Sirin
Sirin Errusiako kondairetako pertsonaia mitologikoa da. Kimera bat da: burua eta bularra emakume eder batena dira baina gorputza hegazti batena, askotan hontz batena. Kondairaren arabera Eufrates ibaiaren inguruan edo Edenetik gertu bizi dira.[1]
Ezaugarriak
[aldatu | aldatu iturburu kodea]Normalean erdi-emakumeak eta erdi-hegaztiak diren izaki hauek oinarriak Antzinako Greziako kulturan dute. Gero, folklorean, lamien eta sirenen edo uhandreen munduarekin lotu ziren. Uhandreek, sirenak bezala, abesti ederrak kantatzen zituzten baina hauenak santuei eskainita zeuden eta etorkizuneko poztasunak iragartzen zituzten. Izan ere, gizonentzat arriskutsuak ziren: abestiak entzuten zituztenek dena uzten zuten sirinei jarraitzeko eta, azkenean, hiltzeko. Izaki hauek beldur arazteko zarata handiak sortu behar dira: kanpaiak jo, kanoikadak bota edo edozein zarata ozena sortu. XVII. eta XVIII. mendeetan Sirinen irudia aldatzen joan zen: paradisutik gertu bizi zirenez munduaren harmoniaren sinboloak bihurtu ziren.[2]
Sirini entzun ahal izateko pertsonak oso zoriontsuak izan behar dira eta ikustea ere oso zaila da, oso azkarrak eta iheskorrak baitira; gizakion zorinoa horrelako da baita ere. Betiko poztasunaren, poztasuna zerutiarraren sinboloa dira.