dusri taraf Wo Raj jise ladai ke naam se bhi nafrat
hai wo un ladkon se bhid pada…
Riya toh jaise kisi shock mein thi kionk jab Sandy ne use bataya tha k Raj ladkion se nafrat karta hai toh
use laga tha k wo kitna ghumandi hai aur ladkion ki respect nahi karta hoga….par usi Raj ne aj uski izzat
ke liye un ladkon se ladai ki….

Riya: thanks Raj…

Raj: kis liye…
Riya: tumne mere liye unse ladai ki…
Raj: dekho agar koi v ladki hoti toh mein yahi karta tum toh fir v Sandy ki Behan ho….ab chalo yaar ghar
chalte hain…pura mood hi off kar diya in logon ne…

Fir teeno gadi mein baith kar ghar ki taraf chal padte hain…Yahan Sandy ke dil mein Raj ke liye izzat badh
gayi thi…wahin Riya ko itna pata chal gaya tha k Raj pehle se aisa nahi hoga jarur uske sath kus galat
huya hoga…usne soch liya tha k chahe kus v ho wo pata laga kar hi rahegi…

Sabhi apni apni soch mein dube huya the pure raste koi v kus nahi bola itne mein gadi ke brakes lage
dekha toh gadi Sandy ke ghar ke bahar khadi thi…

Sandy: chal aja Raj ander chalte hain…

Raj: nahi yaar mujhe ab ghar Jana hai kafi thak gaya hun…
Sandy: chal thik hai kal ko college mein milte hain…
Raj: thik hai yaar aur sun ghar pe aj ke bare mein kisi ko mat batana aise hi pareshan honge sab…
Sandy: chal thik hai...
Riya: bye Raj…
Raj: bye

Fir Raj wahan se apne ghar ki taraf chal padta hai…ghar pahunchte hi Raj apne kamre mein ghus jata hai
aur bed pe lait kar Raj chhat ki taraf dekhne ladta hai…aisa lag raha tha Jaise wo kus soch raha ho…

Vaise ap logon ko bata dun k Raj ne Riya aur Sandy ki batein sun li thi Jo wo log Isha ke bare mein kar
rahe the...Raj Sandy ko kafi baar keh chuka tha k wo Isha ke bare mein baat mat kare par wo baar baar
uske aur Isha ke bare mein bolta rehta tha....pata nahi Raj aur Isha ka aisa konsa raaz tha Jo Raj ko itna
pareshan karta rehta tha khair yeh toh waqt ane pe hi pata chalega…
Update 23
Raj kafi samay tak apne room mein leta raha wo sham ko dinner karne ke liye hi bahar nikla…uska mood
aj kus thik nahi tha…khair us din kus khas nahi huya…agle din college Jana tha toh Raj jaldi hi so gaya…

Wednesday 4:30 am
Apni adat ke anusar Raj jaldi uth jata hai…fir wo apni jogging exercise wagera karta hai aur college ke
time tyar ho ke ghar se nikal padta hai…wahan pahunch kar Raj car park karta hai aur ander ki taraf chal
padta hai…wahan seniors new comers ki raging le rahe the…

Raj abhi thoda age hi gaya tha k use kisi ne awaj di….wahan ek group khada tha jisme char ladke aur do
ladkian thin…Raj unke paas chala jata hai…wo bolta toh vaise hi kam tha toh bas wo in logon ke paas ja
kar khada ho jata hai…

Ladka 1: kya naam hai tera…

Raj: Raj…
Ladka 1: naya aya hai kya…
Raj: han…
Ladka 2: 1st year?
Raj: nahi 2nd year…
Ladki 1: koi baat nahi hai toh naya hi na….chal aisa kar nagin dance kar ke dikha…
Ladki 2: are aisa kar shirt utar ke dikha…bahar se toh hero lagta hai ander se bhi dekh lein…
Fir wo sabhi hasne lagte hain…Raj kus nahi bolta bas wahan se chal padta hai…
Ladka 1: Abe kahan chala jyada hosiyar banne ki kosish mat kar…
Raj kus nahi bolta aur wahan se Jane lagta hai tabhi wo ladka a ke Raj ko kandhe se pakad leta hai…abhi
wo kus bolta…
Tabhi piche se kisi ki awaj ati hai: oye chod use…
Wo ladka piche mud ke dekhta hai toh samne Monty khada tha…
Ladka 1:bhai yeh jyada nakhre dikha raha hai…
Monty: Abe tujhe bola na chod use…

Fir wo ladka na chahte huye v Raj ko chod deta hai aur Raj bina kus bole wahan se chala jata hai…
Ladki 2: Monty tumne use Jane kion diya…
Monty: tum log agar college se rusticate hona chahte ho toh rok lo use…
Ladka 3: kion bhai Principal uska baap hai…
Monty: yaar uska baap principal ka bhi baap hai…salo wo Raghuveer Sinha ka beta hai…aur tum log ache
se jante ho k wo kya kar sakta hai..
Ladka 1: sala pehle toh sirf Priya thi ab yeh bhi agaya…bhai vaise ap in logon se kion darte ho ap ke dad
toh Minister hain na…
Monty: bhai dekho wo Jo kus v hain Raghuveer aur Mohit ki wajah se hain toh main bekar mein unse
panga nahi Lena chahta…

Udhar Raj abhi thodi dur hi gaya tha k kisi ne piche se awaj di wo koyi aur nahi Riya hi thi…
Riya: Raj…
Raj piche dekhta hai…
Raj: hlo…
Riya: hi kaise ho…
Raj: thik hun…Sandy kahan hai…
Riya: wo tume hi dhundh raha tha keh raha tha k bahar parking mein dekh kar ata hun…wo yahin ane
wala hai…tab tak agar tume koi problem nahi hai toh yahan ruk jao…

Raj kus nahi bolta bas aise hi wahan khada rehta hai…Riya baat karna chahti thi par use koi Bahana nahi
mil raha tha baat shuru karne ka…fir thoda sochne k baad…
Riya: thanks Raj…
Raj: kisliye…
Riya: kal k liye…
Raj: welcome…
Riya: agar bura na mano toh ek baat puchun…
Raj: sure..
Riya: tum itna kam kion bolte ho…
Raj: bas aise hi…
Riya: kya tum mere friend banoge…
Raj: kion….
Riya: aise hi tum ache ladke ho…
Raj: dekho tum Sandy ki Behan ho isliye ek advice deta hoon…k kisi pe itni jaldi bharosa nahi karte khas
kar jab baat dosti ki ho…kionk pata nahi us dosti ke piche samne wale ka kya maqsad ho…

Itna bolte hi Raj ke chehre pe ek udasi si a gayi thi yeh Riya ne notice kar liya tha…par Raj ki baat ka uske
paas koi jawab nahi tha isliye wo kus nahi boli use dukh toh huya tha k Raj ne uski dosti accept nahi
ki…kionk kisi v ladki ke liye yeh bahut badi baat hai par fir bhi Raj ke chehre ko dekh kar lag raha tha k
usne boht kus saha hai isliye wo chup hi…wo bas yahi soch rahi thi k kus na kus toh huya hai Raj ke
sath…aur usne yeh soch liya tha k use pata karke hi rehna hai…

Khair fir dono mein se koyi v nahi bola tabhi wahan Sandy a gaya…
Sandy: hlo bhai Kaisa hai…
Raj: thik hun yaar tu bata…
Sandy: thik hun….
Raj: yaar tu kahan chala gaya tha itna time laga diya kab se tera yahan khada wait kar raha hun….
Sandy: yaar main toh parking mein gaya tha…tabhi wahan Sonia aur uski friend Priya a gaye..unke paas
ruk gaya…

Priya ka naam sun ke Raj kus nahi bola bas aise hi khada raha…
Sandy: toh chalein ab hum log…
Fir wo teeno apni apni classes ki taraf chal padte hain…Riya apni class mein chali gayi aur Raj aur Sandy
apne room mein…wahan Sonia aur Priya baithi thi Sandy ne unhe bulaya par Raj ne unhein puri tarah se
ignore kiya aur ek jagah ja kar baith gaya sandy v uske sath a kar baith gaya…Fir sabhi ne apne apna
lectures attend kiye aur fir canteen ki taraf chal pade…

Raj aur Sandy ek table par baithe the aur Priya, Sonia, Riya aur Diksha( minister ki beti Riya ke sath hi
padti hai aur dono mein friendship ho gayi thi aur usne Priya aur Sonia se bhi uski introduction karwa di
thi ) ek sath baithe the….

Diksha lagatar bas Raj ko hi dekhe ja rahi thi aur yeh baat Riya ne notice karli thi….
Riya: kya hua aise kion ghur rahi hai use…
Diksha: yaar bas aise hi kitna handsome hai na…
Riya: yeh toh hai….

Par wahan Priya bhi baithi thi wo toh Jaise Raj ki tareef sun hi nahi sakti thi…
Priya: Dekh Riya tu yeh faltu batein mat kar aur lunch kar fir hamein ghar bhi chalna hai…

Riya Priya ke gusse ko ache se janti thi toh wo chupchap lunch karne lagti hai…fir wo Charon ladkian
apne apne ghar ke liye nikal jati hain…fir Raj aur Sandy bhi wahan se nikal padte hain…
Raj sandy ko drop karne ke baad apne ghar ke liye nikal padta hai…Ghar pahunch kar wo aram karta hai
fir sham ko exercise karne lagta hai wo exercise karne ke baad vaise hi bina shirt ke bahar chala ata hai
uska dhyan nahi jata par Wahan Priya baithi thi Jo Sunidhi se batein kar rahi thi uski najar Jaise hi Raj par
padti hai toh use Diksha aur Riya ki batein sahi lagti hain Raj sach mein handsome tha…Par Priya aisi
ladki nahi thi k kisi ladke ke Six pack abs dekh kar latoo ho jaye isliye wo jyada dhyan nahi deti aur
Sunidhi se batein karti rehti hai…

Raj apne kamre mein chala jata hai...Thodi der baad uske door pe knock hota hai…Raj door open karta
hai toh samne Sunidhi aur Geeta khadi thin…Raj Geeta ke pair chuta hai fir in dono ko ander ane ko
kehta hai…wo dono ander a kar bed pe baith jati hain….

Geeta: beta tumhara college ka first day kaisa raha…

Raj: acha raha aunty…aur sunao kaise ho…
Geeta: beta main toh theek hun…par hum dono tumse ek complaint karne aye hain…
Raj: kya hua sab theek toh hai na…
Sunidhi: baki sab toh thik hai bas tum pata nahi kahan khoye rehte ho…
Raj: kya hua mom ap dono kaisi batein kar rahe ho…
Geeta: pehle yeh batao kya tum hum dono se pyar karte ho…
Raj: yeh bhi koi puchne ki baat hai kya…
Sunidhi: toh yeh batao ke tumhe koi problem hai kya…
Raj: nahi toh…
Sunidhi: dekho jhuth bolne ki jarurat nahi hamein saaf saaf dikh raha hai k jab se tum yahan aye ho apne
aap mein hi khoye khoye se rehte ho…dekho beta agar koi v problem hai toh humein bata sakte ho…
Raj: nahi mom aisi baat nahi hai…wo bas abhi abhi aya hun toh apne aap ko thoda adjust karne ki kosish
kar raha hun…
Geeta: tum sach bol rahe ho na…
Raj: han aunty…
Geeta: toh thik hai but agar kabhi bhi koi bhi problem ho toh humein bata sakte ho…filhal chalo mere
sath main tume apne sath lene ayi hun…aj tum wahin dinner karoge…

Raj nahi Jana chahta tha kionk use pata tha k wahan uska samna Priya se hoga…par wo Geeta ko mana
nahi karna chahta tha…isliye wo uske sath chalne ko tyar ho jata hai…toh dekhte hain kya Priya aur Raj
ka samna hoga ya nahi…
Update 24
Raj wahan se Geeta ke sath uske ghar ki taraf chal pada…wahan pahunch kar Raj hall main baith gaya
aur Geeta bhi uske sath baith gayi…thodi der baad Mohit bhi a gaya...fir teeno batein karne lage…
Mohit: aur sunao beta kaise ho…
Raj: bilkul thik hun uncle ap batao…
Mohit: main toh bilkul fit hun tumhari tarah…
Geeta: ap na khud ko mere bache se compare mat kijiye…kahan yeh aur aap…
Mohit: are bhai mujhme kya kami hai…
Geeta: apme koi kami nahi balki sab kus jyada hi hai…
Mohit: yahi toh main keh raha hun…
Geeta: han Jaise apke pait pe fat jyada hai…sir pe safed baal v jyada hai..aur ab toh chehre se bhi
bhudhe dikhne lage ho…

Fir Raj aur Geeta hasne lagte hain…Mohit bas in dono ki taraf dekh raha tha…
Mohit: meri toh bas yahi isha hai k hamare dono bache khus rahein…Are yaad aya wo maharani kahan
hai…
Geeta: wo toh apne room mein hai bola k padhai kar rahi hun…bola dinner ke time hi ayegi…
Mohit: toh dinner lagao bhai badi bhukh lagi hai…
Geeta: han han lagati hun pehle Raj ke mummy daddy ko toh ane do…
Mohit: are wah aj toh maja a jayega sab sath mil kar dinner karenge…

Itne mein Raj ke parents bhi a jate hain aur Priya ko bhi bula liya gaya tha…fir sabhi dinning table pe
baith jate hain…Ek taraf Raj ki family baithi thi aur dusri taraf Priya ki…Priya aur Raj ek dusre ke amne
samne baithe the par wo dono ek dusre ki taraf dekh bhi nahi rahe the…

Fir khana naukaron ne serve kiya aur sabhi khane lage…aur sath sath batein bhi kar rahe the…

Mohit: Raj beta tumhe college pasand toh aya na…

Raj: han uncle kafi acha hai…
Mohit: han beta yeh baat toh hai…
Raghuveer: vaise achi baat hai k ab dono bache ek sath padenge toh agar kisi ek ko problem hai toh ek
dusre ki madad kar sakenge…

Raghuveer ki baat sun kar Raj aur Priya dono hi khansne lagte hain…
Geeta: beta kya hua tum dono ko kahin khane mein mirchi toh jyada nahi hai na…
Raj: nahi aunty bas aise hi khansi a gayi…
Sunidhi: chalo ek ka toh mana dono ko ek sath kya hua…
Priya: aise hi ho gaya hoga aunty…
Geeta: chalo chodo aur batao khana kaisa bana hai…
Raj: asha bana hai aunty bahut hi tasty hai…

Tabhi Raj ki t shirt pe thoda khana lag jata hai..Raj jaldi se khada hoke use saaf karne lagta hai…jisse
sabhi ka dhyan uski taraf jata hai…

Geeta: Are beta yeh kaise Fir gaya…Priya tum aisa karo Raj ko mere kamre mein le jao wo wahan apni
shirt saaf kar lega…

Geeta ki baat sun kar Priya uski taraf aise dekhti hai jaise usne Priya ko bomb ka bag pakda kar kaha ho k
is pate pe pahuncha do…par wo kus bol toh sakti nahi thi bas khadi ho jati hai…par Raj baitha rehta hai…
Sunidhi: are beta jao na tum toh aise kar rahe Jo Jaise koi ajnabi ke sath Jana ho…
Raghuveer: lagta hai dono mein abhi tak koi dosti nahi huyi hai…chalo dosti toh hoti rahegi abhi tum
apni shirt saaf karke aao…

Apne pita ji ka order sun kar Raj jhat se khada ho gaya aur Priya ke sath Geeta ke kamre ki taraf chal
pada…dono mein se na toh kisi ne ek dusre se baat ki aur na hi ek dusre ki taraf dekha…khair Priya ne
room mein ja kar washroom ka door khola aur Raj ander chala gaya Raj ne door lock kar ke apni t shirt
utari aur use saaf karne laga…tabhi door pe knock huya usne thoda sa door khol ke sirf apna sir bahar
nikal kar dekha toh Priya khadi thi…Priya ne bina kus bole apne hath mein pakad huya towel Raj ki taraf
badha diya…Raj ne wo towel uske hath se pakda aur Priya Jaise hi wapis mudi toh uska pair much gaya
aur balance bigad gaya isse pehle k wo girti Raj ne jaker use sambhal liya…un dono ki position aisi thi ke
Priya ki kamar mein Raj ka hath tha aur Priya usi hath ke share piche ki taraf jhuki huyi thi…Priya ki nazar
Jaise hi Raj ki muscular body par gayi toh usne apna face jhat se dusri taraf kar liya…Raj ko bhi uski Halat
ka andaja ho gaya toh usne Priya ko bed par bithaya aur khud bathroom mein ghus gaya..aur apni shirt
pehan kar bahar aya…Tab tak ghar ke baki log bhi Priya ke paas a gaye the kionk girte waqt uski cheekh
nikal gayi thi…

Geeta: beta kya hua tum chikhi kion…

Priya: kus nahi mummy balance bigad gaya tha aur gir gayi thi…
Sunidhi: beta chot toh nahi lagi…
Priya: nahi aunty Maine deewae ka sahara le liya tha…

Priya ki baat sun kar Raj ko bahut gussa aya kionk ek toh usne apne sabse bade dushman ko girne se
bachaya…samne se thanks toh usne kya bolna tha…upar se Priya ne uska Sara credit bhi deewar ko de
diya tha…Raj kus nahi kehta aur wahan se bahar chala jata hai…Sabhi ko yeh bada ajeeb lagta hai…kionk
Priya ko chot lagi thi aur sabhi uska haal chal puch rahe the par Raj wahan se bahar chala gaya…

Khair fir kus nahi hua aur Raj aur uske parents apne ghar ki taraf chal pade…ghar pahunch kar Raj apne
kamre mein chala gaya…aj uska para bahut jyada chada huya tha….wo soch raha tha k kash wo Priya ko
na bachata aur jab uski najar tut jati tab use pata chalta …

Khair yeh sab sochte sochte Raj ko neend a gayi…Udhar Priya ke ko neend nahi a rahi thi uske pair mein
toh jyada chot nahi lagi thi par uska yeh soch soch kar bura haal tha k Use Raj ne kion bachaya…wo kabhi
nahi chahti thi k uska sabse bada dushman uski koi bhi help kare …use kafi der tak neend nahi ayi par a
jarur gayi…

Thursday subah ke 4:30

Raj apne bed se utha aur brush wagerha kar ke apni gym mein ghus gaya…wo Raat wali baat ko bhul
chuka tha…kionk wo apne man mein koi bhi baat jyada der tak Daba ke nahi rakhta tha…sirf do chijon ko
chod kar ek toh Priya ki uske prati dusmani aur dusra Raj aur Isha ke beech ka wo Raaz jiska hum logon
ko abhi koi pata thikana nahi hai...

Khair Raj apni Gym lagane ke baad nahaya aur College ke liye ready hone laga…tabhi uska phone ring
huya usne dekh toh Sandy ka tha…usne phone pick kiya…
Raj: oye kya huya Jo itni subah dimag kha raha hai…
Sandy: yaar wo maine toh tujhe bas yeh kehne ke liye phone kiya tha k aj mujhe mere ghar se pick kar
Lena…
Raj: kion kal kaise gaya tha…
Sandy: yaar kal toh main Sonia aur Riya ke sath gaya tha…
Raj: toh aj bhi chala ja na faltu mein mera time kion waste kar raha hai…
Sandy: kya yaar main asha lagta hun ladkion ke sath jata…
Raj: chal thik hai main a jaunga…tu 8:45 tak tyar rehna main wait nahi karne wala tumhara…
Sandy: OK bhai pakka usse pehle tyar ho jaunga….
Fir Raj tyar hone lagta hai…udhar Priya bhi college ke liye tyar thi wo bhi Raj ki help ko bhul chuki thi yeh
koi badi baat nahi thi…uske pair mein halki si chot thi isliye use chodne aj driver ja raha tha…

Khair Raj nashta karne ke liye niche ata hai…wahan uske mummy papa pehle se baithe the Raj in dono
ko morning wish karta hai…

Raghuveer: ho gaya tyrant college ke liye…

Raj: han papa bas nashta karke nikal jaunga…
Raghuveer: chal achi baat hai…

Fir teeno khana khane lagte hain khana khatam karke ke baad Raj table se uth jata hai…
Raj: bye mom dad ….
Sunidhi: beta abhi toh time pada hai na…
Raj: mom aj Sandy ke ghar se use pick karna hai…
Sunidhi: OK beta toh jao fir….bye…
Raghuveer: bye beta main v office ke liye niklta hun bas…

Fir Raj apni gadi nikal kar Sandy ke ghar ki taraf nikal padta hai…udhar Priya bhi nashta karne ke baad
sabko bye bol kar bahar ati hai…wahan driver gadi lekar ata hai aur Priya piche wali seat par baith kar
college ki taraf nikal padta hai…
Update 25
Raj apne ghar se nikal kar Sandy ke ghar ki taraf jata hai…wo Sandy ke ghar pahunch kar Door bell bajata
hai toh door Sandy hi kholta hai….wo tyar tha toh dono gadi mein baith kar college ki taraf chal padte
hain..college pahunch kar Raj gadi park karta hai aur dono ander ki taraf chal padte hain…

Wo abhi thodi dur hi gaye the k unhein piche se Monty awaz deta hai…
Monty: Raj…
Raj aur Sandy ruk jate hain…
Monty: kaisa hai bhai…
Raj: thik hun Maninder tu bata…
Monty: main toh ekdum fit hun…yeh tera dost hai(Sandy ki taraf ishara karke)
Raj: han mera dost hai…Sandeep vaise hum ise Sandy hi kehte hain…
Monty: hlo Sandy
Sandy: hi..
Monty: aur suna yaar Raj kya chal raha hai…
Raj: kus nahi bas….

Abhi Raj kus age bolta usse pehle wahan Diksha a gayi…
Diksha: Monty tumhare liye daddy ka phone hai wo keh rahe hain k tumne uthaya nahi toh mere phone
par kiya…
Jab Diksha ne Monty ka name liya toh Monty ke tote udh Gaye use laga kahin Raj ko pata na chal jaye
Maninder wahi Monty hai jisne Raj ko preshan kiya tha…Raj ne bhi Monty ke face ke expression note
kiye aur use yeh thode ajeeb se lage….usne naam toh sun liya tha par dhyan nahi diya tha use laga ke
Monty ko yeh dar hoga kahin uske papa use dant na lagayein….

Khair Monty Raj ko bina kus bole wahan se chala gaya aur Diksha ke paas ja kar phone pakad ke baat
karne laga….Raj aur Sandy bhi wahan se chale gaye….
Fir Pehle lecture ka time huya toh sabhi apni classes ki taraf chal pade Raj aur Sandy bhi apni kal wali
jagah par baith gaye…wahan Priya aur Sonia bhi baithi thin….Raj ne unki taraf koi dhyan nahi diya Sandy
ne unse thodi batein ki aur fir Raj ke paas ja kar baith gaya…

Fir lectures attend karne ke baad sabhi canteen ki taraf chale gaye Raj aur Sandy ek table par baith
gaye….unse thodi dur Priya Sonia Riya aur Diksha baithi thin….Raj unki taraf koi dhyan nahi de raha tha
vaise bhi wo ladkion ki taraf kam hi dekhta tha use koi interest nahi tha….Sandy idhar udhar dekhe ja
raha tha kionk use ladkion ko tadne mein bahut maja ata tha…

Tabhi wahan Monty a gaya uske sath us din wale Ladke aur ladkian thin wo log ek table par jaker baith
gaye….Monty ko abhi bhi yeh dar Sata raha tha k kahin Raj ko uske bare mein pata na chal jaye par wo
Raj ko yeh show karna chahta tha k wo Raj ke Sath bilkul normal hai isliye wo uth kar Raj ke table par ja
kar baith gaya…
Sandy: kaisa hai Monty….
Monty: thik hun but tumhe kaise pata chala k mera naam Monty hai…
Sandy: yaar subah wo ladki tujhe bulane ayi thi toh pata chala aur vaise bhi tera naam bada lamba hai
yeh wala jyada asan hai bolne mein…

Monty ko ab yeh toh yakeen ho chuka tha k Raj ko pata chal gaya tha k uska naam Monty hai par yeh itni
koi chinta ki baat nahi thi kionk najane kitne Monty honge hamare desh mein…par chinta toh tab thi
agar use pata chal jata k yeh wahin Monty hai…khair Monty ki ander se toh dar ke mare fati padi thi par
wo Show nahi karna chahta tha….aur kionk ek politician ka beta tha toh Natak karna uske liye koi muskil
baat nahi thi….usne normal hote huye baat ko age badaya….

Monty: han yaar yeh baat toh hai aur vaise bhi mujhe mere sabhi friend Monty hi bulate hain toh tum
log bhi bula sakte ho….
Sandy: chal thik hai bhai…
Monty: toh kya main tum dono ka friend ban sakta hun…
Sandy: kion nahi….
Monty aur Sandy hath milate hain par Raj vaise hi baitha apna lunch karta rehta hai…
Monty: yaar Sandy thanks but mujhe lagta hai Raj ko mera offer pasand nahi aya…
Sandy: yaar aisi baat nahi hai yeh toh hai hi aisa kam hi bolta hai…main toh ise 5 saal se janta
hun…tumhe bhi dhire dhire adat pad hi jayegi…
Monty: chalo thik hai…

Fir Monty v apna lunch wahin baith ke karta hai fir Raj aur Sandy parking ki taraf nikal jate hain aur
Monty apne group ke paas…Raj aur Sandy Priya ke table ke paas se niklte hain Raj toh kus nahi bolta but
Sandy un logon ko bye karta hai….unke jane ke baas Diksha Riya se bolti hai…
Diksha: yaar yeh Raj kaisa ladka hai mujhe toh laga tha k tumhare bhai ki tarah yeh bhi hamein Bye
bolega…par yeh toh aise hi nikal pada…
Riya: yaar wo aisa hi hai Maine bhi ek din usse baat karne ki kosish ki thi par Sandy ne bataya k wo
ladkion se jyada baat nahi karta…
Diksha: yaar bhagban bhi kitna ajeeb hai na…
Riya: kion…
Diksha: yaar altu faltu se ladke toh Sara din ladkion ke aas paas ghumte rehte hain…aur agar koi hero
metirial mila toh wo ladkion se baat nahi karta….Yaar agar yeh ek baar mujhe hye bolde toh main
bhagban ko Parshad chadaungi….
Ab bechari Priya kaise itna bardast kar pati wo toh apni Chair se khadi ho gayi aur Riya aur Diksha ko
dantne lagi…
Priya: yaar tum dono ko aur koi topic nahi milta baat karne ko….agar aj ke baad aisi batein ki na toh tum
dono ki khair nahi…yahan hum log padne ate hain kisi ladke ki tareef ke salok padne nahi….
Riya: sorry didi….
Diksha: sorry Priya di hum toh bas aise hi…

Bechari dono chup chap Sir jhuka ke khana khane lagti hain…aur Priya ko bhi thodi shanti milti hai…fir
wo apna lunch khatam karke Apne apne ghar ki taraf nikal padte hain…Priya ko lene ke liye Car a gayi
thi…

Udhar Raj bhi Sandy ko uske ghar drop karne ke baad apne ghar ke liye nikal chuka tha…ghar jate hi wo
apne room mein jata hai aur fresh hone ke baad bed par lait jata hai….

Udhar Priya bhi ghar pahunch chuki thi uska mood kafi ukhda huya tha ek toh Kal raat wali baat upar se
aj Diksha aur Riya ka Raj ki tareef karna…uske dudh Jaise mukhde pe gusse ki wajah se laal rang saaf dikh
raha tha khair wo apne room mein jaker fresh hone ke baad bed pe lait gayi aur Lait te hi so bhi gayi….

Udhar Raj ko aye thodi der hi huyi thi k Tabhi door par knock huya…

Raj: khula hi hai a jao…

Fir Door khula aur Sunidhi ander a gayi aur Raj ke paas a kar baith gayi…
Sunidhi: kaisa hai mera sona…
Raj: ekdum fit hun mom ap batao…
Sunidhi: main toh thik hun…aur bata tera college kaisa chal raha hai…
Raj: ekdum OK…
Sunidhi: OK ke bache padhai toh karta nahi Sara din ja toh gym mein laga rehta ya fir Guitar pakad ke
baitha rehta hai…
Raj: mom ap toh aise hi bolti rehti ho pichli baar bhi mere 87% the...
Sunidhi: Priya ke toh 96% the tumhare usse kitne kam hain…
Raj ko Priya ka naam sun kar gussa ajata hai…
Raj: apki us Priya ke Six pack abs hain…kya wo guitar bata sakti hai…agar wo yeh sab kar sakti hai toh
main v usse jyada marks le aunga…
Sunidhi: are beta tu toh serious ho gaya main toh bas majak kar rahi thi…
Raj: toh main konsa sansad bhawan mein lecture de raha tha main bhi toh majak kar raha tha….

Fir dono maa beta hasne lagte hain…

Sunidhi: chal thik hai beta main jati hun tu aram karle sham ko humein party mein Jana hai…
Raj: kiski party hai…
Sunidhi: asal mein Aj home minister ki wedding anniversary hai unhone party rakhi hai aur ham logon ko
bhi bulaya hai…
Raj: mom ap log chale jao mujhe party mein nahi jana ….
Sunidhi: beta aise acha nahi lagta wo bhi toh hamare yahan pure pariwar ke sath aye the aur Tumhare
Mohit uncle bhi toh puri family ke sath ja rahe hain…toh hamein bhi Jana padega na…
Raj: chalo thik hai mummy agar ap itna kehti hain toh chale jayenge…
Fir Sunidhi wahan se chali gayi aur Raj v aram karne laga…
Update 26
Raj kafi der tak aram karne ke baad sham ko lagbhag 5 baje utha aur exercise ki fir wo nahane gaya aur
party ke liye tyar ho gaya…fir wo niche hall mein agaya yahan uske mummy papa bhi tyar ho kar baithe
the sayad Raj ka hi wait kar rahe honge….
Raj: papa handsome lag rahe ho…
Raghuveer: thanks bhai kisi ka toh dhyan meri taraf gaya…
Raj: kion koi aur nahi tareef karta apki…
Raghuveer: bhai kisi aur se toh hamein kya Lena….bas agar hamari rani sahiba hamari thodi tareef kar
dein toh dil khus ho jaye…
Sunidhi: kus toh sharam karo ap jawan beta hai apka aur apke upar apni jawani ka nasha chada hai….
Raghuveer: sunli beta Teri mummy ke munh se tareef ab chalein hum…

Raj Hans padta hai aur fir teeno bahar ki taraf chal padte hain….driver gadi lekar ata hai aur teeno gadi
mein baith kar driver ko chalne ko bol dete hain…

Minister ka ghar thoda dur tha toh lagbhag 25-30 minute lage pahunchne mein…Fir teeno gadi se utre
aur driver gadi ko parking ki taraf le gaya…Party ki decoration aur lighting ke karan ghar ache se toh nahi
dekha ja raha tha par party ek bade se garden mein rakhi gayi thi….Mehmano ke baithne ke liye round
tables par chairs lagai gayi thin…party kafi achi lag rahi thi.....
Abhi Wo teeno gate ke ander enter kiye hi the k tabhi wahan Sandy a gaya…usne Raj ke parents ke pair
chuye….

Sandy: uncle ap logon ko Mohit uncle ne bulaya hai wo us taraf baithe hain…
Raghuveer Sandy ke ishare ka picha karta hai aur wahan mohit ko pure pariwar samet baithe dekh kar
Raghuveer aur Sunidhi unki taraf chal padte hain….Raj aur Sandy wahin khade rehte hain…

Raj: Abe tu jahan kaise….

Sandy: oye kaise ka kya matlab Monty ne bulaya hai mujhe…
Raj: OK par Teri behnein bhi baithi hain wahan….
Sandy: yaar Monty ki Behan Diksha unki friend hai toh usne hi bulaya….vaise tu kion itni investigation
kar raha hai…
Raj: sale main investigation nahi kar raha bas aise hi puch raha tha…chal vaise v mera time pass ho
jayega….
Sandy: bhai dekh main us type ka ladka nahi hun….
Raj: sale tu apni nautanki apne paas hi rakh chal yaar pehle toh washroom ho ayein pressure bada huya
hai….

Fir dono washroom ki taraf chale jate hain…wapis a kar dono aise hi ghumte rehte hain Tabhi Sandy ka
dhyan us table par jata hai yahan Raj aur Priya ki family aur Priya Sonia Riya aur Diksha baithi thin....
Sonia aur Riya ko Diksha ne invite kiya tha….

Sandy: yaar wo minister ki beti hai na Diksha

Raj:Han tu kion puch raha hai…
Sandy: yaar puch nahi raha main janta hun usko main toh tujhe ek baat bata raha tha….
Raj: toh sidhe sidhe hi bol na fir…
Sandy:yaar wo Sara din tujhe hi ghurti rehti hai…
Raj: toh?
Sandy: oye tu toh ek dum ullu hai…wo tujhe line de rahi hai….
Raj: fir main kya karun …
Sandy: bhai itni hot and sexy ladki tujhe line de rahi hai toh use pata le bhai maje karega….
Raj: ismein kya fayada…
Sandy: yaar dekh Teri gf itni hot and beautiful hogi….tera sala v college mein kafi popular hai…aur sabse
bada fayada tera sasur Home minister…
Raj: yaar ab yeh faltu ki batein chod…
Sandy: kya chod yaar tu ek baar uski taraf dekh toh sahi….
Raj: chal yaar baad mein baat karenge abhi kisi table par baith jate hai…

Fir Sandy aur Raj ek table par baith jate hain aur fir waiter unse order leta hai….itne mein Monty wahan
a jata hai…

Monty: kaise ho bhai tum dono…sorry yaar main thoda busy tha pehle….
Raj : koi baat nahi…
Sandy: bhai hum toh ek dum fit hain tum batao kya hal chal hai…
Monty: acha hi hun….chalo main tumein ander se ghar dikha deta hun…

Fir Monty un dono ko lekar ander chala jata hai…uska ghar bhi kafi acha tha par Raj ke ghar jitna
nahi…Monty unhe sabhi kamre dikhata rehta hai…tabhi ek kamre mein ek photo lagi huyi thi Raj use
bade gaur se dekh raha tha….

Monty: kya hua bhai age chalein…

Raj: Monty yeh photo kiski hai…
Monty: wo…wo…wo

Monty kus bolta usse pehle piche se awaj ayi…yeh Diksha ki awaj thi….
Diksha: Monty tume bahar bula rahe hain…
Monty ki toh Jaise jaan mein jaan ayi

Monty: toh ab hum logon ko party mein chalna chahiye…

Raj: han sure…

Raj ko Monty ke behavior ki wajah se aur us photo ki wajah se yeh yakeen toh ho gaya tha k yeh wahi
Monty hai…par use is baat se koi Lena dena nahi tha kionk na toh use Monty se badla Lena tha aur nahi
use Monty ki complaint karni thi…

Par Raj ke man mein ek baat baith gayi thi k kahin Monty fir se koi jaal na bun raha ho….Uska Sandy se
dosti karna kahin koi chal toh nahi…kahin Priya fir se uska istemal karke mujhe aur Sandy ko alag toh
nahi karna chahti…

Khair Raj aur Sandy bhi Monty ke sath bahar a chuke the…fir party shuru huyi Minister aur uski wife ne
cake kata fir sabhi ne unhe wish kiya fir party shuru ho gayi….Monty apne kus doston ke sath baitha tha
aur Sandy Baki sabhi ke sath batein kar raha tha…
Raj kus sochta huya Monty ke paas gaya…
Raj: Monty..
Monty thoda dar gaya k kahin Raj fir se photo wali baat na shuru kar de…
Monty: kya hua bhai party enjoy karo na…
Raj : nahi yaar mujhe tujhse bas thodi der baat karni hai…
Monty: toh bolo bhai kya baat hai…
Raj: yahan nahi akele mein…
Monty: bhai aisi bhi kya baat hai…
Raj: samaj yaar yahan nahi kar sakte yeh baat…

Monty Raj ki.baat se kafi ghabra gaya tha kionk use pata tha k Raj kya baat karne wala hai use bhi samaj
a gaya tha k Raj ko sab samaj mein a gaya tha....uski dar ke mare pani chod rahi thi…wo puri tarah se dar
chuka tha Lekin fir bhi himmat karke wo Raj ke sath chalne ko tyar ho gaya….
Monty: chal bhai thik hai…kidhar Jana hai…
Raj: chal main gate ki taraf chalte hai wahan koi nahi hai…
Fir Raj aur Monty us taraf chal pade…

Monty(darte hue) bhai bol kya baat hai…

Raj: dekh Monty mujhe sab pata chal chuka hai k tum hi wo Monty ho jisne 5 saal pehle mujhe preshan
kiya tha taki main sehar chod kar bhag jaun….
Monty Raj ke samne hath Jod ke khada ho gaya…
Monty: bhai plz mujhe maaf kardo wo sab Maine apni marji se nahi kiya tha….
Raj: mujhe pata hai tumne kiske kehne par yeh sab kiya tha….dekho main tujhe kus nahi kehne wala
kionk tumhare dad aur mere dad dost hain….main nahi chahta k hamari wajah se unke bich koi unban
ho….
Monty: thanks bhai…
Raj: par ek baat ache se samjhle k agar Teri Sandy se dosti fir koi chal Hui toh main tera wo haal karunga
k tu apne ap ko pehchan bhi nahi payega…
Monty: nahi bhai main koi chal nahi chal raha par ap plz mujhe maaf kardo….
Raj: chal thik hai ab ja yahan kisi ne hamari batein sunli toh gadbad ho jayegi…

Fir Monty wahan se chala gaya….par yahan par ek twist hai….Raj aur Monty ki batein kisi ne sunli thi…ab
kis ne Suni aur iska kya anjam hoga yeh toh waqt hi
Update 27
Raghuveer: are Raj kahan hai…
Sunidhi: han pata nahi kahan chala gaya kafi time ho gaya use…
Sandy: aunty pehle toh mere sath hi tha ab pata nahi kahan chala gaya…
Geeta: main phone karke puch leti hun k kahan hai…
Mohit: are jyada preshan kion ho rahe ho a jayega bhai….
Riya: are aap log preshan mat hoyie mujhe dikh gaya hai Raj….wo dekho Diksha k bhai ke sath kus baat
kar raha hai…
Diksha: main bula kar lati hun...
Sandy: koi baat nahi main bula lata hun….

Yeh sunke Diksha ka chehra utar gaya kionk use umeed thi k Raj ko bulane ke bahane wo usse thodi baat
bhi kar legi par Sandy ne uske hath se yeh mauka bhi sheen liya….ek pal ke liye toh uske man mein aya
ke sandy ke Baal noch le par wo kya karti bas chup chap baithi rahi….aur Sandy uth ke Raj ki taraf badh
gaya….

Wo abhi Raj ke taraf chala hi tha k Raj Monty ke sath main gate ki taraf chal pada….toh Sandy bhi unke
piche piche chal pada….unka chehra dusri aur tha aur peeth Sandy ki aur Fir Sandy ke kanon mein Raj
aur Monty ki baton ki awaj ani shuru ho gayi Sandy wahin ruk gaya….

Jaise Jaise unki batein use Sunai deti rahi Sandy ka ascharya badhta gaya…wo toh puri tarah se socked
tha….par use pata tha k agar Raj ne use wahan dekh liya toh gadbad ho jayegi isliye wo paas mein hi
khadi ek gadi ke piche chip gaya….itne mein Monty wahan se chala gaya….aur Raj bhi jane laga….toh
Sandy ne gadi ke piche se nikal kar thodi dur jaker Raj ko awaj di taki use Shaq na ho….Sandy ki awaj sun
kar Raj uske paas chala gaya….

Sandy: bhai tu yahan kya kar raha hai…

Raj: kus nahi yaar bore ho raha tha toh thoda ghumne a gaya…
Sandy: chal tujhe sabhi bula rahe hain…
Raj: OK chalo fir…

Fir dono usi taraf chal padte hain yahan baki sab baithe the…wahan ja kar Raj aur Sandy baith jate hai…

Sunidhi: kahan chale gaye the Raj…

Raj: kus nahi mom bas thoda bore ho raha tha toh idhar udhar ghum raha tha…
Raghuveer: chalo toh mere khyal se ab hamein chalna chahiye fir kal subah bachon ko college bhi toh
Jana hoga…
Raj: han chalo papa…
Raghuveer: OK Diksha beta apne papa ko bata dena k hum chale gaye hain…
Diksha: ji uncle….

Fir wo sabhi parking ki taraf badte hain….Priya aur Raj ki gadion ke driver gadi nikalte hain aur Sandy bhi
apni gadi nikalta hai Jo uske mama ki thi…Fir sabhi apni apni gadion mein baith kar nikal jate hain….

Apne apne ghar pahunch kar sabhi thakawat ki wajah se so gaye par do logon ki neend ka koi pata
thikana nahi tha….Raj aur Sandy…
Yahan Raj ko isliye neend nahi a rahi thi k kahin Monty Sandy ke sath kus galat na karde….kahin uska
dost usse dur na ho jaye kahin wo ek baar fir akela na pad jaye….Sandy uska dost kam bhai jyada tha
usse alag hone ki baat wo kabhi sapne mein bhi nahi soch sakta tha…

Dusri taraf Sandy ko yeh baat preshan kar rahi thi k Akhir wo kon hoga jisne Monty ke sath mil kar Raj ko
bhgane ki planning ki hogi…akhir in logon ne aisa kion kiya Raj toh kisi se ladta jhagdta bhi nahi hai uska
dusman kon ho sakta….par in sab baton se jyada use is baat ki chinta thi k Raj ne usse yeh baat kion
chupayi….wo toh use apna bhai manta hai fir aisi konsi wajah hai Jo Raj usse yeh chupa raha hai…

Khair Sandy toh apni sochon mein kho kar so gaya par Raj ko neend nahi a rahi thi…wo kamre mein idhar
udhar tehal raha tha….use dar lag raha tha k uska dost usse chin na jaye….usne soch liya tha k agar is
baar Priya ne koi sajis rachi toh wo chup nahi rahega….

Raj(man mein):yaar meri life kya kya khel khel rahi hai mere sath….jab se India mein aya hun koi na koi
panga ho raha hai pehle wo Priya aur sath mein Sonia aur Monty bhi….pune gaya socha in sab se picha
chutega par life ghum fir ke wahin a kar khadi ho gayi hai…main fir se usi position mein hun na toh ughal
sakta hun na nighal sakta hun….na toh Monty par bharosa kar sakta hun aur na hi Sandy ko sab kus bata
sakta hun….

Khair Raj ko pata tha k apne ap ko kaise shant karna hai…isiliye usne kano mein headphones lagaye aur
Romantic songs chala kar chup chap bed par lait gaya kab neend ayi kus pata nahi chala….

Friday 4:30 am
Vaise toh Raj is time roj uth jata hai par aj nahi utha….isliye usne aisi situation ke liye alarm laga kar
rakha hai…toh Jaise hi alarm baja Raj uth gaya aur apna brush wagerha karke gym mein chala gaya….fir
Naha kar college ke liye tyar hone laga…tabhi Sandy ka phone a gaya…Raj ne phone pick kiya…

Raj: Yaar Maine tujhe kal hi bol diya tha mera dimag mat kha main tujhe roj roj sath lejane wala nahi…
Sandy: sale kabhi toh sidhe munh baat kar liya kar jab dekho rudra roop dharan kare rakhta hai…
Raj: beta agar sach mein kabhi rudra roop dharan kiya na toh sabse pehle Teri lash par hi tandaw
karunga…
Sandy: yaar bas kar ab dara kion raha hai…
Raj: yaar in sab faltu baton ko chod aur bol kis liye phone kiya hai...mujhe ready bhi hona hai…
Sandy: yaar Maine tujhe isliye phone kiya taki main bata sakun k aj mujhe lene mat ana…maine apni bike
pune se mangwa li hai…
Raj: chal yaar picha chuta tere se…
Sandy: tera picha toh main Marne ke baad bhi nahi chodne wala…
Raj: sale kamine kabhi chutne dunga bhi nahi….tu jaisa bhi hai kamina hai gadha hai ullu hai Teri shakal
bander jaisi hai…par hai toh mera yaar mera bhai hi na…
Sandy: sale yeh koi tareeka hai pyar jatane ka…kabhi achi batein bhi bol liya kar…
Raj: sale phone rakh nahi toh phone mein ghus kar marunga tujhe…
Sandy: chal thik hai bhai college mein milte hain…

Fir Raj phone kaat deta hai aur niche hall mein chala jata hai…wahan uske mummy papa baithe the…
Raj: good morning mom dad…
Sunidhi: good morning beta…
Raghuveer: good morning beta…
Raj: mom nashta shuru karein mujhe college bhi toh Jana hai…
Sunidhi: han beta main abhi serve karti hun…

Fir Sunidhi breakfast serve karti hai aur Sabhi breakfast karte hain…fir Raj apne mom dad ko bye bol kar
wahan se nikal jata hai…wo apni gadi nikalta hai aur college ki taraf badha deta hai…

Wo abhi thodi dur hi gaya tha k koi use lift ke liye ishara karta hai aur Raj gadi ke brakes laga deta
hai…Samne Diksha khadi thi…wo chal kar Raj ki gadi ke paas ati hai aur uski side window par knock karti
hai…Raj window niche karta hai…
Diksha: Raj acha hua tum mil gaye dekho na meri gadi kharab ho gayi hai plz mujhe bhi college jana hai
toh lift de doge…
Raj: sure…but tum idhar kya kar rahi ho tumhara ghar toh dusri side hai…
Diksha(thoda haklate huye): wo…wo…wo main apni ek friend se Milne ayi thi jab college ke liye nikli toh
gadi kharab ho gayi…
Raj: chalo main dekh leta hun k gadi mein kya problem hai sayad thik kar paun….
Diksha : nahi chodo use Maine ghar phone kar diya hai papa kisi ko bhijwa kar ise le jayenge…main
tumhare sath hi chali jati hun…

Raj kus nahi bolta bas dusri side ka door open kar deta hai aur Diksha gadi mein a kar baith jati hai…fir
Raj gadi ko college ki taraf dauda deta hai…
Update 28
Raj apna pura dhyan driving par laga deta hai par Diksha toh bas Raj ko hi dekhe ja rahi thi….asal mein
uski gadi kharab nahi huyi thi wo toh bas Raj ke sath time spend karna chahti thi isiliye usne yeh sab
drama kiya tha….khair Diksha jis liye yahan ayi thi usne wo kaam shuru kiya…..usne Raj se baat karne ki
kosish shuru kardi….

Diksha: Raj tum pune mein akele rehte the kya…

Raj: han…
Diksha: toh tumein akele rehna pasand hai…
Raj: nahi…
Diksha: toh tum akele kion rehte the….

Ek toh Raj use apne sath majburi mein laya tha upar se wo uska dimag kharab kiye ja rahi thi….Raj usse
mukti pana chahta tha….
Raj: dekho Diksha bura mat manna but driving ke time baat karna dangerous ho sakta hai…toh hum
kabhi fir baat karenge is bare mein…

Raj ke kehne par Diksha chup chap baith gayi wo toh chahti thi k wo Raj se batein kare par Raj ne use
chup rehne ko bol diya tha….toh fir dono mein koi baat nahi huyi…Raj ne gadi jaldi hi college ki parking
mein pahuncha di...

Fir dono gadi se utre….Diksha Raj ko kus kehna chahti thi par Raj toh jaldi se jaldi usse picha chudwana
chahta isliye wo jaldi se wahan se nikal gaya aur Diksha bas use dekhti reh gayi…

Raj abhi ander gaya hi tha k piche se Sandy ki awaj ayi…

Sandy: Abe ruk kahan bhaga ja raha hai…
Raj: yaar kahin nahi ja raha…aur bol kaisa hai…
Sandy: bhai main toh thik hun par tu kus thik nahi lag raha…
Raj: kion mujhe kya hua…
Sandy: bhai sab samaj gaya main…
Raj: Abe kya samaj gaya….
Sandy: dost dost na raha…
Yaar yaar na raha….
Raj: Abe sale bakwas kiye ja raha hai…aur tujhe bata dun k jab tu gata hai toh aise lagta hai Jaise kisi
sand ko gussa aya ho aur wo apna gala fad raha ho…
Sandy: bhai meri singing ko chod….mujhe sab pata chal gaya k tu mujhe apne sath kion nahi Lana chahta
tha…taki tu minister ki beti ke sath time spend kar sake….
Raj: Abe sale kya bhonke ja raha hai…
Sandy: kamine Maine Sab dekha wo Diksha Teri gadi se hi utri hai…
Raj: mandbudhi insan uski gadi kharab ho gayi thi toh usne mujhse lift mangi toh Maine de di…
Sandy: bhai main sab samjhta hun….pehle wo Isha aur ab yeh…

Isha ka naam sunte hi Raj ke chehre pe ekdum se seriousness a jati hai…

Raj: Maine tumhe kitni baar kaha hai mera uske sath koi rishta nahi hai wo sirf meri trainer thi ab agar
tumne duwara uska naam liya toh….

Raj itna bol kar wahan se gusse mein nikal jata hai...Sandy use piche se awaj deta hai Sorry bhi kehta hai
par Raj wahan nahi rukta…Sandy ko thoda ajeeb lagta hai par wo kus nahi bolta kionk usne Raj ko itne
gusse mein kabhi nahi dekha tha…

Khair aise hi lecture ka time huya …Sandy Raj ke sath hi baitha tha par Raj usse koi baat nahi kar raha
tha…Sandy ne kayi baar kosish ki par Raj chup hi raha…aise hi lectures nikalte rahe fir sabhi canteen
mein pahunche…wahan aj kus ajeeb huya Sandy Raj ke sath na baith kar Priya aur baki ladkion ke sath
baith gaya…Raj ko bura toh laga par wo kafi gusse mein tha toh usne kus nahi kaha aur chup chap akela
hi baitha raha…Sandy jab Raj ke sath nahi baitha toh sab ladkion ko thoda ajeeb laga…

Riya: Sandy aj tu yahan kaise….

Sandy: yaar kus nahi aise hi…
Riya: Raj ke sath jhagda huya kya…
Sandy: nahi jhagda toh nahi huya…par wo mujhse bahut naraj hai…
Riya: kion kya hua…
Sandy : yaar mujhe khud nahi pata pehle toh kabhi aisa nahi hua…
Riya: chal koi baat nahi maan jayega…
Priya ko toh kafi khusi mili wo kabhi bhi nahi chahti thi k koi bhi Raj se pyar kare….use laga k Sandy ko
usse dur karne ka yahi sahi mauka hai…
Priya: chalo koi baat nahi yaar tum khana khao kus logon ko dosti ki value hi nahi pata hoti…
Sandy: yaar aisi baat nahi hai wo aisa nahi hai….
Priya: yaar yeh sab mat socho hum bhi toh tumhare friends hain na…tum aj hamare sath baith kar lunch
karo…kya tum hamein apna friend nahi mante…
Sandy: nahi aisi baat nahi hai…
Priya: toh fir shuru karo…

Fir Sandy unke sath baith kar lunch karne laga par Raj kus bhi nahi kha raha tha…pata nahi kion usse
bahut gussa aya huya tha…uske gusse ki aag mein tel dalne ka kaam kiya Priya ne….kionk usne Raj ki
taraf dekh kar ek vijayi muskan paas ki…iska matlab Raj achi tarah samaj gaya tha…ab use khud par bhi
gussa a raha tha kionk use Sandy ko khone ka Jo dar tha usme aj Priya ne pehla kadam utha liya tha wo
bhi Raj ki apni galti ki bajah se….

Udhar Priya ko bada sukoon mila kionk Raj ki tareef sun sun kar uske kaan pak gaye the aj use mauka
mila tha Raj ko ek baar firse harane ka aur wo yeh mauka nahi chodne wali thi…

Yahan Diksha aur Riya ko lag raha tha k Priya Sandy ko apna dost manti hai…par wahin Sonia ko yeh baat
ache se pata thi k Priya sirf Raj ko harane ke liye yeh sab kar rahi hai…par use Priya par Itna biswash toh
tha k Priya is puri duniya mein Sirf Raj se nafrat karti hai isliye wo Sandy ke sath kus bura nahi karegi….

Raj yeh kabhi bardast nahi kar sakta tha k uska best friend uski jaani dushman ke sath dosti kare…isliye
wo wahan se utha aur bahar ki taraf chal pada…Priya ka toh Jaise din ban gaya Raj ko aise tadpta dekh
kar…par Sandy ko yeh bilkul acha nahi laga…use Raj ko lekar ek ke baad ek jhatke lag rahe the….pehle
Monty aur Raj ki batein aur aj Raj ka yeh naya roop ab toh usne soch liya tha k use is baat ki gehrayi tak
pahunchna hai…par use kisi ki help ki jarurat thi aur use yeh ache se pata tha k uski help kon kar sakta
hai…usne soch liya tha k wo Riya ko Monty aur Raj ki sari batein bata dega taki wo Riya ki help le
sake…kionk use pata tha k Riya ka dimag kafi tez chalta hai aur uspe bharosa bhi kiya ja sakta hai…

Khair Raj wahan se sidha apne ghar ki taraf nikal pada…ghar pahunche hi wo apne kamre mein ghusa aur
door lock karke lait gaya…wo sochne laga k use Sandy ko sab kus sach sach bata dena chahiye nahi toh
boht der ho chuki hogi aur uska dost usse chin jayega....Par agle hi pal usne socha k uske aisa karne se
Sandy aur Sonia ke rishte mein koi asar na pad jaye….wo nahi chahta tha k uski wajah se kisi ko dukh
ho…aj wo fir se usi mod par khada tha yahan wo aj se panch saal pehle tha….tab sawal Raghuveer aur
Mohit ke rishte ka tha aur Aj sawal Sandy aur Sonia ke rishte ka tha…
Par Raj ko koi na koi hal toh nikalna hi tha…khair udhar college mein Raj ke Jane ke baad Priya ke hath ek
aur mauka laga Raj ko harane ka…wo tha College ka Annual Talent Competition….Priya ek achi dancer thi
aur pichle saal wo yeh competition jiti bhi thi….jab Raj ke Jane ke baad yeh khabar pure college mein
phaili toh Priya ko pata tha k Raj jarur is competition mein participate karega aur uske ke paas Raj ko
harane ka mauka hoga…yah baat pure college mein jungle ki aag ki tarah faili…kal se competition ke liye
farm fill karne shuru hone the aur Agle Saturday ko competition tha…aj Friday tha toh abhi ek weak se
jyada time tha par Form fill karne ka last din Monday hi tha…

Khair friends college mein toh aj ka din boht kus leke aya yahan Diksha-Raj us chote safar se lekar Sandy-
Raj ki ladayi aur Priya -Raj ki nafrat dekhne ko mili…aj ka din Raj ke liye kus jyada hi lamba hota ja raha
tha…par kya yeh din yahin khatam huya yah abhi kus aur bhi baki hai?
Update 29
aj college se ane ke baad apne room mein jaker lait gaya tha wo kafi preshan tha aur gusse mein bhi
tha…Raj ke ghar Jane ke baad Priya ko competition ki khabar mili toh wo kafi khus huyi….uske baad Priya
aur baki sab bhi apne apne ghar ke liye nikal gaye….aj college mein yahan Raj ki puri tarah se baji thi
wahin Priya ki toh koi khusi ka thikana hi nahi tha…

Khair bechara Raj apne kamre mein laita raha aur sochta raha par use koi solution nahi mil raha tha…
Raj(man mein): yaar sala ajeeb panga ho gaya…ab kya karun kus samaj mein hi nahi a raha…han pehle
Sandy ko mana lun…khamkha uspe baras pada…

Yeh soch kar Raj Sandy ko phone karta hai…par Sandy phone nahi uthata Raj ne kayi baar try kiya par koi
response nahi mila….toh use aur tension hone lagi…par uski hi galti thi toh kisi ko dosh bhi nahi de sakta
tha…

Abhi wo yeh sab soch hi raha tha k tabhi Uske gate par knock huya..Raj apne khyalon se bahar nikla aur
door open kiya…samne Sunidhi khadi thi…

Sunidhi: beta kaisa hai…

Raj: thik hun mom…ap aao ander ake baitho…
Sunidhi (ander bed par baithte huye): beta koi preshani hai kya…
Raj: nahi mom…
Sunidhi: toh fir tumhari ankhein aisa kion bol rahi hain k tumhe pareshani hai…
Raj(najrein churate huye):mom aisi koi baat nahi hai…
Sunidhi: toh fir yeh baat meri taraf dekh kar bolo na…beta dekho main tumhari maa hun jab tumhe koi
problem hoti hai toh mujhe mehsus ho jati hai…koi bhi bacha apni maa se jhuth nahi bol sakta…
Raj: nahi mom ap aise hi preshan ho rahi hain…
Sunidhi: dekho beta agar tum mujhe nahi batana chahte toh tumhari marji hai…
Raj bhi apne dil ka bhar halka karna chahta tha aur yeh kam uski maa ke ilawa aur kon kar sakta
tha….toh usne apni maa ko baat batani shuru ki….

Raj: mom asal mein aj meri Sandy se ladai ho gayi….

Sunidhi: kion aisa kya ho gaya…
Raj: mom pata nahi maine faltu mein us bechare pe gussa kiya…
Sunidhi: beta wo tumhara dost hai toh wo tumhe maaf kar dega…
Raj: mom Maine phone kiya tha par wo utha nahi raha…
Sunidhi: dekho Raj tumne galti toh ki hai…aise gusse mein kisi ko koi baat nahi bolte jisse kisi ko hurt
ho…aur Jo apse pyar karta ho usse toh bilkul bhi nahi….
Raj: mom main bhi janta hun k Maine galat kiya hai par ab main kya karun usse kaise maafi mangun…wo
toh phone bhi nahi utha raha…
Sunidhi: tum aisa karo uske ghar chale jao…wahan usse Ashe se baat kar ke use mana Lena…vaise bhi jab
tum khud uske paas jaoge toh wo jyada khus hoga …
Raj(apni mom ke gale lagte huye): mom you are great…yeh toh Maine socha hi nahi tha…main abhi jata
hun…
Sunidhi: Maine toh pehle hi kaha tha k tum apni problem mujhe bata do…dekho agar tum nahi batate
toh main solution kaise deti…
Raj: thanks mom…

Fir Raj jaldi se utha apni car ki chabi uthai aur jaldi se bahar chala gaya…Sunidhi use is tarah daud bhag
karta huya dekh kar Hans rahi thi…use khusi thi k Raj ke chehre pe hansi laut ayi thi…

Khair Raj wahan se jaldi mein bhaga aur Sandy ke ghar ki taraf chal pada…wahan pahunch kar usne door
bell bajayi…door Sandy ki Mami ne khola…Raj ne uske pair chuye aur Radha ne bhi use ashirwad diya…
Raj: kaisi hain ap aunty…
Radha: thik hun beta tum batao…
Raj: main bhi thik hun aunty…
Radha: aur sunao tumhari mummy kaisi hai…
Raj: thik hain aunty wo bhi…
Radha: are main bhi kya tumhe darwaje par hi roke khadi hun ander ao beta…
Raj ander ata hai…aur Radha use sofe par baithne ko bolti hai…aur khud kitchen mein se pani lekar ati
hai….Raj pani ka gilas leta hai….wo idhar udhar dekhta hai par use koi nahi dikhta…
Radha: kya hua beta pani piyo na…
Raj: ji aunty vaise main Sandy se Milne aya tha….wo kahan hai…
Radha: are beta wo toh ghar par nahi hai…
Raj: ji kahan gaya hai aur kab tak ayega….
Radha: wo toh apni behano aur Priya ke sath bahar gaya hai…bola hai k der se hi ayenge…
Raj ke chehre par Jo khusi thodi der pehle ayi thi wo aise gayab ho gayi Jaise gadhe ke sir se seeng…Uska
chehra gusse ke karan kisi garam tabe ki tarah laal ho gaya…
Radha: beta tum baitho main tumhare liye coffee lekar ati hun…
Raj: nahi aunty main ab chalta hun…fir kabhi aunga…
Radha: OK beta jaisi tumhari marji…
Fir Raj Radha se bida lekar wahan se nikal gaya….uska dimag puri tarah se ghum gaya….use Priya par itna
gussa a raha tha k agar Priya is waqt uske samne a jati toh Raj use jaan se hi maar deta…apne gusse ko
apne ander dabaye Raj wahan se apne ghar ki taraf nikal gaya…ghar pahunchte hi wo sidha apne kamre
ki taraf bhaga…wo toh acha huya k use kisi ne dekha nahi warna uski shakal se saaf pata chal jata k uski
gusse se laal ho rahi hai(shakal)…Raj apne kamre mein ja kar bed par lait gaya aur chhat ko dekhne
laga….aj life mein pehli baar use itna gussa a raha tha…yah sayad isse pehle bhi aya ho aur hamein pata
na ho…

Khair Raj ki kus samaj mein nahi a raha tha k Sandy uske sath aisa kaise kar sakta hai….wo apne ap se hi
batein kiye ja raha tha….
Raj: yeh Sandy ne acha nahi kiya…mana k meri galti thi par kamine ne ladkion ki baton mein a kar apne
dost se hi duri bana li…sala aj ghumne gaya aur mujhe bataya bhi nahi…aur wo kamini Priya pata nahi
use mere se kya dushmani hai jab dekho meri bajane mein lagi rehti hai…pehle Monty ke sath mil kar
mujhe preshan kiya aur Ab fir se Monty ke sath mil kar mere dost ko mere khilaf bhadka diya….aur yeh
sab us chipku Diksha ki wajah se ho raha hai….na wo subah subah apni shakal dikhati aur nahi mera din
itna kharab jata…mujhe toh Monty par pehle se hi Shaq tha k wo jarur Sandy ko mujhse ladwana
chahta….ab main in sab ko nahi chodne wala….

Raj toh gusse mein na jane kya kya bake ja raha tha…tab tak hum yeh pata kar lete hain k akhir yeh
Sandy ke bahar Jane ka program kab ban gaya….
Asal mein jab Priya college se ghar lauti toh wo bahut khus thi kionk aj usne Raj ki puri tarah se Baja dali
thi wo bhi bina kisi mehnat ke.. Uska toh aj party karne ka mood tha...usne socha k kion na Sonia ko
phone kiya jaye aur kahin bahar ghumane jayein….tabhi uske shaitani dimag mein ek toofani Idea aya k
kion na Sandy ko bhi sath lekar chalein…Isse ho sakta hai k wo us par aur trust karne lage aur isse Raj ko
harane mein asani hogi toh usne Sonia ko phone kiya …Sonia ne bhi phone pick kiya…
Priya: kaisi hai yaar…
Sonia: theek hun tu bata…aur kaise phone kiya…
Priya: yaar phone se phone kiya aur kaise kiya…
Sonia: yaar mera matlab hai kion phone kiya koi kaam hai kya…yah koi project banana hai…
Priya: yaar goli maar project ko…aj ghumne chalte hain…
Sonia: yaar aj tujhe kya huya…vaise main toh tyar hun Jane ko…
Priya: chal thik hai fir…
Sonia: ek kaam karte hain Riya aur Sandy ko bhi le chalte hain….isse Sandy ka mood bhi thik ho jayega
jab se ghar aya hai munh latkaye ghum raha hai…
Sonia ne toh Priya ke dil ki baat bol di thi…use aur kya chahiye tha…
Priya: chal thik hai tu un dono ko bhi bol dena main Adhe ghante baad tum logon ko pick karne
aungi…tum log tyar rehna…
Sonia: OK thik hai…

Fir Sonia call cut karti hai…Priya se baat karne ke baad Sonia Sandy ke paas gayi….Sandy apne kamre
mein kafi udaas sa baitha tha…
Sonia: kya huya sandy aise kion baitha hai…
Sandy: kus nahi hua…bas aise hi…
Sonia: mujhe pata hai k tu Raj ki wajah se udaas hai…hum log bahar ja rahe hain aur Priya ne bola hai k
tu bhi chal….
Sandy: yaar tum log jao main kya karunga…
Sonia: tumhara bhi mood thik ho jayega…chalo na hamare sath….

Pehle toh Sandy nahi mana par Sonia ke baar baar Insist karne par wo maan gaya….fir Priya apni gadi se
in logon ko pick karne ayi…Asli problem toh tab shuru huyi jab jate waqt Sandy apna phone ghar pe hi
bhul gaya….uske Jane ke baad jab Raj ne phone try kiya toh koi response na mila…issi ek galti ke karan
yeh sab huya…
Update 30
Uske baad us din kus khas nahi huya Raj ne gusse mein Sandy ko dobara phone nahi kiya aur Sandy jab
ghar lauta toh usne dekha k Raj ke kafi sare calls aye huye hain…use khusi huyi par kionk raat kafi ho
chuki thi toh usne socha k kal college mein hi baat kar lega isliye usne Raj ko call back nahi kiya…

Saturday 4:30am….
Roj ki tarah Raj apne time pe uth gaya…fir fresh hone k baad exercise ki….fir college ke liye tyar huya aur
niche dinning table pe chala gaya…wahan uske mummy papa baithe the…usne dono ke pair chuye….
Raj: good morning mom dad…
Raghuveer: good morning beta….
Sunidhi: gud morning Sona…
Raghuveer: beta aur batao tumhari padhayi kaisi chal rahi hai…
Raj: thik chal rahi hai papa….
Raghuveer: chalo achi baat hai …chalo bhai tum nashta karo Maine toh kar liya aj ek jaruri meeting hai
toh jaldi Jana padega…
Raj: OK papa bye and good luck…
Raghuveer: Thanks beta….and bye….
Fir Raghuveer wahan se nikal jata hai…aur Raj apna breakfast shuru karta hai…breakfast karne ke baad
Raj college Jane ke liye nikalne lagta hai…
Raj: bye mom…
Sunidhi : beta ek mint mujhe kus baat karni hai tujhse…
Raj: mom jaldi bolo late ho raha hai…
Sunidhi: beta mujhe pata hai k tumhare aur Sandy ke beech ki misunderstanding dur nahi huyi hai…tum
usse college mein baat kar lena aur thoda pyar se aur apne gusse ko khud par hawi mat hone dena…
Raj(munh khole huye sun raha tha): mom yeh apko kaise pata chala…
Sunidhi(muskurate huye): maa hun teri…tumhari shakal dekh kar hi pata chal jata hai mujhe…ab jao
munh fade kya khade ho..ab late nahi ho raha tujhe…
Raj: bye mom…

Fir Raj wahan se nikal jata hai par wo hairan bhi tha aur khus bhi kionk use boht asha lagta hai k uski
maa uski har choti badi chij ka khyal rakhti hai…Fir wo apni gadi nikalta hai aur college ke liye nikal jata
hai…

College pahunch kar wo apni gadi park karta hai aur ander ki taraf chal padta hai…wo idhar udhar najar
ghumata hai toh bahut sare students koi forms uthaye unhe fill kar rahe the…use nahi pata tha k yeh kia
ho raha hai wo yeh sab dekh raha tha tabhi uske kandhe par kisi ka hath padta hai…

Raj piche mud kar dekhta hai toh samne Sandy khada tha…wo use dekh kar hairan ho jata hai…jaise
pehli baar dekh raha ho…
Sandy: Abe kya hua tu aise kion hairan ho raha hai…
Raj: kus nahi par tu toh mere se gussa tha na…
Sandy: tujhse yeh sab kisne kaha…
Raj: kya matlab…
Sandy: yahi k main tujhse koi naraz nahi hun…
Raj: yaar fir tumne mera phone kion nahi pick kiya kal…
Sandy: yaar main kal phone ghar pe hi bhul gaya tha…mujhe Mami ji ne bata diya tha k tu mujhse Milne
aya tha…main bahut khus hun bhai kal toh main dar hi gaya tha k tu mujhse kahin jyada naraz na ho
jaye…
Raj: yaar sorry kal mujhe tere sath aisa nahi karna chahiye tha…
Sandy: yaar koi apne bhai ko bhi sorry bolta hai kya…

Fir dono ek dusre se gale milte hain…

Raj: sale par main Teri ache se bajane wala hun…
Sandy: Abe ab kya ho gaya…
Raj: kamine kal tu bahar gaya aur mujhe bataya tak nahi…
Sandy: bhai mujhe laga k tu abhi mujhse naraz hai toh abhi tujhe akela hi chod deta hun…kahin fir se na
dhantne lage mujhe…
Raj: chal yaar chod in sab baton ko…yeh bata yeh college mein kya chal raha hai sabhi ke paas yeh form
kaise hain…
Sandy: bhai yeh toh apne college mein agle Saturday ko Annual talent competition hai usi k form hain…
Raj: acha toh yeh baat hai…
Sandy: Abe tu kion nahi participate karta…
Raj: abe chod na yaar kya karenge …
Sandy: sale tu bhi na bada ajeeb piece banaya hai bhagban ne…itna handsome hai par ladkion se baat
nahi karta…itna acha singer hai par competition mein part nahi leta…
Raj: yaar fir kya hua yeh sab mera shauk hai…mujhe showoff mein koi interest nahi hai…
Sandy: dekh meri baat sun…ek talwar ko agar ab diwar par latkaye rakhoge toh use Jung lag jati hai aur
uski dhar kam ho jati hai…isi tarah agar ap apne talent ko apne tak hi rakhoge toh wo dhire dhire khatam
ho jayega…
Raj: yaar sochenge is bare mein…par yeh sab lecture chodo aur class mein chalte hain…
Sandy: chalo but jaldi soch lena form submit karne ki last date sirf Monday tak ki hai…
Raj: chalo koi baat nahi…ab chalein…
Sandy: han chal…

Fir dono lecture attend karne chal padte hain…dono class mein enter karte hain toh…dono aj ek dusre se
batein karte huye apni seat ki taraf badhte hain…yeh dekh kar Priya ki toh shakal hi badal jati hai…par
Sonia Sandy ko khus dekh kar khus hoti hai…Fir Sandy Priya ko hi hello karta hai aur Raj ke sath apni seat
par baith jata hai…

Aj Sandy aur Raj ke sabhi lectures bahut maje se nikal rahe the….kionk yaar dono dosto ke bich koi galat
fahmi nahi thi….dono ko jab bhi mauka milta gapein hankne lagte…aise hi sabhi lectures nikal gaye aur
fir sabhi canteen ki taraf chal pade….aj sab kus pehle jaisa tha…matlab Raj aur Sandy ek alag table par
aur Priya and co. Alag table par…par aj ek chij badal gayi thi Raj aur Priya ke chehre ke haaw
bhaaw…yahan kal Raj ke chehre pe barah baje huye the toh aj Priya ke chehre pe hawaiyan udhi huyi
thi…kal Priya ko Raj ke harne ki khusi thi toh aj Raj ko Priya se jitne ki nahi balki apne dost ke maan Jane
ki khusi thi….Priya ke toh Jaise sare nut bolt dheele ho chuke the…
Sonia: yaar Priya aj tera mood kisi gale huye santre(Orange) ki tarah kion lag raha hai…
Riya: yaar di mujhe bhi aisa hi lag raha hai…
Diksha: kya hua apko koi problem hai kya…
Priya: yaar bas karo tum log mai bas competition ko lekar stress mein hun…
Riya: di ismein itni tension ki kya baat hai…competition hai exam thodi na hai…
Priya: yaar main pichli baar ki champion hun…is baar bhi mujhe apna title defend karna hai…
Diksha: han di apki yeh baat toh sahi hai…
Sonia: are kya hua hamari Priya is baar bhi jitegi…
Diksha: di I hope k ap sahi ho…but kya apne us party wali raat Raj ko gate huye nahi suna kya…
Riya: han yaar kitna acha gata hai wo toh…
Sonia: are fir kya hua Priya kisi se kam thode na hai….
Priya ab tak apne ap ko control kar rahi thi par ab uska jawalamukhi fatne wala tha…Sandy ka gussa
kahin aur nikalne wala tha…

Priya: yaar ab tum teeno bas karo…aur tum dono(Riya aur Diksha ki tarf ishara karte huye)agar tum
dono us Raj ki itni badi fan ho na toh kal se uske table par hi baith Jana…in fact kal se kion abhi se hi kion
nahi baith jati uske sath….
Riya: di hamara wo matlab nahi tha….
Diksha: han di hum toh bas apke liye worried the…
Priya: tum dono meri tension mat lo pehle apne apko toh sambhalna seekh jao…aur ab koi baat nahi
chup chap apna lunch finish karo…
Priya ki dant sunne ke baad dono bechari garden niche karke apna khana khane lagti hain aur Sonia Priya
ki tadap ko ache se samjti thi…use in dono ki halat pe hansi Bhi a rahi thi k kaise is Hitler ne kisi ka gussa
un dono pe nikal diya…
Khair sabhi khana finish karte hain aur apne apne ghar ke liye nikal jate hain…..
Update 31
Ghar pahunch kar Raj apne kamre mein gaya aur bed par girte hi so gaya…aj wo kafi khus tha uska dost
Jo maan gaya tha toh use jaldi hi neend a gayi…

Udhar dusri taraf Priya ka gusse ke karn bura haal tha….wo apne kamre mein bechain si idhar udhar
ghum rahi thi…use bas ab is baat ka intzar tha k wo kab Raj ko hara kar apna badla le…use yeh toh samaj
a chuka tha k wo Raj aur Sandy ko alag karke is tarike se usse badla nahi le sakti thi ab uske paas talent
competition se badiya koi tareeka nahi tha…toh ab use bas competition ki tyari karni thi….

