Réunion

Réunion
La Réunion
Goiburua: Florebo quocumque ferar (en)
flag of Réunion (en)
[[Fitxategi:|200px]]
Geografia
Hiriburua	Saint-Denis 20°52′44″S 55°26′53″E
Azalera	2517
Punturik altuena	Piton des Neiges
Kontinentea	Afrika
Mugakideak	baliorik ez
Administrazioa
Presidentea	Nassimah Dindar (RPR)
Zeren kide	ikusi Indian Ocean Commission (en)
Demografia
Biztanleria	871.157
Dentsitatea	346,8 bizt/km²
Hizkuntza ofizialak	ikusi frantses Réunion Creole (en)
Erabilitako hizkuntzak	ikusi Réunion Creole (en) eta frantses
Ekonomia
Historia
Sorrera data: 1946ko martxoaren 21a
Bestelako informazioa
Aurrezenbakia	+262
ISO 3166-1 alpha-2	RE
ISO 3166-1 alpha-3	REU
Ordu eremua	ikusi UTC+04:00
Elektrizitatea	220 V. 50 Hz.Type E (en)
Internet domeinua	.re
regionreunion.com

Réunion (frantsesez: La Réunion, la ʁeynjɔ̃ ahoskatua; lehen Île Bourbon) Frantziako itsasoz haraindiko eskualdea eta departamendua (974) da era berean. 2.517 km²-ko uharte bat da Indiako ozeanoan kokatua, Madagaskar uhartetik 700 km ekialdera eta Maurizio uhartetik 200 km hego-mendebaldera, Maskareinak uhartediaren mendebaldean. Hiriburua Saint-Denis da. Beste hiri nagusiak dira Le Port, Saint-André, Saint-Benoît, Saint-Joseph, Saint-Leu, Saint-Louis, Saint-Paul, Sainte-Suzanne, Salazie eta Le Tampon. Estatu ez izan arren, departamenduak estatuentzako goi-mailako domeinu bat esleitua du: .re.

Historia

Portugaldarrak XVI. mendearen hasieran iritsi ziren arte, inor ere ez zen bizi uhartean. Frantsesak 1634. urtean heldu ziren, eta Afrikako esklaboak eraman zituzten kafe- eta gero azukre-kanabera soroetan lan egin zezaten. 1848. urtean esklabotza debekatu zenean, Indotxinatik, Indiatik eta Afrikako ekialdetik iritsi ziren langileak. Frantziako kolonia izan zen 1946. urtean itsasoz haraindiko departamendu bihurtu zuten arte, Frantziaren administraziopean betiere. Han finkatu zen 1973. urtean, bestalde, Frantziak Indiako ozeanoan zuen armadaren base nagusia.

Geografia

Uharte bolkanikoa da. Goi-lautada zabal batek hartzen du uhartearen erdialdea, eta han daude uharteko sumendi garaienak (Piton des Neiges, 3.068 m). Uhartearen hegoaldean eta ekialdean euri asko egiten du apiriletik urria arte (4.000-8.000 mm, batez beste) hego-ekialdetik jotzen duten haizeei esker. Mendebaldean eta iparraldean, berriz, 625 mm euri-ur biltzen da urtean batez beste. Klima tropikala da, beroa kostaldean eta idorragoa barnealdean. Landaretzari dagokionez, Réunion uhartearen hegoaldean eta ekialdean baso trinkoak dira nagusi, eta iparraldean eta mendebaldean sabana.

Udalerri nagusiak (barrutiak)

Réuniongo mapa

• Les Avirons
• Bras-Panon
• Cilaos
• Entre-Deux
• L'Étang-Salé
• La Plaine-des-Palmistes
• Petite-Île
• La Possession
• Le Port
• Saint-André
• Saint-Benoît
• Saint-Denis
• Saint-Joseph
• Saint-Leu
• Saint-Louis
• Sainte-Marie
• Saint-Paul
• Saint-Philippe
• Saint-Pierre
• Sainte-Suzanne
• Sainte-Rose
• Salazie
• Trois-Bassins
• Le Tampon

Demografia

Biztanleak europarrak, afrikarrak, indiarrak eta txinatarrak ziren lehen, eta, gaur egun, arraza horien nahasketatik sortuak dira biztanleak. Kreolera da uhartean zehar hedatuen dagoen hizkuntza, baina hizkuntza ofiziala frantsesa da. Biztanle gehienak katolikoak dira, eta biztanleen % 40tik gora 15 urte baino gazteagoak dira.

Urtea	Biztanleria		Urtea	Biztanleria		Urtea	Biztanleria
1671	90		1830	101.300		1961	349.282
1696	269		1848	110.300		1967	416.525
1704	734		1849	120.900		1974	476.675
1713	1.171		1860	200.000		1982	515.814
1717	2.000		1870	212.000		1990	597.823
1724	12.550		1887	163.881		1999	706.300
1764	25.000		1897	173.192		2006	781.962
1777	35.100		1926	182.637		2007	790.500
1789	61.300		1946	241.708		2008	802.001
1826	87.100		1954	274.370
INSEEren erroldetatik ateratako datu ofizialak; estimazioak, letra etzanean.

Ekonomia

Laborantza (azukre-kanabera, tabakoa, tea, banilla, loreak) da ekonomia-jarduera nagusia. Industria (garatu gabea) hiri nagusietan baizik ez da (azukre-findegiak, ron-destilategiak, tabakogintza). Inportatu behar izaten ditu, beraz, petrolioa, nekazaritzarako makineria, ibilgailuak eta, oro har, eskulanak.

Reuniondar ezagunak

• Michel Houellebecq

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

• Prefeturaren webgunea

• Datuak: Q17070
• Multimedia: Réunion / Q17070