Edukira joan

Andaluziaren Alde

Wikipedia, Entziklopedia askea
Andaluziaren Alde
Datuak
Motakoalizio politikoa
HerrialdeaEspainia
Osatuta
Green Party (en) Itzuli
Iniciativa del Pueblo Andaluz (en) Itzuli
Mas Pais
Podemos Andalucía (en) Itzuli
United Left/The Greens - Assembly for Andalusia (en) Itzuli
Verdes Equo
Historia
Sorrera2022ko apirilaren 24a
Koloreak    

Andaluziaren Alde (Por Andalucía gaztelaniaz) Andaluziako hauteskunde-koalizio bat da 2022ko Andaluziako Parlamentuko hauteskundeetara aurkeztu zena. Andaluziako Ezker Batua, Más País, Equo eta Andaluziar Herriaren Ekimena alderdiek osatu zuten eta Ahal Duguren eta Aliantza Berdearen kanpoko sostengua zuten.[1][2]

Osaera

[aldatu | aldatu iturburu kodea]

Andaluzia Aurrera (Adelante Andalucía) parlamentu-taldearen hausturak Ahal Dugu (Antikapitalistak taldearen zuzendaritzapean) eta Ezker Batuaren arteko urruntzea eragin zuen. Lehenek bigarrenei koalizioaren akordio ekonomikoak ez errespetatzea leporatzen zieten bitartean, bigarrenek sareen eta markaren bahiketa aipatzen zuten.[3] Transfugismoaren aurkako itun bat sinatzean, taldea osatzen zuten 17 legebiltzarkideetatik 11 bota zituzten eta hauek talde propioa osatu zuten, Teresa Rodríguez eta Antikapitalisten lidergoarekin.[4]

Ezker batuaren zuzendaritzaren eta Antikapitalisten arteko desadostasunak gainditu ondoren, Ezker Batuako Toni Valeroren eta Ahal Duguko Martina Velarderen arteko elkarrizketak hasi ziren berriro. Izan ere, Antikapitalistak alderdia Ahal Dugutik aldendu zen eta Espainiako gobernuarekin gero eta kritikoagoa bihurtu zen. Martina Velardek koordinadore postua lortu zuen primarioetan 2020ko ekainaren 19an eta hala 2021ean Andaluziako Elkarrekin Ahal Dugu koalizioa osatu zen, Ezker Batua, Ahal Dugu eta Aliantza Berdearen artean. [5] Gogoratu beharra dago Andaluzian bereziki konplikatua izan zela horrelako akordio bat lortzea historikoki Ezker Batuak eta Alderdi Komunistak izan duen pisuaren ondorioz.

2021eko abenduan, Andaluziarrak Zutik (Andaluces Levantaos) koalizioa sortu zen, Más País, Equo, Andaluzia por Sí (AxSí) eta Andaluziar Herriaren Ekimenaren (Iniciativa del Pueblo Andaluz) artean. Euren helburua 2022ko Andaluziako Parlamenturako hauteskundeetan parte hartzea zen. Horretarako, boto-emaile andaluziar, ekologista, feminista, ekosozialista eta sozialdemokratak erakarri nahi zituzten.[6][7][8][9][10]Azken hauen eta Andaluziako Elkarrekin Ahal Dugu koalizioen arteko negoziazioen ondoren, 2022ko apirilaren 25ean jakinarazi zen bi koalizioek bat egingo zutela zerrenda bakarra aurkezteko Andaluziako hauteskundeetara. Handik ordu gutxira, Juanma Morenok, Andaluziako presidenteak, hauteskundeak deitu ziuen 2022ko ekainaren 19an.[11][12][13]

2022ko hauteskundeak

[aldatu | aldatu iturburu kodea]
Kordobako boto-papera

Bi koalizioetako gainerako kideek batasunaren beharra azpimarratu bazuten ere, Andalucía por Sí alderdiak Andaluzia Zutik proiektuarekiko konpromisoa" adierazi zuen eta "bere] papeleta izango dela" aditzera eman zuen.[14] Hasiera batean, komunikabide batzuek jakinarazi zuten Ezker Andaluzista izeneko alderdi minoritarioa koalizioan izango zela, baina azkenean Teresa Rodríguez zuzenduriko ezker andaluzistako Aurrera Andaluzia koalizioan parte hartu zuen.[15][16]

Hautagaitzak aurkezteko epea maiatzaren 6an agortzen zen. Alabaina, arazoak izan ziren Andaluziako Ahal Dugurekin izandako negoziazioetan azken egunetan. Izan ere, Andaluziako Juntako lehendakaritzarako hautagaia Ahal Dugurena izan defendatzen zuten.[17][18] Azkenik, epea amaitu baino ordu batzuk lehenago jakinarazi zen Ezker Batuako Inmaculada Nieto izango zela lehendakarigaia.[19] Hala ere, Ahal Duguren eta Aliantza Berdearen sinadurak ez ziren garaiz iritsi Hauteskunde Batzordearen erregistrora.

Ondorioz, koalizioaren logotipoan ezin ziren sartu Ahal Dugu eta Aliantza Berdearen markak. Gainera, alderdi hauen hautagaiak independentetzat agertuko ziren boto-txarteletan, eta ez zuten izango finantzaziorako zuzeneko irabazirik. Andaluziako zortzi probintzien artean, zerrendetako 4 Ahal Duguk zuzendu zituen (Cádiz, Huelva, Kordoba eta Granada), Ezker Batuak 3 (Málaga, Jaén eta Almería) eta bakarra Andaluziako Más Paísek (Sevilla).[20][21] Cádizeko hautagaia Juan Antonio Delgado, Ahal Duguren Kongresuko diputatua zen, Málagakoa Inma Nieto lehendakarigaia eta Sevillakoa Andaluziako Más Paísen burua, Esperanza Gómez.

