Wikipèdia:La tavèrna

Benvenguts a la Tavèrna

Archius de la tavèrna • Non-occitanophone tavern

Qué cercatz?

Contacte Rubrica per contactar la Wikipèdia.	Comunautat Totas las novetats de la Comunautat.	Ajuda Assisténcia dels novèls venguts? Demandar d'ajuda.

18:04:39 CET

Purgar

Anóncia: Transformacion d'Infotaula

Bonjorn,

Coma lo savètz plan, la transformacion de las infotaulas es un debat redondant aquí a la Wikipèdia occitana. Ai realizat dels cambiaments sus l'Infobox Vila; d'en primièr, son de correccions dels paramètres (la localizacion èra un problèma persistant), e mai, l'element grafic, perqué non se pòt véser la taula en version mòbila.

Mercé d'apondre lo vòstre comentari per corregir (ensems) eventualament la version actuala.

Coralament, Dijòus12 (d) 24 junh de 2024 a 14.11 (UTC)

Nòva carta lingüistica per la comunitat de Wikipèdia

Seguissètz aquesta discussions sus Discussion Wikipèdia:Nòva carta lingüistica

Cars collaborators,

Dins un contèxt precari de la Wikipèdia occitana, volriái prepausar la revision de la carta lingüistica de la comunitat. Ai legit una basa redigida per Lhanars (que semblava intencionat de partejar-la-nos) que trobaretz aquí. Segon ieu, los punts importants que deurián èsser revisats son aquels:

1. Rectificacion de redaccion d'un article, es a dire, omogeïnizar lo format de las fonts (divèrses estils se costejan, aiçò permetriá d'assolidar lo respècte del trabalh dels autres), normalizar los entitolats (articles connèxes o ligams intèrnes?; vejatz tanben o annèxes?, etc.), la neutralitat e la conformitat del registre enciclopedic (qu'inclutz la creacion d'una bibliografia o sitografia).
2. Participacion de la comunitat per la restructuracion de las infotaulas. La Wikipèdia occitana es dins un periòde estagnant, d'en primièr per manca de «man d'òbra», aital coma de guèrras intèrnas causadas per mantun trebol de tipe redaccional (descondiracion de l'ortografia e la gramatica, etc., etc.). Las rasons d'utilizar las donadas de WikiData son las seguentas:
   1. L'ajornament d'una quantitat de donadas assegurat dins un interval de temps reduit, fruit de la collaboracion de las comunitats lingüisticas que partecipan sus Wikipèdia.
   2. La simplificacion del tractament de donadas: quand un element es estat traduit, non cal traduir-lo dins cada article e permet de centralizar las donadas dins un ensemble coerent. Aiçò es estrectament ligat a l'economia de temps, doncas de diminuir la necessitat critica d'una nòva man d'òbra.
3. Rapròchament amb las avançadas del trabalh lingüistic normalizant l'occitan, valent a dire, aplicar las convencions ortograficas establidas pel Conselh de la Lenga Occitana e, los divèrses organismes reguladors que produson un contengut de qualitat en acòrdi amb la nòrma susdita.
   1. Rectificar la tipografia, tres possibilitats se presentan: l'estil anglosaxòn o internacional, l'estil francés e, enfin, l'estil iberic. Pensi que deuriam evitar l'aplicacion de l'estil francés perqué es aquel que aplica pus de règlas tipograficas incoerentas las unas amb los autres.
4. Dins las regions occitanofònas ont la restauracion de la toponimia locala non es estudiada per la lingüistica rigorosa, poiriam crear una comission cargada de recensar aquels lòcs e comunicar-la a un organisme competent.

Vos ai presentat en qualque sòrt un òrdre del jorn sul qual poiriam discutir e, espèri melhorar nòstre trabalh. Se sètz concernit per aquel messatge o desiratz prendre part al debat, vos i convidi.

