Pous Adeodatus
| Pous Adeodatus | |
|---|---|
| Pontifikaat begin | 11 April 672 |
| Pontifikaat eindig | 17 Junie 676 |
| Voorganger | Vitalianus |
| Opvolger | Donus |
| Gebore | Rome, Italië |
| Sterf | 17 Junie 676 Rome, Italië |
Adeodatus was die 77ste pous van die Rooms-Katolieke Kerk. Hierdie pous word ook Adeodatus II genoem. Die verwarring het ontstaan omdat Pous Deusdedit ook Pous Adeodatus genoem is en hy dan Pous Adeodatus I sou wees. Die name 'Deusdedit' en 'Adeodatus' beteken dieselfde in Latyn, nl. 'deur God gegewe'. Dit het waarskynlik die verwarring veroorsaak.
Biografie
[wysig | wysig bron]Pous Adeodatus is 'n Benediktynse monnik van die Sint Erasmusklooster in Celio by Rome. Hy is in Rome gebore, die seun van Jovinian. Op 11 April 672 volg hy Pous Vitalianus op en regeer tot sy dood op 17 Junie 676. Hy word opgevolg deur Pous Donus. Hy was bekend vir sy vrygewigheid vir die armes en die pelgrims.
Pontifikaat
[wysig | wysig bron]Pous Adeodatus was voorstander van die kloosterlewe. Hy het die dissipline onder die monnike verbeter, verder gegaan met die onderdrukking van die Monotelitisme en het Venesië die reg gegee om self hulle doge te kies. Die pous het die keiser Konstantyn IV gesteun teen die troonrower Melezio. Daarvoor het hy die dankbaarheid en die agting van die keiser gekry.
Die pous het toestemming gegee vir die bou van die Sint Pietersklooster in Canterbury en hy het die Sint Erasmusklooster, waarvan hy voorheen ab was, laat vergroot.
Pous Adeodatus was die eerste pous wat sy amptelike handelinge gedateer het met die jaar van sy pontifikaat. Die gebruik is tans nog van krag.
Die pous was reeds 'n ou man toe hy tot pous verkies is en hoewel hy vir vier jaar regeer het, het hy nie daarin geslaag om die verskille tussen Rome, Konstantinopel en Ravenna te besleg nie.
Verering
[wysig | wysig bron]Pous Adeodatus word as heilige in die Rooms-Katolieke Kerk vereer. Sy feesdag is op 17 Junie.
Bibliografie
[wysig | wysig bron]- Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
- Duff, Eamon. Saints and Sinners: A History of the Popes, Yale University Press, 2001. bl. 62–63. ISBN 0300091656
- Maxwell-Stuart, P. G. Chronicle of the Popes: The Reign-by-Reign Record of the Papacy from St. Peter to the Present, Thames & Hudson, 2002, bl. 47. ISBN 0500017980.
Eksterne skakels
[wysig | wysig bron]| Wikimedia Commons bevat media in verband met Adeodatus II. |
- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- CE Inskrywing in die Catholic Encyclopedia (Engels)
- PTA Inskrywing in "Popes through the Ages" deur J. Brusher S.J. (Engels)
Nota
[wysig | wysig bron]Saamgestel en vertaal uit die Nederlandse, Engelse, Duitse en Franse wikipedia.
Opvolging
[wysig | wysig bron]| Voorafgegaan deur Vitalianus |
Pous (Pontifex Maximus) 672 – 676 |
Opgevolg deur Donus |