Udhar karib 5:00 baje sham ko Raj utha aur exercise wagerha karke 6:00 baje tak free ho kar hall mein a
kar baith gaya…Wo TV dekhne laga tabhi uski mummy uske paas ayi…
Sunidhi: are aj toh janab ka mood bada acha hai…lagta hai k Sandy ke sath problem short out ho gayi…
Raj: han mom Maine use sorry keh diya tha…aur wo maan bhi gaya…
Sunidhi: yeh toh achi baat hai…wo tumhara best friend hai toh tujhse dur kaise reh sakta hai…
Raj: mom ap sahi keh rahi ho…wo mujhe dil se apna manta hai….
Sunidhi: han vaise bhi insan usi ke sath ladta hai jise wo pyar karta hai…
Raj: ab main usse kabhi gusse mein baat nahi karunga…
Sunidhi: achi baat hai k tum apni galti se kus sikhe…

Wo abhi baat kar hi rahe the k tabhi door bell baki…naukar ne gate khola aur Raghuveer ander agaya…

Raghuveer: are wah maa bete mein kya batein ho rahi hain…
Raj: kus nahi papa bas aise hi…ap batao apki meeting kaise rahi…
Raghuveer: meeting toh boht badiya rahi…
Sunidhi: ap dono batein kijiye main thoda room mein ho kar ati hun…

Fir Sunidhi wahan se chali jati hai aur Raghuveer Raj ke paas baith jata hai…

Raghuveer: aur sunao beta padhai kaise chal rahi hai..

Raj: papa achi chal rahi hai…
Raghuveer: mujhe yaad aya k mujhe tere se kus baat karni thi…
Raj: ji dad…
Raghuveer: mere paas aj Sandy ka phone aya tha…
Raj: kion…
Raghuveer: usne mujhe bataya k college mein competition hai…
Raj: han papa…
Raghuveer: aur tum usmein participate nahi kar rahe…
Raj: ji papa main wo soch raha tha…
Raghuveer: ismein sochne ki kya baat hai…tumhe jarur participate karna chahiye…
Raj: ji dad main Monday ko form submit karwa dunga…
Raghuveer: chalo thik hai…

Raj ne han Toh keh di thi kionk wo apne papa ki boht izzat karta tha par use Sandy par bada gussa a raha
tha k usne ghar par kion bataya…

Raj: dad main apne room mein ja raha hun…

Raghuveer: thik hai jao….

Raj apne room mein chala gaya aur jate hi sabse pehle Apna phone uthaya aur Sandy ka number dial
kiya…Sandy ne phone pick kar liya…

Raj: sale kutte kamine chugalkhor…tere pait mein koi baat nahi pachti kya…
Sandy: are bhai kya hua tujhe itna bhadhak kion raha hai…
Raj: sale kamine tujhe toh Jaise kus pata hi nahi hai…
Sandy: kya hua hai tujhe…
Raj: tune dad ko phone karke bataya k main college competition mein participate nahi kar raha hun…
Sandy: toh yeh baat hai….bhai dekh main tera dost hun toh tere bhale ke liye hi kiya hai maine aisa…
Raj: sale dost hai toh dost banke reh na baap kion ban raha hai…
Sandy: chal yaar chod tu yeh bata tune uncle ko kya kaha…
Raj: ab main kya kehta keh diya hai k main Monday ko form submit kar dunga…
Sandy: yeh toh badi achi baat hai…main abhi aya tere ghar…
Raj: kion ab kya hua…
Sandy: yaar main form le aya tha tum fill kar dena fir Monday ko submit kar denge…
Raj: sale tu toh sab kus pehle se Sochi baitha hai…
Sandy: bhai mujhe pata tha k tu uncle ki baat nahi talega…
Raj: tu boht bada kamina hai…
Sandy: bhai kya karein kalyug hai…kamina banna padta hai…chal ab phone rakh main aya tere paas form
leke…
Raj: chal thik hai tu a main Teri tangein tod dunga aj…

Fir Raj phone kaat deta hai aur bed par baith kar apna laptop on karke videos dekhne lagta hai…

Karib adhe ghante baad uske door par knock hota hai…Raj uth kar door open karta hai…Samne Sandy
khada tha…
Raj: ander aja…
Sandy Jaise hi ander ata hai Raj use bed par gira deta hai aur uske upar baith kar uske pait mein Marne
lagta hai…

Sandy: bhai chod de mujhe jaan se marega kya…

Raj: sale man toh mera tujhe Marne ka hi kar raha hai par fir bhi tu mera dost hai toh teri tangein hi
todunga…
Sandy: bhai yaar chod de bas kar main hath jodta hun…age se aisa kus nahi karunga…
Raj Sandy ko chod deta hai aur side mein baith jata hai…
Raj: sale age se tune agar koi aisi harkat ki na toh soch lena …
Sandy: bhai thik hai abhi Toh tu form pakad aur fill kar…

Sandy Raj ko ek form deta hai aur Raj use fill karne lagta hai..form fill karne ke baad Sandy khada ho jata
hai…
Sandy: bhai main ab chalta hun…
Raj: Abe baith na thodi der tujhe kon sa khana pakana hai ghar Jake…
Sandy: bhai agar late ho gaya toh gharwale tension lenge…toh abhi main jata hun…kal ko milte hain…
Raj: sale kal ko Sunday hai…
Sandy: toh Sunday ko konsa hum mil nahi sakte…chal kal ko koi movie dekh ke ate hain…
Raj: chal thik hai…main tujhe phone karke bata dunga aur fir tujhe pick bhi kar lunga…
Sandy: chal thik hai…ab main chalta hun…
Raj: OK bhai…

Fir Sandy wahan se chala gaya aur Raj bhi niche hall mein chala gaya…wahan Priya aur Sunidhi batein kar
rahi thi toh Raj wahan na ruk kar bahar chala aya aur Garden mein tehlane laga…uske baad us din kus
khas nahi huya…aur dinner karke sabhi so Gaye….
Update 32
unday subah 4:30 am
Raj apne roj ke time pe uth gaya aur fresh ho kar exercise ki….fir nahane ke baad niche hall mein chala
gaya aj college toh Jana nahi tha toh wo wahan baith kar TV dekhne laga…itne mein Sunidhi wahan a
gayi…

Raj: good morning mom…

Sunidhi: good morning beta…
Raj: mom main aj movie dekhne ja raha hun…
Sunidhi: yeh toh achi baat hai...Sandy bhi ja raha hai kya tumhare sath…
Raj: han mom…han sach mujhe yaad aya k mujhe use phone karna tha…
Sunidhi: chal thik hai tu phone karle tab tak breakfast lag jayega…

Fir Raj apne room mein gaya aur Sandy ko call kiya…Sandy ne call nahi uthaya...Raj ne fir try kiya fir se
koi response nahi aya…Raj ne kayi baar try kiya par samne se Sandy ne phone nahi uthaya…Raj kafi
preshan ho gaya toh usne uske ghar ke phone par call karne ki sochi usne number milaya toh kisi ne pick
kiya aur kisi ladki ki awaj ayi…

Ladki: hlo…ji kon…

Raj: ji main Raj bol raha hun kya ap meri baat Sandy se karwa sakte hain…

Jaise hi samne wali ladki ne Raj ka naam suna toh uske toh hosh hi udhar gaye…ji han kayi readers samaj
gaye honge k phone pick karne wala koi aur nahi balki Sonia hi thi…Toh huya kus yun k jab Raj ne phone
kiya toh Sonia aur Riya Hall mein baithi thi…aur phone ki ring sun kar Sonia ne phone uthaya…par Jaise
hi use pata chala k Raj baat kar raha hai toh uski kus samaj mein nahi aya aur wo phone kaat kar ander ki
taraf bhagi….

Yeh baat Riya ko badi ajeeb lagi…usne socha k koi awara ladka hoga jo badtamiji kar raha hoga isliye
Sonia ne aisa react kiya….par Raj ko laga k kahin wrong number na lag gaya ho…usne ek baar fir se
number check kiya….number toh sahi tha toh usne socha sayad cut gaya hoga toh usne duwara call kiya
aur Is baar phone Riya ne pick kiya …use laga phir se wahin ladka hoga…toh usne socha k abhi uski
khabar leti hun…

Riya: hlo kon bol raha hai…kion preshan kar rahe ho…
Raj: I am sorry …par Maine socha k yeh mere friend Sandy ke ghar ka number hai…
Riya(thoda hairan hote huye): kon hain ap…
Raj: ji mera naam Raj hai…main fir se maafi chahta hun apko preshan karne ke liye…

Riya ko apni galti ka ahsas ho chuka tha…par use Sonia ke is tarah baghne ka karan samaj nahi a raha
tha…
Riya: I am really Sorry Raj main Riya bol rahi hun…kya pehle bhi tumne hi call kiya tha…
Raj: han par tum aise kion bhadki mujh par Maine toh socha k wrong number lag gaya…
Ab Riya kya bolti toh usne apni galti cover karne ki kosish ki…

Riya: yaar sorry par koi ladka baar baar preshan kar raha tha isliye Maine bina soche samjhe yeh sab bol
diya…
Raj ne baat ko jyada lamba nahi khincha…
Raj: asal mein mujhe Sandy se baat karni thi…wo apna phone nahi utha raha tha toh ghar ke number par
laga liya…
Riya: han wo so raha hai…main use utha deti hun aur keh dungi k tumhe call karle…
Raj: thanks…bye Riya..
Riya: bye and sorry again…
Raj: its OK…

Fir Raj ne phone kaat diya…Raj ko toh tasali ho gayi k Sandy se baat ho jayegi par Riya boht jyada
bechain thi k Sonia ne aise react kion kiya….use boht ajeeb laga…usne socha k wo Sonia se baat
karegi…par pehle Sandy ko utha de…yeh soch kar wo Sandy k room mein chali gayi…Sandy door lock
nahi karta tha toh Riya ander chali gayi Sandy so raha tha…

Riya: bhaiya…uth jao 8 baj gaye hain…

Sandy(neend mein): abhi sone de na Riya aj konsa college Jana hai…
Riya: bhaiya Raj ka phone aya tha bol raha tha tumse baat karni hai…

Raj ka naam sunte hi Sandy ki neend pata nahi kahan ud gayi wo jhat se uth kar baith gaya…
Riya: kya hua aise kion uth gaye koi bura sapna dekh liya kya…
Sandy: yaar kus mat puch Ab wo khadoos meri class lagayega…tune mujhe pehle kion nahi uthaya…
Riya: main kion uthati mujhe laga ap khud hi uth jayenge….

Sandy ne kus nahi kaha aur bhagta huya washroom mein gaya…Riya bhi bahar chali gayi… Sandy brush
wagerha kar ke bahar aya tab tak Riya bhi uske liye chay lekar a gayi…

Riya: bhai yeh lo apki chai…

Sandy: yahan table pe rakh de…
Riya: bhai kya hua Raj ne apse kya baat karni hai…
Sandy: aj hamein movie dekhne Jana tha Maine use kaha tha k mujhe phone karke bata dena k mujhe
kab pick karega but main sota hi raha…
Riya: wow bhai main bhi chalun…
Sandy (jaldbaji mein): ok
Riya: OK toh tum chay pio…mai Di ko puch kar ati hun usko bhi le chalenge….
Sandy: Ok

Fir Riya baghti huyi Sonia ke room mein pahunch jati hai…wahan Sonia abhi bhi thodi ghabrayi si baithi
thi…Riya ne yeh dekh liya tha par use you movie ka bukhar chada tha toh usne Sonia se baat kar hi li…
Riya: di main Raj aur Sandy ke sath movie dekhne ja rahi hun ap bhi chalo na…
Sonia pehle se hi preshan thi upar se Riya use Raj ke sath chalne ko bol rahi thi…
Sonia (gusse mein): mujhe kahin nahi Jana tu bhag yahan se…
Riya: par di…
Sonia: Maine kaha na tujhe ja yahan se…
Sonia ki itni rude baton se Riya ko boht dukh pahuncha uski ankhon se ansoo nikalne lage aur wo wahan
se bhagti huyi apne room mein chali gayi…

Sonia ne jab Riya ki ankhon mein ansoo dekhe toh use boht bura laga aur use apni galti ka ahsas ho
gaya…use samaj mein a gaya k usne over react kar diya hai par usne socha k baad mein Riya se maafi
mang legi…

Udhar Sandy ne chai khatam karte hi Raj ko call back kiya Raj ne phone jaldi hi pick kar liya aur utni hi
jaldi Sandy par baras pada…
Raj: sale kumbhkaran ki aulab…uth gaya
Sandy: bhai sorry yaar Maine socha aj Sunday hai toh thodi der aur so jaun…
Raj: fir utha kion kamine leta reh aur main paglon ki tarah tujhe phone karta rahunga…
Sandy: bhai sorry yaar…galti toh insan se hoti hai na…
Raj: han par kya tujhe lagta hai k tu insan hai…sale tu wo sand hai Jo Sara din kha peekar Raat ko ghode
bech kar so jata hai…
Sandy: bhai ab gussa thuk do…
Raj: man toh karta hai k tere munh par hi thuk dun par fir sochta hun sale mera dost hai jab gale lagega
toh meri shirt gandi ho jayegi…
Sandy: wah bhai apni shirt ki fikar hai…
Raj: yaar chal tujhe maaf kiya par main adhe ghante baad tujhe pick karne aunga agar tyar nahi huya toh
dekh Lena kya hal karunga tera…
Sandy: OK boss main pehle hi tyar ho jaunga bas tum late mat ho Jana…
Raj: main late nahi hounga….
Sandy: ok bhai main tyar ho jaun…

Fir Raj ne phone kaat diya aur Sandy Riya ke kamre ki taraf chal pada use batane ke Raj adhe ghante
baad ayega....Sandy ne Riya ke kamre mein jakar dekha Toh Riya bed par laiti huyi thi…
Sandy: kya hua Riya tum aise kion laiti huyi ho…
Riya(juth bolte huye): bhai thoda headache hai…
Sandy: toh chalo doctor ke paas ho ate hain…
Riya: nahi bhai itna nahi hai….Maine pain killer le li hai aram karungi toh thik ho jayega…ap jao apko Raj
ke sath Jana hai na…
Sandy: chal thik hai main toh tujhe batane aya tha...but ab tum aram karo…

Fir Sandy wahan se wapis apne kamre mein chala gaya aur tyar hone laga….udhar Sonia apni pyari
behan sa maafi mangne ke liye uske kamre ki taraf chal padi…use kus samaj nahi a raha tha k wo Riya se
kaise mafi mange kya excuse de….par fir bhi wo himmat juta kar Riya ke kamre ki taraf chal padi aur
usne Door kholne ke liye hath utha liya…
Update 33
Jaise hi Sonia ne door khola toh dekha k Riya ander apne bed par laiti huyi hai…aur usne apne chehre
par pillow rakha huya hai…Sonia apni himmat bandh kar uske karib chali gayi aur Riya ke bed pe uske sir
ke paas baith gayi aur uske sir par hath phirane lagi…

Sonia: Riya….
Riya ne koi jawab nahi diya…
Sonia: choti mujhe maaf karde...main boht buri hun mujhse galti ho gayi….mujhe koi haq hi nahi tere se
is tarah baat karne ka…
Sonia ki baat se Riya ka dil pighal gaya…wo apni badi Behan se boht pyar karti thi isiliye yeh Haq wali
baat seedha uske dil mein lagi…Riya ne apna chehra Sonia ki taraf kiya toh dekha k Sonia ki ankhon mein
ansoo the…Riya ne jhat se uth kar Sonia ko gale laga liya…

Riya: di ap kaisi baat kar rahi hain apka mujh par pura haq hai…balki galti toh meri hai maine itna bura
mana apki baat ka…
Sonia(Riya ke balon mein hath pherte huye): nahi meri gudiya tum bura mat mano…mujhe tujhe dantna
nahi chahiye tha…main bas thoda preshan thi isliye maine itna over react kiya…
Riya( Sonia se alag hote huye): di kya preshani hai ap mujhe bataiye…main chutki mein dur kar dungi…
Sonia: kus khas nahi hai…tum aram karo....
Riya: par ap bataiye toh sahi…
Sonia: dekho jidd nahi karte…meri baat nahi manogi tum…
Riya: ji didi…

Vaise toh Riya boht kus puchna chahti thi khas kar wo phone wali baat par wo Sonia ko jyada pareshan
nahi karna chahti thi toh usne age koi sawal nahi kiya aur Sonia ki god mein sir rakh lait gayi…Dono
behano ke man mein uthal puthal machine huyi thi par dono ise bahar nahi ane dena chahti thin…

Riya ke man mein yeh baat baar baar a rahi thi k aisi konsi pareshani hai Jo Sonia use nahi bata
rahi…kahin Raj ne toh kus nahi kaha…par use Raj ke bare mein itna toh yakeen tha k wo bura insan nahi
hai…fir Sonia ko kya hua Jo wo us phone se itna pareshan ho gayi…khair iska pata lagana itna asan nahi
tha…toh us waqt ke liye Riya ne yeh khyal apne dimag se nikal diya…

Udhar Sandy tyar ho chuka tha Raj ne use phone karke bahar bula liya aur wo chala gaya fir dono movie
ke liye nikal gaye...wahan pahunch kar Sandy ne tickets liye aur Raj popcorn aur cold drinks le kar ander
chale gaye….apni seat par baith kar dono popcorn khate huye movie dekhne lage….Movie kafi achi thi
toh dono maje se dekh rahe the…movie dekhne ke baad dono abhi bahar nikle hi the k Raj ko ek bada
jhatka laga yeh jhatka Sandy ne diya…

Sandy: oye Raj wo dekh Isha…

Raj ne Jaise hi Sandy ke ishare ka picha kiya toh samne Isha khadi thi uski najar Jaise hi Raj se mili toh
uski ankhon mein ek chamak a gayi…par Raj ke chehre par gusse aur hairani ke mile jule bhaw
the…Sandy toh kafi khus lag raha tha….
Sandy: chal usse milkar ate hain…
Raj kus nahi bola aur aise hi khada raha…
Sandy: chal na aise kya khada hai…
Raj: yaar late ho raha hai…ghar chalte hain…
Sandy: ek saal baad mili hai wo toh bina mile nahi jayenge…chal na hamein konsa koi kam hai…

Is baar Sandy ne Raj ke jawab ka intzar nahi kiya aur lagbhag Raj ko khinchta huya Isha ki taraf chal
pada…Raj Jana toh nahi chahta tha par Sandy ko mana karta toh wo sau sawal karta isliye usne kus nahi
bola dusri taraf Jaise Jaise Wo dono Isha ki taraf badh rahe the Toh vaise vaise Isha ki dadhkne tez ho
rahi thi…Akhir ek saal pure ek saal baad wo apne sabse azeej dost se Milne wali thi…uski ankhein khusi
se chamak rahi thin…Wo bhi apne haule kadmo ke sath in dono ki taraf chal padi…paas pahunchte
hi…Isha ne Raj ko apne gale laga liya…par Raj ne koi response nahi kiya wo toh bas aise hi khada
raha…Par Isha ko is baat se koi faraq nahi pada wo toh bas Raj ke gale lag ke apni puri jindgi gujarna
chahti thi…wo toh acha huya k Sandy Isha ko is duniya mein wapis le aya…
Sandy: hlo madam yahan aur bhi koi hai….
Isha(Raj se alag hote huye):toh unki bhi bari ayegi…
Isha ne Sandy ko bhi gale lagaya aur fir alag ho gayi…
Sandy: yaar kahan chali gayi thi tum pure ek saal baad mili ho aur bataya bhi nahi…
Isha: yaar main apni bhua ke paas Delhi chali gayi thi wahan ek company mein job lag gayi thi Maine kayi
baar phone bhi karne ki kosish ki par tumhara number kho gaya aur Raj ka number lag hi nahi raha tha….
aur ab mera transfer Mumbai mein ho gaya…mujhe nahi pata tha k tum dono bhi Mumbai a gaye ho…
Sandy: han wo Raj ki mom ne ise bapis bula liya toh main bhi iske sath hi a gaya…
Isha: chalo achi baat hai aur sunao kya haal chal hai…
Sandy: main toh ekdum fit hun tum batao…
Isha: main bhi thik hun pehle Jaise…
Sandy: are kahan tum toh ab pehle se bhi khubsurat ho chuki ho…
Isha( Sandy ke Halka sa marte huye): tum na kabhi nahi sudhro ge…chalo chodo Raj tum batao kaise ho…
Raj(bujhe man se): thik hun…
Isha: yaar kya hua naraz ho kya koi baat bhi nahi kar rahe...
Sandy: yaar tum toh ise ache se janti ho…yeh baat karta kab hai…
Isha: han yeh toh hai…kion na hum kisi restaurant mein chalein baith kar batein karenge…
Sandy: sorry yaar ishu asal mein aj mujhe ghar pe ek kaam hai…toh abhi toh mujhe ghar Jana hoga…
Isha: chalo koi baat nahi fir milte hain abhi Toh main Mumbai mein hi hun…
Sandy: OK yaar…
Isha: OK bye…

Jate jate Sandy ne apna number Isha ko diya….Fir wo dono wahan se apni gadi ke paas chal pade Sandy
boht khus tha Isha se milkar par Raj aur Isha ke man mein alag se bhaw tha…Raj ka toh dimag gusse se
phata ja raha tha par Isha kus soch rahi thi k akhir Raj aise kion kar raha hai…jabki pehle toh wo usse
boht sari batein karta tha…aj toh wo uski taraf dekh bhi nahi raha tha…use yeh baat ajeeb lagi…par fir
yeh soch kar ke sayad is liye naraz ho k wo bina bataye chali gayi….Isha bhi wahan se nikal padi….

Raj ne raste mein koi jyada baat nahi ki aur chup chap Sandy ko uske ghar drop karke apne ghar ki taraf
nikal pada…ghar pahunchte hi Raj apne kamre mein gaya wo kafi gusse mein tha aur apne ap se hi
batein kiye ja raha tha…
Raj: ab yeh kion ayi wapis meri jindagi mein akhir kya chahti hai ab yeh….main use apne samne bardast
nahi kar sakta…par kya karun….han Sandy ko sab kus bata deta hun…

Raj ne Sandy ko phone karne ke liye phone uthaya hi tha k tabhi Uske phone par kisi unknown number
se call aya Raj ne phone pick kiya…

Raj: hlo kon…

Samne se: main Isha bol rahi hun…
Raj(gusse mein): tumhari himmat kaise huyi mujhe phone karne ki…agar tumne dobara phone kiye Toh
mujhse bura koi nahi hoga…
Isha(hairani se): Raj akhir huya kya hai tumhe aise kion batein kar rahe ho…mujhe pehle hi shaq tha k
tum mujhse naraj ho par kion…
Raj: naraz nahi nafrat karta hun main tujhse…itni jyada k man toh chahta hai k tujhe jaan se maar dun
par fir sochta hun k kahin duniya se dosti hi na mar jaye…

Yeh keh kar Raj ne phone kaat diya uske chehre par shanti thi sayad is baat ki k usne apni bhadas nikal
li…par Isha ka bura haal tha use kus samaj nahi a raha tha k Raj kaisi batein kar raha hai…uske kaan mein
bas yahin line ghum rahi thi( naraz nahi nafrat karta hun main tujhse…itni jyada k man toh chahta hai k
tujhe jaan se maar dun par fir sochta hun k kahin duniya se dosti hi na mar jaye…)par use kus nahi pata
tha k Raj ne yeh sab kion kaha…usmein itni himmat nahi bachi thi k wo Raj ko dobara phone kar paye…

Raj ka gussa toh kam ho gaya tha par use samaj nahi a raha tha k Isha ko uska number mila kaise….use
kus yaad aya k Sandy ne apna number use diya tha sayad usne hi mera number diya hoga…Par wo Sandy
par gussa nahi tha kionk use pata tha k Sandy ko kus pata nahi tha k Akhir ek Saal pehle kya hua…ab kya
hua yeh toh sayad Raj hi janta hai…ab usse hi pata chalega k huya kya
Update 34
Toh uske baad us din kus khas nahi huya
Monday wale din Raj apne roj ke time utha rojana ke kaam kiya aur nashta karke college ke liye nikal
pada…college pahunchte hi gadi park karke ander gaya toh Sandy wahin khada tha sayad usi ka wait kar
raha tha….

Sandy: hi bhai kaisa hai….

Raj: ek dum fit tu bata…

Sandy: main bhi badiya hun….main tumhara hi wait kar raha tha chal form submit kar dete hain…

Raj: han chal bhai…

Fir dono us office ki taraf chal padte hain yahan form submit karna tha wahan kafi lambi line lagi huyi thi
Raj bhi usi line mein lag gaya….Par ek sakhs aisa aya Jo tufaan ki tarah line ko todta huya seedha window
par pahunch gaya yahan form submit ho rahe the….par kisi ne kus nahi kaha yeh koi aur nahi balki Priya
hi thi…Raj ne jab yeh dekha k Priya baki sab ki fikar kiye bina apni marji kar rahi hai toh use bada gussa
aya…par wo Priya se koi baat nahi karna chahta tha isliye wo kus nahi bola aur chup chap wahin khada
raha….dhire dhire uski bhi bari a gayi…Raj ne apna form samne baithe sakhs ko pakdaya…Us sakhs ne
Jaise hi Form par padha Raj Sinha S/o Raghuveer Sinha…toh wo apni seat se khada ho gaya…

Sakhs: apne pehle kion nahi bataya k ap Sinha sahib ke bete ho…aur ap ko line mein lagne ki kya
jarurat…

Raj(bade sapat lehje mein): dekhiye main Mr. Sinha ka beta ghar par hun par yahan main ek student hun
toh jo adhikar baki Students ke hain wahin mere hain….

Sakhs: Maine ap jaise insan boht kam dekhe hain nahi toh yahan jitne bhi bade gharon ke bache padhne
ate hain wo hum par hukum chalte hain…

Raj: chalo har ek ka apna tareeka hota hai….kya ab ap mera form submit karenge mera friend mera wait
kar raha hai...

Sakhs: sure…

Fir usne Raj ka form submit kar diya aur Raj Sandy ke paas chala gaya Jo uska wait kar raha tha…fir dono
class ki taraf chal pade…wahan par dono apni seat par baithe lectures attend kiye aur Fir canteen ki taraf
chal pade…wahan unka samna Monty se huya….
Monty: hlo bhai kaise ho tum dono…

Raj: thik hain…

Raj aur Monty ki batein sunne ke baad Sandy ki Monty se pehli mulakat thi isliye Sandy ke man mein kafi
batein chal rahi thi….khas kar wo Monty ko kaise treat kare…
Monty: chal baith kar kus khate hain…

Raj: chal…

Fir wo teeno table par ja ker baith jate hain…Sandy nahi chahte tha k Raj ko shak ho k wo Monty aur
uske past ke bare mein jan gaya hai…isliye wo normal hone ki kosish kar raha tha…

Sandy: are yaar kahan raha tu itne din…

Monty: yaar puch mat papa ne ek kaam mein fansa diya tha…usi ko pura karte karte do teen din lag
gaye…

Sandy: acha vaise tu annual competition mein participate kar raha hai yah nahi…

Monty: bhai competition mein participate wo log karte hain jinmein koi talent ho….mujhme toh koi
talent hai nahi…tu bata…

Sandy: yaar mujhme talent Toh boht sare hain…par wo is competition mein nahi hain…

Raj: han Jaise ladkian tadna…

Raj ki baat sun kar Monty Hans padta hai par Sandy ki jal jati hai...

Sandy: Abe sale apne dost ki thodi toh izzat rakh le…vaise tujhse toh acha hun…agar mere mein koi
talent hota toh main sabse pehle form submit karta…na k Teri tarah k minatein karke participate
karwao…

Monty: han yar Raj tu toh bada acha gata hai…main toh tujhe vote karne wala hun...

Sandy: yaar isme voting ka kya kaam….yahan Toh judge honge na…

Monty: yaar pehle toh audition honge fir 20 Contestant select honge….fir top 10 aur last mein top
three….yahan tak toh judges hi decision lenge…but top three Rankings ke liye voting hogi…College ke
students aur staff aur Jo bhi dekhne ayega unko ek slip di jayegi…wo us slip par naam likhega aur fir ek
ghanta baad result announce hoga…

Sandy: yaar yeh toh locha ho gaya…maine suna hai Priya last baar ki champion hai aur vaise bhi hum Toh
naye hain…toh jyada voting toh usi ke liye hogi….

Raj ko jab yeh pata chala k Priya last baar ki Champion hai toh use toh Priya se badla lene ka ek golden
chance mil gaya….
Raj: yaar Sandy tu tension mat le agar Maine jyada acha gaya to mujhe bhi votes milegi…

Monty: yaar tum log fikar mat karo tum log naye ho par main toh nahi…main tum logon ke sath hun…

Yeh bol kar Monty ne apna hath age badaya…thoda soch ke Sandy aur Raj ne bhi apna hath uske hath
par rakh diya…Raj ne toh is liye kionk pata nahi kion use lag raha tha k ab Monty badal gaya hai….aur
Sandy ne is liye kionk wo chahta tha k Raj ka support system strong ho…

Monty: ab bhai tum log tension mat Lena bas apni performance par dhyan dena main Sandy ke sath
milkar sab sambhal lunga….

Raj: OK bhai ab toh hum hi yeh competition jitenge…

Sandy: bhai trophy ke sath pehle pic main social media par upload karunga…

Raj: chup sala shaikchili ki aulad…

Fir teeno Hans pade…..us din un teeno ne Milkar lunch kiya aur boht sari batein bhi ki…

Udhar Priya aur co. Bhi competition ki baton mein hi lagi huyi thi….

Riya: Priya di apne form submit kar diya…

Priya: han aj subah hi kar diya tha…

Sonia: ab tum ache se apni dance practice karna…is baar bhi tumhe hi jeetna hai…

Priya: fikar mat karo main apna title nahi chodne wali…par agar Riya aur Diksha kisi aur ko vote na karein
toh…

Priya ka ishara kis aur tha yeh sab samaj gaye the Priya ki baat par Sonia Hans padi aur Riya aur Diksha
ne apni garden niche kar li…

Diksha: di Maine toh apke liye competition mein participate bhi nahi kiya aur ap kaise batein kar rahi
hain…

Riya: han di apko kya lagta hai k hum dono apse jyada kisi aur ke bare mein sochenge…

Priya: yaar main toh majak kar rahi hun aur Maine diksha ka form submit kar diya hai…wo bhi
competition mein participate karegi…

Diksha(hairani se): par di Maine toh form faink diya tha…

Priya: Riya ne utha liya tha usne mujhe puri baat batayi toh maine tumhara Form submit kar diya…

Diksha: par di main apke samne kaise...

Priya: dekh yaar agar meri jagah tum jeet gayi toh bhi trophy toh hamare group mein hi ayegi na….vaise
yeh mat soch Lena k main tumhe jitne dungi…

Priya ki baat sun kar Diksha uske gale lag gayi….

Diksha: thanks di…

Priya: pagal di bhi bolti hai aur thanks bhi…chal ab chod mujhe aur khana khatam kar fir ghar chalte
hain….

Fir Diksha alag ho gayi aur sabhi apna lunch khatam karke apne apne ghar ke liye nikal gaye….Raj Monty
aur Sandy bhi…
Update 35
Ghar pahunchte hi Raj ne apne kamre mein thodi der aram kiya….wo chahta tha k wo competition jeete
toh usne us din jamkar guitar ke sath apni singing par mehnat ki…Udhar Priya ne bhi apni dancing
practice mein puri jaan laga di….

Aise hi kayi din nikal gaye Roj sabhi college jate wahan apne apne doston ke sath masti karte
competition ki batein karte…Monty ab Raj aur Sandy ke sath acha ghul mil gaya tha…Raj aur Sandy ne
purani batein bhul kar Monty ko dil se apna dost man liya tha…Monty ne bhi Raj ki har tarah se madad ki
competition ki tyari mein…aur college mein sabhi ko kehte k agar Raj final mein pahuncha Toh use hi
vote dena…

Toh aise hi din gujrte gaye kayi baar Priya aur Raj ka Amna samna huya par dono ek dusre ko ignore
karte gaye…jab bhi dono Ki ankhein milti toh aisa lagta Jaise dono ek dusre ke khoon ke pyase ho par
control kar rahe hon…

Vaise ek chij alag bhi huyi thi k Isha ke upar apna gussa nikalne ke baad Raj ke behavior mein thoda
change a gaya tha…ab wo pehle ki tarah baat baat par gussa nahi nikalta tha…Uske is behavior ki wajah
se Monty se uski dosti ho gayi thi aur Riya aur Diksha bhi ab usse thodi boht batein kar leti thi par Priya
se un dono ki dosti boht pakki ho chuki thi toh wo jyada time priya ke sath hi bitate the…ab Raj kisi ko
bhi avoid karne ki kosish nahi karta tha…bas Priya aur Sonia ko chod kar…

Udhar Raj ke munh se apne prati nafrat bhare shabad sunne ke baad Isha ka bura haal tha…use kus
samaj nahi a raha tha k Raj ne aisa kion kiya Kionk Raj toh use apna dost samjhta tha…pata nahi kion Raj
ke man mein uske prati nafrat bhar gayi…ek.pal ke liye toh usne socha k ho sakta hai k uske bin wajah
bataye chale Jane se Raj naraz hai…par Nafrat ka karan yeh nahi ho sakta….use kus samaj nahi a raha tha
toh usne faisla kiya k wo Sandy se is bare mein baat karegi…

Friday: 4:00pm

Isha ne Sandy ko call kiya thodi der mein hi Sandy ne phone pick kar liya…

Sandy(unknown number dekh kar): hlo kon…

Isha: main Isha bol rahi hun…

Sandy: oh ishu kaisi ho yaar itne dino baad phone kar rahi ho…
Isha: main thik hun Sandy tu bata…

Sandy: thik hun…kaise phone kiya…

Isha: yaar mujhe na tujhse ek baat karni hai…

Sandy: han bolo kya baat hai…

Isha: yaar aise nahi kahin bahar milte hain…

Sandy: kya hua kus problem toh nahi na…

Isha: nahi but ek jaruri baat hai…

Sandy: chal thik hai a jata hun kahan ana hai…

Isha: xxxx restaurant mein adhe ghante baad…

Sandy: OK main abhi Raj ke ghar ja raha tha….main use phone karke bata deta hun k mujhe Isha ne
bulaya hai…

Isha: nahi nahi Raj ko mat batana…

Sandy: are aisi kya baat hai…jo use nahi batana…

Isha: bas hai kus ab jaldi se wahan pahuncho baki baat wahin karenge..

Sandy: OK…

Fir Sandy ne phone rakh diya…Sandy puri tarah se confuse tha ek toh Isha ka aise bulana…dusra Raj ko
bhi na batana….teesra aur sabse bada aur dangerous k Raj ko kya jhuth bole….par fir bhi usne apni
himmat bandhe Raj ko phone kiya..aur Raj ne pick bhi kar liya…

Raj: han bhai bol abhi tak pahuncha nahi…

Sandy: bhai yaar sorry ek jaruri kaam a gaya hai toh nahi a paunga…

Raj: sale aj mujhe audition ke liye Jana hai kal ko competition hai…aur tu bol raha hai k main nahi
aunga…

Sandy: bhai samja kar na boht jaruri kaam hai vaise bhi Monty toh a hi raha hai na main seedha college
mein audition ke time milta hun…

Raj: chal thik hai…par dekh Lena agar 5:45 baje tak wahan nahi pahuncha toh…kya hall hoga tera…

Sandy: chal thik hai bhai main tum logon ko wahin milta hun…
Fir Sandy jaldi se apni bike uthata hai aur Isha ke bataye address par pahunch jata hai….wo Restaurant
mein pahunch kar idhar udhar najar ghumata hai toh Isha ek table par baithi dikhti hai usne ek fitting
wala jeans and top pehna tha…kasam se boht khubsurat lag rahi thi…khair in sab baton ko chodo toh
Sandy Isha ke paas jata hai….

Sandy: hi Ishu kaisi ho…

Isha: thik hun ao baitho…kya loge order kar do…

Sandy: kus nahi laina aj Raj ka audition hai uske paas bhi Jana hai…

Isha: asha kis chij ka audition hai…

Sandy: wo college mein annual competition hai usi ke liye…

Isha: yeh toh boht achi baat hai…

Sandy: han…tum batao Isha kion bulaya hai mujhe…

Isha(chehra serious banate huye): dekho Sandy yeh baat hum dono k bich mein hi rehni chahiye…aur
tum bhi meri baat dhyan se sunna…

Sandy: yaar ab tum mujhe dara rahi ho jaldi se batao…

Fir Isha ne Sandy ko Uske aur Raj ke beech huyi wo phone wali baat bata di…Sandy ko toh apne kanon
par yakeen nahi ho raha tha…use toh jhatke pe jhatke mil rahe the pehle Monty aur Raj ko lekar Ab Isha
aur Raj ko lekar…

Sandy: yaar kya bol rahi ho tum Raj tumse kaise nafrat kar sakta hai…aur sabse badi baat tumhe khud ko
nahi pata k wo tumse nafrat karta hai…

Isha: han yaar mujhe kus nahi pata wo aisa kaise ban gaya…

Sandy: dekho yaar baat boht badi hai…hum itni asani se iska solution nahi nikal sakte….aisa karte hain ek
baar competition ho Jane do fir kus karte hain…

Isha: Han yeh sahi rahega…main nahi chahti k Raj ko is bare mein pata chale aur wo pareshan ho aur uski
performance par asar pade…

Sandy: toh thik hai…abhi mujhe Raj ke paas Jana hai…wo mera wait kar raha hoga…bye and take care
fikar mat karna…

Isha: Ok bye sandy….

Fir Sandy jaldi se wahan se apni bike lekar college ki taraf chal pada....tabhi ek sakhs Jo usi restaurant
mein baitha tha usne kisi ko phone kiya…samne bale ne phone pick kiya…

Sakhs: sir wo ladka toh chala gaya…

Samne se: (mujhe nahi pata samne se kya kaha)

Sakhs: sir mujhe unki batein toh nahi suni par maine dekha toh aisa laga Jaise wo log koi serious baat kar
rahe ho…

Samne se( nahi suna)

Sakhs: han sir main un logon par puri najar rakhunga…

Fir usne phone kaat diya…

Udhar Raj college mein khada idhar udhar dekh raha tha…wahan boht se students the sayad sabhi
audition dene aye the…Tabhi Monty wahan a gaya…

Raj: bhai tu kahan chala gaya tha…

Monty: yaar papa ka phone aya tha…vaise Sandy aya k nahi

Tabhi piche se kisi ki awaj ayi…

Sandy: bhai a gaya main…

Raj: sale acha huya time par a gaya nahi Toh boht pitta..

Sandy: bhai aise kaise na ata…

Tabhi ander se Diksha kudti huyi ayi…(yahan ap logon ko bata dun k pichli baar ke winner ko chod kar
sabhi contestants ko audition dena tha…is liye Priya ko chod kar sabhi audition dene aye the)

Diksha (Monty ke gale lagte huye): bhai meri selection ho gayi…

Monty: wow yeh toh boht achi baat hai…

Raj: congratulations yaar…

Sandy: congo diksha…

Diksha: thanks yaar…

Abhi thoda time hi huya tha k Raj ka naam announce huya…toh Raj ko in teeno ne gud luck kaha aur Raj
apne audition ke liye ander bani stage ki taraf chala gaya…aur Sandy Monty aur Diksha wahin khade
rahe…
Update 36
Raj under gaya toh wahan char judge baithe the….Raj ne apna introduction diya aur unlogon ne Raj ka
song sun kar use select bhi kar liya…Raj khusi khusi bahar a gaya…use dekh kar sabhi uske paas a
gaye…Raj kus bolta isse pehle…
Teeno ek sath: congratulations

Raj(hairani se): kis liye…

Sandy: bhai tu select ho gaya…

Raj: tum logon ko kaise pata…

Diksha: hamein toh pehle hi pata tha k tu select ho jayega…

Monty: aur upar se tere chehre ki khusi bata rahi hai k tu select ho gaya…

Raj: chalo thanks…ab chalo yaar ghar chalein…

Sandy: kahan chalo kus party karte hain…

Raj: yaar kal ko competition hai…mujhe jaldi Sona bhi hai nahi toh ache se performe nahi kar paunga…

Diksha: chalo koi baat nahi party kal ko competition ke baad kar lenge jab Priya jeetegi…

Raj: apne sapno ke pankh abhi kaat do nahi toh kal ko buri tarah se bikhar jayenge…

Sandy: han party toh hogi par Priya ki aur se nahi Raj ki aur se…

Monty: bhai dekho party chahe tum log hi de dena par jitega toh hamara bhai Raj hi….

Diksha: dekh lenge yeh toh…

Raj: are yaar ab chalo bhi….

Monty: han chalo bhai…

Fir wo Charon apne apne gharon Ki taraf chal padte hain…Raj ghar jaker yeh khabar apne mummy papa
ko sunata hai aur wo boht khus hote hain…fir dinner ke baad apne kamre mein chala jata hai…

Aj ki raat kayi logon ke liye boht lambi hone wali thi…jaise Raj ko competition ki tension…Priya ko Raj ko
harane ki tension…Sandy ko Isha ki baton ki tension aur Isha ko apne dost Raj ko kho dene ka dar…toh in
sabhi ke man mein ajeeb uthal puthal ho rahi thi…khair sabhi Jaise taise neend ke agosh mein kho gaye…

Saturday 4:30 am…

Vaise toh Raj roj is time jaag jata hai…par Aj kus khas hai wo hai Annual Talent Competition….toh aj Raj
ki body mein ek ajeeb sa josh tha….Raj jaldi se utha apni gym wagerha khatam karne ke baad apna
nashta kiya aur Guitar utha kar college ke liye nikal gaya…Vaise toh raj ke parents bhi ane wale the par
Wo log competition ke time hi Jane wale the…

Toh Raj Jaise hi college pahuncha toh wahan kisi festival jaisa mahol tha…har taraf students saj sabar kar
fir rahe the….college ke play ground mein program ka arrangement kiya gaya tha Groud mein ek bada sa
aur shandar stage lagaya huya tha….abhi competition shuru hone mein time baki tha toh Raj Sandy ko
dhundne laga…Tabhi wahan Sandy aur Monty ek sath ate dikhe…

Raj: are bhai asha huya tum log a gaye main tum dono ko hi dhundh raha tha…

Sandy: bas shaitan ko yaad karo shaitan hazir…

Raj: sale kion shaitan ki insult kar raha hai…

Raj ki baat par Monty Hans pada wahin Sandy ki shakal kharab ho gayi…

Raj: chal chod yaar abhi Competition mein time hai toh kion na canteen mein baith jayein…

Sandy: chal bhai…

Fir wo canteen mein chale gaye kareeb Adhe ghante ke baad Raj Diksha aur Priya wahan se chale gaye
kion unko perform karna tha…toh Sandy aur Monty Riya aur Sonia ke sath baith gaye fir wo batein rahe
aur kareeb ek ghante ke baad wo sabhi bhi Competition ki jagah chale gaye wahan unke parents pehle hi
baithe the toh wo sabhi apne apne parents ke paas baith gaye Sandy Raj ke mom dad ke paas baith
gaya..

Akhirkar jis pal ka sabko intzar tha wo pal a hi gaya Competition shuru huya pehle top 20 ka competition
huya….Raj aur Priya ke performance ne tehlka macha diya….un dono ke sath Diksha bhi top 10 mein
pahunche…

Top 10 mein toh competition aur bhi muskil ho gaya sabhi ne apni puri jaan laga di….Raj aur Priya ne bhi
acha performance kiya….Sabhi performance ke baad Anchor stage par aya…uske hath mein results
the..aur sabhi ki sansein bullet train ki tarah chal rahi thi….sabhi contestant stage par ek line mein khade
the aur unke dost parents bhai Behan niche chairs par baithe unke top three mein pahunchne ke pray
kar rahe the…toh anchor ne result announce kiya…

Anchor: Toh ladies aur gentlemen hamare Top Three ka naam mere paas hai…toh Sabse pehle
contestant jinho ne finale mein apni jagah banayi hai wo hain….Miss Manisha Goyal…
Dusre hain Mr. Raj Sinha…
Aur teesre Hamare defending champion Miss Priya Agarwal

Announcement ke baad teeno ko chod baki sabhi Contestant stage se chal gaye...Diksha bhi bahar ho
gayi thi Raj aur Priya ne bari bari use haunsla diya aur wo bhi in dono ko gud luck keh kar chali gayi….

Ab bas intzar tha Finale ka Jo k adhe ghante baad shuru hone wala tha…tab tak sabhi ne lunch kiya
Finalists ne apni apni last preparation ki…aur Fir adhe ghante baad sabhi apni apni jagah baith gaye aur
Anchor stage par pahunch gaya…

Anchor: toh dosto humne aj ek se badh kar ek performances dekhi par ab hum log pahunch chuke hain
hamare Final round mein yahan teen contestants perform karenge…par is baar results judge nahi balki
ap log tay karoge…ap sabhi ko ek ek slip di jayegi jis par College ki mohar lagi hogi…agar koi slip bina
mohar k huyi Toh uski counting nahi hogi…toh ab ap logon ke samne pesh hai hamari pehli finalist Miss
Manisha Goyal…

Sabhi ne clap kiya aur wo ladki stage par ayi aur boht hi khubsurat dance performance di….performance
khatam hote hi anchor fir se aya…

Anchor: kya gajab ki performance thi…maja a gaya dekh kar…toh dosto ab hum badhte hain apne agle
finalist ki taraf….Mr. Raj Sinha…

Fir sabhi ne claps ki Raj stage par aya ….usne apna guitar set kiya aur shuru kar diya…

Hum tere bin ab reh nahi sakte

Tere bina kya wajood mera [x2]

Tujhse juda gar ho jaayenge

Toh khud se hi ho jaayenge judaa

Kyunki tum hi ho
Ab tum hi ho
Zindagi ab tum hi ho
Chain bhi, mera dard bhi
Meri aashiqui ab tum hi ho

Tera mera rishta hai kaisa

Ik pal door gawara nahi
Tere liye har roz hai jeete
Tujh ko diya mera waqt sabhi
Koi lamha mera na ho tere bina
Har saans pe naam tera

Kyunki tum hi ho
Ab tum hi ho
Zindagi ab tum hi ho
Chain bhi, mera dard bhi
Meri aashiqui ab tum hi ho

Tumhi ho... Tumhi ho...

Tere liye hi jiya main
Khud ko jo yun de diya hai
Teri wafa ne mujhko sambhala
Saare ghamon ko dil se nikala
Tere saath mera hai naseeb juda
Tujhe paake adhoora naa raha hmm..

Kyunki tum hi ho
Ab tum hi ho
Zindagi ab tum hi ho..
Chain bhi, mera dard bhi
Meri aashiqui ab tum hi ho [x2]
Jab tak Raj gata raha tab tak sabhi kisi aur hi duniya mein kho gaye…Raj ne Jaise hi gana khatam kiya Toh
sabhi ne khade ho kar taliyan bajayi…Raj ne sabhi ko thanks kaha aur chala gaya…fir Stage sambhalne
Anchor a gaya…

Anchor: what a romantic performance….bhai maja a gaya sun kar raungte khade ho gaye….Toh dosto
badhte hain ek aur behtreen Finalist ki taraf…jinhone pichli baar bhi yeh competition apne naam kiya
tha…Miss Priya Agarwal….

Fir Priya Stage par ayi…aur kya khub ayi….uske dance ne toh Jaise tehlaka macha diya uske har step par
dekhne wale bhi thirak rahe the….ek ek thumke par ladkon ka dil unki chati faad kar bahar a raha
tha….sach mein kamaal hi kar diya….aur jab performance khatam huyi toh sabhi ne jis tarah se taliyan
bajayi usse toh saaf saaf lag raha tha ..k Manisha ke dance aur Raj ki singing par Priya ke nakhre bhari
pad gaye the…..par abhi voting baki thi….aur sabhi indians ko pata hai k Votes kisi ko bhi ja sakte hain…

Anchor: Toh is khubsurat dance performance ke bad hamara competition yahin samapt hota hai…ab ap
log apne apne vote us box mein daal dijiye apke paas dus minute hain fir ek ghante baad result hamare
samne hoga…

Fir sabhi ne voting ki …. jyada time Toh tha nahi Toh sabhi ne apne apne favorite ka naam likha aur box
mein daal diya…

Ek ghante baad teeno finalist Stage par khade the aur Anchor hath mein Result liye….aur Raghuveer
Mohit aur Minister( kionk yeh teeno hi har saal trophy dete the) hath mein winner ki trophy liye…

Raj aur Priya ki dhadkne jyada fast thin Manisha se kionk…Unke Papa unko trophy dene wale the…teeno
apni fingers cross kiye khade the…

Anchor: toh dosto total 4139 logon ne votes diye hai….aur third position par hain 1134 votes ke sath
Miss Manisha Goyal…

Sabhi ne Taliyan bajayin aur Manisha ne apni trophy li aur stage se niche chali gayi….

Anchor: Toh dosto ab humare paas siraf do finalist bache hain….Dono ko kafi voting huyi hai aur
difference bhi boht hi kam hai…jo pehli position par hai unke hain 1504 votes aur dusri position wale ke
hain 1501 votes…..toh hamare winner hain….
Update 37
Raj aur Priya ka dil bade jor se dhadak raha tha…kionk Jo dusri position par ane wala tha wo sirf 3 votes
se harne wala tha…

Anchor: toh dosto Annual Talent Competition 2016 ke winner hain Mr. Raj Sinha…

Raj ko Toh ek pal ke liye Jaise hosh hi nahi raha…Use yakeen nahi ho raha tha k use Priya se jyada votes
mile....Wo toh khusi se pagal ho chuka tha…udhar Sandy aur Monty bhi boht khus lag rahe the aur apni
jagah par hi khade khade dance kar rahe the Akhirkar Raj ko Winner ki aur Priya ko Runner up ki trophy
de di gayi…wo dono abhi bhi wahin khade the…

Priya ki ankhon mein halke halke ansoo the….wo sirf teen votes se haar gayi…Raj ne bhi uski Taraf
dekha…Aj Raj ko pichle 5 saal mein pehli baar Priya par gussa nahi aya kionk aj uski ankhon mein agar
koi bhi dekh leta toh sayad kisi ka pathar dil bhi pighal jata…khair Raj ko winning speech dene ke liye
kaha gaya aur Raj mike ke samne aya…

Raj: sabse pehle mein ap sabhi ko dil se shukriya bolta hun kionk mujhe nahi laga tha k main voting ke
adhar par jeet paunga…par ap logon ne mujhe votes di…main yeh akele kabhi nahi kar pata…agar mera
dost mera bhai Sandy mujhe na manata…aur Mere papa meri mom…aur mere pyare uncle aunty(mohit
ki taraf ishara karte huye) ka ashirwad mere sath na hota…Monty ne bhi mujhe boht support
kiya..thanks guys and love you all..

Fir Raj wahan se Jane laga..par wo jata jata Priya ko ek aur jhatka de gaya…aur iski usne bilkul umeed
nahi ki thi…Raj Priya ke paas gaya aur usne uske kandhe par hath rakha…

Raj: Priya yaar tum dukhi mat ho tumne mujhse asha kiya aur agar faisla judges dete toh pakka tum hi
jeet ti…

Raj ne yeh sab itni jaldi kiya k Priya ko kus samaj nahi aya…k yeh sab kaise huya…Raj jab yeh sab bol raha
tha tab uski ankhon mein nafrat yan gussa nahi tha ….balki wahi masoomiyat thi Jo 5 saal pehle huya
karti thi aur isi masoomiyat ne Priya ko ander tak hila diya…uski ankhon ne Jo ansoo kafi der se rok rakhe
the wo lagatar behne lage...usne apne ansoo chipane ke liye apni garden niche ki aur wahan se tez
kadmon mein nikal gayi…

Udhar Raj apni mom ke paas gaya unka ashirwad liya…Tabhi wahan Monty a gaya Sandy toh pehle se hi
baitha tha…Raj ki mom uth kar Geeta ke paas chali gayi…

Monty: bhai tune toh kamal kar diya…

Sandy: han yaar faad dala…

Raj: bhai agar tum dono meri support na karte toh main kabhi yeh nahi kar pata….

Sandy: yaar bhai aur kis kam ate hain…sale tere liye toh main apni jaan bhi de sakta hun…

Yeh sun kar Raj ne Sandy ko apne gale laga liya…

Monty: kamino mujhe bhul gaye…

Raj aur sandy ne apni ek ek bajhu kholdi…

Raj: aja yaar tu bhi…

Fir teeno ek dusre se aise hi gale lage huye kudne lage…Aj teeno sach mein boht khus the…Dur khade
Geeta aur Sunidhi in logon ko dekh kar khus ho rahe the…

Kafi khusiyon bhara mahol tha…par ek sakhs aisa bhi tha Jo boht udaas tha…jiski ankhein lagatar Beh
rahi thi wo koi aur nahi balki Priya hi thi…jo wahan se bhagkar apni car mein jaker baith gayi thi aur roye
j rahi thi…
Udhar Geeta aur Sunidhi apas mein batein kar rahi thin…

Geeta: aj dono bachon ne kitna acha kiya na…

Sunidhi: han mujhe toh Priya ka dance boht pasand aya…kahan hai wo mujhe use batana hai k usne boht
acha kiya…

Geeta( Charon taraf dekhte huye): pata nahi kahan hai sayad Sonia ko pata ho…

Sunidhi: han par Sonia toh wahan khadi hai…aur uske sath toh nahi hai Priya…chalo usse puch lete hain
sayad pata ho…

Fir wo dono Sonia k paas chali gayin….

Geeta: Sonia Priya kahan hai…

Sonia: pata nahi aunty sayad washroom gayi ho…main dekh kar ati hun…

Fir Sonia wahan se chali gayi aur Priya ko dhundh ne lagi par use kahin nahi mili usne phone bhi kiya but
koi response nahi aya…ab use boht tension ho rahi thi….use pata tha k wo apni haar kabhi bardast nahi
karegi…usne socha k kahin ghar na chali gayi ho…usne Parking mein uski car dekhne ki sochi …aur Jaise
hi wo wahan pahunchi toh usne dekha k Priya car mein baithi ro rahi hai…usne car ka door khola aur
Priya ko gale laga liya…

Sonia: chup ho ja yaar…kion ro rahi hai…

Priya kus nahi boli bas roti rahi…

Sonia: dekh chup ho ja…nahi Toh sab pareshan ho jayenge….

Priya( rote huye): Sonia mujhe ghar Jana hai…

Sonia: chal thik hai main drive karti hun aur aunty ko phone karke bata deti hun k hum ghar ja rahe
hain…tu dusri seat par baith Ja….

Fir Sonia ne Priya ko dusri taraf bithaya aur Geeta ko phone karke keh diya k Priya mil gayi hai wo kafi
thak gayi hai toh hum ghar ja rahe hain…fir Sonia Priya ko lekar Priya ke ghar ki taraf chal padi…wahan
pahunch kar wo Priya ko uske room mein le gayi aur khud uske liye pani lene chali gayi…aur thode time
baad pani ka gilas hath mein liye Sonia wapis Priya ke room mein agayi…

Sonia: le sabse pehle pani pi…..

Priya ne pani piya aur thoda shant bhi ho gayi par wo siskiyan lagatar liye ja rahi thi….

Sonia: yaar tu ro kion rahi hai tune apna 100% diya…aur jeet hi sab kus nahi hoti….

Priya: yaar main competition mein haarne ki wajah se nahi ro rahi hun…

Sonia: toh fir kisi ne kus kaha tere se…

Priya: nahi…

Sonia: toh fir bol bhi k kya hua mera dil baitha ja raha hai…

Priya( sisakte huye): Sonia main aj fir wahin a khadi huyi hun…jo baat Maine itne saal apne dil mein
chipaye rakhi wo fir aj mere samne a gayi hai…

Sonia: yaar tu kya bole ja rahi hai…meri kus samaj mein nahi a raha….

Priya: yaar main haar gayi….main apne ap ko sahi sabit nahi kar payi…wo aj fir se jeet gaya…

Sonia: Priya ab mera dimag kharab ho raha hai…yaar mujhe Teri boht fikar ho rahi hai…tu mujhe sab saaf
bata….

Priya: yaar Maine tujhse ek baat chupayi hai…

Sonia: kya….

Priya: main Raj se pyar karti hun….

Yeh sun kar Sonia ka munh khula ka khula reh gaya…use kus samaj nahi a raha tha…
Update 38
Priya ki baat sun kar Sonia ka munh khula ka khula reh gaya use kus samaj nahi araha tha k Priya kya bol
rahi hai....use toh lag raha tha k wo koi sapna dekh rahi hai…Sonia ki aisi halat dekh kar Priya ne hi apni
baat age badayi….

Priya: mujhe pata hai yaar tu kya soch rahi hai…par main koi majak nahi kar rahi….

Sonia( hosh mein ate huye): par yeh sab kaise huya aur kab huya…tune mujhe bataya kion nahi…

Priya: Sonia Maine jab Raj ko pehli baar dekha tha tabhi wo mujhe boht acha laga tha…par us din mere
upar Raj ko sabak sikhane ka bahut chada tha….aur Maine wahi kiya Jo mujhe nahi karna chahiye
tha....aur wo Mumbai chod kar chala gaya…

Sonia: agar tu usse pyar karti thi toh tujhe use mafi mang kar rokna chahiye tha….

Priya: yaar tab mujhe laga yeh pyar nahi hai bas mujhe uski cuteness pasand thi…aur us waqt mere upar
meri ego hawi thi…maine uske Jane ke baad bhi kayi baar socha k main use phone karke mafi maang
lun…par yeh mujhe meri haar lagti…par mera uske prati akarshan din prati din badhta gaya…aur kab yeh
pyar mein badal gaya mujhe pata nahi…uski wo masoomiyat bhari ankhein mujhe har pal mere samne
mehsus hoti mom uske bare mein jo bhi batein karti mujhe achi lagne lagi thi….main roj Sunidhi aunty ke
paas jati aur unke ghar mein lagi Raj ki photo ko niharti rehti….par tab tak kafi der ho chuki thi mujhe
laga k ab Raj meri baat kabhi nahi sunega…

Priya ne apni baat ek sans mein bol di….yeh baat batate huye uski ankhon mein fir se nami a chuki thi….
Sonia: yaar par tune uske wapis ane ke baad bhi uske sath acha behave nahi kiya….
Priya: tujhe pata hai Sonia jis din Raj wapis ane wala tha toh Maine tere samne aisa dikhaya k main uske
ane se boht dukhi hun…par asal mein main us din boht khus thi k ab main Raj se mafi maang lungi…mera
Raj wapis a raha hai…

Sonia: toh fir tune mafi mangi kion nahi…

Priya: kionk Jo wapis aya tha wo mera Raj nahi tha….jab Maine use party mein pehli baar dekha toh uski
ankhon mein wo masoomiyat nahi thi balki mere liye gussa aur nafrat thi Jo mujhe saaf najar a rahi
thi….bhale hi wo handsome ho gaya tha par main uski jis masoomiyat se pyar karti thi wo mujhe najar
nahi a rahi thi…us din main tut chuki thi….mujhe mera akhir rasta band hota najar a raha tha…toh Maine
socha k main Raj ko bhula dungi aur ab use kabhi yaad nahi karungi....isliye maine yeh sab kiya taki main
apne aur Raj ke beech itni nafrat bhar dun k mera pyar us nafrat ke samne khatam ho jaye…..Maine
kosish boht ki…. bahar se dikhane mein kamyab bhi rahi par main kabhi use bhula nahi payi jab bhi koi
ladki usse baat karti hai toh mujhe boht bura lagta hai…isiliye main Diksha aur Riya se bhi lad padti thi…

Priya ne yeh sab ek sath bol diya….Sonia bhi uski baat ko bade dhyan se sun rahi thi….use abhi bhi ek
baat samaj mein nahi a rahi thi k jab Priya ne Raj se dur hone ka faisla kar hi liya tha toh aj akhir aisa kya
hua Jo wo itna tut gayi…aur yeh baat use sirf Priya hi bata sakti thi…toh usne apna agla sawal puch hi
liya…

Sonia: toh fir aj tujhe kya ho gaya Jo tu yeh sab batein dobara soch rahi hai…

Priya: Sonia asal mein main kabhi sahi nahi thi na toh 5 saal pehle aur na ab….Maine Raj ko dekh kar
socha k wo badal gaya hai…..par main galat thi wo sirf badlne ka Natak kar raha hai…asal mein wo aj bhi
vaisa hi hai Sab se pyar karne wala…usne Toh ek baar mujhe bhi girne se bachaya par aj jo usne kiya uske
baad toh mujhe yakeen ho gaya hai k wo ander se aj bhi vaisa hi hai….sab ki fikar karne wala….aj jab
main harne ke baad ankhon mein ansoo liye khadi thi toh aj bhi usi ne mujhe haunsla diya…..aur us waqt
uski ankhon mein mere liye gussa nahi tha….aj uski masoomiyat ke age main fir haar gayi…main fir galat
sabit huyi….Sonia main haar gayi….

Itna bolte hi Priya ne fir se rona shuru kar diya…..Priya ko rote dekh Sonia ki bhi ankhein bhar ayi usne
Priya ko apne gale laga liya aur uska sir sehlane lagi…usne use rone se roka nahi….wo chahti thi k wo
apni puri bhadas nikal de….kafi der aise hi Rone ke baad Priya ka rona siskion mein badal gaya aur wo
Sonia se alag ho gayi usne apni ankhon se ansoo poche aur apni baat age badayi…

Priya: Sonia main sayad ab Raj ko kabhi na pa sakun Maine apni murkhta ke karn Raj ko kho diya…maine
uske man mein apne liya boht nafrat bhar di hai…jo sayad kabhi khatam na ho sake…

Sonia: toh ab tu kya karne wali hai…

Priya: pata nahi par ek baat hai k main uske bina kisi ki nahi ho sakti main uske bina nahi ji sakti….main
maar jaungi…

Priya ka itna bolna tha k Sonia ne ek karara thapad Priya ke gore najuk galon par jad diya…Priya toh sun
pad gayi uski life mein aj pehli baar use thapad pada tha…uski toh sansein atak gayi…Usne pehli baar
Sonia ko gusse mein dekha tha….Hamesha sabhi Priya ke gusse se darte the par aj Priya kisi se dar rahi
thi….
Sonia(gusse mein): yaar tu pagal toh nahi ho gayi…Priya tujhe pata hai Teri sabse badi problem kya
hai....yahi k tu pehle kaam karti hai aur baad mein sochti hai tu hamesha faisla lene mein jaldi karti
hai…tu boht jaldi kisi ke prati apna bichar bana leti hai…

Sonia ki baat sun kar Priya ne apni garden niche karli kionk Sonia Jo bhi bol rahi thi wo ek dum sahi
tha….Priya hamesha faisla lene mein jaldi karti hai aur baad mein pachtati hai…Sonia ne use hamesha
samjaya tha par wo samjti nahi thi….Khair Sonia ne apni baat age badayi par is baar pyar se….

Sonia: dekho Priya aise paglon wali baat nahi karte main Jo puchti hun tum uska sahi sahi jawab do…

Priya(halki awaj mein): pucho….

Sonia: tum Raj se kitna pyar karti ho…

Priya: apni jaan se bhi jyada…

Sonia: toh tum nahi chahti k Raj tumhe utna hi pyar kare…

Priya: han par wo aisa kion karega…

Sonia: dekho Priya yeh baat toh tum bhi janti ho k Raj dil ka bada acha insan hai wo kisi se nafrat kar hi
nahi sakta…tum sirf itna karo ke sabse pehle usse mafi mango aur usse dosti karo…rahi baat pyar ki toh
is par kisi ka jor nahi hota yeh kabhi bhi kisi se bhi ho sakta hai…vaise bhi jab tum Raj ki masoomiyat ke
samne ghutne tek sakti ho toh tere pyar ke samne uski nafrat bhi dhire dhire khatam ho jayegi…

Priya: par agar Raj mujhse pyar nahi karega toh…

Sonia: dekho tum toh usse pyar karti ho na…hum use toh tumse pyar karne par majbur nahi kar sakte
par kamse kam uske dil se tumhare liye nafrat khatam karke dosti toh kar hi sakte hain na…

Priya( ek lambi saans lete huye): han tum sahi keh rahi ho….agar Raj mujhse pyar na bhi kare toh kam se
kam Nafrat toh na kare…hum dost hi sahi par wo mujhse baat toh karega hi na…

Sonia: han yeh huyi na baat ab usse mafi mang Lena…

Priya: thik hai…and thanks yaar mujhe samjhane ke liye….

Fir Priya Sonia ke gale lag gayi….aur ab Priya pehle se thik feel kar rahi thi….Sonia ne aj tak use hamesha
sahi galat ka farak bataya tha par aj Jo Sonia ne kiya tha wo ek Sacha dost hi kar sakta hai…

Khair us din kus khas nahi huya….Sonia us din wahin Priya ke sath hi rahi waise bhi agle din Sunday tha
toh dono der raat tak batein karti rahin….aur sath mein hi so gayin…

Udhar dusri taraf Raj Sandy aur Monty ne mil kar khub masti ki….us din competition ke baad jyada time
toh bacha nahi tha aur Raj thak bhi kafi gaya tha par fir bhi teeno ek restaurant mein gaye aur batein
karte huye khana khaya….fir ghar jate jate Raj kafi thak gaya aur jate hi so gaya…
Update 39
Agle din yani Sunday ko kareeb 8:00 baje Sandy ke phone ki ring baji wo abhi abhi utha tha aur tea pi
raha tha…usne apna phone dekha toh Isha ka tha…usne phone pick kiya…

Isha( ek dum se): Sandy Raj ke competition ka kya hua…wo jeet gaya kya aur kaisa hai wo….

Sandy: are oh madam thoda sabar karo…ek Toh itni subah subah chay bhi nahi pine di aur upar se swaal
pe swaal…

Isha: sorry sorry…chalo batao Raj kaisa hai…

Sandy( thode vyang bhare lehje mein) : main thik hun…

Isha: sorry yaar tera bhi puchne wali thi…ab toh bata Raj kaisa hai aur uske competition ka kya result
aya…

Sandy: wo thik hai aur wo jeet bhi gaya…

Isha: mujhe pata tha wo jeet hi jayega…

Sandy: han…par kya tune bas yahi puchne ke liye phone kiya…

Isha: nahi asal mein tumne kaha tha k competition ke baad Raj ke badle huye behavior ka pata karenge…

Sandy: han…par humein sab se pehle yeh pata karna hoga k Raj aisa kar kion raha hai…uske baad hi hum
kus kar payenge….

Isha: ab yeh sab kaise pata kar sakte hain…

Sandy: mere paas ek plan hai aisa karte hain aj dopehar 1:00 baje milte hain…

Isha: OK par kahan….

Sandy: xxxx park mein…

Isha: chal thik hai main pahunch jaungi tum bhi time par a Jana…

Sandy: OK meri maa ab mujhe chay pine de…

Isha: chal thik hai bhukhad kahin ka…bye…

Fir Isha ne call kaat diya aur Sandy chay peene laga aur kus sochne laga…

Udhar Priya ke ghar mein Sonia abhi bhi wahin thi raat ko late sone ke karan dono late hi uthi…aur ab
bed par baithi batein kar rahi thin…

Priya : yaar Sonia Raj ab toh kitna handsome ho gaya hai…ab toh uspe kitni ladkian Marti hongi…

Sonia: han yeh toh hai…tu bata tujhe Raj mein kya acha lagta hai…
Priya: yaar mujhe Toh uski ankhein badi pasand hain pata nahi kya hai uski ankhon mein Jo main kho si
jati hun unmein…

Sonia: wo toh hai kus aur bhi toh hoga na usmein…

Priya: han yaar uske six pack abs…kitne hot lagte hain…

Sonia: luchi tu uske kamre mein tak jhak karti hai…sharam nahi ati tujhe…

Priya(Sonia ke marte huye): yaar wo toh ek din main uske ghar mein aunty ke sath baithi batein kar rahi
thi tab wo sayad gym laga kar aya tha usne shirt nahi pehni thi…aur han ek din wo hamare ghar aya tha
uski shirt pe khana gir gaya aur wo washroom mein saaf kar raha tha toh main use towel dene gayi
thi….tab main fisal kar girne wali thi toh wo mujhe bachane ke liye bina shirt ke bahar a gaya tha…

Sonia: oho kya baat hai Priya Agarwal Raj ki bahon mein aur Raj bina shirt ke kya scene hoga yaar kash
mein wahan hoti…

Priya( Sharm se uske gaal lal ho chuke the): chup kar besharam kahin ki…

Sonia Priya ki halat par hasne lagi aur Priya use marne lagi toh wo kamre mein idhar udhar daudne
lagi…tabhi Priya ka pair mud gaya aur wo gir gayi…Sonia ne Priya ko sahara dekar bed par bithaya aur
bhag kar Geeta ko bula layi aur Pani bhi le ayi…

Geeta( preshan hokar): beta kya hua chot toh nahi lagi…

Priya(dard se): mummy pair mein boht dard ho raha hai….

Sonia: le pehle pani pi….( Geeta se) aunty ise koi pain killer de dijiye aur doctor ko bhi bula lijiye….

Geeta: han beta main apne kamre se lekar ati hun…

Fir Geeta jaldi se niche gayi aur pain killer le ayi aur sath mein Mohit ko bhi bol diya k Priya ko chot lagi
hai doctor ko bula lo…Fir mohit ne doctor ko phone kiya aur fir dono upar aye aur Priya ko pain killer de
di…

Kus time baad doctor bhi a gaya…usne pair ka ache se muyana kiya aur kus din pair par jyada pressure
na dalne ko kaha…fir doctor chala gaya aur Priya aram karne lagi…

Dopehar karib 12:30 Sonia apne ghar chali gayi kion Priya ka dard ab kus kam tha…

1:00 pm…

Isha park mein khadi sandy ke ane ka wait kar rahi thi…..tabhi Sandy apni bike par ata dikha isse Isha ne
rahat ki saans li…par yeh kya uske sath koi aur bhi tha….yeh koi aur nahi balki Riya hi thi...sandy ne bike
park ki aur Riya ko sath le kar Isha ke paas pahuncha…Isha ke chehre par confusion thi…aur Sandy ko
iska karn pata tha…
Sandy: Isha yeh meri Behan hai Riya…aur Riya yeh hai Isha…

Dono ne apas mein hi hlo ki aur haal chal pucha par abhi bhi Isha ke man mein confusion thi k Sandy
Riya ko sath kion laya hai….Sandy Isha ki halt samj gaya tha

Sandy: dekho Isha hum yeh sab akele nahi kar sakte hamein kisi tej dimag ki jarurat hai aur Riya yeh
kaam ache se kar sakti hai…toh Maine ise bata diya sab kus aur yeh maan gayi help ke liye…

Riya: mujhe bhi laga tha k Raj ke past mein kus toh huya hai jis se wo itna unfriendly ho gaya hai…aisa
lagta hai Jaise use kisi par jaldi bharosa nahi hota…

Sandy ne bhi Raj aur Monty ki jo baat suni thi wo bata di…

Isha: yaar ab yeh Monty kon hai aur mera usse kya lena dena…

Riya: par Raj ka toh hai.....wo hamein kam se kam Raj ke Mumbai chodne ke piche kon tha yeh toh bata
hi sakta hai…aur rahi baat apki aur Raj ki toh wo yah toh Raj bata sakta hai yah fir Ap…

Isha: par mujhe is bare mein khud nahi pata…

Riya: mujhe pata hai…isiliye pehle Monty wala case suljate hain …apka thoda complicated hai is par
thodi jyada mehnat karni hogi…

Sandy: toh ab hamein kya karna hoga…

Riya: karna kya hai Monty se puchtach…

Sandy: OK main Monty ko yahin bulata hun….

Riya: thik hai but is bare mein Raj ko pata nahi chalna chahiye…

Fir Sandy Monty ko phone karta hai aur us park mein usi waqt ane ko kehta hai…aur bolta hai k Raj ko
mat batana…Monty ko thoda ajeeb laga but fir bhi usne bol diya k wo adhe ghante mein a jayega…
Update 40
Kareeb adhe ghante baad Monty wahan a gaya….Sandy ke sath Riya aur Isha ko dekh kar use boht ajeeb
laga…khas kar Isha kionk wo use janta nahi tha…

Monty( confusion bhare lehje mein) : bhai kya hua sab thik hai na…

Sandy : bhai humein tumse ek baat karni hai…pehle main inse tumhara into. Karwa dun…yeh hain
Isha…aur isha yeh Monty hai…

Fir dono ne ek dusre se hii hlo kiya…

Sandy: yaar mujhe tumse ek baat puchni hai…sach sach batana...

Monty(ander se thoda ghabra gaya tha): kya pucha hai bhai…

Sandy: bhai mujhe ghuma fira kar batein karni nahi ati…asal mein Maine tumhare parents ki anniversary
wale din tumhari aur Raj ki batein sunli thin…

Monty(thoda ghabra gaya tha): bhai ismein meri koi galti nahi hai…

Sandy: hum tumhe kus nahi bolne wale….humein bas yeh janna hai k iske piche kon tha…

Monty: bhai main nahi bata sakta…mujhe faltu mein panga nahi karna…main bas itna bolna chahunga k
in sab mein meri koi galti nahi hai…

Sandy: yaar dekh hamare liye yeh sab janna boht jaruri hai…acha yeh bata tu Raj ko ab apna dost samjta
hai…

Monty: han…

Sandy: Toh yaar yeh sab usi ke liye hi Toh kar rahe hain…yeh hamein tu hi bata sakta hai…

Monty( majburi mein): thik hai but Raj ko kus mat batana…

Riya(excitement mein): nahi batayenge….