Azkenik, 5 parlamentari baino ez zituzten lortu, hau da, aurreko legealdiko koalizioarekin alderatuta 12 aulki galdu zituzten. Lortutako legebiltzarkideen artean 3 Ahal Dugukoak ziren, 1 Más Paíseko eta bestea Ezker Batukoa. Bestalde, Teresa Rodríguezen hautagaitzak bi parlamentari baino ez zituen lortu, bat Cádizen (berea propioa) eta bestea Sevillan. Hauek izan ziren ezker andaluziarraren inoizko emaitzarik okerreank, Andaluziako Alderdi Komunistak ordezkaritzarik ezkuratu ez zuen lehen aldia izan baitzen.[22]

Antolaketa

[aldatu | aldatu iturburu kodea]
Partida Lehendakaritza / Lidergoa
Ezker Batua Andaluzia Berdeak-Andaluziako Deialdia (IULV-CA) Toni Valero
Más País Andaluzia Esperanza Gómez Corona
Berdeak Equo Andaluzia Mar González
Andaluziako herriaren Ekimena (IdPA) Jose Antonio Jimenez
Andaluziako Aliantza Berdea (kanpoko sostengua) Carmen Molina
Andaluziako Ahal Dugu (kanpoko sostengua) Martina Velarde[23]

Hauteskunde-emaitzak

[aldatu | aldatu iturburu kodea]
Hauteskundeak Zerrenda-burua Boto kopurua  Boto guztien gaineko ehunekoa Diputatuak Oharrak
2022 Inmaculada Nieto 281 688 % 7,68
5 / 109

Erreferentziak

[aldatu | aldatu iturburu kodea]
  1. ↑ «Constitución de la coalición electoral "Por Andalucía"» Junta Electoral Central 2022-05-06.
  2. ↑ «El acuerdo in extremis de UP en Andalucía no evita que la izquierda concurra al 19-J en 4 papeletas» El Español 2022-05-07.
  3. ↑ Guerra en la izquierda: IU acusa a Anticapitalistas de robar las Redes y estos a IU de llevarse dinero. elespañol.es 11 de agosto de 2020.
  4. ↑ El Parlamento de Andalucía incorpora las normas contra los tránsfugas en su reglamento. elpais.es 28 de abril de 2021.
  5. ↑ La diputada por Córdoba Martina Velarde, nueva coordinadora de Podemos Andalucía. abc.es 19 de junio de 2020.
  6. ↑ Cabanillas, Ana. (2021-11-28). «La izquierda abre la pugna en Andalucía: del 'Compromís andaluz' de Errejón al manifiesto de Unidas Podemos» elperiodicodeespana.
  7. ↑ Lucio, Lourdes. (2021-12-02). «Tres partidos de izquierdas formalizan la coalición Andaluces Levantaos» El País.
  8. ↑ «Más País presenta su marca en Andalucía: Andaluces Levantaos» www.publico.es.
  9. ↑ Sevilla, Diario de. (2021-12-02). «Más País concurrirá a las elecciones autonómicas bajo la marca Andaluces Levantaos» Diario de Sevilla.
  10. ↑ González-Rebolo, José Manuel. (2021-12-02). «Nace Andaluces Levantaos, la coalición de Más País, AxSí e Iniciativa para las elecciones andaluzas» Cadena SER.
  11. ↑ Cela, Daniel. (2022-03-28). «Podemos, IU, Más País, Equo y dos partidos andalucistas ultiman una candidatura única de izquierdas en Andalucía» ElDiario.es.
  12. ↑ Vila, Ana Fernández. (2022-04-25). «Por Andalucía: la marca con la que Podemos, IU y Más País se preparan para ir las andaluzas» cadena SER.
  13. ↑ Press, Europa. (2022-04-25). «Andalucía celebrará el 19 de junio sus cuartas elecciones anticipadas de la autonomía» www.europapress.es.
  14. ↑ «https://twitter.com/andaluciaxsi/status/1518613329610162176» Twitter.
  15. ↑ Cela, Daniel. (2022-04-11). «Las izquierdas andaluzas lanzan su candidatura única con la marca 'Por Andalucía' pese al reparo de Podemos» ElDiario.es.
  16. ↑ «https://twitter.com/izqandalucista/status/1518671269352415232» Twitter.
  17. ↑ Cela, Daniel. (2022-04-21). «El candidato a las primarias de Podemos para las elecciones andaluzas puja por liderar la confluencia que pactan las izquierdas» ElDiario.es.
  18. ↑ «Podemos elige al guardia civil Juan Antonio Delgado como cabeza de lista para las autonómicas» sevilla 2022-05-04.
  19. ↑ Lucio, Lourdes. (2022-05-06). «Las izquierdas de Andalucía llegan ‘in extremis’ a un acuerdo con Inmaculada Nieto, de IU, como candidata» El País.
  20. ↑ Cela, Daniel. (2022-05-07). «La candidatura de izquierdas andaluza afronta un litigio por la ausencia de la firma de Podemos en el registro» ElDiario.es.
  21. ↑ Así son las listas de Por Andalucía. .[Betiko hautsitako esteka]
  22. ↑ Los 5 escaños de Por Andalucía: 3 de Podemos, 1 de Más País y otro de IU. .
  23. ↑ Velasco, Juan. (2020-06-20). «Martina Velarde, nueva líder de Podemos en Andalucía» Cordópolis.

Kanpo estekak

[aldatu | aldatu iturburu kodea]
"https://eu.wikipedia.org/w/index.php?title=Andaluziaren_Alde&oldid=9309208"(e)tik eskuratuta