Adolfo Morais

Adolfo Morais
	; (2016)
Bizitza
Jaiotza	Gasteiz, 1965 (58/59 urte)
Herrialdea	Araba, Euskal Herria
Hezkuntza
Heziketa	Euskal Herriko Unibertsitatea ; Canterbury Christ Church University (en) ; Microsoft (mul)
Hizkuntzak	euskara; ingelesa; gaztelania
Jarduerak
Jarduerak	matematikaria, unibertsitateko irakaslea eta politikaria
Enplegatzailea(k)	Euskal Herriko Unibertsitatea (1989 - ; Euskalmet (2005 - 2009); Eusko Jaurlaritza (2016 -

Adolfo Morais Ezkerro (Gasteiz, Araba, 1965) euskal herritar matematikaria da. 2016az geroztik Unibertsitate eta Ikerketako sailburuordea da Eusko Jaurlaritzako Hezkuntza Sailean. Euskalmet Euskal Meteorologia Agentziako zuzendaria izan zen, 2005-2009 urteetan. 2013tik 2015era Euskal Herriko Unibertsitateko Donostiako Eskola Politeknikoko zuzendaria izan zen, 1989tik hango irakaslea ere izan zen.^[1]

Heziketa

Euskal Herriko Unibertsitateak Leioan duen Zientzia eta Teknologia Fakultatean ikasi zuen eta 1988an Zientzietako Lizentziatura lortu zuen Matematika Atalean. Hezkuntza alorreko graduondoko bat egin zuen 1998an Canterbury Christ Church Unibertsitatean, eta Makroinformatikako master bat 1992an Microsoft-en.

2010ean doktore-titulua lortu zuen EHUko Enpresen Antolaketa sailean izenburu honekin zuen tesiarekin: "Gestión de la calidad en las organizaciones universitarias: análisis de la adecuación de las normas iso 9000 para su utilización en el ámbito universitario" (Kalitatearen kudeaketa unibertsitate-erakundeetan: ISO 9000 arauak unibertsitate-esparruan erabiltzeko egokiak ote diren aztertzea).^[2]

Ibilbide profesionala

Matematikako ikasketak bukatuta hasieran irakaslea izan zen Olabide ikastolan. baina urte bat geroago irakasle gisa hasi zen Euskal Herriko Unibertsitatean. Harrezkero hainbat ardura akademiko hartu ditu: akademia-Idazkaria eta Nazioarteko Haremanetako Koordinatzailea Donostiako Eskola Politeknikoan (1994-1997), Kanpo-Harremanetako Zuzendariordea eskola berean (1998-2001), Nazioarteko Harremanetarako Zuzendaria EHUn (2001-2004), EHUko Errektorearen Ordezkaria Europako Konbergentziarentzat (2003-2004), Kooperazio eta Nazioarteko Mugikortasuna Zuzendari Nagusia EHUn (2004-2005), Donostiako Eskola Politeknikoko Zuzendaria (2013-2015).

Irakatsi dituen gaien artean euskarazko hiru hauek daude: Ingeniaritzaren metodo estatistikoak, Ingeniaritzarako osagarri matematikoak, eta Zero puntuaren matematika.^[3]

Bestalde, 2005etik 2009ra bitarte Eusko Jaurlaritzako Metereologia eta Klimatologia zerbitzuko Zuzendari Nagusia izan zen. eta 2016ko ekainaren 13tik Unibertsitate eta Ikerketako sailburuordea da Eusko Jaurlaritzako Hezkuntza Sailean.

Erreferentziak

↑ «Irekia Eusko Jaurlaritza - Gobierno Vasco :: Adolfo Morais Ezquerro - Berriak» www.irekia.euskadi.eus (Noiz kontsultatua: 2021-11-24).
↑ (Gaztelaniaz) Morais, Adolfo. (2010). «Teseo» www.educacion.gob.es (Teseo- Ministerio de Educación.) (Noiz kontsultatua: 2021-11-24).
↑ «Adolfo Morais Ezkerro :: Inguma - Euskal komunitate zientifikoaren datu-basea» www.inguma.eus (Noiz kontsultatua: 2021-11-24).

Datuak: Q12252803

[1] «Irekia Eusko Jaurlaritza - Gobierno Vasco :: Adolfo Morais Ezquerro - Berriak» www.irekia.euskadi.eus (Noiz kontsultatua: 2021-11-24).

[2] (Gaztelaniaz) Morais, Adolfo. (2010). «Teseo» www.educacion.gob.es (Teseo- Ministerio de Educación.) (Noiz kontsultatua: 2021-11-24).

[3] «Adolfo Morais Ezkerro :: Inguma - Euskal komunitate zientifikoaren datu-basea» www.inguma.eus (Noiz kontsultatua: 2021-11-24).

[1]

[2]

[3]