Monty: mujhe aisa karne ke liye Priya aur Sonia ne kaha hai…

Monty ki baat sun kar sabhi ke munh khule ke khule reh gaye…kionk un logon ne iski umeed bhi nahi ki
thi…Riya aur Sandy toh aise khade the Jaise koi bhoot dekh liya ho…un logon ki aisi halt dekh kar Monty
age bola…

Monty: main isi liye nahi bata raha tha....mujhe pata tha tum logon ka kya reaction hoga…bhai ab main
chalta hun…

Yeh bol kar Monty toh wahan se nikal gaya par Sandy aur Riya abhi bhi hairan preshan the….Isha bhi
khade khade un dono ko aise dekh rahi thi….tabhi Riya ne is chupi ko toda….

Riya: di aisa nahi kar sakti….

Isha: kya bol rahi ho tum…

Riya: han jiska Monty ne naam liya hai wo meri di aur unki friend hain…

Sandy: yaar sayad yahi karan hai k Raj in dono ko nahi bulata….main toh soch bhi nahi sakta tha k wo
dono aisa kar sakti hain…main abhi jaker unse baat karta hun…

Riya: sandy ruko gusse mein pagal mat bano….agar Raj ne is baat ko chipaya hai toh koi wajah
hogi…hamein bhi is baat ko raaz rakhna hoga….aur age ke plan par kaam karna hoga….

Sandy: ab aur kya bacha hai…

Riya: dekho is baat ka Raj ke Isha ji se nafrat karne ka koi Lena dena nahi hai…isliye abhi koi aur bhi baat
hai jo hamein nahi pata…

Isha: toh ab hamein kya karna chahtiye…

Riya: dekho Raj apse nafrat karta hai par apko iske bare mein nahi pata….iska ek hi matlab hai k in sab ke
peeche koi teesra hai…

Sandy: kya koi teesra…

Riya: han koi aisa Jo Raj aur Isha ji ki ladayi karwana chahta ho…

Isha: par kion karega koi aisa…

Riya: dekhiye apko kisi aise sakhs par shak hai jo apko aur Raj ko ladwana chahta ho…usko aisa karne se
koi fayada ho…

Isha: nahi mujhe toh koi yaad nahi….

Riya: koi baat nahi ap thande dimag se yaad kijiye agar kisi ka naam yad aye toh jarur batana….

Isha: OK main Sochungi….

Sandy: Riya ab hamein chalna chahiye…

Fir Riya aur Sandy apne ghar ki taraf chal pade….Sandy ka dimag toh gusse se fata ja raha tha…par Riya
ne roka tha isliye wo kus kar bhi nahi sakta tha…

Sandy aur Riya ghar pahunche toh Sonia hall mein hi baithi thi….usko dekh kar Sandy ko bada gussa aya
par usne apne apko control kiya…Sonia ne unhe ate huye dekh liya…

Sonia: a gaye tum dono kahan gaye the…

Sandy ne Sonia ki baat ka koi jawab nahi diya aur aise hi wahan se apne kamre ki aur chal pada…Sonia ko
thoda ajeeb laga par Riya ne baat ko sambhal liya…

Riya: di hum aise hi bahar ghumne chale gaye the….

Sonia: yeh Sandy ko kya hua aise kion gaya apne kamre mein bahar kisi se jhagda toh nahi karke a raha…
Riya: nahi di asal mein Maine use raste mein boht tang kiya is liye wo gussa hai mujhse…
Sonia: acha toh yeh baat hai…tu use tang mat kiya kar wo chid jata hai…
Riya: are di ap fikar mat kijiye hamara chalta hai…jaldi hi maan jayega...ok di main bhi thak gayi hun
thoda aram kar lun….
Fir Riya wahan se apne kamre mein chali gayi…Sonia wahin hall mein baithi rahi…
Update 41
Dusri taraf Raj apne kamre mein aram kar raha tha use koi pata nahi tha k uske upar ek bomb futne wala
tha…us din toh kus khas nahi huya…

Agle din Monday subah 8:00 baje…

Raj naste ki table par baitha tha…aur uske parents bhi breakfast kar rahe the…tabhi Raj ne apna
Breakfast khatam kiya aur Jane laga…

Raj: bye mom dad main college ja raha hun…

Sunidhi: bye beta…

Raghuveer: bye aur Priya ko bhi apne sath lete Jana…

Raj ko jhatka laga…

Raj(hairani se): main kion leke jaun…uske paas bhi toh car hai na…

Sunidhi: han hai par wo chala nahi sakti…uske pair mein chot lagi hai…hum logon ne toh use college Jane
se bhi mana kiya par wo nahi mani Toh humne socha k tere sath chali jayegi…aur han uska dhyan
rakhna…

Bechare Raj ki toh shakal hi utar gayi use kus samaj nahi a raha tha k uske sath yeh kaisa julm ho raha
hai…aur Priya kaise maan gayi…ap log bhi yahi soch rahe ho na k yeh sab kaise hua Toh main ap logon ko
bata dun k asal mein huya kya…

Kal sham ko jab Raj ke parents ko pata chala k Priya ko chot hai toh wo log uska pata lene gaye…baton
baton mein Priya ke college Jane ki baat chali…

Geeta: ab ise kus din tak college bhi nahi Jane dungi…

Priya: nahi mom main ghar par bore ho jaungi...

Geeta: par apne pair ki halt toh dekh…

Priya: par mom Maine keh diya k college Jana hai toh Jana hai…

Sunidhi: koi baat nahi Raj Toh hoga hi na college mein aur wo ise sath bhi le jayega…tu Jane de ise
Geeta…

Sunidhi ki baat sun kar Priya ki toh lottery lag gayi…bina mange use sab kus mil gaya ab Toh wo chot
lagne ke liye bhagban ko man hi man thanks kar rahi thi…ab bas Geeta maan jati…

Geeta: han yeh sahi rahega Raj ke sath hone se mujhe bhi koi tension nahi rahegi…

Priya ke man mein toh ladu foot rahe the par wo kus boli nahi…toh dosto is tarah Priya Raj ke gale pad
gayi….par ab bechara kar bhi kya kar sakta tha…gal pada dhol bajana hi tha toh usne apne parents ki
baat maan li…

Raj: OK mom main gadi uske ghar le jata hun use wahin se baitha lunga…

Tabhi piche se awaj ayi...yeh awaj geeta ki thi…

Geeta: iski koi jarurat nahi hai…priya yahin se tumhare sath chali jayegi main use yahin le ayi hun…

Geeta ke sath Priya khadi thi…Use dekh kar Raj ka para high ho gaya par usne control rakha...jabki Priya
Toh Raj ko dekh kar boht khus thi aur usse jyada khus is baat se k aj pura din Raj ko uska khyal rakhna
padega…

Sunidhi: ab jao tum dono late ho jayega…aur han Raj tum Priya ko akele mat chodna agar use koi takleef
huyi toh mujhse bura koi nahi…

Raj( beman se): ji mom…

Fir Raj apni gadi ki taraf chal pada Priya ko uski mom ne sahara dekar gadi mein baitha diya aur fir dono
wahan se chal pade…abhi dono thodi dur hi gaye the k Rai ne gadi rok di Priya uski taraf dekhne lagi
Jaise puch rahi ho k kion roki gadi…Raj ne use kus ishara kiya par Priya ko samaj nahi aya yah fir wo
samjna nahi chahti thi…thak har kar Raj ko na chahte huye bhi Priya se baat karni padi…

Raj: seat belt bandh lo…

Priya: OK…

Fir Priya ne seat belt bandh li wo man hi man mein boht khus thi k Raj ne usse thodi hi sahi par baat toh
ki par Raj ka toh bura haal tha wo Priya ke sath aur nahi baithna chahta tha isliye usne gadi tez speed se
college ki taraf dauda di…college pahunchte hi Raj ne jaldi se door khola aur Jane laga par itni jaldi kahan
bhagta…Priya bhi jaldi se door khol kar bahar nikli aur Raj ko awaj di…

Priya: Raj meri help kardo plz main bina sahare chal nahi sakti…

Raj bechara fir fas gaya aur chup chap Priya ke paas ja kar khada ho gaya Priya ne Raj ke kandhe par hath
rakha aur Raj dheere dheere chalne laga Priya bhi uske sahare chal rahi thi….

Abhi dono college mein enter huye hi the k Priya ka balance bigad gaya wo chilate huye girne lagi hi thi
aur Raj ne use sambhal liya…aur Situation kus is tarah thi k Raj ka ek hath Priya ki kamar mein tha aur
dusra Priya ki arm pakde huye…Priya ke dono hath Raj ke kandhon par the aur wo Raj ke hath ke sahare
piche ki taraf jhuki huyi thi….

In sab ke beech Priya ki Raj se ankhein mili aur wo lagatar Raj ke chehre ko dekhe ja rahi thi jis karn Raj
bada uncomfortable feel kar raha tha…wo baar baar as paas dekh raha tha…kionk sabhi unhi ko dekh
rahe the….Lekin Priya toh Raj ke chehre mein hi khoyi huyi thi…Raj ne use khada karne ke liye upar
khincha par thoda jyada hi jor lag gaya aur Priya seedha Raj ke gale lag gayi…Priya ne is jhatke ko
sambhalne ke liye Raj ki Peeth par apni bahein kasdi…Ab in dono mein hawa ke gujrne ki bhi jagah nahi
thi….Priya abhi bhi Raj ki bahon mein khoyi padi thi…par Raj ko puri hosh thi aur Apne as paas khadi
janta ko aise dekhte dekh kar uski halt sarmindagi ke karn boht buri ho rahi thi…ladke Toh itni khubsurat
ladki ko Raj ki bahon mein dekh kar jal rahe the aur ladkian Raj ko Priya ke itna kareeb dekh kar ahein
bhar rahi thi aur Priya ki jagah khud ko imagin kar rahi thi….

Tabhi Raj ko ek aur jhatka laga…Raj ki halat aur kharab ho gayi kionk samne Sonia Sandy aur Riya khade
in logon ko dekh rahe the sayad abhi aye the…
Sonia ne jaldi hi baat ko sambhal liya aur Priya ko Raj se alag kiya…aur raj ko bola…

Priya: thanks Raj ab main ise sambhal lungi…

Raj ki toh Jaise jaan chuti wo jaldi se wahan se bhaga…Par ab sarminda hone ki bari Priya ki thi kionk use
Raj se alag hone ke baad hosh aya aur jab usne as paas itne sare logon ko dekha Toh uska Sharm ke
mare bura haal ho gaya….usne apni garden niche karli….

Sonia use apne sath classes ki taraf le gayi…tamasha khatam hote hi sari janta idhar udhar nikal gayi
wahan do sakhs abhi bhi khade soch rahe the…

Sandy: yaar yeh sab kya hai…Raj aur Priya ek sath…aur wo bhi is tarah…

Riya: mujhe lagta hai…Raj ne Priya ko maaf kar diya hoga usne Monty ko bhi maaf kar diya….

Sandy: Monty ki baat alag hai par mujhe nahi lagta Raj Priya ko maaf karega….wo toh in dono se baat bhi
nahi karta…

Riya: chal chod mujhe lagta hai yeh sab an jane mein hua hoga…chal lectures ka time ho gaya…

Fir dono apni apni class attend karne chale gaye…Sandy Raj ke sath jaker baith gaya…aj usne Priya ko
nahi bulaya wo kal se Sonia se bhi kam hi baat kar raha tha…wo bhi jab majburi ho…

Sonia aur Priya sath mein hi baithi thi aur dhire dhire batein kar rahi thi…

Sonia: yaar Priya tu pagal hai kya yeh bahar kya kar rahi thi…

Priya ne use puri baat batayi wo kaise Raj ke sath ayi aur kaise uska balance bigda aur wo sab ho gaya…

Sonia: toh yeh baat hai par tujhe apne ap par control rakhna chahiye…

Priya: han mujhe pata hai par main RAJ ke paas jate hi sab bhul jati hun…

Sonia: Toh madam puri tarah se pagal ho chuki hain…

Priya: kya yaar…

Sonia: majak kar rahi hun….

Fir aise hi dono batein karti rahi Sonia Sara time Priya ko chedti rahi…aise hi pure lectures nikal gaye….aj
Raj ko Priya ko sath lejana tha toh wo lunch ke baad use sath lekar ghar ke liye nikal gaya…

Raste mein Priya lagatar Raj ko dekhe ja rahi thi yeh Raj ko bada ajeeb lag raha tha…par wo uski taraf
jyada dhyan nahi de raha tha....tabhi Priya ne kus aisa bola jisse Raj ko jhatka laga…

Priya: Raj gadi roko mujhe tumse baat karni hai…

Par Raj ne gadi nahi roki…Jab Raj ne Priya Ki baat nahi mani toh Priya ka sir ghum gaya usne gusse mein
Handbreak khinch diya aur car wahin ruk gayi aur ek tez jhatka laga…

Raj( gusse mein): tum pagal ho gayi ho kya…

Par Priya ko koi asar nahi huya…wo Raj ko pyar se boli…

Priya: Raj plz meri baat sunlo…mujhe tumse kus baat karni hai….

Raj: han jaldi bolo kya hai…

Priya: aise nahi kisi jagah baith kar ache se…

Raj: mere paas tumhari faltu bakwas ke liye time nahi hai…

Priya: pls Raj…

Raj: yaar mujhe samaj nahi araha tum yeh sab kion kar rahi ho…tumhari koi nayi chal hogi.....

Priya: Raj tum kus bhi keh sakte ho par plz ek baar meri baat sunlo…

Raj: dekho Priya main tumhe subah se bardast kar raha hun ab boht huya chup chap ghar chalo aur mera
peecha chodo….

Priya: toh theek hai tum jao ghar mujhe yahin utar do main khud chali jaungi…par tab tak nahi jaungi jab
tak tum meri baat nahi sunoge…

Raj ko pata tha k agar usne Priya ko yahin choda toh ghar par uski shamat a jayegi…isliye ab wo majbur
tha…

Raj( beman se): han batao kahan Jana hai…

Priya(khus ho kar): xxx restaurant…

Fir Raj ne gadi us taraf dauda di…

Update 42
Raj aur Priya restaurant mein pahunche aur ek table par jaker baith gaye…

Raj: han ab bolo jaldi se…

Priya: kya tum do mint ke liye apna gussa shant nahi kar sakte…

Raj: nahi tumhe Jo baat karni hai jaldi karo…

Priya: yaar karti hun pehle kus order Toh karlein…

Raj: hum log yahan date pe nahi aye hain Jo bolna hai jaldi bolo…

Priya : han par ek coffee toh pi hi sakte hain…

Raj: yaar kus bhi karo par jaldi….

Fir Priya ke chehre par halki si muskan a gayi aur usne do coffee order ki...waiter coffee rakh kar chala
gaya…aur fir Priya ne Raj ko coffee lene ka ishara kiya…Raj ko peeni toh thi nahi par Priya se baat jaldi
khatam karne ke usne coffee ka cup utha liya…

Raj: han ab jaldi bolo kya baat hai…

Priya(ek lambi saans lene ke baad): dekho Raj main janti hun k Maine 5 saal pehle Jo kiya wo galat
tha…par main sach bol rahi hun tumhare Jane ke baad main ek ek pal tumse maafi mangne ke liye tadpi
hun...par kabhi himmat nahi huyi…aj mujhe laga k isse acha moka nahi milega…boht himmat karke main
tumse yeh sab bol rahi hun…plz mujhe maaf kar do…

Priya yeh sab ek saans mein bol gayi…par Raj ko koi farak nahi pada…

Raj: Priya tumhari baat puri huyi ab hamein ghar chalna chahiye….

Yeh bol kar Raj uth kar Jane laga…par Priya aj apni baat manwaye bina nahi manne wali thi…usne Raj ka
hath pakad liya aur use apni taraf ghuma kar uske samne ghutno ke bal baith gayi aur apne hath jod kar
maafi mangne lagi…

Priya: Raj Maine aj se pehle kisi ke samne sir nahi jhukaya…par aj sab ke samne tumhare age hath jodti
hun…plz mujhe maaf kardo nahi toh maa kasam main tadap tadap kar mar jaungi…

Yeh bolte waqt Priya ki ankhon mein ansoo a Gaye…wo sach mein aj se pehle itni emotional kabhi nahi
huyi thi…Raj bhi bechara kitna apne apko rokta Priya ki halt ko dekh kar bade se bada pathar bhi dol
jaye…Raj toh fir bhi ek naram dil insan tha…hamesha apni ego ke liye ladne jaghdne wali Priya aj itne
logon ke samne Raj ke samne maafi ki bheekh mang rahi thi…sabhi usko dekh rahe the par wo sirf Raj ko
dekhe ja rahi thi uski ankhon mein ek aas thi…aur wo Raj ki maafi ke liye thi…

Akhir Raj ne bhi Priya ke paschatap ke age apne gutne tek diye…Raj ne Priya ko kandhon se pakad kar
uthaya aur Jo usne bola usse Priya ke dil mein Raj ke liye pyar ke sath sath izzat bhi badh gayi…

Raj: Priya tumne apni galti mani yeh boht badi baat hai par tum Mohit uncle ki izzat ho unka guroor
ho…main tumhe aise jhuka huya nahi dekh sakta…aj ke baad kabhi bhi kisi ke age mat jhukna…

Priya(ankhon mein khusi ke ansoo liye): tumne mujhe maaf kiya na…

Raj: ab kya likh kar dun…

Raj ki baat sun kar Priya muskra padi aur wo itni khus ho gayi k wo bina kisi baat ki parwah kiye Raj ke
gale lag gayi…Raj ne ise aise hi samja usne koi jyada react nahi kiya aur Priya ne bhi apne ap ko control
mein rakha aur jaldi hi alag ho gayi…

Raj: ab ghar chalein…

Priya: han chalo…

Fir Raj ne bill pay kiya aur Priya ko shara diya aur gadi mein baitha kar ghar ki taraf chal pada….Priya
boht khus thi…Raj ko is baat ki khusi thi k Priya ne apni galti itni bahaduri se mani…Raj ne gadi apne ghar
ki garage mein park ki aur Priya ko sahara dekar apne ghar hi le aya….Priya ne hi bola tha aisa karne k
liye…fir Raj Priya ko hall mein baitha kar apne kamre mein chala gaya…Priya ne naukar ko bol kar Sunidhi
ko bula liya aur Sunidhi ne use pani diya aur uske sath batein karne lagi….

Sham 5:00 baje…sandy ka ghar….

Sandy ke phone par ek call aya Sandy ne call receive kiya Isha ka call tha…

Isha: hlo Sandy kaisa hai..

Sandy: thik hun tu bata…

Isha: thik hun kya tu meri baat Riya se kara sakta hai…

Sandy: OK main use bula kar call back karta hun…

Isha: OK…

Fir Sandy Riya ko bula laya…aur Isha ko call back kiya Isha ne jaldi hi receive bhi kar liya…

Riya: hlo Isha ji kaisi hain ap…

Isha:thik hun tum batao…

Riya: main bhi thik hun…koi kaam tha kya mujhse…

Isha: han tumne kal mujhse pucha tha na k koi aisa shaks ho jis par mujhe shak ho…

Riya( ab uska interest badh chuka tha): han…apko kisi ka naam yaad aya…

Isha: han…ek ladka tha Nikhil naam hai uska…

Riya: Nikhil…kon hai yeh aur apko is par shak kion hai…

Isha: yeh mera ek childhood friend tha…maine ise hamesha apna dost mana…par yeh mujhse pyar karta
tha…isne propose bhi kiya tha aur Maine reject kar diya tha par hamare bich iske baad bhi friendship
thi…par Raj ke ane ke baad achanak Nikhil ke behavior mein change a gaya…wo kus chida chida sa rehta
tha…hamari friendship bhi khatam ho gayi…wo Raj ko bhi mil chuka tha…ho sakta hai in sab ke piche
wahi ho…

Riya: han apki baat mein dum hai….yeh hai kahan ka vaise…

Isha: pune ka hi hai…

Riya: pura naam kya hai…

Isha: Nikhil Gupta…

Riya: Ok…kya ap ab iske sath contact mein hain…

Isha: nahi Delhi Jane ke baad kabhi baat nahi huyi…

Riya: ok main kus sochti hun apko kus aur yad aye toh batana…

Isha: ok…bye Riya…

Riya: bye…

Fir Isha ne phone kaat diya aur Riya ek gehri soch mein dub gayi….use is tarah dekh kar Sandy ne karn
pucha toh Riya ne puri baat bata di…

Sandy: par ab ham kya karein…

Riya: kya tum iske bare mein pata laga sakte ho…

Sandy: han pune mein toh kus bhi kar sakta hun…

Riya: toh thik hai tum iske bare mein pata karo uske baad hi kus karenge…

Sandy: OK main apne dost ko bolta hun…

Fir Sandy ne apne ek dost ko phone kiya yeh itna important nahi hai toh into. Ki jarurat nahi hai….

Sandy: hlo bhai kaisa hai….

Dost: thik hun bhai tu bata Mumbai ja kar bhul hi gaya…

Sandy: nahi yaar aisi baat nahi hai…

Dost: aur bata kaise yaad kiya…

Sandy: bhai ek admi ke bare mein pata lagana hai…

Dost: kon hai bhai…

Sandy: Nikhil Gupta naam hai bhai…

Dost: han janta hun main ise jyada toh nahi par itna pata hai k gatiya sa admi hai…gunda type…ek ameer
baap ki bigdi aulad hai…

Sandy: thanks bhai agar iske bare mein kus aur pata laga pao toh jarur batana…

Dost: thik hai bhai…

Fir Sandy ne phone kaat diya…

Riya: kya hua kus pata chala…

Sandy ne puri baat batayi…

Sandy: ab kya karna hai…

Riya: sochte hain kus…abhi main apne room mein jati hun…
Update 43
Fir Riya wahan se chali gayi…aur Sandy bhi washroom mein chala gaya…

Udhar Priya ne Sonia ko phone kiya…sonia ne phone pick kiya…

Sonia: hlo kaisi hai ab tu…

Priya: thik hun ab toh…maine tujhe ek baat batane ke liye phone kiya hai…

Sonia: han bata…

Priya: Maine Raj se maafi mang li…aur usne mujhe maaf bhi kar diya…

Sonia: yeh toh achi baat hai…

Priya: han…ab main use tere bare mein bhi bata dungi k Teri koi galti nahi thi…

Sonia: jaisa tu thik samje…toh kal milte hain….

Priya: han aur ache se sab bataungi k kaise maine Raj se maafi mangi…

Sonia: OK…

Fir Priya ne phone kaat diya…uske baad us din kus khas nahi huya…

Next day Tuesday…

Kal ki tarah aj bhi Raj aur Priya sath Jane wale the…dono college ki taraf chal pade….aj Raj ko Priya koi
boj nahi lag rahi thi…usne Priya ko jyada na sahi thoda boht samaj liya tha k wo dil ki buri nahi hai….Priya
toh aj kus jyada hi khus thi aur Raj se batein karne ki kosish kar rahi thi….Raj bhi batein kar raha tha par
jyada nahi…par Priya ke liye itna kafi tha…fir dono aise hi batein karte huye college pahunche…

Aj Priya pehle se kus thik thi par uske pair mein abhi bhi dard tha isliye Raj uske sath sath hi chal raha
tha…wo dono Jaise hi college mein enter kiye toh Sandy aur Monty dono sath mein khade the…jab
unhone Raj aur Priya ko sath mein dekha toh thoda ajeeb laga…

Monty: yaar yeh east aur west ek sath kaise….

Sandy: pata nahi bhai kal se yeh tamasha dekh raha hun par kus samaj nahi ata…

Monty: kya pata kahin Priya ki koi chal na ho…

Sandy: pata nahi riya bata rahi thi k uske pair mein chot lagi hai isliye Raj use sath leke ata hai…

Monty: kus keh nahi sakte bhai..

Fir Raj Priya ko Sonia aur Riya ke paas chod kar Monty aur Sandy ke paas chal pada…Raj ko paas ate
dekh dono chup ho gaye…

Raj: kaise ho tum dono…

Monty: thik hain bhai hum toh tu bata kya hal hai..

Raj: hal Toh bilkul thik hai…kya batein chal rahi thi tum dono mein aur mere ate hi chup kion ho gaye…

Sandy: kus nahi yaar aise hi idhar udhar ki batein kar rahe the…tu aya toh socha tu koi achi baat
sunayega…

Raj: mere paas toh koi baat nahi hai…vaise bhi lecture ka time ho gaya hai..chal chalte hain…

Sandy: chal thik hai..

Fir dono Monty ko canteen mein Milne ka bol kar apne class mein chale gaye…pura din kus khas nahi
huya…dopehar ko lunch ke baad Raj Priya ke paas gaya…

Raj: chalein Priya …

Priya: chalo…

Fir Raj aur Priya dono wahan se chale Gaye….gadi mein baith kar abhi dono kus dur hi gaye the….k tabhi
in logon ne dekha k ek admi raste mein pada hai…rasta wahan sunsan tha kam hi log ate jate the…sayad
isi liye kisi ne use dekha nahi hoga.....

Raj: are yeh kya huya yeh admi kon hai…

Priya: pata nahi lagta hai behosh hai…

Raj: han sayad koi accident huya hoga…main jaker dekhta hun…

Priya: chalo main bhi ati hun…

Raj: nahi tum baitho…

Raj itna bol kar gadi se utra aur us admi ke paas chala gaya…Raj ne Jaise hi us admi ka chehra dekhne ke
liye use paltane ki kosish ki tabhi piche se koi jhadion se nikla aur usne Raj ki Peeth par chaku se teen
war kiye…Raj ke munh se dard bhari cheekh nikli…us admi ke chehre par rumaal bandha huya tha…par
jab wo wahan se bhagne laga toh uska rumal khul gaya…sadak par laita admi bhi jaldi se utha aur bhag
gaya…par tab tak Raj ki ankhein band ho chuki thi….yeh sab itni jaldi huya k priya ko kus na kar
payi…Priya ne Raj ko is halt mein dekha toh wo boht dar gayi…wo jaldi se gadi mein se nikli aur apne
dard ki parwah kiye bina Raj ki taraf bhagi…Raj ke paas jaker Priya niche baith gayi usne Raj ka sir apni
thigh pe rakha aur Raj ko uthane ki kosish karne lagi….

Priya(rote huye): Raj plz uth jao…mujhe boht ghabrahat ho rahi hai….Rajjjj

Par Raj nahi utha kus der aur kosish karne ke baad Priya ne Raj ko wahin choda aur gadi ki taraf
bhagi…usne apna phone uthaya aur ambulance mangwayi….jaldi hi ambulance a gayi aur in logon ne Raj
ko uthaya aur ambulance mein dal kar Hospital ki taraf chal pade…

Priya bhi Raj ki gadi lekar unke piche piche chal padi….uske pair mein itni bhag daud karne se dard hone
laga tha par Raj ke dard ke samne yeh kus nahi tha…fir wo sabhi Hospital pahunche…Par wo log use
admit nahi kar rahe the…

Dr: dekhiye miss agarwal yeh police case hai…pehle apko FIR karni hogi ..

Priya: plz Raj ko bacha lijiye use kus ho jayega…

Dr: hum bhi majbur hain…

Fir thak har kar Priya ne Mohit ko phone kiya....Mohit ne phone pick kiya…

Mohit: han beta jaldi bolo kya kaam hai main ek important meeting mein hun…

Priya(rote huye): papa wo Raj…

Mohit: beta kya hua tum ro kion rahi ho…sab thik toh hai na…

Priya: papa Raj par kisi ne hamla kiya hai…main Ambulance ki madad se use hospital le ayi par yeh log
use admit nahi kar rahe…

Mohit: kya bol rahi ho tum Raj par hamla…jaldi se doctor se meri baat karwao…

Priya ne Dr. Ko phone diya…

Mohit: ap log use admit karlo main baki sab sambhal lunga…par agar use kus huya toh mujhse bura koi
nahi….

Dr. Thik hai ap police se baat kar lijiye…hum apni puri kosish karenge…

Mohit: ok…

Fir un logon ne Raj ko admit kar liya…Priya ne sabhi ko phone kar diya ghar mein Sonia ko…sab ko bata
diya….sab se pehle Sunidhi aur Geeta aye….
Sunidhi (ghabrayi huyi): kya hua kahan hai mera bacha…

Priya kus na bol payi bas Sunidhi ke gale lag kar Rone lagi…

Geeta: tum ro kion rahi ho…kya hua use…

Priya: mom wo behosh hai abhi ICU mein hain…

Sunidhi: yeh sab kya ho gaya…kya bigada tha kisi ka mere bache ne…

Geeta: hamara Raj toh kisi ko kus kehta bhi nahi…pata nahi kisi ki usse kya dusmani hogi…

Sunidhi: abhi hai kahan wo…

Tabhi Raghuveer aur Mohit bhi a gaye….in logon ke sath police bhi thi….

Raghuveer: Priya kya hua….Raj par kisne attack kiya…

Priya: pata nahi uncle hum toh college se a rahe the….(fir Priya ne puri baat in logon ko bata di)

Police wala: ap ne un logon ka chehra nahi dekha…

Priya: nahi hamla karne wale ka chehra bandha huya tha aur dusre ki Peeth meri taraf thi…jab tak main
wahan pahunchti wo log bhag gaye…

Police wala: Sinha Saab apki kisi se koi dushmani…yah kisi par shak ho…

Raghuveer: nahi hamari kisi ke sath koi dusmani nahi hai…na hi kisi par shak…

Inspector: toh fir Raj ke hosh mein ane ke baad hi kus pata chalega…hum fir ayenge…

Mohit: thik hai jab use hosh ayega hum apko bata denge…

Fir police wale chale gaye…aur ghar wale wahin bench par baith gaye…Sunidhi Geeta aur Priya lagatar
roye ja rahi thin aur Mohit aur Raghuveer bhi udaas the par wo un logon ko hausla de rahe the….

Thodi der baad Sonia Riya Sandy Monty aur Diksha bhi a gaye sab pareshan lag rahe the….sabhi seedhe
college se hi a rahe the….kionk jab Priya ne Sonia ko phone kiya toh usne sabhi ko bata diya tha…
Update 44
Sandy: kahan hai Raj…

Raghuveer: beta abhi wo ICU mein hai…

Sandy: yeh kya ho gaya uske sath…

Monty: han uncle kus pata chala in sab ke peeche kon hai…

Raghuveer: nahi beta kisi ko kus nahi pata….

Itne mein doctor wahan a gaya…kya ap log jara cabin mein aoge...fir Raghuveer Mohit Sunidhi aur Geeta
sabhi doctor ke sath chale gaye aur baki sab wahin baithe rahe…par tabhi kus aisa huya jisse sabhi shock
ho gaye…

Sandy ne gusse mein Priya ka hath pakda aur use khada kar liya…isse sabhi hairan reh gaye….Priya ka
pehle se ro ro kar bura haal tha upar se Sandy ka aisa behavior…

Sonia: Sandy yeh kya badtamiji hai…

Sandy: Sonia tum chup hi raho aur tum Miss Priya Agarwal…band karo apna yeh tamasha…kion kiya
tumne aisa mere dost ke sath…kya bigada tha usne tera…

Priya: yeh kya bol rahe ho tum…

Sandy: ab boht ho gaya tum dono ka drama hamein sab pata hai kaise 5 saal pehle tum logon ne Raj ko
yahan se bhaga diya tha…ab firse….is baar toh had hi paar kardi…use jaan se marwane ka plan bana
liya….

Yeh sun kar Priya wahin ghutno ke bal baith gayi…aur apna munh chipa kar Rone lagi…Sonia use hausla
dene lagi aur Monty aur Riya sandy ko shant karne ki kosish karne lage…Diksha ko kus samaj nahi a raha
tha…

Riya: bhaiya chup ho jao kion bakheda kar rahe ho…

Monty: han yaar yeh time in sab baton ka nahi hai…

Sandy: nahi yaar boht ho gaya…yeh chudail mere dost ko kha jayegi…yeh nahi chodegi use…

Tabhi Sonia uthi aur ek jhanatedar thapad Sandy ki gaal par jad diya...

Sonia(gusse mein): tum kya jante ho….tumhe jab puri baat pata hi nahi toh kion bol rahe ho…han manti
hun Priya se galti huyi thi…par isne puri bheed ke samne Raj se maafi mangi…aur tum aisa soch bhi kaise
sakte ho k yeh Raj ko mar degi…Are pyar karti hai yeh Raj se…itna k Raj ke liye jaan bhi de sakti hai….agar
aj yeh na hoti toh mar gaya hota wo…isne uski jaan bachayi….tumhe akal bhi hai kus…yeh kab se Raj ke
liye roye ja rahi hai aur tu hai k is par hi ilzam lagane laga….

Sonia ki baat sun kar sab hairan the…k priya ne raj se bheed samne maafi mangi aur khas kar is baat se k
wo Raj se pyar karti hai…par ek insan tha jo preshan bhi tha Diksha.....Sandy apna sir niche kiye Sonia ki
batein sune ja raha tha…par uska gussa shant nahi huya…use Priya par ab bhi yakeen nahi tha…

Isse pehle wo kus aur bolta wahan sabhi bade a gaye…sabhi ke chehre par chinta thi….unko dekhte hi
Priya jaldi se uthi aur unke paas chali gayi…

Priya: kya bola Dr. ne…kaisa hai ab Raj...

Raghuveer: beta abhi uski halt boht najuk hai…doctor ne bola hai jyada khun beh Jane ke karn uski halt
boht kharab hai…agar use agle 24 ghante mein hosh nahi aya toh kus serious situations ho sakti
hain…wo coma mein bhi ja sakta hai ja fir uski jaan…

Raghuveer iske age kus na bol paya…uska gala bhar aya…uski ankhon mein kafi time se ruke ansoo beh
nikle…aur sath mein sabhi ka man udaas ho gaya...ladkion ne toh rona hi shuru kar diya…

Fir sabhi aise hi is intzar mein baithe rahe k Raj ko hosh a jaye…par Raj toh kisi gehri neend mein soya
huya tha Jo uthne ka naam hi nahi le raha tha…aise hi baithe baithe raat ho gayi…

Sabhi wahan rukna chahte the par akhir lambi behas ke baad yeh faisla huya k mohit aur Raghuveer
wahan rukenge…fir sabhi ghar ki taraf chal pade…Sonia aj Priya ke sath hi rukne wali thi toh wo dono Raj
ki gadi se ghar ki taraf chal padin…Sonia drive kar rahi thi…

Dono abhi kus dur hi gaye the k Priya ne Sonia ko rukne ko kaha…

Priya: Sonia gadi rokna…

Sonia: kya hua yaar…

Priya: mujhe mandir Jana hai…

Sonia: yaar boht raat ho chuki hai…ghar chal nahi toh sab pareshan honge…

Priya: yaar main Raj ko aise nahi dekh sakti….mujhe uske liye pray karni hai…

Sonia: par tu toh kabhi mandir jati nahi…

Priya: aj Jana hai…ab jyada swaal mat kar…

Fir Sonia ne gadi mandir ki taraf mod di…wahan pohunch kar Priya aur Sonia mandir mein gayi aur
bhagwan se Raj ki health ke liye pray karne lagi tabhi wahan pujari agaya…

Pujari: beta tum dono itni raat mandir mein…sab thik Toh hai na…

Priya: pujari ji mere PATI hospital mein jindagi aur maut ke beech lad rahe hain…agar unko 24 ghante
mein hosh nahi aya toh unki jaan ko khatra hai…

Sonia Priya ki pati wali baat se hairan thi…par kus boli nahi…

Pujari: beta main bhagban se binti karunga k wo tere suhag ki raksha kare…tum bhi bhagban se binti
karo…

Priya ne apni ankhein band ki man hi man bhagban se binti karne lagi…

Priya( man mein): bhagban ji maine kabhi bhi apse kus nahi manga…par aj mere Raj ki jaan bakhs
dijiye….jab tak use hosh nahi ata main pani tak nahi piungi…agar use kus ho gaya toh main bhi bina kus
khaye piye apni jaan de dungi…

Priya ne bhagban se binti ki aur Sonia ko sath lekar wahan se chali gayi…aur fir dono gadi mein baith kar
ghar ki taraf chal padin…raste mein koi baat nahi huyi…ghar pahunchte hi…Priya ki mom un logon ka
intzar kar rahi thi…

Geeta: kahan reh gayi thi tum dono…

Sonia: kus nahi aunty wo gadi dheere lekar aye hain..

Geeta: chalo thik hai ab jaldi se khana kha kar so jao…

Priya: mom mujhe toh nahi khana…ap dono kha lo…

Geeta: kion nahi khana a jaldi kha le…

Priya: mom apne bhi nahi khaya…

Geeta: wo mera man nahi hai…

Priya: mom toh mera v man nahi hai…

Geeta: beta mera Raj Jo mujhe apni maa manta hai hospital mein pada jindagi aur maut ke beech lad
raha hai…main kaise kha lun…

Priya: mom mera kya wo kus nahi lagta…mere samne uske upar itni berehami se war kiye gaye main
kaise khana kha lun…meri ankhon ke samne bar bar wahi lamha a raha hai…mere kano mein Raj ki wo
dardnak cheekh gunj rahi hai…

Geeta: beta wo hai hi itna pyara har koi usko pyar karta hai.. Uski fikar karta hai.. Par meri samj mein yeh
nahi a raha k wo kon tha jisne uspar hamla karwa diya…chalo yeh toh abhi nahi keh sakte…tum dono
aisa karna aram se so jana aur Sonia tum khana kha lena...main Sunidhi ke paas ja rahi hun wo bechari aj
boht dukhi hai…

Priya: han mom ap jaiye jab hamara aisa haal hai toh unka toh wo jigar ka tukda hai…

Sonia: han aunty ap be fikar hokar jaiye yahan main hun Priya ke sath…

Fir Geeta wahan se Sunidhi ke ghar chali gayi aur Priya aur Sonia Priya ke room mein...Sonia ne bhi
khana nahi khaya..room mein pahunchte hi Sonia ne kafi time se rok rakha swaal puch hi liya Priya se…

Sonia: Priya aj tumne mandir mein pandit ji se jhuth kion bola…

Priya: Maine konsa jhuth bola…

Sonia: tumne kaha k tumhara pati hospital mein hai…

Priya: han toh ismein konsa jhuth hai…maine Raj ko apna pati maan liya…ab yeh Priya Agarwal agar kisi
ki hogi toh sirf Raj ki…tumhe pata hai aj jab Raj behosh ho gaya toh meri jaan hi nikal gayi thi…mujhe yeh
ehsas aj hi huya k main uske bina nahi reh sakti…
Sonia: toh hamari bano Raj ko patane ka pura man banaye baithi hai..

Priya: wo tere hone wale jija ji hai…izzat se baat kar…

Sonia: oh ho kya baat hai…

Priya(serious hokar): yar Raj par kisne attack karwaya hoga…agar wo mujhe mil jaye toh use jaan se mar
dungi…

Sonia: yaar aj nahi toh kal mil jayega tu fikar kion karti hai…

Priya: yaar mera Raj wahan jindagi aur maut ke beech lad raha hai…agar use kus v huya toh main apni
jaan de dungi…

Priya itna bolte hi rone lagi…Sonia ne use gale se laga liya aur uske balon mein hath firane lagi..

Sonia: Priya tu ro mat bhagban use thik kar denge…akhir abhi toh Raj ne boht kus dekhna hai…abhi toh
tera pyar dekhna hai…use kus nahi hoga tu ro mat aur uske liye pray kar…

Priya: agar bhagban uski jaan ke badle meri jaan lele toh bhi mujhe dukh nahi…

Sonia: yaar aisi batein nahi karte…chal ab tu chup ho ja main tere liye juice lekar ati hun…

Priya: nahi mujhe nahi pina jab tak mera Raj thik nahi ho jata main pani tak nahi piungi…

Sonia( haste huye Priya ke sir pe mar kar boli): pagal kahin ki…chal Teri marji ab so ja…fir subah hospital
mein chalenge…

Priya: ok gud night…

Sonia bed par lait kar so gayi…par Priya ki ankhon mein neend ka koi ata pata nahi tha…uske liye yeh
raat badi lambi hone wali thi…akhir uska pyar uska Raj jindagi aur maut ke beech lad raha tha…uski kaise
ankh lag jati…usne toh yeh Raat jag kar hi beetani thi…wo bas Sonia ke bagal mein laiti Raj ki lambi umar
ki dua mangti rahi…
Update 45
Agle din subah 4:00 baje Priya ke washroom ka gate khulne ki awaj ayi…is awaj se Sonia uth gayi…usne
ankhein maslte huye dekha toh Priya apne Baal pochte huye washroom se bahar a rahi thi…Sonia ne
gadi dekhi toh sirf 4 baje the…

Sonia: tu itni subah subah kya kar rahi hai….

Priya: bathroom mein kya karte hain Naha kar ayi hai…

Sonia: tu pagal hai itni subah tujhe konsi Ramayana padhni hai…

Priya: tune hi bola tha subah Raj ke paas jayenge…

Priya ki baat sun kar Sonia ne apne mathe par hath Mara…aur thoda muskura kar boli…
Sonia: yaar tu na Raj ke peeche pagal ho gayi hai…tera ilaj karna padega…ab mujhe sone de…

Priya: nahi yaar Sona mat mere sath chal…

Sonia: oye mandbudhi wahan hospital mein uncle ko kya bologi k main itni subah apne Raj se Milne ayi
hun…

Priya: han yaar yeh toh Maine socha hi nahi wahan toh papa aur uncle bhi hai…

Sonia: wahi toh par agar tera dimag chale tab na…

Priya: par kya karun mera dil nahi maan raha…mujhe Raj ko dekhna hai wo kaisa hai…

Sonia: main samjti hun…but abhi possible nahi hai…hum thodi der baad chalenge…

Priya: chal thik hai 6 baje uthaungi tujhe…

Sonia: OK meri maa mujhe utha dena par abhi toh sone de…

Fir Sonia fir se so gayi par Priya ko neend kahan ani thi…puri raat nahi soyi toh ab kya soti wo toh bas
idhar udhar ghum rahi thi…aj uske chehre par wo rangat wo chamak najar nahi a rahi thi…agar thi toh
sirf udaasi aur Raj ko dekhne ki tadap...

Khair dhire dhire 6 baj hi gaye…Priya ne Sonia ko utha diya fir Sonia naha li…aur bahar chal pade…wahan
uski mom baithi thi…

Priya: gud mrng mom…

Sonia: gud mrng aunty…

Geeta: gud mrng beta uth gayi tum dono…chalo ab breakfast kar lo…

Priya aur Sonia dono table par baith gayi…Priya ko nashta toh nahi karna tha par wo apni mom ko nahi
bol sakti thi…

Priya: mom hum hospital Jane wale hai…papa aur uncle ke liye kus leke nahi Jana…

Geeta: are han beta main in logon ka khana pack kar deti hun…

Fir Geeta kitchen mein chali gayi…Priya aur Sonia ne apna khana apni plate mein dala…Sonia toh khane
lagi…par Priya ne wapis khana usi bartan mein daal diya…jisse nikala tha…

Sonia: yeh tu kya kar rahi hai…

Priya: dikhayi nahi deta khana kha rahi hun…

Sonia: par kha kahan rahi hai…acha Toh tum raat mein seriously bol rahi thi k jab tak Raj thik nahi hota
tu pani bhi nahi piyegi…

Priya: han toh ismein majak wali konsi baat hai…

Sonia: tu pagal toh nahi ho gayi…marna hai kya tujhe…

Priya: nahi…par apne Raj ko bachana hai…aur bhagban ko meri baat manni padegi…

Sonia: yaar tu sach mein pagal hai…

Priya: ab chup chap khana khatam kar agar mom ne sun liya Toh bakheda khada ho jayega…

Sonia kus na bol payi par Priya ki halt dekh kar usne bhi jyada na khaya…jab tak Geeta ayi dono table se
uth chuki thi…

Geeta: tum dono ne nashta kar bhi liya…

Priya: han mom boht acha tha…

Priya ki baat se Sonia ko khansi a gayi…Geeta ne jaldi se pani ka gilas uthaya aur use de diya…

Geeta: kya hua beta…

Priya: mom lagta hai khana iske gale mein lag gaya…

Geeta: kya pata…chal ab thik hai..

Sonia: han aunty…

Priya: mom lao khana hum hospital ja rahe hain…

Fir Geeta ne in logon ko khana diya aur wo log gadi lekar hospital ki taraf chal pade…Sonia drive kar rahi
thi…hospital pahunchte hi un logon ne gadi park ki aur ander ki taraf chal pade…tabhi unhe Mohit aur
Raghuveer ek bench par baithe dikhe…wo unke paas gayi aur ek dusre ko gud mrng wish kiya…

Priya: Raj ab kaisa hai papa…

Mohit: abhi vaisa hi hai…behosh hai…

Priya: koi improvement nahi hai…

Raghuveer: nahi beta…

Priya: kya main usko dekh sakti hun…

Raghuveer: han kion nahi…ab use room mein sift kar diya hai…isi room mein hai( wo dono us room ke
bahar hi baithe the)…
Priya: thik hai Sonia ap logon ko nashta karwa degi main use dekh kar ati hun…

Sonia: thik hai tum jao…

Fir Priya us room mein chali gayi…yahan Raj ko rakha gaya tha….Raj ko oxygen mask laga huya tha …wo
behosh pada huya tha…uske hospital wale kapde pehnaye huye the…Priya uske bed ke paas gayi…aur
wahan rakhi table par baith gayi…wo Raj ko upar se niche tak dekhne lagi…Raj ki aisi halt dekh kar uski
ankhon se ansoo behne lage…usne Raj ka hath apne hath mein tham liya….aur behosh pade Raj se
batein karne lagi…

Priya: Raj tum uth kion nahi rahe….dekho college ka time ho gaya hai…tum uth jao dekho tumhare
chakar mein mera bhi college miss ho jayega…Raj uth jao na meri jaan nikli ja rahi hai…Raj…meri baat
kion nahi sun rahe….Raj agar tum aise hi laite rahe toh kaise chalega…

Par Raj ko kya pata k use koi itne pyar se bula raha hai….Priya bolti bolti buri tarah se Rone lagi thi…uski
sansein bhari hone lagi thi…wo aur wahan na ruk payi…usne apne ansoo poche aur tez kadmo se bahar
ki taraf Jane lagi…

Bahar a kar dekha toh wahan koi nahi tha…wo usi table par baith gayi yahan uske papa baithe the…uska
bura haal tha…wo baar baar Raj ke kamre se koi awaj sunne ki kosish kar rahi thi…k kash Raj uthe aur
use awaj de par Raj nahi utha…thodi der baad uske papa aur uncle bhi a gaye...sath mein Sonia thi aur
uski mom aur Raj ki mom….

Sunidhi: abhi mera beta kaisa hai…

Raghuveer: abhi use hosh nahi aya….doctor ne bola hai k agar aj sham tak hosh na aya toh Raj ki jaan ko
khatra hai…

Sunidhi: aisa mat boliye…bhagban aisa nahi kar sakta hamare Raj ke sath…

Geeta: kus nahi hoga use…sab thik ho jayega…

Thode time baad Sandy Riya Monty aur Diksha bhi a gaye…koi bhi aj college nahi gaya tha…

Sandy: uncle Raj ko hosh a gaya…

Mohit: nahi beta abhi nahi aya…

Riya: upar wala sab thik karega…

Sabhi log aise hi bahar baithe Raj ke hosh mein ane ka intzar karte rahe aur batein karte rahe…Priya sab
se najar bacha kar wahan se chali gayi…wo hospital mein bane mandir mein chali gayi…aur hath jor kar
bhagban ki murti ke age baith gayi…

Priya(man mein): bhagban ji plz Raj ko hosh la dijiye use kus nahi hona chahiye ….chahe toh uski jagah
mujhe bula lo apne paas….main uske bina nahi reh sakti…sab use kitna pyar karte hain…sab ke dil boht
dukhi hain…plz use thik kar dijiye….
Priya abhi wahin baithi thi k kisi ne uske kandhe par hath rakha…Priya ne palat kar dekha toh wo Sunidhi
thi…

Sunidhi: beta tum yahan ho…maine socha pata nahi kahan chali gayi…Raj ke liye maang rahi ho…

Priya: ji aunty…wo kitna acha hai…bhagban uske sath aisa nahi kar sakta…

Sunidhi: beta bhagban aisa nahi kar sakta…tum sahi keh rahi ho…

Fir Sunidhi bhi Priya ke paas hi baith gayi…

Priya: aunty Raj ko kab tak hosh ayega…

Sunidhi: beta pata nahi par ek maa ka dil yeh jarur manta hai k Raj jaldi hi thik ho jayega…use kus nahi
hoga…

Priya: han aunty…

Sunidhi: aur tum bhi uske liye bhagban se pray kar rahi ho….

Priya: han aunty…

Sunidhi: beta kab se chal raha hai yeh sab…

Sunidhi ke swaal se Priya chonk gayi…use samaj nahi aya k Sunidhi kiski baat kar rahi hai…Sunidhi uski
aur dekh rahi thi Jaise uske jawab ke intzar mein ho….
Update 46
Priya: aunty kya kab se chal raha hai…

Sunidhi: beta dekh maine tujh se jyada duniya dekhi hai…aur Jo tu Raj ki fikar kar rahi hai main ache se
samjti hun…

Priya: wo wo toh aunty main apke liye kar rahi hun…

Sunidhi: beta pyar kabhi chipaye nahi chupta…

Sunidhi ki seedhi baat se Priya ke tote udh gaye…use kus samaj nahi a raha tha k wo kya bole...wo bas
sharmaye ja rahi thi…

Sunidhi: dekh aise Sharma mat…mujhe khusi huyi k tu mere Raj ki itni fikar karti hai…main toh kal hi
samaj gayi thi jab tu mere gale lag kar ro rahi thi…

Priya (sharmate huye): wo aunty ap kisi ko batana mat…

Sunidhi: kion tumne konsi koi chori ki hai…

Priya: aunty sirf meri taraf se hi hai…Raj nahi karta…

Sunidhi: kion…

Priya: aunty apko ek baat ka pata nahi…main apko bataun toh ap mujhse naraj mat hona…

Sunidhi: nahi houngi….tu bata…

Fir Priya ne darte darte Raj aur Priya ki pehli mulakat se lekar uske prati uske pyar tak sab bata
diya…jaise jaise baat age badti gayi…vaise vaise Sunidhi ka munh hairani se khulta gaya…

Priya: aunty mujhse galti ho gayi thi…plz maaf kar dijiye…

Sunidhi ( Priya ke sir par hath ferte huye): beta tune apni galti mani wahi badi baat hai…aur mere Raj ki
yahi achi baat hai k us par chahye jitne bhi dukh ayein par kisi aur ko takleef nahi pahunchne deta…

Sunidhi ne Priya ko apne gale se laga liya…

Sunidhi: beta ab mujhe yakeen ho gaya hai k mere Raj ko kus nahi hoga…jab tujh jaisi pyar karne wali
uske sath hai use kya takleef ho sakti hai…

Priya: thanks aunty…

Sunidhi: mom kehne ki adat daal le ab…

Priya Sharma gayi…par thodi der baad hi fir serious ho gayi…

Priya: aunty Raj par kisne attack karwaya hoga…

Sunidhi: pata nahi beta …abhi Toh bas yahi kafi hai k mere Raj ko hosh a jaye…

Priya: Aunty main toh nahi hilne wali yahan se jab tak use hosh na a jaye…

Sunidhi: beta main bhi tere sath hun…dekhte hain bhagwan kaise theek nahi karta use…

Fir dono wahin baithi rahi…aur Raj ki jindagi ke liye dua mangti rahin…

Udhar baki ke sabhi log wahin baithe the…

Sandy: yaar Raj ko toh hosh a hi nahi raha doctor ko kus pucho…

Mohit: beta main samjhta hun…tumhari feelings par kus chijein upar wale ke hath mein hi hoti hain…

Riya: han uncle sahi bola yahan dawa kaam nahi ati wahan dua kaam ati hai…

Fir sabhi ne wahin khade khade upar wale se Raj ki jindagi ki dua mangi…

Geeta: yeh Priya aur Sunidhi kahan chale gaye…kafi der se dikh nahi rahin…

Riya: aunty main dekh kar ati hun…

Riya in dono ko dhundhne lagi…usne un dono ko mandir mein baithe dekha…un dono ki ankhein band
thi…aur unke chehre se saaf pata chal raha tha k dono k Raj ke prati pyar mein kitni sachahyi hai…

Riya( man mein): mujhe lagta hai Sonia di sach bol rahi thi Priya sach mein badal gayi hai…wo Raj ki kitni
fikar kar rahi hai…par ab Sandy ko kon samjaye k Priya is baar sahi hai…wo toh us par yakeen hi nahi kar
raha…

Dosto hum thoda past mein chalte hain…kal hospital se wapis Jane ke baad Riya Sandy ke room mein
gayi…

Riya: bhai apne aj hospital mein sahi nahi kiya…

Sandy: Maine bilkul sahi kiya…

Riya: bhai ho sakta hai…Sonia di sahi keh rahi ho…mujhe bhi lagta hai…Priya dil ki buri nahi hai…aj bhi usi
ne Raj ki jaan bachayi…

Sandy: tum pagal ho chuki ho…Tumhe kus samaj nahi a raha wo sirf Natak kar rahi hai taki us par kisi ka
shak na jaye…

Riya: bhai jaruri nahi k ap sahi ho…

Sandy: agar kisi ko meri baat manni hai toh mane nahi mujhe kisi ki jarurat nahi…par ek baat hai agar Raj
ko kus huya main use nahi chodne wala…

Riya: Raj ko kus nahi hoga…

Sandy: fir bhi main use nahi chodunga…main Raj ko sab bata dunga k mujhe uske aur Priya ke bare mein
sab pata hai…Fir hum dono mil kar use saja denge…

Riya: bhai wo Raj se pyar karti hai…

Sandy: sab Natak hai…aj tak toh wo Raj ke paas bhi nahi ati thi…aj ek dum se uska pyar kahan se jaag
utha…

Riya: Bhai apki Marji par plz koi tamasha mat khada kar dena…pehle Raj ko thik hone do…

Fir Riya wahan se chali gayi…

Toh dosto ab hum present mein laut te hain

Riya un dono ko khadi dekh rahi thi…usne bhi hath jode aur bhagban se prathna ki…

Riya(man mein): bhagban in dono ki icha puri kar dena Raj ko thik kar dena…

Fir Riya wahan se wapis sabhi logon ke paas chali gayi…

Geeta: mili wo dono…

Riya: han wo mandir mein hain…

Geeta: chalo main bhi wahin jati hun…Raj ko hosh a jaye toh bata dena…

Geeta bhi un logon ke paas chali gayi…baki sabhi wahin baithe Raj ke hosh mein ane ka intzar karte
rahe…

Karib sham 5:00 baje ek nurse Raj ke room se bahar ayi…aur Raghuveer ke paas ja kar boli…

Nurse: ji apke bete ko hosh a gaya…

Nurse ki baat sun kar sabhi ko boht khusi huyi…Sonia Priya Geeta aur Sunidhi ko bulane chali gayi…wo
sabhi daudti huyi wahan a gayi…akhir kab se apne pyare Raj ke liye matha ragad rahi thi…un logon ki toh
khusi ka thikana hi nahi tha…Priya ke chehre se kal se gayab chamak fir se laut ayi thi aur wo boht pyari
aur sundar lag rahi thi…

Sunidhi: kya ab hum apne bete ko mil sakte hain…

Nurse: ji par kya ap pehle Isha ko bula sakte hain...patient baar baar usi ka naam le raha hai…

Yeh baat sun kar Priya ke dil mein tees uthi par use Raj ke hosh mein ane ki jyada khusi thi…

Raghuveer: Isha kon hai…

Sandy: uncle wo hamari dost hai aur pune mein Raj ki trainer thi…

Nurse: toh fir ap use bula lijiye…

Sandy: main nahi bula sakta…main kal se uska phone try kar raha hun par lag nahi raha…

Riya: kion uska koi address hoga…

Sandy: nahi mere paas nahi hai…wo abhi nayi ayi hai Mumbai mein…

Nurse: thik hai pehle uske parents usse mil lein…

Fir Raghuveer aur Sunidhi ander chale Gaye…Sunidhi ki ankhon se ansoo beh rahe the wo dono Raj ke
bed ke paas chale gaye…

Sunidhi: kaisa hai beta…

Raj: thik hun mom…

Raj uthne laga…

Raghuveer: beta tu laita reh abhi puri tarah se thik nahi hai…
Raj : papa ap Sandy ko ander bulado…

Fir Sandy ko ander bula liya gaya…

Sandy: bhai kaisa hai ab tu…aur yeh sab kisne kiya…

Raj: thik hun…aur sab batata hun…tu ek kaam kar Isha ko kahin se bhi dhundh kar leke a…

Raj ki baat se kisi ko kus samaj nahi aya k wo Isha ko kion bula raha hai…Sandy ko bhi kus pata nahi chal
raha tha…
Update 47
Sandy: bhai usko kahan dhundhu…na uska phone lag raha hai…na uske ghar ka pata hai…

Raj: wo xxx company mein job karti hai…unke office se pata kar kahan hai…

Sandy: bhai usse kya kaam hai tujhe…

Raj: yaar ja na tu kitne sawal puchta hai…

Sandy: OK bhai jata hun…

Raj: aur sun agar wo na batayein Toh papa se baat karwa dena…

Sandy: OK bhai…

Fir Sandy wahan se chala gaya…aur Sunidhi Raj ke bed ke paas jaker baith gayi…

Sunidhi: beta tu jyada tension mat le aur aram kar…

Raj: ji mom…

Sunidhi: beta wo toh acha huya Jo Priya ne tujhe bacha liya…

Sunidhi jaan bhuj kar Priya ki baat kar rahi thi taki Raj ke man mein Jo Priya ke liye kadwahat hai wo
khatam ho jaye…

Raj: han mom kya ap Priya ko bula dengi…

Sunidhi: kion nahi beta main use bhejti hun…suniye ap bhi chaliye sab bari bari mil lenge…

Sunidhi Priya ko Raj ke sath akela chodna chahti thi…

Raghuveer: han chalo aur main inspector ko bhi phone kar dunga…

Fir wo dono bahar chale gaye aur Priya ko ander bhej diya….Priya ki toh mano barson ki tamana puri ho
gayi…wo khusi khusi ander Raj ke paas chali gayi aur Raj ke bed ke paas pade table par baith gayi…
Priya: Raj ab kaisa feel kar rahe ho…

Raj : thik hun…tum batao…

Priya: main bhi thik hun…

Raj: wo main tumse kus bolna chahta hun…

Priya: han bolo kya bolna hai…

Priya ki sansein tez chalne lagi thi…use boht utsukta ho rahi thi k Raj kya bolega…

Raj(ek lambi saans chodte huye): dekho Priya us din tumne jab mujhse maafi mangi thi toh Maine tumhe
maaf toh kar diya tha…par main pure dil se tumhe maaf nahi kar paya tha…par aj main khud tumse ek
request karna chahta hun…

Priya: dekho tumhe mujhse request karne ki jarurat nahi Jo chahiye maang lo…

Raj: Priya tumne meri jaan bacha kar yeh sabit kar diya k tum dil ki kitni achi ho…5saal pehle Jo kus huya
wo ek bhul thi jise tumne ache se sudhar liya…dekho main tumhari tarah ghutne par khada nahi ho sakta
kionk abhi toh main seedha khada nahi Jo sakta…par main tumse dosti karna chahta hun…kya tum meri
dost banogi…

Raj ne apna hath Priya ki taraf badha diya….Priya ko toh mano bin mange sab kus mil gaya…wo kehte
hain na k jab insan dil ka acha ho toh bhagban uski achahyi ka fal jarur deta hai…Priya ki ankhein bhar ayi
par usne apne ap par kabu kiya…

Priya: tum sach bol rahe ho na…mere sath majak toh nahi kar rahe…

Raj: yaar bilkul sach bol raha hun…maa kasam…

Priya ne jhat se Raj ka hath pakad liya…aur uski ankhon se ansoo girne lage…

Raj: ab tum ro kion rahi ho…

Priya: Maine kabhi socha bhi nahi tha k tum mujhe maaf karke mere sath dosti karoge…yeh toh bas
khusi ke ansoo hain…

Raj: dekho yeh sab tumhare saaf dil ki wajah se huya hai…ab mera hath chodo sath hi le jaogi kya…

Priya: itni jaldi hath chudwa liya…abhi toh dosti huyi hi hai…

Raj: Raj Sinha naam hai mera Jo hath ek baar pakad liya use kabhi nahi chodta…han par abhi toh tumhe
bahar Jana hoga…baki logon ko bhi Toh milna hai…

Fir Priya bahar chali gayi aur uske bahar ate hi sabhi bari bari Raj se Milne lage…Sunidhi Priya ke paas
gayi aur halke se boli…
Sunidhi: kya bola wo…

Priya: usne mujhe dil se maaf kiya aur Mujhse dosti bhi ki…

Sunidhi: ab bas is dosti ke pyar mein badlne ka intzar rahega…

Priya: Han par ab yeh Isha kon hai…jiska naam Raj ne sabse pehle liya…

Sunidhi: kya pata dekh kar hi pata chalega…Sandy gaya hai use dhundne…

Sabhi Raj se mil liye…itne mein police bhi agayi…fir Mohit aur Raghuveer police ke sath Raj ke paas chale
gaye…

Inspector: kaise ho Mr.sinha ab…

Raj (baithte huye): thik hun ab Toh…

Inspector: are laite rahiye hum toh apka byan lene aye hain…kisne hamla kiya ap par kya ap jante hain
use…

Raj: han Maine dekha toh nahi par kisi par shak hai mujhe…

Inspector: kon hai wo…

Raj: Nikhil Gupta naam hai uska…pune ka hai…

Raj ki baat sun kar Raghuveer aur Mohit dono shocked ho gaye…

Raghuveer: beta kon hai yeh…aur kya dushmani hai tujhse uski…

Raj: papa lambi kahani hai…

Inspector: koi baat nahi ap batao humein isse case mein madad milegi…

Raj: baat kus is tarah hai k jab main pune gaya Toh Maine gym join karne ka socha aur Maine ek personal
trainer rakhna tha toh Sandy ke papa ne mujhe Isha se milwaya….wo mujhe train karne lagi…aur dhire
dhire wo meri achi dost ban gayi…Sandy main aur wo teeno ek dusre ke sath acha time spend karte…sab
kus acha chal raha tha…k ek din jab Isha sham ke waqt ghar ayi toh uske sath ek ladka tha…maine isha se
pucha k kon hai…
Ab kahani mein past se hi sunaunga…

Raj: hlo isha….aur yeh tumhare sath kon hai…

Isha: yeh hai Nikhil mera bachpan ka dost hai…maine tumhare bare mein ise bataya toh isne tumse
milane ko bola…

Raj: oh hlo Nikhil…ao baitho…

Fir Raj ne in dono ko sofe par bithaya..

Nikhil: hlo bhai…wo asal mein Maine socha k akhir aisa kya khas hai apmein Jo Isha sara din tumhari hi
batein karti rehti hai...

Nikhil ki baton mein kus bayang sa tha…par kisi ne us par dhyan nahi diya…

Raj: are bhai khas toh kus nahi bas dosti ho gayi…

Fir teeno aise hi batein karte rahe…Raj ko Nikhil kus ajeeb laga…uski batein sun kar wo kus ajeeb lagta
tha…jaise wo apni baton se Raj ko koi ishara karna chahta ho….khair us din wo wahan se chale
gaye….kayi dino baad Raj bajar mein ja raha tha k Nikhil ne use dekha aur uske paas chala gaya….

Nikhil: are bhai Raj kaisa hai…

Raj: thik hun bhai tu bata…

Nikhil: thik hun…bhai mujhe tumse ek baat karni hai…

Raj: han bol bhai…

Nikhil: chal thoda side mein chalte hain…

Fir dono bheed bhad wale ilake se bahar a gaye…

Nikhil: bhai dekh ghuma fira kar baat nahi karunga...main Isha se pyar karta hun…

Raj: are wah yeh toh achi baat hai…

Nikhil: par jabse tu aya hai wo Teri hi batein karti rehti hai…main chahta hun k tu usse dosti khatam kar
de…

Raj: oye tu pagal Toh nahi…main kion dosti todun…

Nikhil: dekh mujhe pata hai tu mere se nahi darta par ek baat sun le k agar Isha meri na huyi Toh kisi ki
nahi hogi….maar dalunga use…

Raj: tu pagal hai kya sale…dhamki de raha hai…abhi police ke hawale kar dunga…

Nikhil: ise dhamaki mat samjhna…agar aj ke baad isha ke aas paas bhi najar aya toh tujhe kus nahi
karunga…par use nahi chodunga…

Yeh bol kar Nikhil toh wahan se chala gaya…par Raj aise hi wahan khada raha…Raj nahi chahta tha k uski
wajah se Isha ko koi khatra ho…par wo Isha ko Nikhil Jaise ghatiya insan ke paas akele nahi chod sakta
tha…isliye usne Isha se Nafrat ka Natak kiya…par usi din Isha ka transfer ho gaya Raj ko pata tha k wo
konsi company mein job karti hai par usne kabhi usse Milne ki kosish nahi ki aur na hi use kabhi phone
kiya …balki uska number bhi reject list mein daal diya….
Ab present mein…

Inspector: toh yeh baat hai…par apko aisa kion lagta hai k usne hi ap par attack kiya….

Raj: mujhe pata tha k wo Isha ka itni jaldi peecha nahi chodega…jab use pata chala hoga k Isha Mumbai
mein hai aur main bhi wahin hun toh usne aisa kiya hoga…aur jis ne mujh oar hamla kiya uske hath par
bhi vaisa hi tattoo tha jaisa Maine Nikhil ke hath par dekha tha…

Inspector: apki baat mein dum toh hai…par hamein kisi thos saboot ki jarurat padegi…

Itne mein Sandy a gaya…wo seedha Raj ke room mein gaya…

Sandy ( ghabraya huya): bhai Maine uske office se pata kiya par wo wahan bhi nahi ayi aur uska address
le kar uske ghar par bhi check kiya…wahan bhi koi nahi tha…

Raj(serious hote huye): main jo soch raha tha wo sahi hai…Nikhil ne Isha ko kidnap kiya hai…use bachana
hoga…wo uske sath kus galat na karde…

Raj ki baat sun kar Sandy puri tarah se confuse ho gaya…use Toh yahi lagta tha k Raj Isha se nafrat karta
hai…
Update 48
Sabhi confuse the k kya ho raha hai…par Inspector ne apni baat age badayi….

Inspector: toh thik hai hum uski talash karte hain…hum pune mein police se contact karte hain aur uske
bare mein aur jyada jankari hasil karte hain…

Raj: ji aur yaad rakhiye Isha ko sahi slamat bachana hai…

Fir inspector wahan se chala gaya sath mein Raghuveer aur Mohit bhi aur Sandy abhi bhi confuse khada
tha k yeh sala ho kya raha hai…Raj ne uski halt dekh kar andaza laga liya k Sandy ko Isha ne uski nafrat
wali baat bata di hogi…

Raj: mujhe pata hai tere man mein kayi swaal honge…tu puch le…

Sandy: bhai mujhe tere past ke bare mein sab pata hai…Priya ke bare mein bhi par mujhe yeh nahi pata
k tu Isha se nafrat kion karta hai aur ab uski fikar kion kar raha hai…

Raj ke liye Priya wali baat thodi shocking thi…par usne pehle Isha ki wahi sari kahani jo kus der pehle
baki logon ko sunayi thi Sandy ko bhi suna di…

Sandy: toh bhai yeh locha hai…Isha ko bhi Is Nikhil par shak tha k iski wajah se hi tum usse naraz ho…par
yeh nahi pata tha k yeh sab Natak hai…

Raj: han par tujhe yeh Priya ke bare mein kahan se pata chala…

Sandy: bhai asal mein Maine Tumhari aur Monty ki batein sunli thi…aur Maine Monty se sab kus pata kar
liya tha…
Raj: acha toh sale meri jasoosi kar raha tha…

Sandy: nahi bhai…par main ek baat bolun…

Raj: Han bol…

Sandy: Bhai mujhe Priya par bilkul bhi bharosa nahi hai…mujhe lagta hai k wo tumhe fir se bhagana
chahti hai…

Raj: yaar dekh admi ki sachayi uski ankhon se jhalkti hai…aur Mujhe lagta hai k wo sach mein badal gayi
hai…usne hi meri jaan bachayi…aur han ab wo hamari dost hai…so uske sath ladna mat…

Sandy: bhai main toh hamesha Teri baat manta hun…tu bolta hai toh usse dosti bhi kar lenge…

Sandy ko Raj par pura bharosa tha…isliye ab usne Priya ke bare mein dimag lagana chod diya…par wo
Raj ko jyada stress nahi dena chahta tha isliye usne Raj ko Priya ke pyar wali baat nahi batayi…

Raj: ab bas Isha ki fikar ho rahi hai…kahin uske sath kus galat na ho…

Sandy: bhai tu jyada tension mat le sab thik ho jayega…aur ab main bahar jata hun tu aram kar…

Raj: OK bhai….

Fir Sandy wahan se chala gaya…wo bahar a kar baki sab ke paas baith gaya…Monty aur Diksha dono ghar
ke liye nikal gaye…Unke Jane ke baad Sonia Riya aur Sandy abhi Jane hi lage the k…Priya ek dum se khadi
khadi jameen par gir padi…jaise hi uspar sabki najar padi sab uske paas pahunche…Sab boht ghabra
gaye...Geeta ne uska sir apni god mein rakha…

Geeta: Priya kya hua beta…

Fir Sunidhi Sonia aur Riya uske hath pair maslne lage par use hosh nahi aya toh…Sandy ko doctor ko
bulane bhej diya gaya…

Doctor ne ate hi un sab ko side kiya aur Sandy ki madad se use bench par laita diya…doctor ne uska BP
pulse wagerha check kiya…

Mohit: kya hua hai ise ek dum se kaise Fir gayi…

Dr. Ji ghabrane ki jarurat nahi hai...sab normal hai par lagta hai k inhone kus khaya piya nahi hai…sayad
isi wajah se chakar a gaya hoga…thodi weakness hai…jaldi hi hosh a jayega….

Fir doctor ne use injection diya…aur ghar lejane ko bola…Geeta Sunidhi aur Sonia use ghar le gayi…Sandy
aur Riya apne ghar chale gaye…aur Raghuveer aur Mohit doctor ke paas…

Raghuveer: Raj ko kab tak discharge kiya jayega…

Dr. : ji kal subah hi discharge kiya jayega…

Mohit: toh thik hai…aj bhi hum dono yahin ruk jate hain…

Fir Mohit aur Raghuveer wahin ruk gaye aur ghar mein phone karke bata diya….Raj ko neend ka injection
de kar sula diya gaya…toh ab hum seedha chalte hain Priya ke ghar yahan Priya ko hosh a chuka hai
aur... Geeta us par sawalon ki bochar kar rahi hai…

Geeta: tumne kus khaya piya kion nahi…dekh ab chakar a gaya na apna bilkul bhi dhyan nahi
rakhti…pehle Raj ki fikar kya kam thi Jo ab tujhe bhi bimar hona tha...

Sunidhi aur Sonia paas mein hi baithi thi…

Sunidhi: are chod na dekh toh us bechari ki kya halt hai…tu abhi toh use khana khila de…

Geeta: thik hai par baad mein iski jam kar class lungi…pata nahi kya ho gaya hamare ghar ko Raj ko abhi
hosh aya hi tha k yeh behosh ho gayi…

Fir Geeta badbadati huyi wahan se bahar chali gayi…aur uske jate hi Priya Sunidhi ki minantein kar lagi…

Priya: aunty plz mom se bacha lo mujhe…

Sunidhi: han par tune khana kion nahi khaya yeh galat baat hai na…

Sonia (Priya ko bachane ke liye): aunty isne khana khaya tha…wo bas aise hi ho gaya hoga…

Sunidhi: tu ise bacha mat mujhe sab pata hai…wo bhi Jo tum dono chipane ki kosish kar rahi ho…Raj ke
bare mein…

Yeh baat sunte hi Sonia ne Priya ki taraf dekha toh Priya ne han mein sir hila diya yeh batane k liye k
aunty sach bol rahi hain…Sunidhi ne apni baat jari rakhi…

Sunidhi: dekho beta main janti hun k tum Raj se boht pyar karti ho…par iska yeh matlab nahi k tum apne
ap ko takleef do…agar bhagban na kare tum dono ko kus ho jata toh hamara kya banta…

Priya: sorry aunty…

Sunidhi: chal koi baat nahi ab chup ho jao…Geeta ati hi hogi…

Fir sabhi chup chap baith gaye….Sonia hairan thi k Priya ne aunty ko bata diya yah unko khud pata chal
gaya par kaise …itne mein Geeta khana lekar a gayi…

Fir Priya ko khana khilaya…baki teeno ne dinning table par baith kar khana khaya aur Kal ki tarah Geeta
Sunidhi ke sath uske ghar chali gayi aur Sonia aur Priya wahin rahi….Sonia ne room mein jate hi Priya se
apne man ke sare swaal puchne shuru kar diye…

Sonia: yaar aunty ko sab kaise pata chala…

Priya ne use puri baat batayi…

Sonia: are wah yaar aunty toh badi jaldi samaj gayi par Raj pata nahi kab samjhega…

Priya: are koi baat nahi sab apne time par hona hota hai….Jaise aj Raj ne mujhe dosti karli…

Sonia: kya baat kar rahi hai…aur tune kab pucha usse dosti ke liye…

Priya: Maine nahi usne khud pucha tha…jab usne mujhe bulaya tha tab…

Sonia: are yeh toh kamaal ho gaya…ache se bata na kya bola wo tere se…

Priya: are kya bolna tha usne bola k tumne meri jaan bacha kar apni sachayi ka saboot de diya hai….aur
mujhse dosti ke liye pucha…aur mujhe maaf bhi kar diya….

