Bulgariako Erresuma

Bulgariako Erresuma Царство България Tsarstvo Bŭlgariya
1908 – 1946
Monarkia konstituzionala
Ereserkia [[Fitxategi:Xumi Maritsa Шуми Марица|280px]] Goiburua Jaungoikoa gurekin dago Бог е с нас
Bulgariako Erresuma 1942an
Geografia
Hiriburua	Sofia
Biztanleria	4.215.000 (1908) 7.029.349 (1946)
Azalera	95.223 km² (1908) 110.994 km² (1946) km²
Ekonomia
Dirua	Bulgariar lev
Kultura
Hizkuntza(k)	Bulgariera
Erlijioa	Bulgariako Eliza Ortodoxoa
Historia
← Aurrekoa Bulgariako Printzerria Ondorengoak → Bulgariako Herri Errepublika Mazedoniako Errepublika Sozialista Jugoslaviako Errepublika Federal Sozialista

Bulgariako Erresuma (bulgarieraz: Царство България, Tsarstvo Bǎlgariya), Bulgariako Inperioa eta Bulgariako Hirugarren Inperioa ere deitua, monarkia konstituzionala izan zen, 1908an sortutakoa, Bulgariako Printzerria erresuma bilakatu zenean. Independentzia aldarrikapenarekin batera, Fernando I.a tsar koroatu zuten, Balkanetan bulgariar gehiengoa zuten eskualde guztiak batzeko asmoa zuelako (orduan, 1878ko Berlingo Itunean adostutakoaren arabera, Otomandar Inperioaren barnean zeuden).

Iraun zuen urteetan, Bulgariako Erresuma gerran egon zen ia etengabe, eta Balkanetako Prusia ezizena eman zitzaion; milioi bat laguneko armada eratu zuen, bost milioi biztanle besterik ez bazuen ere, eta Balkanetako Lehen Gerran, Bigarrenean eta Lehen Mundu Gerran parte hartu zuen ondoz ondo. Lehen Mundu Gerraren ostean, Aliatuek desegin zuten Bulgariako Armada, eta bulgariar eskualdeen batasuna lortzeko asmoa bertan behera geratu zen. Bigarren Mundu Gerran, beste saiakera bat egin zuten eta berriro galtzaileen ondoan jarri ziren. 1946an, monarkia deuseztatu, Simeon II.a tsarra erbesteratu, eta Bulgariako Herri Errepublika aldarrikatu zen.

Tsarren zerrenda

• 1908–1918: Fernando I.a
• 1918–1943: Boris III.a
• 1943–1946: Simeon II.a

Kanpo estekak

• Datuak: Q147909
• Multimedia: Third Bulgarian Tsardom / Q147909