Uapití

Pouco preocupante

Reino:	Animalia
Filo:	Chordata
Clase:	Mammalia
Orde:	Artiodactyla
Suborde:	Ruminantia
Familia:	Cervidae
Subfamilia:	Cervinae
Xénero:	Cervus
Especie:	C. canadensis

Nome binomial

Cervus canadensis
(Erxleben, 1777)^[1]

Mapa de distribución

Sinonimia

diversas subespecies de Cervus elaphus

O uapití^[2] (Cervus canadensis) é unha das especies de cérvidos meirandes do mundo e un dos mamíferos máis grandes de América do Norte e do leste de Asia. Da súa familia, só o alce, Alces alces, é máis grande, e o sambar (Cervus unicolor) pode compararse co C. canadensis en medida. Os uapitís son bastante semellantes ó cervo común de Europa, do cal se pensou que era unha subespecie durante moito tempo. Porén, probas de ADN mitocondrial realizadas no 2004 demostraron claramente que son especies diferentes.^[3]

Os uapitís viven nos bosques e a súa contorna, onde se alimentan de herbas, plantas, follas e codia. Malia ser orixinarios de América do Norte e do leste de Asia, adaptáronse ben nos países onde foron introducidos, incluíndo Nova Zelandia, Australia e a Arxentina. A súa grande adaptabilidade pode ameazar as especies endémicas e os ecosistemas nos que se introduciu.

Os machos teñen cornos grandes que mudan cada ano. Os machos adoptan comportamentos ritualizados de aparellamento durante o celo, incluíndo posturas, combates cos cornos e «sons de corneta», unha serie de vocalizacións fortes que establecen dominancia sobre os outros machos e atrae as femias.

Notas

↑ Erxleben, J.C.P. (1777) Anfangsgründe der Naturlehre i Systema regni animalis.
↑ Digalego.xunta.gal (ed.). "Uapití no Dicionario Galego da Xunta". Consultado o 21 de xuño de 2016.
↑ Ludt, Christian J.; Wolf Schroeder; Oswald Rottmann; Ralph Kuehn. Elsevier, ed. "Mitochondrial DNA phylogeography of red deer (Cervus elaphus)" (PDF). Molecular Phylogenetics and Evolution 31 (2004) 1064–1083. Consultado o 4 de xuño d 2007.

Véxase tamén

Ligazóns externas

Arizona Elk na Web do Departamento de Caza e Pesca de Arizona. (en inglés)
Rocky Mountain Elk Foundation (en inglés)

[1] Erxleben, J.C.P. (1777) Anfangsgründe der Naturlehre i Systema regni animalis.

[2] Digalego.xunta.gal (ed.). "Uapití no Dicionario Galego da Xunta". Consultado o 21 de xuño de 2016.

[Ludt-3] Ludt, Christian J.; Wolf Schroeder; Oswald Rottmann; Ralph Kuehn. Elsevier, ed. "Mitochondrial DNA phylogeography of red deer (Cervus elaphus)" (PDF). Molecular Phylogenetics and Evolution 31 (2004) 1064–1083. Consultado o 4 de xuño d 2007.

[1]

[2]

[3]