Sonia: yaar tu toh badi fast nikli…ab meri bhi dosti karwa de usse…

Priya: main kion karwaun tera kya pata mere Raj ko cheen le mujhse…

Sonia: are wah kya baat hai tera Raj…

Priya: aur nahi toh kya…aj nahi toh kal Raj mera hokar hi rahega…

Sonia: han meri bano Raj tera hi hoga…koi Raj ko tere se alag nahi kar payega…

Priya(ek dum se serious hote huye): Isha…

Sonia: kya huya ab Isha kahan se a gayi…Raj bhi aj isko bula raha tha…

Priya: mujhe dar lag raha hai…kahin yeh Isha mere Raj ko mujhse dur na karde…

Sonia: yaar kus nahi hoga…sirf dost hogi wo uski…

Priya: I hope so…

Sonia: chal chod yaar so ja ab…abhi abhi toh thik huyi hai…

Priya: OK…gud night…

Fir Sonia aur Priya so gayi…Priya ka vaise toh man nahi kar raha tha sone ka…par sayad weakness ki
wajah se use jaldi hi neend a gayi…
Update 49
Next day Thursday 10:00 am…

Mohit aur Raghuveer doctor ke cabin mein baithe the…

Doctor: ji ab ap Raj ko ghar leja sakte hain…formalities puri kar dijiye…aur ghar par apko uska ache se
dhyan rakhna hoga…uska check up karne ghar pe hi a jaya karenge…

Raghuveer: OK…toh doctor ab hum chalte hain…

Doctor: ji sure…

Fir wo dono bahar aye...discharge ki formalities puri ki…aur fir Raj ko lekar ghar ko chale gaye…Raj se
chala nahi ja raha tha toh use sahara dekar le jaya gaya…wo log Jaise hi ghar pahunche toh ghar par toh
Jaise kisi ki shaadi ho aise log aye huye the…Sandy ke mom dad uske mama Mami…Monty ki mom…baki
Raj aur Priya ke dost jinhein hum jante hain…Priya Geeta aur Sunidhi sab log the…Raj Jaise hi ghar
pahuncha Toh uski aarti utari gayi aur use sahara dekar uske kamre mein le jaya gaya…kionk abhi uske
liye seedian chadna muskil tha toh use niche hi ek kamre mein shift kiya gaya…

Uske kamre mein sabhi log use ghere khade the…Sunidhi Geeta aur Priya Raj ke bed par baki bade
kursion par baithe the….baki dost khade the…fir shuru huya sab ke haal chal puchne ka daur…hamein
pata hai k kya batein huyi hongi toh likhne ki jarurat nahi…khair fir sabhi chale gaye…Sandy Sonia aur
Riya bhi…Raghuveer aur Mohit ki toh pichle do dino mein band baj gayi thi toh dono so gaye the…ab
kamre mein bache the sirf Raj Priya Sunidhi aur Geeta…

Sunidhi: beta ab tu aram kar…

Raj: kya mom itni muskil se toh thik ho kar hospital se ghar aya hun aur ap hain k aram karne ko bol rahi
hain…

Sunidhi: toh aur kya karna hai…cricket khelega…

Raj: khelna toh chahta hun par khel nahi paunga…isse acha hai k ap batein hi sunao…

Sunidhi: hum kya batein sunaein..

Raj: are kus bhi suna do…

Geeta: Toh sun machli jal ki rani hai jeewan uska pani hai…

Geeta ki poem sun kar sab Hans pade par jab Raj hasne laga toh uski Peeth mein huye jakhmon mein
dard hone laga aur Raj ke munh se ek aah nikal gayi…Priya ne jhat se Raj ka hath pakad liya…

Priya: thik ho? Jyada dard toh nahi?

Raj: nahi theek hun…

Sunidhi ko Priya ka is tarah Raj ki care karna acha lag raha tha…

Sunidhi: beta kya hua…humne pehle hi bola tha k tu aram kar…

Raj: yaar mom kus nahi hua…aur vaise bhi akela laita laita bore ho gaya hun…

Sunidhi: chalo thik hai tum dono batein karo main aur Geeta lunch ka kus karte hain…

Geeta: han chalo aur Priya tum Raj ka dhyan rakhna…

Priya: thik hai mom…

Fir wo dono wahan se chali gayi…Raj aur Priya dono hi bache the us kamre mein…Raj toh normal tha but
ek band kamre mein Raj ke sath khud ko akela pa kar Priya thoda nervous feel kar rahi thi…use koi baat
nahi sujh rahi thi…par Raj ko toh time paas karna tha toh usne baat shuru ki…

Raj: tum dance boht acha karti ho…

Priya: thanks…but tumhari singing se badiya nahi…

Raj: acha mujhe toh nahi pata tha…

Priya: tum mein toh aur bhi kayi qualities hain…jaise tumhari body kitni achi hai…

Raj: Han but yeh sab Isha ki wajah se ho paya…nahi toh main wahi rehta Jaise tumne kaha tha English
kaddu…

Priya ko Raj ki baat dil par lagi…uska Isha ka tareef karna aur upar se purani baat chedna…

Priya: Raj mujhse galti ho gayi…ab purani baton ko bhul jao plz…

Raj: are nahi main toh aise hi bol raha tha…

Priya: Han par main tab bilkul pagal thi…jab tum aye the toh mujhe laga k tum meri mom ko mujhse
cheen loge…isiliye Maine yeh sab kiya…

Raj(Halka sa muskurata huya): dekho kisi se pyar karna achi baat hai…uski fikar karna aur bhi achi baat
hai but agar hum yeh kahein k wo sirf mere se hi pyar kare Toh yeh galat hai…over possessive nahi hona
chahiye…

Priya: han tumne sahi kaha…but ab main kabhi aisa nahi karungi…

Raj: achi baat hai…aur sunao…

Priya: aur toh kus nahi…but tujhe pata hai tujh par kisne hamla kiya…

Raj: han Isha ka koi friend tha Nikhil wo bhi Teri tarah jyada possessive tha…usi ne kiya aur Mujhe lagta
hai Isha ka kidnap bhi kar liya…pata nahi bechari kaisi hogi…man toh chahta hai abhi jakar use bacha lun
par kus kar nahi sakta…

Priya: yaar yeh Isha kya lagti hai tumhari Sara din usi ki baat karte rehte ho…itni fikar bhi karte ho...

Raj: kion tum aise kion puch rahi ho…dost hai meri vaise main apne har dost ki fikar karta hun…aur abhi
toh tum bol rahi thi k main ab pehle ki tarah possessive nahi hun…aur itni jaldi mere doston ki into. Lene
lagi…yaar abhi toh dosti huye ek din hi huya hai…

Priya: nahi wo main kion hone lagi possessive…friend ho boyfriend thode hi ho mere…ok tum aram karo
ab main chalti hun…
Priya yeh bol kar wahan se jaldi se nikal gayi…aur uski ankhon mein ansoo the…Aj Raj ke baton se Priya
ko boht thes pahunchi thi par use yeh ehsas bhi ho gaya k agar Raj ki anjane mein kahi baton se usko
itna bura laga hai toh Jab usne Raj ko apne pure hosh mein itne kadwe bol kahe the toh Raj ko kaisa laga
hoga…wo wahan aur na ruki aur seedha apne ghar ki taraf chali gayi…Sunidhi ne use jate dekha par roka
nahi kionk usne andaza laga liya tha k jarur uske aur Raj ke beech koi aisi baat huyi hai Jo Priya ko buri
lagi hogi…

Khair Sunidhi wahan se Raj ke room mein chali gayi kionk koi toh uske paas chahiye tha…thodi der baad
Geeta bhi agayi…

Geeta: are yeh Priya kahan chali gayi…

Sunidhi: wo ghar chali gayi hai…

Geeta: are aise kaise chali gayi Raj ko akela chod kar…

Sunidhi: koi baat nahi vaise bhi Mujhe bata kar gayi hai…

Raj: are ap dono itni bhi fikar mat karo meri…aur agar ap logon ko bhi koi kaam hai toh karlo main theek
hun…

Sunidhi: hamein toh koi kaam nahi hai aur vaise bhi tum itni Bahaduri na hi dikhao…tumse abhi seedha
toh khada nahi ja raha….batein badi badi karte ho…

Raj: are manjil par wahi pahunchte hain jinke sapno mein jaan hoti hai….pankhon se kus nahi hota
hauslon se udaan hoti hai…

Sunidhi: ek toh aj kal ke bache SIDHU ki commentary sun kar badi badi batein banane lage…aur tu chup
chap yahin pada reh jab tak theek nahi hota…

Raj: are mummy kal se subah thodi walking karunga nahi toh mota ho jaunga…

Sunidhi: tu chup karja warna tujhe bed par bandh kar door lock kar dungi…

Raj(Geeta ko taraf dekh kar): aunty ap toh meri side lo na…

Geeta: no…aj main Sunidhi ke sath hu…

Raj: chalo koi baat nahi mera bhi din ayega tum sab se badle lunga…

Sunidhi: le Lena pehle thik toh hoja…

Raj: han sach Isha ke Bare mein kus pata chala…

Sunidhi: nahi tere papa ne pucha tha inspector se…but na toh Nikhil kahin mila aur na hi Isha…

Raj: kya yaar nikami police…main khud bhi kus nahi kar sakta…
Sunidhi: chalo koi baat nahi beta mil jayenge…aur bas sahi salamat ho wo bechari….uska toh koi kasur
bhi nahi hai…

Raj: agar use kus huya toh main us kamine ko chodne wala nahi…

Sunidhi: chal kus nahi hoga…ab tu apni dawayi le aur soja doctor ne bola hai k proper rest karna hoga…

Raj: OK mom…

Fir Raj ko uski dawayi de di gayi…aur wo jaldi hi so gaya…Sunidhi uske paas hi baithi rahi aur Raj aur
Priya ke ane wale waqt ke bare mein sochne lagi…wo bas yahi soch rahi thi k kahin Priya ka dar sahi na
nikle aur Raj Isha se pyar na karta ho…kitni care karta hai wo uski….par bechari Priya toh Raj ko apna sab
kus mane baithi hai…Bhagban sab thik kare…
Update 50
Sunidhi aise hi Raj ke paas baithi rahi aur Raj sota raha…us din sham ko karib 5:00 baje Sandy aya…

Sandy: namaste aunty…

Sunidhi: namaste beta aur batao kaise ho…

Sandy: thik hun aunty Raj kaisa hai ab…

Sunidhi: wo bhi ab kus thik hai…

Sandy: yeh toh so raha hai…main toh isse milne aya tha…

Sunidhi: are koi baat nahi main chalti hun tum ise jaga lo ab toh kafi time ho gaya hai ise soye huye…

Fir Sunidhi wahan se chali gayi…Sandy Raj ke paas jakar baith gaya…aur Raj ko uthane laga…

Sandy: Raj…oye Raj uthja ab…

Sandy ne halka sa Raj ke kandhe ko hilaya toh Raj uth gaya…usne Sandy ki taraf dekha…aur waise hi laite
laite…

Raj: are bhai tu kab aya…

Sandy: abhi aya hun thodi der pehle…aur bata ab kaisa hai…

Raj: ab pehle se kus acha hun…par yaar laite laite bore ho gaya hun…

Sandy: are toh koi baat nahi…ab main a gaya hun…sari boriyat dur kar dunga…

Raj: chal pehle mujhe sahara dekar baitha de…

Sandy ne Raj ko sahara diya aur pillow laga kar Raj ko baitha diya…
Raj: han ab thik hai ab bata kya chal raha hai…

Sandy: chalna karna kya hai…ab toh college bhi nahi jaya jata…

Raj: kion jata kion nahi hai…

Sandy: bhai kamal hai tu yahan pada hai aur main college chala jaun aisa kaise ho sakta hai…

Raj: toh ab toh main thik hun…kal se chale Jana…

Sandy: han bhai aur tu bhi jaldi se fit ho ja fir ek sath college mein masti karenge…

Raj: han sahi kaha…aur suna koi nayi taji…

Sandy: kus nahi aur toh…han sach us Nikhil ka kus pata chala…

Raj: na bhai abhi tak toh nahi…

Sandy: sala kamina ek baar mil jaye uski aisi halt karunga k khud ki shakal nahi pehchan payega…

Raj: yaar shant hoja…police use saja de degi…

Sandy: khak saja degi…pakda toh unse wo jata nahi hai…

Raj: han yaar baat Toh Teri bhi sahi hai…par main toh abhi kus kar nahi sakta…

Sandy: bhai tu nahi kar sakta par main toh kar sakta hun na…tu bol kya karna hai…agar us kamine ko
dhundhne ke liye mujhe jameen asmaan bhi ek karna pade toh bhi piche nahi hatunga…

Raj: yaar Mujhe tujh par pura bharosa hai…par main tujhe kisi khatre mein nahi dal sakta…aur tere
college ka bhi nuksaan hoga…

Sandy: yaar tu bol toh sahi kus nahi hoga…aur rahi college ki baat toh tu konsa ja raha hai…main bhi nahi
jaunga...

Raj: toh thik hai tu aisa kar Pune chala ja aur wahan ja kar uske bare mein pata laga…par han sirf
puchtach karna koi ladayi jhagda nahi…baki main sab sambhal lunga…

Sandy: toh thik hai yaar main kal ko hi chala jaunga…

Raj: yaar aj mujhe tujh par proud feel ho raha hai…yaar man karta hai tujhe ek jor ki jhapi de dun par kya
karun jyada hil nahi sakta…

Sandy: are kya baat kar raha hai tu nahi hil sakta par main toh hil sakta hun…aur dildar bande
hain…Dildariyan marte dum tak nibhayenge…

Fir Sandy ne Raj ko gale laga liya par jyada jor se nahi…aur jaldi hi alag ho gaya…
Raj: chal yaar jyada emotional ho gaye…aur suna koi baat…

Sandy: yaar koi baar nahi bas tu jaldi theek ho ja…akela bore ho raha hun…

Raj: are koi baat nahi…aisi choti moti chotein toh lagti rehti hain…yun thik ho jayegi…

Sandy: bhai yaar kahan se lata hai aisa dil k itni takleef sehta hai par kisi aur ko mehsus nahi hone deta…

Raj: bhai apna simple funda hai….khud ki chahe jaan chali jaye par kisi apne ki ankhon mein ansoo kam
se kam meri wajah se na ayein…

Sandy: yaar main toh bata deta hun Jo takleef ho…humse nahi yuh ghut ghut kar jiya jata…

Raj: apna apna tareeka hota hai…

Fir aise hi dono batein karte rahe Sandy kareeb 7:00 baje wahan se chala gaya…uske baad us din kus
khas nahi huya…agle din(Friday) Raj aur Sandy ko chod kar sabhi college gaye…Raj toh abhi theek nahi
tha aur Sandy kus din ghar Jane ka bahana bana kar pune chala gaya tha…

Sunidhi Raj ke liye nashta lekar ayi…usne Khana ek side rakha aur Raj ko Sahara dekar bithaya…

Sunidhi: chal ab khana kha le main apne hath se khilaungi tujhe…

Raj: chalo kafi din ho gaye apke hath se khana khaye huye…

Fir Sunidhi Raj ko khana khilane lagi…aur sath sath batein karne lagi…

Sunidhi: jab Teri shadi ho jayegi tab bhi apni maa ko aise hi pyar karega…

Raj: are main konsa shadi karne wala hun…aise hi theek hun…

Sunidhi: aise thodi hota hai…kabhi na kabhi shaadi toh karega hi na…

Raj: kya yaar mom mujhe nahi karni shaadi…

Sunidhi: agar koi ladki pasand ho toh bata de Teri pasand ki ladki se hi shaadi karwa denge Teri…

Raj: mom agar apne ek baar aur shaadi ka naam liya toh main khana nahi khaunga…

Sunidhi: OK theek hai baba gussa kion karte ho…nahi bolti…

Fir Sunidhi Raj ko chup chap khana khilane lagi…Khana khilane ke baad Sunidhi bartan lekar chali
gayi…aur Raj aise hi baitha raha….

4:00 pm Raj ke kamre ke gate par knock huya…

Raj: come in…

Fir gate khula Aur Priya ander ayi…Raj abhi bhi baitha hi tha…

Raj: are tum ao baitho…

Fir Priya Raj ke paas a kar baith gayi…

Priya: kaise ho ab…

Raj: thik hun tum batao aj ka din kaisa gaya…

Priya: acha hi tha…

Raj: kaise ana hua…

Priya: kion main a nahi sakti…

Raj: nahi aisi baat nahi hai aise hi puch liya…

Priya: main tumhe notes dene ayi thi…

Raj: konse notes…

Priya: Maine college mein aj ke aur pichle do din ke notes bana liye hain…aur tere liye bhi bana diya hai
dene ayi thi…

Raj: thanks yaar…but iski kya jarurat thi main theek hote hi khud bana leta…

Priya: kion ismein kya hai…likhna hi toh hai…aur dosti ki hai toh nibhani toh padegi…

Raj: han sahi kaha…

Priya: aur ab dard toh nahi hai na…

Raj: nahi theek hun ab pehle se kam hai…

Priya: han kus din mein theek ho jayega…

Raj: pata nahi itne dino mein pait na nikal aye…

Priya: itni jaldi nahi niklega aur baad mein thodi jyada exercise kar Lena…vaise bhi cute lagoge mote
hokar…

Priya itna bol kar hasne lagi…

Raj: has lo par main mota nahi hone wala…

Fir kus der aise hi baat karne ke baad Priya wahan se chali gayi…wo kafi khus thi Raj se batein karke…aur
Raj ko bhi ab Priya se batein karna acha lagne laga tha…wo ab dil se use apna dost manne laga tha…par
Priya toh Raj se dilo jaan se pyar karti thi…
Update 51
Toh us din uske baad kus khas nahi huya…agle din bhi usi tarah sabhi college gaye Raj ko chod kar…

Karib 1:00 pm Raj ke phone ki ring baji…dekha toh Sandy ka call tha…Raj ne call pick ki…

Raj: hlo bhai kaisa hai…

Sandy: thik hun bhai tu bata…

Raj: ab kus better hun pehle se…

Sandy: achi baat hai…wo Nikhil ka kus pata chala…

Raj: nahi Bhai abhi tak toh nahi mila...tujhe kus pata chala…

Sandy: abhi nahi par jaldi hi chal jayega…main uske kisi dost ka pata lagata hun ho sakta hai usi se kus
pata chal jaye…

Raj: thik hai aur apna dhyan rakhna…

Sandy: thik hai bhai ab main phone rakhta hun fir karunga…

Raj: OK bhai…bye…

Fir Sandy ne phone kaat diya…Raj aise hi apne kamre mein baitha bore hota raha..Fir 4:30 pm ke karib
Raj ke kamre par knock huya…

Raj: are bhai khula hi hai…a jao…

Fir door khula aur Priya room mein enter ki aur uske sath ek aur ladki thi…ji han Sonia…par wo yahan kya
kar rahi thi…aur sayad yahi baat Raj bhi soch raha tha…khair Sonia aur Priya dono Raj ke paas aye aur Raj
ne unhe baithne ko kaha…

Raj: hii girls…

Priya: hii kaise ho ab…

Raj: thik hun…tum batao..

Priya: thik hun…wo main aj wale notes dene ayi thi…

Raj: thanks Priya wahan table par rakh do…

Priya ne wo notes table par rakh diye…aur wapis a kar Raj ke paas baith gayi…Sonia wahan thoda
nervous feel kar rahi thi…wo Raj se baat karne ayi thi par kar nahi pa rahi thi…toh Priya ne hi baat age
badayi…
Priya: Raj wo asal mein Sonia tumse baat karna chahti thi par kar nahi pa rahi hai…plz Raj tum ise bhi
maaf kardo…jo kus bhi Maine tumhare sath kiya ismein iski koi galti nahi hai…isne toh mujhe roka bhi
tha…

Raj: acha Toh yeh baat hai main bhi sochun k Aj yeh hamare kamre mein kaise ayi…are yaar koi baat nahi
biti baat hai…mitti pao…

Sonia: sach thanks Raj…ab kya tum mere sath bhi dosti karoge…

Raj: are tum toh jyada hi fast nikli but koi baat nahi…Tum Priya ki dost ho toh meri bhi dost…

Sonia: thanks…

Raj: dosti toh karli ab thanks kis baat ka…friendship mein no sorry aur no thanks…

Sonia: sorry yaar galti se nikal gaya…

Raj: Fir se galti se nikal gaya…

Raj ki baat sunte hi teeno hasne lage…

Fir thodi der aise hi batein karne ke baad wo dono chali gayi…Uske baad us din kus khas nahi huya…agle
din Sunday tha toh college band…aur Priya subah subah hi Raj ke ghar a tapki…Sunidhi Kitchen mein
nashta tyar kar rahi thi…usne Priya ko ander ate dekha toh wahin se awaj di…

Sunidhi: Priya beta yahan a…

Priya kitchen mein chali gayi…

Sunidhi: are aj itni subah subah…abhi toh sirf 7 baje hain…

Priya: wo aunty wo main…

Sunidhi: wo wo karne ki jarurat nahi mujhe pata hai tu kis liye ayi hai…

Priya: nahi aunty aj chuti hai toh maine socha apke paas chali jaun…

Sunidhi: jhuth mat bol mujhe pata hai mera toh sirf bahana hai..tu yahan Raj se Milne ayi hai…par beta
sorry wo toh so raha hai…tum baad mein ana…

Priya ka chehra latak gaya aur wo chup chap wahan se Jane lagi….tabhi Sunidhi ki hansi chut gayi aur
hasne ki awaj sun kar Priya jhat se piche palti…

Priya: aunty ap aise Hans kion rahi ho…

Sunidhi: Teri halat pe…jab ayi thi toh bol rahi thi mere se Milne ayi ho…par Jaise hi pata chala k Raj so
raha hai tumhara munh aise latak gaya…
Priya: aunty sorry age se jhuth nahi bolungi…

Sunidhi: ab ayi na line pe…aur ja mille abhi jag gaya hai aur yeh uska juice bhi leti Jana…

Priya: ji aunty…

Fir Priya juice ka gilas lekar Raj ke kamre ki taraf chal padi…yeh koi khas baat nahi thi par Raj ke liye kus
karke Priya ko boht acha lag raha tha…wo Jaise Jaise Raj ke kamre ke karib a rahi thi waise waise uski
sanse tez hoti ja rahi thi…wo Sharma toh aise rahi thi mano juice nahi suhagraat ke liye dhudh leke ja
rahi ho…fir usne Raj ke kamre ke door par knock kiya…Raj ne kholne ko bola Toh wo door open karke
ander chali gayi…Raj laita huya tha par jag raha tha…Raj ko ajeeb laga k itni subah Priya jahan aur uske
liye juice la rahi hai…

Raj: are tum aj itni subah subah…

Priya: wo aj college band tha toh aunty ke sath batein karne chali ayi…unhone bola k Raj ko juice de ao…

Raj: acha thik hai…mujhe baithne mein help karo…main pi leta hun…

Priya ne Juice ka gilas ek taraf rakha aur Raj ko sahara dekar baitha diya…par usne Raj ko choda nahi aur
aise hi use pakad kar pata nahi konsi duniya mein kho gayi…Jab Raj ko laga k thoda jyada hi time lag raha
hai toh usne khud hi puchna behtar samjha…

Raj: are kya hua ab chodo mujhe juice bhi pina hai…

Priya(hosh mein ate huye jhat se alag ho gayi): wo main wo kya hai na mera bracelet pillow cover mein
fas gaya tha toh use hi nikal rahi thi…

Priya ne saaf jhuth bol diya…usne bhale hi yeh bola ho k uska bracelet atak gaya asal mein uski jaan atki
thi Raj ke liye…par Raj ne jyada dhyan na diya aur juice liya aur pi kar gilas Priya ko de diya…Priya khali
gilas side mein rakh kar wahin Raj ke paas baith gayi…wo Raj se batein karna chahti thi…

Priya: Raj ab tum kaise ho…

Raj: thik hun pehle se…baki aj doctor ane wala hai wo batayega k kya improvement huyi hai…

Priya: thik hai ache se rest karo …jaldi hi thik ho jaoge…

Raj: han yeh toh hai…

Priya: Raj main agar tumse kus puchun toh tum bura toh nahi manoge na…

Raj: are nahi…pucho kya puchna hai…

Priya: tumhari koi girlfriend hai kya?

Raj: han hai na tum ho…

Priya ke chehre par ek dum se chamak ka gayi…wo bas khusi se nachne hi wali thi k tabhi Raj ne apni
baat age badhayi…

Raj: tum ho Riya hai , Isha, Diksha aur ab toh Sonia bhi…meri kitni sari friends girl hain…

Priya: kya yaar aise nahi mera matlab hai tum kisi se pyar karte ho…

Raj: han sabhi se karta hun…

Priya: yaar tumse kus puchna hi bekar hai…main jati hun baithe raho tum yahan akele…

Fir Priya khali gilas utha kar Jane lagi…Raj ne use awaj di…Priya ki sanse ek baar fir tham gayin…use laga
k Raj abhi use bol dega k wo tum hi ho jise main pyar karta hun…isi umeed mein Priya Raj ki taraf palti…

Raj: yaar jate jate gate band karke jana…

Raj ki baat sun kar Priya chid si gayi…aur gusse mein Raj ka gate band karke bahar chali gayi...wo seedha
kitchen mein gayi aur wahan Sunidhi khadi thi Priya ka mood dekh kar wo samajh gayi k kus toh huya
hai…

Sunidhi: kya hua itni ukhdi ukhdi kion ho…

Priya: kus nahi aunty Raj Sara din mujhe tang karta hai kisi bhi baat ka seedha jawab nahi deta…

Sunidhi: toh kya huya…aur aisa kya puchna tha tumne jo jawab na Milne par itna tadap rahi ho…

Priya: aunty Maine sirf itna pucha tha k tumhari koi girlfriend hai par usne baat hi ghuma di…

Sunidhi: acha toh yeh baat hai thoda sabar rakho…aisi baton mein jadlbazi nahi dikhate…

Priya: aunty mujhe Sara din yahi fikar lagi rehti hai k Raj kahin Isha se pyar na karta ho…

Sunidhi: beta tum daro mat pyar ki hamesha jeet hoti hai…tumhari bhi hogi…

Fir dono aise hi kus time batein karti rahi…aur fir Priya wahan se chali gayi aur Sunidhi breakfast tyar
karne mein busy ho gayi…
Update 52
Karib 11:30 am ko Raj ke phone par Sandy ka call aya…Raj ne call pick kiya…

Sandy: hlo bhai kaisa hai…

Raj: thik hun bhai tu bata…

Sandy: bhai main toh thik hun…aur sun mujhe Nikhil ke ek dost ka pata chal gaya hai…

Raj: yaar kya khabar sunayi hai…

Sandy: bhai ab age kya karna hai…phod dun sale ko?

Raj: abe Sara din todne phodne ki baat karta rehta hai…tu usse sirf yeh pata laga k wo Nikhil kahan hai…

Sandy: OK bhai dekhta hun…par agar na mana toh laga dunga do…

Raj: OK yaar kus bhi kar…par pata laga…

Sandy: OK bhai kaam ho gaya samjho…

Raj: OK bhai fir baad mein batana…

Sandy: OK bye…

Fir Sandy ne phone kaat diya…Toh dosto Mumbai mein toh kus khas chal nahi raha…hum aisa karte
hain…pune mein chalte hain aur dekhte hain Sandy kya kar raha hai…

Sandy Raj se baat karne ke baad ek address dekh raha tha…fir wo apni bike nikal kar Kisi taraf chal
pada…wo ek basti mein pahuncha…wahan sab gareeb log the…Sandy ne ek tute phute se makan ke age
bike roki aur fir wo door ka kunda khadkane laga…ek aurat ne darwaja khola…wo kafi dubli patli si
thi…aur Sandy ki maa ki umar ki lag rahi thi…

Sandy: namaste aunty…

Lady: namaste beta par Maine tumhe pehchana nahi…

Sandy: aunty darasal main Raghu se Milne aya tha…

Lady: beta wo toh ghar mein nahi hai…

Sandy: kahan milega wo aunty…

Lady: beta yahan se age ja kar ek khula maidan hoga…wahan baitha hoga…vehla kahin ka…

Sandy: ji aunty shukriya…

Fir Sandy ne apni bike uthayi aur us lady ke batayi huyi jagah pahunch gaya…wahan ek khula maidan tha
aur ek choti si deewar par 7-8 ladke baithe the…sab Mawali type ke lag rahe the…Sandy un ke paas chala
gaya…

Sandy: bhai tum logon mein se Raghu kon hai…

Raghu: main hun Raghu kya kaam hai…

Sandy: bhai ek kaam hai…

Raghu: sale bhade ka tatu samjha hai…ek ghuma kar dunga sari hainkdi nikal jayegi…
Sandy ko gussa toh a raha tha…par Raj ne roka tha…

Sandy: Bhai dekh munh mangi keemat milegi…

Paison ka naam sun kar Raghu ki sari gunda gardi nikal gayi…

Raghu: are bhai pehle bolna tha na batao kya kaam hai…

Sandy: nahi yahan nahi…kaam thoda secret hai…

Raghu: are ap yahan chaho bol do wahan a jaunga…

Sandy: thik hai is address par a Jana kal dopehar 12:00 baje…par akele…

Sandy ne Raghu ko ek slip di jis par Raj ke pune wale ghar ka address tha…Aur Fir wahan se chala gaya…

Asal mein Sandy ko pata chala tha…k Raghu ek kiraye ka gunda hai…aur Nikhil ke liye kaam karta
tha…isliye usne plan banaya tha k wo Raghu ko paison ka lalch dega…

Usne ghar ate hi apne kamre mein jakar Raj ko phone kiya…Raj ne bhi jaldi hi utha liya…

Raj: hlo bhai kaise phone kiya…

Fir Sandy ne Raghu ke bare mein Raj ko puri baat bata di…aur yeh bhi k wo kal ko Raj ke pune wale ghar
mein ayega…

Raj: are wah yaar Sandy tu toh jugadi ho gaya hai…

Sandy: bhai ismein kya jugad sala paison ke naam se hi behak gaya…

Raj: han par age kya karne wala hai…

Sandy: wo toh hone ke baad hi pata chalega…

Raj: sala suspense rakh raha hai…jaisa tera dil kare kar but apna khyal rakhna…

Sandy: OK bhai…mujhe kus nahi hoga…

Raj: thik hai…kaam hone ke baad batana…

Sandy: OK bhai…bye…

Fir Sandy ne phone kaat diya aur Uske baad Raj aram karne laga…Sham ko doctor aya aur Raj ka check
up kiya...check up ke baad Raj doctor se puchne laga…

Raj: doctor kya ab main chal fir sakta hun…

Doctor: han kion nahi…par jyada nahi…abhi bhi thodi weakness hai…but jaldi hi theek ho jaoge…
Sunidhi: ap ne ise thoda chalne ko kaha hai…but yeh tik kar nahi baithne wala…

Doctor: Raj aisa nahi hona chahiye nahi toh problem hogi…tum sirf subah ke time garden mein thodi
boht walk kar liya karo…din mein bahar mat niklna…

Raj: OK…dhyan rakhunga…

Fir doctor wahan se chala gaya…uske baad us din kus khas nahi huya…agle din Monday tha toh sabhi
college gaye…Raj ne subah thodi walk ki aur fir bahar sabhi ke sath baith kar nashta bhi kiya…thodi boht
toh boriyar dur huyi par fir bhi use pura din bed pe hi pade rehna tha…

Toh dopehar 12:30 Raj ke pune wale ghar mein Sandy Raghu ka wait kar raha tha...

Sandy (apne man mein): yaar yeh sala abhi tak aya kion nahi…sala wait Toh aise kara raha hai…jaise cm
ka beta ho…ek baar sale se sab kus ugalwa lun…fir ise batata hun ate daal ka Bhao….

Itne mein door bell baji…Sandy ne door open kar diya…samne Raghu khada tha…

Raghu: hlo bhai kaise ho ap…

Sandy: are acha hun ao ander ao kab se tumhara wait kar raha tha…

Raghu: Bhai apka ghar toh boht shandar hai…

Sandy: thanks bhai…tum baitho yahan sofe par main kus khane pine ko lata hun…

Raghu: are bhai iski kya jarurat hai…

Sandy: are koi baat nahi…main cold drinks lata hun…

Raghu: ji bhai…

Fir Sandy kitchen mein gaya aur do glass mein cold drink daal kar le aya…aur ek glass Raghu ki taraf
badha diya…wo dono ek ek sip pine lage…aur batein bhi karne lage…

Raghu: bhai ab ap jaldi se kaam batao fir main keemat batata hun…

Sandy: han jarur Kaam thoda muskil hai par paise munh mange milenge…

Raghu: bhai ap batao kya kaam hai…

Sandy: yeh photo dekho ise dhundhna hai…

Raghu ne photo dekhi par use jhatka laga…yeh photo Nikhil ki thi…

Raghu: bhai main ise nahi dhundh sakta…

Sandy: par kion munh mangi keemat dunga…

Raghu: bhai chahe kus bhi ho jaye…par main nahi batane wala…chahe tu apni sari jameen jayedad bhi
kion na dede…

Sandy: yaar ab toh sauda karna padega…tune meri cold drink bhi pi hai…

Raghu: Maine kaha na nahi ka matlab nahi…ab jyada mat uchal warna kaat kar faink dunga…

Sandy: sala kab se Teri bakwas sun raha hun…ab toh tu gaya…mujhe pata tha tu aise nahi manne wala
isliye pehle se intzam kiya hai…

Raghu: kya kiya hai…

Sandy: jaldi hi pata chal jayega…

Update 53
Raghu: sale sidha sidha bol kya sajish rach raha hai…

Sandy: yaar bada besabra banda hai tu...thoda sabar kar…

Tabhi Raghu ko chakar ane shuru ho gaye…aur usne Sofe ka Sahara liya hath se…

Raghu: sale tune kya kar…

Abhi uski baat puri bhi nahi huyi thi k Raghu wahin sofe par gir gaya…

Sandy: sale pata chal gaya na k kis baap se panga pada tha…abhi Raj ko khuskhabri deta hun…

Sandy ne turant Raj ko phone kiya Raj ne phone pick kiya…

Sandy: bhai khuskhabri hai…

Raj: sale tere ladka huya hai kya…

Sandy: oye bhai Maine us Raghu ko pakad liya hai…

Raj: acha tune use daboch liya…par kaise…

Sandy: bhai uske juice mein behoshi ki dwayi mila di thi…ab behosh pada hai sofe par…kam se kam 8-9
ghante tak hosh nahi ayega…

Raj: sale tu toh kamal nikla…ab dekh khud kus mat karna…police ko bula wo khud puchtach kar lenge…

Sandy: bhai kahin koi lafda na ho jaye…

Raj: are nahi hoga main inspector se baat kar leta hun…wo sab sambhal lega…

Sandy: thik hai par unhein jaldi bhejna kahin sala hosh mein na a jaye…bhai saand hai pura agar mar bhi
raha hoga toh 2-3 ko sath leke marega...

Raj: OK bhai main abhi baat jar leta hun…

Raj ne us inspector se baat ki jisne Raj ka byan liya tha…

Inspector: toh apka matlab hai Raghu abhi apke ghar mein hai…

Raj: han ap use arrest kar lijiye aur puchtach kijiye…par Sandy par baat nahi ani chahiye aur na hi ghar
par pata lagna chahiye k use hamne pakda hai…aur han Nikhil jaldi se jaldi pakda Jana chahiye…

Inspector: ji Sinha sahab…main pune mein police se baat karta hun...

Fir Raj ne phone kaat diya…aur sandy ko phone par bata diya k wo log jaldi hi Raghu ko pakad kar le
jayenge…uske jate hi tu wapis Mumbai a Jana…

Toh Police jaldi hi Raghu ko pakad kar le gayi…aur Sandy Mumbai ke liye nikal gaya…udhar Priya bhi ghar
a chuki thi…wo bas jaldi se Raj ke paas Jana chahti thi…wo apne kamre se nikal kar bahar ja hi rahi thi k
uski mom hall mein baithi thi unhone use rok liya…

Geeta: beta jara mere paas a tujhse kus baat karni hai…

Priya( beman se): kya hai mom…

Geeta: are yahan baith na…

Priya: lo baith gayi ab batao kya baat hai…

Geeta: beta wo kya hai na meri ek saheli ki beti ki Shadi hai…

Priya: wow kab hai…

Geeta: next Wednesday ko…

Priya: acha toh ap ja rahi hain kya…

Geeta: han main aur tere papa dono jayenge…aur tu bhi sath chalna…

Priya: main wahan kya karungi…ap hi jaiye…

Geeta: beta aise nahi bolte…tumhe bhi chalna chahiye…

Priya: mom main bore ho jaungi….ab ap jyada force mat kijiye…

Geeta: thik hai beta jaisi tumhari marji…

Priya: thanks mom…aur ab main Sunidhi aunty ke paas ja rahi hun…

Geeta: thik hai ja aur Raj se bhi thodi batein kar ana…bechara laita laita bore ho jata hoga…

Priya: ji mom…

Par Geeta ko kya pata k wo Raj se thodi nahi boht sari batein karne ja rahi hai…khair Priya jaldi se Raj ke
ghar chali gayi…Sunidhi hall mein hi baithi thi toh Priya pehle uske paas ja kar baith gayi…

Priya: hlo aunty…

Sunidhi: hlo beta…aj fir mujhse Milne ayi ho…

Sunidhi ne yeh vayang kiya tha aur Priya ise ache se samaj gayi thi…

Priya (Sharmate huye): kya aunty ap bhi na…

Sunidhi hasne lagi…aur Priya aise hi sharmati rahi…

Sunidhi: ab yahan baithi kya sharma rahi hai ja mil a use wo bhi ander baitha bore ho raha hoga…

Fir Priya Raj ke kamre mein chali gayi…

Raj: are Priya kaisi ho…

Priya: thik hun tum batao…

Raj: main toh ab thik hun…plz Pani la do pyas lagi hai bottle mein khatam hai…

Priya: han abhi lati hun…

Priya thodi der baad pani le ayi…aur side mein rakh kar Raj ko uthane ke liye sahara dene lagi…

Raj: are ab main khud baith sakta hun…thanks…

Fir Raj baith gaya aur pani pine laga…

Raj: Priya tumse ek baat kahun…

Priya: han kaho…

Raj: tum kitni badal gayi ho…

Priya: sab tumhare liye…

Raj: kya matlab…

Priya: wo wo kus nahi mera matlab tha k tumse dosti karne ke liye…
Raj: acha par tum hamesha aisi hi rehna kabhi badal mat Jana chahe kus bhi ho jaye…

Priya: promise nahi badlungi…

Raj: chalo aur batao kya chal raha hai…college mein…

Priya: oh Teri ki college se yaad aya aj ke notes mein ghar bhul ayi…

Aisa bolte hi Priya ne apna munh sad sa bana liya…wo boht cute lag rahi thi…Raj ko uspar hansi bhi ayi
aur pyar( normal pyar vaise wala nahi) bhi...
Raj: are koi baat nahi kal ko de dena…

Priya: thik hai…Raj tumse ek baat puchun…par seedha jawab dena ghumana mat…

Raj: han pucho kya baat hai…

Priya: kya tumhari life mein koi ladki thi…

Raj: nahi…

Priya: sach mein yah jhuth bol rahe ho…

Raj: sach yaar aj tak koi nahi…

Priya: tumhe koi pasand hai…

Raj: Isha...

Raj iske age bolta Usse pehle uske phone ki ring baji….par Priya ka dil tutne ke liye itna hi kafi tha…Priya
khud ko rok na payi aur wahan se teji se bhag gayi…wo seedha apne kamre mein jakar bed par lait kar
buri tarah se Rone lagi…Udhar Raj ko kus samaj na aya k Priya kion is tarah se chali gayi par usne Phone
Pick kiya yeh call Sandy ka tha usne Raj ko bata diya tha k wo Mumbai a gaya hai aur kal ko Raj se
milega….

Udhar Priya ka ro ro kar bura haal tha…uska dil tut chuka tha…akhir use jis baat ka dar tha wahi
huya…wo sach mein Raj ke liye boht jyada sensitive thi…wo boht pyar karti thi usse…par sayad uska pyar
Raj ki najar mein nahi aya…
Update 54
Priya ke Jane ke baad Raj apne kamre mein leta Raghu ke bare mein soch raha tha tabhi Sunidhi room
mein ayi…

Sunidhi: Raj wo Priya kahan chali gayi…

Raj: pata nahi mom use kya huya ekdum se yahan se bhag gayi…sayad kus yaad a gaya ho…

Sunidhi: han sayad…chal koi baat nahi tu aram kar dinner ke time bahar a Jana…

Raj: nahi mom abhi chalta hun…

Sunidhi: beta takleef hogi tu jyada der nahi baith payega…chup chap leta reh…

Raj: OK mom…

Fir Sunidhi wahan se chali gayi aur Raj Priya ke bare mein sochne laga use kus samaj nahi a raha tha k
Priya is tarah se kion bhagi…

Raj(man mein): yaar Priya ko achanak kya ho gaya…chalo par ek baat toh hai ab wo kitni badal gayi
hai…main jaisa uske bare mein India ane se pehle socha karta tha ab wo bilkul vaisi ho gayi hai…pata
nahi kion par usse batein karna acha lagta hai…par main uske bare mein itna kion soch raha hun…

Raj ne Priya ke bichar apne dimag se jhatke aur kahin aur dimag lagane laga Isha ki taraf…Par baar baar
Raj ke dimag mein Priya ka is tarah wahan se bhag Jana a raha tha…khair isi tarah dinner ka time huya
Raj dinner karne ke baad dwayi lekar so gaya…

Par Priya ne na toh dinner kiya aur na hi use neend a rahi thi…

Priya( apne man mein): yeh kya ho gaya…Raj Isha ko chahta hai…matlab wo mera kabhi nahi ho
sakta…ab main kya karun…par main kus galat nahi karungi…maine Raj se promise kiya hai k main kabhi
nahi badlungi…main Raj ki khusi ke liye apna pyar dawa lungi…main Raj ko yeh show nahi hone dungi k
main usse pyar karti hun…main Raj ko hamesha ek dost hi manungi….

Priya ne soch toh liya but kya yeh itna asan tha k Raj ko wo sirf apna dost mane…wo thodi der roti rahi
but fir use neend a gayi…toh akhir yeh din toh kus khusi aur kus dukh ke sath nikal gaya…

Agle din Tuesday subah 7:00 baje Raj ke ghar ki door bell baji…Sunidhi hall mein baithi thi aur naukron
ko aj ke breakfast ke bare mein bata rahi thi…

Sunidhi: ab itni subah subah yeh kon a gaya…

Naukar: mam main dekhta hun…

Sunidhi: koi baat nahi tum khana tyar karo main dekhti hun…

Sunidhi uth kar door ki taraf gayi aur door kholte hi dekha toh Sandy khada tha…

Sandy: namaste aunty…

Sunidhi: namaste beta…do teen din baad aye ho kahan the itne din…

Sandy: wo main pune chala gaya tha…

Sunidhi: acha ao ander ao…vaise sab thik toh hai na pune mein…

Sandy( ander ate huye): han sab thik hai…aur sunaiye yahan sab kaise hai…

Sunidhi: thik hai sab…vaise itni subah aye ho sab thik Toh hai na…
Sandy: han aunty wo Raj se mile itne din ho gaye the toh aj subah hi chala aya...

Sunidhi: thik hai wo apne kamre mein hai…chale jao main thoda kaam nipta lun…

Sandy: thik hai aunty…

Fir sandy Raj ke kamre mein chala gaya…Raj Bed par baitha laptop par kus kar raha tha…

Sandy: oye kya kar raha hai laptop par…

Raj: bhai kus nahi bas aise hi kus files sahi jagah rakh raha tha…aur toh kus hai nahi karne ko…tu suna
kaisa hai…

Sandy: bhai main toh ek dum acha hun…

Raj: a baith yahan…aur suna…

Sandy( bed par baith kar): bhai aur toh kus nahi…bas ab toh wo Raghu apna munh khol de…aur wo
kamina Nikhil mil jaye…

Raj: han yaar pata nahi Isha kis haal mein hogi…

Sandy: thik kaha yaar…uska toh koi apna bhi nahi hai...

Raj: han Uske mom dad ki toh pehle hi death ho chuki hai…aur koi hai nahi…( friends Isha ka koi apna
nahi hai…isliye wo trainer ban kar apna gujara karti thi pune mein uska apna ghar tha but ab wo jis
company mein job karti thi unke hi flat mein rehti thi)

Sandy: chal ab toh wo jaldi hi mil jayegi…

Raj: han sahi kaha…aur ab main use sach sach bata dunga k maine sirf uski bhalayi ke liye usse nafrat
karne ka Natak kiya tha…

Sandy: Han yaar wo bechari tere is Natak ki wajah se boht pareshan thi…hamne toh iske bare mein pata
lagane ke liye plan bhi banaya tha…par isse pehle hi yeh sab ho gaya…

Raj: sale aj kal tu kus jyada hi jasoosi kar raha hai…

Sandy: are nahi Bhai aisi baat nahi hai…

Raj: chal koi na…aur sun tu aj college ja raha hai na…

Sandy: han bhai…

Raj: achi baat hai aur pichle sabhi dino ke notes mere paas hain tu aj se bana Lena aur baki mere se copy
kar Lena…
Sandy: par bhai tere paas kahan se aye…

Raj: Priya ne hi banaye the ek mere liye ek apne liye…

Sandy kus bolna toh chahta tha par wo kus bola nahi…

Sandy: chal thik hai bhai ab main chalta hun…

Raj: OK …

Fir Sandy wahan se chal pada usne apni bike uthayi aur college ke liye nikal gaya…wo raste mein Priya ke
bare mein hi soch raha tha…

Sandy( man mein): yaar kya Priya sach bol rahi thi….kya wo sach mein Raj se pyar karti hai…ab yeh toh
nahi pata par mujhe usse maafi mangni chahiye maine us din use hospital mein boht bura bhala bola
tha…yaar wo Raj ke liye kitna kar rahi hai…

Inhi sab sochon mein khoya Sandy kab college pahunch gaya use pata hi nahi chala…usne Bike park ki
aur ander ki taraf chal pada…use Priya Sonia Riya aur Diksha garden mein khadi huyi dikhi...wo unke
paas chala gaya…

Sandy: hlo girls…

Riya: are bhaiya aj idhar ka rasta kaise bhul gaye…

Sandy: wo asal mein mujhe Priya se baat karni hai…

Priya: mujhse par kion….sab thik toh hai na…

Sandy: han wo main tumse maafi mangna chahta hun…Maine us din hospital mein tumhe bura bhala
bola tha…

Priya: are koi baat nahi…gusse mein insan galti kar deta hai…aur Maine bhi 5 saal pehle ki thi aur aj tak
uski saja bhugat rahi hun...

Yeh bolte hi Priya ki ankhon mein ansoo a gaye…aur wo wahan se chali gayi…sab hairan the Riya ne use
rokne ki kosish ki par Sonia ne use aisa karne se mana kar diya…

Sandy: ab ise kya ho gaya…

Riya: han di aur apne mujhe Priya di ko rokne kion nahi diya…

Sonia: Yaar wo boht pareshan hai…kal Raj ne use kaha k wo Isha se pyar karta hai…

Sab hairan toh huye par sabse pehle Diksha boli…

Diksha: kya Isha se Raj pyar karta hai…aisa kaise ho sakta hai…
Riya: kion ho kion nahi sakta…dekha nahi wo isha ki kitni fikar karta hai…

Diksha ko pata chal gaya k wo over react kar gayi…

Diksha: main toh aise hi puch rahi thi…mujhe toh kya pata un dono k bare mein…

Sandy: yaar main nahi manta Raj mera bhai hai wo mujhse kion chipayega…

Sonia: kya pata but Priya jyada hi sensitive hai…jab Raj behosh tha toh usne kus nahi khaya piya tha…wo
boht pyar karti hai Raj se…ab Toh wo boht dukhi hai…

Riya: dekho ab yeh toh Isha ke ane ke baad hi pata chalega…abhi sab class mein chalo…aur hamein Priya
ko sambhalna hoga…

Fir sabhi apni apni class mein chale gaye…toh hum chalte hain Raj ke ghar…Raj aur Sunidhi abhi nashta
kar hi rahe the aur Raghuveer office ke kiye nikalne laga tha…usne door khola k tabhi inspector a
gaya…Raghuveer use dekh kar ruk gaya...

Raghuveer: are ap yahan…

Inspector: namaste Sinha Saab wo asal mein Nikhil ke bare mein kus batana hai…

Raghuveer: acha toh aiye ander baith kar baat karte hain…

Fir wo ander a gaye…aur Sofe par baith Gaye….

Update 55
Raj: are Inspector sahab ap yahan…

Raghuveer: han beta Nikhil ke bare mein kus pata chala hai…

Raj: acha…

Inspector: asal mein hamne kal Nikhil ke dost Raghu ko arrest kiya tha…usse kafi der ki puchtash ke baad
yeh pata chala k Nikhil ne hi Raj par hamla kiya hai…par Isha Uske paas hai yah nahi yeh use bhi nahi
pata…

Raj: toh hai kahan wo nikhil iske bare mein kus pata chala…

Inspector: han usne bataya k wo pune mein hi hai…uska ek adda hai wahin par hai…abhi abhi hi pata
chala hai toh seedha apko batane chala aya…

Raj: thanks…ab ap plz Isha ko kisi bhi halat mein dhundhiye…

Inspector: han pune se police gayi hai Raid Marne…dekhte hain kya milta hai…

Raj: ji thik hai hamein phone karke bata dena…

Inspector: ji…ab main chalta hun…

Raghuveer: are nashta karke jaiye…

Inspector: nahi ji…shukriya…but main ghar se karke aya hun aur vaise bhi main duty ke liye late ho raha
hun…

Raghuveer: jaisi apki marji…

Fir Inspector chala gaya aur Raghuveer bhi office ke liye nikal gaya…ghar mein sirf Raj aur Sunidhi hi
bache the…

Sunidhi: kitna acha hai na yeh inspector…nahi toh aj kal koi bhi apni duty ache se nahi karta…

Raj: han mom apne sahi kaha…

Sunidhi: beta tum ab Dwayi lekar aram karo…

Raj: kya yaar mom…jata hun…

Raj apne room mein chala gaya…aur laptop par movie dekhne laga…usne movie dekhne ke baad laptop
side mein rakha aur Isha ke bare mein sochne laga…

Raj( man mein): yaar kafi time ho gaya par isha ke bare mein kus pata nahi chala…kya main inspector se
phone par puchun…par acha nahi lagta k aise hi kisi ko pareshan karte raho…pata nahi kab Ishu sahi
salamat wapis ayegi…ek yeh chot jiski wajah se main khud kus nahi kar pa raha hun...

Raj aise hi Isha ki fikar karta raha…udhar college mein sabhi lecture attend karne ke baad sabhi canteen
mein baithe the…Monty aur Sandy bhi ladkion ke sath hi baithe the…sabhi Priya ko hausla dene mein
lage huye the…

Sonia: yaar tum fikar mat karo sab thik ho jayega…

Sandy: han yaar mujhe bhi nahi lagta k Raj Isha se pyar karta hai nahi toh wo mujhe batata…

Riya: di ap fikar mat kijiye ho sakta hai koi galtfehmi huyi ho…

Priya: yaar tum sab bas bhi karo…Raj mera dost hai uski khusi jis chij mein hogi main bhi usi mein khus
hun…agar wo Isha ke sath khus hai toh main bhi khus hun…agar wo mujhe pyar nahi karta toh kya hua
main toh karti hun na…main apna pyar marte dum tak nibhaungi…ab chalo sab fatafat khana khatam
karo…mujhe Raj se bhi milna hai ghar ja kar…

Priya ki baat sun kar sab ko boht khusi huyi k wo Raj se sach mein boht pyar karti hai…wo Raj ki khusi k
liye kus bhi kar sakti hai…khair sabhi ne khana khatam kiya aur apne apne ghar ke liye nikal pade…ghar
pahunch kar Priya apne room mein gayi…fresh hone ke baad change kiya…aur bed par baith kar Raj ke
bare mein sochne lagi…

Priya( man mein): Kya mujhe Raj ke paas Jana chahiye…Main kaise uska samna karungi…par agar nahi
gayi toh wo kya sochega k main kion use avoid kar rahi hun…mujhe Jana chahiye…par main kosish
karungi k apni feelings par kabu pa sakun…

Yeh soch kar Priya ne notes uthaye aur Raj ke ghar chal padi…Wahan pahunch kar wo seedha Raj ke
room mein chali gayi…par wo apne khyalon mein khoyi huyi thi aur knock karna bhul gayi…Raj apni shirt
utar kar mirror ke samne khada tha…aur Priya ko aise achanak dekh kar wo ek dum se sakpaka
gaya…Priya kam Sharma rahi thi aur Raj jyada…Priya wapis mud kar bahar Jane lagi…par Raj ne jaldi se
shirt pehni aur...Priya ko awaj di…

Raj: Priya a jao…and sorry mujhe door lock karna chahiye tha…

Priya(palat kar): sorry toh mujhe kehna chahiye Maine knock nahi kiya…vaise tumhari Peeth ka jakham
ab bhar gaya hai…

Priya yeh bol kar hans padi…Raj ne apni garden niche karli…Par Raj ki najar na chahte huye bhi Priya ke
khubsurat chehre ki taraf ja rahi thi…wo Hasti huyi boht cute lag rahi thi…Priya aur Raj ki najar ek pal ke
liye mili…par Raj ne apni najrein niche kar li…Priya ne bhi baat badal di…

Priya: Isha ka kus pata chala…

Raj: han aj police Raid Marne gayi thi Nikhil ke adde par…but abhi tak kus pata nahi chala...unhone kaha
tha k wo phone kar ke bata denge…

Priya: chal koi baat nahi…sab thik ho jayega…

Raj: han…ao baitho…

Priya bed par baith gayi…

Raj: Priya kal tum ek dum se kion bhag gayi..kya hua mujhe laga mujhse kisi baat se naraz toh nahi ho
na…

Priya: agar naraz hoti toh aj yahan kion ati…mujhe kal Sonia ko phone karna tha…par main bhul gayi
isiliye jab yaad aya toh jaldi mein chali gayi…(Priya yeh jhuth pehle se soch kar ayi thi)

Raj: OK…aur sunao…

Priya: kus nahi...yeh lo apne notes...

Fir thodi der aise hi batein karne ke baad Priya wahan se chali gayi…usne apne ap par pura kabu rakha k
kahin Raj ko shak na ho jaye k wo usse pyar karti hai…aur uske aur Isha ke bare mein pata lagne se dukhi
hai…wo normal rehne ki kosish kar rahi thi…

Priya ke Jane ke baad Raj ke paas inspector ka phone aya…Raj ne number dekhte hi jaldi se phone pick
kiya…

Raj: hlo…Isha mil gayi kya…

Inspector: are thodi sans lijiye…sab batata hun…humne Nikhil ke adde par raid mari par kisi ne hamare
pahunchne se pehle hi Nikhil ko maar dala…Isha ka koi pata nahi hai…wo nahi mili…wahan par sirf Nikhil
ki lash mili hai…

Raj: aisa kaise ho sakta hai…Nikhil ko kisne maar diya…

Inspector: ho sakta hai k Isha ne maar diya ho aur Khud wahan se bhag gayi ho…

Raj: Isha aisa nahi kar sakti…mujhe lagta hai Isha jarur kisi musibat mein hai…

Inspector: abhi kus keh nahi sakte…hum janch kar rahe hain…dekhte hain kya hota hai…

Fir Raj ne phone kaat diya wo boht bade sadme mein tha…kionk use kus samaj nahi a raha tha k wo kya
kare…Use nahi pata tha k Isha kahan hogi…kiske paas hogi…Nikhil ke Milne se Jo umeed jagi thi wo bhi
khatam ho gayi thi…Ab kus nahi pata tha is sab ke piche kon tha…Raj ne Sandy ko phone kiya…Sandy ne
jaldi hi phone pick kar liya…

Sandy: hlo bhai kaisa hai…

Raj: bhai theek hun…tu bata …

Sandy: Bhai main toh thik hun…par wo kamina nikhil kahin mila kya…

Raj: bhai kisi ne use maar diya…

Sandy( wo ek dum se hairan tha): bhai kya bol raha hai…

Raj ne Sandy ko puri baat batayi…Sandy ka bhi Raj jaisa hi haal tha…

Sandy: bhai ab kya hoga…Isha kahan hogi…bhai mujhe uski boht fikar ho rahi hai…

Raj: bhai kus keh nahi sakte…fikar toh mujhe bhi ho rahi hai…par ab kya pata k iske piche kiska hath hai…

Sandy: han bhai agar Nikhil mar gaya toh aur kon ho sakta hai…

Raj: wahi Toh meri bhi samaj mein nahi a raha…

Sandy: chal bhai kus sochte hain kya pata kisi ka naam yaad a jaye…

Raj: thik hai bhai par kya pata k kon ho sakta hai…chal baad mein baat karta hun…

Fir Raj ne phone kaat diya Sandy bhi boht hairan aur pareshan tha…use kus samaj nahi a raha tha k kon
ho sakta hai…kahin Priya toh nahi…par use kya pata k Nikhil kahan tha…toh kon ho sakta hai…

Tabhi Raj ke phone par kisi unknown number se call ayi…Raj ne thoda sochne ke baad call pick ki…

Raj: hlo kon bol raha hai…

Samne se jo jawab aya wo sun kar Raj ek dum se hairan reh gaya...Raj ko umeed nahi thi k samne se aisa
jawab ayega…
Update 56
Toh dosto Jo phone par Raj ke sath baat kar raha tha wo Isha hi thi…

Isha(hamfte huye): Raj…mujhe bacha lo Raj…

Raj: Isha?

Isha: Han Raj mujhe bacha lo yeh log mujhe maar dalenge…

Raj: kon mar dalega tumhe…aur ho kahan tum…

Isha: Raj pata nahi kon hai…un logon ne Nikhil ko bhi mar dala…par main kisi tarah se Bach nikli…maine
Nikhil ka phone utha liya tha…yeh usi ka number hai…

Raj: OK tum batao is waqt kahan ho…

Isha: main mumbai mein hun xxx street mein chupi huyi hun…

Raj: tum mumbai mein kaise ayi...

Isha: wo Sab baad mein bataungi…abhi tum mujhe bacha lo plz…

Raj: OK main abhi aya…

Raj ne phone kata aur bahar ki taraf chal pada…Sunidhi ne use jate huye dekha…

Sunidhi: Raj kahan ja rahe ho…

Raj ne koi jawab nahi diya aur wo aise hi bahar ki taraf chalta raha…Sunidhi bhi uske piche chal padi…

Sunidhi: Raj ruko tumhe doctor ne ghar par rehne ko kaha hai…kahan ja rahe ho…

Par Raj ne koi baat nahi suni aur apni car nikal kar chal pada…Sunidhi ko boht fikar hone lagi…Raj boht
ajeeb behavior kar raha tha…Sunidhi seedha Priya ke ghar ki taraf daudi…wahan hall mein Priya aur
Geeta baithi thin…Sunidhi ko is tarah gabraya huya dekh kar Geeta ne pucha…

Geeta: kya huya Sunidhi sab thik toh hai na…

Sunidhi: kus thik nahi hai…Raj pata nahi gadi lekar kahan chala gaya hai…wo boht ajeeb lag raha
tha…mujhe boht fikar ho rahi hai…

Priya Sunidhi ki baat sunte hi ghabra gayi use kus samaj nahi aya aur wo bina kus soche samjhe garage ki
taraf daudi Geeta Aur Sunidhi bhi use awaj lagate huye Uske piche daudi but tab tak Priya car lekar nikal
chuki thi…

Sunidhi: ab yeh kahan chali gayi…

Geeta: pata nahi…hume Mohit aur bhaisahab ko phone kar dena chahiye…

Sunidhi: han sahi kaha tumne…

Udhar Priya ko ab kus samaj nahi a raha tha k wo kahan jaye…usne apna earphone kaan mein lagaya aur
Raj ko call kiya Raj ne bhi phone pick kiya…

Raj: hlo han bolo Priya…

Priya: tum kahan ja rahe ho…pata hai ghar mein sab kitne pareshan hain…

Raj: yaar dekho kisi ko batana mat main xxxx street ja raha hun…wahan khatra hai koi bhi mere piche
mat ana…

Raj ne age koi baat nahi ki aur phone kaat diya…

Priya ne bhi gadi usi address ki taraf dauda di…

Raj jaldi hi us jagah pahunch gaya…Raj ko boht tez dard hone laga tha but use abhi isha ko bachana
tha…Raj ne Isha ko usi number par phone kiya…Isha ne jaldi hi phone pick kar liya…

Raj: hlo Isha kahan ho tum main pahunch gaya hun…

Isha: main yahan ek sweets shop mein chupi huyi hun…

Raj ne as paas dekha toh use ek sweet shop najar ayi…

Raj: yeh purani si shop…

Isha: han…

Raj: toh tum bahar a jao…main bahar hi khada hun…

Fir us shop ka darwaja khula aur Isha bahar a gayi…Isha ka boht bura haal tha…uske Baal bikhare
huye…chehre par dhul mitti ke nishan aur Sukh chuke ansoo ke nishan the…use dekh kar Raj ka dil fat sa
gaya…ek hamesha khus rehne wali khubsurat ladki ki itni maadi halat dekh kar Raj kus pal ke liye apna
dard bhi bhul gaya…

Udhar Isha ne Jaise hi Raj ko dekha toh usne Raj ki taraf daud laga di aur seedha ja kar Raj ko apni bahon
mein bhar liya…aur phut phut kar rone lagi…Raj uske Sir ko sehlane laga aur use hausla dene laga…

Raj: chup ho jao Ishu…main a gaya hun na sab thik ho jayega…

Isha: Raj tum kahan the…tumhe pata hai Maine tujhe kitna yaad kiya…mujhe pata chala k us kamine
nikhil ne tum par attack kiya…main chah kar bhi tumhare paas nahi a sakti thi…

Raj: Maine bhi tumhe boht miss kiya…but abhi batein karne ka time nahi hai…chalo phata phat gadi
mein baitho…

Raj ne Isha ko apne se alag kiya aur gadi ki taraf Jane laga…but tabhi peeche se kisi ki awaj ayi…

Itni bhi kya jaldi hai…jara humse toh milte jao…

Raj aur isha ne palat kar dekha toh samne 6 ladke yah kahein gunde khade the…unhe dekh Kar Isha toh
dar ke mare Raj ke peeche chup gayi…

Raj: dekho hamein Jane do…

Gunda1: Maine tumhe kab roka Jana hai toh jao par ladki ko hamare hawale karte jao…

Raj: main Ise apne sath lekar jaunga…

Gunda2 : hum Jane denge tab na dekho hum tumhe kus nahi karna chahte humein bas yeh ladki
chahiye…chup chap dedo warna acha nahi hoga…

Raj: kya karloge tum log…

Isha (dar ke mare): Raj chalo yahan se…

Par tabhi un logon ne Raj par attack kar diya…Raj ne bhi na ao dekha na tao sabse age wale ke pait mein
aisa ghusa mara k wo 4 feet dur jakar gira…uski aisi halat dekh kar baki ke wahin ruk gaye…Raj ne isha ko
gadi ki chabi di aur ander baithne ko kaha…

Isha: nahi tum bhi chalo…

Raj: Maine kaha na tum car mein jakar baitho…sunayi nahi deta kya…

Raj ne yeh chilate huye kaha aur Isha chup chap Gadi mein jakar baith gayi…Tabhi un mein se ek gunde
ne Raj par chaku se waar kiya…Raj toh Bach gaya par uski t- shirt fat gayi…Raj ne T-shirt ko faad kar fenk
diya…Raj ki muscular body aur six pack dekh kar gundon ki pant geeli ho gayi…par bechare adat se
majbur hain…hero se maar khaye bina mante nahi toh ek sath do chale aye Raj ki taraf…

Raj ne ek ko hath se pakda aur ghuma kar dusre se de Mara…dono ek hi baar mein dher…tabhi ek aur
aya aur Raj ko laat Marne laga…Raj ne uski wahi laat pakdi aur use utha kar munh ke bal patak
diya…abhi bhi do Baki the…Raj ko un dono ne dono taraf se ghair liya…unmein se ek Jaise hi Raj ke munh
par ghunsa Marne laga Raj ne apne ghutno ke bal baith kar seedha uske pait mein de mara usne apna
pait pakad liya aur Raj ne uski Peeth par kohni se aisa waar kiya k wo wahin munh ke bal pasat ho
gaya…ab bacha akhiri wala…yeh toh bechara aise hi dar ke mare kaamp raha tha…

Par fir se wahi purani adat k maar khaye bina toh akal ati nahi…Usne Raj ke pait mein jordar ghunsa jaad
diya…par Raj ne uske jabde par jump le kar aisa ghunsa Mara ke pheli hi baar mein uske munh se khun ki
ek dhar nikli aur wo munh ke bal jameen par ja gira…

Sabhi ko thikane laga kar Raj gadi ki taraf chal pada aur Isha bhi gadi se nikal kar ayi…aur bhag kar Raj ko
gale laga liya…Raj ki Peeth ke jakham bhar toh chuke the par itni takat lagane ki wajah se unmein dard
hone laga tha…Raj ke munh se ek aah nikal gayi…

Abhi Raj aur Isha ek dusre ke gale lage hi the k tabhi unmein se ek gunda utha aur chaku utha kar Raj ki
taraf dauda…Isha ne use dekh kiya par Raj ki Peeth uski taraf thi toh wo nahi dekh paya…isha ke munh
se cheekh nikal gayi but isse pehle ke wo Raj ko koi nuksaan pahuncha pata usse pehle ek mota danda
Uske Sir mein laga aur wo behosh hokar gir gaya…

Raj ne palat kar dekha toh Priya hath mein danda liye khadi thi…

Raj: tum yahan kya kar rahi ho…maine mana kiya tha na…

Par Priya ne koi jawab nahi diya aur ek jhanatedar thapad Raj ki gaal par jad diya Raj ke sath sath Isha ki
bhi halat patli ho gayi…par agle hi pal Priya ne Raj ko apni bahon mein bhar liya aur rone lagi…

Priya: pagal ho Gaye ho kya tum… agar kus ho jata toh hamara kya hota pata hai ghar mein mom aur
aunty kitne pareshan hain...

Raj ne Priya ko khud se alag kiya…

Raj: dekho Priya yahan Isha ki jaan khatre mein thi…

Priya: kam se kam kisi ko bata toh dete…agar kus uch nich ho jati toh hum tumhe kahan dhundte…

Raj ko apni galti ka ehsas ho chuka tha usne Priya ke ansoo poche…

Raj: sorry yaar mujhe kus samaj nahi aya k kya karun…aur mara mujhe aur tu ro khud rahi hai…ab chup
ho ja ghar chalte hain…

Priya: thik hai ghar mein hum sab Milkar tumhari khabar lete hain…

Raj: OK baba par abhi toh ghar chalo…

Fir raj aur isha Raj ki gadi mein aur Priya apni gadi mein ghar ki taraf chal pade…
Update 57
Raj aur Isha ke man mein kayi sawal the par unhone raste mein koi baat nahi ki…ghar jate hi Raj ne gadi
garage mein park ki aur Isha ko lekar ander ki aur chal pada…ander pahunchte hi…ghar mein sabhi log
khade the…Raj aur Priya ki puri family…Sandy Riya Aur Sonia bhi a chuke the…Priya bhi Raj se pehle ghar
pahunch gayi thi…

Sabhi ki najrein Raj ki aur thi…sabhi Raj se apne boht sare sawalon ke jawab chahte the…Raj ko bhi pata
tha k use boht jyada daant padne wali hai…wo apne ap ko prepare kar raha tha…par tabhi uski umeed se
ulta Sunidhi kus aur hi boli…

Sunidhi: Priya Isha ko mere kamre mein le jao aur Isha beta tum wash lene ke baad yeh Priya ke kapde
pehan Lena( Sunidhi ne Priya ka ek lower suit jo usne Geeta se mangwa liya tha wo Isha ko diya)….aur
tum bhi Raj apne kamre mein jakar fresh ho jao…

Raj: wo mom sorry…

Sunidhi: beta koi baat nahi Priya ne hamein sab bata diya hai…hamein tum par Garv hai…

Raj ne Priya ki taraf dekh kar ankhon hi ankhon mein shukriya kaha aur Priya ne bhi usi andaz mein
jawab diya…Fir Raj apne kamre mein chala gaya aur Isha Priya ke sath Sunidhi ke kamre mein…

Raj fresh hokar apne bed par jakar baith gaya uski peeth mein boht jyada dard ho raha tha…usse khada
bhi muskil se huya ja raha tha…agar is waqt use koi dekh leta toh koi keh hi nahi sakta tha k yahi Raj kus
time pehle 6-6 logon ko Peet raha tha…

Tabhi Raj ke kamre mein sabhi log ek sath enter huye Priya aur Isha ko chod kar…jaise hi Sunidhi ki najar
Raj par padi Jo dard ke karan bed par karwatein badal raha tha wo bhag kar uske paas ayi…uski medicine
mein se ek tablet nikal kar use pani ke sath di…fir Raj ko pait ke bal laitne ko kaha…

Sunidhi: beta kya jyada dard ho raha hai agar kahe toh doctor ko bula lein…

Raj: nahi mom thik ho jayega agar Isha ne shower le liya ho toh plz use bula do…

Sunidhi: beta wo a jayegi…

Tabhi gate khula aur Priya aur Isha kamre mein enter huyi ab Isha ka huliya kafi acha tha ab wo boht
khubsurat lag rahi thi…wo seedha Raj ke paas chali gayi…

Isha: Raj meri wajah se tumhe takleef huyi na…

Raj: nahi yaar aisi baat nahi hai…han takleef toh huyi thi but jab tu yahan nahi thi…ab bas thoda dard hai
theek ho jayega…

Isha: lao mujhe apni chot dikhao…

Raj( dhire se): yaar sab log hain jahan…

Isha: are shirt ko thoda upar hi toh karna hai…konsa utarne ko bol rahi hun…lao main khud kar leti hun…

Fir isha ne Raj ki shirt upar ki taraf ki aur Raj ke jakham dekhne lagi ab sabhi jakham bhar gaye the…

Isha: ab toh thik lag rahe hain…

Sunidhi: han beta ab toh thik hain…but tumhe toh koi chot nahi lagi na…

Isha: nahi aunty main bilkul theek hun…aur ab kya koi mujhe ghar chod dega…main kal ko a jaungi…

Raj: agar bahar ek pair bhi daala toh tangein tod dunga…abse tum yahin rahogi…aur Han ab office Jane
ki bhi koi jarurat nahi hai…

Isha: Raj tum kaisi batein kar rahe ho main aise kaise tumhare ghar mein ruk sakti hun…

Raj(baith gaya tha): Isha mera nahi hamara ghar…dekho tum hamesha se mere liye ek dost se badh kar
rahi ho…main tumhe aise khatre mein nahi chod sakta par main tumhare sath jabardasti nahi
karunga…agar tum mujhe apna kus nahi manti toh ja sakti ho…

Isha: Raj tum kya bol rahe ho…tumhe pata hai na mera is duniya mein tere ilawa koi nahi hai…

Raj: toh thik hai tum aj se yahin rahogi...

