俄罗斯历史

俄罗斯历史始于东斯拉夫人，也是后来个俄罗斯人、乌克兰人搭白俄罗斯人。基辅罗斯是东斯拉夫人建立个第一个国家。988年开始，东正教从拜占庭帝国传入基辅罗斯，由此拉开拜占庭搭斯拉夫文化个融合，并最终形成占据未来700年辰光个俄罗斯文化。13世纪初，基辅罗斯被蒙古人占领后，最终分裂成多个国家，迭些国家侪自称为是俄罗斯文化搭地位个正统继承人。

13世纪以后，莫斯科逐渐成为原先基辅罗斯文化个中心。16世纪中叶伊凡四世时代，莫斯科大公国改称沙皇俄国。到18世纪彼得一世时代，已变成为庞大个俄罗斯帝国，横跨从波兰到太平洋个广袤地域。1861年，俄罗斯废除农奴制度。随后农民弗断增加，对土地个需求也弗断增长，急剧加大革命个压力。从废除农奴制度到1914年第一次世界大战爆发，俄国推出斯托雷平改革、1906年宪法搭国家杜马，极大地改变渠个经济搭政治状况，只是皇帝依然没意愿放弃独裁统治。

军事战败搭食物短缺引发1917年俄国革命，此后共产主义布尔什维克登上权力个舞台，建立苏维埃社会主义国家联盟。从1922年到1991年，苏联逐渐成长为一个超级大国。但随着经济搭政治体制个缺点所引发个矛盾越来越尖锐，1991年苏联解体。

1991年后，俄罗斯联邦成立并继承苏联拉国际事务中个地位。然而，俄罗斯已弗再是超级大国。直到今朝，俄罗斯个政治经济结构依然带有沙俄搭苏联个特点。

史前时期

俄罗斯拉旧石器时代已有居民。有学者认为，俄国旧石器文化搭西欧同时期文化有相似之处。

公元前，俄罗斯南部居住着原始印欧人搭斯基泰人。科学家拉20世纪个伊帕托夫、辛塔沙塔、阿尔凯姆等地，发现搭渠相关个遗迹。