Ivan Arnold
| Ivan Arnold | |
|---|---|
| Bizitza | |
| Jaiotza | Mosku, 1805eko irailaren 25a (juliotar egutegia) |
| Herrialdea | |
| Heriotza | San Petersburgo, 1891ko apirilaren 24a (juliotar egutegia) (85 urte) |
| Hobiratze lekua | Smolenskoye Orthodox Cemetery (en) |
| Hezkuntza | |
| Hizkuntzak | errusiera |
| Jarduerak | |
| Jarduerak | margolaria |
| Jasotako sariak | |
Johann Eduard von Arnold[1], Ivan Karlovitx Arnold[2] izenez ezagunagoa, (errusieraz: Иван Карлович Арнольд; Mosku, 1805eko urriaren 7agreg./irailaren 25ajul. – San Petersburgo, 1891ko maiatzaren 8a /apirilaren 26ajul.) alemaniar jatorriko errusiar margolari eta irakaslea izan zen. Moskuko gorren lehen ikastetxea sortu zuen 1860an[3].
Bizitza
[aldatu | aldatu iturburu kodea]Karl-Johann von Arnolden semea, Moskun jaio zen 1805ean. Haurtzaroan entzumena galdu zuen konkusio baten ondorioz[4].
1811tik 1813ra San Petersburgoko Gorren Ikastetxean ikasi zuen. 1816an Alemaniara joan zen; 1819ra arte Berlingo Arte Akademian eta Gorren Eskolan ikasi zuen, gero, 1819tik 1822ra Dresden ondoko barnetegi batean, eta 1822-1824 urteetan Dresdengo Arte Akademian, non zilarrezko domina batekin graduatu zen. Geroago gorren hezkuntza ikasi zuen bi urtez[4].
1825ean San Petersburgora itzuli zen. Topografo gisa lan egin zuen Estatuko Jabetza Departamentuan. 1840ko hamarkadan mutil gor baten tutore izan zen. 1852an familia pobreetako bost mutilentzako doako barnetegi pribatu bat sortu zuen[4].
1860an Moskura joan zen, eta bertan gorren lehen ikastetxea sortu zuen[5]. 1866ra arte zuzendaria izan zen[3], eta gero irakasle lanetan zentratu zen[4].
1879tik 1882ra, San Petersburgoko gorrentzako umezurztegi batean irakatsi zuen. 1882an erretiroa hartu zuen eta Sestroretskera joan zen bizitzera. Gero San Petersburgon bizi izan zen[4], eta han hil zen 1891n. Smolenskoie hilerri ortodoxoan lurperatu zuten[6].
Erreferentziak
[aldatu | aldatu iturburu kodea]- ↑ (Alemanez) «Arnold Johann Eduard Ivan Karlovič» Erik-Amburger-Datenbank (Noiz kontsultatua: 2024-10-10).
- ↑ 156. Alfabeto zirilikoz idatzitako izenak euskarara aldatzeko transkripzio-sistema. Gasteiz: Euskaltzaindia (argitaratze data: 2009-02-27) (Noiz kontsultatua: 2024-10-10).
- ↑ a b (Ingelesez) Komarova, Anna; Palenny, Victor. «Ivan Karlovich Arnold» Encyclopaedia Britannica (Noiz kontsultatua: 2024-10-10).
- ↑ a b c d e (Errusieraz) Половцов, А. А. (1900). «Арнольд, Иван (Эдуард) Карлович» Русский биографический словарь (Санкт-Петербург, Москва) 2 (Noiz kontsultatua: 2024-10-10).
- ↑ (Errusieraz) «Арнольд Иван» Большая российская энциклопедия (Noiz kontsultatua: 2024-10-10).
- ↑ (Errusieraz) Петербургский некрополь. 1, 94 or. (Noiz kontsultatua: 2024-10-10).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q19907149
Multimedia: Ivan Arnold / Q19907149