Isha: par mere yahan rukne se kisi ko koi problem toh nahi hogi na…

Raghuveer: nahi beta kaisi batein kar rahi ho…Raj ki itni achi dost ho…aj se tum hamare pariwar ka ek
hissa hi ho…

Isha: thanks uncle…toh thik hai main yahin rahungi…ab toh khus…

Raj: han boht khus…

Sunidhi: beta main aur Geeta khane ka intzaam karte hain…tum sabhi batein karo…

Priya: aunty main bhi ati hun….( Priya wahan aur nahi ruk pa rahi thi sirf wo hi janti thi k kisi aur ko Raj
ke itna close dekh kar uske dil par kya beet rahi thi but Raj ki khusi ke liye wo sab sehne ko tyar thi)

Sonia: chalo main bhi ati hun…

Fir wo charon wahan se chali gayin…

Mohit: beta Raj mujhe lagta hai hamein police ko is sab ke bare mein bata dena chahiye…

Raj: ji uncle…akhir in sab ke piche hai kon yeh bhi toh pata chale…

Raghuveer: thik hai beta hum police station ja rahe hain…

Fir Mohit aur Raghuveer police station chale gaye…aur kamre mein sirf Isha Raj Sandy aur Riya hi
bache…

Sandy: bhai mujhe Toh bata deta…

Raj: yaar time nahi tha…vaise bhi Maine sab thik toh kar diya…

Isha: han thik toh kar diya but agar sahi time par Priya nahi ati toh pata nahi kya hota…kitni achi ladki hai
na wo tumne kabhi uske bare mein mujhe bataya kion nahi…

Raj: yaar fir kya huya ab pata chal gaya na…

Riya: Isha ji ap toh thik hai na…

Isha: han main toh thik hun…Raj ki wajah se…but tum mujhe yeh ji mat kaho…aise lagta hai Jaise main
koi ajnabi hun…yah budhi hun…
Riya: ap mujhse badi ho…toh kya main apko di keh sakti hun…

Isha: han yeh thik hai…apnapan jhalkta hai…

Raj: yaar Isha vaise huya kya tha tumhare sath shuru se batao…

Isha: jis din tum par attack huya us din Nikhil ne mujhe office se ghar jate waqt kidnap kar liya…uska plan
mujhe lekar kahin dur Jane ka tha but tab tak usne mujhe pune mein hi rakha…but aj un 6 gundon ne
achanak wahan par attack kar diya aur Nikhil ko maar diya…

Raj: but tum Mumbai kaise ayi…

Isha: Nikhil ko Marne ke baad wo log kisi se phone par baat kar rahe the Jaise wo kisi ke orders follow
kar rahe hon…fir wo log mujhe Mumbai le aye but main kisi tarah bhagne mein kamjab ho gayi aur mere
paas Nikhil ka phone tha Jo Maine chori se utha liya tha usi se tumhe phone kiya...

Sandy: yaar us kamine ke sath toh acha huya…agar koi aur use na Marta toh main hi maar deta…

Raj: han par yeh sab kisne kiya…koi bhi ho hai boht khatarnak…jise itne Dino se police nahi dhundh payi
use dhundh kar maar bhi dala…

Riya: han tumhari baat bilkul sahi hai…yeh kisi aise vaise admi ka kaam nahi hai…

Sandy: yaar ab use bhul jao abhi toh aj khusi manao…akhir sab kus thik ho gaya…

Raj: han tum sahi keh rahe ho…Ishu wapis ghar a gayi yahi hamare liye boht hai…

Isha: han par mujhe ek baat samaj nahi ayi…pehle toh tum mujhse nafrat karte the par aj ekdum se
mujhe bachane ke liye apni jaan khatre mein kion daal di…

Raj: yaar main tumhe koi nafrat nahi karta tha wo toh mujhe Nikhil ne dhamki di thi k agar main
tumhare as pas bhi najar aya toh wo tumhe jaan se maar dega…isliye Maine wo sab Natak kiya…par
tumne bhi toh mujhe phone kiya agar main na ata toh…

Isha: mujhe apni friendship par pura yakeen tha…

Sandy: mujhe bhi toh phone kar sakti thi….

Isha: han jarur but tum itne lazy ho k jab tak ate tab tak wo log mujhe mar kar faink dete…

Isha ki baat par sabhi Hans pade Sandy bhi…Raj bhi aj boht dino baad itna khus tha…tabhi Sunidhi Ki
awaj ayi…

Sunidhi: Beta sabhi dinner karlo…

Sandy aur Riya toh chale gaye but Isha wahin baithi rahi…

Raj: are tum bhi jao khana kha lo…

Isha: nahi pehle mujhe kus puchna hai…

Raj: kya puchna hai…

Isha: yeh tumhara aur Priya ka kya chakar hai kab se chal raha hai yeh sab…

Raj: yaar mujhe lagta hai Nikhil ne tumhare sir mein kus maar diya hai Jo tum aisi batein kar rahi ho…

Isha: dekho jis tarah se wo tumhari fikar kar rahi thi koi bhi samaj jaye k tum dono mein jarur kus hai….

Raj: yaar aisi baat nahi hai ab chalo jaldi se khana kha lo main toh yahin khaunga…

Fir Isha na chahte huye bhi wahan se chali gayi wo Raj ko jyada pareshan nahi karna chahti thi…Raj aise
hi wahan baitha Isha ki baton ko sochta raha…

Raj(apne man mein): yaar yeh Isha ko kya ho gaya hai use aisa kion lag raha hai k mere aur Priya ke
beech mein kus hai…jabki aisa toh kus bhi nahi hai…
Update 58
Raj inhi sab sochon mein khoya huya tha k tabhi Priya Uske liye khana lekar ayi…Raj ab Priya ko alag
najar se dekh raha tha kionk wo dekhna chahta tha k Isha ne aisa kya dekha Jo usne nahi dekha…

Raj: thanks Priya…tumne khana kha liya…

Priya: han Maine toh kha liya…tum kha lo main chalti hun…

Raj: are baitho kus time…and thanks aj mujhe pehle gundon se aur ab ghar par bachane ke liye…

Priya: fir kya huya vaise tumne Isha ko kion bachaya…

Raj: wo meri dost hai…

Priya: toh tum bhi mere dost ho…maine bhi wahi kiya Jo tumne kiya…

Raj ko koi aisi baat nahi lag rahi thi Jo use normal na lage…use ab bhi lag raha tha k wo dono sirf dost
hain…

Raj: vaise papa aur uncle police station se a gaye kya…

Priya: han abhi khana kha rahe hain…

Raj: thik hai papa ko bolna k baad mein mujhse baat kar lenge…

Priya: thik hai keh dungi OK toh ab main chalti hun…

Fir Priya wahan se chali gayi aur Raj khana khane laga…wo ab baar baar Priya ke bare mein soch raha
tha…jab se Isha ne usse pucha tha tab se uska dimag bas yahi janne mein laga tha k Isha ne aisa kion
bola…
Wo kehte hain na k apke dimag mein Jo chij baith jaye wahi chalti rehti hai…thik usi tarah Jo Priya Raj ke
liye ek simple ladki thi wahi ab Uske liye paheli ban chuki thi…

Khair itne mein Raj ke kamre mein Raghuveer aya…aur wo Raj ke paas uske bed par ja kar baith gaya…

Raj: papa apne police ko sab bata diya kya…

Raghuveer: han beta sab bata diya aur unhone kaha k Isha ka byan Lena padega…toh Maine unhe subah
ghar ane ko bol diya hai…

Raj: acha kiya papa vaise bhi wo bechari thak gayi hogi…aj use aram karna chahiye…

Raghuveer: han beta aur ab tu bhi aram kar subah baat karte hain…

Raj: ji papa…

Fir Raj ne apna khana khatam kiya aur Raghuveer ke Jane ke baad lait kar aram karne laga…tabhi Sunidhi
ne use medicine di aur wo so gaya…

Agle din Wednesday subah 8:30 baje…Baki sab college ja chuke the aur Raj uske mom dad aur Isha
dinning table par nashta kar rahe the…tabhi door bell baji naukar ne darwaja khola…aur inspector ander
a gaya…

Inspector: sorry ap logon ko khane ke waqt disturbe kiya…

Raghuveer: are koi baat nahi ap baithiye hum khatam karke ate hain aur agar chahein toh hamein join
kar sakte hain…

Inspector: nahi sinha Saab main baith ta hun…

Fir inspector wahin sofe par baith gaya aur nashta khatam karne ke baad Sabhi uske paas chale gaye aur
sofon par baith gaye…

Raghuveer: Han toh ap Isha ka byan lene aye hain…

Inspector:ji han…

Isha: toh puchiye main kya bataun…

Inspector ne Isha se kayi sawal kiye aur Isha ne bhi saaf jawab de diye…

Raj: toh apne Isha ka byan toh le liye Par jin logon se Maine Isha ko bachaya tha unhone ne kus bataya
kya…

Inspector: nahi hum logon ne unhein hospital mein admit kiya but wahan na Jane kaise par kisi ne in
sabhi ko maar dala…
Raj: aisa kaise ho sakta hai in logon ke jariye asli murjim tak pahuncha ja sakta tha…par ap logon ne kaise
unhein Marne diya…

Inspector: yeh toh meri bhi samaj mein nahi a raha…kya pata kisne kiya par in logon ki maut dum ghutne
ki wajah se huyi hai…

Raj: aise kaise koi wahan ghus gaya kya ap logon ne koi security Nahi rakhi thi…

Inspector: mujhe lagata hai k yeh case itna asan nahi hai…kus keh nahi sakte par Jo bhi yeh sab kar raha
hai…wo boht hi dimag wala hai…khair hum janch kar rahe hain dekhte hain kus toh pata chalega hi…toh
ab main chalta hun Jaise hi kus pata chalta hai main ap logon ko bata dunga…

Raghuveer: thik hai…

Fir wo inspector chala gaya…

Raj: yaar ho kya raha hai…aisa kon hai jo police se bhi tej hai…

Isha: kya pata…ab kya karenge wo log bhi mare gaye ab kaise pata chalega k in sab ke peeche kon hai…

Raj: yaar kus toh karna hi padega sochte hain…ab toh main apne kamre mein ja raha hun…

Sunidhi: thik hai jao…

Isha: Raj main aj ghar se saman lene ja rahi hun…

Raj: tum kahin nahi jaogi…kisi ko bhej dena…

Isha: par Raj…

Raj ne koi baat nahi suni aur ander chala gaya…

Sunidhi: beta koi baat nahi hum mangwa denge…agar wo bol raha hai toh tumhari bhalayi ke liye hi…

Isha: ji aunty…

Fir Isha bhi apne kamre mein chali gayi…Khair sham ko jab Priya Raj ke ghar ayi toh Isha hall mein hi
baithi thi…

Isha: Priya are tum yahan ao baitho mere paas…

Priya: hii kaisi hain ap…

Isha: thik hun tum batao…

Priya: main bhi thik hun…

Isha: Priya mujhe tumse baat karni hai…

Priya: han boliye…

Isha: yahan nahi mere kamre mein chalo…

Priya: OK…

Priya ko kus samaj nahi a raha tha k aisi konsi baat hai…par wo Isha ke piche piche uske kamre mein
chali gayi…Isha ne gate band kiya aur Priya ko lekar bed par baith gayi…

Isha: Priya main Jo kehne wali hun mujhe pata hai tujhe ajeeb lagega but Maine yeh baat notice ki hai…

Priya: ji boliye kya baat hai…

Isha: Priya mujhe aisa lagta hai k Raj aur tumhare beech kus hai…matlab dosti se badhkar kus …tum
samaj rahi ho na…

Priya: yeh ap kaisi batein kar rahi hain…aisa kus bhi nahi hai Raj aur main sirf dost hain…

Isha: yaar dekho Maine Raj se is bare mein pucha par uska bhi yahi jawab tha…par mujhe pata hai k tum
Raj ko pyar karti ho…

Priya: nahi aisa kus nahi hai main ab chalti hun…

Priya Jane lagi toh Isha ne uska hath pakad liya…

Isha: yaar dekho mujhe pata hai k hum ek dusre ko ache se jante bhi nahi hain…par fir bhi agar tum
chaho toh apne dil ki baat mujhe bata sakti ho…main kisi ko nahi bataungi…Raj ko bhi nahi…

Priya bhi ab apne apko aur nahi rok payi wo kal se Raj aur Isha ko ek sath dekh kar ghut ghut kar mar
rahi thi…usne sab kus Isha ke samne bol diya…

Priya: han main karti hun pyar Raj se…boht jyada apni jaan se bhi jyada…but wo nahi karta mujhse pyar
aur mujhe koi shikayat bhi nahi hai…main uski dosti mein hi khus hun…par ap jaan kar kya karengi…main
janti hun k Raj ke dil mein Jo pyar apke liye hai wo mujhe nahi mil sakta…apki jagah main kabhi nahi le
paungi…

Priya ne Sab kus ek hi saans mein bol diya aur uske dil ka dard uski baton aur ansuon ke jariye beh
nikla…par Isha ne use chup karane ki kosish nahi ki aur apni baat kahi…

Isha: Priya achi baat hai k tum Raj se itna pyar karti ho…aur mujhe yeh tumhe pehli baar dekh kar hi pata
chal gaya tha…but tum sahi bol rahi ho k tum kabhi Raj ke dil mein meri jagah nahi le sakti…jo rishta
mere aur Raj ke beech hai wo tumhare aur Raj ke beech kabhi nahi ho sakta aur main aisa hone bhi nahi
dungi…kya tum janna chahogi k main Raj ko kya samjti hun…

Priya ne koi jawab nahi diya wo bas roye ja rahi thi use apni puri life dubti huyi najar a rahi thi…
Update 59
Priya se koi jawab na pakar Isha ne apni baat age badhayi…

Isha: Priya Raj mere liye ek insan nahi hai angel hai wo mere liye…usne mere liye boht kus kiya hai…mere
liye wo itna uncha hai k main kabhi us tak nahi pahunch sakti…main kabhi usko pana nahi chahti…main
usko apna pati apna Boyfriend nahi banana chahti…pyar sirf yahi nahi hota…main chahungi main uski
Behan ban jaun…kionk Behan bhai mein Jo pyar hota hai wo bilkul pavitar hota hai…

Isha ki batein sun kar Priya boht hairan thi k wo aj tak Jo samj rahi thi vaisa kus nahi tha…wo apna munh
fade Isha ki aur dekhe ja rahi thi…wo abhi bhi kus nahi bol rahi thi use samaj hi nahi a raha tha k wo kya
bole…

Isha: Priya Raj ke liye agar koi sahi ladki hai toh wo sirf tum ho... kya tum meri bhabi banogi…

Isha ki yeh baat sun kar Priya Isha ke gale lag gayi aur jor jor se Rone lagi…Isha bhi muskurate huye Priya
ke balon ko sehlane lagi…

Isha: Priya ab chup ho jao…mujhe pata hai k tumhare dil mein kitna dard hai…tum sach mein boht pyar
karti ho Raj ko…

Priya: thanks…

Priya iske age aur kus na bol payi…kus der pehle yahan uski jindagi use khatam hoti lag rahi thi wahin ab
use ek nayi roshani najar a rahi thi...Isha ne mahol ko halka karne ke liye baat badal di…wo Priya se alag
hoti huyi boli…

Isha: vaise tumhe kya laga tha k Raj mujhse pyar karta hai…

Priya: han wo Maine ek din usse pucha tha toh usne apka naam liya tha…

Isha: aisa kus nahi hai…par fir bhi Teri tassali ke liye main Raj ko rakhi bandh deti hun…

Priya: nahi iski jarurat nahi hai…

Isha: yaar dekh mera is duniya mein Raj ke ilawa koi nahi hai…main nahi chahti log hamare rishte ko
galat samjein…isliye main use apna bhai banane wali hun…aur tumhe bhabi…

Priya: par Raj manega kya...

Isha: dekho apne liye toh main mana lungi…rahi baar tumhari toh ab wo tumhara hai tum uske sath kus
Marji karo par main beech mein nahi padne wali…han agar kabhi meri madad ki jarurat ho toh bata
dena…

Priya: par main kya karun…

Isha: wo tum jano…main toh chali Raj ko rakhi bandhne…

Isha ne apne saman se ek boht hi khubsurat sa dibba nikala usmein panch rakhian thin…
Priya: yeh itni sari rakhian kion…

Isha: le ek tu lele aur Raj ko bandh de…fir tujhe bhi meri jagah mil jayegi…bol chahiye meri jagah…

Priya: nahi mujhe nahi bandhni rakhi…main toh aise hi puch rahi thi…

Isha(haste huye): are dar mat majak kar rahi hun…wo asal mein jab se Raj meri life mein aya hai main
har saal uske liye rakhi kharidti thi…but kabhi bandhi nahi…

Priya: toh chalo aj bandh lijiye…

Isha: han chalo tum aunty ko bula lao…

Fir Priya Sunidhi ko bulane chali gayi aur fir teeno Raj ke kamre mein chali gayin…sunidhi ko kus nahi
pata tha k use kion bulaya hai but wo fir bhi wahan ja kar khadi ho gayi…

Raj: are tum sab kaise sab thik toh hai na…

Sunidhi: mujhe bhi kus nahi pata in logon ne bulaya toh a gayi…ab jaldi bolo kya huya…

Priya: are batate hain…pehle kus meetha lekar ayiye…

Raj: kion tera rishta pakka ho gaya hai kya…

Priya: chup kar main kion karun kisi se shadi…

Raj: han kaun karega tujhse shadi…

Priya: Raj main marungi tujhe…

Sunidhi: tum dono chup karo…main lati hun kus meetha…

Fir Sunidhi halwa le ayi…

Sunidhi: yahi hai aur kus meetha nahi hai…

Priya: isi se kaam chal jayega…

Raj: han ab batao tere hone wale pati ka kya naam hai…

Priya(halke se boli munh mein hi budbudate huye):Raj…

Raj: kya boli…

Isha: yaar tum dono hi ladte rahoge yah mujhe bhi kus bolne doge…

Raj aur Priya ek sath: Han bolo…

Isha(Raj ke paas baithte huye): Raj tumhe pata hai na is duniya mein mera tere bina koi nahi hai…aur ab
toh tu mujhe apne ghar mein hi rakh raha hai…par tujhe lagta hai k bina kisi rishte ke main aise hi tere
ghar mein rehti rahungi…

Raj: are hamare beech rista hai toh sahi dosti ka…

Isha: Raj dosti theek hai but duniya yeh nahi samjti...wo pata nahi hamare bare mein kya kya sochenge…

Isha Ki baton se Sunidhi ko dar lagne laga tha k kahin Isha Raj se shadi ke liye na bol de…use lag raha tha
k Priya bhi pagal ho chuki hai…jo apne pyar ko kisi aur ka hote dekh meetha khane ka plan bana rahi
hai…khair hum Raj aur Isha par dhyan dete hain…

Raj: Yaar kus nahi hota mujhe koi farak nahi padta…aur agar kisi ne tere bare mein kus bola toh jaan se
maar dunga…

Isha: kitno ko maroge…Isse acha hai main apne ghar hi chali jaun nahi toh tumhe meri baat manni hogi…

Raj: yaar tu kahin nahi Jane wali bol kya bolna hai…

Isha: Raj Maine jabse tumhe dekha hai tujh mein hamesha apna bhai dekha hai…main har saal tere liye
Rakhi leti thi…par kabhi bandhi nahi…kya tum mere bhai banoge kya tum mujhse rakhi bandhwaoge…

Raj yeh sab sun kar ek pal ke liye chonk gaya wo gussa nahi tha par use umeed nahi thi k Isha uske bare
mein aisa sochti hai…Isha ka dil badi jor se dhadhak raha tha par Priya usse bhi jyada bechain thi k agar
Raj Isha se pyar karta huya Toh wo mana kar dega…par Priya kisi bhi situation ke liye tyar thi use sirf Raj
ki khusi chahiye thi…Isha ne us dibbe se sabhi rakhian nikal li thin…

Raj ne apna hath age kar diya…Isha ne jhat se us hath par rakhi bandh di…aur Raj ko apne gale laga
liya…Sunidhi aur Priya ne talian bajayin…Isha Raj ke gale lag kar lagatar roye ja rahi thi…akhir jis bhagban
ne uska sab kus cheen liya tha aj usi bhagban ne use itna pyara bhai de diya tha…

Isha(Raj se alag hokar): Raj thank you…main bata nahi sakti main aj kitni khus hun…man karta hai yeh pal
yahi rok dun…

Raj: are Ishu ismein kya hai agar chahe toh main gadi ki battery nikal deta hun…

Raj ki baat sun kar Sab hans pade…fir Isha ne Raj ko halwa khilaya aur Raj ne isha ko…

Isha: bhai…

Raj: fir se bol…

Isha: bhai…Raj mere bhai…

Raj: Isha tujhe pata hai…main hamesha sochta tha k tere aur mujh mein dosti se badh kar kus hai…aur aj
jab tune mujhe apna bhai mana toh main sach mein khud ko lucky maan raha hun…tu hamesha aise hi
khus rehna…
Isha: han par ek shart par…

Raj: kya shart hai…

Isha: jaldi se ek pyari si bhabi la kar do mujhe…

Raj: yaar tu meri Behan bani hai yah dusman Jo mujhe fanda pehnana chahti hai…

Sunidhi: beta tujhe yeh fanda kabhi na kabhi Toh pehnna hi padega…

Raj: aisa fanda bana hi nahi Jo Raj Sinha ke gale mein pade…

Priya: han han dekhte hain…

Raj: dekh Lena…

Fir Priya wahan se chali gayi wo boht jyada khus thi…aj use wo sab mil gaya tha Jo use chahiye
tha...matlab Raj ab use bas Raj ko Manana tha kionk Raj ab sirf uska tha…

Udhar Isha aur Sunidhi Hall mein baithi batein kar rahi thin…

Isha: aunty Maine sahi kiya na…

Sunidhi: han beta aur ab se tu meri beti hai…hum tujhe legally apni beti ka haq denge…tere uncle sorry
papa ke ane ke baad unse baat karungi…

Isha: thanks aunty…

Sunidhi: nahi pehle mom bol…

Isha: mom…

Yeh bol kar Isha Sunidhi ke gale lag gayi…use aj wo sab kus mil gaya tha Jo uske paas se kho gaya tha…is
duniya ki sabse kimti cheej parents aur bhai…matlab ek happy family…
Update 60
Aise hi kayi din beet gaye…Raghuveer aur Sunidhi ne Isha ko apni beti ke roop mein apna liya tha…Raj ab
thik ho gaya tha…Raj aur Priya ki families ke ilawa aur bhi sabhi dost boht khus the Isha ke is faisle
se…Aur abhi tak nikhil ke katil ka kus pata nahi chala tha…Raj aur Priya ki aksar baat hoti rehti thi…par
Priya ne kabhi apne dil ki baat nahi batayi aur na Raj samaj paya par ab Raj ko Priya ka sath acha laga
raha tha…khair hum ek week age a chuke hain…

Wednesday subah 8:00 baje…

Priya ke ghar mein boht chehal pehal thi…Priya ke mom dad ek shadi mein ja rahe the par Priya nahi ja
rahi thi…

Geeta: are ap ab chaliye bhi hamein niklna hai…raste mein bhi boht time lagega…
Mohit: yaar Maine tumhe pehle hi kaha tha k flight se chalte hain par tum hi nahi mani…

Geeta: are kya flight mein chalte hain…car se hi jayenge…aur apki jankari ke liye bata dun k hum gaon
mein ja rahe hain…

Mohit: yaar pata hai …chalo main tyar hun chalte hain…

Priya: mom ab ap jao mujhe bhi college Jana hai…Raj intzar kar raha hoga mera…

Geeta: tu ja hum nikal jayenge…aur sun apna khyal rakhna aur Sunidhi ke ghar mein hi rehna…

Priya: mom sab pata hai…bye..

Fir Priya bhag kar Raj ke ghar chali gayi…Raj bahar hi khada uska intzar kar raha tha…

Raj: yaar kitna time lagati ho…ek Toh itne dinon baad ja raha hun…aur upar se tum late karwa rahi ho…

Priya: are yaar thoda wait nahi kar sakte kya…mere jaisi khubsurat ladkion ke liye ladke salon intzar
karte hain…

Raj: yaar bas rehne de ab badi ayi pari…chal ab chalein…

Fir Priya munh fula kar gadi mein baith gayi aur wo dono college ke liye chal pade…

Raj: yaar vaise tu apni gadi se bhi ja sakti thi na…

Priya: han par aise pyar badhta hai…

Raj: konsa pyar…yaar tumhe pichle kus dino se kya huya hai jab dekho ulti seedhi batein karti rehti ho…

Priya ( badbadate huye): sab samajh gaye bas tum nahi samjhte…

Raj: ab kya khusarfusar kar rahi ho…

Priya: kus nahi yaar wo humein ek hi jagah Jana hai toh faltu mein patrol ki barbadi kion karni…

Raj: acha tu toh badi samajhdar hai…

Priya: han aur khubsurat bhi hun…

Raj: toh fir tere liye koi ladka dhundhna padega…

Priya: Maine toh dhundh liya hai tu apni Behan ke liye dhundh…

Raj: acha kon hai wo bechara…

Priya: tu…tu karle na mujhse shadi ache se khyal rakhungi aur hamari families mein bhi kitna pyar hai…
Priya ki baat sun kar Raj ne ek dum se brake laga diye Priya bhi samajh gayi k usne kus galat bol diya hai
isliye apni baat cover karne ke liye boli…

Priya: yaar majak kar rahi hun…

Raj: OK…

Raj ne gaadi age badha di par pata nahi kion Raj ko Priya ke aise majak bade ache lagne lage the…asal
mein jab se Isha aur Raj bhai Behan bane the tab se Priya Raj ko baar baar apne pyar ka ehsas dilati
hai…wo bolne ko toh khud bhi bol sakti thi but har ladki chahti hai k pehle ladka hi propose kare…Raj bhi
ab Priya ka yeh pyar pasand kar raha tha but wo abhi bhi confuse tha use kus samajh nahi a raha tha k
kya Isha ki baat sahi hai k Priya uska kus jyada hi khyal rakhti hai yah yeh sirf Priya ki dosti hai…

Khair ab aksar Priya majak majak mein Raj ko apne pyar ka ehsas dilati rehti thi…aur Raj ko bhi yeh acha
lagta tha but dono mein se koi bhi khul kar nahi bol raha tha…

Aise hi batein karte karte dono college pahunch gaye car park karne ke baad dono ander Gaye Raj ko
bada acha lag raha tha itne dino baad college a kar…Priya Raj ke sath ane se khus thi…khair tabhi Sandy
Sonia aur Riya bhi wahan a gaye…

Sandy: welcome back bhai..

Raj: thanks yaar…aur sunao sab kaise ho…

Sonia: hum toh thik hain tum batao…

Raj: main toh ab ek dum fit hun…

Riya: hote kion nahi itna pyar karne wali Jo mili hai…

Raj: kon…

Riya: yaar Behan ki baat kar rahi hun…Isha di ki…tum na kus aur hi samj rahe ho…

Raj: yaar mujhe lagta hai sab ladkion ka dimag kharab ho gaya hai ut patang batein karte rehti hain
seedhi baat toh kabhi karti nahi…

Priya: yaar hum toh seedhi baat hi karti hain…par tum nahi samjh rahe…

Yahan bhi Priya ne Googly fenk di…baki sab Toh samajh gaye k Priya kis bare mein baat kar rahi hai…par
hamara bhola Raj kahan samjhne wala tha…

Raj: yaar agar ab tum mein se kisi ne bhi yeh pahelian bujhayi toh dekh Lena…

Tabhi piche se kisi ki baat ayi…

Bhai kon pahelian bujha raha hai…

Raj ne piche mud kar dekha toh Monty aur Diksha the…

Raj: are bhai tum kaise ho…

Monty: thik hun bhai…

Tabhi Diksha age badhi aur Raj ke gale lag kar alag ho gayi…yeh bilkul jabardasti ka hug tha…

Diksha: kaise ho Raj ab tum…

Raj: thik hun…

Priya Toh jal bhun gayi…Isha ke bare mein toh wo sacrifice ke liye tyar ho gayi thi kionk Use lag raha tha
k Raj ki khusi isi mein hai…but yahan toh Diksha khamkha gale pad rahi thi…Sach mein agar kahin wahan
aur koi na hota toh Priya diksha ko kachi kha jati…

Khair aise hi pure college nikal gaya aur Raj aur Priya ghar laut rahe the…

Priya: Raj agar bura na mano toh ek baat kahun…

Raj: han bolo…

Priya: Raj tumhe nahi lagta k Diksha bina kaam tujhse chipakti rehti hai…

Raj: han yeh baat toh Maine bhi notice ki…

Priya: toh tum use kus kehte kion nahi…

Raj: kya kahun…ab uski Marji Jo chahe kare…

Priya: Raj mujhe yeh bilkul acha nahi lagta…

Raj: kion tumhe isse kya main tumhara BF thode hun…

Priya: nahi Diksha ke liye kionk tum bhi usse chipak chipak kar maje lete ho…

Raj: main konsa use kehta hun k mere se chipke…

Priya: mujhse baat mat Karna…faltu ki batein karte ho kus samjhte Toh ho nahi Sara din bachon Jaise
batein karte ho…

Raj: yaar ab tumhe kya huya…maine kya kaha tumhe…maine konsi bachon wali baat ki…aur agar wo
chipakti hai toh ismein main kya karun…

Raj aise ni Sara rasta Priya ko bulata raha par Priya munh fula kar baithi rahi aur kus nahi boli…ghar jate
hi wo seedha Isha ke room mein chali gayi…Isha aur Sunidhi hall mein hi baithi thin…

Isha: Raj Priya ko kya huya aise kion chali gayi…

Raj: didu(Isha Raj se 6 saal badi thi is liye wo use ab didu bulata tha)pata nahi but raste se hi munh
fulaye baithi hai…

Sunidhi: jarur tumne hi kus kaha hoga use…

Raj: ab Maine use kya kaha jab dekho ap dono usi ki side leti rehti ho…mujhse baat mat karna…mujhe
toh tum logon ke paas baithna bhi nahi hai...main apne kamre mein ja raha hun…

Raj wahan se kamre mein chala gaya…

Isha: mom ab in dono ko kya huya…

Sunidhi: beta ruthne manane se hi pyar badhta hai…dekhna jab yeh dono milenge toh koi inhe alag nahi
kar payega…ab unka matter hai hum beech mein nahi padenge khud hi solve kar lenge yeh dono…

Isha: han mom chahe kus bhi ho par in dono ki jodi hai badi kamal ki…
Update 61
Khair un dono mein se koi bhi bahar nahi nikla.. Dono gusse mein apne apne kamre mein baithe the Isha
aur Sunidhi ne unhe manane ki bhi kosish ki but wo dono kamzab nahi ho payin…dinner ka time bhi ho
gaya but dono mein se koi bhi khana khane nahi nikla…

Akhirkar Isha Priya ke paas gayi use pata tha k Priya ko kya bolna hai…

Isha: Priya mujhe pata hai tu gusse mein hai but main tujhe batane ayi hun k Raj ne aj khana nahi khaya
hai…

Isha ki baat sunte hi Priya ka gussa rafuchakar ho gaya wo jaldi se kitchen mein gayi aur Raj ke liye khana
lekar Uske kamre ki taraf chali gayi…

Isha (Sunidhi se): mom dekha Raj ke bina ek pal nahi reh sakti fir bhi gussa hone ka Natak kar rahi hai…

Sunidhi: beta yeh pyar aisa hi hota hai…kus pata nahi kya kya karwata hai…

Isha: han Priya toh pagal hi ho chuki hai…

Khair Priya khana lekar Raj ke room mein gayi wo halke kadmon se Raj ke bed ki taraf badh rahi
thi…Priya ne door khula aur Jaise hi ander gayi toh dekha k Raj Pillow mein munh dekar laita huya tha…

Priya ne khana table par rakha aur Raj ko awaj di…

Priya: Raj…

Samne se Raj ne sun kar bhi unsuna kar diya…

Priya: Raj…plz uth jao aur khana kha lo...Maine bhi kus nahi khaya…

Raj ne fir bhi koi jawab nahi diya…

Priya ne jabardasti Raj ka pillow pakad kar khinch diya aur jaise hi pillow side huya toh Priya toh ek dum
hairan reh gayi uska dil hi fat sa gaya…usne ekdum se age badh kar Raj ko gale se laga liya…

Priya: Raj kya huya tum ro kion rahe ho…

Ji han Raj ro raha tha aj pata nahi kitne salon baad Raj ki ankhon mein ansoo aye the…

Raj: Priya mujhe maaf kardo...

Priya: Raj main tumse naraz nahi hun main toh bas aise hi kar rahi thi…

Raj: Priya aj k baad mujhse kabhi naraz mat hona…

Yeh bol kar Raj ne Aj pehli baar Priya ko pure dil se gale lagaya usne Priya ki Peeth par apne hath kas
diye pata nahi use kya huya par ekdum se wo kisi bache ki tarah Priya se chipak gaya tha…aur Priya ke
liye yeh kisi swarg se kam nahi tha…usne bhi Raj ki Peeth par apni pakad majbut karli…dono ki sansein
lambi aur gehri hoti ja rahi thin…

Raj: Priya…

Priya(halki awaj mein): kya hai…

Raj: aj pata nahi kion aisa lag raha tha k main adhura sa hun…par ab tumhare ate ho pura ho gaya
hun…priya aisa kion huya…kion main tumse dur nahi reh pa raha hun…

Priya: Raj main bhi tere bina nahi reh sakti…Raj ab plz bol bhi do…main sunne ke liye taras gayi hun Raj...

Raj aur Priya dono madhosh ho chuke the…un par ek feeling hawi ho rahi thi sayad isi ko pyar kehte
hain…Raj ke man ki udedh bun khatam ho chuki thi…uske man mein ek saaf image thi…Sirf Priya ki…ab
wo bhi usi pyar ke samundar mein dub gaya tha jismein Priya pichle 5saal se gote laga rahi thi…par Raj
abhi bhi chup tha…

Priya: Raj bol bhi do na plz…

Raj: kya bolun…

Priya: wahi Jo tum bolna chahte ho…

Raj: kya bolna chahta hun…

Priya: Yaar thik hai toh main ja rahi hun…

Yeh bol kar Priya Jane lagi…Wo Jaise hi Jane ke liye palti Raj ne uska hath pakad liya aur ghutno ke bal
baith gaya...Priya ki sansein ab boht tez chal rahi thin…

Raj: Priya mujhe pata hai k tum mujhse boht pehle se pyar karti ho aur sab samajh gaye par main pata
nahi kion itna confuse tha main hamesha yahi samjhta tha k hum sirf dost hain par nahi aj kus pal ki
narazgi mein mera dil tumhare liye itna tadpa hai k main samajh gaya k yeh sirf dosti nahi hai…I Love you
Priya…

Raj ne Jaise hi bola Priya ki ankhon se ansoo shalk pade...Raj khada huya aur apni bahein faila di…Priya
jhat se un bahon ke beech lipat gayi…Priya Lagatar ansoo bahaye ja rahi thi…

Priya: I love you too jaan…main boht saal tarsi hun yeh sunne ke liye…aj Mujhe sab mil gaya hai...

Raj: main bhi kayi Dino se apni soch mein uljha pada tha but main bhi tumse kab pyar kar baitha kus
pata hi nahi chala…Aj jab tum mujhse naraz ho gayi toh mujhe ehsas huya k main tere bina nahi reh
sakta…main mar…

Raj abhi itna hi bola tha k Priya ne uske honthon par apna hath rakh diya…

Priya: agar tumne kabhi aisi baat ki toh mujhse bura koi nahi hoga…

Raj: sorry yaar ab nahi bolunga…

Tabhi kisi ne ek dum se door khola Raj aur Priya ek dusre ki bahon mein the…jaise hi door khulne ki awaj
sunayi di dono ek dum se alag ho gaye…jaise hi dono ne Door ki taraf dekha toh samne Isha khadi thi aur
uske chehre par ek muskurahat thi…Isha ko dekh kar Priya toh sharam se laal ho gayi aur Usne apna
chehra niche kar liya…

Isha: lagta hai mere bhai ko bhi fanda dalne wali mil gayi…par yeh sab door lock karke Karna
chahiye…chalo main jati hun…carry on...

Isha yeh bol kar wahan se chali gayi…aur door band kar gayi…par ab Priya ke liye wahan khade hona
muskil tha toh wo wahan se Jane lagi Par Raj ne uska hath pakad liya…

Priya (hath chudane ki kosish karte huye): Raj plz mera hath chod do…

Raj: abhi abhi toh hath thama hai itni jaldi kaise chod dun…

Priya: Raj plz…jane do na…

Raj: jane dunga par pehle khana toh kha lein…

Priya: tum kha lo main bahar sab ke sath kha lungi…

Raj: bas itna hi pyar tha…

Priya: pyar toh itna hai k napne ke liye sagar bhi chota pad jaye…

Raj: toh chalo tumhe apne hath se khilata hun…

Fir Priya ko Raj ne apne paas bed par baitha liya aur khane ki plate utha kar ek niwala Priya ki taraf
badha diya…Priya ne Raj ke hath se wo niwala kha liya aur fir Priya ne ek niwala Raj ke munh mein
dala…aise hi dono ne pura khana khatam kiya….
Priya: ab main jaun…

Raj: han jao…aur yaad rakhna kal ko ek sath college jayenge…

Priya: kion ek sath kion…

Raj: Kionk kisi ne mujhse kaha tha k ek sath Jane se pyar badhta hai…

Priya: thik hai kal ko milte hain… ab main chalti hun…

Raj: OK good night…

Priya: good night…I love you jaan…

Raj: love you too…

Fir Priya khali bartan lekar Raj ke kamre se chali gayi…Priya ke jate hi Raj bed se utha aur pillow ko pakad
kar dance karne laga…wo boht khus tha…kionk aj uske dimag aur dil ke beech ki Jung khatam ho gayi
thi…use pehli baar pyar huya tha…aur kehte hain pehle pyar ka rang hi kus alag hota hai…aur yahi rang
Raj aur Priya par Chad chuka tha…

Udhar Priya Jaise hi bartan rakh kar Apne kamre mein gayi toh Isha pehle se wahan laiti huyi thi...Priya
use dekar sharma gayi kionk Isha ne use Raj ki bahon mein dekh Jo liya tha…

Isha(naughty smile ke sath): Raj ko khana khilane mein kus jyada hi time laga diya…

Priya kus nahi boli aur sayad uske paas koi jawab tha bhi nahi…

Isha: yaar ab aise sharma mat…akhir tumhe tumhara pyar mil hi gaya na…chal bata propose kisne kiya
tune yah usne…

Priya: Raj ne…

Isha: are wah us budhu ko akhir samajh a hi gaya…khair acha hai ab toh party banti hai…kion bhabi…

Priya Isha ke munh se bhabi sun kar sharma gayi…Isha bhi aise hi Priya ko tang karti rahi khair dono kafi
der batein karne ke baad so gayi…
Update 62
Agle din Thursday subah 7:45 sabhi dinning table par baithe khana kha rahe the…Priya Raj se najrein
chuta rahi thi aur Raj muskurate huye Priya ko dekh raha tha…dono par naye naye pyar ka asar saaf dikh
raha tha…dono ne nashta khatam kiya aur College ke liye nikal pade…raste mein bhi dono chup chap
baithe the…Raj se yeh chupi bardast nahi ho rahi thi…

Raj: Priya kus bol kion nahi rahi ho…

Priya: kya bolun…

Raj: yaar chup chap kion baithi ho…kus toh bolo…

Priya: main kya bolun…mujhe koi baat nahi ati…

Raj: chalo fir college chalte hain…

Priya: aj college rehne do na…kahin aur chalte hain…

Raj: kahan Jana hai…

Priya: chalo kisi park mein chalte hain…

Raj: chalo thik hai…

Raj ne gadi park ki taraf ghuma di park mein pahunch kar Raj ne gadi park ki aur Priya ke sath ander chal
pada…

Raj: Priya chal wahan ja kar baithte hain…

Priya: OK…

Fir dono ek bench par ja kar baith gaye…Priya abhi bhi thodi thodi Sharma rahi thi…

Raj: Priya yaar ab kya hai kab se dekh raha hun…chup chap baithi ho…pehle toh itni batein karti thi…ab
kya huya tumhe…

Priya: pehle baat alag thi…ab baat alag hai…

Raj samjh gaya k Priya kal ke baad usse sharma rahi hai…toh usne bhi uske thode maje lene ka socha…

Raj: yaar chalo college chalte hain tumhe koi baat toh karni nahi…wahan kam se kam thoda time paas
bhi ho jayega aur vaise bhi Diksha ko ek kaam tha…

Priya ne Jaise hi Diksha ka naam suna uski sharam ki jagah uske gusse ne le li…wo ek dum se Raj par tut
padi…

Priya(gusse mein): use kya kaam hai tumse…

Raj: pata nahi usne mujhe apne ghar bulaya hai…

Priya: Raj agar tum uske ghar gaye toh tangein tod dungi tumhari…wo tum par kitne dore dalti hai…

Raj: yaar majak kar raha hun…tum kus bol nahi rahi thi toh mere paas yahi ek rasta tha…

Priya: aisa majak mat kiya karo…Raj mujhse ek promise karoge…

Raj: kaisa promise…

Priya: mujhe kabhi chod kar nahi jaoge…hamesha mujhse aise hi pyar karte rahoge…

Raj: iske liye promise ki jarurat nahi hai…main tumhe kaise chhod kar ja sakta hun…tum toh meri jaan
ho…

Priya: I love you Raj…(yeh bol kar Priya Raj ke gale lag gayi aur Raj ne bhi use apni bahon mein bhar
liya)…

Raj: I love you too jaan…

Dono aise hi kafi time rahe fir Priya ko hosh sa aya aur usne halke se Raj ke kaan mein bola…

Priya: Raj…

Raj: kus mat bolo…bas aise hi raho…

Priya: Raj mujhe chodo hum ghar par nahi hain…hum park mein hain…

Raj ne halat ko samjhte huye Priya ko chhod diya…aur side mein hoke baith gaya…tabhi Priya ki najar ek
ice cream wale par padi…wo bachon ki tarah uchal padi…aur Raj ka hath khinch kar use uthane lagi…

Priya: Raj utho dekho wahan chal kar ice cream khate hain…

Priya ice cream ki demand karte huye kisi chote bache ki tarah lag rahi thi…Raj lagatar use hi dekhe ja
raha tha…wo uske cute se face mein kho sa gaya tha…

Priya: Raj plz chalo na…boht man kar raha hai…

Fir Raj uske sath chal pada usne ek ice cream li aur Priya ko leke di…

Priya: yeh kya sirf ek hi kion…

Raj: tum pehle yeh toh kha lo fir aur le lena…

Priya: oye budhu main Teri baat kar rahi hun…tu nahi khayega…

Raj: nahi main nahi khata…

Priya: lo karlo baat …yaar kitne unromantic ho tum…apni gf ke sath thodi ice cream bhi nahi kha sakte…

Raj: nahi sweetu tum kha lo…main nahi kha pata…

Priya: kion aisi kya wajah hai jo tum ice cream nahi kha pate…

Raj: nahi tum hasogi…

Priya: nahi hasungi…tum batao…

Raj: wo actually mujhse gir jati hai pighal kar…

Raj ki baat sun kar Priya has padi…Raj ko Priya boht pyari lag rahi thi hasti huyi but wo us par has rahi
thi…

Raj: Maine kaha tha k tum mujh par hasogi…yaar ismein kya hai nahi kha pata toh kya ho gaya…

Priya: are mera babu gussa ho gaya…ao main khilati hun…

Yeh bol kar Priya ne Raj ki taraf apni ice cream badha di…Raj public place hone ke karan thoda jhijhak
raha tha but fir socha k khud ki gf hai…usne age badh kar Priya ka hath pakda aur thodi ice cream kha
li…fir usne aise hi apne hath mein hi Priya ka hath pakde huye ice cream Uske munh ke paas kar di…usne
bhi kha li…fir aise hi yeh circle chalta raha…ice cream kab khatam ho gayi kus pata hi nahi chala dono ek
dusre ki ankhon mein khoye huye the…

Tabhi Ice cream wala bola…

Ice cream wala: bhai agar Aur chahiye toh lo warna Bhai jao yahan se kab tak aise khade rahoge…

Fir dono hosh mein aye aur Raj ne ice cream ke paise diye Aur firse dono usi bench par a kar baith
Gaye…

Raj: Priya ek baat puchun…

Priya: han pucho…

Raj: yaar tum kab se mujhe pyar karti ho…

Priya: jab se tumhe pehli baar dekha hai…

Raj: Toh tumne kabhi bataya kion nahi…

Priya: pehle darti thi but baad mein mujhe laga k tum Isha se pyar karte ho…isliye Maine socha k tumhari
khusi isi mein hai toh main chup reh gayi…par jab Isha di ne bataya k wo toh tumhe apna bhai manti
hain…tab sab clear huya…

Raj: vaise tum baad mein bhi toh bol sakti thi…

Priya: tum na bilkul pagal ho kabhi dekha hai k ladkian pehle propose karein…hamesha ladke hi pehle
propose karte hain…

Raj: are aisa thodi hota hai…humare sath aisa kion…tum log bhi toh kar sakti ho…

Priya: nahi kar sakte…

Raj: OK yaar maan liya…ab yahin baithe rahenge yah kahin aur bhi chalna hai…

Priya: han chalte hain…chalo pehle coffee pine chalte hain baad mein ghar chale jayenge…
Raj: thik hai chalo…

Fir Dono ne ek coffee shop mein coffee pi aur baad mein ghar ko chal pade…jab dono haste khel te ghar
aye toh unka samna Sunidhi se huya Jo Isha ke sath baithi hall mein TV dekh rahi thi…

Sunidhi: are tum dono itni jaldi…

Raj: wo main wo…Priya batayegi…

Priya: main kya bataun…tum hi bata do na…(sath mein Priya ne use fasane ke liye Raj ko ankhon hi
ankhon mein dant bhi diya)

Isha: are mom Jane do na becharon ko… aj inke lecture kam honge…

Raj: han han mom sahi kaha didu ne…

Fir dono jaldi se apne apne kamre mein chale gaye…aur unke jate hi Isha aur Sunidhi unki halt par hasne
lage…

Sunidhi(haste huye): dekh na becharon se jhuth bhi nahi bola jata…

Isha: Han mom bunk toh kar liya par Bahana banana nahi ata…

Sunidhi: aur nahi toh kya…

Isha: yeh toh acha huya k Riya ne phone karke puch liya k aj yeh dono college kion nahi aye…

Sunidhi: Han nahi toh hamein pata bhi na chalta k dono date par gaye the…
Update 63
Toh dosto us din kus khas nahi huya agle din Raj aur Priya ne apne rishte ke bare mein apne sabhi
doston ko bata diya…sab canteen mein baithe the… Sab boht khus the Diksha ko chhod kar par wo bhi
khus hone ka dikhawa kar rahi thi…

Sandy: yaar kya sach mein is budhu ne tumhe propose kiya…

Raj: oye budhu kise bola…

Sandy: budhu nahi toh aur kya hai…itne dinon se Priya tumhe pyar karti hai aur sab samjh gaye bas tu hi
itni late samjha…

Raj: bhai baat samjhne ki nahi hai…dil ke manne ki hai…kionk yeh jaruri nahi k agar koi apse pyar karta
hai toh ap bhi usse pyar karne lagegein…apke pyar karne ki apni wajah hoti hai…

Sonia: acha toh aisa kya dikha tumhe Priya mein Jo tum bhi isse pyar karne lage…

Raj: iska mere liye pyar iski mere liye tadap…iski mere liye fikar…iski presence mein mere dil ko Milne
wala ek alag sa sukoon…iske dur jate hi dhadhkan ka ek dum se ruk jana…iski har baat se dil ko milne
wali alag si khusi…na Jane kitni wajah hain mere paas ise pyar karne ki…

Raj yeh sab Priya ki ankhon mein dekh kar bol raha tha…Priya toh Raj ki inhi ankhon ki deewani thi jab
kabhi bhi Raj ki ankhon mein dekhti thi…kahin kho si jati thi…abhi bhi kus aisi hi halat thi dono ek dusre
se ankhon hi ankhon mein na Jane kitni batein kar rahe the…tabhi kisi ne unka dhyan bhang kiya…

Monty: oye bas bhi karo yaar ek dusre ko khane ka irada hai kya…hum log bhi hain yahan…

Monty ki baat se Raj aur Priya real world mein laute…Priya Sharmane lagi thi isliye usne baat badal di…

Priya: Raj jaldi ghar chalo mom dad bhi a gaye honge aj…

Raj: han chalo yaar…ok bye guys…

Sandy: oye bhai kahan chale pehle party toh banti hai…

Monty: han bhai bina party ke nahi Jane denge…

Riya: Raj yeh sahi nahi hai GF milte hi Friends ko bhul gaye…hamari party diye bina iske piche piche chal
pade…
Fir toh sabhi party ki demand karne lage…

Raj: OK bhai but abhi nahi…Sunday ko aur aisi party dunga k tum log dekhte reh jaoge…

Sandy: oye kahan…

Raj: baad mein batunga…abhi toh ghar Jana hai…baad mein phone par sab ko bata dunga…

Isse pehle koi kus aur bolta wo dono wahan se chale gaye…

Sandy: yaar kus bata kar bhi nahi gaya…

Diksha: koi baat nahi bata dega…

Diksha ander se puri tarah se jal bhun gayi thi…use Priya ki kismat par boht jalan ho rahi thi…wo apne
man mein hi bole ja rahi thi…

Diksha(man mein): Priya yaar tumne toh kamal kar diya Maine itni kosish ki Raj ko patane ki tune toh
bina kus kiye hi use pa liya…boht khub yaar…kya kismat payi hai…par yaad rakhna Raj mera hai…main
use itni asani se nahi Jane dungi…main Isha nahi hun Jo use apna bhai bana lungi…yaad rakhna tumhari
mohabbat mere janoon mere husan ke age haar jayegi…sab cheen lungi main tere se…

Tabhi kisi ne Diksha ke Kandhe ko hilaya Diksha ne jab dekha toh Monty tha…

Monty: kahan khoyi huyi ho…chalo ghar nahi chalna kya…

Diksha: kahin nahi Bhai…chalo chalein…

Toh udhar Raj aur Priya ghar ja rahe the raste mein...

Priya: Raj tum sach mein party dene wale ho…

Raj: han socha sab se Isha di ka into bhi karwa denge Aur friends ke liye hamare relation ki party bhi Jo
jayegi…isliye ghar jate hi mom se baat karta hun…

Priya: sach mein…I love you shona…you are so sweet…

Yeh bol kar Priya ne apni seat se uth kar Raj ki gaal par kiss kar diya…

Raj: yaar yeh kya hai…

Priya(naughty smile ke sath): kya huya acha nahi laga kya…

Raj: acha toh boht laga but agar gadi ka accident ho jata toh sayad tumhe acha nahi lagta…

Priya: kya yaar kaisa budhu hai itni khubsurat GF hote huye…romance ki jagah accident ki soch raha
hai…haye re meri phuti kismat…

Raj: toh abhi bhi kus nahi bigda…breakup karlo…aur meri party ka kharcha bhi Bach jayega…

Priya: kya yaar tum kitne unromantic ho main tumse baat hi nahi karungi…Sara din sadi huyi batein karte
ho sadu kahin ke…

Raj: acha toh yeh baat hai main unromantic hun…

Priya: han ho...

Raj: main Sadu hun…

Priya: ab kya likh kar dun…

Raj ne gadi Side mein roki…Windows band kiye aur apni Seat belt utar kar dhire dhire Priya ki seat ki
taraf jhukne laga…Raj ko apne kareeb ate dekh Priya ki sansein tez hone lagi…uski ankhein band hone
lagi…Raj dhire dhire Priya ke boht kareeb ho gaya…usne Priya ke face ho halke se apne dono hathon
mein pakda aur apne lips dhire dhire Priya ke lips ke kareeb lejane laga….

Priya ne Jaise hi Raj ki sansein apne chehre par mehsus ki usne apni ankhein aur jor se band karlin…Priya
ki sansein boht tez chalne lagi thi…

Raj(apne honth bilkul Priya ke honthon ke paas karke ruk gaya aur halke se bola): main unromantic
hun…vaise tum janti ho…main aj se pehle bhi yeh sab kar chuka hun…

Raj ne Jaise hi yeh bola Priya ek dum gusse mein a gayi…aur usne apni ankhein kholin aur wo Jaise hi
bolne wali thi….Raj ne uske honth band kar diye…ap samajh hi gaye honge…dono ka pehla kiss tha dono
kisi alag hi duniya mein chale gaye the…par is kiss mein na toh koi hawas thi aur na kus aur…tha toh sirf
unka ek dusre ke parti beintha pyar…
Dono kafi samay tak ek dusre ke honthon mein khoye rahe…Par jab Raj ko yeh mehsus huya k Priya ko
sans lene mein muskil ho rahi hai usne Priya ko apne se alag kar diya Priya nahi chahti thi k Raj usse alag
ho par Raj ne use apne se dur kar diya…par jab Raj ne Priya ke chehre ki taraf dekha toh uska dil dehal
gaya...Priya ki ankhein nam thi bhale hi usne apne ap ko roka huya tha par Raj usse pyar karta tha isliye
use yeh samjhne mein der na lagi k Priya Rone wali hai…

Usne Priya ko apne gale se laga liya…Priya ke ruke huye ansoo beh nikle…wo Rone lagi Raj uske sir ko
sehlata raha…use nahi pata tha k Priya kion ro rahi hai…

Raj: Priya kya huya tumhe… kion ro rahi ho…kya Maine tumhare sath kus galat kiya…kya mujhe aisa nahi
karna chahiye tha(Raj ko laga Priya uske kiss ki wajah se ro rahi hai)…

Priya kus nahi boli toh Raj ne Priya ko khud se alag kar diya.. Priya apni seat par apna chehra niche karke
baithi thi…uski ankhon se ansoo ab bhi gir rahe the…

Raj: Priya tum meri wajah se ro rahi no…

Priya ne kus bola nahi but apni garden han mein hila di…

Raj: Priya sorry Maine feelings mein beh kar tumhe bina puche kiss kar diya…mujhe aisa nahi karna
chahiye tha…

Priya(siskate huye): tumne mujhse pehle yeh sab kiske sath kiya…

Priya ka jawab sun kar Raj samajh gaya k Priya kion ro rahi hai…use ab Priya kisi bachi ki tarah lag rahi
thi…use Priya par boht pyar aya apne gussa bhi aya k Priya usse kitna pyar karti hai aur wo use baar baar
rula deta hai…usne Priya ka chehra apne dono hathon mein pakda...aur use upar kiya fir Raj ne Priya ki
ankhon mein dekh kar bola…

Raj: Priya Maine tumhare bina aj tak kisi ko chuya tak nahi…main jab tumhe kiss karne wala tha…tab
tumne ankhein band kar li thi…isliye Maine yeh jhuth bola aur dekho tumne ankhein khol bhi li thi…

Raj ki baat sun kar Priya ke man ko shanti mili par usne Raj ki shanti cheen li…Usne Raj ki chati par
ghunson ki barish kardi…aur Raj bhi muskurata huya sab seh raha tha…vaise bhi gym mein weight utha
utha kar itni takat toh a hi gayi thi k Priya ke najuk hathon ke pyar bhare ghunse seh sake…

Priya(Raj ko marte huye): idiot gadha…pagal kahin k meri jaan nikal gayi thi…meri pehli kiss ka maja hi
kirkira kar diya…

Raj: dobara karun…

Raj ki baat se Priya jaldi samajh gayi k usne flow mein kus jyada hi bol diya…usne turant Raj ko marna
band kar diya aur sharma kar apna chehra niche kar liya…

Raj: bolo na ek aur chahiye…

Priya: Raj ab tum fir se maar khaoge aur is baar pakka jor se marungi…ab chup chap ghar chalo Mujhe
mom dad se milna hai…

Raj: OK mam…

Fir Raj ne gadi seedha Priya ke ghar ja kar hi roki…

Priya aur Raj pehle seedha Priya ke ghar gaye…wahan Priya ke mom Dad a chuke the…Raj unse mila aur
fir apne ghar chala gaya…
Update 64
Raat ke time Priya apne room mein baithi thi aur usne Pillow ko hug kar rakha tha…use sharam a rahi
thi…sayad Raj ke bare mein soch rahi ho…

Priya (man mein): aj Maine kya kar diya ab Raj ko kaise face karungi…aur agar usne kabhi kiss ke bare
mein baat ki toh main kya bolungi…par acha Toh mujhe bhi laga tha…main Toh kab se Raj ki bahon mein
Jana chahti thi…par wo boht ganda hai har waqt Mujhe rulata rehta hai...yaar par baad mein mana bhi
leta hai…yaar main kya kya soche ja rahi hun…lagta hai pagal ho jaungi…

Udhar Raj ka bhi kus aisa hi haal tha…usne guitar utha rakhi thi sayad practice ke liye but bajane ka man
nahi kar raha tha Priya ke bare mein hi soch raha tha…

Raj(man mein): yaar Priya mujhse kitna pyar karti hai…agar main kisi aur ka naam bhi leta hun toh kitna
dukh pahunchta hai use…meri kismat hi itni achi hai…pehle Isha jaisi behan mili aur ab Priya Jaise pyar
karne wali…yaar par abhi bhi ek chij ki kami hai…jis kisi ne bhi meri didu ko nuksaan pahunchane ki
kosish ki hai wo mil jaye bas…pata nahi kon kameena hai Jo aisi giri huyi harkat kar sakta hai…agar mil
jaye toh chhodunga nahi…

Dono apni Apni sochon mein magan the dono ko kafi der baad neend ayi…agle din Saturday ko kus khas
nahi huya….

Sunday ko Raj ne ghar par party rakhi thi sabhi invited the Sandy ke mom dad aur uske mama mami aur
Monty ke mom dad aur uski aur Priya ki family toh thi hi…aur uske sabhi dost…party jyada badi nahi
thi…par shandar hone wali thi…raat ki party thi par Raj ke ghar tyarian subah se shuru ho gayin
thi…party ki puri tyari hall mein hi chal rahi thi…hall ko sajaya ja raha tha…

Raj aur Priya bhi help karwa rahe the…Isha bhi sath dena chahti thi but kionk party usi ke liye rakhi gayi
thi toh use koi kaam nahi karne diya ja raha tha…

Dono pariwar party ki tyarian khud kar rahe the naukaron ko kaam nahi karne de rahe the…Kionk bade
time baad kus aisa ho raha tha…halanki Raj ke ane pe party di gayi thi…par Isha ko beti bnane ki khusi hi
kus alag thi…isliye sab boht khus the…sab kaam karte waqt batein bhi kar rahe the…

Geeta: Sunidhi aj dono pariwar kitne khus hain na…Isha toh Jaise dono gharon mein ronak le ayi hai…

Sunidhi: han tum bilkul sahi keh rahi ho…bhagban kare hum par khusiyan aise hi barasti rahein…

Raghuveer: Bhai hamare bache khus rahein hum toh vaise bhi khus hain…

Sunidhi: aisa karti hun main sabhi ke liye juice bana kar lati hun…
Priya: aunty main kar lungi…

Sunidhi: are koi baat nahi beta main jati hun…

Raj(Priya se ankhein mila kar): are maa aj ise bana lene do dekh toh lein yeh kus bana pati hai yah nahi…

Priya: mujhe sab ata hai…

Raj: dekh lenge…chalo main bhi ata hun tere sath dekhta hun tum kya karti ho…

Priya(uske liye ab yeh sach mein challenge ban gaya tha): han chalo…

Sunidhi samaj gayi thi k Raj sirf Priya ke sath time spend karne ke liye aisa kar raha hai…

Sunidhi: chalo tum dono juice leke ao tab tak main Isha ko bhi bula lati hun…

Fir Raj aur Priya dono kitchen mein chale gaye…

Priya: ab dekho main kaise juice bana kar dikhati hun…

Raj(Priya ko apne paas khinch kar): yaar tum bolti mujhe ho par khud kitni unromantic ho itna handsome
BF tumhare sath kitchen mein akela hai aur tumhe juice ki padi ki…

Priya (flow mein): main tumhari tarah besharam nahi hun Jo kiss kar dungi…isliye yeh trick na hi use
karo…

Raj (Priya ko aur paas khinch kar): Maine toh kiss karne ko kaha hi nahi…

Priya Raj ke itna kareeb pahunch gayi thi uski sansein lambi hone lagi thi aur uski samajh bujh khatam
hoti ja rahi thi…

Priya (kapti awaj mein): main toh aise hi bol rahi thi…ab Raj plz mujhe chhod do koi a gaya toh…

Raj ne Priya ki baat sunte hi use chhod diya…Priya ko bilkul bhi acha nahi laga…par wo sharma rahi
thi…uska man kar raha tha Sara din Raj ki bahon mein padi rahe…par yeh possible nahi tha…

Priya: Raj sorry but majburi hai…agar kisi ne dekh liya toh gadbad ho jayegi….

Raj: are yaar koi baat nahi main bhi samjhta hun…aur agar GF ho toh yeh matlab thodi hai k Jo marji
karun…

Priya: sweetu naraz toh nahi ho na…

Raj: nahi baby main naraz nahi hun…tum juice bana lo main bahar jata hun…

Yeh bol kar Raj hall mein sabhi ke paas chala gaya isha bhi wahin baithi thi…Sabhi Hall mein niche
jameen par mattress dal kar baithe the…
Raj: are wah aj toh sabhi satsang ke mood mein hain…

Geeta: Han ao ek do bhajan tum bhi suna do…

Geeta ki baat par sab Hans pade…

Isha: are nahi mera Bhai Toh romantic song sunayega…

Raj jakar Isha ki god mein sir rakh kar lait gaya…aur Isha uske balon mein hath firane lagi…

Raj: bhai main kion sunaun…tum log sunao…

Mohit: beta agar humne kus gaya toh tumhare kaan fat jayenge…

Mohit ki baat par sabhi Hans pade….tabhi Priya bhi juice lekar a gayi…

Priya(tray niche rakhte huya): kya batein chal rahi hain…

Isha: kus nahi hum bol rahe the k Raj ko koi song sunana chahiye…

Priya(khusi se): han Raj plz suna do na…

Raj: yaar mood nahi hai…

Priya (Raj ki ankhon mein pyar se dekh kar): plz Raj bas ek song plz….

Priya ki ankhon ne Raj par jadu kar diya…

Raj: OK meri guitar la kar do…

Priya bhag kar Raj ke room se uski guitar utha layi aur Raj guitar lekar baith gaya…sabhi puri tarah se tyar
the sunne ke liye…sab chup ho Gaye…Raj ne apni guitar set ki…Priya Raj ke bilkul samne baithi thi…Raj
ne uski ankhon mein dekhte huye gana shuru kiya….

Humein Tumse Pyaar Kitna Yeh Hum Nahi Jaante

Magar jee nahin sakte tumhare bina

Humein Tumse Pyaar Kitna Yeh Hum Nahi Jaante

Magar jee nahin sakte tumhare bina
Hume tumse pyaar...

Suna Gham Judaai Ka Uthaate Hai Log

Jaane Zindagi Kaise Bitaate Hai Log
Din Bhi Yaha To Lage Baras Ke Samaan
Hume Intezaar Kitna Yeh Hum Nahi Jaante
Magar Jee Nahi Sakte Tumhaare Bina
Hume Tumse Pyaar Kitna Yeh Hum Nahi Jaante
Magar Jee Nahi Sakte Tumhaare Bina
Hume Tumse Pyaar....

Tumhein Koi Aur Dekhe to jalta Hai dil

Badhi Mushkilon Se Phir Sambhalta Hai dil
Kya Kya Jatan Karte Hain Tumhe Kya Pataa
Yeh Dil Beqaraar Kitna Yeh Hum Nahi Jaante
Magar Jee Nahi Sakte Tumhare Bina
Hume Tumse Pyaar Kitna Yeh Hum Nahi Jaante
Magar Jee Nahi Sakte Tumhaare Bina
Hume Tumse Pyaar.....

Raj ne jaise hi song khatam kiya sab ne khub taliyan bajayi…Priya aur Raj toh abhi bhi ek dusre ki ankhon
mein khoye huye the…Priya ne Raj ke song mein uske liya chupa pyar dekh liya tha…wo bas is pyar ko
mehsus karna chahti thi…dono ek dusre ko dekhe ja rahe the aur Isha ne yeh dekh liya…par kus bola
nahi…khair dono ne na chahte huye bhi apni najrein kisi aur taraf karlin taki kisi ko shak na ho…

Khair sabhi ne pura din khub tyari ki…aur raat ko party thi toh sab tyar hone mein lag Gaye…sab ache
lagna chahte the…
Update 65
Sab tyar ho rahe the Raj ne casual se kapde pehne the aur wo kafi cool lag raha tha…Isha ne ek salwar
kameej blue color ka wo kafi pyari lag rahi thi…

Party mein ghar ke sabhi log mojud the…sab Raj aur Isha ki tareef kar rahe the…Raj ki ankhein bas apni
jaan-e-jigar ko hi dhundh rahi thi…wo baar baar door ki taraf dekhta par na door khula Aur na Priya
ayi…akhirkar usne Geeta se puch hi liya…

Raj: wo aunty abhi tak Priya kion nahi ayi…

Geeta: are han beta wo pata nahi kahan reh gayi…tu ja kar use bula ke le a…

Raj: ji aunty main abhi jata hun…

Raj ki toh Jaise lottery lag gayi…wo bhagta huya Priya ke ghar pahunch gaya…aur Priya ke room ke door
par jakar knock karne laga…

Priya (ander se): kon hai main change kar rahi hun…

Raj: main hun Raj…

Priya: Raj acha huya tum a gaye plz ander a kar meri help kardo…

Raj ne gate khola aur ander chala gaya…jaise hi uski najar Priya par padi uski toh ankein wahi ruk
gayi…Priya ne ek legging aur Kamij pehna tha wo mirror ke samne khadi thi uske Baal age ki taraf kiye
huye the aur uski kameej ki back par ek zip thi Priya use band karne ki kosish kar rahi thi…

Raj wahin statue ban kar khada ho gaya…jab Priya ke socha k Raj itni time se wahin khada hai toh usne
palat kar dekha aur Raj ko apne ap ko aise ghurte dekh kar wo sharma gayi…aur apna chehra niche ki
taraf kar liya…

Priya: Raj tum aise kya khade ho…yahan ao na…

Raj(haklate huye): han main wo ata hun…

Raj dhire dhire Priya ke paas pahunch gaya…Priya ne uski taraf Apni Peeth karli…Raj ko kus samaj nahi a
raha tha k kya karna hai…wo puri tarah se apna control khota ja raha tha…isliye wo aise hi khada raha…

Priya: Raj ab aise hi khade rahoge yah meri help bhi karoge…

Raj: kya karna hai…

Priya: pls meri kameez ki zip band kar do…

Raj ne Priya ki baat sun kar apna hath dhire dhire zip ki taraf badaya…jaise hi Raj ne jip ko pakda toh
Priya ki Peeth par Raj ki unglian touch Karne lagi…ab Priya ki halat Raj se bhi jyada kharab hone lagi thi
par wo apne ap ko control mein rakhna chahti thi…

Raj ne halke se zip upar hi taraf khinchi toh uski fingers Priya ki Peeth ko sehlane lagi…isse Priya ki
sansein bhari hone lagin aur yeh Raj ne bhi mehsus kar liya tha…Raj ne Priya ki zip band ki aur fir use
apne taraf ghuma liya…aur use apne se thoda dur karke use gaur se upar se niche tak dekhne laga…Raj ki
aisi harkat se Priya ne halka sa muskura kar pucha…

Priya (Raj ki ankhon mein pyar se dekh kar): kya dekh rahe ho shona…

Raj: dekh raha hun k kaise dharti par chand ka tukda utar aya hai…

Priya: acha par chand mein toh daag hote hain…

Raj: toh thik hai Jo tukda saaf wala hai wo hi tum ho…aur agar aj toh chand bhi tumhe dekh le toh
Sharma jaye…

Raj ki baat sun kar Priya sharma gayi…aur usne Raj ki chest par apna munh rakh diya…Raj ne bhi Priya ke
sir par hath rakh kar use sehlana shuru kar diya…

Raj: Priya ek baat puchun…

Priya: han pucho…

Raj: tumhe jab Maine kiss kiya toh tumhe bura toh nahi laga…

Priya: Mujhe nahi pata…

Raj: acha fir dobara karke dekhein…

Yeh bol kar Raj ne Priya ka chehra upar kiya…aur uske chehre ke paas apna chehra leke Jane laga…Raj ko
kareeb ate dekh Priya ne apni ankhein band karli…Raj uske boht kareeb a gaya…Raj ek pal ke liye ruka
aur usne Priya ke chehre ki taraf ek baar dekha aur uske mathe par kiss kar diya…

Priya ne apni ankhein kholi wo Raj ki taraf swaliya najron se dekh rahi thi mano usse lip kiss na karne ka
karan puch rahi ho…

Raj: Priya hamara pyar is sab ka mohtaj nahi hai…

Jab Raj ne yeh baat kahi toh Priya ko us par boht Garv feel ho raha tha…use apni choice par maan
tha…uska pyar aur viswas Raj ke prati aur bhi badh gaya tha…

Priya: Raj I love you so much jaan…mujhe tum par Garv hai…main isi karn tumse pyar karti hun k tum
sab se alag ho…

Raj: I love you too baby…ab chalein sab hamara wait kar rahe honge…

Priya: Chalo sweetu…

Fir wo dono Raj ke ghar ki taraf chal pade…jab dono ghar pahunche toh wahan unke sabhi dost aur unki
families bhi pahunch chuke the…Raj aur Priya ko dekh kar sab khus huye sirf ek insan ko chod kar ap
jante hi hain Diksha…

Diksha ka Raj aur Priya ko dekh kar boht bura haal tha…uska dil hi janta tha k wo kitna gusse mein
thi…wo Raj ko pana chahti thi but Priya uske raste mein sabse badi rukawat thi…

Khair Raj aur Priya sab se mile aur fir Party shuru huyi…Raghuveer ne sab ko bataya k Isha ab un logon ki
beti hai…is baat par sab ne claps ki aur sab ne Isha aur Raj ki family ko badhayi di…fir sab ne batein karni
shuru kardi…

Mohan(sandy ke dad): Sir ab toh apko business mein help ho jayegi…Isha beti pehle bhi job karti thi…

Raghuveer: han bhai par main toh tumhara ehsan sari umar nahi chuka paunga…agar tum Isha ko Raj se
na milwate toh hamein itni achi beti kabhi nahi milti….

Mohan: sir kaisi baat kar rahe ho jitna apne hamare liya kiya hai utna main kabhi wapis nahi kar sakta…

Raj: are kya ap dono kaisi batein kar rahe hain…hum koi calculation karne thodi baithe hain Jo hisab
lagayein k kisne kis ke kiye kitna kiya hai…

Minister (Satpal chadda Monty ka baap): han bhai Raj sahi keh raha hai…party hai thoda enjoy karo…

Mohit: are chalo kus karte hain…

Minister: chalo wo pillow wali game khelte hain…kya naam hai uska…

Jagdeesh(Sonia ke papa): are wo hi na jismein jis ke paas gana khatam hote pillow hoga use punishment
di jayegi…

Minister: han wahi…

Radha(Sonia ki maa): ap logon par lagta hai dobara jawani chadhi hai…

Jagdeesh: yaar itne dino baad kahin apne logon ke sath khusi mana rahe hain…kal se Fir wahi roj ki ghisi
piti life…

Sandy: kya yaar Mami khelne do na mama ji ko…maja ayega sab khelte hain…

Fir sabhi ne han kar di aur fir niche hi mattress dal diye gaye aur sabhi circle bana kar baith gaye…ek
naukar ko music on off karne ko kaha gaya…aur fir shuru huyi game….

Pehle round mein pillow Monty ke paas gaya use nagin dance karne ko bola gaya Sab boht hanse uska
dance hi aisa tha…fir dusre round mein Pillow Priya ke paas gaya…Raj aur Priya Amne samne baithe
the…

Raj: han ab ayega maja ise saja main dunga…

Isha: are bhai tum dedo…

Raj: tu aisa kar Priya….ek song suna…

Priya: are nahi kus aur bolo Mujhe gana nahi ata…

Riya: di aise nahi chalega Jo punishment ek baar dedi wo final hai…

Fir sab ne kaha toh Priya ne bhagban ka naam liya ek baar Raj ki taraf dekha jaise use apni ankhon mein
band kar rahi ho fir usne gana shuru kiya…

Tu mujhe chhod jaaye

Yeh nahi ho sakta saathiya

Meri baaton mein tera zikar sadaa

Meri yaad mein teri fikar sadaa
Main jo bhi hoon tum hi to ho
Mujhe tum se mili apni adaa

Kyun ki tum hi ho, ab tum hi ho

Zindagi ab tum hi ho..
Chain bhi, mera dard bhi
Meri aashiqui ab tum hi ho

Tum hi ho, tum hi ho

Karz bhi, mera marz bhi..
Chain bhi, mera dard bhi
Meri aashiqui ab tum hi ho

Tere liye hi jiya main

Khud ko jo yun
De diya hai teri wafaa ne mujhko sambhala
Saare ghamon ko dil se nikaala
Main jo mit bhi gaya to wajood mera
Sada tujh mein rahe zinda..

