Wilfred Thesiger

Wilfred Thesiger
(2014) Irudi gehiago
Bizitza
Jaiotza	Addis Abeba, 1910eko ekainaren 3a
Herrialdea	Erresuma Batua
Heriotza	Londres, 2003ko abuztuaren 24a (93 urte)
Familia
Aita	Wilfred Thesiger
Ama	Kathleen Vigors
Haurrideak	ikusi Dermot Vigors Thesiger (en) Roderic Miles Doughty Thesiger (en) Brian Peirson Doughty-Wylie (en)
Hezkuntza
Heziketa	Magdalen College Eton College St. Aubyns School (en)
Hizkuntzak	ingelesa
Jarduerak
Jarduerak	esploratzailea, diplomazialaria, idazlea, historialaria, militarra, argazkilaria, bidaiaria eta landare biltzailea
Jasotako sariak	ikusi Britainiar Inperioko Ordenaren zaldun komendadorea  (1968ko ekainaren 8a) Distinguished Service Order  (1941eko abenduaren 30a) Founder’s Medal  (1948) Burton Memorial Medal  (1966) Fellow of the British Academy Fellow of the Royal Geographical Society Fellow of the Royal Society of Literature Livingstone Medal  (1962) Heinemann Award  (1964)
Kidetza	Britainiar Akademia Errege Literatura Elkartea Royal Geographical Society Travellers Club (en)
Zerbitzu militarra
Adar militarra	Britainia Handiko Armada
Gradua	major (en)
Parte hartutako gatazkak	Bigarren Mundu Gerra

Wilfred Thesiger (Addis Abeba, Etiopia, 1910eko ekainaren 3a - Croydon, Londres, Erresuma Batua, 2003ko abuztuaren 24a) britainiar esploratzailea izan zen.

Biografia

Aita Addis Abebako britainiar legioaren arduraduna zuen, aitona Chelmsford jenerala, eta osaba Indiako erregeordea. Zortzi urte zituela, familiarekin Ingalaterrara joan zen. Eskolan ez zioten oso harrera ona egin, eta bera ere ez zen inoiz ongi moldatu.

Hogei urte zituela, Etiopiako enperadorearen koroatze-ekitaldira gonbidatu zuten, eta ekitaldiaren ondoren, bertan geratzea erabaki zuen. Hogeita hiru urterekin espedizioa antolatu zuen danakil herriaren lurraldera, Etiopiako ipar-ekialdeko alderik basatienera. Espedizioan Awash ibaia aurkitu zuen.

1935ean Sudango administrazio-zerbitzuko lanpostu bat onartu zuen, eta Darfurreko barrutian bizi izan zen. Artzainen eskariz, piztiek abelburuak hiltzen baitzizkieten, ehizan hasi zen, eta bost urtean 70 lehoi hil zituen. Han egon zen denboraldian, Libiako basamortura sartu zen zenbait aldiz, hainbeste miresten zuen nomada-bizitza ezagutzera.

Bigarren Mundu Gerran, Patriotsekin batera, Etiopiako gerrilla italiarren mendetik askatzea lortu zuen. Aurrerago, Sirian, zalduneria-gudaroste bateko buruzagitza eman zioten, eta Egipton, britainiar eliteko aire-armadan sartzea lortu zuen. Gerraren ondoren, Omanen, oti-izurritea ikertzera joandako talde batean sartu zen, eta beduinoekin bizi izan zen bost urtez.

1946an, rajid leinuko gizon-talde baten buru, Arabiako hegoaldeko hareazko basamortu handia zeharkatu zuen. Basamortua zeharkatzen zuen hirugarren europarra izan zen. Aurretik, 1917an St John Philbyk eta 1930ean Bertran Thomasek zeharkatu zuten. Irakeko paduretako arabiarrak eta Kenyako sanburuak ere ezagutu zituen. Bidaia horien guztien kontakizuna hiru liburutan argitaratu zuen: "Arabiako padurak"; "Kenyako egunak"; eta "Arabiako hareak".

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q540031
• Multimedia: Wilfred Thesiger / Q540031