Joseba Torre

Joseba Torre
Bizitza
Jaiotza	Bilbo, 1968 (56/57 urte)
Herrialdea	Bizkaia, Euskal Herria
Hezkuntza
Hizkuntzak	gaztelania
Jarduerak
Jarduerak	musikagilea

Joseba Torre Alonso (Bilbo, Bizkaia, 1968 -) bizkaitar musikagilea da.

Biografia

Bilboko J.C. de Arriaga Kontserbatorioan eta J. de Antxieta Musika Ikasketa Zentroan egin zituen lehen Musika ikasketak. Parisko Musika Kontserbatorio Nazionalean Konposizio eta Orkestra Zuzendaritza ikasketak egin zituen. Musikologian lizentziatu zen Paris VIII Unibertsitatean, eta hainbat ikastaro egin ditu musika, informatika eta elektronikaren inguruan.

Arlo horretan egin zituen lehen lanak, Espainian, Frantzian eta Ingalaterran. Gaurko Musikaren Nazioarteko Elkarteak eta Unescoren Konpositoreen tribunak behin baino gehiagotan aukeratu dute Espainia ordezkatzeko.

Pablo Sorozabal Nazioarteko Lehiaketa irabazi zuen 1992an, eta besteak beste, Radio Nacional de Españak eskaintzen duen Ojo Crítico eta Eusko Jaurlaritzaren Musikaste sariak jaso ditu.

Hainbat lehiaketatan epaimahaikide izan da, eta Euskal Herriko Musikagileen Elkarteko lehendakaria da gaur egun.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q12260766