زؤهره
زؤهره یا ونوس (سیمگه: )، (عربجه:زهره) گونشدن ایکینجی آرالی سیاره یئر و مرکوری (عطارد) آراسیندا اولان گزه‌گن اولور.
ونوسون آتموسفری یئردن داها سیخ اوْلوب قالین بۇلودلارلا اؤرتولموش‌دور. آتموسفرین ۹۷%ی کربون قازیندان عبارت‌دیر. آتموسفرده ایلدیریم بۇشالمالاری قئیده آلینمیش‌دیر. ونوس اؤز اوْخو اطرافیندا بۆتون قالان گزگنلردن فرقلی اوْلاراق (اورانوس استثنا اوْلماقلا) غربدن شرقه یوْخ، شرقدن غربه دۇغرو فیرلانیر.
آکسفورد بیلیم‌یوردونون عالیملری ناتوره ژورنالیندا درج ائتدیکلری مقاله‌ده، ونوسون بیر واختلار یئر کوره‌سی کیمی یاشامالی یئر اوْلدوغونا عایید دلیللری اوْلدوغونو آچیقلادیلار.
خۆصیّتلری
[دَییشدیر]بیر آوروپا اوزای گمی‌سیندن آلینان معلوماتا گؤره ونوس گزگنی، یئر کوره‌سینه ایندی‌یه قدر تخمین اوْلونان‌دان داها چوْخ اوْخشاییر. گزگنین میلیونلارلا ایل اوّل آتموسفر و یاشاییش الوئریش‌لیلییی باخیمیندان یئر کوره‌سینین بۇ گۆنکو دۇرومونو نظره آلدیقدا دئمک اوْلار کی، "ائکیز" کیمی اوْلدوقلاری ایفاده اوْلونور. آنجاق قازلارین ائتکیسی، آتموسفر اروزیاسی، سولار رادیاسییا و گزگنین فیرلانماسینین یاواش اوْلماسی نتیجه‌سینده ونوسون یئر کوره‌سیندن فرقلی اینکیشاف یوْلو کئچدیی تخمین اوْلونور.
بۇ گۆن ونوسدا سۇ یوْخدور و تِمپراتور قۇرغوشونو اَریده‌جک قدر یۆکسک‌دیر. گزگنده تئز-تئز تایفون شدتینده کولکلره و شیمشکلره راست گلینیر.
آکسفورد بیلیم‌یوردو فیزیک کافدراسیندان پروْفسور فرد تیلور، الده ائتدیکلری معلوماتلارین ویرتیس آدلی بیر ایسپکتومتر طرفیندن تامین اوْلوندوغونو سؤیله‌دی.
ویرتیس-دن گلن شکیللر، ونوسون اکوادورو یاخینلیغین‌داکی هاوا جریانینین شدت‌لی، قۆطبلره دۇغرو داها یۇمشاق اوْلدوغونو گؤستریر. گزگنین سطحینده ۵۰-۵۵ km هۆندورلوکده ده بۇلودا اوْخشار حادیثه‌لر مۆشاهیده اوْلونور.
ناتوره ژورنالیندا درج اوْلونان آراشدیرما مقاله‌سینه گؤره، علم آداملاری ونوس گزگنینده شیمشک چاخدیغینا دایر ایلک دقیق حسابلامالار آپاردی.
قالری
[دَییشدیر]ایستینادلار
[دَییشدیر]