Kyun ki tum hi ho, ab tum hi ho

Ki zindagi ab tum hi ho..
Chain bhi, mera dard bhi
Meri aashiqui ab tum hi ho

Tum hi ho, tum hi ho

Karz bhi, mera marz bhi
Chain bhi, mera dard bhi
Meri aashiqui ab tum hi ho

Priya ne pura song Raj ki ankhon mein dekh kar gaya…us waqt Priya ki ankhon mein itna pyar tha jise
dekh kar Raj ki ankhein nam ho gayi thin…Priya ne boht acha gaya tha aur sab uski singing ki tareef kar
rahe the but uske liye Raj ki ankhon mein Jo Uske prati pyar tha wo jyada important tha…
Update 66
Sunidhi: are beta tum toh boht acha gati ho…humein toh aj tak pata hi nahi tha…

Priya: are nahi aunty aisi baat nahi hai mujhe khud nahi pata tha k main acha gati hun…

Isha: han toh mere pyare Bhai ab tumhe kaisi lagi Priya ki singing…

Raj: yaar tum kitna acha gati ho Kamal hi kar diya sach mein…

Sonia: chalo game ko age badhate hain…

Fir game fir se shuru huya aur is baar pillow last mein Raghuveer ke hath mein reh gaya…

Isha: ab ayega maja papa ko punishment main dungi…

Raghuveer: chal koi baat nahi but thodi asan saja dena…

Isha: han dekhte hain…ap aisa kijiye k mom ki ankhon mein dekh kar ek romantic shayari sunaiye…

Sunidhi: yeh kya hai main aisa kus nahi karne wali…

Raj: are mom punishment papa ko mili hai apko Toh bas baithe rehna hai chup chap…

Raghuveer: are kya hota hai bachon ko khusi milegi…

Mohit: han han bachon ke bahane tu khud romance Karna chahta hai…

Mohit ki baat par sab has pade…aur fir Raghuveer ke liye cheer karne lage…Raghuveer utha aur Sunidhi
ke samne ja kar baith gaya…usne Sunidhi ke hath apne hath mein pakde aur uski ankhon mein dekh kar
shayari sunane laga…
Apni nigahon se na dekh khudko
Heera bhi tujhe patthar lagega,
Sab kehte honge chand ka tukda hai tu,
Meri nazar se dekh chand tera tukda lagega.

Raghuveer ki yeh shayari sun kar sab wah wah karne lage aur taliyan bajane lage…Sunidhi sharma kar
apna chehra niche kiye baithi thi…fir Raghuveer utha aur apni jagah par ja kar baith gaya…

Raghuveer: lo bhai ho gayi meri saja puri ab age badhein…

Fir se game shuru ho gayi…aur silsila chalta raha fir ek baar pillow Raj ke paas reh gaya…

Isha: ab toh tu fas gaya bachu…

Raj: didu meri pyari didu mujhe asan sa task dena plz…

Isha: main tujhe koi saja nahi dene wali koi aur dega…toh batao kon dega Raj ko punishment…

Priya: main dun kya Raj ko punishment…

Tabhi Diksha beech mein kud padi…

Diksha: nahi main dungi Raj ko punishment mere paas ek solid task hai Raj ke liye…

Geeta: toh beta tum bata do kya karna hoga Raj ko…

Priya udaas ho gayi thi use bilkul acha nahi lag raha tha wo Raj se kus karwaya chahti thi…but ab wo kar
bhi kya sakti thi isliye chup chap baithi rahi…

Diksha(man mein): Toh miss Priya Agarwal tune mere Raj ko mujhse cheena hai na ab dekhna main kaise
tujhse Raj ko chinti hun…abhi kus time ke liye baad mein puri life ke liye…

Sonia: Yaar Diksha kya soch rahi hai jaldi se bata Raj ko kya Karna hoga…

Diksha: dekho Raj ne Priya di ko singing karne ke liye kaha par di dance karti hain…ab Raj ko singing nahi
dance karna padega…wo bhi romantic song par mere sath…

Diksha ki is baat ko kisi ne bhi galat nahi samjha kionk sab masti kar rahe the aur kisi ke sath dance karna
koi gunah nahi hai…isliye sab ne Diksha ki han mein han mila di…Priya toh wahan se bhag Jana chahti thi
but aisa kar nahi sakti thi…

Raj: yaar thik hai main karunga… Dance mein kya khas baat hai…chalo ao…

Fir Raj aur Diksha khade huye aur sab ke beech mein akar khade ho gaye….Diksha ne apna ek hath Raj ke
kandhe par rakha aur dusre hath se Raj ka ek hath tham liya…aur Raj ne bhi apna dusra hath Diksha ki
kamar par rakha…aur fir Song chala diya gaya…
Bheegi bheegi sadkon pe main
Tera intezaar karun
Dheere dheere dil ki zameen ko
Tere hi naam karun

Khudko main yoon kho doon

Ke phir na kabhi paaun
Haule haule zindagi ko
Ab tere hawaale karun

Sanam re, sanam re

Tu mera sanam hua re
Sanam re, sanam re
Tu mera sanam hua re
Karam re, karam re
Tera mujhpe karam hua re

Sanam re, sanam re

Tu mera sanam hua re

O ho…

Tere kareeb jo hone laga hoon

To toote saare bharam re

Sanam re, sanam re

Tu mera sanam hua re
Sanam re, sanam re
Tu mera sanam hua re

O ho…

Baadalon ki tarah hi toh

Tune mujhpe saaya kiya hai
Baarishon ki tarah hi toh
Tune khushiyon se bhigaya hai
Aandhiyon ki tarah hi toh
Tune hosh ko udaaya hai

Mera muqaddar sanwara hai yoon

Naya savera jo laaya hai tu
Tere sang hi bitaane hain mujhko
Mere saare janam re

Sanam re, sanam re (sanam re..)

Tu mera sanam hua re
Sanam re, sanam re (sanam re..)
Tu mera sanam hua re
Karam re, karam re (karam re..)
Tera mujhpe karam hua re
Sanam re, sanam re (sanam re..)
Tu mera sanam hua re

O ho…

Mere sanam re mera hua re

Tera karam re mujhpe hua ye (x2)

Diksha dance ke dauran Raj se chipakte huye baar baar Priya ki taraf dekh rahi thi aur use jala rahi
thi…Raj normally dance kar raha tha…aur Diksha ne bhi wahan badon ki maujoogdi ke karan thoda akal
se kaam liya aur Raj se thoda fasla banaye rakha but yeh Priya ko jalane ke liye kafi tha…Priya ki ankhon
mein ansoo a gaye the but wo kisi tarah roke huye thi…

Khair dance khatam huya aur sabhi ne dono ki tareef ki…fir dono apni apni jagah par baith gaye aur
game age badhi…aise hi masti karte huye party khatam huyi aur sab apne ghar chale gaye…sab thak kar
so gaye the par Priya apne kamre mein abhi bhi pareshan baithi thi…

Priya(man mein): mujhe yeh Diksha kus thik nahi lag rahi …mujhe aisa kion lag raha tha k Diksha mujhe
jalane ki kosish kar rahi thi…kahin wo Raj ko mujhse alag toh nahi karna chahti…ho bhi sakta hai kionk
wo hamesha Raj se chipakti rehti hai…mujhe bada dar lag raha hai…mujhe Raj se is bare mein baat karni
padegi…kahin der na ho jaye…

Priya inhi sab sochon mein khoyi huyi thi aur aise hi kab pata nahi use neend a gayi…dusri Taraf Diksha aj
apni choti si jeet se boht khus thi…

Diksha(man mein): Aj boht maja aya Raj ke kitna kareeb thi main aur wo Priya uski toh shakal dekhne
layak thi…puri tarah se jealous feel kar rahi thi wo…dekh Lena wo din dur nahi jab Raj mera hoga aur wo
Priya kahin kisi kone mein baith kar apne ansoo Baha rahi hogi…akhir usmein aisa hai hi kya Jo mujh
mein nahi hai…main bhi khubsurat hun hot hun na Jane kitne ladke mere age peeche ghumte hain...bas
yeh Raj hai Jo mujhe dekhta hi nahi…par ab jyada din nahi…ab Raj sirf mera hoga…

Diksha Apni jeet ki khusi mana rahi thi…is Raat boht kus huya jayadatar logon ke liye yeh normal tha but
kus log khas kar Priya aur Diksha ke kiye yeh normal Nahi tha…yahan Diksha ko ismein apni jeet najar a
rahi thi wahin Priya ko Diksha par kus kus shak hone laga tha…
Update 67
Agle din Monday subah Priya Raj ke ghar chali gayi…hall mein Isha baithi thi…

Priya: Isha di Raj kahan hai…

Isha: are aj kya huya abhi toh college ka time nahi huya na…

Priya: han par mujhe usse kus baat karni hai…

Isha: OK wo apne kamre mein hi hai…

Priya wahan se chali gayi…Isha uske Jane ke baad apne ap se hi bad badayi…
Isha: kamal ki ladki hai…aisi kya baat hai k subah subah hi karni hai…thoda wait bhi nahi kar sakti…

Udhar Priya Raj ke kamre mein chali gayi…aur Raj laptop par kus kar raha tha Priya ko dekh kar wo bola…

Raj: are tum yahan aur tumhe yeh nahi pata k knock karke ander ana chahiye…agar main kus aur kar
raha hota toh…

Priya: toh aur kus door lock karke karna chahiye aur mujhe tumhare kamre mein ane ke liye knock karne
ki jarurat nahi hai…

Raj: OK baba…vaise tum kaise itni jaldi aj…

Priya: wo Raj mujhe tumse kus baat karni hai…

Raj: han bolo…

Priya: pehle batao ke tum meri puri baat sunoge aur gussa nahi karoge…

Raj: main tumhara gussa kion karne laga…bolo kya bolna hai…

Priya (thoda serious hote huye): Raj Mujhe wo Diksha ke bare mein baat karni hai…

Raj(normally): han bolo kya huya diksha ko…

Priya: use kus nahi huya…but asal mein mujhe pasand nahi k wo tumhare as paas aye…

Raj: wo kion ane lagi mere paas…

Priya: wo kal raat wo chipak chipak ke dance kar rahi thi tumhare sath…

Raj(Priya ko chidate huye): acha toh mam ko Jalan ho rahi hai…vaise kal raat tum so bhi payi ja sirf jalti hi
rahi…

Priya(halke gusse mein): Raj main koi jal nahi rahi hun…main sirf yeh kehna chahti hun…k mujhe lagta
hai k Diksha tumhe pasand karti hai…mujhe dar lagta hai kahin wo hum dono ko alag na karde…

Raj(thoda serious ho kar): sweetu aisi baat nahi hai…aur maan lo wo mujhse pyar karti bhi hai…but main
toh tumse pyar karta hun na…isliye tumhe darne ki jarurat nahi hai…hum kabhi alag nahi honge…

Priya: Raj tum boht bhole ho duniya aisi nahi hai Jaise tum ho…plz Raj usse dur raha karo…

Raj(Priya ko apni bahon mein lekar): thik hai jaisa tum kahogi vaise hi hoga…par tum ab jyada tension
mat lo…aur apna mood thik karo nahi toh mera bhi kahin man nahi lagega…

Priya (Raj ki Peeth par apne hath kaste huye): I love you Raj…

Raj: I love you too baby…

Dono aise hi ek dusre ki bahon mein lipte rahe…Priya apni sari fikar bhul gayi thi Raj ki bahon mein a
kar…aur Raj bhi chahta tha k Priya jyada tension na le…

Par tabhi ekdum se door khula aur Sunidhi bina idhar udhar dekhe Raj ke kamre mein ghusi Aur befikar
boli…

Sunidhi(ekdum se): Raj college ke liye tyar ho jao…

Par Jaise hi Sunidhi ki awaj ayi dono ke hosh udh gaye…dono ek dum se alag ho gaye aur apna chehra
niche karke khade ho gaye…aur Sunidhi ne bhi un dono ko aise dekh liya tha…

Sunidhi(jhat se bahar jati huyi door lock karne ke liye khicha aur jati jati bol gayi): Sorry Raj ab Mujhe
door knock karke ana chahiye…

Sunidhi ke Jane ke baad Raj ki halat aisi thi mano kato toh khun nahi…Aur Priya ko koi tension nahi thi
par wo thoda sharma rahi thi…Par Raj ki toh dar ke mare fat gayi…

Raj(tension bhare lehje mein): Yaar ab toh mar gaye mom ko kya jawab dunga…hum dono aise kion
band kamre mein hug kar rahe the…

Priya (Sharmate huye): Aunty ko kus batane ki jarurat nahi hai unhein sab pata hai…

Raj(tension mein): kya unhein pata hai k tum mujhe hug karne wali ho…

Priya(Raj ko samjha te huye): nahi unhein aur Isha di ko hamare pyar ke bare mein sab pata hai…infact
sab se pehle aunty ko hi pata chala tha aur unhone hi mujhe himmat nahi harne di aur agar aj tum mere
sath ho toh sirf unki wajah hai…

Raj ki toh sans mein sans ayi par ab use Isha aur Sunidhi ko face karne ke liye himmat jutani
padegi…kionk pehle use pata nahi tha k unhein pata hai…

Raj(sukoon se): shukar hai ….main toh dar hi gaya tha…kisi aur ko toh nahi pata na…

Priya(Raj ko chidate huye): nahi bas aur ko nahi pata…darpok kahin ke…

Raj: acha aur tu Jealous hoti rehti hai…us pyari Diksha se…

Priya(gusse se): acha pyari Diksha…tum mujhse maar khaoge…

Dono ne thodi der aise hi masti ki aur fir Priya apne ghar ke liye nikal gayi…Priya ko Raj se Diksha ke bare
mein baat karne ke baad thoda sukoon mila tha…

Fir dono tyar huye aur college ke liye ek sath nikal Gaye…college pahunch kar dono ne classes attend ki
aur fir Sabhi roj ki tarah Canteen mein ikathe huye…abhi bhi raat ki party ki batein chal rahi thin…

Sandy: bhai kal toh maja a gaya…hum sab toh thik hai hamare parents bhi kal toh full masti ke mood
mein the…
Riya: sahi kaha aur Priya di ki singing toh kasam se boht maja aya…

Tabhi Diksha ko Priya ko jalane ki ek aur scheme shuji…

Diksha(Priya ki taraf dekhte huye): Vaise Raj ka dance bhi boht acha tha…

Sonia(normally): han yaar tum dono ne toh aag hi laga di thi…kamal ki jodi thi…

Sonia ne Jaise hi jodi wali baat nahi Priya ko boht gussa aya…halanki Sonia ka koi galat irada nahi
tha…but Jis tarah se Diksha Priya ki taraf dekh rahi thi mano use bata rahi ho k Sonia ki baat dhyan se
sune…Diksha ki is harkat se Priya boht gusse mein thi…Isliye wo wahan se jaldi se Jana chahti thi…

Priya: Raj mujhe lagta hai humein ghar chalna chahiye…

Diksha: are baitho na tum dono abhi kitna maja a raha hai baton mein…

Priya (halke gusse se): humein kus kaam hai…plz Raj chalo warna late ho jayenge…

Raj: Han chalo…Ok guys…see you later…

Raj aur Priya wahan se chale gaye…Diksha ko badi khusi mili Priya ko is tarah tadpate dekh…

Diksha(man mein): Priya abhi toh yeh shuruwat hai aur tum abhi se aise kar rahi ho…age age dekh hota
hai kya…

Raste mein Priya chup chap si baithi thi wo kus soch rahi thi…Raj ko Priya ka behavior kus alag sa lag
raha tha…

Raj: Priya kus problem hai kya…tum canteen se bhi itni jaldi mein bhagi…

Priya (wo Raj se dobara Diksha ke bare mein baat nahi Karna chahti thi): kus nahi Raj bas kus man sa
nahi lag raha…

Raj: are aise kaise nahi lag raha main hun na tumhare sath…

Priya: Raj aise nahi bas kus lazy sa feel kar rahi hun…

Raj(gadi rok kar tension mein): Priya kahin tumhe bukhar toh nahi chalo doctor ke paas chalte hain…

Priya: nahi Raj aisa kus nahi hai…

Raj: toh thik hai hum kahin bahar ghumne jate hain…puri family…

Priya ko yeh baat sahi lagi…Raj aur wo ek sath ghum bhi lenge aur Diksha se kus Dino ke kiye peecha bhi
chutega…

Priya(khus hokar): Han yeh sahi hai…kahan chalein…

Raj: ghar jakar sochte hain…yahan sabhi Jana chahenge…wahin chalenge…

Priya: han yeh bhi sahi hai...toh chalo ab jaldi se gadi ghar le chalo…

Raj(kisi driver ki tarah): yes mam…

Raj ke aisa karne par Priya thoda muskura di…Priya ko is tarah khus dekh kar Raj ko bhi acha laga…Fir
dono ghar ki taraf chal pade…
Update 68
Ghar pahunch kar Priya apne ghar chali gayi aur Raj Apni gadi lekar apne ghar…Hall mein Isha baithi thi
aur Sunidhi kitchen mein kus kar rahi thi…

Isha(Raj ko dekh kar): Raj aj tumhara din kaisa raha…

Raj: acha raha didu…aur kya ap mere room mein ayengi…mujhe apse kus baat karni hai…

Isha: han kion nahi…tu chal main thodi der main ati hun…

Raj: OK didu…

Fir Raj apne kamre mein chala gaya …washroom se fresh hone ke baad bed par akar baith gaya…tabhi
thodi der baad Isha Raj ke room mein ayi…

Raj: didu ao baitho…

Isha (bed par baithte huye): han Ab bolo kya baat hai…

Raj: didu asal mein aj Priya bol rahi thi k uska man nahi lag raha toh Maine socha k kion na kahin
ghumane chalein…

Isha(shararti andaz mein): acha toh apni GF ki itni fikar hai…vaise kahan Jane ki Sochi hai…

Raj: didu wahi toh samaj mein nahi a raha…isiliye toh apko bulaya hai…

Isha: hmm(sochte huye)… aisa karte hain aj sham ko jab papa aur uncle a jayenge toh dono families ek
sath baith kar decide karenge…

Raj: OK didu ap aisa kijiye Geeta aunty ko bol dena k aj dinner hamare ghar mein hi karenge wo log aur
fir discussion bhi ho jayegi…

Isha: han yeh sahi rahega…toh ab main mom ke paas jati hun unko kus kaam tha mujhse…tu aram kar…

Raj: OK didu…

Fir Isha wahan se chali gayi…aur Raj chup chap late kar aram karne laga…kab uski ankh lag gayi kus pata
hi nahi chala…
Sham ko kareeb 5:30 baje Raj ke room ka gate khula aur koi halke kadmon se ander aya…yeh Priya hi
thi…fir wo dhire dhire Raj ke bed ke karib gayi…usne apne hath mein ek pani ka jug pakad rakha tha…

Raj ke karib pahunchte hi Priya ne pani se bhara jug Raj ke upar daal diya…Raj aise utha mano koi bhad a
gayi ho…aur Priya jor jor se hasne lagi…

Raj(had bada kar): yeh pani kahan se aya…

Raj ne Jaise hi Wahan Priya ko hath mein jug liye hanste dekha toh use samjhne mein der na lagi k yeh
sab Priya ka kara dhara hai…

Raj jaldi se uth kar Priya ko pakadne laga par Tabhi Priya gate ki taraf hanste huye bhagi…Par Raj ne use
Jane nahi diya aur piche se use apni bahon mein utha liya…

Priya Raj se chutne ke kiye hath pair mar rahi thi par Raj ki pakad boht majbut thi…

Priya(chutne ki kosish karte huye): Raj chodo mujhe warna…

Raj: kya kar logi warna…

Priya: kus nahi but aunty ko bata dungi…

Raj: acha toh bata de main bhi sab ko bataunga tune mere upar pani dala…

Priya: han toh fir kya huya Maine toh majak hi kiya na…

Raj: chal thik hai par ab majak main karunga tujhe Bath tub mein dal deta hun…

Priya(hath pair marte huye): Raj plz aisa mat karna mere pure kapde kharab ho jayenge…

Raj(Priya ko utha kar washroom ki taraf chal pada): acha jab meri neend kharab ki uska kus nahi apne
kapdon ki jyada fikar hai tumhe…

Priya(gate ki taraf dekhte huye): acha huya aunty ap a gayi…dekhiye na Raj kya kar raha hai…

Priya ki baat sunte hi Raj ne Priya ko chhod diya…par yeh kya wahan toh koi nahi tha…Raj ko Priya ne
budhu bana diya tha…Isse pehle ke Raj Priya ko dobara pakdta Priya jaldi se gate ke paas chali gayi…aur
bahar jate huye Raj se boli…

Priya: budhu ghar mein toh koi hai hi nahi…aunty aur di toh hamare ghar par hain…

Yeh bol kar Priya ne Raj ko jeeb dikhayi aur wahan se bhag gayi…Raj bas dekhta reh gaya fir wo bhi halka
sa muskuraya aur washroom chala gaya…

Raat mein sabhi dinner ke liye Raj ke ghar mein Dinning table par baithe huye the…Isha ne baat shuru
ki…

Isha: main ap sabhi ko btadun k aj humne yeh dinner yeh decide karne ke liye rakha hai k hum log kahin
bahar Jane ka plan bana rahe hain…

Raghuveer: bhai main toh nahi a paunga…

Isha: dekho Jana toh sab ko padega…chahe koi jaruri kaam ho yah nahi…jo nahi jayega wo mujhse baat
nahi karega…

Raghuveer: beta yeh kya hai…yeh toh emotional blackmail hai…beta Mohit free hai wo chala jayega…

Isha: Jo bhi samjiye bas yeh btaiye k Jana hai yah nahi…

Raghuveer: chal theek hai…

Isha: toh thik hai ab yeh batao ap log k jana kahan hai…

Mohit: shimla chalte hain…

Geeta: nahi wahan nahi kahin aur…

Priya: Jaipur…

Sunidhi: main kus kahun…

Raj: han bilkul…

Sunidhi: ek kaam karte hain…mere gaon chalte hain…

Sunidhi ki baat sun kar sab khus ho gaye…Kionk bachon mein se koi bhi wahan nahi gaya tha…Baki sab
bhi boht pehle gaye the…Raj Priya aur Isha toh kus jyada hi excited the…

Isha: han mom ap mujhe bata rahi thi k apke mom dad gaon mein rehte hain…

Priya: wow aunty maja ayega...suna hai gaon mein boht kus hota hai dekhne ko…

Sunidhi: han main tum sabhi ko boht kus dikhungi…

Raj: mom apne btaya tha k Nana ji ki ek haweli bhi hai gaon mein…

Sunidhi: han beta tum jab boht chote the tab hum log Gaye the…

Priya: wow aunty vaisi haweli na jaisi filmon mein hoti hai…

Isha: aur nahi toh kya…pagal kahin ki kus bhi puchti hai…haweli jaisi hoti hai vaisi hi hogi na…

Raghuveer: ab bhai sare gaon ki jankari yahin chahiye? kus baad ke liye bhi bacha lo…

Mohit: toh final raha hum log Kal sham ko hi niklenge Raat mein safar karne mein maja ata hai…
Geeta: acha apko toh maja ayega hi…gaadi toh bechare driver ko hi chalani hai na…

Sunidhi: are koi baat nahi vaise bhi raat ko chalenge toh subah tak pahunch jayenge…

Raghuveer: OK bhai ab sab final ho gaya kal subah jis jis ko Jo Jo chahiye wo tyar rakhna raat ko time par
niklenge…

Sunidhi: time par apko kya attendance lagani hai kya…

Sunidhi ki baat par sab Hans pade…

Raj: OK yaar ab khana kha lein…baton se pait nahi bharne wala…mujhe toh boht bhukh lagi hai…

Sunidhi: han sahi kaha ab sab khana kha lo fir subah Jane ki tyarian karenge…

Fir sab ne khana shuru kiya aur khana khatam karne ke baad Priya aur uske parents apne ghar chale
gaye aur baki sabhi apne apne kamron mein…aj sabhi khus the akhir puri family ek sath ghumne Jane
wali thi…sabhi jaldi hi kal ke bare mein sochte sochte so gaye…
Update 69
Agle din subah se hi Sabhi tyarian karne mein lage the Sab boht khus the sab Apni apni jarurat ki chijein
pack kar rahe the…Raj bhi apni packing kar raha tha…tabhi Sandy ka call aya… Raj ne call pick kiya…

Raj(ek hath se saman uthata huya): han Bhai bol kion phone kiya…

Sandy: bhai aj college kion nahi aye tum dono sab thik toh hai na…

Raj: han yaar wo asal mein hum log gaon ja rahe hain ghumne usi ki tyarian kar rahe hain…

Sandy(tana marte huye): acha sale kya dosti nibhayi hai…akela ja raha hai hum log yahan tera wait kar
rahe the…wo toh acha huya Diksha ne bola k puch lo…

Raj: nahi yaar aisi baat nahi hai achanak plan ban gaya is liye bata nahi paya…

Sandy: toh ek kaam kar mera…

Raj: han bol…

Sandy: hum logon ko bhi sath le ke chal…

Raj: yaar hum log toh aj sham ko hi nikal rahe hain…

Sandy: toh kya hua hum log sham tak ready ho jayenge…

Raj: kon kon Jana chahta hai…

Sandy: OK ek mint hold kar puch kar btata hun…

Fir Sandy ne hold kiya aur sabse baat karne ke baad fir Raj se baat ki…
Sandy: yaar main Sonia Riya Diksha aur Monty hum panchon chalenge…

Raj: thik hai bhai…toh Fir tum sab tyar rehna…

Fir Sandy ne phone kaat diya…Sab canteen mein baithe the…jab Sandy ne btaya k wo log bhi Raj ke sath
ja rahe hain toh sab khus the…khaskar Diksha…

Diksha (man mein): ab ayega maja Priya ne kya socha k wo Raj ko mere se dur le jayegi…ab dekhna kaise
tujhe hara kar Raj ko hasil karti hun…wo bhi boht hi jald…

Diksha ke chehre par ek ajeeb si muskan thi…use lag raha tha k wo yeh ladayi jeet hi jayegi…

Udhar Jab Sandy ne Raj ko kaha k wo log bhi sath ane wale hain Raj ne sab se baat ki sab khusi khusi tyar
ho gaye sath lejane ko….Priya ko vaise toh khusi thi k Sonia aur Riya bhi sath ja rahe hain…par Diksha se
use boht chid ho rahi thi…par wo kus kar nahi sakti thi is liye kus nahi boli…

Khair sab tyaar ho gaye aur raat ko 8:00 baje tak sabhi Raj ke ghar mein ikathe ho gaye…Sandy aur baki
sab Monty ki gadi se a rahe the aur wo un logon ko raste se join karne wale the…

Raghuveer(ghadi dekhte huye): chalo ab hum logon ko niklna chahiye…Sunidhi tumne Papa ko phone
kar diya hai kya…

Sunidhi: han Maine phone karke bata diya k hum log a rahe hain…

Mohit: toh chalo bhai...Vaise bhi Raat ka safar hai…upar se by road Jana hai…

Raj: ab log papa ki gadi mein chale jao sab baith jaoge…main didu aur Priya meri car leke jayenge…

Mohit: chalo thik hai…

Geeta: toh chalo ab…

Fir wo bahar chale gaye Raj aur Raghuveer ne apni apni gadi nikali…sabhi ne faisla kiya tha k drivers nahi
leke jayenge…is liye khud hi drive karne wale the…

Fir charon bade Raghuveer ki gadi mein baith Gaye aur Raj Isha aur Priya Raj ki gadi mein…Raj drive kar
raha tha aur Isha samne wali seat par baithi thi Priya back seat par aur uske hath mein Raj ka guitar tha…

Isha(seat belt bandhte huye): Priya tum yeh guitar side mein rakh kar aram se bhi toh baith sakti hai…

Priya: nahi di kahin tut na jaye…Raj ki jaan hai yeh guitar…

Priya ki masoom baat par Raj aur Isha muskura pade…

Isha(shararat karte huye): par Raj ki jaan toh tu hai na…

Isha ki is baat par Priya sharama padi...

Raj: didu ap bas bhi karo kion bechari ko tang kar rahi ho…

Isha: OK bhai ab chalein papa ne toh apni gadi chala bhi li…hum peeche na reh jayein…

Raj: OK didu…

Fir Raj ne bhi apni gadi Raghuveer Ki gadi ke peeche badha di…Raste mein Monty ki car ne bhi in logon
ko join kar liya aur fir sab gaon ki taraf badh chale…

Raj baar baar mirror se Priya ko dekh raha tha Priya bhi mirror mein Raj ko dekh rahi thi…ghar se chale
huye kafi time ho chuka tha…Raj thak bhi gaya tha drive karte karte…

Isha: Raj ab main drive karti hun…tum thoda aram karlo…

Raj: Thanks didu…

Fir Raj ne gadi side mein roki aur fir Isha aur Raj ne apni seat change ki…aur Isha drive karne lagi…ab Toh
Raj aur Priya dono bilkul free the ek dusre ko dekhne ke liye…

Raghuveer ki car sabse age thi aur baki dono cars uske peeche…Subah hone lagi thi…aur manjil bhi
kareeb ati ja rahi thi…gaon shuru ho gaya tha sabhi gaon ki shanti mein kho se Gaye the...boht hi
khubsurat nazara tha har taraf hariyali thi…subah ka time tha toh parindon ki awajein a rahi thin…

Sab is khubsurat nazare ko dekh rahe the….kareeb 5:30 baje Raghuveer ki gadi ek shandar aur badi si
haweli ke age ruki…uske peeche peeche sabhi dono gadian bhi ruk gayin…Vaise Haweli gaon ke bahar hi
thi…har taraf sirf khet hi khet the…

Isha: Raj lagta hai pahunch gaye hain…

Raj: han didu wo dekho gate khul raha hai lagta hai unhein pata lag gaya hoga k hum pahunch gaye
hain…

Fir haweli ka main gate khula aur Raghuveer ne gadi ander ki taraf badha di...Uske peeche peeche Isha
aur Monty ne bhi apni cars ander karlin…

Ander se toh haweli ka nazara aur bhi khubsurat tha…alishan haweli thi…boht hi badi ek bada sa garden
tha jismein beech mein ek pool Bana huya tha sab hairan the k gaon ki haweli mein pool ka kya kaam…

Sab ne gadi park ki aur bahar nikal aye aur ek jagah ikathe ho gaye…aur unka welcome karne ke liye Raj
ke nana nani khade the…kionk Sunidhi unki iklauti aulad thi toh aur koi nahi tha wahan…

(Khair main in dono ka into. De dun…

Ranjit Singh (Sunidhi ke papa): yeh ek boht hi rich family se hain…ap ab tak samaj hi gaye honge…inke
paas boht jameen hai…par yeh boht padhe likhne bhi hain…isliye inhone apni haweli mein Sab facilities
rakhi hain…yeh nature se bade majakia hain…70 ki age mein bhi kafi fit hain…
Sushma Singh: yeh Sunidhi ki maa hain…inki umar 68 saal hai yeh kafi shant rehti hain…jyada padhi likhi
nahi hain…but thoda boht padhi hain….)

Toh Raj ke Nana nani ne in logon ka welcome kiya sab ne pair chu kar unka ashirwad liya…

Ranjit(Raj ke kandhe par hath rakh kar): akhir tum logon ko hamari yaad a hi gayi…

Raghuveer: are papa hum yaad toh apko boht karte the par a hi nahi paye…aur ap bhi konsa hamare
paas ate hain…sirf phone par hi baat karte hain…

Sushma: beta inko is gaon aur apni jameen se time mile toh kus aur karein…

Ranjit: ab tum log sari batein yahin karoge yah fir ander bhi ana hai…(naukaron se)bhai sab ka saman
inke kamron mein rakhwa do…

Fir sab Ranjit ke peeche peeche haweli ke ander chal pade…haweli ander se aur bhi khubsurat
thi…haweli mein boht sare kamre the…ap is baat ka andaza isi se laga sakte hain k sabko apne apne
room alag mile the…khair sabhi ek bade se hall mein baith gaye…jitne sofon par baith paye wo baith
gaye baki ke liye chairs mangwa li…Raj ko Ranjit ne apne paas baitha liya tha…

Sunidhi(Isha ko Ranjit ke paas Leja kar): papa Maine apko hamari beti ke bare mein btaya tha na…wo
yahi hai…

Ranjit(Isha ke sir par hath rakh kar): acha toh beta tum ho Isha…sach mein badi pyari ladki hai…(apni
patni se)Sushma Maine Jo aj gift tujhe pakdaya tha wo le ke ana…

Fir Sushma ek gift le ayi…packing dekh kar toh koi jewelry lag rahi thi…Khair Ranjit ne wo gift pakda aur
Isha ko de diya…

Ranjit: beta main tumhare liye yeh necklace laya tha…pehan kar dekhna agar pasand na aye toh bol
dena…

Isha: thanks nanu…aur Jo bhi ho mujhe jarur pasand ayega akhir mere nanu ka first gift hai…

Raj: nanu yeh achi baat nahi hai….mere liye kus nahi…

Ranjit (Raj ki Peeth thap thapa kar): beta sab ke gift milenge…but abhi tum log Sab aram kar lo…Raat ko
soye nahi ho….baad mein batein karenge…aur gaon ghumenge…vaise bhi kam se kam ek week toh tum
logon ko Jane nahi dunga…

Sunidhi: han sahi kaha papa hamein hamare kamre dikha dijiye hum aram kar lete hain…

Fir Ranjit ne sab ke sath ek ek naukar bhej diya Jo sabhi ko unke kamron mein chhod aye.. Aur sabko
kamre boht pasand aye…sach mein yeh haweli kisi palace se kam nahi thi…Fir Sabhi thake hare bed par
lait gaye…aur neend ke agosh mein kho gaye…
Update 70
Sab ne aram kiya aur lunch ke time sab ko utha liya…Sab Dinning table par baithe the…Aur sab khana
khate huye batein bhi kar rahe the…
Ranjit: beta tum log bata rahe the k kisi ne Isha ka kidnap karne wale ko maar diya tha aur Isha ko apne
sath le gaya tha…uska kus pata chala…

Raghuveer: nahi papa uska kus pata nahi chala Maine kayi baar police se pucha par wo log bolte hain k
koi suarg hi nahi hai toh dhundhna muskil hai…

Ranjit: han par aise toh Isha beti par khatra hamesha bana rahega…kus toh solution nikalna hi padega
na…

Raghuveer: han kus toh karna padega…ab Toh mujhe lagta hai koi strong decision Lena padega…aise
kaam nahi hone wala…

Raj: han papa main bhi bolne wala tha k hamein kus aur karna chahiye vaise bhi home minister toh apke
dost hain…aur hum unke bachon ke…

Monty: han bhai mujhe lagta hai k papa se baat karni chahiye aur us kamine ka kus pakka hal nikalna hi
padega…

Sunidhi: ab tum log bas bhi karo hum yahan refresh hone aye hain…aur tum log faltu mein tension le
rahe ho…agar use kus karna hi hota toh wo itne din shant thodi rehta…

Isha: han sahi kaha mom apne…

Raghuveer: fir bhi hamein Toh apni security ka dhyan rakhna hi padega na…

Sunidhi: han but abhi khana kha lijiye…

Ranjit: han fir main Sabhi bachon ko sham ko hamari jameen aur bagiche dikha kar launga…

Raj: han nanu maja ayega…

Fir sabhi ne apna lunch khatam kiya…aur Sham hone ka intzar karne lage…sham hote hi sabhi Ranjit ke
sath unke khet dekhne chal pade…bade sabhi ghar par hi the…

Ranjit pehle in logon ko apne ek bagiche mein le gaya wahan kayi tarah ke fruits lage huye the…Sabhi us
bagiche ko dekh kar khus ho gaye…

Riya: wow kitna acha lag raha hai har taraf fruits hi fruits…

Sonia: han kash main hamesha ke liye yahin ruk jaun…

Ranjit: are beta tum logon ka apna ghar hai jab ana chaho a jaya karo…

Fir sabhi age ki taraf badh chale…par Raj ne Priya ka hath pakda aur sabse najar bacha kar use ek taraf le
gaya…

Priya (dhire se): Raj kya kar rahe ho…nana ji sath mein hain kya sochenge wo…
Raj ne kus nahi bola aur Priya ko ek tree ke sath khada kiya aur apna ek hath uski kamar par rakha aur
dusra tree par…

Priya (Raj Ki ankhon mein dekh kar): Raj kya kar rahe ho koi a jayega…

Raj(Priya ke kareeb munh karke): koi nahi ayega…sab ghumne mein busy hain kisi ko kus pata nahi
chalega…

Priya: Raj aise kaise pata nahi chalega baby…plz babu maan jao na agar kisi ne hamein aise dekh liya toh
main toh sharam se mar hi jaungi…

Raj(thoda dur ho kar majburi mein bola): thik hai yaar chalo but yaad rakhna aj Raat ko mere kamre
mein ana padega…

Priya (Raj ke haal khinchte huye): OK mera shona…main jarur aungi…

Raj(shararti najron se dekhte huye): acha tum toh badi jaldi maan gayi…kahin Maine tumhare sath kus
aisa vaisa kar diya Toh…

Priya: mujhe tum par khud se jyada trust hai…ab chalein…

Fir Priya baki logon ki taraf chal padi…Aur Raj use jate huye pyar se dekhne laga…Priya ki kahi baat par
Raj ko boht pyar a raha tha…

Priya (peeche mud kar): Raj ab chalo bhi…

Fir Raj chup chap Priya ke sath chal pada…un Dono ne sabhi ko join kar liya…kisi ko kus pata nahi
chala…but Diksha ki najar toh Sara din Raj par hi rehti thi…Raj wahan na ho aur Diksha ko pata na chale
aisa kabhi ho sakta hai kya…

Diksha ko pata chal gaya tha k Priya Raj ke sath akeli thi…par wo kus nahi keh sakti thi…isliye wo jal bhun
kar reh gayi…

Khair aise hi sabhi ghumte rahe Sab boht khus the Diksha ko chhod kar…Raj aur Priya toh apne pyar ke
palon ko khub enjoy kar rahe the…wo dono ek dusre ki taraf baar baar chor najron se dekhte jab dono ki
najar milti toh dono ek dusre ko ankhon ki ankhon mein boht kus keh dete…Diksha unke is nain matake
ko dekh kar jalti rahi…

Fir sabhi kafi der ghumne ke baad wapis haweli ki taraf chal pade…Suraj dubne ko tha aur uski lal roshni
se wahan ka shant mahol aur bhi haseen ho gaya tha…parinde apne gharo ko laut rahe the…unki
awajein mahol ko aur bhi sukhad bana rahi thin…

Sab kudrat ke is khubsurat nazare ka lutf utha rahe the…Aur iski tareef kiye bina nahi reh pa rahe the…

Monty(Raj se): bhai kitna khubsurat nazara hai na…sehar mein yeh sab kahan dekhne ko milta hai…

Raj: sahi kaha yaar sehar mein log paison ke peeche bhag bhag kar itne thak chuke hain k kusdrat ke in
haseen lamho se dur hote ja rahe hain…

Priya(Raj ki taraf pyar se dekh kar): thanks Raj yeh tumhara hi plan tha ghumne ka…

Raj: welcome but yahan ane ka plan toh mom ka tha…

Tabhi batein karte karte Sab kab haweli pahunch gaye pata hi nahi chala…fir sab apne apne kamron
mein gaye aur fresh hone ke baad sab Dinning table par dinner ke liye ikathe huye…

Sunidhi(khana khate huye): Toh aj ka din tum logon ka kaisa raha…

Sandy: are aunty puchiye mat aj jitna maja aya life mein kabhi nahi aya…main toh sochta hun apna
saman mangwa lun aur yahin rehne lagun…

Sandy ki baat par sab Hans pade…

Ranjit: bhai ek baat toh hai jab se tum sab aye ho yeh sunni padi haweli fir se khilkhila uthi hai…

Raj: are nanu ab toh ata rahunga…

Isha: han nanu…ab hum apse Milne jaldi hi aya karenge…

Ranjit: achi baat hai bacho…par abhi toh main tum logon ko jaldi Jane nahi dunga…

Mohit: are uncle jana kon chahta hai…(Raghuveer se) are bhai tu khamkha business ke chakar mein ane
se mana kar raha tha…kitni shanti milti hai yahan…

Raghuveer: han yaar sahi kaha…thanks Isha beta agar tum insist na karti toh sayad main na a pata…

Isha: welcome papa…

Fir sab ne khana khatam kiya aur apne apne kamron mein Jane lage…Raj jate waqt Priya ko uske kamre
mein ane ka ishara kar gaya…

Fir Raj kamre mein jate hi washroom mein ghusa aur fresh hone ke baad bina shirt ke mirror ke samne
khada hokar Apne six pack abs dekhne laga…

Tabhi Raj ke kamre ka door khula aur Raj ko laga k Priya hogi isliye usne koi khas pratikirya nahi ki…par
jab kus time koi kus nahi bola toh Raj ne door ki taraf dekha…

Samne Diksha khadi thi aur ek tak Raj ko ghure ja rahi thi…Diksha ko aise ghurta dekh Raj ne jhat se Apni
shirt uthayi aur pehan li…

Raj(t-shirt pehante huye): Sorry Yaar mujhe nahi pata tha k tum khadi ho…

Diksha(bed ki taraf badhte huye): koi baat nahi mujhe hi knock karke ana chahiye tha…but agar knock
karti toh aisa shandar nazara kaise dekh pati…
Diksha jab yeh bol rahi thi toh uski ankhon mein ek ajeeb si shararat thi…Raj ne socha k as a friend majak
kar rahi hai isliye usne koi khas dhyan nahi diya…

Diksha(bed par Raj aur wo dono baith chuke the): vaise kamaal ki body banayi hai…bilkul hero lagte ho…

Raj: thanks yaar …vaise tum bhi kafi khubsurat ho…

Raj ne vaise hi Diksha ki tareef ki thi aur wo sahi bhi tha Diksha thi hi itni khubsurat…par Diksha ne ate
waqt door ache se band nahi kiya tha…aur koi tha Jo wahan se in logon ko dekh aur sun raha tha… Ji han
yeh koi aur nahi Priya hi thi…par wo jyada der wahan na ruki…usse yeh nahi dekha ja raha tha k uske
pyar ki sabse badi dushman uske BF se kamre mein akeli baith kar batein kare aur uska apna Raj uski
tareef kare...isliye wo nam ankhon ke sath wahan se apne kamre mein chali gayi…

Wahan Diksha Raj ke sath flirt karne ka ek bhi mauka nahi chhod rahi thi…

Diksha (naughtiness ke sath): acha agar main khubsurat hun toh mujhe apni GF banalo…

Raj(majak mein): sorry yaar yeh offer agar pehle ata toh pakka bana leta…but ab toh main pehle se book
hun…

Diksha: minister ki beti hun chijein black mein lena janti hun…chahe stock khatam ho jaye…

Diksha ki baat par Raj has pada…

Raj: yaar tum boht achi batein karti ho…

Diksha: tumne kabhi baat karne ka mauka hi nahi diya…isliye aj khud tumhare paas a gayi…

Raj: kabhi mauka hi nahi mila…

Fir wo dono kafi der batein karte rahe fir Diksha wahan se Raj ko good night bol kar apne room mein
chali gayi…Raj uske jane ke baad Priya ki wait karta raha…par use kya pata k wo toh use Diksha ke sath
dekh kar hi bhag gayi…khair intzar karte karte wo bhi so gaya…
Update 71
Next day sab breakfast ke liye table par baithe huye the…Raj aur Priya amne samne baithe the…Raj baar
baar Priya ki ankhon hi ankhon mein kus puch raha tha…but Priya Raj se naraz thi isliye wo chup chap
apna khana kha rahi thi…

Raj ko Priya ke aise behavior ka karan nahi pata tha…isliye wo pareshan tha…baki log aj kahan Jana hai
uski planning kar rahe the…

Sunidhi: aj hum log gaon ke mandir mein jayenge…boht khubsurat hai…

Isha: han mom aur vaise bhi kafi din ho gaye mandir gaye huye…

Ranjit: toh thik hai…aj sham ko chalenge…abhi sab khana khate hain fir garden mein baith kar batein
karenge…aur jis jis ko swimming karni ho wo pool mein ja sakta hai…
Sandy: OK nana ji…

Fir sabhi ne khana khatam kiya…Raj aur Priya dono hi pareshan the toh dono ne thoda boht hi
khaya…khair fir sabhi garden ki taraf chal pade…par Priya apne room ki aur Jane lagi…Raj bhi uske
peeche peeche chal pada…

Priya ko pata chal gaya tha k Raj uske peeche a raha hai…isliye usne jaldi se kamre mein ghus kar door
band karna chaha par Raj ne apne hath se door ko rok diya…

Priya (gusse mein): Raj door chhodo aur jao yahan se…

Raj(kamre ke ander jate huye): acha mujhe toh yeh samajh nahi a raha k tum aise kion behave kar rahi
ho…ek toh Raat ko main tumhari wait karta raha…upar se gussa bhi tum kar rahi ho…

Priya(apna munh dusri taraf karke bed ki taraf Jane lagi): mujhe koi baat nahi karni…ab jao yahan se…

Raj(Priya ke peeche chalta huya): aise kaise nahi karogi baat…jab tak nahi btaogi k kya huya tab tak aise
hi pareshan karta rahunga…

Priya(Raj ki taraf gusse se palat kar): tumhe mujhse kya main baat karun yah na karun…tumhare paas
toh hai na wo chudail Diksha…aur wo boht khubsurat bhi hai…tum hi raat ko bol rahe the na use…

Raj ko samjh mein a gaya k Priya kion usse naraz hai…ab use Priya par pyar a raha tha…aur hansi bhi…Raj
hansi rokna chahta tha but wo rok nahi paya aur apna pait pakad kar hasne laga…Raj ko is tarah hasta
dekh Priya ka gussa aur bhi badh gaya…

Priya(gusse mein): tum kya samjhte ho main majak kar rahi hun…main ab kabhi tumse baat nahi
karungi…jao us chudail ke paas…aur haste raho…

Raj kus na bola aur Priya ke samne ghutno ke bal apne kaan pakad kar baith gaya…

Raj(masoom sa chehra bana kar): sorry baby…age se aisa nahi karunga…par main kya karta wo khud
mere kamre mein ayi toh kya main use bhaga deta…par agar tum mujhse baat nahi karogi toh main
mar…

Abhi Raj itna hi bola tha k Priya ne Raj ki gaal par ek jordar thapad jad diya aur fir use apni bahon mein
bhar kar rone lagi…Raj ko is thapad ka dard mehsus nahi huya kionk Priya ka pyar uske kisi bhi dard ko
khatam karne ke liye kafi tha…wo bhi kus nahi bola…aur chup chap Priya ko apni bahon mein kas kar
jakad liya…

Dono kafi der tak aise hi duniya se bekhabar ek dusre ki bahon mein khoye rahe…Fir jab Priya ka rona
band ho gaya toh Raj ne use khud se alag kiya aur uske chehre se sookh chuke ansuon ko saaf kiya…

Priya(banawati gussa dikhate huye): Tum na boht gande ho hamesha gandi batein karte ho…

Raj(Priya ke chehre ko apne hathon mein pakad kar): yaar aur kya karun jab tum mujhse baat nahi karogi
toh jindagi ka kya fayada…
Priya: nahi babu main kabhi tumse naraz nahi houngi but tum kabhi yeh sabad apne munh se nahi
nikaloge…

Raj: OK jaan...ab khus…

Priya: han boht khus…but tum us Diksha se jitna ho sake dur raha karo…mujhe wo ladki sahi nahi lagti…

Raj: mujhe pata hai k wo kus jyada hi chipku hai but kya karun friend hai toh kus bol bhi nahi sakte…but
tum mujh par yakeen rakho main sirf tumhara hun…

Priya: han jaan bas kabhi kabhi dar lagta hai…vaise bhi keemti chijon ki security jaruri hai…

Raj: I love you jaan…

Priya(Raj ke gale lag kar): I love you too baby…

Fir dono kafi time aise hi hug kiye khade rahe fir kafi der baad Raj bola…

Raj: aise hi rehne ka irada hai kya….

Priya: Han kion tum nahi chahte aise rehna…

Raj: chahta toh hun but abhi humein Jana bhi toh padega na…kahin koi humein dhundh te huye yahan
na a jaye…

Priya: OK babu chalo…

Fir wo dono alag huye aur khusi khusi garden ki taraf chal pade…wahan sab baithe batein kar rahe
the…sab neeche hi grass par baithe the…

Isha(Raj aur Priya ko ate dekh): tum dono kahan reh Gaye the…

Raj(Bahana bnate huye): wo didu Priya ke laptop mein kus problem a gayi thi…thoda bigad gaya tha abhi
theek karke a raha hun…

Isha(Raj ki baat samajh gayi k bigda laptop nahi Priya thi): acha huya theek kar liya…

Priya (dhire se Raj ke kaan mein): are wah babu tum toh ache bahane banane lage ho…

Raj(dhire se): pyar mein sab seekhna padta hai…

Fir wo dono bhi in logon ke paas baith gaye…Diksha baar baar Raj ko ghur rahi thi…par Raj uski taraf
dhyan nahi de raha tha…lekin Priya baar baar Diksha ko notice kar rahi thi aur apne man mein uske bare
mein soch rahi thi…

Priya(man mein): kitni chipku ladki hai…mere Raj ke peeche padi rehti hai yeh jante huye bhi k hum
dono ek dusre ko chahte hain…aur Raj bhi kitna bhola hai use samajh mein hi nahi ata k Diksha ki niyat
kharab hai…par main use jyada keh bhi nahi sakti khamkha Diksha ke chakar mein hamare beech jhagda
na ho jaye…par main Diksha ko Uske maksad mein kamyaab nahi hone dungi…

Udhar Diksha bhi Raj ko dekh kar apne man mein sapne saja rahi thi…

Diksha(man mein): Raj tum kab mere banoge…kab main pure haq se tumhe apna keh sakungi…hum
dono ek dusre ki bahon mein puri life gujar denge…par yeh Priya naam ka Jo pathar mere raste mein hai
iska kya karun…Raj ko toh main apni adaon se fasa hi lungi…akhir hun hi itni hot…

Diksha khud hi Apni tareef kar rahi thi aur khud hi blush bhi kar rahi thi…Priya use dekhe ja rahi thi par
use samajh nahi a raha tha k wo kis baat pe itna muskura rahi hai…

Khair in dono ko chhod baki sab full enjoy kar rahe the…

Sandy (Raj se): bhai chal yaar kus karte hain…

Raj: kya karenge…

Monty: chal gaon mein bike par ek round laga kar ate hain…

Raj: han Bhai…kisi aur ko chalna hai kya…

Isha: nahi tum log jao hum log yahin baith kar batein karenge…

Raj: OK thik hai…nanu bike ki chabi de dijiye…

Ranjit: wahin hai garage se Jo chahiye le Jana…par dhyan se chlana gaon mein khade boht hote hain…

Raj: are nanu fikar mat karo…hum apki bike ko kus nahi hone denge…

Ranjit: mujhe bike ki nahi tumhari fikar hai…

Fir Raj muskura kar Sandy aur Monty ko sath lekar garage mein chal pada…wahan kayi bikes thi…Sandy
aur Monty sab ko dhyan se dekh rahe the k kis par jayein…tabhi Raj ne un logon ko awaj di…

Raj(ek bike ki taraf ishara karke): bhai yeh rahi hamari swaari…

Jab Monty aur Sandy ne us bike ki taraf dekha toh dono khus ho Gaye…kionk wo ek Royal Enfield 350
bike thi aur uske sath ek side cart(jai veeru wali) attached thi…

Monty: bhai kamal ki choice hai…aur teeno aram se baith bhi jayenge…

Sandy: Han yaar ab toh ek hi bike par chalenge…par Chalaunga main…

Raj: OK bhai main is cart mein baithunga…

Monty: thik hai toh main Sandy ke peeche…

Fir teeno ne apni apni Seat book ki…aur Sandy ne Jaise hi bike ki kick mari toh uski wo madhosh kar dene
wali dug dug ki awaj sun kar Teeno ka man khus ho gaya…fir Sandy ne bike Garage se bahar nikali aur
teeno maje se chal pade…wo Jaise hi Park ke paas se gujre toh teeno ko is tarah us purani bike par jate
dekh sab Hans pade….

Fir wo teeno haweli se bahar nikle aur yeh dosti song gate huye kheton ki taraf chal pade…wo pehle toh
gaon ki taraf Jana chahte the par Fir Raj ne Sandy ko us taraf chalne ko bola…

Un teeno ne boht masti ki…aur lagbhag kheton ke beech har ek raste ka round laga liya…wo kafi der
baad ghar laute…wo boht khus the…

Jaise hi wo ghar aye toh sab lunch kar rahe the in logon ne Sabhi ko join kiya aur fir sabhi Apne apne
rooms mein chale gaye…Sham ko sab mandir Jane wale the toh abhi sab aram kar rahe the…
Update 72
Sham ko sab ready ho gaye the mandir Jane ke liye…4 cars nikal li gayin thi…ek car mein Raghuveer
mohit Sunidhi aur Geeta baithe dusri mein Ranjit Sushma Monty aur Sandy baithe teesri mein Riya Sonia
Diksha aur fourth mein Priya Raj aur Isha baithe…drivers drive karne wale the…

Raj samne wali seat par baitha tha aur Priya aur Isha peeche baithi thin…Fir Charon gadian mandir ki
taraf chal padin…Mandir gaon se bahar hi tha par haweli wali side se dusri taraf…toh gaon mein se
gujrna tha…

Sab gaon ke alag mahol ko dekh kar khus ho rahe the…sabhi ke kiye yeh ek naya experience tha…isliye
sab ke dil mein ek alag si utejna thi…sab gadi se bahar us gaon ki galiyan gharon….as paas se nikal rahe
logon ko dekh rahe the…

Raj bhi bahar ki taraf dekh raha tha…Priya aur Isha bahar dekhne ke sath sath batein bhi kar rahi
thin…unki baton ka topic gaon ke log ghar galiyan aur bhi boht kus tha...

Fir thode lambe but khubsurat safar ke baad gaon ki dusri taraf pahunch gaye…Wahan bhi khet hi khet
the…fir gadi ek mandir ke samne ja kar ruki…mandir kafi unchi jagah par bana huya tha…

Khair cars rukte hi sabhi bahar nikle aur upar ki taraf dekhne lage…

Sandy(majak karte huye): are baap re itna uncha chadna padega…yahan toh koi utha kar le jaye Toh
acha hai…

Raj: bhai kion nautanki karta hai chup chap chal na…vaise bhi yahan tak toh gadi se aya hai thodi mehnat
pairon ki bhi hone de…nahi Toh saand ban jayega…

Raj ki baat par sabhi hans pade…aur fir bhagban ka naam lekar chal pade upar ki taraf…sach mein kafi
lambi duri thi…pata nahi bnaya kaise hoga…kise ne…

Khair Jaise taise kar ke sabhi pahunch hi Gaye…ladkion ke toh paseene chhut gaye…

Sushma(hanste huye): yeh sehar ki ladkian bhi na thoda bhi nahi chal sakti…

Sushma ki baat se sabhi ka dhyan ladkion ki taraf gaya aur unki halat dekh kar sab ki hansi chhut gayi…
Fir sabhi ne wahan lage nal se apne hath pair dhoye aur apne jute utar kar mandir mein chale gaye….

Mandir jyada bada toh nahi tha but tha boht khubsurat aur Radha karishan ji ki murti is mandir ki
khubsurati ko char chand laga rahi thi…sham ka time tha toh Suraj ka parkash thoda kam ho gaya tha
aur as paas laali chayi huyi thi…jo mahol ko aur bhi khusnuma bana rahi thi…

Sab ne bhagban ke samne sir jhukaya aur apne aur apno ke liye manga…fir sab wahan se bahar ka
nazara dekhne lage…kionk mandir boht uncha tha toh sab kus boht acha najar a raha tha…

Raj(as paas dekhte huye): kitna sundar nazara hai na…

Raghuveer: Han beta sahi kaha…kitni shanti milti hai yahan…

Par ek insan tha jise yahan bhi koi shanti nahi thi…Diksha…

Diksha(Apne man mein): khak shanti mil rahi hai…agar Priya yahan se neeche gir jaye toh boht shanti
milegi…

Ranjit: chalo mandir ke peeche ki taraf chalte hain wahan ek river hai…

Priya(jhumte huye): chalo nanu…maja ayega…

Fir wo sabhi us taraf chal pade…wahan se niche utarne ke liye koi sidi nahi thi…bas dhalan se neeche
utrna tha…aur wo Sabhi jaldi hi niche utar Aye..aur upar Jane ke mukable yeh kaam jyada asan tha…

Niche pahunch kar sab nadi ke paas pahunch gaye…wahan ka drisya boht manmohak tha…har taraf
haryali aur beech mein behti nadi…

Sonia: wow kitna khubsurat hai…

Riya: han di kitna acha hai…jaise dharti par swarg utar aya ho…

Raj (har taraf najar ghuma kar): yah sayad swarg se bhi sundar…

Ranjit: yeh nadi na kewal sundrta ko badhati hai balki hamare gaon ke kisano ke liye yeh kisi bardan se
kam nahi…yeh pure gaon ki faslon ko palti hai…

Sandy: yeh toh boht achi baat hai...

Fir Ranjit un sab ko us jagah aur mandir ke bare mein kafi kus batata gaya…sab badi gaur se sun rahe the
Priya aur Diksha ko chhod kar…

Diksha Raj ko besharmon ki tarah ghur rahi thi…aur Priya ke liye ab aur bardast karna muskil tha…kionk
Diksha ab boht jyada khul kar apni chahat ko dikha rahi thi…

Khair aise hi kus der ghumne ke baad sabhi ghar wapis Jane ke liye chal pade…Jaise aye the waise hi usi
seating order mein baith kar ja rahe the…Priya pure raste bas is bare mein sochti rahi k Diksha ko kaise
roka jaye…
Ghar pahunch kar sabne khana khaya aur apne Apne kamre mein chale gaye …Priya apne room mein
pareshan si baithi thi…wo Diksha ke bare mein hi soch rahi thi…

Priya(Apne man mein): ab main kya karun…Diksha ki himmat din b din badhti ja rahi hai…mujhe kus toh
jarur karna hoga…Raj bhi meri baat par dhyan nahi deta aur na hi Diksha ki is problem ko seriously leta
hai…wo bas yahi samjhta hai k main usse jalti hun…but aisi baat nahi hai…kionk Diksha us raste ki taraf
badh rahi hai yahan Raj ke prati uski chahat janoon mein badal jayegi…aur fir ho sakta hai k wo Apne ap
ko yah kisi dusre ko nuksan pahunchaye…

Khair Priya ki soch bilkul sahi thi…kionk Diksha galat raste par Chal padi thi…par Kya Raj sach mein itna
bhola hai Jo Diksha ki is diwangi ko samajh nahi pa raha hai…aur agar sach mein aisa hai toh ho sakta hai
uski yeh nadani sab barbad karde…Kionk agar Diksha ko is waqt koi samjha sakta hai toh wo sirf Raj hi
hai…

Khair Priya ko ab aur koi rasta nahi mil raha tha siwa Diksha se baat karne ke…

Priya(man mein): kya mujhe sach mein Priya se baat karni chahiye…aur kya wo meri baat ko
samjhegi…agar usne meri baat ko nahi samjha Toh wo mujhe Apni dushman samjhne lagegi…par aur koi
rasta bhi nahi hai…mujhe usse baat karni hi padegi…nahi toh boht kus barbad ho jayega…han kal ko hi
usse baat karne ki kosish Karungi…

In sab sochon mein khoyi huyi Priya na Jane kab tak bed par aise hi laiti rahi par use kafi time ke baad
neend ayi…

Udhar Raj bhi apne kamre mein bed par baitha kus soch raha tha…

Raj(man mein): Priya mujhse kitna pyar karti hai…jab bhi main Diksha se thodi bhi baat karta hun toh
kitna tadap uthti hai…mere liye wo kus bhi kar sakti hai…wo mujh par kitna bharosa bhi karti hai…par
main kya kar raha hun…usse kion jhuth bol raha hun…mujhe usse ab aur nahi chupana chahiye…mujhe
usse jarur baat karni hogi….but aise hi nahi sahi mauka ane par…nahi Toh kahin jyada der na ho
jaye…par kya karun aisa karna meri majburi hai…main nahi chahta k hamari family par koi musibat aye…

Ab yeh Raj ne yeh konsa naya twist la diya wo Priya se kya chipa raha hai…aur kab btayega…yeh toh nahi
pata…khair Raj aise hi kafi der soch bichar karne ke baad kus soch kar so gaya….

Is waqt Sabhi so rahe the…har taraf shanti hi shanti thi…par Teen logon ke man mein boht sare swaal
aur pareshanian thi…Raj Priya aur Diksha…khair Raat ko toh beetna hi tha toh yeh Raat bhi beet gayi…

Agle din subah sab breakfast kar rahe the…Raj aur Priya aj ek dusre se ankhon ke jariye baat kar rahe
the…but dono hi ander se pareshan the…

Priya ko toh yeh dar tha k Diksha najane uski baat ko samjhegi yah nahi aur Raj yeh soch raha tha wo
Priya se kab aur kaise baat kare…baki sab toh enjoy kar rahe the…Diksha bhi apne routine ka kaam kar
rahi thi…matlab Raj ko ghurna…par wo dhyan rakhti thi k Priya ko chhod aur kisi ko kus pata na
chale...kionk wo toh sirf Priya ko jalana chahti thi…

Par Priya jalne se jyada dar rahi thi…khair sabhi ne breakfast khatam kiya aj kahin bhi ghumne ka plan
nahi tha…sab aram karne wale the…isliye sab khana khatam karte hi apne apne kamron mein chale
Gaye…jab ke kus garden mein jakar batein karne lage…

Priya bhi thodi soch beechar karne ke baad himmat juta kar Diksha ke room ki taraf chal padi…wo wahan
pahunchi aur usne door knock kiya Diksha ne bhi jaldi hi door khol diya…

Asal mein toh Diksha ko Priya ke wahan ane ki koi khusi nahi thi but wo bahar se smile karke aise dikha
rahi thi mano wo toh dhanya ho gayi…

Diksha(jhuthi smile ke sath): Are Priya di aap koi kaam tha kya…

Priya: nahi asal mein mujhe kus baat karni thi tumse…agar tum free ho toh…

Diksha ko ajeeb sa laga k Priya usse kya baat karne wali hai bhale hi college mein dono ek hi friend group
mein hain but dono mein jyada baat nahi hoti thi…

Diksha(confuse si hokar par Bahar se khus): are mujhe kya kaam hai free hi toh hun…ap ayie ander…

Fir Priya ander ayi aur Diksha ne door band kiya aur use baithne ko kaha…Priya bed par baith gayi...

Priya a toh gayi thi baat karne par use samaj nahi a raha tha k wo kaise baat ko shuru kare…Priya ko is
tarah chup chap baithe dekh Diksha hi bol padi…

Diksha: kya huya kisi baat ki tension hai kya…ap aise chup chap baithi hain…

Priya: nahi Diksha asal mein mujhe tujhe kus samjhana tha…but pls tu meri baat ka bura mat manna
main sirf ek dost hone ke Nate tumhe samjhana chahti hun…

Diksha: are koi baat nahi apko Jo baat karni hai khul kar kijiye…main bilkul bura nahi manungi…

Priya(ek lambi sans bhar kar): Diksha tum janti ho na Raj aur main ek dusre ke pyar karte hain…

Diksha ko kus samajh nahi a raha tha k wo kaisi batein kar rahi hai…par ab use aisa lag raha tha k wo
usse jarur Raj ke bare mein kus baat karegi but kya…
Update 73
Diksha(normally): han Mujhe pata hai…

Priya: wo Diksha asal mein wo kya hai na…

Diksha (Priya ka hath pakad kar): Di ap boliye apko kya baat karni hai…hum friend hain…

Diksha ne itna bol kar Priya ki taraf ankh se bolne ka ishara kiya…Diksha ka aisa behavior dekh kar Priya
sach mein Diksha ke liye fikarmand ho gayi thi…aur ab use apni soch par shak ho raha tha k kahin wo
galat toh nahi hai…itni pyari Ladki apni hi friend ke BF ke bare mein aisa kaise soch sakti hai…

Priya (emotional hokar Diksha ko gale lagate huye): Diksha agar tujhe kabhi bhi meri jarurat pade toh
mujhe batana…
Yeh bol kar Priya wahan se bhag gayi…wo wahan aur na ruk payi…uske Jane ke baad Diksha ne door
band kiya aur uske honthon par vijayi muskan fail gayi…

Diksha: badi ayi thi mujhse baat karne wali…Diksha Chadda naam hai mera…Par ek baat hai kitni
emotional fool hai yeh…itni jaldi bewkuf ban gayi…

Diksha ne sach mein Priya ko bewkuf bana diya tha…Priya apne kamre mein chali gayi thi…wo kafi gehri
soch mein dubi huyi thi…use kus samajh nahi a raha tha k galat kya hai aur sahi kya hai…

Priya(pillow ko apni god mein rakh kar apne ap se hi batein kar rahi thi): yaar yeh sab kya ho raha
hai…Diksha ki baton se bilkul bhi nahi lagta k uske dimag mein kus galat hai…par uski harkatein kus aur
hi bata rahi hain…kya hai yeh sab…hey bhagban chahe kus bhi ho par mere Raj ko kabhi mujhse dur mat
karna…

Priya bhagban se bas Raj ko hi mang rahi thi…khair thode time baad kisi ne Priya ke room ka door khat
khataya…

Priya: plz come in…

Fir door khula aur Sonia ander ayi…

Priya: are tum kabse mere room mein ane ke liye knock karne lagi…

Sonia (Priya ke paas baithte huye): jab se tu mujhse batein chipane lagi…

Priya: Maine konsi baat chupayi tere se…

Sonia(Priya ka hath pakad kar): Priya main tujhe bachpan se janti hun…mujhe Teri shakal dekh kar hi
pata chal jata hai k tu kisi problem mein hai…

Priya (najrein churate huye): nahi aisi koi baat nahi hai…main tumse kya chupaungi…

Sonia(Priya ki ankhon mein dekh kar): par tumhari ankhein toh kus aur hi keh rahi hain…dekh Priya main
Teri best friend hun…mujhse kabhi bhi kus mat chipana…chal ab jaldi se bol kya baat hai Jo tujhe
pareshan kar rahi hai…

Priya(thodi lambi sans bharte huye): Sonia wo asal mein main Diksha ko lekar pareshan hun….

Sonia (hairani se) iksha ko lekar?

Priya: han wo asal mein Mujhe lagta hai k Diksha Raj ko pasand karti hai…

Priya ki baat sun kar Sonia thodi soch mein pad gayi par usne aise nahi kiya Jaise use koi hairani huyi
ho... aur Priya uske chehre ki taraf dekh rahi thi aur uske kus bolne ka wait kar rahi thi…

Sonia: Priya sach kahun toh mujhe bhi aisa lagta hai…uski kayi harkatein dekh kar aisa mehsus hota hai…
Priya: han wahi toh yaar…main toh usse aj baat bhi karne gayi thi par uski baton se mujhe aisa kus bhi
nahi laga…

Sonia: yaar jab tak koi pakka na pata ho toh hum kus nahi kar sakte…

Priya: toh Fir hamein kya karna chahiye…

Sonia: bas yeh pata lagana hai k uske dil mein sach mein kya hai…

Priya: han sahi kaha…hamein uspar najar rakhni chahiye…

Sonia: Han aur ab tu tension mat le main hun na tere sath…

Fir Priya ne use apne gale lagaya…Priya ko kafi tassali mili thi…wo kafi relax feel kar rahi thi…

Sham ko Raj garden mein Sandy aur Monty ke sath baitha batein kar raha tha…

Monty(Raj ko majak mein): Bhai Teri Toh GF hai…par hum log abhi bhi single hain…koi hamein bhi
dhundh de…

Raj: sale main kahan se dhundh kar dun…

Sandy(Monty ki support mein): bhai apne liye bhi toh dhundhi hai….

Raj: bhai Maine dhundhi nahi hai…ache karmon se mili hai…tum log bhi kus ache karam karoge toh
tumhari kismat bhi khul jayegi…

Monty: bhai tujhe toh batein ayengi hi…

Abhi Monty kus aur bhi bolne wala tha par tabhi Raj ke phone ki bell baji…toh sab chup kar gaye aur Raj
ne apni pocket se mobile nikala…

Sandy: bhai kiska hai…

Raj(screen par dekh kar): bhai pata nahi kiska hai…koi unknown number hai…

Monty: toh utha kar dekh na…

Raj ne phone pic kiya…aur samne se kisi ladke ki awaj ayi…

Ladka: hlo Raj Sinha bol rahe ho…

Raj: han par ap kon hain…

Ladka: main Inspector Rohit Singla hun…(wahi inspector Jo ek baar Raj ke ghar aya tha)

Raj: acha acha ap…aur bataiye kaise yaad kiya…

Inspector: Sir wo Nikhil ka case kus jyada hi complicated hai…Pune ki police koi jyada interest nahi le
rahi…aur sabse badi baat abhi tak Nikhil ki body bhi uski family ko nahi mili hai…

Yeh baat sun kar Raj ke dimag ka fuse udh gaya…

Raj(Ekdum se): kahin wo sala jinda toh nahi hai…

Inspector: sir mujhe bhi yahi lagta hai…aur is pure mamle mein pune ki police ka action dekh kar lagta
hai k wo jaan bhuj kar chup hai…

Raj(tension mein): ab kya karenge…kahin koi gadbad na ho…agar wo jinda hai toh kus bhi ho sakta hai…

Inspector: Han sir isliye Maine apko btaya hai…baki main apni taraf se puri kosish kar raha hun…

Raj: thanks…

Inspector: Sir yeh toh meri duty hai…ab main rakhta hun…

Fir Inspector ne phone kaat diya…par wo Raj ke chehre par chinta ki lakirein chhod gaya…aur Monty aur
Sandy bhi Raj ke chehre ki taraf dekh kar use padhne ki kosish kar rahe the…

Sandy: bhai kya huya tu itna pareshan kion hai…aur kon jinda hai…

Raj(tension mein): bhai wo kamina Nikhil jinda hai…

Raj ki baat sun kar un dono ka hairani se munh khul gaya…

Monty: bhai kya baat kar raha hai…par wo toh mar gaya tha na…

Raj: han par sure nahi hain…kionk uski dead body abhi tak uski family ko nahi mili…

Sandy: par police ne khud kaha tha k wo mar gaya hai…

Raj: wo Mumbai wala inspector bol raha tha k sayad police bhi usse mili huyi hai…

Sandy: bhai yeh toh fir boht badi gadbad ho gayi…ab kya karenge…

Raj: Karna kya hai…sabko batana padega…aur sabki security ka khyal rakhna padega…khaskar Didu ka…

Monty: bhai sahi kaha…chal jaldi se sabko bata dete hain…

Raj(kus soch kar): Aur Han didu ne kaha tha un logon ne unke samne Nikhil ko goli mari thi toh aisa kaise
ho sakta hai k wo jinda hai…

Sandy: bhai yeh toh ab Isha se hi pata chalega…

Raj: han yaar sahi kaha chal sab ko batane se pehle ek baar Didu se baat karte hain…
Fir wo teeno uth kar ghar ke ander chale Gaye wahan par Sab hall mein baithe batein kar rahe the…

Ranjit (in teeno ko ate dekh): are ao bhai tum log bhi baitho yahan…

Raj: han nanu…

Fir wo teeno baith gaye aur Raj isha ke paas baith gaya…aur jab sab dobara baton mein lag gaye toh
usne Isha ke kaan ke paas dhire se bola…

Raj: Didu ap mere sath ander chaliye Mujhe apse kus baat karni hai…

Isha(Raj ki tarah dhire se): kya huya sab thik toh hai na…

Raj: han ap ab chaliye…

Fir Raj uth kar wahan se chala gaya aur uske peeche peeche Isha bhi chali gayi...wo dono thode alag se
baithe the toh kisi ka dhyan nahi gaya kionk sab baton mein busy the…par Diksha ne un dono ko jate
dekh liya…

Wo dono Isha ke room mein gaye the…Diksha bhi Jana chahti thi but wo ja nahi sakti thi…kionk sabke
beech mein baithi thi…
Update 74
Toh room mein pahunch kar Raj ne door band kiya…

Isha(Raj ki taraf swaliya najron se dekhte huye): Raj tum mujhe yahan kion laye ho…kya baat karni hai
sab thik toh hai na…

Raj(tension mein): didu kus thik nahi hai…

Isha: kya huya kus bolo bhi…

Raj: Didu wo Nikhil Mara nahi hai…

Raj ki baat sun kar Isha shocked reh gayi…use yakeen nahi ho raha tha k Raj kya bol raha hai…

Isha : par mere samne un logon ne use goli mari…toh wo Bach kaise gaya…

Raj: pata nahi didu par kya apko pakka pata hai k Nikhil mar gaya tha…

Isha(Confidence ke sath): han jab Maine uska mobile liya tha toh wo bilkul bejaan pada huya tha…

Raj: Didu kus na kus toh gadbad hai…agar Apne use marte dekha toh uski dead body kahan gayi…police
kion uski body uski family ko nahi de rahi…kahin aisa toh nahi k Nikhil ne yeh sab Natak kiya ho…

Isha: han ho toh sakta hai…agar police uske sath mili huyi hai toh in logon ne use bata diya hoga k uske
adde par raid padne wali hai…aur usne bachne ke liye Marne ka Natak kiya ho…aur Apne hi admion se
mujhe le Jane ko kaha ho…
Raj(gehri soch mein): ho toh sakta hai but kus keh nahi sakte…

Isha: Raj agar wo sach mein jinda hai toh wo kus bhi kar sakta hai…humein ab alert rehna chahiye…

Raj: han didu aur sab ko bata dena chahiye k Nikhil jinda hai…

Isha(thodi tension mein): han….Mujhe boht fikar ho rahi hai…kus galat na ho jaye…

Raj: Didu kus galat nahi hoga…hum puri tarah se alert rahenge…

Isha: han yeh toh karna hi padega…chalo ab bahar chalein…

Fir wo dono bahar Sab ke paas chale gaye…wo Apne face par tension liye un sabhi ke paas chale
gaye…unko ata dekh kar sabka dhyan unki taraf gaya…

Sunidhi: are tum dono kahan chale gaye the…

Isha: kahin nahi mom…Humein ap logon se kus baat karni hai…

Sunidhi: kya baat karni hai mom…

Raj: wo asal mein jis Nikhil naam ke ladke ne Didu ka kidnap kiya tha…wo Mara nahi jinda hai…

Raj ki baat sun kar sabke munh khule ke khule reh gaye…sabko boht hairani huyi…

Raghuveer (fikar mein): Beta aisa Kaise ho sakta hai…

Mohit: Han bhai police toh bol rahi thi k wo mar gaya hai…

Raj(sabhi se): dekhiye mere paas abhi ap logon ke sawalon ka koi jawab nahi hai…mujhe bhi itna hi pata
hai…main khud samajh nahi pa raha hun k ho Kya raha hai…

Ranjit: beta Hume koi strong kadam uthana padega…

Raj: han nanu but abhi ap haweli ki security ka dhyan rakhiye…

Ranjit: koi baat nahi main abhi apne admi har taraf laga deta hun…

Raj: thanks nanu…aur ap sabhi…plz koi bhi bina bataye haweli ke bahar nahi jayega…aur agar kahin Jana
ho toh pehle mujhe batana…

Sabhi ne Raj ki han mein han mila di…

Raj(mahol ko thoda shant karne ke liye): ab ap sabhi be fikar ho kar batein kijiye…

Mohit: han Bhai faltu ki tension kion lena…

Fir sabhi dobara se batein karne lage aur fir dinner karne ke baad apne apne kamron mein chale Gaye….
Raj apne kamre mein idhar udhar ghum raha tha uske dimag mein boht kus chal raha tha…

Raj: ab yeh Nikhil ki tension…pure ghar ka mahol hi kharab kar diya…sab bechare kitni tension mein
honge…aur ab main Priya se baat bhi nahi kar sakta…pehle hi wo Nikhil ki baat ko lekar upset hogi…ab
mujhe thoda aur intzar Karna padega…bas tab tak sab thik thak rahe…

Raj inhi sab sochon mein khoya huya tha…tabhi uske dimag mein kus aya…aur wo apne kamre se bahar
nikal gaya…aur Diksha ke kamre ki taraf chal pada…usne door knock kiya…

Diksha(ander se): kon hai a jao khula hi hai…

Raj ne door khola aur ander chala gaya…diksha bed par baithi thi usne ek loose sa kurta pajama pehan
rakh tha…Usne Jaise hi Raj ko dekha wo boht jyada khus ho gayi…

Diksha(khusi se): are Raj tum ao baitho yahan…

Raj(bed par baithte huye): bas aise hi batein karne ka man kiya toh chala aya…

Diksha: yeh toh achi baat hai…maine toh socha hi nahi tha k tum kabhi mere room mein aoge…

Raj(majak mein): are kya main a nahi sakta…

Diksha(muskura kar): nahi aisi baat nahi hai…aur sunao…

Raj: kus nahi main toh tumse batein sunne aya hun…

Diksha: acha main boht achi batein karti hun Kya…

Raj: han tabhi toh aya hun…aur yaar khubsurat ladkion se batein sunne ka apna hi maja hai…

Raj ne majak mein kaha tha but Diksha aise sharma rahi thi mano wo suhagraat ke bed par baithi ho…

Diksha(blush karte huye): chalo mujhe jyada chane ke jhad par mat chadhao…

Raj: are Maine kya jhuth bola…tum khubsurat nahi ho Kya…

Diksha: han par aj tumhe Kya huya hai badi khul kar batein kar rahe ho…

Raj: ajeeb baat hai agar batein na karun toh bhi problem…karun toh bhi problem ab tum hi bata do k
akhir chahti kya ho…

Diksha: are main toh aise hi bol rahi thi…aur agar tumhari GF ko pata chal gaya k tum yahan mere kamre
mein akele ho toh wo tumhe boht dhantegi….

