Tá feachtas earcaíochta seolta don chéad Phainéal Saoránach Eorpach eile
Tá an earcaíocht á déanamh ó dhoras go doras agus is é Sortition Foundation atá á bainistiú sin, arb é an eagraíocht atá ag déanamh na hoibre sin thar ceann an Choimisiúin Eorpaigh. Ar deireadh, roghnófar 150 saoránach go randamach as measc na ndaoine a léiríonn spéis, rud a chinnteoidh go ndéanfar ionadaíocht ar éagsúlacht dhéimeagrafach an Aontais.
Iarrfar orthu teacht chun na Bruiséile, áit a n-oibreoidh siad le chéile chun moltaí nithiúla a fhorbairt don obair leantach ar an Straitéis um Aontas na hUllmhachta. Is é is aidhm don straitéis feabhas a chur ar ullmhacht shibhialta agus mhíleata an Aontais agus ar a ullmhacht i leith géarchéimeanna a bheidh ann amach anseo, ionas go mbeidh na gníomhaithe uile réidh agus in ann freagairt go gasta agus go héifeachtach más gá.
An bealach chun tosaigh déanta amach tar éis an dara seisiún painéil
Arís eile, tháinig 150 saoránach a roghnaíodh go randamach ó gach cearn den Aontas Eorpach le chéile don dara seisiún den Phainéal um Chothroime Idirghlúine.
Díríodh sa phlé a rinne siad ar dheighiltí ó ghlúin go glúin a dhúnadh agus ar smaointeoireacht fhadtéarmach a chothú chun sochaí níos cothroime agus níos athléimní a fhorbairt. Agus iad ag obair i meithleacha beaga, thosaigh na saoránaigh ag dréachtú moltaí tosaigh, agus cuirfidh siad i gcrích iad le linn an tríú seisiún i mí na Samhna.
Cuirfear na moltaí sin faoi bhráid an Choimisiúin Eorpaigh ansin chun tacú leis an gCoimisinéir Glen Micallef Straitéis maidir le Cothroime Idirghlúine a ullmhú, i gcomhréir le Treoirlínte Polaitiúla 2024-2029 ón gCoimisiún.
Díospóireacht seolta - Conas is féidir linn meath na bhfeithidí pailnitheacha fiáine a chur ina cheart?
Ar na feithidí pailnitheacha fiáine tá beacha aonair, bumbóga, beacha gabhair, féileacáin, leamhain – agus cuileoga eile, foichí, agus ciaróga fiú!
Tá na hainmhithe beaga bídeacha sin i bhfad níos tábhachtaí do shochaithe daonna agus don dúlra ná mar a thabharfaí le fios lena laghad atá siad.
Braitheann thart ar 4 cinn as gach 5 bharr agus phlanda bhláthacha fhiáine ar phailneoirí chun pailin a aistriú agus cuidiú leo atáirgeadh.
Mar sin, ós rud é go bhfuil ár saol fite fuaite go mór le cinniúint na bpailneoirí, ba cheart na cinntí maidir lena bhfuil le déanamh a bheith ina n-ábhar díospóireachta poiblí leithne.
An Todhchaí a Mhúnlú Linn: An Díospóireacht maidir le Cothroime Idirghlúine
Smaoinigh ar Aontas Eorpach ina dtagann na glúnta le chéile ar mhaithe le sochaí atá faoi bhláth. Dá mbeadh an rogha agat, cén chuma a bheadh uirthi? Agus cad ba cheart a dhéanamh anois chun an todhchaí sin a fhíorú?
Tá an Coimisiún Eorpach ag iarraidh ort cuidiú chun straitéis cheannródaíoch maidir le Cothroime Idirghlúine a chruthú i gcomhar le daoine eile.
Bain úsáid as an ardán seo chun an chuma a bheidh uirthi, na rudaí a cheapann tú atá tábhachtach agus na rudaí atá in easnamh faoi láthair a roinnt.
Tá an díospóireacht faoi bhuiséad an Aontais dúnta anois
Tá an díospóireacht ar líne faoi bhuiséad Eorpach nua fadtéarmach a mhúnlú dúnta go hoifigiúil anois. Gabhaimid buíochas ó chroí leis na daoine uile a ghlac páirt ann agus a chomhroinn a gcuid smaointe agus a gcuid físeanna trí Ardán Rannpháirtíochta na Saoránach.
Déanfaidh an Coimisiún Eorpach gach aighneacht a mheas go cúramach de réir mar a ullmhaíonn sé a thogra don chéad Chreat Airgeadais Ilbhliantúil eile.
Foilseofar tuarascáil ina mbeidh achoimre ar na príomhléargais agus ar na príomhaighneachtaí go luath ar leathanach na díospóireachta ar an mBuiséad Eorpach Nua.
Coinnigh súil amach chun an scéala is déanaí a fháil!
Moltaí deiridh maidir le Buiséad Nua an Aontais curtha ar fáil ag na saoránaigh
Le linn trí dheireadh seachtaine, tháinig 150 saoránach a roghnaíodh go randamach ó gach ceann de 27 mBallstát an Aontais le chéile chun plé a dhéanamh ar an gcaoi ar cheart do bhuiséad an Aontais freagairt ar thosaíochtaí comhroinnte agus ar dhúshláin fhadtéarmacha.
I dteannta a chéile, tháinig siad ar chomhaontú maidir le sraith tosaíochtaí polaitiúla agus moltaí nithiúla a chuideoidh chun maoiniú an Aontais amach anseo a mhúnlú agus a rannchuideoidh le tionscnaimh de chuid an Choimisiúin atá ar na bacáin. Is é an aidhm a bhí acu a chinntiú go bhfreagróidh buiséad an Aontais go héifeachtach do dhinimic dhomhanda atá ag athrú agus go bhfeabhsóidh sé an cháilíocht saoil ar fud na hEorpa.