Plan vòstre, -- Dijòus12 (d) 2 julhet de 2024 a 19.57 (UTC)

Es una proposicion senada, intelligenta e constructiva que cèrca d'afortir los principis ja establits dins la primièra version de la Carta Lingüistica. Economizar lo temps e coordenar melhor los esfòrces son de bonas idèas. Quand diferents organismes se contradison, me sembla important de gardar la prioritat al CLO. Sovenhic (d) 2 julhet de 2024 a 22.31 (UTC)

Òc-ben. Benlèu los administrators poirián daissar lor avís. @Nicolas Eynaud @Jfblanc Dijòus12 (d) 4 julhet de 2024 a 17.43 (UTC)

Coma administrator, mon avejaire regarda lo metòde per modificar la carta. Conselhi de discutir de cada ponch d'un biais separat — mai plusors discussions pòdon aver luoc en parallèl – e de procedir a un vòte quand un consensus sembla d'aparéisser sus un ponch. Aquò permetriá d'avançar pauc a cha pauc e de pas introdurre d'elements non mestrejats dins l'enciclopèdia. Coma utilizaire, present dempuei 2010, ai vist fòrça projèctes « tecnics » destinats a luchar còntra l'estanhacion – fòrça relativa – de la wikipèdia occitana. La màger part d'aquelei temptativas se son acabadas per de problemas. Leis infotaulas novèlas me semblan ansin l'òbra de personas que pensan qu'una basa de donadas pòu remplaçar un article. Òr, una Wikipèdia, que que siegue la lenga, aquista de visibilitat gràcias a seis articles. Regardant l'aplicacion dei règlas dau CLO, son ja en vigor sus lo projècte. Per la tipografia, pensi pas qu'una majoritat existís per enebir la tipografia « francesa ». Enfin, ai pas d'avejaire sus la toponimia locala. Coralament, --Nicolas Eynaud (d) 4 julhet de 2024 a 20.08 (UTC)

Gràcias. Mon vejaire es solament elements que pensi que deurián revisats. Per çò que concernís de las infotaulas, non compreni pas plan vòstra opinion. Qué son los punts a melhorar? En tot cas, l'utilizacion de WikiData me sembla apropriada per las rasons exprimidas çai-sus. Dijòus12 (d) 4 julhet de 2024 a 20.21 (UTC)

Bonjorn. Lo nòstre Elucidari 2.0 es a la pena, que mancam de mans. Las meunas son mai ocupadas endacòm mai d'aquesta passa. Cresi que lo foncionament es pas ideal mas equilibrat. Degun es pas aquí per tornar inventar l'aiga tébia. E pasmens... Ai pas plan viscut l'introduccion de Wikidata perqué foguèt facha coma se l'occitan èra massivament present e coërent sus Wikidata. O es pas, e aquò pausa un problèma estetic. Aviam un plamponh de paginas lèdas pr'amor d'Apertium, ara las infoboitas tanben... Mas me vau pas batre per aquò, ai pas pro d'energia per las garrolhas. Seguissi lo CLO, me fa renar lor sucursalisme anglosaxon dins las transliteracions (Putin e pas Potin... Bahrayn e pas Barain... ) aquò rai, cal èstre coërents. Ensagi de pensar als usancièrs de la viquipèdia. Qué ne pensan? Lor es utila? Es durable l'introduccion permanenta de còdi informatic dins los articles? Pensi a las citacions bibliograficas. La multiplicacion dels modèls dins d'autras lengas de la viquipèdia es una empacha a la traduccion rapida e eficaça. Es benlèu una de las rasons tanben del creis pichon del nombre de paginas.

Vaquí. Donarai mon opinion, mas serai pas motor que lo lassitge e las patologias me fan empacha. Coralament. --— Joan Francés Blanc (me´n parlar) 5 julhet de 2024 a 04.07 (UTC)

Bonjorn. Tot levat vòstre respècte, se non pensam a trobar una solucion, sèm sus la bona direccion per far morir aquel projècte. Tanpauc non vau far la guerrà tanpauc i aurà encara d'indiferéncia. Es vertadièr que la preséncia de l'occitan sus Wikidata es marginala: coma l'ai ja explicat, son utilizacion permetriá (se collaboram) d'aumentar la quantitat de lèmas traduits en occitan. Me sembra que l'utilizari Lhanars es sociós de seguir aquel directiva, ja qu'a escritz:

