Sari Arponen

Sari Arponen
Bizitza
Jaiotza	Finlandia, XX. mendea
Herrialdea	Finlandia
Hezkuntza
Heziketa	Murtziako Unibertsitatea medikuntza ; Madrilgo Complutense Unibertsitatea doktoretza : Biomedikuntza
Jarduerak
Jarduerak	medikua

Sari Arponen, jaiotzaz Sari Marjaana Arponer (Ruokolahti, Finlandia, 1977) finlandiar medikua da, unibertsitateko irakaslea, ikertzailea eta mikrobiotan aditua den dibulgatzailea.

Biografia

Ruokolahtik jaio zen, Finlandiako hego-ekialdean, 1977an. 11 urte zituela, Espainiako Murtziako kostaldera joatea erabaki zuten gurasoek. Espainian Bigarren Hezkuntzako ikasketak amaitu ondoren, Medikuntza ikasi zuen Murtziako Unibertsitatean. Medikuntza ikasi zuen txikitatik biokimikak liluratzen baitzuen. Gehiago interesatzen zitzaion ikerketa, eta Biokimikako bigarren ziklora pasatzea pentsatzen zuen Medikuntzako 3. kurtsoaren ondoren, baina pazienteekiko harremanen ondorioz hirugarren kurtsoan iritzia aldatu zuen eta, azkenik, mediku egin zen, eta Barne Medikuntza aukeratu zuen bokazio orokorrarengatik.^[1]

Murtziako Unibertsitatean Medikuntza eta Kirurgian lizentziatu ondoren, Madrilera joan zen La Princesako Unibertsitate Ospitalean Barne Medikuntzako espezialitatea egitera. Eritasun infekziosoak (infektologia) aztertu eta tratatu zituen. Zientzia Biomedikoetan doktorea da Madrilgo Complutense Unibertsitatean. Haren doktore-tesia GIBak eta C hepatitisak eragindako koinfekzioa-ri buruzkoa izan zen.^[2]^[3]

Barne Medikuntzan espezializatu zen Madrilgo La Princesako Unibertsitate Ospitalean. Masterra du Gaixotasun Infekziosoetan eta beste bat GIBean, hiru urteko graduondoa Psikoneuroinmunologia Klinikoan Salamancako Unibertsitate Pontifizioan eta beste bat Nutrizio Genomikoan eta Zehaztasunean.^[4]^[5]

Ibilbide profesionala

Mediku gisa trebatu zenean, nutrizioan, mikrobiotan, medikuntza ebolutiboan eta psikoneuroinmunologia klinikoan interesatu zen.^[1]

2000. urtetik Espainiako osasun publikoan lan egin du. Madrilen bizi izan zen, Erkidegoko ospitale askotan lan eginez (La Princesa, Carlos III.a, Fuenlabrada, Gregorio Marañón, Santa Cristina, Vallecas, Torrejón de Ardoz, Virgen de la Torre…).^[2]^[3]

Dibulgatzaile

Unibertsitateko irakaslea ere bada, eta mikrobiota edo heste-floraren eta bizitza-estiloko medikuntzaren arloko prestakuntzan eta dibulgazioan aritzen da. Bi lankiderekin batera, Slow Medicine Revolution sortu zuen, osasunari eta bizimoduari buruzko dibulgazio-plataforma bat, izen bereko podcast batean oinarritua.^[4]

Lanak

¡Es la microbiota, idiota! (Alienta, 2021).
El sistema inmunitario por fin sale del armario (Alienta, 2022).

Bizitza pertsonala

Espainian bizi izan arren, Finlandiako nazionalitatea mantendu du. Finlandiarra, madrildarra eta valdemoreña sentitzen da aldi berean. 2010ean, Vallecasko ospitalean lanean ari zela, bere bikotekidearekin bizitza-proiektua partekatzeko leku baten bila, Valdemorora iritsi ziren, eta han bizi-kalitate ona aurkitu zuten Madrileko erdiguneko zurrunbiloaren aurrean.^[2]^[3]

Erreferentziak

↑ ^a ^b Admin. «Sari Arponen» Conversaciones con Hipócrates 2022.
↑ ^a ^b ^c Manuel, Jose. (2020-07-22). «Entrevista con la doctora Sari Arponen» La revista de Valdemoro.
↑ ^a ^b ^c ««Debemos de romper el tiempo que pasamos sentados cada 30 minutos»» El Diario Montañes 2022-07-07.
↑ ^a ^b «Sari Arponen: "Los ultraprocesados, el estrés crónico... Con nuestro estilo de vida saboteamos el sistema inmunitario"» Salud 2022-07-09.
↑ Otero, Selina. (2022-06-11). «Sari Arponen: “Nuestro actual estilo de vida es lo que nos enferma”» Faro de Vigo.

Kanpo estekak

Slow Medicine Revolution - Podcast
Entiende y protege el SISTEMA INMUNE // Psiconeuroinmunologia con la Dra Sari Arponen en Emotion Me
El sistema inmunitario por fin sale del armario - Más que Palabras, EITB 2022ko ekainaren 22a

Datuak: Q113464056

[:0-1] Admin. «Sari Arponen» Conversaciones con Hipócrates 2022.

[:2-2] Manuel, Jose. (2020-07-22). «Entrevista con la doctora Sari Arponen» La revista de Valdemoro.

[:3-3] ««Debemos de romper el tiempo que pasamos sentados cada 30 minutos»» El Diario Montañes 2022-07-07.

[:1-4] «Sari Arponen: "Los ultraprocesados, el estrés crónico... Con nuestro estilo de vida saboteamos el sistema inmunitario"» Salud 2022-07-09.

[5] Otero, Selina. (2022-06-11). «Sari Arponen: “Nuestro actual estilo de vida es lo que nos enferma”» Faro de Vigo.

[1]

[2]

[3]

[4]

[5]