Luis Gasca
| Luis Gasca | |
|---|---|
| Bizitza | |
| Jaiotza | Donostia, 1933ko irailaren 17a |
| Herrialdea | |
| Heriotza | 2021eko uztailaren 6a (87 urte) |
| Hezkuntza | |
| Hizkuntzak | gaztelania |
| Jarduerak | |
| Jarduerak | komiki-kritikaria |
Luis María Francisco Gasca Burges (Donostia, 1933ko irailaren 17a - ibidem 2021eko uztailaren 6a)[1] donostiar argitaratzaile eta komiki eta zinema kritikaria izan zen. 1970etik aurrera Donostiako Zinemaldiaren kolaboratzaile eta gero zuzendaria izan zen.
Biografia
[aldatu | aldatu iturburu kodea]Zaragozako Unibertsitatean zuzenbide ikasi ondoren, abokatu moduan lan egin zuen.[2] Editore gisa aritu zen, sortzaile eta kudeatzaile, Buru Lan eta Pala argitaletxeetan. Gero, komikian hasi zen lanean. 1966an Tebeo y cultura de masas liburua argitartuz edo Bang! edo Drácula bezalako aldizkarian parte hartuz. 1983an El erotismo en el cine entziklopedia editatu zuen. Román Gubernekin batera, El discurso del cómic (1988) eta Diccionario de onomatopeyas del cómic (2008) monografiak argitaratu zituen.[3] 1970ko hamarkadan, hasi zen Donostiako Zinemaldian parte hartzen, epaile gisa, idazkaritzan gero eta 1981 urtean zuzendari izendatu zuten.[4]
Luis Gasca Funtsa
[aldatu | aldatu iturburu kodea]Gipuzkoako Foru Aldundiak 2004 urtean bere funtsa dokumentala eta komiki bilduma erosketa prozesu bati hasiera eman zion eta hurrengo urteetan berak egindako material dohaintzarekin burutu zen eskurapena. Bildumaren berezitasuna eta balioa aurreiritzirik gabeko herri-kulturari egindako begiradari dagokio. Bere garain, horren inguruko zuen ikuspuntua erabat berritzailea izan zen eta kultura herrikoiarekin eta komikiarekin lotuta zegoen edozein material bisualki edo semantikoki bildu eta gaika antolatu zuen bere artxiboan, berak sortutako tesauro baten arabera. Sarritan joaten zen bertara bere lanak dokumentatzera edo kanpoko proiektuetan aktiboki parte hartzera, bizitzako azken urtera arte.[5] 2011 urtean Gipuzkoako Foru Aldundiak Komikiak-Gasca Bilduma aurkeztu zuen Koldo Mitxelena Kulturunearekin.[6]
Erreferentziak
[aldatu | aldatu iturburu kodea]- ↑ (Gaztelaniaz) Moyano, Alberto.- Muere Luis Gasca, un erudito del cómic y el cine[1][kontsulta data 2021-07-06]
- ↑ Auñamendi Eusko Entziklopedia. Luis Gasca Burges. .
- ↑ (Gaztelaniaz) Cuadrado, Jesús. (2000). Atlas español de la cultura popular: De la historieta y su uso 1873-2000. Madril: Sinsentido/Fundación Germán Sánchez Ruipérez ISBN 84-89384-23-1..
- ↑ (Gaztelaniaz)Luis Gasca, director del Certamen Cinematográfico de San Sebastián, El País, [1981eko maiatzak 17][kontsulta data 2021-07-08]
- ↑ Luis Gasca in memoriam, Koldo Mitxelena kulturunean [Kontsulta data 2021-07-08]
- ↑ «Luis Gasca. Komikian aditua «Komikiak zakarrontzitik salbatzen pasatu dut bizitza»» Berria 2011-01-16.
Kanpo estekak
[aldatu | aldatu iturburu kodea]- (Gaztelaniaz) Luis Gascari buruzko sarrera Tebeosferan
| Autoritate kontrola |
|
|---|
Datuak: Q5983539
| Artikulu hau Gipuzkoako biografia baten zirriborroa da. Wikipedia lagun dezakezu edukia osatuz. |