Irati Osa
| Irati Osa | |
|---|---|
| Bizitza | |
| Jaiotza | Zumaia, 1997ko urriaren 26a (27 urte) |
| Herrialdea | |
| Hezkuntza | |
| Hizkuntzak | gaztelania |
| Jarduerak | |
| Jarduerak | piraguista |
Irati Osa Irureta (Zumaia, 1997ko urriaren 26a) gipuzkoar piraguista da, Piraguismo maratoian lehiatzen dena. Zumaiako Itxas Gain Elkartekoa da. Hainbat domina eskuratu ditu,Europako zein Munduko piragua-maratoietan.
Zilarrezko domina bat irabazi zuen 2019ko Europako Maratoi Txapelketan, brontzezko bi domina 2019ko Munduko Piraguismo Txapelketan Maratoian eta brontzezko domina bat Europako Piraguismo Txapelketan Maratoian, 2022an. 2024ean, zilarrezko eta brontzezko domina lortu zituen, maratoiko Munduko Kopan. Urte horretan bertan, Europako Maratoi txapeldun izendatu zen, K2 modalitatean, Arantza Toledo kide cuencarrarekin.
Sellako Nazioarteko Jaitsiera ere bi aldiz irabazi du, K1 modalitatean 2023an eta K2 modalitatean 2024an.
Bizitza
[aldatu | aldatu iturburu kodea]Irati Osa zumaiarra txikitan hasi zen piraguan, lau bat urte zituela.[1] Gurasoak ere piraguistak izan dira. 11 urterekin herrriko klubean hasi zen, eta berehala lehiatzen ere bai. Herrizen arteko liga baten itxurakoa osatu zuen eta txapelduna izan zen, gero Irunen ere irabazi zuen. Euskadi mailan zein nazioarteko mailako txapelketetan parte hartzen hasi zen.[1]
Ibilbidea
[aldatu | aldatu iturburu kodea]Zilarrezko domina bat irabazi zuen 2019ko Europako Maratoi Txapelketan, Brontzezko bi domin 2019ko Munduko Piraguismo Txapelketan eta brontzezko beste domina bat 2022ko Europako Piraguismo Txapelketan.
2023an Munduko txapelketan Kroazian parte hartu zuen senior mailako K1 modalitatean eta 6. postua lortu zuen.[2]
2024an, Arantza Toledo kide cuencarrarekin batera, Europako Txapelketan txapelduna izan zen piraguismo-maratoian Poloniako Poznan herrian.[3][4] Garaipen horrekin, bikoteak irailean Kroazian Munduko Txapelketarako jokatzeko txartela ziurtatu zuen, non seigarren postua lortu zuen.[5] Lehen bosten artean amaitzea helburu zuten, Munduko Txapelketan maila oso altua zelako. Arantza Toledo fisikoki ez zen ehuneko ehunera iritsi, selektiboan saihets bat hautsi zuelako eta minez arraun egin behar izan zuelako.[5] Maratoi horren ostean, 2024ko Asturiasko Sella ibaiaren 86. edizioko jaitsieran txapelduna izan zen Arantza Toledo bikotearekin.[6]2023an ere Sellako Nazioarteko Jaitsiera irabazi zuen, baino K1 modalitatean.
- 2019an, Europako Maratoi Txapelketan, Frantziako Decizen egina, Sub23 kategorian, K1 mailan, Zilarrezko Domina eskuratu zuen.[7]
- 2019an, Mundu mailako txapelketan, Txinako Shaoxing hirian antolatua, K1 Sub23 proban brontzezko domina eta K2 proban, bestetik, Brontzezko Domina eskuratu zituen.[8]
- 2022an, Europako Piraguismo Txapelketan, Danimarkako Silkeborgen, brontzezko domina bat eskuratu zuen K2an.
- 2024an, Munduko Kopan, Alemaniako Brandenburgoko hirian, zilarrezko domina eskuratu zuen K1 relebo modalitatean eta brontzezko domina K1 seniorretan.
- 2024an, Europako txapeldun Arantza Toledorekin batera, K2 Maratoian,Polonian, Urrezko domina [9][10]
- 2023 eta 2024ko Asturiasko Sella ibaiaren jaitsierako txapelduna, K1 eta K2 modalitatean Arantza Toledorekin.[6]
Nazioarteko palmaresa
[aldatu | aldatu iturburu kodea]| Munduko Txapelketa | ||||
|---|---|---|---|---|
| Urtea | Lekua | Domina | Lehiaketa | |
| 2019 | Shaoxing | K1 | ||
| 2019 | Shaoxing | K2 | ||
| Europako Txapelketa | ||||
| Urtea | Lekua | Domina | Lehiaketa | |
| 2019 | Decize | K1 | ||
| 2022 | SIlkeborg (Danimarka) | K2 | ||
| 2024 |
|
K2 | ||
| Munduko Kopa | ||||
| 2024 | Brandenburgo (Alemania) | K1 | ||
| 2024 | Brandenburgo (Alemania) | K1 | ||
Erreferentziak
[aldatu | aldatu iturburu kodea]- ↑ a b «Lau urte zituela hasi zen piraguan Irati Osa zumaiarra» EITB 2022-11-08 (Noiz kontsultatua: 2024-11-05).
- ↑ «Irati Osak seigarren egin du Europako Txapelketan - Zumaia» Zumaiaguka.eus (Noiz kontsultatua: 2024-11-05).
- ↑ (Gaztelaniaz) Sarasua, Adur. (2024-07-29). «La piragüista Irati Osa, campeona de Europa en K2 Maratón» Noticias de Gipuzkoa (Noiz kontsultatua: 2024-11-05).
- ↑ (Gaztelaniaz) La alumna de medicina Arantza Toledo, oro en el Campeonato Europeo de Piragüismo | UCLMtv. 2024-11-04 (Noiz kontsultatua: 2024-11-05).
- ↑ a b (Gaztelaniaz) García, Luisja. (2024-09-27). «Arantza Toledo: “Me han hecho mucho daño, pero también más fuerte”» Cadena SER (Noiz kontsultatua: 2024-11-05).
- ↑ a b (Gaztelaniaz) Irati Osa y Arantza Toledo también ganan en el Sella después de conquistar el Europeo de Maratón | Cope Ribadesella. 2024-08-03 (Noiz kontsultatua: 2024-11-05).
- ↑ (Gaztelaniaz) «Zumaia recibe a la piragüista Irati Osa» El Diario Vasco 2019-07-29 (Noiz kontsultatua: 2022-10-26).
- ↑ «Start List / Results» shaoxing2019.spotfokus.com (Noiz kontsultatua: 2022-10-26).
- ↑ (Gaztelaniaz) Sarasua, Adur. (2024-07-29). «La piragüista Irati Osa, campeona de Europa en K2 Maratón» Noticias de Gipuzkoa (Noiz kontsultatua: 2024-11-05).
- ↑ (Gaztelaniaz) La alumna de medicina Arantza Toledo, oro en el Campeonato Europeo de Piragüismo | UCLMtv. 2024-11-04 (Noiz kontsultatua: 2024-11-05).
Kanpo estekak
[aldatu | aldatu iturburu kodea]- (Gaztelaniaz):Irati Osari eginiko elkarrizketa Youtuben.
| Autoritate kontrola |
|
|---|
Datuak: Q71691227