Goierri (Erandio)

Artikulu hau Erandioko auzoari buruzkoa da; beste esanahietarako, ikus «Goierri (argipena)».

Goierri
Euskal Herria
Kristobal Deunaren baseliza
Kokapena
Herrialdea	Bizkaia
Udalerria	Erandio
Geografia
Koordenatuak	43°19′33″N 2°57′28″W

Goierri Erandioko laugarren auzorik populatuena da. Baserrien gunea izanda, herri kirolak bizirik daude inguru honetan, bereziki sokatira.

Martiartu, Alkatena eta Degollaena auzuneek Goierri osatzen dute.

2007ko urtarrilaren 1eko erroldaren arabera, auzoak 580 biztanle ditu, gehienak euskaldunak izanik.

Mugakideak

Iparraldean Berango, Urduliz eta Laukizko udalerriak, hegoaldean Erandio Goikoa, mendebaldean EHUko Bizkaiko Campusa (Leioa) eta ekialdean Loiuko udalerria mugakide ditu.

Unbe mendia (302 m) auzoko ipar-ekialdean kokatuta dago, Laukizko mugan.

Demografia eta biztanleria

Goierriko biztanleria

2000	2001	2002	2003	2004	2005	2006	2007
508	515	486	466	561	585	606	580

Kultura

Ondarea

Martiartu dorretxea XVI. mendekoa da, gehienbat pizkundetar arkitekturako estiloan egindakoa, baina osagarri gotikoekin. 18 metroko altuera dauka eta arku zorrotza duen atea. Kanpoaldeko eskailerak ere baditu. Alboan, Martiartuko San Antonio baseliza dago. Madalena auzoan Kristobal Deuna eta Madalena Deunaren baselizak daude. Leioako mugan Santi Mami baseliza dago.

Jaiak

Goierriko jaiak ekainaren 13an (San Antonio) eta uztailaren 10ean (San Kristobal) izaten dira.

Argazki galeria

• 
  Txakolinerako mahastia Goierrin.
• 
  Martiartu dorretxea eta San Antonio baseliza.
• 
  Martiartu dorretxea
• 
  Martiartuko errota zaharra.
• 
  Kristobal Deuna baseliza.
• 
  Madalena baseliza.
• 
  Airetiko ikuspegia.

Ikus, gainera

• Ibai-Eskuinaldea
• Uribe Kosta

Kanpo estekak

• (Gaztelaniaz)Erandioko udal webgunea
• Sokatira taldeko argazkiak

• Datuak: Q12258608
• Multimedia: Goiherri (Erandio) / Q12258608

Euskarazko Wikipedian bada atari bat, gai hau duena: Euskal Wikiatlasa