Yurre Ugarte

Yurre Ugarte
	;
Bizitza
Jaiotza	Tolosa, 1965 (58/59 urte)
Herrialdea	Gipuzkoa, Euskal Herria
Hezkuntza
Heziketa	Euskal Herriko Unibertsitatea
Hizkuntzak	euskara; ingelesa; gaztelania
Jarduerak
Jarduerak	idazlea, komikigilea, gidoilaria eta zinema gidoilaria
	Parte-hartzailea Tabakalera ;
	yurreugarte.com

Yurre Ugarte Rodriguez (Tolosa, 1965) gipuzkoar idazle eta gidoilaria da. Euskal Herriko Unibertsitatean Kazetaritza ikasi zuen. Londresen zinema errealizazioa, gidoigintza eta argazkilaritza ikasi zituen, eta han idatzi eta zuzendu zituen lehendabiziko film laburrak. 1998tik Irunen bizi da.

Film laburrak

Film labur hauek idatzi eta zuzendu zituen 1988-2004 artean:

Shopping around, A windy picnic, Fauna a fantastic bestiary, Siesta, Sallysnake, Amore eroa, Sueño mecánico, Sueño Rojo 35

Gidoigintza

1991an ETBrako Penelope-Enea sitcoma asmatu eta idatzi zuen, eta harrezkeroztik gidoigintza profesionalean aritu da, fikzioaren alorrean, batez ere telesailetarako gidoiak asmatzen eta idazten, baita script editor edo gidoi gainbegiratzaile lanetan ere, adibidez Goenkaleko lehenengo bi denboraldietan. Besteak beste, Pocahontas II /John Smithen itzulera marrazki bizidunen filma, Barrebusa, Txikituko haut!, Teilatupean eta abar luze baten egilea da. Gaztelerazko telesailen artean, Tele 5 eta TV3rako egindako batzuk aipatzearren Vidas cruzadas, El súper...^[1]

Azken aldian marrazki bizidunetako film luzeen gidoiak idatzi ditu: Las aventuras del joven Félix (Dibulitoon 2018) eta Zutik! (Baleuko 2021)

Literatura

Literaturgintzan, 2006 urtean Mugako loreak antzezlana idatzi zuen, eta handik gutxira, Ezin Ihesi, beste antzezlan bat. 2010an Gasolindegian (Alberdania) narrazio bilduma argitaratu zuen. Gazteentzako literaturaren barruan sailka daiteke Itsasoa maleta batean 2013an argitaratutako nobela. Naia eta Nabil detektibeak 2014an kaleratutako haurrentzako ipuin ilustratua da.

Komikigintzan aritu da: Katu Hegoduna^[2] sortu zuen Joseba Larratxe Josevisky marrazkilariarekin, eta 2019an Joana Maiz nobela grafikoa. Xabiroi aldizkarian ere argitaratu dira bere gidoia duten komiki laburrak, marrazkilari ezberdinek marraztuak.

Literatur sorkuntza tailerrak ere ematen ditu eta hainbat medioetan kolaborazioak egin izan ditu:^[1]7K astekarian elkarrizketak; iritzi artikuluak Iruneron, Tolosaldeko Atarian, Euskadi Irratian eta abar.

Liburuak

Narrazioa

Gasolindegian (Alberdania, 2010, ISBN 9788498681970)
Lilurabera (Alberdania, 2020),^[3]

Haur literatura

Itsasoa maleta batean (Denonartean, 2013, ISBN 9788415756101)
Naia eta Nabil detektibeak (Denonartean,2014)

Komiki-gidoiak

Katu hegoduna (Sauré, 2013)
Joana Maiz (Harriet ed. 2019) Nobela grafikoa
Iris, XXII (Txalaparta, 2023). Ilustratzailea, Julen Ribas.^[4]

Antzerkia

Mugako loreak edo Himalaya blues (2006)
Ezin ihesi (2007)

Erreferentziak

↑ ^a ^b Bio. (Noiz kontsultatua: 2019-09-04).
↑ Ubeda, Ima. (2013-11-24). «'Irrazionala den ororen aitortza da 'Katu hegoduna' komikia'» Argia (Noiz kontsultatua: 2019-09-04).
↑ Sarasola, Ainhoa. «Lilurak zeharkatutako bizitzak» Berria (Noiz kontsultatua: 2020-11-24).
↑ Iris, XXII. .

Kanpo estekak

Datuak: Q47013262

[#1-1] Bio. (Noiz kontsultatua: 2019-09-04).

[2] Ubeda, Ima. (2013-11-24). «'Irrazionala den ororen aitortza da 'Katu hegoduna' komikia'» Argia (Noiz kontsultatua: 2019-09-04).

[3] Sarasola, Ainhoa. «Lilurak zeharkatutako bizitzak» Berria (Noiz kontsultatua: 2020-11-24).

[4] Iris, XXII. .

[1]

[2]

[3]

[4]