María José Sanz Sánchez
| María José Sanz Sánchez | |
|---|---|
| Bizitza | |
| Jaiotza | Valentzia, 1963 (60/61 urte) |
| Herrialdea | |
| Hezkuntza | |
| Heziketa | Valentziako Unibertsitatea Arizona Estatuko Unibertsitatea |
| Hizkuntzak | gaztelania |
| Jarduerak | |
| Jarduerak | likenologoa, ikertzailea eta botanikaria |
| Enplegatzailea(k) | Reducing emissions from deforestation and forest degradation (en) Klima-aldaketari buruzko Gobernuarteko Aditu Taldea Nazio Batuen Konbentzio Esparrua Klima Aldaketaz (2007ko abuztua - 2011ko urria) Nazio Batuen Konbentzio Esparrua Klima Aldaketaz (2011ko azaroaren 1a - 2012ko apirilaren 30a) Basque Centre for Climate Change (en) |
María José Sanz Sánchez (Valentzia, 1963ko urtarrilaren 12a) valentziar biologoa eta ikertzailea da.[1] Atmosferaren kutsadurak landaredian duen eragina, ekofisiologia, atmosferaren dinamika eta kimika, nitrogenoaren eta karbonoaren zikloak, berotegi-efektuko gasak, eta klima-aldaketaren oinarri zientifikoak ikertzen ditu, baita horri lotutako politikak eta neurriak ere.[2][3][4] Sanzen iritziz,
Zientziak ez du emango konponbidea, baizik eta konponbidearen parte batzuk. Oso zaila da neurri teknikoak jartzea klima aldaketari aurre egiteko, ez badago aldaketa sakonagorik.[5]
Biografia
[aldatu | aldatu iturburu kodea]Biologian lizentziaduna da (Valentziako Unibertsitatea, 1985), eta 1991n doktoratu zen, Efectos de la impacto atmosferica sobre bioindicadores likenicos y fokofitos. Análisis de métodos para su cuantificación. Comarca dels ports (Castellon) tesiarekin. Gero, Ameriketako Estatu Batuetan jarraitu zituen ikasketak, Arizonako Unibertsitatean (1991-1992).[3][6][7][2]
Lan ibilbidea
[aldatu | aldatu iturburu kodea]1992 eta 2011 bitartean, lankidetza nabarmena izan zuen Mediterraneoko Ingurumen Gaietarako Ikastegiarekin (CEAM). Valentziako Generalitatearen fundazio publikoa da, eta Mediterraneoko ingurumena hobetzeko ikerketa, garapen eta berrikuntza teknologikoan dihardu. Atmosferaren kutsadurarekin eta klima-aldaketarekin lotutako ehun bat proiekturen garapenean parte hartu du.[3]
2001 eta 2006 bitartean, Klima Aldaketarako Gobernu arteko Paneleko (IPCC) Espainiako ordezkaritzako kide izan zen, eta, talde horretako kide gisa, Bakearen Nobel Saria jaso zuen 2007an.[3][2] Urte horretatik 2011ra arte, UNFCCCrekin (Klima Aldaketari buruzko Nazio Batuen Esparru Konbentzioa) lankidetzan aritu zen. Hitzarmen horren helburua da berotegi-efektua eragiten duten gasen atmosferako kontzentrazioak egonkortzea eta gai horren inguruko kontzientzia zibikoa indartzea. 2012. eta 2015. urteen artean, Fao Nazioen (REDD+) basoak soiltzearen eta degradatzearen ondoriozko emisioak murrizteko programaren koordinatzailea izan zen. 2016. urteaz geroztik, Klima Aldaketaren Euskal Zentroko (BC3) zuzendari zientifikoa da.[3][2] Sanzen hitzetan:
“Logika ekonomikoa, klima-aldaketagatik ez ezik, baliabide-arazoengatik ere aldatu egin behar da”.[8] "Klima-aldaketak ez du atzerabiderik, baina bai murriztu, murriz liteke".[9]
Sanz Sánchezek hirurehun eta berrogeita hamar zientzia-argitalpen inguru idatzi ditu.[3][2] Valentziako Unibertsitatean jardun du irakaskuntzan, eta, bere espezialitate zientifikoaren esparruan, beste erakunde batzuekin lankidetzan aritu da, hala nola Munduko Bankuarekin, Europako Batzordearekin, Estatu Batuetako Ingurumena Babesteko Agentziarekin eta Espainiako Zientzia eta Teknologia Ministerioarekin.[3] Jaime I Errege Sariaren epaimahaiko kide izan zen 2017 eta 2018an.[7]
Sariak eta aintzatespenak
[aldatu | aldatu iturburu kodea]- 2007an Bakearen Nobel Saria jaso zuen, Klima Aldaketarako Gobernu arteko Paneleko (IPCC) Espainiako ordezkaritzako talde horretako kide gisa.
- 2019an, Valentziako Generalitateak Meritu Zientifikoaren Saria eman zion, «bere ibilbide zientifiko eta ikertzaile zabalaren aitorpen gisa, eta klima-aldaketari eta atmosferaren kutsadurari buruzko ezagutzan, ulermenean eta haien aurkako borrokan egindako ekarpen gisa».[3]
Erreferentziak
[aldatu | aldatu iturburu kodea]- ↑ «María José | Científicas innovadoras» cientificasinnovadoras.fecyt.es (Noiz kontsultatua: 2023-05-14).
- ↑ a b c d e María José Sanz Sánchez. .
- ↑ a b c d e f g h «Presidencia de la Generalitat. Decreto 225/2019, de 7 de octubre, del Consell, de concesión de la Distinción de la Generalitat al Mérito Científico a María José Sanz Sánchez» Diario Oficial de la Generalidad Valenciana (8653): 43014. 19 de octubre de 2019 ISSN 0212-8195..
- ↑ «María José Sanz Sánchez | ¿Por qué tan pocas?» www.ucm.es (Noiz kontsultatua: 2023-05-14).
- ↑ Lozano, Maite Asensio. (2023-05-21). ««Zientziak ez du emango konponbidea, baizik eta konponbidearen parte batzuk»» Berria (Noiz kontsultatua: 2023-05-21).
- ↑ Sánchez, María José Sanz. (1991). Efectos de la contaminacion atmosferica sobre bioindicadores liquenicos y fokofitos. Analisis de metodos para su cuantificacion. Comarca dels ports (castellon). Universitat de València.
- ↑ a b María José Sanz Sánchez. .
- ↑ (Gaztelaniaz) Roca, Clara. (2018-11-03). «"La lógica económica tiene que cambiar, no solo por el cambio climático, también es un problema de recursos"» elDiario.es (Noiz kontsultatua: 2023-05-14).
- ↑ (Gaztelaniaz) «La nueva directora del BC3 reconoce que "el cambio climático no se puede revertir pero sí minimizar"» ELMUNDO 2016-01-22 (Noiz kontsultatua: 2023-05-14).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q21513417
Espezieak: Maria José Sanz