Vidiadhar Surajprasad Naipaul

Vidiathar Surajprasad Naipaul

Biografía
Nacemento	(en) Vidiadhar Surajprasad Naipaul 17 de agosto de 1932 Chaguanas, Trinidad e Tobago (pt)
Morte	11 de agosto de 2018 (85 anos) Londres, Reino Unido
Outros nomes	V. S. Naipaul
País de nacionalidade	británico
Educación	University College (pt) Queen's Royal College (en)
Actividade
Campo de traballo	Literatura
Lugar de traballo	Oxford Londres
Ocupación	escritor, ensaísta, xornalista, novelista, escritor de contos
Período de actividade	1957–2010
Empregador	Universidade Wesleyana
Membro de	Academia das Artes e das Ciencias dos Estados Unidos Real Sociedade de Literatura
Xénero artístico	Ensaio, novela e libro de viaxes
Obra
Obras destacables (1957) The Mystic Masseur (en) (1961) A House for Mr Biswas (en) (1971) In a Free State (en) (1979) A Bend in the River (en) (1987) The Enigma of Arrival (en)
Outro
Título	Sir
Familia	Capildeo family (en)
Cónxuxe	Patricia Ann Hale Naipaul (1955–96, ano morte) Nadira Khannum Alvi Naipaul (1996–presente)
Pai	Seepersad Naipaul
Irmáns	Shiva Naipaul
Premios
(2001)  Premio Nobel de Literatura (1993)  Premio Internacional Nonino (1 de xaneiro de 1990)  Knight Bachelor (1983)  Premio Xerusalén (1971)  Prémio Man Booker (pt) , premiado polo traballo In a Free State (en) (1964)  Hawthornden Prize (en) (1961)  Prémio Somerset Maugham (pt)  Membro da Academia Estadounidense das Artes e as Ciencias  membro da Royal Society of Literature  John Llewellyn Rhys Prize (en)
Descrito pola fonte	Great Encyclopedia of Cyril and Methodius (en) Obálky knih, A Companion to West Indian Literature (en)

Sir Vidiathar Surajprasad Naipaul, máis coñecido como V. S. Naipaul, nado en Chaguanas, Illa Trinidad, Trinidad e Tobago o 17 de agosto de 1932 e finado en Londres o 11 de agosto de 2018, foi un escritor británico, orixinario de Trinidad e Tobago, galardoado co premio Nobel de Literatura no ano 2001.

Traxectoria

Sendo fillo de inmigrantes do norte da India. Aos 18 anos trasladouse a Inglaterra para estudar na Universidade de Oxford, licenciándose en arte en 1953.

A súa obra caracterízase pola análise do mundo colonial. En particular, adoita aludir á existencia alienada de quen se ven sometidos ou involucrados nun ámbito que non lles é propio.

"O Curandeiro Místico" (The Mystic Masseur) é a súa primeira novela, trátase dunha sátira acerca do ascenso social de alguén que provén do ambiente rural e hindú de Trinidad. "Os Simuladores" (The Mimic Men) é unha novela na cal analízase unha sorte de "esquizofrenia colonial" (iso segundo as propias palabras do autor na conferencia brindada ao recibir o premio Nobel). En "A Perda do Dourado" (The Loss of El Dorado), o autor estuda a evolución da illa de Trinidad desde o descubrimento, a vida indíxena, pasando pola conquista inglesa. Nun xénero literario orixinal, que toma elementos da novela e do ensaio histórico, realizado segundo os documentos existentes na British Library, Naipaul desenvolve o seu tema habitual, o estrañamento cultural, nun relato de grande interese literario e histórico.

"Un Camiño no Mundo" (A Way in the World) é unha colección de ensaios e novelas curtas sobre a illa de Trinidad, a súa historia, a súa xente e o desgarro cultural como denominadores comúns.

"A Turn in the South" é unha crónica que cobre os aspectos máis saíntes da vida do sur dos Estados Unidos. As historias do libro refírense á decadencia das familias aristocráticas do Sur, ao ascenso da poboación de raza negra, ás distintas relixións do sur, describe aos denominados "rednecks", visita Graceland para brindar as súas impresións acerca da mansión de Elvis Presley, dános unha idea da cultura xerada en torno ao cultivo do tabaco, entre outras historias. Todas elas tratan de facer unha síntese que abarque ao Sur como unidade cultural, dende as súas orixes ata a actualidade. Paradoxalmente non fai ningunha descrición de Oxford nin se ocupa da obra do grande escritor sureño William Faulkner, pero todo o libro tacitamente se refire ao mesmo, dado que dende a prosa, ocúpase dos mesmos temas que Faulkner narrou mediante a ficción. Trátase dun libro excelente para entender a atmosfera que rodea a obra de Faulkner, asemellándose a unha análise sociolóxica (de gran calidade) da obra do autor nado en Oxford.

"India" (India, a Wounded Civilization), é unha colección de relatos e reportaxes realizadas por Naipaul na súa viaxe á India en 1990. Como contexto obsérvase a modernización do subcontinente indio e o seu contraste coa sociedade tradicional. Os parias, os sikhs, os támiles, os brahmanas, a industria cinematográfica, os xiítas, son descritos nos seus propios ambientes a través das historias persoais de distintos integrantes das devanditas comunidades.

A Academia Sueca premiouno pola súa recuperación de historias suprimidas, entre as cales podemos citar ós indíxenas de Trinidad, a poboación hindú da illa que esquece o idioma dos seus devanceiros, ós musulmáns de Trinidad que ignoran a orixe do seu apelido, a toponimia de Chaguanas etc.

En síntese, esquecemento e perda cultural por unha banda e alienación polo outro son os temas tratados por Naipaul. A súa obra abarca tanto novelas como ensaios e libros de viaxes.

Obras

Ficción

• O Curandeiro Místico (1957)
• The Suffrage of Elvira (1958)
• Miguel Street (1959)
• Unha Casa para Mr. Biswas (1961)
• Mr. Stone and the Knights Companion (1963)
• A Flag on the Island (1967)
• Os simuladores (1967)
• In a Free State (1971)
• Guerrillas (1975)
• Un Recodo no Río (1979)
• Finding the Centre (1984)
• O Enigma da Chegada (1987)
• Un Camiño no Mundo (1994)
• Media Vida (2001)
• Sementes Máxicas (2004)

Non Ficción

• The Middle Passage: Impressions of Five Societies - British, French and Dutch in the West Indies and South America (1962)
• An Area of Darkness (1964)
• A perda do Dourado (1969)
• The Overcrowded Barracoon and Other Articles (1972)
• India (1977)
• A Congo Diary (1980)
• O regreso de Eva Perón e outras crónicas (1980)
• Among the Believers: An Islamic Journey (1981)
• A Turn in the South (1989)
• Ler e Escribir (2000)