«Sovent i a una cèrta resisténcia d'incorporar d'informacion WD e mas l'edicion manuala es desconselhada per tres rasons:

• Adoptar l'informacion a WD s'alinha clarament amb l'esperit WIKI, puèi que s'agís d'un projècte partejat per fòrça articles de +330 wikipèdias e pas solament per una version.
• Prendre cura de sa mantenença es una responsabilitat collectiva (e sovent automatizada amb de bòts). Sustot dins las donadas volatilas (recensaments, taxas, donadas economicas, etc.). Dins la situacion actuala de Wikipèdia, aiçò permet de contrar la manca de man d'òbra e permetre l'optimizacion del trabalh.
• Quand un paramètre es compilat manualament non sollicitarà WD, consequentament, non recuperan las actualizacions de wD.»

Per çò qu'es del còdi informatic sus Wiki, remarqui que l'usatge dels modèls es restrench: pasmens, balha d'estabilitat al tèxte e estalvia de temps. Coralament, Dijòus12 (d) 5 julhet de 2024 a 07.26 (UTC)

Li a un problema central dins li infotaulas WD : es la diferéncia entre lo discors e la realitat. Segon lo primier, aquò es lo futur emb de donadas automatiqui (per redigir una enciclopèdia ?!), pertinenti e susceptibli d'atraire lu legeires. E pi, li a la realitat : de modificacions non mestrejadi realizadi per de personas que venon d'arribar sus lo projècte e qu'an jamai escrich lo mendre article. Vèni ensinda de corregir li modificacions dei infobox dei vilas occitani qu'avian suprimit la carta de localizacion en Occitània (!!!). Coma es possible de si plantar sus tota la linha coma aquò ? Que que siegue la respònsa, pensi que cal un pauc de modestia avans d'explicar a de redactors experimentats (JFBlanc es mai de 8 000 paginas creadi e 52k modificacions despí lo 2005, Nicolas Eynaud es mai de 4 500 paginas creadi e 75k modificacions despí lo 2010...) que non coneisson lo foncionament de quauqua ren sus Wikipèdia (en particular, quand dison qu'es pas una bòna idea) e de realizar de modificacions sus d'elements tant importants que li infotaulas. --Tegest Vonis (d) 5 julhet de 2024 a 22.01 (UTC)

Adieu, volgatz formular un vejaire constructiu per plaser. Aquò non fariá pas avançar las causas. En mai, podètz veire mon istoric de modificacions qu'ai portat al projècte, ai plan redigit dels articles (damatge es lo cas). Perqué non prenètz pas l'oportunitat de discutir per solucionar lo problèma. Me repetissi, non apròvi pas absoludament l'expression de vòstres prepauses que s'aluènhan de la question de basa. Ai l'impression que lo fait d'escriure una enciclopèdia e d'utilizar d'infotaulas es encara desconegut per vos? Coralament, Dijòus12 (d) 5 julhet de 2024 a 22.16 (UTC)

Segurament mon vejaire es ja pro conegut pels autres utilizators, mas insisti tot parièr sus la convergéncia del format d'infotaulas e la causida comuna de redaccion. Estalviarem d'energia e de temps. Cresi que los autres punts podon èsser discutats de manièra reduita. Lhanars (d) 5 julhet de 2024 a 22.44 (UTC)

Norme mistralienne ?

