Abdul Fattah Ismail

Abdul Fattah Ismail
	; Irudi gehiago
President of South Yemen (en)	; 1970 - 1980ko apirilaren 21a ; ← Ali Nasir Muhammad (en) - Ali Nasir Muhammad (en) →
President of South Yemen (en)
Bizitza
Jaiotza	Ta'izz, 1939ko uztailaren 29a
Herrialdea	Hego Yemen
Heriotza	Hego Yemen, 1986ko urtarrilaren 13a (46 urte)
Heriotza modua	: guduan hila
Jarduerak
Jarduerak	politikaria, poeta, kanta-idazlea eta kantugilea
Jasotako sariak	ikusi Herrien arteko Adiskidetzaren Ordena ;
Gradua	brigada-jeneral
Sinesmenak eta ideologia
Erlijioa	sunismoa
Alderdi politikoa	Yemeni Socialist Party (en)

Abd al-Fattah Ismail Ali Al-Jawfi (Ta'izz, 1939ko uztailaren 28a - Aden, 1986ko urtarrilaren 13a) hegoyemendar politikaria izan zen. Hego Yemen zuzendu zuen 1969 eta 1980 urteen artean.

Ipar Yemenen jaio eta Adenen hezi zen. 1956tik 1959ra petrolio findegi batean lan egin zuen. Britainiar agintari kolonialek atxilotu egin zuten bere jarduera politikoagatik, mugimendu nazionalista arabiarraren sortzaileetako bat izateagatik. 1961az geroztik irakasle aritu zen eta jarduera politikoarekin jarraitu zuen.

Hego Yemengo Askapen Frontearen sortzaileetako bat izan zen eta alderdi militar sozialista iraultzailearen buru izan zen. 1967an herrialdearen independentzia iritsi zenean, kultura ministro izendatu zuten.

1969an alderdiko Idazkari Nagusi hautatu zuten eta 1980an Presidiumeko Presidente. Horrela, herrialdeko buru "de facto" bihurtu zen. Hainbat alderdi bateratu zituen Yemengo Alderdi Sozialistan eta 1978an alderdi berriaren lehen idazkari nagusi izendatu zuten. Kanpo politikan, Hego Yemen Sobietar Batasunarekin eta herrialde sozialistekin lerrokatu zuen.

1980an, kargua utzi zuen osasun arrazoiengatik, eta Moskura joan zen tratamendu medikoa jasotzera 1985era arte. 1985eko urrian Politburoko kide eta Batzorde Zentraleko idazkari izendatu zuten. Hala ere, urtarrilean Hego Yemengo gerra zibila piztu zen Ismailen eta Ali Nasir Muhammaden aldekoen artean.

Ismail misteriotsu desagertu zen, antza, Ali Nasirren bandoko itsasontziek bere etxea bonbardatu ondoren.

Datuak: Q307211
Multimedia: Abdul Fattah Ismail / Q307211