Raj: aisa kus nahi hoga…aur hum dost hai batein kar rahe hain…ismein use Kya problem…aur wo aisi
ladki nahi hai…
Diksha: acha tum itne yakeen se kaise keh sakte ho…

Raj: yeh dil ki baat hai tum abhi nahi samjhogi…

Diksha(naughty andaz mein): acha toh mujhe bhi sikha do dil ki batein…

Raj: main kyon sikhaun…apna BF dhundh khud seekh jayegi…

Diksha: tum ban jao na…

Raj: main toh nahi ban sakta…

Diksha(sad sa munh bana kar): yahi Toh problem hai k agar koi acha ladka mila toh wo pehle se book
hai…

Raj: so sorry …koi aur mil jayega…

Wo dono kafi der aise hi batein karte rahe…par Raj Diksha ki har choti baat note kar raha tha…wo uske
har haw bhaw ko dekh raha tha…fir Raj ne wahan se Jane ki Sochi…

Raj(bed se khada ho kar): OK yaar Diksha ab main chalta hun…good night…

Diksha: OK thik hai…good night…kal ko milte hai …

Fir Raj Diksha ke room se bahar nikla aur apne room ki taraf chal pada…par pata nahi kon tha par kisi ne
Raj ko Diksha ke room se nikalte huye dekh liya tha….par us taraf andhera hone ke karan kus najar nahi
aya…bas itna pata laga k koi chup kar Raj ko Diksha ke kamre se bahar nikalte huye dekh raha tha…

Raj apne kamre mein chala gaya…aur bed par baith kar sochne laga…

Raj(man mein): yaar pakka koi na koi gadbad hai…Diksha mein kus toh ajeeb hai…wo jis tarah se mere se
batein kar rahi thi…mujhe dekh rahi thi..in sab se Toh yahi lagta hai k Priya ek dum sahi hai…uski ankhon
mein wo dikhayi de raha tha…par Kya main sahi hun…

Raj ko abhi bhi apne kisi sawal ka jawab nahi mila tha Jo wo chahta tha…aur sayad wo isi swaal ke jawab
ke liye Diksha se mil raha tha…kahin yeh uske aur Priya ke beech duri ki wajah na ban jaye…aur pata nahi
kisne use Diksha ke room se nikalte dekh bhi liya tha…
Update 75
Us din toh sab chain ki neend so gaye…agle din subah Raj utha aur munh hath dhone ke baad garden
mein chala gaya…us waqt aur koi najar nahi a raha tha…sayad sab so rahe the…

Raj chup chap Usi garden mein jogging karne laga…garden haweli ke Charon taraf tha aur Raj us ke irad
girad round laga raha tha…

Abhi use jogging karte thoda time hi huya tha k tabhi kisi ne Raj ko awaj di…Raj ne palat kar dekha toh
Ranjit tha...fir wo bhi Raj ke sath sath jogging karne laga…

Raj: good morning nanu…

Ranjit: good morning beta…tum badi jaldi uth gaye…

Raj: nanu main toh roj isi time uth jata hun…aj socha k kafi din ho gaye thodi jogging hi kar lun…

Ranjit: achi baat hai…banda fit rehta hai…

Raj: han tabhi toh ap puri tarah se fir ho…

Ranjit: bhai yeh toh hai…tabhi toh aj bhi tumhare barabar daud raha hun…

Raj(majak mein): nanu ek race ho jaye…

Ranjit: chal der kis baat ki hai…jo hum dono mein se yahan sabse pehle ghum kar ayega wo jeeta…

Raj: done…toh ab bhago…

Raj ke itna bolte hi dono ne apni speed badha di…Raj jyada tez nahi daud raha tha…par Fir bhi jyada age
ke karan Ranjit usse peeche tha…par usko bhi manna padega abhi bhi puri tarah se fit tha…khair dono ki
race khatam huyi aur Raj jeet gaya…fir wo dono wahin baith gaye…

Ranjit (hamfte huye): yaar tu toh jeet gaya…

Raj: par apko bhi manna padega abhi bhi boht fit ho…thaka diya apne Toh…

Ranjit: bas rehne do jhuthi tareef karne ki jarurat nahi hai…

Raj: are nanu aisi baat nahi hai…sach mein ap boht fit ho…

Fir wo dono aise hi kus der batein karte rahe aur fir ander chale gaye…dono apne apne room mein chale
gaye…Raj fresh hone ke baad headphones laga kar songs sunne laga…aur ankhein band karke aram se
baith gaya…

Tabhi uske room ka door khula…Raj ko music ke karan sunayi nahi diya…Priya room mein ayi thi…Raj ko
aise baithe dekh use ek shararat sujhi aur uske naram gulabi honthon par muskan fail gayi…

Priya chup chap Raj ke paas Jane lagi aur uske paas jakar achanak se Raj ki gaal par halke se Danton se
kaat liya…

Raj ek dum se dar gaya aur use halka dard bhi huya…Raj ne hadbada kar ankhein kholi aur idhar udhar
dekhne laga…tabhi uski najar Priya par padi Jo uske paas khadi muskura rahi thi…

Raj ek pal ke liye toh uski muskurahat mein is kadar kho gaya k use as paas ki koi sudh hi nahi rahi…par
jaldi hi wo hosh mein aya aur usne songs band kiya…

Raj apne headphones nikal kar utha aur Priya ki taraf badha…Priya ne Raj ko aisa karte dekha par wo
bhagi nahi aur wahin khadi hasti rahi…
Raj dhire dhire uske paas pahuncha aur usne Priya ki kamar mein hath daal kar use apni taraf
khincha…Priya Raj se puri tarah chipak gayi...dono mein hawa ke gujrne tak ki jagah nahi thi…Priya ne ab
hasna band kar diya tha…

Ab dono bas ek dusre ki ankhon mein dekh rahe the…

Raj(Dhire se Priya ki gaal ke paas munh karke): boht shauk hai na tumhe katne ka…ab main katun…

Priya(pyar se): tum toh chahe Jo marji karo main uff tak nahi karungi…bas kabhi mujhe chhod kar mat
Jana…

Priya ki is baat se mahol serious ho gaya …Raj ko yaad aya k usne Priya se ek baat chipayi hai…wo ekdum
se soch mein pad gaya aur Priya se alag ho gaya…

Priya(Raj ko apne se dur jata dekh): Raj kya huya Naraz ho Kya tum…ekdum se dur ho gaye…

Raj ab Priya ko aur dhokhe mein nahi rakhna chahta tha isliye usne Priya ko Sab batane ka faisla kiya…

Raj(bed par baithte huye): nahi Priya aisi baat nahi hai…asal mein Mujhe tumhe kus btana hai plz gussa
mat karna…

Priya (Raj ke paas baith kar): Kya btana hai…yahi k tum kal raat Diksha ke room mein gaye the...

Raj btana toh kus aur chahta tha par jab Priya ne yeh bola toh wo puri tarah se hairan ho gaya…use
samajh nahi a raha tha k Priya ko kaise pata chala…wo hairani se Priya ki taraf dekh raha tha…

Priya (Raj ko is tarah hairan dekh kar): kya huya…yahi soch rahe ho na k mujhe kaise pata chala…maine
kal Raat tumhe Diksha ke room se nikalte huye dekh liya tha…aur tum fikar mat karo mujhe tum par
khud se bhi jyada bharosa hai…

Priya ki batein sun kar Raj use dekhta reh gaya…Raj ko samaj nahi a raha tha k wo Kya bole kionk Priya
ka yakeen uske liye boht pakka tha aur wo kisi bhi Kimat par use todna nahi chahta tha…isliye usne chup
rehne ki Sochi…

Raj kus nahi bola usne Priya ko apne gale laga liya…Priya bhi Raj ke agosh mein sama gayi…dono duniya
se bekhabar ek dusre ki bahon mein kho se Gaye…par tabhi darwaja khulne ki awaj ne dono ko real
world mein la kar khada kar diya…

Isha room mein ayi thi…jaise hi Priya ki najar Isha par padi wo sharma kar wahan se bhag gayi…Isha bhi
halka sa muskura kar Raj ke paas jakar baith gayi…

Isha: sorry Raj Maine tumhara maja hi kharab kar diya…

Raj(Sharmate huye): Didu ap bhi na kus bhi bolti ho…

Isha(majak mein): abhi jo chal raha tha wo Kya tha fir…jab dekho dono kahin bhi shuru ho jate ho…

Raj: Didu wo meri Girlfriend hai kya burayi hai ismein…

Isha: yaar majak kar rahi hun…acha sun tumse kus jaruri baat karni hai…

Raj: boliye kya baat hai…

Isha: main soch rahi thi abhi hum kus din ke liye gaon mein hi ruk jayein…tab tak Nikhil ka koi na koi
solution nikal lenge…

Raj: didu baat toh apki sahi hai…sayad yahan sabhi safe rahein...

Isha: han aur Nana nani ka bhi dil laga rahega…

Raj: toh thik hai hum log kus din ke liye aur ruk jate hain…

Isha: toh thik hai main mom dad se bhi is bare mein baat karti hun…

Fir Isha wahan se Jane lagi…aur door ke paas ja kar Sam ki taraf palat kar boli…

Isha: aur han age se tum dono yeh sab door lock karke karna…

Isha itna bol kar wahan se chali gayi aur Raj halka sa muskura diya…

Khair sabne naste ke waqt yeh decide kiya k kus din aur sab gaon mein hi rukenge…ek toh Nikhil ka locha
tha upar se sab gaon mein boht khus the…isliye kisi ne bhi wapis jane ke liye nahi kaha...

Khair sabne nashta kiya sab kafi batein kar rahe the par Raj chup chap sa baitha tha uske dimag mein na
Jane kya ghum raha tha…wo kisi ki baat par dhyan nahi de raha tha aur apni hi sochon mein khoya huya
tha…

Wo pichle kayi dino se pareshan tha najane kya baat thi…aur Maine kafi kosish ki pata lagane ki par kus
pata nahi chala…khair yeh toh Raj hi bata sakta hai k uske dimag mein chal Kya raha hai…

Khane ke baad Raj kus soch kar Sandy ke room mein gaya…Sandy mobile par game khel raha tha…

Raj (Sandy ke paas jate huye): Sale tu kion bachon ki tarah game khel raha hai…

Sandy(mobile side mein rakh kar): yaar ab kya khelun puri geme hi kharab kardi…tu bata Kya kaam hai…

Raj: sale tujhe kaise pata k koi kaam hai…

Sandy: bhai Mujhe pata hai dosto ki yaad tabhi ati hai jab koi kaam ho…ab main Priya toh hun nahi Jo tu
mujhse pyar bhari batein karne aya hoga...

Raj(thoda muskura kar): baat toh Teri sahi hai…yeh Sali dosti cheej hi aisi hai…

Sandy: han bhai ab bol kya kaam hai…

Raj(thoda serious hokar): bhai kaam thoda muskil hai…par mere paas ek plan hai…
Sandy: kya kaam hai aur kaisa plan hai bata toh sahi…hum mil kar abhi muskil ko asan bana denge…
Update 76
Raj: bhai dekh mujhe aisa lagta hai k Isha di par attack karwane wala hamare beech mein hi koi hai…

Raj ki baat sun kar Sandy boht jyada hairan ho gaya…use kus samajh nahi a raha tha k Raj kaisi batein kar
raha tha…use lag raha tha k Raj pagal ho gaya hai…

Sandy(hairani se aur thode gusse se bhi): bhai tu pagal hai kya…tune soch bhi kaise liya k hum mein se
koi aisi ghatiya harkat kar sakta hai…

Raj(Sandy ko samjhata huya): bhai meri baat toh sun…

Par Sandy kahan sunne wala tha…wo toh puri tarah se ubla ja raha tha…

Sandy(aur gusse mein): acha tu hi bata Maine kiya yah Sonia ne yah Riya ne…bol toh sahi kisne kiya…

Ab Raj ko bhi gussa a raha tha…

Raj(apne gusse ko control karke): yaar pehle meri toh sun…

Par Sandy kahan sunne wala tha wo toh thehra garam dimag…

Sandy(Raj ko tont marte huye): han sayad aunty yah uncle ne kiya ho…

Ab Raj bhi kab tak control karta…usne Sandy ki garden pakdi aur use bed par ulta laita kar pehle uske
hath peeche kar ke pakde aur uske munh mein bedsheet thus di aur fir uski Peeth par baith gaya…yeh
sab itna jaldi huya k Sandy ko kus samjh nahi aya k kya huya...

Jo sandy thodi der pehle bander ki tarah uchal raha tha…wo ek dum bhigi billi ban gaya…usse bola toh
kus ja nahi raha tha use dard bhi ho raha tha isliye wo munh se ghuti ghuti si chikhein nikal raha tha…

Raj(ache se Sandy ko kabu karne ke baad): sala kute ki dumb…kisi ki baat sun bhi liya kar apni hi chlata
rehta hai…ab bol baat sunega yah aise hi rakhun pura din…

Yeh bol kar Raj ne Sandy ke munh se bedsheet nikal di…aur Sandy toh Jaise isi pal ke intzar mein tha…wo
pehle toh buri tarah se chikha aur fir apni sansein normal karke…

Sandy(hamfta huya): bhai yaar chhod de mujhe hath boht dard kar raha hai…peeth bhi tut rahi hai…

Raj: chhod toh dunga pehle bol meri baat sunega yah abhi bhi nana patekar banega…

Sandy: bhai main ab toh golmaal ka tushar kapoor banke Teri puri baat sunuga…

Fir Raj ne use chhod diya aur side mein apne hath piche rakh ke baith gaya…Sandy utha aur sabse pehle
apni wrist ko twist kiya aur fir apni Peeth ko sehlaya…

Sandy: sale pagal hai kya mujhe Marne ka irada tha kya tera…main toh thoda jajbati ho gaya tha…par tu
toh apne ap ko control karta…

Raj(thoda haste huye): bhai ab tere jajbaat peeche se nikal gaye lagta hai…

Sandy(Raj ko haste dekh thoda chid kar ): hasle kamine…ek mera baap aur dusri wo Isha dono ne Milkar
tujhe pehalwan bana diya…ab Mujhe dara raha hai…aj se main bhi gym jaunga…

Raj: yaar chhod ab kion ro raha hai…ab meri baat sun…

Sandy(hath jod kar): han Bhai suna nahi toh fir pitega…

Raj: dekh yaar main aur kisi ki baat nahi kar raha tha …main diksha ki baat kar raha hun…

Raj ne Jaise hi Diksha ka naam liya…Sandy apna pura majak bhul gaya…aur seedha ho kar baith gaya…

Sandy(kus soch kar): Bhai Tujhe aisa kion lagta hai…

Raj: yaar Main pichle kus din se notice kar raha hun k wo Mujhe like karti hai…pehle Priya ne bhi kayi
baat mujhse is bare mein baat ki thi…wo Sara din mujhe ghurti rehti hai…

Sandy(thodi hairani se): sala kya kismat hai Teri…ek pata rakhi hai dusri peeche laga rakhi hai…ek main
hun jise ek bhi naseeb nahi hoti…

Raj(thode gusse mein): yaar tu fir bakwas karne laga…

Sandy: sorry Bhai chal maan liya k wo tujhe pasand karti hai toh bhi uska Isha par huye attack se kya lena
dena…

Raj: yaar dekh pehle sab Yeh samjhte the k wo mujhse pyar karti hai…toh ho sakta hai Diksha ne us par
hamla karwa diya ho…aur wo Home minister ki beti hai toh thodi police ki help bhi le li hogi…sayad tabhi
police kus nahi kar rahi…

Sandy(thoda jhijak kar): dekh bhai gussa mat karna par hamla toh Priya bhi karwa sakti hai…wo Toh
tumse pyar karti hi hai na…

Raj: nahi Yaar wo aisa nahi kar sakti…aur main Diksha ko bhi gunhagar nahi maan raha par hamein jis kisi
par bhi shak hai us par najar rakhni padegi…

Sandy: chal thik hai yaar main hamesha se tere sath hun…par ek baat bata k mujhe kya karna hoga…

Raj: dekh Maine ek plan bnaya hai Diksha se Sab pata karne ka…tujhe usmein meri help karni hogi…

Sandy: toh bol bhai kya plan hai…

Fir Raj ne Sandy ko apna plan samjha diya aur Sandy ne bhi use ache se samjh liya…

Sandy: bhai thik hai main sab samajh gaya ab yeh bata k shuru kab karna hai…
Raj: wo main tumhe bataunga…par abhi nahi…tu bas itna dhyan rakhna k kisi ko tab tak kus pata nahi
chalna chahiye jab tak hum puri baat nahi jaan lete…

Sandy: thik hai bhai kaam ho jayega…ab bas yeh bata dena k kab mujhe yeh sab karna hai…muskil se
apne apko sabit karne ka mauka mila hai…

Raj: sale main tera koi exam nahi le raha…chup chap meri baat manna kus gadbad mat kar dena hero
banne ke chakar mein…

Sandy: are bhai tu fikar kion karta hai…sab ho jayega…

Raj: toh thik hai ab main chalta hun…

Fir Raj Sandy ke kamre se bahar a gaya…aur apne room ki taraf chal pada…Raj ne ab pehla kadam Toh
utha liya tha ab dekhna yeh hai k uska yeh kadam kitna sahi sabit hoga…

Raj apne kamre mein jakar bhi is bare mein hi sochta raha…wo kafi pareshan tha par tabhi wahan uske
sabhi dukhon ka ilaj…matlab Priya ayi…Priya ne darwaja khola aur akar Raj ke paas bed par baith gayi…

Priya(ate hi): Jaan aj tumhe Kya huya…pareshan lag rahe ho…

Raj: ab tumhe kisne keh diya k main pareshan hun…

Priya(thoda itra kar): hamein kus bhi puchne ki jarurat nahi padti…sab apne ap samjh jate hain…

Raj(majak mein): acha toh fir Yeh bhi bata do k pareshani Kya hai mujhe…

Priya(thoda soch kar): mujhe aisa lag raha hai k tum apni GF ko miss kar rahe ho…isliye pareshan ho…

Raj(Priya ka hath pakad kar apne paas khinch kar): acha toh fir agar meri GF mujhe kiss de degi toh meri
pareshani dur ho jayegi na…

Priya (Raj ki ankhon mein dekh kar): Mr. Raj Sinha yeh ilaj thoda mehnga hai…

Raj(Priya ko apni taraf thoda aur khinch kar): acha toh Mrs. Priya Raj Sinha hum bhi janein k kitna
mehnga hai…

Priya(Raj ko halke se marte huye): yaar mera naam mat kharab karo…mera naam Priya agarwal hai…

Raj(naughtiness ke sath): acha par shadi ke baad toh Mrs. Sinha hi banna padega na…

Priya(Raj ki bahon se khud ko alag karke): hlo Mr....tumse kisne keh diya k main tumse shadi karne wali
hun...

Raj(dukhi hone ki acting karte huye): ab main kya karunga…main toh socha tha k tum mujhse true love
karti ho…

Priya(Ghumandi sa munh bana kar): ji nahi main toh sirf thoda time paas kar rahi thi…ab mera tumse
man bhar gaya hai…

Raj bhi kahan peeche rehne wala tha…use pata tha k Priya ki yeh acting class kaise band karni hai…

Raj(Bed se khada ho kar): acha huya tumne time se bata diya…ab main ja raha hun…

Yeh bol kar Raj door ki taraf chal pada aur wo kafi serious bhi lag raha tha…Priya bhi uthke uske peeche
chal padi…

Priya(Raj ke peeche peeche chalte huye): ab tum kahan ja rahe ho…

Raj(Priya ki taraf palat kar): main kahin nahi…mujhe ek proposal mila tha kisi ladki ka…wahin ja raha
hun…kionk ab toh main single hun…

Priya(halke gusse se Raj ka hath pakad kar): acha tum single kaise ho gaye...main hun na tumhari
Girlfriend…

Raj: han but Ex….abhi abhi hamara breakup huya…aur tumne khud kiya…

Priya(Sad si shakal bana kar): tum aisa nahi kar sakte main toh bas majak kar rahi thi…

Raj(thoda gusse mein): acha tumne tab nahi socha jab aisi batein kar rahi thi…ab mujhe Jane do chhodo
mera hath...

Raj ki acting itni real lag rahi thi k Priya wahin Rone lagi aur Raj se jor se lipat gayi…

Priya(rote huye ruk ruk kar bol rahi thi): Raj aisa mat karo main mar jaungi…Raj plz mujhe chhod ke mat
jana main tumhare bina jine ka soch bhi nahi sakti…main pagal hun kus bhi bol deti hun but sach mein
main majak kar rahi thi…maine jab se hosh sambhala hai bas tumhe hi chaha hai pehle bhi apni galtion ki
wajah se tumhe kho chuki hun par ab nahi kho sakti…

Priya bole ja rahi thi aur roye ja rahi thi….wo Raj se buri tarah se lipati padi thi mano Raj use sach mein
chhod kar chala jayega…par Tabhi Raj ne kus aisa kiya k Priya wahin bolna ruk gayi…

Raj(Priya ko apni bahon mein jor se bhar kar): Sorry baby main bhi majak kar raha tha…Main kabhi
tumse alag hone ka soch bhi nahi sakta…isse acha toh main mar…

Abhi Raj itna hi bola tha k tabhi Priya apne pair ke pajon par khadi huyi aur Raj ke honthon ko apne
labon mein bhar liya…Raj ne bhi Priya ko apne majbut hathon se upar utha liya…dono mano kahin kho
se gaye the…

Kiss toh pehle bhi ek baar kar chuke the par aj Jo pyar Jo junoon tha dono mein wo us waqt nahi
tha…kehte hain na k dard mein pyar se achi koi dawa nahi…aur Priya ko aj kus pal ke liye hi sahi par Raj
ko khone ke dard ka ahsas ho chuka tha…aur ab wo Raj ke pyar se us dard ko bhulne ki kosish kar rahi
thi…

Dono ek alag hi duniya mein the k tabhi darwaje par kisi ne knock kiya aur dono fir se isi duniya mein
laut aye…Priya ne Raj ke honthon se khud ke honthon ko alag kiya…aur Raj ke chehre ki taraf dekhne
lagi…Dono ke chehre par ab koi tension koi dard nahi tha…dono muskura rahe the…

Tabhi dobara se knock huya…is baar Raj ne Priya ko aise hi uthaye huye bed par bithaya aur door ki taraf
Jane laga…tabhi Priya ne uska hath pakad liya…

Priya(hath pakad kar pyar se boli): mat jao na…

Raj(palat kar): door toh kholna padega na…aur hun toh main yahin na…

Priya(Raj ka hath chhod kar): OK…I Love you jaan...

Raj: love you too baby…

Yeh bol kar Raj door ki taraf chal pada…

Update 77
Raj ne jaise hi door khola toh samne Diksha khadi thi…Diksha Raj ko dekhte hi khus ho gayi aur use side
karte huye ander ghusi…

Diksha(ander ate huye): kya kar raha tha door kholne mein inti der laga Di kahin us din ki tarah bina
kapdon ke toh nahi pada tha…

Diksha ki baat sun kar Priya ko boht gussa aya…aur Raj bechara Priya ki taraf Taras bhari najron se dekh
raha tha…Diksha ki najar Jaise hi Priya par padi toh wo wahin chup kar gayi…

Par Priya wahan na ruki aur wahan se bahar chali gayi…Priya ne jate huye darwaja badi jor se band
kiya…jisse saaf pata chal raha tha k Priya Gusse mein hai…

Raj ko bhi Diksha par gussa aya par agar wo abhi kus bolta toh uska plan kharab ho jata isliye wo chup hi
raha...

Diksha(Raj ke samne chutki bajate huye): kya huya kya soch rahe ho…

Raj: nahi kus nahi ao baitho…

Divya(Bed par baithte huye): aj toh Teri GF bade gusse mein gayi hai…

Raj(Diksha ke paas baith kar): nahi aisa kus nahi hai…wo vaise bhi Jane wali thi…

Diksha (naughty andaaz mein): acha toh kya kar rahe the dono band kamre mein…

Raj: kus nahi bas yunhi batein kar rahe the…

Diksha (Raj ki taraf thoda jhuk kar): acha toh aisi batein kabhi hamare sath bhi karo…

Diksha ke aisa bolte waqt uski ankhon mein Sharam naam ki koi chij nahi thi…wo bilkul Besharami se aisi
batein kar rahi thi…Raj ko uski is harkat par boht gussa aya…par usne Jaise taise gussa control kiya aur
baat badal di…
Raj: acha tum yeh batao kaise ayi ho yahan…

Diksha: bas aise hi tumse batein karne…

Raj(man mein): acha khasa Priya ke sath time spent kar raha tha…beech mein tum tapak padi…par kya
karein kus bol bhi nahi sakte…ek baar sachayi samne ane do agar mera shaq sahi nikla toh boht bura
haal karunga…

Diksha: hlo kahan kho gaye…

Raj(hosh mein ata huya): nahi wo kus nahi…aur sunao kya chal raha hai…

Diksha: kus nahi…acha tumne mere proposal ke bare mein kya socha…

Raj(hairani se): kaisa proposal…

Diksha: acha itni jaldi bhul Gaye…mere BF banne ka proposal…

Raj: uska kya sochna ab Priya hai na...main uske sath khus hun…

Raj ke is reply se Diksha ko bada gussa aya aur usne vaise hi gusse mein Raj se bola…

Diksha: acha toh agar Priya tumhari life mein na rahe...

Diksha ke aisa bolte hi Raj ka paara ek dum se chad gaya…wo bed se khada huya…aur gusse mein Diksha
se bola…

Raj: Diksha tumne itni bekar baat Sochi bhi kaise…

Diksha ko bhi ehsas ho gaya k wo kus jyada hi bol gayi hai aur aise baat bigad sakti hai…isliye usne
mamla shant karne ki Sochi…

Diksha: Raj sorry yaar main majak kar rahi thi…tum toh gussa kar gaye…

Diksha ne bhale hi yeh bola ho k wo majak kar rahi hai…par Raj ne Jo gussa Priya ke liye uski ankhon
mein dekha use dekh kar uska shak aur bhi pakka ho gaya tha k Diksha kus bhi kar sakti hai…

Par Raj abhi use shak nahi hone dena chahta tha k wo us par doubt kar raha hai…isliye Raj ne is baat ko
wahin Khatam kar diya…

Raj: thik hai par age se aisa majak kabhi mat karna…

Iske baad dono mein kus aur batein huyi aur Fir Diksha wahan se chali gayi…Uske jate hi Raj Priya ke
kamre mein gaya…Priya apne bed par baithi thi aur abhi bhi gusse mein lag rahi thi…Raj bina kus bole
uske paas ja kar baith gaya…

Priya(berukhi se): kya huya chali gayi wo chudail…

Raj: yaar sorry maine use thodi bulaya tha…mujhse kion gussa ho…

Priya: main tujhse gussa nahi hun…par us Diksha par gussa a raha hai wo kitni Besharam ladki hai kaise
bol rahi thi k tum aj bhi toh us din ki tarah bin kapdon ke nahi the…

Raj: yaar ab main kya karun…

Priya(Raj ki taraf dekh kar): tum use Danton use samjhao…aur usne kab tumhe bin kapdon ke dekh liya…

Raj(munh dusri taraf karke): wo ek din mere kamre mein bina knock kiye ghus ayi thi…maine shirt nahi
pehni thi…

Priya(hairani se): kaise badtameej ladki hai aise kaise bina knock kiye ghus ayi…tumne use kus kaha
nahi…

Raj: kaha tha na yaar k knock karke ana chahiye…

Priya (gusse mein): uski himmat kaise huyi tumhare kamre mein aise ane ki main abhi jati hun aur uski
akal thikane lgati hun…

Yeh bol kar Priya uthi aur darwaje ki taraf Jane lagi…par Raj me uska hath pakad liya kionk Raj ko dar tha
k agar Nikhil ko marwane mein diksha ka hath hai toh wo Priya ko bhi nuksaan pahuncha sakti hai…

Raj: Priya tum kahin nahi jaogi…

Priya(apna hath chudane ki kosish karte huye): Raj mera hath chhodo…

Raj: pehle tum yeh kaho k kahin nahi jaogi…

Priya: nahi Raj main chup nahi baithungi…

Raj: Priya tumhe meri kasam…

Raj ke itna bolte hi Priya ne apna hath chudane ki kosish band kardi…

Priya: Raj yeh kya hai tumne mujhe apni kasam kion di…

Raj(Priya ko khinch kar apne paas bed par bhaitha kar): dekho Priya agar tum usse jhagda karogi toh
khamkha pure ghar mein baat fail jayegi…sabka mood kharab hoga…ab agar phir bhi ladna hai toh jao
meri jhansi ki rani...

Priya(Raj ki taraf dekh kar): par Raj main use tumhare as paas nahi dekh sakti…

Raj(Priya ka chehra apne dono hathon mein tham kar pyar se bola): Tumhe mujh par yakeen hai…

Priya: khud se bhi jyada…

Raj: pyar karti ho mujhse…

Priya: apni jaan se bhi jyada…

Raj: kabhi main tumse dur ja sakta hun…

Priya: aisa din kabhi nahi ayega…agar aya toh wo din meri life ka akhri din hoga…

Raj ne Priya ke munh par hath rakh liya…

Raj: aisi batein nahi karte pagal…

Priya(apne munh se Raj ka hath bata kar): I love you babu…

Raj: I love you too…

Itna bol kar Raj ne apna munh Priya ki taraf badha diya…uske honth Jaise Jaise Priya ke honthon ke paas
ja rahe the vaise vaise dono ki dhadkane tez ho rahi thin…Dono ki ankhein band ho rahi thi…

Ab Raj Priya ke honthon ke boht kareeb pahunch chuka tha dono ke honth laghbag apas mein milne hi
wale the k tabhi Priya ne ekdum se apni ankhein kholin aur uth kar khadi ho gayi…

Priya ki is harkat se Raj ko jhatka laga aur wo Priya ki taraf bauchaka sa dekhne laga…par tabhi Priya jor
jor se Hans padi aur Raj ko angutha dikha kar chidhane lagi...

Raj ko samajh a gaya k Priya uska majak udane ke liye aise uthi hai…Raj utha aur Priya ko utha kar bed
par patak diya…aur uske dono taraf hath rakhke baith gaya…

Raj: maar diya jaye yah chhod diya jaye…bol tere sath kya saluk kiya jaye…

Priya abhi bhi hans rahi thi…Priya ko haste dekh kar Raj bhi khus tha…par wo use upar se aisa dikha raha
tha k wo chidh raha hai…aise hi dono mein thodi der nok jhok chalti rahi…

Raj(Priya ka sir apne god mein rakh kar uske balon mein uglian fer raha tha): Priya aj sham ko mere sath
chalogi…

Priya: kahan…

Raj: yaar tu yeh bata chalegi…

Priya: han…par yeh toh bata k chalna kahan hai…

Raj: yaar hai koi jagah tujhe acha lagega wahan ja kar...hum dono chalenge kisi ko batana mat…

Priya: chal thik hai…dekhte hain kahan le kar jaoge mujhe…

Raj: toh thik hai sham ko par kisi ko pata nahi chalna chahiye
Update 78
Raj(bed se uth kar): chal thik hai yaar ab main chalta hun…sham ko tyar rehna…

Priya: OK…

Fir Raj wahan se uth kar bahar chala gaya…wo seedha Sandy ke kamre mein gaya…Sandy ulta let kar so
raha tha…

Raj ne Kus nahi bola bas jakar Sandy ke pichwade par laat maar di…Sandy is baat se puri tarah se anjaan
tha isliye wo ek dum se hadbada kar utha…

Sandy (as pas dekhte huye): kon hai…

Raj: kamine main hun…ab jaldi se uth ja…

Sandy(Raj ko ghurte huye): sale agar mujhe heart attack a jata toh…

Raj: toh kya tha Dharti ka kus bojh kam ho jata…ab chal bakwas band kar aur meri baat sun…

Sandy: kya hai bol…

Raj: bhai dekh aj main sham ko Priya ko lekar bahar jaunga…tere paas yahi acha mauka hai Plan ko
anjaam dene ka…

Sandy: toh aj main apna kaam shuru kar dun…

Raj: han bhai…iske baad hamein pata chal jayega k Diksha ke dil mein kya hai fir hum age ka plan
banayenge…

Sandy: toh thik hai tu aj Priya ke sath enjoy kar main Diksha ki akal par parda dalta hun…

Raj: han par dhyan se sab kus perfect hona chahiye agar use shak ho gaya toh sab kiye kraye par pani fir
jayega…

Sandy: bhai tu fikar na kar…main sab sambhal lunga…

Raj: toh thik hai main ab chala…

Yeh bol kar Raj Sandy ke kamre se nikal gaya par wo apne kamre mein nahi gaya balki Isha ke kamre ki
taraf chal pada…usne Isha ke kamre ke bahar pahunch kar Door knock kiya…

Thodi der baad Isha ne door khol diya…

Isha: are tum ao ander...

Raj (ander ate huye): didu kya kar rahi thi…

Isha: bas kus nahi aise hi baithi thi…acha huya tu a gaya faltu bore ho rahi thi…
Raj: ab main apko bore nahi hone dunga…ap toh meri pyari didu ho…

Isha(bed par baith kar): A baith…

Raj Isha ke paas baith gaya…wo Isha ki taraf jis tarah se dekh raha tha…usse saaf pata chal raha tha k Raj
ko isha se kus kaam hai…

Isha: kya huya kus kaam hai kya…

Raj(khus hote huye): are apko kaise pata chala…

Isha: bas Teri shakal sab bata rahi hai…

Raj: acha ap toh face read kar laiti hain…

Isha: chal ab time waste mat kar yeh bata k kya kaam hai…

Raj(Isha ka hath apne hath mein pakad kar): wo asal mein didu mujhe aj sham ko Priya ke sath kahin
Jana hai…

Isha: are wah yeh toh achi baat hai…

Raj: par mujhe apki help chahiye…

Isha: kaisi help…

Raj: bas apko sab sambhalna padega…k koi yeh na puche k hum kahan gaye the…

Isha: are par main kaise…tum khud hi kus Socho…

Raj(bholi si shakal bana kar): plz didu…ap sambhal Lena na…ap toh meri pyari didu ho…

Isha: OK main kus sochti hun…par tu yeh jyada maska na laga…

Raj: OK didu ab main chalta hun…

Isha kus bolti usse pehle hi Raj wahan se chala gaya…Aur Isha sirf muskura kar reh gayi…

Raj apne plan ko puri tarah se safal karna chahta tha…isliye wo koi kami nahi chahta tha…ab aur toh sab
kus fit tha bas itna tha k Diksha Sandy ki baton mein a jaye…

Ab Raj apne room mein chala gaya…aur age ka sochne laga…ab pata nahi kya soch raha tha…par thodi
der baad usne apna phone nikala…aur kisi ka number dial kiya...

Raj: hlo Raj sinha bol raha hun…

Samne se: oh…kaise ho sir…

Raj: main toh thik hun ap boliye…

Samne se: sir main bhi thik hun Kaise yaad kiya…koi problem toh nahi hai na…

Raj: nahi koi problem nahi hai…bas ek kaam tha…agar kar pao toh…

Samne se: han han boliye…agar mere hath mein huya toh jarur karunga…

Fir Raj ne us admi ko puri baat Jo uske aur Sandy ke beech huyi thi wo bata di…aur apna plan bhi bata
diya…

Samne wala(thoda serious tone mein): sir kaam toh thoda muskil hai aur khatarnak bhi par main apke
sath hun aur Jo bhi ban paya wo karunga…

Raj: thanks…mujhe apse yahi umeed thi…

Samne se: koi baat nahi sir…aur jab bhi meri jarurat ho toh yaad karna…main hamesha tyar hun…

Raj: OK …aur ab main rakhta hun aur thanks baat samjhane ke liye…

Samse se: OK Sir…bye…

Fir Raj ne phone kaat diya…aur apne kamre mein baith kar Sham hone ka intzaar karne laga…

Aur dhire dhire sham bhi ho gayi…Raj ne casual se kapde pehne aur Priya ke kamre ki taraf chal pada…

Raj ne door khola aur kamre mein chala gaya…Priya mirror ke samne khadi khud ko dekh rahi thi…usne
Blue aur yellow color ki kameez aur chudidar salwar pehni thi…usne apne baal khule chhode huye
the…kulmila kar wo boht hi khubsurat aur pyari lag rahi thi…

Priya ko Raj ke ane ka pata nahi chala…aur wo vaise hi khud ko mirror mein dekhti rahi…

Raj(Halke se door band karke):

Khud ko aiyne mein na dekho…
Aiyna sharma jayega…
Agar dekhna hi hai toh meri ankhon mein dekho…
Tere chehre ka ek ek ans najar a jayega…

Raj ki yeh romantic shayari sun kar Priya uski taraf palti aur gusse mein use ghurne lagi…

Priya: tum bina knock kiye ander a gaye…agar main change kar rahi hoti toh…

Raj(bed par baith kar): yaar agar change karna hota hai toh lock karke kiya karo…aur meri baat par gaur
farmaiye mohtrma…
Apka dil hi hamari duniya hai…
Is duniye mein kho jayenge…
Yahan darwaje par koi kundi nahi…
Kabhi ayenge kabhi jayenge…
Raj is shayari par Priya Hans padi…aur fir boli…

Priya: aj bade shayar ban rahe ho…

Raj: hum kabhi sher huya karte the…

Teri jheel si ankhon ne kayar bana diya…
Kabhi my friend ka easy nahi tha likha…
Teri mohabbat ne humein shayar bana diya…

Is baar Priya fir se Hans padi aur Raj ke paas ja kar Bed par baith gayi…

Priya: vaise ek baat toh manni padegi k ab tum bhi thode thode romantic ho rahe ho…

Raj: bas apki sangat ka asar hai gurudev…apni kirpa banaye rakhiye dekhna ek din kapil Sharma ke show
mein Sidhu paji ki kursi par baith jaunga…

Priya(muskurate huye): acha ab chhodo yeh sab…chalo kahan chalna tha…

Raj: han chalo didu ke paas…

Priya (hairani se): kion di ke paas kion Jana hai…

Raj: wahi humein bhejne mein madar karengi…

Priya: acha toh thik hai…chalo ab…

Fir wo dono wahan se nikal kar Isha ke room ki taraf chal pade…
Update 79
Wo dono Isha ke room mein pahunche…Isha wahan nahi thi…

Raj: are didu toh yahan hai hi nahi…

Priya: han chalo bahar dekhte hain…

Yeh bol kar abhi wo dono bahar Jane hi lage the k tabhi Washroom ka gate khula…aur Isha bahar ayi…

Isha: are tum dono yahan…

Raj(Isha ki taraf chal kar): are didu hum toh apke paas hi aye the…humein ghumne Jana hai…

Isha(Priya ki taraf dekh kar muskura kar): toh tum dono aisa karo k abhi bahar jao aur bike lekar chale
jao…

Raj: par didu gharwale…

Isha: tum unki fikar na karo Maine mom se baat kar li hai ab jao jaldi se…
Yeh sun kar Raj toh Jaise boht khus ho gaya tha…usne Isha ko apne gale lgaya…

Raj: love you didu…

Isha: love you too babu…ab jao nahi toh baad mein andhera ho jayega….andhere ke pehle pehle tum log
wapis a Jana…

Raj(Isha se alag ho kar): OK didu bye..

Yeh bol kar Raj Priya ko lekar wahan se nikal pada…use bahar abhi koi nahi mila…aur wo seedha uske
sath garage mein gaya wahan usne us din wali Royal Enfield ki side cart alag ki aur fir use start karke
Priya ko piche baitha kar nikal pada…

Raj ne bike kheton ki taraf mod di yahan ek din wo Monty aur Sandy ke sath gaya tha…ab inke paas toh
baad mein chalenge…pehle chalte hain…Sandy ke paas…

Sandy apne room mein bechain sa idhar se udhar ghum raha tha….aur sath mein apne munh mein kus
badbada raha tha…

Sandy: chal bhai Sandy Diksha ke paas….agar na gaya toh Raj ne jaan se maar dena hai…aur agar main
pakda gaya toh Diksha ne maar dena hai…par Jana toh padega hi na…aise kaise chalega….toh haste
haste chad ja suli par…

Itna bol kar Sandy apne kamre se nikla aur Diksha ke kamre ki taraf chal pada…Sandy kamre ke bahar ja
kar ruk gaya…usne apne face ke haw bhaw change kiye….aur fir ek gehri saans lekar door par knock
kiya…

Aur baad mein upar ki taraf munh karke hath jod kar kaha…

Sandy: bacha Lena bhagban…

Itne mein Diksha ne door khola aur Sandy ko dekh kar use thodi hairani huyi…

Diksha: tum yahan…

Sandy (serious si shakal bana kar): han mujhe tumse kus jaruri baat karni hai…

Diksha (door se side hokar): ao ander…

Fir Sandy ander chala gaya aur Diksha ne use baithne ko kaha…Sandy bed par baith gaya…Diksha bhi
uske paas baith gayi…

Diksha: han ab bolo k tum kya baat karne aye ho…

Sandy: wo Diksha pehle tum yeh btao k tum meri baat puri sunogi agar manjur na ho toh thik hai par kisi
ko bataogi nahi…

Diksha: han tum bolo kya baat karni hai…

Sandy(ek lambi sans chhodte huye): Diksha main tumhari help karna chahta hun…

Sandy ki baat sun kar Diksha puri tarah se confused thi…

Diksha: kaise help…

Sandy: dekho diksha mujhe pata hai k tum Raj ko chahti ho…aur main bhi yahi chahta hun k tum aur Raj
ek ho jao…

Sandy ki baat sun kar Diksha ko toh jhatka laga…wo puri tarah se socked reh gayi…use kus samajh mein
nahi a raha tha k achanak Sandy ko kya huya hai Jo wo aisi batein kar raha hai…

Diksha(hairani se): tum yeh kaisi batein kar rahe ho…

Sandy ki bhi dar ke mare fati ja rahi thi k agar diksha Raj se pyar nahi karti huyi toh uski boht lagne wali
hai…par fir bhi apne dost ke liye usne himmat na chhodi aur age bola…

Sandy: Diksha tum yeh batao k kya tum Raj ko chahti ho…

Diksha ko bhi laga k kya pata Sandy uski sach mein help karde…isliye usne sach batane ki Sochi…

Diksha: han main use chahti hun…main use pana chahti hun...par kya fayada wo toh pehle se hi kisi aur
ka hai…

Sandy ka confidence Diksha ki baat sun kar badh chuka tha use laga k ab wo uski akal par parda daal
sakta hai…

Sandy(pure confidence ke sath): toh thik hai is kaam mein tumhari help karunga…

Diksha (hairani se): par tum meri help kion karoge…tum toh Raj ke dost ho na…

Sandy: han tabhi toh main tumhari help kar raha hun…

Diksha: kya matlab…

Sandy: main nahi chahta k Priya Raj ki life mein aye…wo bilkul achi ladki nahi hai…Usne pehle bhi Raj ko
takleef pahunchayi hai…

Sandy ki baat sun kar Diksha ka dil khus ho gaya…Sandy bhale hi adha pagal ho par uski acting mein dum
tha…usne Diksha Jo lagbhag sise mein utar hi liya tha…aur Diksha toh Raj ko apna banana chahti
thi…isliye wo bhi Sandy ki baton mein a gayi…

Diksha: thanks Sandy mein bata nahi sakti k mujhe kitni khusi hai k tumne meri feelings ko samjha…aur
tum meri help bhi karna chahte ho…

Sandy toh bas itne mein hi khud ko akshay Kumar samjhane laga tha…
Sandy: yeh toh mera farz hai k main apne dost ki life barbaad hone se rokun…

Diksha: you are so sweet…ab yeh bhi bata do k tum karne kya wale ho…

Sandy: hum is bare mein baad mein baat karenge…abhi main chalta hun…agar kahin Raj aur Priya laut
aye toh unhe mujhe yahan dekh kar koi shak na ho jaye…

Diksha: par wo dono kahan Gaye hain…

Sandy: kus nahi bas kheton wali side mein ek khubsurat sa park hai…wahan Gaye hain nadi ke
paas…acha main chalta hun…

Yeh bol kar Sandy wahan se chala gaya…Diksha toh mano aj hawa mein hi ud rahi thi…

Diksha(apne man mein): wow bhagban apne toh kamaal kar diya…Sandy ab meri side hai…ab mujhe Raj
ko pane se koi nahi rok sakta…ab yeh Priya aur Raj ki akhri date hogi…

Udhar Raj Priya ko lekar ek aisi jagah a gaya tha yahan se nadi Beh rahi thi…yeh wahi Nadi thi Jo mandir
ke peeche se behti thi…par yahan mahol bada alag aur pyara tha…har taraf phool aur aur paid paude…jo
kisi ne vaise hi lagaye huye the…

Yeh ek tarah se kisi garden ki tarah tha…yah sayad chota jungle…pata nahi kya tha par khubsurat
tha…aur nadi ke kareeb hone ki wajah se uski khubsurati aur jyada badh rahi thi…

Priya(is pure najare ko dekh kar): wow…yeh toh boht jyada khubsurat hai…main toh soch bhi nahi sakti
thi k yahan itni khubsurat jagah bhi hogi…

Priya is najare ko khusi khusi dekhe ja rahi thi…wo Jaise ismein kho si gayi thi…Raj Priya ko aise khade
dekhta raha…par Priya toh mano kahin kho si gayi ho…kus pata hi na ho use as paas ka…

Jab use aise hi dekhte dekhte kafi der ho gayi toh Raj ne dono hathon se Priya ko god mein utha liya…aur
chal pada nadi ki taraf…

Priya (apne pair hilate huye): kahan le ja raha hai mujhe…dekhne de na kitna acha lag raha hai…

Raj(Priya ke chehre ki taraf dekhte huye): toh mujhe bhi dekhne de na acha lag raha hai…

Priya(shararti andaz mein): yahan itni dur kya mujhe sirf dekhne ke liye laye ho ja kus aur bhi Karna hai…

Raj(pyar se): mera toh mood bas dekhne ka hai…agar tera man kus aur karne ka kar raha hai toh kar lete
hain…

Priya: are nahi baba…main toh majak kar rahi hun…tum aisa vaisa kus mat karna…

Raj(muskurate huye): yaar main konsa kus karne wala hun…main bhi majak hi kar raha hun…

Fir wo Priya ko utha kar hi nadi ke paas le gaya…aur khud ek pathar par baith gaya…aur Priya ko bhi apne
paas hi baitha liya…
Raj nadi ki taraf dekhne laga par Priya Raj ki taraf munh karke baith gayi…

Raj: mujhe kya phool lage hain…samne dekho…

Priya ne kus nahi bola bas apna sir hila kar na ka ishara kar diya…

Raj(Priya ki ankhon mein dekhte huye): kya dekh rahi ho…

Priya(pyar se): apni duniya…apna future…apni jindagi…mera sab kus…

Priya ne yeh baat jitne dil se aur pyar se kahi Raj ko boht khusi huyi yeh sun kar…

Raj: acha itna pyar karti ho mujhse…

Priya(Raj ko hi ghurte huye): dobara yeh sawaal mat puchna main bata kar apne pyar ki insult nahi kar
sakti…

Raj(Priya ki taraf ghum kar): chal fir dono competition karte hain…kon jyada der dusre ki ankhon mein
dekhega…

Fir wo dono ek dusre ki ankhon mein dekhte rahe…wo itne kho gaye k as paas ki koi fikar hi nahi rahi…na
Jane kitni der wo aise hi dekhte rahe par tabhi ek goli chalne ki awaj ayi aur Priya ke munh se ek Jordar
cheekh nikal gayi…
Update 80
Goli Priya ke sir ke paas se seedha ek ped ko ja lagi…is liye Priya buri tarah se dar gayi aur cheekh
padi…Raj bhi ghabra sa gaya…par Raj ne himmat se kaam liya aur wo Priya ke paas gaya…

Raj(Priya ko wahan se uthate huye): Priya tum thik toh ho na…

Priya kus nahi boli wo bilkul shock mein thi…Raj ne use uthaya aur ek pathar Jo kafi bada tha uske piche
ja kar baitha diya…

Raj(Priya ke chehre ko apne dono hathon se pakad kar): Priya tum yahin baitho main dekhta hun…

Fir Raj uth kar Jane laga par Priya ne uska hath pakad liya…

Priya(dari sehmi si): tum kahin mat jao…agar tumhe kus ho gaya toh…

Raj: kus nahi hoga…trust me…

Fir Raj ne Priya ke na chahte huye bhi apna hath chudaya aur wahan se nikal kar dhire dhire us taraf Jane
laga jidhar se goli chali thi…

Raj kafi ghabraya huya tha kionk uske paas koi hathyar nahi tha…aur udhar se goli chali thi…par Raj dhire
dhire wahan pahunch hi gaya…par udhar koi dikhayi na diya…usne dur tak dekha toh use ek lambe balon
wala admi dikha jiske hath mein rifle thi aur wo dusri taraf bhag raha tha…
Raj ne uska peecha karne ki Sochi…par wo ruk gaya kionk wo Priya ko akela nahi chhod sakta tha…aur
upar se wo shaks kafi dur chala gaya tha aur ab apni bike par baith kar nikal liya tha...

Raj ne bike ka number dekhne ki Sochi par wo kafi dur thi aur use saaf saaf dikh nahi raha tha…wo palat
kar jane laga par tabhi uski najar jameen par pade ek locket par padi…toh Raj ne use apni pocket mein
dala aur wo Priya ki taraf wapis chala gaya…Priya abhi bhi Dari sehmi si us pathar ke piche baithi thi…

Raj Priya ke paas gaya aur use apne gale se laga liya…Priya Raj ke gale lag kar Rone lagi…wo boht jyada
dar chuki thi…Raj use. Chup karane ki kosish kar raha tha…

Raj(pyar ke sir par hath ferte huye): chup karjao jaan…kus nahi huya…main hoon na tumhare sath…

Priya(rote huye): Raj mujhe bahut dar lag raha hai…kon tha wo…

Raj: pata nahi wo bhag gaya…chal hum bhi ghar chalte hain…

Priya(Raj se alag ho kar): han jaldi chalo…

Raj: han chalo aur ghar par kisi ko btana nahi main time dekh kar khud sabse baat kar lunga…

Priya ne han mein sir hilaya aur aur fir Raj Priya ko bike par apne piche baitha kar ghar ke liye nikal
gaya…

Raj ne Priya ko toh bol diya tha k wo dare na par use khud badi gabrahat ho rahi thi…ab use Diksha ko
lekar Jo bhi karna tha wo jaldi hi karna tha…

Khair wo dono ghar pahunche…Priya kafi Dari huyi thi par Raj ne kisi ko kus bhi batane se mana kiya tha
is liye wo kus na boli…aur seedha apne room mein chali gayi…

Udhar Raj apne room mein na jakar Sandy ke room ki taraf chala gaya…wo Sandy se baat karna chahta
tha…

Udhar Sandy apne room mein baitha yahi soch raha tha k kab Raj aye aur kab wo apni aj ki shandaar
acting ke bare mein Raj ko bataye…

Khair Jaise hi Raj Sandy ke room mein aya toh Sandy khus ho gaya…aur Abhi Raj bed par uske paas
baitha hi tha k wo bullet train hi tarah shuru ho gaya…

Sandy: are bhai tujhe pata nahi k aj Maine kamaal kar diya…meri acting ke samne wo diksha puri tarah
se hil gayi…wo toh puri tarah se meri baton mein a gayi…

Abhi Sandy apni tareefon ke pul bandh hi raha tha k tabhi tang a kar Raj bol pada…

Raj: chup kar yaar ek toh main pehle se pareshan hun…upar se tu bakwas kiye ja raha hai…

Raj ki baat sun kar Sandy ekdum se chup ho gaya aur serious ho kar Raj se pucha…

Sandy: Bhai kya huya Priya se jhagda ho gaya kya…

Raj: nahi yaar kisi ne aj Priya par goli chala di wo toh acha huya k wo Bach gayi…

Raj ki baat sun kar Sandy ekdum se hairan pareshan ho gaya...

Sandy: Bhai tum dono thik toh ho na…aur kon tha jisne goli chlayi…

Raj: pata nahi yaar wo bhag gaya...mujhe toh yeh samajh nahi a rahi k yeh sab kon kar sakta hai…kisi ko
kya pata k hum kahan Gaye hain…

Raj ki baat sunte hi Sandy ekdum se khamosh ho gaya…wo kisi gehri soch mein dub gaya…

Raj(Sandy ko aise baitha dekh kar): kya huya kya soch raha hai…

Sandy(thoda darte huye): sorry bhai wo Maine Diksha ko bata diya tha k tum dono kahan gaye ho…

Raj ne Sandy ki baat ka koi gussa nahi kiya kionk use pata tha k usne aisa jaan bhuj kar nahi kiya tha…par
use Diksha ke matter mein aur pata lagana tha…

Raj: bhai tune Diksha se baat ki toh usne kya kaha…

Sandy ne Raj ko puri baat bata di…Raj ne bhi ek ek baat pure dhyan se suni…par use pata nahi kion aisa
lag raha tha k usse koi galti ho rahi hai Diksha ko samjhne mein kionk itna shatir mujrim itni asani se
Sandy ki baton mein kabhi na ata…

Raj(ekdum se bol pada): bhai tu sach keh raha hai k Diksha itni jaldi maan gayi…

Sandy: han bhai…

Raj: aisa kaise ho sakta hai…agar hum keh rahe hain k Diksha ne yeh pura plan bnaya hai toh wo itni
asani se bewkuf kaise ban sakti hai…jarur kus locha hai…

Sandy: bhai kya locha hai…tumne hi toh kaha tha k tujhe diksha par shak hai…

Raj: Maine yeh kaha tha k shak hai yeh nahi kaha tha k wo hi mujrim hai…aur han agar kaha tha toh adha
toh sahi hi hai na k Diksha mujhe pasand karti hai…

Sandy: bhai yeh baat toh hai…par agar usne nahi kiya toh kisne kiya…

Raj: bhai ab mujhe lag raha hai k inspector ki baat sahi hai k wo kameena Nikhil jinda hai…wahi yeh sab
ghatiya panti kar raha hai…

Sandy: han ho sakta hai par use kaise pata chala k tum dono wahan gaye ho…

Sandy ki baat sun kar Raj soch mein pad gaya...use kus samjh nahi a raha tha…

Raj(jhalakar): sala pata nahi kya ho raha hai…kus samjh mein nhi a raha sab gadbad ho raha hai…bhai
yahi toh mujhe nahi pata k Nikhil ko kaise pata chalega k hum log wahan ja rahe hain…
Sandy: tumne kisi ko bataya toh nahi tha na…

Raj: nahi yaar sirf tujhe aur baad mein Diksha ko pata chala…di aur mom ko bas itna pata tha k hum
bahar ja rahe hain…par kahan yeh in logon ko bhi nahi pata…

Sandy(sochte huye): Bhai baat boht jyada ulajh gayi hai…ab kya karein…

Raj: dekhta hun kus…par abhi Naha lun yaar dimag ghum gaya hai…

Sandy: OK bhai…par Diksha ka kya karna hai…

Raj: filhal kus nahi kar sakte…pehle tu yeh bata k tu diksha ke paas se kab aya…

Sandy: abhi lagbhag 10-15 mint pehle…

Raj: acha jab tu usse baat kar raha tha toh uska mobile uske hath mein tha kya?

Sandy: nahi yaar…

Raj(kus soch kar): acha thik hai yaar baad mein ata hun…

Yeh bol kar Raj Sandy ke kamre se nikal gaya…wo bas abhi Sandy ki ek ek baat ko har view se soch raha
tha…wo yeh pata karne ki kosish kar raha tha k shak ke suyi kis taraf ja rahi hai…nikhil yah Diksha…

Par baat barabar ki hai…yahan Nikhil ke side mein yeh baat jati hai k wo sabki najar mein mar chuka
hai…wahin Sandy ki Baton se diksha bekasur lagti hai…abhi kus kaha nahi ja sakta…

Raj bas inhi sab sochon mein khoya huya tha…fir wo apne kamre mein gaya aur shower Lene ke baad
bed par baith gaya…par tabhi use wo locket yaad aya…wo usi waqt washroom mein gaya aur apni pant
ki pocket se wo locket nikal kar le aya…

Iske baad wo apne bed par baith kar us locket ko dhyan se dekhne laga…wo silver ka locket tha….aur
chain mein ek silver ka eagle dala huya tha aur us eagle ke bilkul beech mein S likha huya tha…aur uski
ulti side us shop ka naam jahan se wo kharida gaya tha…
Update 81
Raj ne kus soch kar wo locket fir se apni pocket mein dala…Raj ke dimag mein kya tha yeh toh wahi janta
tha…khair aise hi wo soch mein khoya raha…aur Dinner ka time ho gaya…

Sab dinning table par baithe the…Priya ne goli chalne wali baat kisi ko nahi batayi thi…par uske chehre
par dar saaf dikhayi de raha tha…aur udhar Raj khana toh kha raha tha par uska dimag kahin aur ghum
raha tha…

Raj pata nahi kya soch raha tha…par tabhi wo apna khana band karke sabko bola…

Raj: main kal subah Mumbai ja raha hun…

Raj ki baat sun kar sabne apna khana band karke uski taraf dekhna shuru kar diya…
Sunidhi: kion ja raha hai…

Raj: mom kus kaam hai…

Raghuveer: toh hum sabhi chalte hain…

Raj : nahi ap sabhi yahin rahoge…main akela jaunga…wahan ap logon ko khatara hai…

Isha: toh khatra toh tumhe bhi hai…tu kahin nahi jayega…

Raj: nahi didu main kisi ki kus baat nahi sunne wala…main ja raha hun toh ja raha hun…

Sunidhi: par…

Raj(beech mein tokte huye): Mom par bar kus nahi...

Sunidhi: beta thik hai but Sandy ko sath lete Jana…

Sandy: han bhai main tumhare sath jaunga…

Raj(kus soch kar): thik hai chale Jana…

Monty: bhai main bhi chalunga yaar…

Raj: chal thik hai tum dono mere sath chalna…par baki sabhi yahin rahenge…

Raj ki jidd ke samne kisi ki ek na chali aur Raj ne Jane ka man bana liya tha…vaise toh sabhi Raj ke is faisle
se khus nahi the par Priya Isha aur diksha kus jyada hi nakhus thin…teeno ki apni apni wajah thi…fir sabhi
dinner karne ke baad apne apne kamre mein chale gaye…

Raj bhi apne kamre mein baitha kus soch raha tha…tabhi wahan Priya a gayi…Priya jakar bed par Raj ki
bagal mein baith gayi…

Priya(Raj ke kandhe par sir rakh kar): kya soch rahe ho…

Raj: kus nahi bas yahi soch raha hun k in sab ke peeche kon hai…

Priya: koi baat nahi wo mil jayega…

Raj: han mil toh jayega hi…

Priya: acha ek baat batao k tum Mumbai kion ja rahe ho…

Raj: us insan ke bare mein pata lagane…

Priya: ek baat kahun…

Raj: han kaho…

Priya: main tumhe Jane se rokungi nahi…mujhe tum par boht Garv hai k tum apni family ke liye apni fikar
kiye bina us insan ko dhundhne ja rahe ho…par mujhe tumhari boht fikar ho rahi hai…

Raj(Priya ke mathe par choom kar): kus nahi hoga mujhe...

Priya: mujhe pata hai jaan…tumhe kus nahi hoga…par kya tumhe meri yaad nahi ayegi…

Raj: nahi…

Priya: kion…

Raj: tum toh hamesha mere dil mein rehti ho…tumhari yaad kahan se ayegi…

Priya(Raj ki ankhon mein dekh kar): acha kitna pyar karte ho mujhe…

Raj: bata nahi sakta…par mehsus kara sakta hun…

Priya: acha wo kaise…

Raj(seedha baith kar): yahan kaan lagao…

Raj ne apni chest par hath rakh kar kaha…Priya ne wahan kaan laga liya…aur Raj ki dhadakano ko sunne
lagi…

Raj: kya sunayi diya…

Priya(Upar uth kar Raj ke gale lag te huye): hamara pyar…I love you jaan…

Raj: I love you too…

Priya(Raj se alag ho kar): acha toh ab main chalti hun…

Raj: kahan Jana hai…do mint baitho yaar…

Priya: mujhe aram karna hai…

Raj: OK do second ruko…

Itna bol kar Raj wahan lait gaya…aur apna ek hath faila kar Priya ko bhi uske hath par laitne ko kaha…

Priya Raj ke hath par apna Sir rakh kar lait gayi…aur Raj uske sir ko apne dusre hath se sehlane laga…

Raj: kaisa lag raha hai ab…

Priya(ankhein band karke): boht sukun mil raha hai…Raj ek baat puchun…
Raj: han…

Priya: hum ghar walon ko apne bare mein kab batayenge…

Raj: jaldi hi bas yeh attack wala matter solve ho Jane do…par tum kion puch rahi ho…

Priya: bas aise hi…chalo ab tum bhi aram se lait jao…

Raj (aram se lait kar): han ab kya karna hai…

Priya: kus nahi main tumhe sulati hun baad mein apne room mein jakar so jaungi…

Raj: chal theek hai…vaise bhi mujhe aram ki shakht jarurat hai…

Itna bol kar Raj ankhein band karke lait gaya aur Priya usko thapthapane lagi…Raj ko dhire dhire neend
ane lagi…Priya Raj ke bagal mein apni kohni ke bal tirsi laiti huyi thi…

Raj ko jab tak neend ayi tab tak Priya ki bhi wahin ankh lag gayi aur wo Raj ki chati par apna sir rakh kar
wahin so gayi…

Dono sote waqt behad pyare lag rahe the...dono ke beech boht sacha aur gehra pyar tha Jo na toh kisi
shart aur na hi kisi chahat ka mauhtaj tha…

Yahi wajah thi k aj dono itne paas ek band kamre mein akele hone ke baad bhi ek dusre ki bahon mein
befikar laite pade the…dono mein kisi tarah ki koi galat bhavna nahi thi…isse pata chalta hai k dono ka
pyar kitna pawitar hai…

Khair kisi bhi achi cheej ka ant bhi hota hai toh is haseen raat ka bhi ant ho gaya…agli subah apni adat ke
mutabik Raj ki ankh boht jaldi hi khul gayi…Raj Jaise hi uthne ko huya toh use apne upar koi weight
mehsua huya…

Usne jab dekha toh Priya apna sir uski chest par rakh kar so rahi thi…Priya ko sote dekh Raj ko us par
bada pyar aya aur usne uske sir par ek kiss kiya…aur dhire se uska sir utha kar side mein rakh diya…

Fir wo khada huya aur Priya ko ache se laita kar us par blanket de diya…Raj ne Priya ke mathe par kiss
kiya aur washroom mein chala gaya…

Fir Raj jaldi se fresh huya aur chal pada Sandy aur Monty ko uthane…usne dono ko utha diya…pehle toh
dono ne drama kiya….par baad mein Raj se do char batein sunne ke baad dono uth gaye aur tyar ho
Gaye…

Fir un teeno ne apna samaan uthaya…aur hall mein a gaye…wahan sab unse mile par Priya wahan nahi
thi…Raj jab Isha ke paas gaya toh isha ne Raj ko Priya ke bare mein pucha…

Isha(dhire se): Priya kahan hai...

Raj: wo so rahi hai...

Isha: tum usse nahi Milne wale…

Raj: use sone dijiye thodi pareshan lag rahi thi raat ko…aur main usse baad mein baat kar lunga…

Isha: OK Jaise tumhari marji…

Fir wo teeno apna saman utha kar Raj ki gaadi se nikal pade Mumbai ki aur…Monty apni gadi wahin
chhod aya kionk use diksha le ke ane wali thi…ab teeno yaar nikal pade the us mujrim ka pata lagane…
Update 82
Raj drive kar raha tha…Sandy uske bagal wali seat par aur Monty backseat par baitha tha…Monty aur
Sandy ko abhi tak nahi pata tha k wo log Mumbai kion ja rahe hain…wo toh bas Raj ko akela nahi bhejna
chahte the…isliye uske sath ja rahe the…

Sandy: Bhai hum Mumbai kion ja rahe hain…

Raj: abhi kus nahi batane wala…Mumbai pahunch kar bata dunga sab kus…

Sandy: OK yaar thik hai…

Ek lambe aur boring safar ke baad wo teeno Mumbai pahunch gaye…par Raj ne gadi ghar ki jagah kisi
aur taraf chala di…Sandy se ab chup na raha gaya…

Sandy: yaar ab toh 7-8 ghante ho gaye…mumbai bhi a gaye…ab toh kus bata de k kya karne aya hai
kahan ja raha hai…

Raj: yaar chup nahi baith sakta…main sab bata dunga…filhal is market mein as paas dekh yahan yeh xxx
shop hogi…

Sandy fir se chup chap baith gaya…aur as paas dekhne laga…tabhi Raj ne ek shop ke age gadi rok di…wo
car se bahar nikla Sandy aur Monty bhi uske peeche peeche chal pade…

Raj Us shop ke ander gaya…wo ek jewelry shop thi…Raj ko ata dekh wahan counter par khada ek adedh
umar ka admi bola…

Admi: welcome sir…

Raj(us admi ki taraf dekh kar): thanks…but main kus lene nahi aya hun…

Admi: ji ap boliye iske ilawa main apki kya help kar sakta hun…

Raj(apni pocket se wo chain nikalte huye): kya yeh chain apki shop se kharidi gayi hai…is par is shop ka
naam bhi hai…

Admi(us chain ko dhyan se dekhte huye): Ji han…

Raj: kya plz ap mujhe bata sakte hain k yeh chain kisne kharidi thi…

Admi: vaise toh yahan kayi customers ate hain…par yeh chain order par banwayi gayi hai…
Raj: Ji fir toh ap us insan ko jarur jante honge…

Admi: Ji han…

Raj: toh fir plz ap mujhe uska naam aur address bata sakte hain kya…

Admi: Ji jarur…

Fir us admi ne us chain kharidne wale ka pura naam aur pata bata diya…

Raj: thank you…

Admi: welcome sir…

Fir Raj wahan se bahar a gaya…Monty aur Sandy uske sath the par kus samjh nahi pa rahe the…

Sandy: bhai ab toh bata de k kya kar raha hai…

Raj: Yaar abhi kus mat puch bas Jo is shaks ne naam aur pata bataya hai uske bare mein mujhe full detail
chahiye…

Monty: bhai yeh kaam toh main kar lunga…tu tension mat le…

Raj: toh thik hai abhi ghar chalte hain par mujhe sham tak full kundali chahiye…
Monty: don’t worry yaar…

Fir Raj aur wo dono dobara car mein baithe aur ghar ki taraf chal pade…wo teeno Raj ke ghar hi gaye…

Ghar pahunch kar wo log hall mein baithe the…par Sandy ke pait mein titliyan abhi tak ud rahi thin…

Sandy: bhai ab toh kus bata Yaar k akhir ho kya raha hai…

Is baar Monty ne bhi uska sath diya…

Monty: han Yaar bhai kus toh bata na yaar…

Raj: acha thik hai…toh suno…main yahan Nikhil ko dhundne aya hun…

Raj ki baat sun kar Sandy toh nahi par Monty boht hairan tha…

Monty: tujhe kaise pata chala k Nikhil jinda hai…

Raj: bhai jab pehli baar inspector ne kaha tha toh mujhe bhi yakeen nahi huya tha…par…

Monty: par kya…

Raj: dekh bhai meri baat ka gussa mat karna main tujhe apna bhai manta hun isliye bol raha hun…
Monty: yaar kaisi baat kar raha hai…bata kya baat hai…

Raj: bhai mujhe pehle Diksha par shak tha…

Raj ki is baat se Monty ke sath sath Sandy bhi hairan ho gaya tha k Raj yeh baat Monty ke samne bol
raha hai…

Monty: yaar tu kaisi baat kar raha hai…wo meri Behan hai…

Raj: Bhai dekh meri baat dhyan se sun…wo mujhe like karti hai…aur Sandy ne usse baat ki thi wo bol rahi
thi k wo mere liye kus bhi kar sakti hai…

Is bar Monty ne koi react nahi kiya…jaise wo yeh pehle se janta ho…

Monty(ek thandi saans lekar):sach kahun toh yeh mujhe bhi shak huya tha Diksha par… usse baat bhi
karni chahi but kabhi kar nahi paya…lekin mujhe apni Behan par yakeen hai k wo itna bura kaam nahi kar
sakti…

Raj: han Bhai but mujhe shak huya tha…par ab mujhe lag raha hai k Diksha ne kus nahi kiya yeh sab
Nikhil ka hi plan hai…but bhai Diksha galat rah par chal rahi hai use samjhao…bhai wo janti hai k main
aur Priya ek dusre se boht pyar karte hain…iske bawjud wo mujhe pana chahti hai yeh use kisi galat rah
par le jayega…aur tu use yeh baat samjha sakta hai bhai…

Monty: Bhai mujhe acha laga k tujhe meri Behan ki fikar hai…thanks yaar…aur main use
samjhaunga…aur mujhe yakeen hai k wo meri baat samjhegi…

Raj: yaar dosti ki hai toh nibhani toh padegi hi…

In dono ki batein Sandy chup chap baitha sun raha tha…par uska dhyan jyada wo chain wali baat mein
tha…aur jab usse aur control na huya toh usne puch hi liya…

Sandy: bhai par yeh chain ka kya locha hai…

Sandy ki baat par Raj aur Monty dono ki hansi nikal gayi…

Raj: sala yahan hum dono kya baat kar rahe hain aur yeh wahin atka pada hai…

Sandy: yaar ab kya karun kab se pet mein yeh baat nach rahi hai…hajam hi nahi ho rahi…

Raj: thik hai yaar batata hun…

Sandy: toh jaldi bata na…

Raj: bhai yeh mujhe tab mila jab kal hum par goli chali thi…

Monty(hairani se): bhai kya bol raha hai…kab chali goli…

Fir Raj ne Monty ko puri baat batayi…aur Monty ko hairani ke sath sath boht gussa bhi aya…

Monty(gusse mein Raj se bola): bhai tu mujhe apna dost hi nahi manta…tabhi toh yeh baat mujhe pehle
nahi batayi…

Raj: nahi bhai aisi baat nahi hai…humein laga k agar ismein Diksha shamil huyi…aur tujhe kahin laga k
hum vaise hi us par ilzaam laga rahe hain…

Monty: bhai dekh yaar main tujhe apna dost hi nahi balki ek nek insan manta hun…maine aur Priya ne
tumhare sath itna bura kiya…par tune mujhe aur use na sirf dil se maaf kiya balki hamare sath dosti bhi
ki…hum par bharosa bhi kiya…toh main tujh par bharosa kaise na karta…bhai agar Diksha ne yeh ganda
kaam kiya hota yah kiya hoga toh main khud use pakad kar police ke hawale kar dunga…

Raj ko Monty ki baat sun kar boht khusi mili…use apne dono doston par boht Garv ho raha tha…uski
ankhon mein halke ansoo bhi a gaye the…

Raj(apni ankhein pochte huye): kamino mujhe emotional kar diya…

Sandy: bhai main kab kus kaha…yeh sab toh Monty hi bol raha hai na…

Raj: Yaar ho toh dono hi mere yaar aur jab Monty ne yeh baat boli toh jab jab tumne mera sath diya
mujhe sab yaad a gaya…aur sala emotional ho gaya…

Monty: bhai tu ab koi fikar mat Karna hum us insan ko pakad kar rahenge chahe koi bhi ho…

Sandy: sahi kaha yaar…hun teeno yaar mil kar uski band Baja denge…

Raj: thik hai but sham ko Jo kaam bola hai wo mat bhul Jana…

Monty: bhai fikar na kar main us chain wale ke bare mein sab pata kar lunga…
Update 83
Sham ko Raj aur Sandy ghar par hi the…Monty kahin gaya huya tha…aur wo dono baar baar time dekh
rahe the…sayad kisi ka wait kar rahe hon…

Raj: yaar abhi tak Monty aya nahi…

Sandy: bhai a jayega…thoda sabar kar…

Raj: usko gaye huye 2 ghante ho gaye…7:00 Baj gaye hain…

Sandy: yaar kahin time lag gaya hoga…vaise bhi time toh lagega hi wo us admi ka pata karne gaya hai…

Raj: han yaar bas wo kisi problem mein na ho…

Sandy: yaar kus nahi hoga use…wo home minister ka beta hai…

Abhi Raj age kus aur bolta usse pehle hi Monty wahan a gaya…
Raj(Monty ko dekhte huye): bhai yaar thik hai na tu…

Monty( Raj ke pass sofe par baith kar): han bhai bilkul thik hun…

Sandy: yaar kya pata chala uske bare mein…

Monty: yaar thoda sans toh lene de…sab batata hun…

Raj(Sandy se majak mein): yaar tujhe na pata nahi ladkion wali adat kab pad gayi…

Sandy: kion Maine kya kiya…

Raj: yaar jab dekho har kaam mein aag lagi rehti hai…tujhse thoda boht sabar bhi nahi hota…

Sandy: yaar aisi baat nahi hai main toh aise hi puch raha tha…

Yeh bol kar Sandy ne ajeeb sa chehra bana liya... sayad wo Raj ko gussa dikhana chahta tha…par Sandy ki
shakal dekh kar Raj aur Monty ki hansi chhut gayi…aur un dono ko haste dekh Sandy ne aur bhi kharab
shakal bana li…

Sandy(halke gusse se): has lo kamino main ab kus bhi nahi puchunga par jab mujhse koi kaam hoga toh
fir mere paas mat ana…

Raj(apni hansi control karke): sorry yaar gussa mat kar majak kar raha hun…

Sandy: chal thik hai main bhi majak kar raha hun…

Fir wo teeno hasne lage…

Monty: chalo yaar bas karo…ab main tum logon ko us chain wale ke bare mein sab batata hun…

Raj: han thik hai bata k kya kya pata chala uske bare mein…

Monty: uska naam toh tum logon ko pata hi hai…Rahil shah…wo ek Muslim family se hai…gareeb
pariwar se hai…uske papa majduri karte hain…wo khud na toh koi kaam karta hai na hi padhayi karta
hai…

Raj aur Sandy Monty ki baton ko dhyan se sun rahe the…

Raj: yaar wo karta kya hai fir…

Monty: Karna kya hai awaragardi…mujhe uske bare mein yeh bhi pata chala hai k wo thoda gunda type
hai…

Raj(thode gusse se): tabhi toh sala aise ghatiya kaam kar raha hai…

Sandy: bhai sahi kaha…par ab uske bare mein boht kus pata chal gaya hai ab age kya karna hoga…
Raj: karte hain kus…Monty tu pehle yeh bata k jyadatar wo kahan rehta hai…

Monty: bhai vaise toh uska koi khas thikana hai nahi…par sham ko ek desi sa theka hai…wahan jata hai
Daru pine roj…

Raj(kus soch kar): toh aj hum bhi chalte hain…dekhte hain k akhir yeh mahashaya hain kon…

Sandy(hairani se): bhai tu theke pe jayega…

Raj: sale Jane se kya hota hai main konsa wahan baith kar pine wala hun…

Sandy: bhai matlab hum sirf wahan us par najar rakhne jayenge…

Monty: kamine aur kya soch raha tha k hum wahan party karne jayenge…

Sandy : nahi yaar main toh vaise hi puch raha tha…

Raj(Monty se): abhi kya wo wahan hoga…

Monty(time dekh kar): nahi bhai mujhe toh jitna pata chala hai wo 7:15 tak nikal jata hai wahan se…aj
toh wo wahan nahi hoga…

Raj: chal thik hai aj nahi toh kal ko sahi…

Fir un logon ne raat ko dinner kiya…aur teeno wahin Raj ke ghar par hi so gaye…par Raj ek chij bhul gaya
tha...Priya se phone par baat karna….