Bonjour,
Veuillez m'excuser pour mon non-usage de l'occitan - j'espère que je serai compris par quelques uns toutefois.
J'aimerais savoir qu'en est-il de l'acceptation de l'orthographe mistralienne sur Wikipèdia. Elle est ce me semble majoritaire en Provence, et je m'étonne de ne la voir même pas figurer dans le Résumé Introductif des articles de Marselha ; et surtout de Ais de Prouvènço, alors que l'orthographe mistralienne est celle généralement utilisée dans la vieille ville… À défaut de l'utiliser, il me semble que faire figurer le nom en orthographe mistralienne des villes provençales en gras et sans note, comme c'est fait dans beaucoup de versions de Wikipèdia, ne serait pas absurde… Merci --Æpherys (d) 14 agost de 2024 a 20.27 (UTC)

La grafia classica es majoritària en Provença dins la practica concreta, e mai que mai dins la literatura. Es pas enebit (es pas interdich, es pas proïbit) d'evocar quauquei noms en grafia mistralenca.Sovenhic (d) 10 setembre de 2024 a 21.09 (UTC)

Bonjour, la grafie classique de l'occitan se décline selon les différents dialectes et parlers et de nombreux articles de la Wikipédia en occitan sont écrits en provençal. Il n'y a pas lieu d'utiliser un autre système graphique qui plus est réduit à une seule région. — Joan Francés Blanc (me´n parlar) 11 setembre de 2024 a 08.19 (UTC)

Mercés per vòstras responsas. Æpherys (d) 18 setembre de 2024 a 22.21 (UTC)

Il m'intéressait de savoir ce qu'il en est. Elle n'est pas interdite, me dites-vous, mais certains la censure (voir Ais de Provença). L'orthographe mistralienne y est dominante dans la ville (noms des rues en occitan exclusivement en orthographe mistralienne, idem de temps en temps dans les spots publicitaires, le centre d'oralité de la langue d'oc de la ville utilise les deux).

Sur les principales éditions de Wikipédia, il est écrit en occitan Ais de Provença ou Ais de Prouvençò, et Wikipèdia en occitan est la seule à vouloir invisibiliser l'orthographe mistralienne. Bref, le jour où vous vous y rendrez, vous serez heureux de lire Ais de Prouvençò un peu partout 😉 , et chercherez vainement Ais de Provença. Æpherys (d) 21 setembre de 2024 a 00.01 (UTC)

« Il m'intéressait », « censure », « Wikipèdia en occitan est la seule à vouloir invisibiliser », « le jour où vous vous y rendrez » e guèrra d'edicion sus l'article Ais en mens de 17 contribucions : ai blocat Æpherys que sembla pas vengut sus lo projècte per contribuir. Se quauqu'un estima qu'es inutilament sevèr, pòdi cambiar lei paramètres dau blocatge, mai pensi que tota discussion amb un tal utilizaire es una pèrda de temps. Coralament, --Nicolas Eynaud (d) 21 setembre de 2024 a 06.43 (UTC)

Efectivament, i a pas de «censura» còntra la grafia mistralenca: es sovent mencionada dins la Wikipèdia occitana. Mai es necessari de la citar corrèctament, amb una tipografia clara e diferenta. Sovenhic (d) 21 setembre de 2024 a 13.49 (UTC)

La revisto L'Occitan

Adiéu en tóuti,

Sièu en trin de redigi un article subre Jùli Coupier e soun Diciounàri bèn couneigu. Ai trouba la font que segue en la Bibliographie linguistique de l'occitan médiéval et moderne (1987-2007) de Catarino Klingebiel : Jacme Taupiac, « Lo Dicionàri de Júli Coupié », L'Occitan 126, 1996, p. 4-5. Poudrié baia d'entre-signe forço utile, malurousamen aquesto revisto a jamai esta depausado à la Biblioutèco naciounalo de Franço... Adounc, couneirias-ti un autre rode ounte la consulta ?

Un bèu gramaci pèr vosto ajudo ! Maime (d) 30 setembre de 2024 a 19.49 (UTC)

Aquela revista, benlèu, es disponibla au CIRDÒC, que i trobaretz un molon d'archius. Sovenhic (d) 30 setembre de 2024 a 21.28 (UTC)

Lo "diccionari" de Coupier es tanben espepissat e criticat per Josiana Ubaud dins son article "Regards sur la lexicographie occitane. De la richesse passée à la misère endémique contemporaine". (2014, disponible en linha). Lo cal legir per comprene las precaucions de prene quora se vòl utilizar lo Coupier. — Joan Francés Blanc (me´n parlar) 22 octobre de 2024 a 05.24 (UTC)