Tá liosta na moltaí a cuireadh faoi bhráid an Choimisiúin Eorpaigh le fáil anseo.
- Tionól na Saoránach Óg maidir le Pailneoirí
Cuireann meath na bhfeithidí pailnitheacha an infhaighteacht bia, an dúlra agus ár rathúnas amach anseo i mbaol. Mar sin, conas is féidir linn meath na bhfeithidí pailnitheacha fiáine a chur ina cheart?
- Cothroime Idirghlúine
Smaoinigh ar Aontas Eorpach ina dtagann na glúnta le chéile ar mhaithe le sochaí atá faoi bhláth. Dá mbeadh an rogha agat, cén chuma a bheadh uirthi? Agus cad ba cheart a dhéanamh anois chun an todhchaí sin a fhíorú?
Comhroinn do thuairimí agus déan teagmháil le saoránaigh eile.
- Idirphlé Beartais leis an Aos Óg
An bhfuil tú bréan de chluas bodhar a fháil i gcónaí? Tá athrú ag teacht air sin. Le déanaí, shuigh daoine óga ó gach cearn den Aontas agus níos faide i gcéin síos le haghaidh fíorchainteanna duine le duine linn agus comhroinn siad a raibh ar a n-intinn acu.
Tá an deis agat é sin a dhéanamh anois.
Cad é Ardán Rannpháirtíochta na Saoránach?
Seo é an spás tiomnaithe atá agat chun páirt a ghlacadh sa díospóireacht maidir le beartais an Aontais a bhfuil tionchar acu orainn ar fad.
Cuid ríthábhachtach dár bpróiseas ceaptha beartas is ea d’aiseolas. Tá tábhacht le tuairim an uile dhuine agus ba mhaith linn do thuairim a chloisteáil.
A bhuí le haistriúchán fíor-ama, is féidir leat páirt a ghlacadh in aon cheann de 24 theanga oifigiúla an Aontais, agus a bheith rannpháirteach in éineacht le do chomhshaoránaigh. Tógaimis an Eoraip le chéile!
Céimeanna rannpháirtíochta na saoránach
- RannpháirtíochtAighneachtaí ar líne
Cruthaíonn na saoránaigh aighneachtaí ar Ardán Rannpháirtíochta na Saoránach, fágann siad trácht orthu agus vótálann siad orthu
- An pléNa Painéil Saoránach Eorpach
Cuirtear aighneachtaí san áireamh mar chuid de na Painéil Saoránach Eorpach agus áirítear an toradh sa phróiseas ceaptha beartas Eorpach
- Obair leantachGníomh a dhéanamh maidir le moltaí na saoránach
Déantar obair leantach ar aighneachtaí trí phlé bunaithe ar thuarascálacha rialta
- AiseolasCumarsáid thrédhearcach maidir leis an toradh
Cuirtear saoránaigh ar an eolas faoi ghníomhaíochtaí beartais
Is féidir leat páirt a ghlacadh trí aighneachtaí a phostáil nó trí bharúil a thabhairt faoi aighneachtaí ó dhaoine eile, sin nó iad a fhormhuiniú. Is féidir leat páirt a ghlacadh i gceann ar bith de 24 theanga oifigiúla an Aontais. Ní mór duit síniú isteach le EU Login. Féach leat leathanach gréasáin EU Login chun cuntas a chruthú.
Nuair a bheidh tú sínithe isteach, beidh tú in ann d’aighneacht féin a chur isteach ach cliceáil ar an gcnaipe ‘Aighneacht nua +’. Is féidir leat teideal agus ábhar d’aighneachta a scríobh ansin, agus is gá idir 150 agus 1500 carachtar a úsáid ina leith sin.
Is féidir leat barúil a thabhairt faoi aighneacht eile nó é a ‘fhormhuiniú’. Is ionann aighneacht a ‘fhormhuiniú’ agus ‘is maith liom é’ a thabhairt di, mar a dhéantar ar ardáin eile de chuid na meán sóisialta.
Foilsítear do chuid aighneachtaí láithreach bonn agus dá bhrí sin, ní mór duit na Rialacha maidir le Rannpháirtíocht a urramú.
Táimid go hiomlán tiomanta do chuid sonraí pearsanta a chosaint. Féach an dóigh a ndéanaimid sin
Clúdaíonn na ceisteanna seo réimse topaicí a bhaineann le feidhmiúlacht, sonraíochtaí teicniúla, ábhar agus topaicí, agus fiosrúcháin ilghnéitheacha maidir le hArdán Rannpháirtíochta na Saoránach.
Painéal Saoránach Eorpach
Príomhchuspóir de chuid an Choimisiúin Eorpaigh is ea rannpháirtíocht níos láidre na saoránach ina phróisis agus ina bheartais dhaonlathacha. I ngeall air sin, bhunaigh an Coimisiún na Painéil Saoránach Eorpach mar ghné rialta den saol daonlathach san Aontas.
I ngach Painéal Saoránach, tugtar le chéile 150 saoránach a roghnaítear go randamach as gach ceann de 27 mBallstát an Aontais, rud a léiríonn éagsúlacht agus glúnta óga na hEorpa. Déanann na Painéil moltaí maidir le príomhbheartais a bhfuil tionchar acu orainn ar fad.
Coinnigh súil amach do na forbairtí is déanaí maidir leis na Painéil atá ann faoi láthair agus na cinn a bheidh ann amach anseo.