Khair agle din Raj subah jaldi utha…exercise aur fresh ho kar Sandy aur Monty ko bhi utha diya…fir wo
log bhi fresh huye…aur sab dinning table par a Gaye breakfast ke liye…

Monty: yaar aj kion na college chalein…

Sandy: kion..

Monty: sale kion ka kya matlab…itne din ho gaye absent the…upar se pura din ghar par hi bore honge…

Raj: bhai tum dono chale jao mujhe kus kaam hai…

Monty: bhai kya kaam hai…hum bhi fir rehne dete hain Jane ko…

Raj: are nahi yaar itna koi jaruri kaam nahi hai…aur main akela kar lunga…tum log chale jao…

Sandy: yaar dekh agar tu kisi se koi panga lene wala hai toh pehle bata de…

Raj(halka se muskura kar): oye nahi koi panga nahi lene wala…

Sandy: sach bol raha hai na…

Raj: han bhai…tum dono college chale Jana…

Sandy: chal thik hai par agar help ki jarurat ho toh bata dena hum usi waqt wahan pahunch jayenge…

Raj: OK bhai…

Fir Monty aur Sandy college ke kiye tyar huye aur dono chale gaye…Raj ghar par hi raha…

In dono ke Jane ke thodi der baad Raj ne kisi ko call kiya…samne se kisi ladke ne call pick kiya…

Raj: hlo kaise ho…

Samne se: thik hun sir ap bataiye..

Raj: Yaar thik hun..

Samne se: kya kaam tha sir...

Raj: Yaar plan mein kys changes hain…

Samne se: kya ho gaya sab thik toh hai na…

Raj: yaar lag raha hai humari pehle wali soch kus galat thi…

Samne se: kion aisa kya huya…jo apki soch badal gayi…

Raj: main aisa karta hun…yahin a kar baat karta hun…ache se samjha bhi paunga…

Samne se: Ji sir…ap sahi keh rahe hain…phone par jyada ache se baat nahi ho pati hai…

Raj: han main abhi ghar se nikal raha hun…20-25 mint mein tumhare paas a jaunga…

Samne se: OK main wait karunga…

Fir Raj ne bye bol ke call cut kar diya…fir Raj ghar se bahar gaya aur apni car nikal kar kisi taraf chal
pada…Ab kahan ja raha hai kiske paas ja raha hai…kus nahi pata…
Update 84
Raj kareeb 20 mint drive karne ke baad ek ghar ke age jakar ruka…fir Raj car se nikla aur as paas check
kiya k koi dekh toh nahi raha…fir wo ghar ke ander bina knock kiye chala gaya…

Ghar ke ander kafi andhera tha…Raj ne ander pahunch kar apni torch jagayi…fir usne as paas
dekha…wahan use ek bada sa mirror najar aya…Raj us mirror ke paas gaya…

Fir Raj ne us mirror ko slide kar ke side mein kar diya…uske peeche ek door tha…Raj ne us door ko khola
aur ander Jane ke baad door wapis band kiya…aur side mein lagi ek switch daba di…jisse bahar ka mirror
dobara apni jagah par a gaya…

Fir Raj ne torch dusri taraf ghumayi aur us taraf sidiyan thin…jo niche ki taraf ja rahi thi…Raj torch ki help
se chalta huya sidiyon se niche utarne laga….thoda aur niche ane ke baad Raj ko ek door saaf dikhayi
dene laga…

Raj Jaise hi us door ke paas pahuncha toh usne apni torch band ki aur door knock kiya…kisi ne a kar door
khola…Samne ek 25-26 saal ka ladka khada tha…Raj use dekh kar khus ho gaya par wo ladka apni ghadi
dekhne laga…

Raj: are Amar kaisa hai tu…

Amar(ghadi dekhte huye): sir ap ne kaha tha k 20-25 mint lagenge…ap ko toh 30 mint lag gaye…

Raj: yaar main yahan toh time par hi a gaya tha par tere is underground jagah par ate ate time lag gaya…

Amar: chaliye koi baat nahi…aiye ander…

Fir Raj ander chala gaya…us room mein boht sare photographs maps…aur bhi boht kus tha…jise dekh kar
lagta tha k yeh kisi detective ka room hai…

Khair Amar ne door band kiya aur ek chair par jakar baith gaya…Us chair ke samne ek bada sa table laga
huya tha jiske dusri taraf bhi 3 chairs padi thi…Usne Raj ko wahan baithne ko kaha…

Raj(baithte huye): yaar tu apne office mein koi change kion nahi karta…1 saal pehle bhi aisa hi tha…

Amar: sir mujhe aise hi acha lagta hai…

Raj: aur yaar yeh kya sir sir laga rakha hai…tu mera dost hai…

Amar: sir dosti apni jagah…aur jab tum yahan pichle saal mere dost ke taur par aye the toh Maine tumhe
sir kaha tha kya…

Raj: toh aj aisa kya hai…

Amar: aj ap mere paas kaam ke liye aye ho…aur main apne client ki respect karta hun…

Raj(halka sa muskura kar): toh fir Jo tera man kare kar…

Amar: OK ab bataiye k kya huya hai…

Raj: yaar Maine jab Sandy ko Diksha ke paas us din bheja toh Jo batein mujhe Sandy ne batayi aur Priya
par huye hamle ki timing ke hisab se mujhe lagta hai k Diksha in sab ke peeche nahi hai…

Amar(thoda sochne ke baad): ho toh sakta hai…par ab apko kis par shak hai…

Raj: mujhe Nikhil par shak hai…inspector ne bhi bola tha k abhi tak uski dead body nahi Mili hai toh ho
sakta hai wo apni maut ka natak karke kahin bhag gaya ho…

Amar: ho toh sakta hai…par mujhe us admi ka pata lagana padega jisne Priya par goli chalayi…
Raj: tum uski fikar mat karo uska pata hum logon ne laga liya hai…

Amar(khus hote huye): are wah yeh toh boht achi baat hai…ab mujhe uske bare mein bata dijiye main
uske jariye asli mujrim tak pahunchne ki kosish karunga…

Raj ne Amar ko Monty ki layi huyi sari information naam address sab kus bata diya…

Amar: acha toh wo sham ko theke par milega…

Raj: han hum bhi wahan Jane wale hain…

Amar: wo apko pehchanta hoga toh ap mat Jana…main hi chala jaunga aur us par najar rakhunga…

Raj: han baat toh tumhari sahi hai…hum nahi jayenge…

Amar: han yeh sahi rahega…ab us ki help se main asli mujrim ka pata jaldi hi laga lunga…

Raj: toh fir thik hai ab main chalta hun…

Amar: are ab no client only friend…toh ab thodi der as a friend bhi baith yahan…

Raj: are wah yaar tu toh ek dum se character se bahar a gaya…

Amar: bhai kya karun kaam hi aisa hai…

Raj: achi baat hai…

Amar: Bhai tu bata Teri life kaisi chal rahi hai…

Raj: achi ja rahi hai…par yeh mystery solve ho jaye toh aur bhi achi ho jayegi…

Amar: are iski fikar na kar tu toh mera dost hai…tu hi ek aisa insan hai jisko main yahan Lekar aya hun…

Raj: yahi toh dosti hai bhai…

Fir aise hi wo log thodi der batein karte rahe…uske baad Raj wahan se ghar ke liye nikal gaya…abhi ghar
par koi nahi tha…

Par kya ap logon ko pata hai k kal jab Raj Monty aur Sandy gaon se aye the tab wahan ek bada bawal ho
gaya tha…jab yahan kus nahi ho raha tab tak hum gaon ki baat kar lete hain…

Kal subah Raj ke Jane ke baad…Priya Raj ke kamre mein so rahi thi…Aur Geeta Priya ke kamre ki taraf ja
rahi thi...

Geeta(badbadate huye): 8 Baj Gaye hain aur yeh ladki abhi tak so rahi hai...Raj ko dekho subah subah
Mumbai ke liye nikal bhi gaya…

Yeh bolte huye Geeta Priya ke room mein gayi par Priya wahan nahi thi…aur na hi washroom mein
thi…Geeta ko laga k uth kar bahar chali gayi hogi…

Yeh soch kar Geeta bahar Nikli…tabhi wahan Shanta Jo puri haweli ke kamron ki safayi karti hai wo
wahan se ja rahi thi…

Geeta: are jara suno toh…

Shanta(ruk kar): Ji Malkin…

Geeta: tumne Priya ko kahin dekha hai subah se najar nahi a rahi…

Shanta ne Jaise hi Geeta ki baat suni toh wo toh aise sharmane lagi Jaise Geeta ne yeh puch liya ho
k…chalo chhodo yeh baat mude par ate hain…

Shanta(sharmate huye): wo Malkin choti Malkin toh wahan….

Geeta: kya wo wo kar rahi ho batao mujhe use nashta karwana hai…

Shanta(sir niche karke): wo choti Malkin wahan Raj babu ke kamre mein unke palang par so rahi
hai…mujhe laga Raat ko ache se so nahi payi hongi toh Maine unhe uthaya nahi…

Ab is pagal Shanta Devi ko kon samjhaye k jitna pucha ho utna hi jawaab dena chahiye…par usne toh
apne man ki Sochi baton ko bhi yahan ghusa diya…par yeh baat sun kar Geeta ko kus samjh mein na aya
k wo kya kare…kya bole…usne Shanta se ek baar aur clear karne ke liye pucha…

Geeta(halki hairani aur gusse mein): yeh kya bol rahi ho tum…Priya Raj ke bed par kion soyegi...aur yeh
Raat ko ache se na sone se tumhara kya matlab hai…

Shanta(Geeta ko gusse mein dekh kar thoda darte huye): Malkin mujhe kus nahi pata…maine Jo dekha
aur dekh kar mujhe Jo laga Maine bata diya…

Yeh bol kar Shanta wahan aur na ruki aur darte huye tez kadmon se wahan se bhag gayi…aur Geeta ko
gusse aur hairani mein wahin khade chhod gayi…

Geeta(man mein); yeh Shanta kya bol rahi hai…Priya aisa ganda kaam kar hi nahi sakti…ho sakta hai use
galtfehmi huyi ho…main khud jakar Raj ke kamre mein check karti hun…

Yeh soch kar Geeta Raj ke kamre ki taraf chal padi...usne Jaise hi Raj ke kamre ka door khola toh sath
sath uski ankhein bhi khul gayi…kionk samne Priya Raj ke bed par blanket ode aram se so rahi thi…

Priya ko Raj ke bed par sote dekh Geeta ko hairani ke sath sath gussa bhi ane laga…wo gusse mein Priya
ki taraf badhi aur usne Priya ke upar se pure jor se blanket khinch kar fenk di…

Aisa karne se Priya ki ankh khul gayi aur wo Ankhein maslte huye uth kar baith gayi…halki ankhein
khulne ke baad use yeh toh pata chal gaya k samne Uski mom khadi hai par wo gusse mein hai yeh use
pata nahi chala…

Priya(halki khuli ankhon se dekhte huye): Good morning mom…

Priya ki morning wish ka reply Geeta ne apne munh se nahi Hath se diya…usne ek jordar thapad Priya ke
komal galon par jad diya…
Update 85
Priya sun si pad gayi…kionk aj tak uski maa ne us par kabhi hath nahi uthaya tha…Usne Rona shuru kar
diya…Geeta abhi bhi gusse se uski taraf dekh rahi thi…

Priya(rote huye): mom apne kion Mara mujhe…

Geeta ko Priya ki baat se aur jyada gussa a gaya…

Geeta: besharam ladki…tujhe pata nahi k tune kya ghatiya kaam kiya hai…

Priya Geeta ki baat se boht hairan huyi k uski mom kaisi baat kar rahi hai…kionk uske man mein koi galat
baat nahi thi isliye use Geeta ki baton ki koi samajh nahi a rahi thi…

Priya: mom kya kar diya Maine…ap aise kion bol rahi hain…

Geeta: tujhe nahi pata kya k abhi tu kahan hai…aur Raat bhar kahan so rahi thi…

Yeh bol kar Geeta ki ankhon mein bhi ansoo a Gaye…aur Priya ko bhi baat samjh mein a gayi k uski mom
aise kion bol rahi hai…par use ab bhi yakeen nahi ho raha tha k uski mom uske aur Raj ke bare mein aisa
soch sakti hai…

Priya: mom ap yeh kehna chahti hain k main aur Raj…

Priya iske age kus na bol payi…aur Geeta bhi ab naraz se jyada dukhi thi...

Geeta: kion kiya tum dono ne aisa kion hum sab ko dhokha diya…aur Raj ko bhi jarur tumne hi bhatkaya
hoga…

Priya: mom humne kus nahi kiya…ap meri baat toh suniye…

Geeta: ab kya bacha hai sunne ko…main abhi Sunidhi ko jakar batati hun k hamare bacho ne kya kala
karam kiya hai…

Abhi Geeta itna hi boli thi k tabhi piche se kisi ki awaj ayi…

“kus batane ki jarurat nahi hai mujhe “

Yeh sun kar un dono ka dhyan door ki taraf gaya wahan Sunidhi aur Isha khadi thin…Geeta kus bolti usse
pehle hi Priya bhag kar Sunidhi ke paas gayi aur uske gale lag kar rone lagi…

Sunidhi(Priya ke sir ko sehlate huye): chup kar ja beta…main baat karti hun Geeta se…

Sunidhi ke aise behavior se Geeta boht hairan thi kionk use laga tha k Sunidhi bhi Priya ko dantegi…

Geeta: Sunidhi tum yeh kya bol rahi ho…tumhe pata hai Raj aur Priya ne kya kiya…mujhe toh bolte huye
bhi sharam a rahi hai…

Sunidhi ne Priya ko Isha ke paas chhoda aur Isha ne Priya ko gale laga kar use hausla dena shuru
kiya…Sunidhi Geeta ke paas gayi…

Sunidhi: Geeta in dono ne kus galat nahi kiya…yeh dono ek dusre se pyar karte hain…

Sunidhi ki baat sun kar Geeta ka munh khula ka khula reh gaya…use aj jhatke par jhatke mil rahe the…

Geeta(hairani se): kya bol rahi ho tum Sunidhi…aur yeh sab tumhe kaise pata…

Fir Sunidhi ne shuru se lekar puri baat Geeta ko batayi…aur Jaise Jaise Geeta ko sachayi pata chalti gayi
wo shant hoti gayi…par abhi bhi use thoda boht gussa tha…

Geeta: mana yeh dono pyar karte hain…par is tarah shadi se pehle ek hi bed par yeh bhi toh sahi nahi hai
na…

Sunidhi: Geeta yeh baat tu bhi ache se janti hai k hamare bache aisi ghatiya harkat nahi kar sakte…tu ek
baar Priya se puch toh le k wo yahan kaise…

Isha kafi der se chup khadi un dono ki batein sun rahi thi…

Isha: han Priya beta ro mat…aur sab sach sach bata k huya kya hai…

Fir Priya ne rote huye Jo bhi pichli raat ko huya…uska Raj ko sulana aur yahin neend a Jana…sab kus
bataya….aur in sab ke baad Geeta ki ankhon mein paschatap saaf dekha ja sakta tha…use khud ke kiye
par boht dukh tha…

Geeta(Priya ke samne hath jod kar): beta mujhe maaf karde…main us Shanta ki batein sunne ke baad
itne gusse mein thi k kus samjh hi nahi payi…

Priya ko khusi thi k uski mom ne use sahi samjh liya…par Geeta ka is tarah hath jodna use bilkul bhi acha
nahi laga…isliye usne Geeta ko apne gale se lagaya…

Priya: mom koi baat nahi…ap meri maa ho apko meri fikar hoti hai…aur sorry toh mujhe kehna
chahiye…agar main apne aur Raj ke bare mein apko pehle hi sab bata deti toh yeh sab na hota…

Geeta: chal ab chhod yeh sab…aur mere bache ko jor se pad gayi kya…

Yeh bol kar Geeta ne Priya ko alag karke uski gaal par hath se sehlaya…aur uski is harkat se sab has
pade…k abhi kus der pehle itni jor se laga diya…ab use sehla rahi hai…

Sunidhi: are wah ab puch rahi hai…pehle toh gusse mein meri bachi ko Marne wali thi…wo toh acha
huya k hum dono yahan se ja rahi thin..aur tumhari awaj sun kar hum a gaye…

Geeta: gusse mein yeh sab ho gaya…aur galti toh tumhari bhi hai na…tum sab janti thi toh mujhe kion
nahi btaya kabhi…
Sunidhi: yaar kaise bata deti…mujhe laga yeh dono khud baat kar lenge…

Geeta: chal chhod ab hum dono apni galti sudharenge aur jaldi hi in dono ke papa se baat kar ke inke
rishte ki baat pakki karenge…

Isha (Priya ko kohni maar kar): han yeh sahi hai…shadi ke baad kam se kam ek hi kamre mein rehne ka
license mil jayega…

Isha ki baat par yahan Priya sharma padi toh wahin Sunidhi aur Geeta Hans padi…par agle hi pal Priya ne
kus kaha…

Priya: sorry mom but jab tak Raj nahi ata ap hamare rishte ki baat nahi karengi…usne kaha hai k wo khud
baat karega…

Sunidhi: are wah kya baat hai shadi se pehle hi ek dusre ki baton ka khyal rakha ja raha hai…

Geeta: han sahi kaha…aur koi baat nahi beta…jab tum dono chaho…aur vaise bhi tumhare dad aur uncle
toh yeh jaan kar khus ho jayenge...

Sunidhi: sahi kaha yeh log jab bache the tabhi se in dono ke dad yahi chahte the k yeh dono unki dosti ko
ek alag mukam tak leke jayein…toh shadi ki baat toh sirf formality hai…

Aise hi wo log batein karte rahe…toh ab hum wapis laut te hain aaj mein…Raj ke Mumbai wale ghar
mein…

Karib 1:40pm par Monty aur Sandy dono Raj ke ghar a Gaye the…un logon ne apne apne room mein
thoda aram kiya aur fir fresh hokar dono Raj ke room mein chale gaye…

Raj apne room mein bed par baitha tha…aur wo dono uske paas jakar baith gaye…

Monty: bhai tumhara wo kaam ho gaya…

Raj: han tu bata college mein tum dono ka din kaisa raha aj…

Sandy: ek dum mast…

Raj: achi baat hai…mujhe tum dono ko kus batana hai…

Sandy: bol bhai…

Raj: bhai Maine ek detective hire kiya hai…wo mera ek purana dost bhi hai…

Monty: yaar uski kya jarurat thi…

Raj: Bhai soch agar hum us Shah(chain wale gunde ka naam) ka picha karenge toh wo humein pehchan
lega…par use wo nahi janta hoga…

Monty: han yaar baat toh yeh bhi sahi hai…par ab humein kya karna hai…
Raj: kus nahi bas intzar Karna hai…jaise hi Amar humein us asli mujrim ke bare mein batayega bas
humein final plan bana kar use dabochna hai…

Sandy: Bhai main toh tyar hun ek baar pata lagne do fir dekh main kya karta hun…

Monty: chup kar sale nautanki…

Sandy: bhai main nautanki nahi kar raha…jisne mere bhai ke sath bura karne ki kosish ki use toh main
dho dho kar pitunga…

Raj: thik hai bhai ek baar Milne de fir Jo tera man kare wo kar Lena…

Monty: mujhe toh lagta hai wo din jyada dur nahi hai…
Update 86
Us din kus khas nahi huya agle din Monty aur Sandy college nahi gaye…Kionk un Sab ko puri umeed thi k
Amar us asli mujrim ki sachayi jaldi samne le ayega…

Abhi toh wo teeno breakfast kar rahe the…

Monty: yaar Raj tune amar se pucha kya k kus pata chala yah nahi…

Raj: nahi yaar bas breakfast ke baad call karunga…

Sandy: Bhai jaldi puchna…

Raj: yaar mujhe bhi utni hi jaldi hai jitni k tujhe…

Monty: Bhai Sandy ko toh kus jyada hi teji rehti hai…

Fir un teeno ne aise hi masti majak karte huye breakfast Khatam kiya…uske baad Raj ne amar ko phone
kiya…

Raj: hlo Bhai kaisa hai…

Amar: thik hun tu bata…

Raj: main bhi thik hun…tujhe kus pata chala kya bhai…

Amar: han Maine us shah ki puri janam kundali nikal li hai…

Raj(excited ho kar): Fir bata bhai k wo kiske liye kaam karta hai…

Amar: bhai wo kisi ke liye kaam nahi karta wo ek contract killer hai…Priya par goli chalane ke liye bhi
usne paise liye hain…

Raj: bhai paise bhi toh kisi na kisi ne diye honge na use…
Amar(halka sa Hans kar): bhai mujhe nahi pata tu khud a kar puch le usse…

Raj: kya matlab bhai…

Amar: bhai sale se pucha toh bata nahi raha tha toh uthwa liya sale ko…

Amar ki baat sun kar Raj boht hairan huya…kionk use nahi pata tha k Amar kisi ko kidnap bhi kar sakta
hai…

Raj: bhai kya bol raha hai…

Amar: Han Yaar aur koi rasta nahi tha…vaise bhi kisi ko kus pata nahi chalne wala...

Raj: par tune use rakha kahan hai…

Amar: wahin yahan tu mujhe Milne aya tha…

Raj: acha thik hai main ata hun…aur sath mein mere do dost bhi ayenge…

Amar: Bhai thik hai but wo kisi ko kus bata na dein…

Raj: nahi yaar mujhe khud se jyada bharosa hai un par…

Amar: toh fir thik hai ajao…

Fir Raj ne bye bol kar phone kaat diya…aur usne Monty aur Sandy ko puri baat batayi…

Monty: yaar yeh Amar toh bada tagda banda nikla…

Sandy: han yaar agar usne kus nahi btaya toh uthwa hi liya…

Raj: han yeh toh hai…par abhi batein chhodo aur chalo us shah ki khabar lete hain…

Sandy: han bhai…

Fir wo teeno Amar ke ghar pahunche…Raj unko Amar ke us khufiya kamre mein leke gaya…aur un dono
ki Amar se into karwayi…

Shah ko Amar ne chair par bandh kar baitha rakha tha…Raj ki najar Jaise hi us par padi toh Raj ka gussa
satvein asmaan tak pahunch gaya…akhir is insan ne hi Priya par goli chalayi thi…

Raj gusse se uski taraf badha…aur bina kus bole teen char thapad back to back uski dono galon par
raseed kar diye…

Raj ko pehli baar itne gusse mein dekh wo teeno chaunk Gaye…Shah toh bas kursi par bandha maar kha
raha tha...wo bas ah ah kar raha tha…

Tabhi Monty aur Sandy ne Raj ko pakad kar usse dur kiya…
Raj(Gusse mein apne ap ko chhudwane ki kosish karta huya): sale kamine tune meri Priya par goli
chalayi…tujhe maar dunga main…Sandy mujhe chhod do tum dono….main is kamine ka yahin murder
kar dunga…kitne dino se iski talash thi mujhe…

Monty(Raj ko kabu mein karte huye): bhai shant ho ja ise maar mat dena…iske jariye hi hum us asli
mujrim tak pahunch payenge…akhir in Sab ke piche hai toh wahi na…

Amar(Shah ke Baal khinch kar): sale ab jaldi jaldi bata k tujhe kisne is kaam ke liye bheja tha…nahi toh
abhi tujhe maar kar yahin gaad denge kisi ko kus pata nahi chalega…

Shah(Kamino wali hansi haste huye): yeh faltu dhamkiyan kisi aur ko dena…main sab janta hun…tum log
mera kus nahi bigad sakte…

Raj(gusse mein): Monty chhod mujhe dekhta hun yeh kaise nahi bolta…

Raj ki baat sun kar shah ne Monty ko use chhodne ka ishara kiya…toh Monty aur sandy ne use chhod
diya…

Raj ajad hote hi gusse mein Shah ke paas pahuncha…aur ek jhanatedar thapad Shah ki gaal par rakh
diya…

Raj(gusse mein Shah ka collar pakad kar use jhanjhodte huye): bol sale kutte yeh sab kon karwa raha
hai…apne baap ka naam bol haramjade…

Par Shah thehra ek professional criminal…wo jaldi darne walon mein se nahi tha…

Shah(haste huye): are wah kaise tadap raha hai tu…par jitna man kare tadap par main tujhe kus nahi
batane wala…

Raj: main Teri jaan le lunga kamine…

Shah: agar hai dum toh maar de…par tujhe kus pata nahi chalega…

Is baar Raj ko boht jyada gussa aya usne paas mein pada ek lakdi ka block uthaya aur Shah ke left hath
par puri jor se mara…

Ek pal ke liye toh shah ke munh se ek jabardast cheekh nikal gayi…par agle hi pal wo fir se hasne laga…

Shah: maar lo jitna marna hai…par main kus nahi bataunga…ab tum logon mein itna dum toh hai nahi k
mujhe jaan se maar sako…

Raj ke liye ab yeh sab bardast ke bahar ho raha tha…kionk wo us shaks ke itna kareeb tha jisne uski didu
aur uski pyari Priya ko nuksaan pahunchane ki kosish ki….par yeh shah tha k uska naam hi nahi bata raha
tha…

Raj: kamine bata de nahi toh jaan le lunga tumhari…

Itne mein Amar beech mein bol pada…

Amar: dekh yaar tu use bacha kar kya karega…use toh aj nahi toh kal hum dhundh lenge par tu kion apni
band bajwa raha hai…

Shah: mujhe pata hai tum log mere bina us tak nahi pahunch sakte…isliye main tumhari bakwas baton
mein nahi ane wala…

Raj ke sath sath ab Monty aur Sandy ke bhi gusse ki limit Khatam ho rahi thi…par Amar janta tha k usse
sab kaise bulwana hai…

Amar(shah ke Baal khinch kar): dekh akhri baar puch raha hun…bata de warna acha nahi hoga…

Shah: nahi bataunga…

Amar(kus soch kar): chal first and final offer…agar tu humein sab bata dega toh tujhe 15 lakh rupaye
milenge…

Shah(kamini hansi haste huye): main bikne wala nahi…maine jisse ek baar paise le liye…uske khilaf koi
sauda nahi…

Shah ka answer sun kar amar ek drawer ke paas gaya wahan se usne ek gun nikali use load kiya…aur Raj
ke paas chala gaya…

Amar: bhai yeh banda boht imandaar hai…yeh nahi manega…faltu mein mehnat nahi karte…

Raj bhi samjh gaya tha k ab kya karna hai…

Raj: Bhai toh ab kya karein…

Amar(Raj ko wo gun dete huye): ab yeh hamare kisi kaam ka nahi hai…agar chhoda toh faltu mein bahar
ja kar gadbad karega…uda daal sale ko…

Fir Raj ne Amar ke hath se wo gun li…aur Shah ki chair ke samne ek aur chair rakh kar us par baith gaya…

Raj: chal yaar ek last baar puchta hun…bata de…

Shah(haste huye): mujhe pata hai tu mujhe faltu ka drana chahta hai…hona karna toh kus hai nahi
tujhse…

Abhi Shah ne itna hi bola tha k Raj ne ek goli uski Left leg mein utar di…Shah ke munh se dard bhari
cheekhein nikalne lagi…pura room uski cheekhon se gunj utha…Sandy Monty Aur Amar ek kone mein
chup chap khade the…

Shah(dard se karahte huye): kamine yeh kya kar diya tune…

Raj(muskura kar): kus nahi tere ant ki shuruwat…ek ek karke puri golian teri body mein utar dunga…kus
puchunga nahi…last goli tere bheje mein lagegi usse pehle agar tera man badal jaye toh bata dena…

Yeh bol kar Raj ne gun Shah ki dusri tang ki tarah karli…Shah ki toh pehli goli se hi fat chuki thi upar se
Raj ki batein sun kar sari henkhdi piche se nikal gayi…

Is baar Jaise hi Raj ne trigger par ungli rakhi…shah ek dum se bol pada...

Shah: bhai chhod do mujhe…sab batata hun…

Shah ki baat sun kar wo Charon khus ho gaye…aur Raj ne gun side mein rakhi…aur chehre par vijayi
muskan ke sath bola…

Raj: toh bata fir…main jyada wait nahi karne wala…

Shah(sehmi si awaj mein): Nikhil naam hai uska bhai…usi ne mujhe apki girlfriend par goli chalane ke
paise diye the…

Shah ne Jaise hi Nikhil ka naam liya toh Monty ko boht khusi huyi kionk wo nahi chahta tha k uski Behan
in sab ke piche ho…par abhi un sab ka dhyan sirf Nikhil ki taraf tha…Monty bhi ab yahi chahta tha k bas
yeh Nikhil mil jaye ab…
Update 87
Raj: toh sale pehle hi bol dena tha na khamkha goli Marni padi…Amar yaar pehle iski taang ka ilaj kar fir
age puchte hain isse…

Fir amar ne uski tang se goli nikali aur patti band di…ab Shah ki bhi saans mein thodi saans ayi…par abhi
toh swaalon ka daur shuru huya tha…

Raj: acha toh ab yeh bata k Nikhil toh mar gaya tha na toh usne tumhe paise kaise diye…

Shah: bhai itna toh mujhe nahi pata par usne yeh jarur bola tha k uske bare mein kisi ko na bataun…wo
chup raha tha…

Raj: toh wo hai kahan…

Shah: bhai wo Mumbai mein hi hai…

Raj: Mumbai mein kahan…

Shah: bhai wo ek purane si building mein chipa huya hai…

Raj: tu humein wahan leja sakta hai…

Shah: Han bhai par uske baad ap log mujhe chhod doge na…

Raj: han thik hai chhod denge…par agar tune kus galat information di toh kasam se maar kar gandi nali
mein fenk dunga…

Ek goli lagne ke baad shah ka yeh beham k Raj use kus nahi karega wo dur ho chuka tha…isliye ab wo Raj
ki har dhamki ko seriously le raha tha…

Shah: han bhai main apko sahi jagah par le jaunga...kus jhuth nahi bolunga…but mujhe kus mat karna…

Raj: ok ….

Iske baad Raj Monty Sandy aur Amar ke sath wahan Amar ke table par lagi chairs par baith gaya…

Monty: toh bhai ab age ka kya plan hai…

Raj: bhai age ka kus khas nahi bas us Nikhil ko kutte ki tarah ghaseet kar bahar nikalna hai…

Amar: yaar humein koi plan banana chahiye…

Raj: chal thik hai mere paas ek plan hai…

Amar: kya?

Raj: hum log iske(shah) sath jayenge aur fir us building mein ghusenge aur us haramjade ko peet peet
kar bahar nikalenge…

Sandy(khus hote huye): han yeh plan acha hai…khamkha deemag bhi nahi lagana padega…jao aur
maro…

Amar: kya khak acha hai…tum kya samjh rahe ho wo wahan baitha taash khel raha hoga aur hum jakar
use dho denge…uske paas bhi gunde toh honge na…

Raj: dekh bhai tu apna detective wala deemag switch off kar aur dost wala deemag chala...aur bata k tu
mere sath chal raha hai yah nahi…aur tum dono bhi bata do…

Sandy: yaar main toh hamesha tumhare sath hun…

Monty: bhai main bhi chalunga…

Sandy aur Monty ne toh han kardi thi ab wo teeno Amar ki taraf dekh rahe the k wo kya bolega…

Amar(kus soch kar): chal thik hai yaar…tune mujhe dosti ke naam par blackmail kiya hai…

Fir RAJ ne apna hath age badhaya aur un teeno ne apna ek ek hath Raj ke hath par rakh diya…

Amar: acha yeh toh bata k agar unke paas hathiyar huye toh hum kya karenge…

Raj(kus soch kar): do mint ruk sab btata hun…

Fir Raj uth kar Shah ke paas gaya…

Raj: Nikhil jis building mein hai uske kitne floors hai…
Shah: bhai sirf ek hi hai ground…

Raj: us building mein kamre kitne hain…

Shah: koi kamra nahi hai aisa lagta hai Jaise koi purana godown ho…wahan boht sare containers pade
huye hain…

Raj: uske paas kitne admi hain…

Shah: bhai mujhe jyada toh nahi pata par Maine 20-25 toh dekhe the…

Raj uski batein sunne ke baad wapis Apni chair par a kar baith gaya…

Raj: toh dekho bhai hum 30-35 admi mante hain…aur hathiyar toh unke paas jarur honge…toh humein
bhi jarurat padegi…

Sandy(thodi fikar ke sath): par bhai hamare paas hathyar kahan hain…

Raj(kus soch kar): Amar tere paas hain kya…

Amar: bhai han hain…

Raj: toh thik hai…hum usi se kaam chala lenge…but humein kisi ko marna nahi hai…

Raj ki baat sun kar sab hairan ho gaye…

Monty(hairani se) bhai pagal ho gaya hai kya…agar un logon ne hum par hamla kar diya toh kya hum log
khade dekhte raheinge…

Sandy: han bhai agar kus karna hi nahi hai toh gun ka achar dalna hai kya…

Amar: Maine toh pehle hi kaha tha k koi acha sa plan banao…

Wo teeno Raj ko bolne ka mauka hi nahi de rahe the…isliye Raj frustrated ho chuka tha …

Raj(gusse mein chilate huye): kamino agar meri baat sunoge toh hi kus bataunga na…

Raj ke is tarah chilane se wo teeno dar gaye…aur ek dum se chup ho gaye…

Amar: bhai Sunny deol kion ban raha hai…heart attack a jayega…tu bol kya bolna hai…

Raj: dekho hum log kisi tarah Nikhil ke paas pahunchenge aur use gun dikha kar bahar le ayenge fir
police ke hawale kar denge par ander jate waqt humein kisi gunde ki najar mein nahi ana hai…

Amar: bhai baat toh Teri sahi hai par agar un logon ko pata chal gaya toh kya…

Raj: toh fir Jo karna hai wo karna…baad mein papa se keh denge k CM ko keh kar baat ko daba
denge…vaise bhi wo gunde hain…kon unke bare mein puchega…
Sandy: par bhai Monty ke dad home minister hain toh hum unhein keh kar Nikhil ko pakdwa kion nahi
dete…

Raj: inspector ne btaya k kus police wale Nikhil ko bacha rahe hain…agar use police se pata chala k us par
raid padne wali hai toh wo bhag jayega…isliye humein khud hi use pakadna hoga…ek baar jail mein gaya
toh fir bahar nahi ane wala…

Wo log batein kar hi rahe the k Amar ke detective wale deemag mein ek aur idea aya…

Amar: ek mint guys…mere paas ek faadu plan hai…

Raj: bol bhai kya plan hai…

Amar: dekh wo Nikhil kanoon ki najron mein mar chuka hai…

Raj: han…toh…

Tabhi Raj ke bhi deemag ki batti jali Amar kya kehna chahta hai…

Raj: toh matlab hum use maar hi dete hain…

Amar(khus hote huye): han sahi pakde ho…faaltu mein lafda kion Karna uda dalte hain sale ko…tum log
kya kehte ho…

Sandy: bhai main toh kab se isi pal ka intzar kar raha hun…

Monty: main toh tyar hun…tadpa tadpa kar marenge sale ko…

Raj: yaar Amar tera plan ek dum mast hai…mere toh dil ko thandak mil jayegi use apne hathon se saja
dekar…sale ne meri didu aur Priya par attacks karwaye...

Amar: toh thik hai dosto hum log wahan jayenge aur sabko thok dalenge…

Raj: OK but tum logon ko kus nahi hona chahiye…mere liye tum logon se bada koi badla nahi…toh pehle
apni safety ka dhyan rakhna baad mein kus aur…koi bhi faltu mein santy ho kar apne liye khatra paida na
kar Lena…

Sandy: Yaar tere liye toh jaan bhi hajir hai…

Monty: bhai yeh bol kar humein praya mat kar…agar wahan se lautenge toh ek sath nahi toh jitno ko
thok paye thok kar mar jayenge…jo jindagi apno ke kaam na aye uska kya fayada…

Amar: bhai main toh pehle hi anath hun mar bhi gaya toh koi farak nahi padta…aj se tum log hi meri
family ho…kam se kam apno ke liye kus karne se atma ko toh khusi milegi…

Sab ki batein sun kar Raj ki ankhon mein ansoo a gaye k use kitne ache aur dilwale dost mile hain…
Raj ki ankhein bhar ayi aur yeh dekh kar un teeno ne use gale laga liya…charon ko pata tha k wo log apni
jaan hatheli par rakh kar Nikhil ko tapkane ja rahe hain…par Jo apno ke liye kus bhi karne ko majbur
karde usi ko toh Dildariyan kehte hain…
Update 88
Raj(mahol ko halka karne ke liye): kamino aise lipate pade ho…mera dum ghut jayega…

Sandy(alag hote huye): sale pehle hi mat mar Jana…kam se kam 8-9 ko sath mein leke marna bhai…

Sandy ki baat sun kar sab has pade aur fir sab wapis apni apni chair par baith gaye…

Amar: toh ab hum log kab chalenge yeh decide karna baki hai…

Raj: aj Raat ko chalenge…

Amar: toh thik hai tyarian shuru kardo…

Raj: dekho mujhe thodi boht shooting ati hai…Amar ko toh boht achi ati hai…toh hum dono ander
jayenge aur tum dono bahar reh kar najar rakhna wo Nikhil bhagne na paye…

Monty: bhai Maine bhi kafi shooting ki hai…ghar par papa karwate the…

Raj(khus ho kar): toh fir thik hai akele Sandy ko hi shooting nahi ati…toh wo bahar najar rakhega…

Sandy: Bhai shooting toh mujhe nahi ati par Jo kahoge wo main karunga…

Raj: toh fir thik hai…Nikhil bahar nahi niklna chahiye ander sab hum sambhal lenge…

Amar: toh thik hai…plan final raha…ab apni apni guns lo aur practice karo…

Raj: han bhai chalo dikhao kaisi guns hain…

(Dosto ap sabhi se maafi chahunga kionk mujhe guns ke bare mein jyada pata nahi hai toh main nahi
bata sakta…ap log khud hi imagine kar lena…)

Fir Amar ne sab ko guns di aur unke ammo diye….sab ne thodi practice ki…Amar ki accuracy dekh kar wo
toh pura trained lag raha tha…Raj aur Monty ne bhi achi shooting ki…par Sandy ka bura haal tha par itna
jarur tha k wo banda toh mar hi sakta hai…

Fir sab Raat hone ka intzar karne lage…

Raat ke 9:00 baje Sab dost shah ko lekar gadi mein baithe…aur jaise jaise shah batata gaya…wo log
chalte Gaye…aur akhir ek sunsan jagah par jakar shah ne gadi rukwayi…

Monty (brake maar kar): yaar toh yahan chipa huya hai wo chuha…

Raj: sale ko maar maar kar nikalenge…

Shah: bhai kya ab main jaun…

Raj: Abe itni kya jaldi hai…tera kya bharosa humein galat address bata kar nikal jaye…

Amar: baat toh Teri sahi hai bhai…ab iska kya karein….

Raj: Karna kya hai wo ped najar a raha hai na usse bandh dete hain…

Shah: bhai tum logon ne kaha tha k mujhe chhod doge…

Raj: han bhai chhod denge par pehle hamara kaam toh hone do…baad mein humein konsa tumhara
achaar dalna hai…

Yeh bol kar in sab ne Shah ko car se nikala aur ek rassi se use ped ke sath bandh diya aur fir sab us
building ki taraf chal pade yahan Nikhil chipa huya tha…

Yeh building kafi purani aur khasta haal thi…aur yeh sehar ke bahar thi…iske as paas aur koi building nahi
thi…khair in sab ko is baat se kya farak padta tha…unhein toh sirf Nikhil chahiye…

Amar: Bhai gate par toh koi najar nahi a raha…

Raj: sab ander chupe honge sale…

Amar: han toh chalein…

Fir sab us building ki taraf chale gaye…

Raj: toh hum teeno ander chalenge aur Sandy yahin rahega…

Sandy: OK bhai par tum log apna dhyan rakhna…

Raj: fikar na kar sale humein kus nahi hoga…

Sandy: mujhe pata hai kamine tum log mera peecha nahi chhodne wale…

Fir sabhi ek baar halka sa muskuraye aur Sandy ko wahin chhod wo teeno ander chal pade…

Gate toh khula hi tha toh teeno halke halke kadmon se aas paas dekhte huye Ander ki taraf chal rahe
the…

Thoda ander Jane ke baad do gunde Jo hath mein pistol pakde khade the…wo aas paas dekh rahe the…

Un logon ko dekhte hi Amar ne Raj aur Monty ko ishara kiya..aur apni gun par silencer fit kiya…Monty ne
bhi wahi kiya…

Fir Right wale par Monty aur left wale par Amar ne aim kiya…aur Raj ne bina kus bole apni unglion se 3 2
1 countdown kiya…aur un dono ne ek sath un gundo ko headshot lekar uda diya…fir un teeno ne unko
thikane lagaya…
Iske baad wo aur age ki taraf bade…vaise toh is purane godown ke ander koi room nahi tha…par bade
bade containers ki wajah se deewarein si bani huyi thin…

Wo teeno inhi containers ke peeche chipte huye age badhne lage…thodi age jate hi aur do admi the…par
unka face unhi ki taraf tha toh thodi muskil huyi par ek baar fir se perfect head shot liya aur dono dher…

Fir teeno ne in dono ko thikane lagaya aur age bade…par tabhi ek gunde ki najar un logon par padi…wo
bhag kar age ki taraf Jane laga…sayad sab ko alert karne ke liye…par Amar ki najar us par padi aur usne
bhagte huye hi us par perfect aim kiya aur ek hi baar mein dher…

Uske marte hi teeno ki saans mein saans ayi aur uski dead body ko thikane lagane ke baad wo age
badhe…

Age chal kar ek aur gadbad thi k 8 gunde ek sath khade the…unko bina shor machaye marna asan nahi
tha…ab Amar ka jasoosi dimag kaam ane wala tha…aur wo kaam kar bhi gaya…

Amar(Monty aur Raj se boht hi dheemi awaj mein): bhai dekho main yahan kus giraunga…Raj tum us
container ke piche chipo aur Monty tum us wale ke piche…jab yeh log awaj sun kar is taraf ayenge toh
ho sakta hai inmein se kus yahin rukein aur Jo ruke unko main sambhal lunga…jo idhar aye unko tum
dono sambhal Lena…

Raj aur Monty ne Amar ko OK kaha aur uski batayi huyi jagah par pahunch gaye…Amar ne kus chip kar
apne se dur ek chij girayi uski awaj sun kar sab gunde udhar dekhne lage aur un mein se 5 us awaj ke
piche chal pade….

Jaise hi wo 5 us taraf gaye Amar ne dono hath mein silencer wali guns pakdi aur lagatar firing karke baki
bache teeno ko uda dala…

Udhar Raj aur Monty ne bhi apna kaam kiya aur 5 gundo ko sambhalne ka mauka diye bina…maar
dala…ab in logon ka rasta saaf tha…jo 3 gunde samne mare pade the unko container ke piche fainka aur
wo log age badh chale…

Thoda age jate hi ek aur admi baitha tha…Monty ne uski taraf aim kiya par Raj ne use rok diya…

Monty (halki awaj mein): kya huya bhai…

Raj(dheemi awaj mein): bhai use maar mat yeh akela hai aur be fikar sa baitha hai…ise dara kar Nikhil ke
bare mein puchte hain…

Amar: han yeh plan acha hai…

Fir wo teeno halke se age badhe aur jaise hi uske paas gaye toh Raj ne uske munh par hath rakh liya aur
Amar aur Monty ne use utha liya…wo log use utha kar ek container ke piche laye…

Raj ne uska munh band hi rakha…aur Amar ne uski kanpati par gun rakh di…

Raj: dekh ab shor mat karna nahi toh yahin thok dunga…main Tere munh se hath utha raha hun…
Yeh bol kar Raj ne uske munh se hath uthaya…us gunde ke pasine chhut gaye the…ab Marne ka mood
kiska hota hai…

Raj: ab yeh bata k Nikhil kahan hai…nahi toh yahan tumhare sathi gaye hain wahin tumhe bhej dunga…

Gunda(darte huye): mujhe chhod do…nikhil Bhai us cabin mein hain…

Us ne ek kone mein bane ek cabin ki taraf ishara kiya…

Raj: kitne admi aur hai wahan…

Gunda: 10 log hain…bhai ko chhod kar…ab mujhe chhod do mujhe nahi Marna…main toh yahan paison
ke liye aya tha…mere biwi bache mere bina kya karenge…

Raj: dekh Yaar aisa kaam karne se pehle pariwar ka khyal rakhna chahiye…ab Rone se kya fayada par
chal tune humein sab btaya hai toh chhod deta hun…ab aisa kar bahar mat Jana nahi toh mera dost
tujhe maar dega…chup chap kisi container mein chhup ja baad mein tujhe yahan se bhej denge…

Raj ki baat sun kar us admi ki ankhon mein chamak a gayi…par Amar aur Monty ko yeh khatarnak laga…

Amar: bhai kya kar raha hai…yeh humein faswa dega…

Raj: yaar kus nahi hoga…mujhe iski ankhon mein sachayi najar ati hai…

Amar ne bhi jyada na kaha…aur wo admi ek container mein jakar ghus gaya…aur wo teeno us cabin ki
taraf chal pade…apne final action ki taraf…
Update 89
Wo teeno us cabin ki taraf badhe…amar ne deewar ke piche chup kar dekha toh ander 10 log khade the
aur Nikhil ek bed par laita huya tha…

Usne Raj aur Monty ko bhi ishara karke ander ka najara dikhaya…Raj ne jaise hi Nikhil ko dekha toh use
bada gussa aya…aur wo tezi se us cabin mein golian chalate huye ghus gaya…

Yeh sab itni jaldi huya k kisi ko samjh mein nahi aya…Monty aur Amar bhi Raj ke sath ander ghuse Aur
lagatar golian chalani shuru kar din…

In logon ne gundo ko sambhalne ka koi mauka nahi diya…aur 8 ko uda dala…aur Raj ne tezi se jakar
Nikhil ko pakad liya…aur Monty aur Amar ne baki dono ko maar giraya…ab sirf Nikhil bacha tha…

Raj ne Nikhil ko wahin gira diya yahan wo baitha tha…nikhil ke chehre par dar ki lakirein saaf dekhi ja
sakti thin…

Raj ka toh jaise khoon khaul raha tha…usne Nikhil ke collar ko ek hath se pakda aur dusre hath se de
Dana Dan thapad uske chehre par barsa diye…

Nikhil ko itne thapad pade ke uske gaal laal ho gaye…Nikhil chup chap khada maar Khata raha…jab Raj ka
man bhar gaya toh usne Nikhil ko chhod diya…
Raj(gusse mein): kamine aaj toh tujhe jinda nahi chhodunga…kion kiya tune yeh sab…

Akhir kar Nikhil kus na kus bol hi pada…

Nikhil: yeh sab Teri wajah de huya…

Raj(hairani se): meri wajah se…sale Teri soch hi gandi thi…

Nikhil: agar tu meri Isha ki life mein nahi ata toh sab pehle jaisa rehta…

Raj: yaar tu kehta hai k tu Isha se pyar karta hai…par agar pyar karta toh use kion Marne ki kosish
karta…aur in sab mein Priya ka kya kasoor tha…

Nikhil: main Isha ko kus nahi karna chahta tha…maine pehle tum par attack kiya…tum Bach Gaye…fir
mujhe pata laga mujh par raid padne wali hai….Maine Khud ko Marne ka natak kiya…aur apne logon ko
hi Isha ko wahan se lejane ko kaha…

Raj: tujhe pata hai tere log toh Isha ko maar hi dete agar main na ata…

Nikhil: nahi wo toh tujhe Marne ke liya tha Sab kus…mujhe pata tha k Isha mera phone le gayi hai…aur
tujhe phone jarur karegi…jab tu use bachane ayega toh mere log tujhe maar dete…par kamine tu wahan
bhi Bach gaya…

Raj: sale kamine mujhe Marne ki kosish ki wo main seh lunga meri jaan meri Priya ko Marne ki kosish ki
tune kutte…

Nikhil: han ki…par wo bhi tumhari wajah se…jab mujhe pata chala k Isha ko tu apni behan manta
hai…aur Priya se pyar karta hai toh Maine socha Jaise tune mujhse mera pyar cheen liya vaise hi tu bhi
apne pyar ke liye tadpe…par us kamini ki kismat….

Abhi nikhil ne itna hi bola tha k Raj ne gusse mein thapadon aur gunson ki barish kardi uske chehre par…

Raj(Nikhil ko peet te huye): kamine kutte haramjade meri Priya ko gaali deta hai…tujhe bichkar se phaad
dunga kamine…

Raj ne Nikhil ko itna Mara itna Mara k nikhil jameen par adhmara sa ho kar gir gaya…

Nikhil(jameen par gira adhmara sa ho gaya tha): mujhe chhod de Raj main police ko surrender kar
dunga…

Yeh baat sun kar Raj ke chehre par smile a gayi…aur usne apni gun nikali…

Raj: kamine surrender wo log karte hain Jo jinda hote hain par tu toh mar gaya hai…

Nikhil(baukhla kar): Raj dekho main jinda hun…mujhe police ke hawale kar do kanoon ko apne hath
mein mat lo…

Raj(gun load karte huye): kamine main toh dharti ka bhoj halka kar raha hun…aur vaise bhi tune khud
yeh sabit kar diya hai k tu mar chuka hai…

Nikhil(hath jod kar): plz mujhe chhod de main tere age hath jodta hun…main marna nahi chahta bhai…

Raj: marna toh koi nahi chahta par yeh toh kudrat ka niyam hai k Jo paida huya hai use marna bhi
padega…mera bhi time ayega…par filhal tu ja pehle…narak mein…

Monty: bhai is kamine ko narak mein bhi jagah nahi milegi…

Nikhil: tum log aisa nahi kar sakte plz mujhe chhod do…

Par Raj ne is baar kus na bola seedha Nikhil ke sir mein do golian back to back utar din…aur Nikhil jaisa
ek kameena is dharti se kam ho gaya…

Goli Marne ke baad Raj ke chehre par ek shantusti thi…monty aur Amar ne use gale lagaya…aur teeno
bahar ki taraf chal pade…

Gate par khada Sandy un logon ka beshabari se intzar kar raha tha…jaise hi usne in teeno ko bahar ate
dekha…wo khus ho gaya…

Sandy(un teeno ke paas ja kar): tum teeno thik ho na…aur kya huya…

Raj: operation successful…

Yeh sun kar Sandy ki khusi doguni ho gayi…aur wo log apas mein gale lag Gaye…

Sandy: ab kya karna hai…

Tabhi Raj ko yaad aya k wo us ek admi ko toh us container mein band chhod aya…Raj bina kus bole
ander bhag kar gaya…uske piche wo teeno bhi chale gaye…Raj ne us admi ko bahar nikala…

Raj: ab tum ghar jao…

Admi: shukriya sahab meri jaan bakhasne ke liye…

Raj: koi baat nahi par paison ke liye kabhi bhi aisa ghatiya kaam mat karna…

Admi(hath jod kar): nahi sahab Ji kabhi aisa nahi karunga…main apne biwi bachon ki kasam Khata hun…

Raj: OK ab tum jao…par han ek kaam karte jao...

Admi: Ji kya…

Raj: yahan gasoline hai…

Admi: han hai…

Raj: good sandy aur Monty bhai ek kaam hi kardo tum log yahan gasoline daal kar is puri jagah ko hi jala
dalo…

Monty: OK bhai…

Fir Raj aur Amar wahan se bahar chale Gaye aur Monty aur Sandy us admi ki help se wahan par har
jagah gasoline daalne lage…

Raj aur Amar dono Shah ke paas gaye…unko dekh kar Shah ki ankhon mein chamak si a gayi…

Shah: bhai ab toh wo mar gaya hoga na plz ab toh mujhe chhod do…

Raj(Shah ke kandhe par hath rakh kar): man toh karta hai tujhe abhi maar dun…par wada Jo kiya
hai…toh chhodna toh padega hi…par yaad rakhna wada sirf ek baar chhodne ka kiya hai baar baar
nahi…agar dobara hamare aas paas bhi najar aye toh samjh gaya na…

Shah: han Bhai ab yeh sab kaam chhod kar papa ka kaam mein hath bataunga…

Raj: achi baat hai…wo tumhe palte hain unki help karo…

Yeh bol kar Raj ne Shah ko khol diya…aur Shah ne Raj aur Amar ko thanks kaha aur wahan se bhag
gaya…itne mein Monty aur Sandy ne us godown ko bhi aag laga di…sab kamine ander hi jal gaye…

Fir wo admi bhi chala gaya aur Charon yaar gadi mein baith kar Raj ke ghar ki taraf chal pade…Monty
drive kar raha tha…

Sandy: yaar shukar hai sab lafda Khatam ho gaya…ab ache se so payenge…

Raj: han yaar sahi kaha…aur Amar Bhai main tera thanks kaise karun…teri help ke bina yeh sab nahi ho
pata…

Amar: yaar bhai bhi bolta hai aur thanks bhi…aur tune sirf mujhe thanks bola matlab tu mujhe apna dost
nahi manta…

Raj: yaar aisi baat nahi hai…chalo thik hai…I Love you all…

Is baat par sab Hans pade par tabhi Sandy thoda serious ho gaya…

Raj: kya huya Bhai ab tu kis soch mein dub gaya...ab toh sab thik hai na…

Sandy: yaar main soch raha hun k yeh sab ho toh gaya…par ghar walon ka kya karna hai ab…

Raj: unhe bolenge k Nikhil ka lafda Khatam ho gaya hai wo log wapis Mumbai a jayein…

Sandy: wahi toh problem hai ab Nikhil jail mein toh hai nahi…toh kaise kahenge k wo Mara gaya…kisne
Mara...

Raj: yaar aisa karenge papa ko sab sach bata denge…wo samjh jayenge k humne majburi mein kiya
sab…han thodi daant sunni padegi but maa baap se kabhi bhi jhuth nahi bolna chahiye…
Sandy: han bhai tune sahi kaha…
Itne mein wo log Raj ke ghar pahunch gaye…
Update 90
Ghar pahunchte hi Raj ne apne papa ko phone kiya…

Raj: hlo papa…kaise ho ap sab…

Raghuveer: thik hain beta…tu bata aur akhir a hi gayi tumhe hamari yaad…

Raj: nahi papa bas ate hi busy ho gaya tha…par papa ab hum logon ko koi khatra nahi hai…

Raghuveer: kya matlab…

Raj: Nikhil se ab hum logon ko koi khatra nahi hai…ap log Mumbai a jaiye…

Raghuveer: par yeh sab huya kaise…

Raj: papa badi lambi kahani hai…pehle ap yahan a jaiye uske baad batata hun…

Raghuveer: chal thik hai…hum kal subah ghar se nikal padenge…

Raj: OK papa…

Fir Bye bol kar Raj ne phone kaat diya…baki teeno bhi uske paas hi baithe the…

Sandy: kya bola uncle ne kab a rahe hain wo log…

Raj: kal subah nikalenge aur sayad sham tak pahunch jayenge…

Amar: toh thik hai bhai…ab main chalta hun…

Raj: yaar subah chale Jana abhi yahin soja…

Sandy: han Yaar itni Raat ko kya raste mein dhake Khata rahega…

Amar: chal thik hai…

Fir sab apne apne room mein jakar so gaye…Udhar gaon mein agli subah jab Raghuveer ne sabko
Mumbai Jane wali baat batayi toh do log boht khus huye…Priya aur Diksha...ab dono kion khus hain yeh
toh kisi ko batane ki jarurat nahi hai…

Toh sab ne apni tyari ki smaan pack kiya aur fir sab Mumbai ke liye nikal pade…lambe safar ke baad
sham 5:00 baje sab Raj ke ghar pahunch Gaye…kionk sab apne apne ghar Jane se pehle yeh janna chahte
the k Nikhil ka akhir kya huya…

Sab Raj ke ghar pahunche toh wahan Raj Sandy aur Monty teeno maujud the…un teeno ne sab ko hii hlo
kiya Aur fir Raghuveer Aur Mohit Raj ke paas gaye…
Raghuveer: toh beta ab toh bata do k Nikhil ka akhirkar huya kya hai…

Raj: papa ap ander chaliye main sab batata hun…

Sunidhi: kion ander kion yahin batao…hum sab bhi janna chahte hain…

Riya: han plz Raj batao na…

Raj: main papa ko akele mein batana chahta hun…

Raghuveer: yaar sab ghar ke hi toh hain…bata do…

Raj: wo baat nahi hai…

Geeta: aur kya baat hai…chalo ab aur kus mat bolna sab kus batao…

Ab Raj bechara buri tarah se fas chuka tha…wo baar baar Monty aur sandy ki taraf dekh raha tha…par un
dono ki bhi halat kharab thi…

Priya Raj ko dekh rahi thi aur soch rahi thi k Raj yahan sabke samne kus kion nahi bolna chahta…par itne
mein Raj bol hi pada…usne darte darte sab kus sabko bata diya...

Raj ki baat sun kar sab ke munh hairani se khul gaye the…akhir yeh koi chhoti baat nahi thi…un logon ne
Nikhil ko maar dala tha…

Raghuveer (gusse se): yeh tum logon ne kya kiya…use police ke hawale karna chahiye tha…tum logon ko
aise kisi ko marna nahi chahiye tha…

Raj: par papa wo ek gunda tha aur police ne pehle kya kar liya…vaise bhi humne use Mara Jo pehle hi
sabki najar mein mar chuka tha…

Mohit: beta chal ek pal ke liye maan liya k ek gunde ko maar kar tum logon ne kus galat nahi kiya…par
agar tum logon ko kus ho jata toh kya hota…

Raj: uncle…

Raj abhi itna hi bola tha k Priya ekdum se gusse mein Raj ki taraf badhi…uski ankhon mein ansoo the…

Raj Priya ko apni aur aise gusse mein ata dekh hairan sa khada tha…Priya jaise hi Raj ke paas ayi toh usne
Raj ki dono galon par apne dono hathon se 3-4 thapad mare…sab yeh najara dekh kar hairan khade
the…Raj toh jaise sun sa pad gaya tha…

Itne mein Priya ne Raj ko jor se apni bahon mein bhar liya aur jor jor se Rone lagi…

Priya(rote huye): tum pagal ho gaye ho kya…kya jarurat thi aise ulte seedhe kaam karne ki…Agar tumhe
kus ho jata toh main toh mar hi jati na…par na tumhe toh meri koi fikar hi nahi hai…
Raj ki halat patli ho chuki thi par Priya ke thapadon se nahi balki is tarah sabke samne use gale lagane
se…Sabhi Raj aur Priya ki taraf ankhein faad faad kar dekh rahe the…khas kar Mohit aur Raghuveer…

Raj(Priya ko hosh mein lane ke liye): Priya…

Priya(Raj se alag ho kar): tumhe kus huya toh nahi na babu…thik ho na tum…

Raj ki toh bechare ki pehle hi fati padi thi ab wo kya bolta usne sirf sir hila kar han mein jawaab
diya…Itne mein Priya ko bhi hosh aya k wo yeh sab sabke samne kar rahi hai…use Jaise hi hosh aya usne
apne mathe par hath mara aur bina kisi ki taraf dekhe Raj ke niche wale room (jismein Raj chhot lagne
ke waqt rehta tha) mein chali gayi…

Raj bechara fas gaya tha…Priya toh uski jaan ko ek aur panga ched kar chali gayi…

Raghuveer(halki unchi awaj mein): ab yeh sab kya hai Raj…kab se chal raha hai yeh sab…aur bhi kus
humse chipaya ho toh wo bhi bata do…

Raj ki dar ke mare fati padi thi…uski munh se awaj bhi nahi nikal rahi thi…par himmat karke wo bol…

Raj: papa nahi papa kus bhi nahi hai papa…

Raghuveer: ab yeh kya papa papa laga rakha hai…seedha seedha bata…

Raj ko pata tha k is muskil situation se usko sirf uski mom aur didu hi bacha sakti hain…isliye wo apni
Taras bhari najron se Sunidhi aur Isha ki taraf dekha…

Sunidhi bhi samajh gayi k Raj ki aur se puri baat use hi batani padegi…

Sunidhi ne puri baat sabke samne Mohit aur Raghuveer ko bata di…pehle toh in dono ne Raj ko baat
chupane ke liye khub danta…par agle hi pal Raj ko khusi se gale laga liya…k usne un dono ki dosti ko
Khatam nahi hone diya…

Raghuveer: toh fir ab jaldi hi tum dono ki shadi karni padegi…

Mohit: han Yaar is din ka sapna toh hum dono ne tab se dekha hai jab se yeh dono boht chhote the…

Sab boht khus the bas Diksha sadu sa munh kare ek side khadi thi…tabhi Monty ne uski taraf dekha Aur
sabki najron se bacha kar uska hath pakad kar use ghar se bahar bane park mein le gaya…

Diksha: bhaiya kya huya ap mujhe yahan kion laye ho…

Monty: Diksha tujhe pata hai na Maine aj tak wo sab tumhe diya Jo tumne mana par kya aj main tumse
kus mang sakta hun…

Diksha: bhaiya ap kaisi baat kar rahe hain…ap kus bhi mang lijiye main apko mana kar hi nahi sakti….

Monty: toh diksha plz Raj aur Priya ki jindagi mein koi lafda mat karna…tum Raj ke liye apna yeh
pagalpan Khatam karo…
Diksha ko Monty ki baat sun kar boht bada jhatka laga…use koi andaza nahi tha Monty usse is bare mein
baat karega…

Diksha (darte huye): bhaiya apko kaise pata chala…

Monty: tumhe kya lagta hai main koi bacha hun…mujhe kus pata nahi lagega kya…

Diksha: bhaiya main Raj ko nahi chhod sakti wo mera junoon hai…

Monty(pyar se): Diksha beta aisa nahi hota…yeh junoon naam ka shabad pyar mein acha nahi
lagta…pyar mein sirf pyar hi hota hai…tumne dekha na aj Priya Raj se kitna pyar karti hai…aur Raj bhi
dekho uske liye apni jaan tak dene ko tyar hai…toh kya tum un dono ko alag karke unki love story mein
villain banana chahti ho…tum toh meri pari ho na…tum villain kaise ban sakti ho…

Diksha: par bhaiya…

Monty: dekho Diksha tumhe yeh ghatiya raste aur Mujh mein se kisi ek ko chunna hoga…age tumhari
marji…par yaad rakhna agar tumne mere dost ki life mein kus bura karne ki kosish ki toh hamara rishta
Khatam…

Yeh bol kar Monty sab ke paas ander chala gaya…ander Sab boht khus the…Priya Sonia aur Riya ke
beech mein baithi sharma rahi thi…

Monty (Sab ko itna khus dekh kar): are kya huya sab itna khus kion hain…

Sunidhi: khus kion na ho beta…tu bhi jab baat sunega toh tu bhi khusi se pagal ho jayega…

Monty: aisi kya baat hai aunty…

Sunidhi: Raj aur Priya ki marriage fix kar di gayi hai…

Monty(boht jyada khus ho kar): are wah aunty kya baat hai…kab hai mere Bhai ki shadi main toh nach
nach kar pagal ho jaunga…

Sandy: oye bhai boht wait karna padega…jab tak dono graduation nahi kar lete tab tak koi shadi
nahi…uske turant baad shadi hogi…Aur hum dono shadi mein nagin dance karenge…han sach ek aur
nagin bhi hai…Amar…
Sandy ki baat sun kar sab has pade.
Final Update

Dosto waqt gujrta gaya…Diksha bhi Monty ki baat ko samjh gayi…yah fir yeh bhi keh sakte hain k Monty
ne samjha diya…

Monty ne usse baat karna chhod diya tha…ab Diksha aise bhai se kaise dur reh sakti thi Jo uske liye kus
bhi karne ko tyar tha…akhir use apna pagal pan band Karna hi pada…

Vaise toh Ab teen saal beet chuke hain…Aj Raj aur Priya ki shadi bhi hai…In teen salon mein boht kus
badal gaya…sabse bada toh ab yeh sab graduated hain…Dilksha aur Riya ka is baar ka saal bacha hai…wo
final year mein hain…

Dusra change yeh aya k Ek nayi love story bhi bani aur in teen salon mein wo apni manjil tak bhi
pahunchi…Nahi samjhe na…main Isha aur Amar ki baat kar raha hun…

Asal mein Amar ka Raj ke ghar mein ana Jana laga rehta tha toh Isha se bhi uski mulakay ho hi jati…dhire
dhire dono mein karibian badhe lagin…Pyar huya fir izhaar bhi huya…

Chupke chupke milna…movies dekhna etc. Chalta raha…dhire dhire yeh baar Raj ko pata chali toh wo
boht khus huye kionk Amar na sirf uska dost tha balki ek boht acha insan bhi tha toh uski Behan ke liye
ek perfect ladka tha…

Raj ne ghar par dono ki baat ki aur 1.5 saal pehle dono ki shadi kar di gayi…Isha aur Amar apni life mein
khus hain…aur ab Amar bhi Akela nahi hai…

Baki dost abhi tak single hi ghum rahe hain…unhein unka perfect mila nahi hai abhi tak...vaise itni umar
bhi abhi nahi hai…

Aj Raj aur Priya ki shadi hai…Sab boht khus hain…Raj aur Priya ke ghar mein boht chehal pehal hai…Raj
ke dost Monty Amar aur Sandy uske sath hain…Priya ke sath Sonia Riya aur Diksha hain…

Puri family boht khus hai…pichle do din se boht nach gaana huya…Sandy Amar aur Monty ne toh nach
nach kar apna dil khus kar liya…

Priya ke sath abhi kamre mein sirf Diksha hi thi…Sonia aur Riya kus kaam ke liye bahar gayin thi…diksha
ne Priya ke paas jakar uske hathon ko apne hathon mein pakda…

Diksha: Priya di Maine apko boht dukh pahunchaye the…main sayad jitni bhi maafi mangu kam hai…par
aj main apke liye boht khus hun ap Aur Raj boht lucky ho…jo ek dusre ke life partner ban rahe hain…

Priya(halka sa muskura kar): Yaar koi baat nahi…purani baton ko chhodo…aur mujhe khusi hai k tum sab
mere sath ho…aur tumhe bhi jarur koi acha ladka milega…

Diksha (Priya ko gale lagatar): Congratulations…

Itne mein wahan Sonia aur Riya a gayin…

Sonia: kya chal raha hai…

Priya(Diksha se alag ho kar): kus nahi…

Riya(Diksha ke paas khade ho kar): Diksha jitna pyar milta hai aj hi lelo iske baad toh yeh Sara pyar Raj
par barsne wala hai…

Sonia: are yeh toh kab se baras raha hai…

Priya unki baton par sharma padi…aur uske gore gore gaal laal ho gaye…
Vaise Maine abhi tak Raj aur Priya ki shadi ki dress ke bare mein bataya nahi hai…

Priya ne pink colour ka lehnga pehna hai boht khubsurat lag rahi hai wo…udhar Raj bhi kus kam nahi
hai…Cream Sher bani mein kamal ka lag raha hai…bilkul kisi rajkumar ki tarah…

Toh dhire dhire shadi ka time aya…shadi bhi ho gayi…sab log khus the…Priya shadi ke baad Raj ke ghar
chali gayi…Akhirkar dono ek ho hi gaye…kafi muskilon ke baad unki yeh Dildariyan apni manjil tak
pahunchi…
THE END