Gerold Späth

Gerold Späth
Bizitza
Jaiotza	Rapperswil (en) , 1939ko urriaren 16a (85 urte)
Herrialdea	Suitza
Hezkuntza
Hizkuntzak	alemana
Jarduerak
Jarduerak	idazlea, poeta, gidoilaria eta eleberrigilea
Jasotako sariak	ikusi Alfred-Döblin-Preis  (1979) Gottfried-Keller-Preis  (2010) Conrad Ferdinand Meyer Prize  (1970) Georg Mackensen Literary Prize  (1984)
Kidetza	Bavariako Arte Ederren Akademka

Gerold Späth (Rapperswill, Suitza, 1939ko urriaren 16a) suitzar idazlea da.

Biografia

Merkataritza-ikasketak egin zituen, eta zenbait urtetan familiaren negozio batean aritu zen lanean, idazle gisa hasi baino lehen.

Bere lehen eleberrietan batasun handia sumatzen da formari eta gaiari dagokionez: Unschlecht (1970, Txarra ez); Stimmgänge (1972, Bide adostuak). Eleberri pikareskoaren tradizioan, Späthek itxurazko mikrokosmos bat aurkeztu zuen hiri burges baten irudikapenaren eredu gisa. Eleberriotako elementu nagusiak maitasuna, desira eta bizioa dira. Gizartearen kritika Späthen produkzio osoan zehar agertuko da; bere obraren ardatz nagusia da. Familia burges baten bizitza itxuraz ordenatu eta zuzenaren deskribapenarekin, Späthek alde batera utzi zuen pikareskaren eredua Die heile Hölle (1974, Infernu sakratua) obrarekin, eta forma laburrago baten bila abiatu zen. Bilaketa Commedia obran (1980) gauzatu zuen: gizakiaren heterogeneotasunaren 203 erretratu labur. Lehenengo obretako hizkuntza barrokoa arinduz joan zen; forma ere bai, baina ez zuen haatik indarrik galdu bere deskribapen bizietan.

Beste zenbait lan aipagarri: Barbarswila (1988); Früher am See (1991, Itsasoan goizago); Stilles Gelände am See (1991, Itsasoko lur isilak) eta Das Spiel des Sommers neunundneunzig (1993, 99 urteko udako jolasa).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q123491