Adolfo Muñoz
| Adolfo Muñoz | |||
|---|---|---|---|
2008ko azaroaren 27a - 2019ko apirilaren 5a ← Jose Elorrieta - Mitxel Lakuntza → | |||
| Bizitza | |||
| Jaiotza | Mañueta, 1959 (64/65 urte) | ||
| Herrialdea | |||
| Hezkuntza | |||
| Hizkuntzak | gaztelania euskara | ||
| Jarduerak | |||
| Jarduerak | sindikalista | ||
| Kidetza | Eusko Langileen Alkartasuna | ||
| Izengoitia(k) | Txiki | ||
Adolfo Muñoz Sanz, ezizenez Txiki, (Mañueta, Araba, 1959), euskal sindikalista da. 2008ko azaroaren 27tik, ELAren XII. Kongresutik alegia, ELA sindikatuko idazkari nagusia da, %91,22ko babesarekin Jose Elorrietaren lekukoa hartuz. Adina zela eta kargua utzi zuen 2019ko apirilaren 5ean egindako ezohiko kongresuan, eta Mitxel Lakuntzak hartu zuen bere tokia.
Bizitza
[aldatu | aldatu iturburu kodea]Familia behargin batean jaioa, Mañueta jaioterritik Gasteizera lekualdatu behar izan ziren, bere aitak eraikuntzan lan egiteko aukera izan zezan.[1] 16 urte zituela hasi zen lanean, eta 17 urte zituela egin zen ELA sindikatuko kide. 1975ean Cegasa enpresan hasi zen lanean, udan lan egiteko. Lan handia egin behar zela eta enpresak hitzartutakoa baino denbora gehiago mantendu zuen postuan beste langile batzuekin batera, lege-iruzurra eginez. Ondorioz, gero enpresak kaleratu nahi izan zituenean ezin izan zuen halakorik egin, eta lanpostu finkoa eman behar izan zien.[2]
Cegasa enpresan 14 urtez egin zuen lan. Garai horretan, oraindik klandestinitatean, diktaduraren errepresioa hurbiletik bizitzea egokitu zitzaion. Maiatzaren 1erako kartelak itsasteagatik gau bat komisarian igaro behar izan zuen. 1980ko hamarkadaren amaiera arte jarraitu zuen enpresan lanean, Jose Elorrieta eta Jose Unanuek liberatzeko eskaintza egin zioten arte, 1989an. Lan egiten zuen bitartean Gizarte-graduatua eta Zuzenbidea ikasi zuen UNEDen. Euskara ikasi zuen normaltasunez erabiltzeko gaitasuna lortu arte.[3]
1989tik 2000 urtera ELA sindikatuko Arabako Zerbitzu Publikoen Federakuntzako arduraduna izan zen, eta sindikatuaren arduraduna izan zen besteak beste Osakidetzan eta udal zein foru administrazioan. Ondoren, ELAren Gasteizko eskualde-arduraduna izendatu zuten.
2003an Metalaren Federazioaren idazkaria izendatu zuten eta 2004an ELAren Batzorde Eragilean sartu zen, negoziaketa kolektiboaren arduradun gisa. Gerora idazkari nagusiaren ondoko izendatu izan zen, eta 2008ko azaroaren 27tik, ELAren XII. Kongresutik alegia, ELA sindikatuko idazkari nagusia da, %91,22ko babesarekin Jose Elorrietaren lekukoa hartuz.
ELAren araudiaren arabera 60 urtetik gora ezin da barne-kargurik eduki, beraz Adolfo Muñozek idazkari nagusi kargua utziko zuela eman zuen aditzera. 2019ko apirilaren 5ean Donostiako Kursaalean egindako ez-ohiko batzarrean utzi zuen postua, eta Mitxel Lakuntzak hartu zuen bere lekua, Nazio Batzordeak proposatua izan eta afiliatuek onartu ondoren.
Idazlanak
[aldatu | aldatu iturburu kodea]Erreferentziak
[aldatu | aldatu iturburu kodea]- ↑ Berria.eus. ««Ezker abertzaleko lider batzuek xerpa gisa ikusten dituzte sindikatuak»» Berria (Noiz kontsultatua: 2019-03-29).
- ↑ (Gaztelaniaz) Muñoz, Adolfo. (2019). «Un agur rebelde» ALDA (ELA).
- ↑ «Adolfo Muñoz ‘Txiki’: “Lan munduan, gizartean bezala, euskararen normalizazioa eman dadin, erabilpena da bidea” - Araba» Alea.eus (Noiz kontsultatua: 2023-10-13).