Francisco Astitz

Francisco Astitz
Bizitza
Jaiotza	Goldaratz, 1908ko azaroaren 22a
Herrialdea	Nafarroa Garaia, Euskal Herria
Heriotza	Tafalla, 1986 (77/78 urte)
Familia
Aita	Andres Astitz Oderitz
Hezkuntza
Hizkuntzak	euskara; gaztelania
Jarduerak
Jarduerak	idazlea eta apaiz katolikoa
Zerbitzu militarra
Parte hartutako gatazkak	Espainiako Gerra Zibila
Sinesmenak eta ideologia
Erlijioa	Erromatar Eliza Katolikoa
Erlijio-ordena	Pasiotar

Francisco Astitz Arregi (Goldaratz, 1908ko azaroaren 22a - Tafalla, 1986)^[1] nafar idazlea eta pasiotar apaiza izan zen. Andres Astitz bertsolariaren semea, Goldaraz´ko bertsolariaren kontu eta bertsoak (Iruñea, 1960) lana eman zuen argitara, aitaren bertso eta ipuinak euskaraz eta erdaraz plazaratuz. Euskarazko artikuluak idatzi zituen Príncipe de Viana aldizkarian.

Bizitza

Francisco Astitz Arregi Goldaratzen jaio zen 1908ko azaroaren 22an. Haren aita, Andres Astitz, Goldarazko bertsolari sonatua zen; bost seme-alabekin alargundu ostean Arruizko Josefa Arregirekin bigarrenez ezkondu eta beste hamalau seme-alaba izan zituen; haietariko bat izan zen Frantzisko.^[1]

Gazte-gazte zela, Gabiriako pasiotarren komentura joan zen 1919an, eta Arabako Angostoko, Coruñako Mellideko eta Bilboko komentuetatik igaro eta gero, Tafallako etxera arribatu zen, Biblia eta zuzenbide kanoniko irakasle. Bertan zendu zen 1986an.^[1]

Lanak

Idazle moduan, bai erdaraz, bai euskaraz, idatzi eta argitaratu zuen. Erdaraz Redención eta La Cruz aldizkarietan atera zituen kolaborazioez gainera, Los grandes interrogantes izenburuko liburua kaleratu zuen Zallan 1952an. Euskaraz, Príncipe de Viana aldizkariko "Ikasi-mikasi" saila funtsean gai erlijiosoak lantzeko erabili zuen. Bere aitaren bertsoak eta ipuinak biltzen zituen liburua ere apailatu zuen, Goldaraz´ko bertsolariaren kontu eta bertsoak, Vianako Printzea Erakundeak 1960an argitara eman zuena.^[1]

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ ^a ^b ^c ^d Bidador, Joxemiel. Irigarai eta Astitzen arteko tira-biraz. Euskaldunon Egunkaria, 2000-4-14, zubitegia.armiarma.eus (Noiz kontsultatua: 2024-11-5).

Kanpo estekak

Datuak: Q12257943

[bid-1] Bidador, Joxemiel. Irigarai eta Astitzen arteko tira-biraz. Euskaldunon Egunkaria, 2000-4-14, zubitegia.armiarma.eus (Noiz kontsultatua: 2024-11-5).

[1]