Gregorio Olabarria Bengoa

Gregorio Olabarria Bengoa
Bizitza
Jaiotza	Durango, 1958
Herrialdea	Bizkaia, Euskal Herria
Heriotza	Ispaster, 1980ko otsailaren 1a (21/22 urte)
Hezkuntza
Hizkuntzak	gaztelania
Jarduerak
Izengoitia(k)	Goio

Gregorio Olabarria Bengoa, (Durango, Bizkaia, 1958 – Ispaster, Bizkaia, 1980ko otsailaren 1a) ETA erakunde armatuko kidea izan zen. Espainiako Guardia Zibilaren konboi bati eraso egin ondoren, esku-bonba baten leherketaren ondorioz hil zen, Xabier Gorritxategi Agote "Xabiertxo" komando kidearekin batera.

Gaztaroa Durangon

Zazpi seme-alabetako langile familia bateko semea, Maristak fraideen eskolan egin zituen ikasketak eta 15 urte zituela hasi zen Seat tailer batean lanean.

Errepresioa etxean

Estatuaren errepresioa etxean ezagutu zuen, polizia anai-arrebetako baten bila joaten zenean. Anaietako bat Burgosko auzia baino lehen atxilotu eta lau urte egin zituen espetxean. Beste anaia erbestean zuen, eta gainerakoak ere atxilotuak izan ziren. Hilabete gutxiren buruan Goardia Zibila sei aldiz joan zitzaien etxera. Hartara, gaztetik hasi zen askapen mugimenduan eta 1975eko ekainaren 11n atxilotu zuten lehen aldiz. Sei egun egin zituen Durangoko kuartelean eta egun bat Basauriko espetxean. Handik gutxira berriro atxilotu zuten, Tupa eta Otaegiren aurkako epaiketen aurkako mobilizazioetan. 1976an berriro atxilotuko zuten berriro ere, kale protesta batean parte hartzeagatik.

ETAko kidea

ETAko kide zela Iparraldera ihes egin behar izan zuen eta, bertan, ETAko militantzia jarraitu zuen.

Ispasterren hil ondoren Espainiako poliziak atera zuen oharrean hainbat ekintzetan parte hartzea leporatu zioten: 1978ko azaroaren 20an, Basauriko Polizia Nazionalaren kuartelaren aurkako tiroketan, polizia batzuk hil eta beste batzuk zauritu zituztela; Bizkaiko Labe Garaietan ETAk egindako 86 milioiko lapurretan eta Getxoko komisarioaren hilketan.

Heriotza Ispasteren

Sakontzeko, irakurri: «1980ko Ispasterko atentatua»

1980ko otsailaren 1ean ETAko komando batek Guardia Zibilaren konboi bat eraso eta sei guardia zibil hil zituzten ^[1].

Markinako Esperanza y Cia enpresako morteroak eta granadak zeramatzaten Lagako hondartzan tiro probak egitera, Ispastereko irteeran, Bedarona auzoan, pinu inguru batean, Guardia Zibilaren lehen Land Roverra bihurgunea pasa eta bonba bat lehertu zen bere kontra. Konboia gelditu zenean komandoko kideek tiroa egin zuten alboetatik eta Land Roverretara hurbildu eta esku-bonbak bota zituzten^[2].

Komandoa erretiratzean, konboian zeramatzaten morteroak eta gainerako armamentua jasotzen ari zirela, esku-bonba bat lehertu zitzaion Gregorio Olabarriari: Goio berehala hil zen^[3] eta Xabier Gorritxategi komando kideak zauri larriak jaso eta hurrengo egunean hilko zen. Taldeko gainerako kideek ekintza bertan behera utzita, zaurituak jaso zituzten: Goio hasiera batean bertako baserri batera eraman eta medikua eskatu zuten. Zain zeudela iritzia aldatu eta Natxituara jo zuten. Natxituako plazan Sinca 1000 auto baten barruan utzi zuten, taldeko kideak taberna batera sartu eta jabeari medikuari deitzeko eskatuta alde egin zuten Xabier Gorritxategi beste zauritua etxe seguru batera eramateko.

Batallon Vasco Español

Sakontzeko, irakurri: «Kontrainsurjentzia Euskal Herrian»

Ispastereko ekintzaren ostean Batallon Vasco Español delakoak bi euskal herritar hil zituen ^[4]:

Ondarroan "inkontrolatuek" Jesus Maria Zubikarai Badiola bahitu, hil eta Aginagan (Eibar) mendian utzi zuten bide bazterrean^[5].

Madrilen ere, Yolanda Gonzalez Martin hil zuten egun horretan ^[6].

Istiluak hileta-elizkizunetan

Jende asko mobilizatu zen Durangon Goio Olabarrietaren omenaldietan. Hileta-elizkizunetara 2.000 lagun inguru bertaratu ziren. Eztabaidak sortu ziren abadeak emandako sermoiarekin familiarrak eta jendea ados ez zirelako eta azkenean elizkizuna bertan behera utzi behar izan zuten.^[7]

Bibliografia

Euskadi eta Askatasuna.Txalaparta. Tafalla, 1984. ISBN 84-86597-87-0
Voluntarios. Semillas de libertad. Ricardo Zabalza Txalaparta. Tafalla, 1984. ISBN 84-8136-165-8

Erreferentziak

↑ Seis guardias civiles y un miembro del comando, muertos en el atentado de Ispaster Egin 1980.02.02
↑ Siete muertos en un atentado cerca de Ispaster Egin 1980.02.02
↑ Gregorio Olabarria, antentatuan hil zena Egin 1980.02.02
↑ Dos jóvenes vascos muertos por la ultraderecha Egin 1980.02.03
↑ Un joven de Ondarroa con nueve disparos Egin 1980.02.03
↑ Una joven vasca con un tiro en la sien Egin 1980.02.03
↑ Durango despidió el domingo a Goio Olabarria Egin 1980.02.05

Kanpo estekak

Gregorio Olabarria Bengoa, Voluntarios.Semillas de libertad. Ricardo Zabalza. Txalaparta, 1984.
Gregorio Olabarria Bengoa^{[Betiko hautsitako esteka]} Euskal Memoria

Datuak: Q16517443

[1] Seis guardias civiles y un miembro del comando, muertos en el atentado de Ispaster Egin 1980.02.02

[2] Siete muertos en un atentado cerca de Ispaster Egin 1980.02.02

[3] Gregorio Olabarria, antentatuan hil zena Egin 1980.02.02

[4] Dos jóvenes vascos muertos por la ultraderecha Egin 1980.02.03

[5] Un joven de Ondarroa con nueve disparos Egin 1980.02.03

[6] Una joven vasca con un tiro en la sien Egin 1980.02.03

[7] Durango despidió el domingo a Goio Olabarria Egin 1980.02.05

[1]

[2]

[3]

[4]

[5]

[6]

[7]