Pous Anastasius IV
| Pous Anastasius IV | |
|---|---|
| Geboortenaam | Corrado di Suburra |
| Pontifikaat begin | 8 Julie 1153 |
| Pontifikaat eindig | 3 Desember 1154 |
| Voorganger | Eugenius III |
| Opvolger | Adrianus IV |
| Gebore | Rome, Italië |
| Sterf | 3 Desember 1154 Rome, Italië |
| Ander pouse genaamd Anastasius | |
Anastasius IV was die 168ste pous van die Rooms-Katolieke Kerk.
Biografie
[wysig | wysig bron]Pous Anastasius IV[1] is gebore as Corrado di Suburra (ook Corrado della Suburra of Konraad van Suburra) in Rome, Italië, die seun van Benedictus. Hy was waarskynlik 'n nefie van Pous Honorius II. Voor sy verkiesing was Anastasius kardinaal-biskop van Sabina en 'n fel teenstander van Teenpous Anacletus II. Op 8 Julie 1153 volg hy Pous Eugenius III op en regeer tot sy dood op 3 Desember 1154. Hy word opgevolg deur Pous Adrianus IV. Die naam ‘Anastasius’ beteken 'heropgestane'.
Pontifikaat
[wysig | wysig bron]Pous Anastasius IV[2] was reeds 'n ou man toe hy tot pous verkies is. Hy is waarskynlik verkies omdat hy uit Rome gekom het en die plaaslike politiek verstaan het. Hy het die Panteon laat restoureer en het spesiale voorregte aan die Malteser Orde gegee. Opgrawings onder die Lateraanse paleis tydens sy bewind het die stoflike oorskot van die heiliges Cyprianus en Justina gevind. Hy is ook bekend as vredemaker. Die republikeinse faksie het hom goed aanvaar. Hy het 'n ooreenkoms bereik met keiser Frederik I Barbarossa oor die aanstelling van die biskop van Maagdeburg. Hy het ook 'n lang uitstaande stryd met Engeland besleg oor die aanstelling van William Fitzherbert (ook St. William van York genoem) as biskop van York. Die pous het William se aanstelling bevestig in weerwil van sterk teenstand van die Cisterciënser Orde.
Bibliografie
[wysig | wysig bron]- Duff, Eamon (2001). Saints and Sinners: A History of the Popes, Yale University Press. ISBN 0300091656.
- Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0500017980.
Verwysings
[wysig | wysig bron]- ↑ "Anastasius IV." Encyclopædia Britannica. 2008. Encyclopædia Britannica Online. 27 Julie. 2008 <http://www.britannica.com/EBchecked/topic/22852/Anastasius-IV>
- ↑ "Pope Anastasius IV." The Catholic Encyclopedia. Vol. 1. New York: Robert Appleton Company, 1907. 27 Julie. 2008 http://www.newadvent.org/cathen/01455b.htm
Eksterne skakels
[wysig | wysig bron]- CE Inskrywing in die Catholic Encyclopedia (Engels)
- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- PTA Inskrywing in "Popes through the Ages" deur J. Brusher S.J. (Engels)
- GM Inskrywing in die Genealogie van die Middeleeue (Duits)
Nota
[wysig | wysig bron]Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.
Opvolging
[wysig | wysig bron]| Voorafgegaan deur Eugenius III |
Pous (Pontifex Maximus) 1153 – 1154 |
Opgevolg deur Adrianus IV |