Comunidade tech en galego de Vigo. Sen sede, sen cotas, sen trámites.
Aquí non hai currículos nin carteis de "networking". Hai xente que programa, que aprende, e que despois pecha o portátil e sae tomar algo. Vigo404 é iso: un sitio onde xuntarse, falar galego sen ter que xustificalo, e compartir o que sabes con quen queira aprendelo.
Porque en Vigo faltaba un sitio así: lixeiro, sen asociación nin papeleo, só pra xuntar xente que programa e quere falalo en galego. Non temos anos de historia nin un evento aínda, o que temos é un grupo de Telegram e as ganas de construír isto con quen se anime.
- Tratar á xente coma xente. Sen xerarquías raras, sen postureo.
- Falar galego. Sen pedir desculpas por iso.
- Compartir, non gardar. Coñecemento, experiencias, código.
- Nada de trámites. Sen sede, sen cotas, sen burocracia, entrar é un clic.
Todo pasa nun sitio, sen ruído:
💬 Telegram
Feito en Vigo, Galiza.