Ciencias sociais con Scratch en 4º de primaria

 Hoxe, o alumnado de 4º estivo repasando  as comunidades autónomas de España. O fixeron dun xeito moi divertido e ameno, usando as placas Makey Makey e programando con Scratch.

Strip Design en 4º de primaria para felicitar o Nadal

 

4º de primaria traballa linguaxe de programación

 Hoxe, o alumnado de 4º estivo na biblioteca xogando nos distintos recantos cos diversos xogos sobre linguaxe de programación.

Encantounos!

Croma e Genially para o Día da Ciencia en 4º de primaria

 O pasado luns día 2, celebramos no cole o Día da Ciencia a cargo do alumnado de 4º. Todas as nenas e nenos do cole foron pasando pola biblioteca en quendas para poder desfrutar dos experimentos que se foron amosando.

Os experimentos foron o resumo dun duro traballo de investigación que prepararon nas clases de ciencias xunto co profe Emilio.

Parabéns a todas e todos polo ben que o fixéchedes!

Para visualizar os experimentos, facede click enriba do nome de cada un e poderedes ver o estupendo traballo que realizaron.

Linguaxe de programación e robótica en 4º de primaria

 Comezamos o curso repasando as normas de uso e comportamento na biblioteca e tamén descubrindo novos recantos e actividades que podemos facer nela.

Nesta ocasión, aprendemos a programar os Zowi, a dirixir as Sphero Mini, así como desfrutamos doutros recantos como o Lego e o xogo dos vasos.

 

Linguaxe de programación e pensamento computacional en 4° de primaria.

 Hoxe gozamos dos recantos da biblio. Xogamos coa Osmo Pizza e co Concept. Tamén traballamos a linguaxe de programación e o pensamento computacional co Turttles, coas Osmo Coding e cos ratos robot.

Magic T-Shirt e Merge Cube en 4° de primaria

 Como nos gustou ver e descubrir o noso corpo coa camiseta que lle vestimos ao esqueleto e a aplicación Magic T-Shirt. Tamén usamos os Merge Cube que nos deron unha morea de información sobre os órganos.

Croma en 4° de primaria

 Gravamos unha serie de videos coa temática da visita ao concello que fixeron dentro do programa “Aprende Moaña” e coa técnica do croma, van editar esos videos cambiando o fondo verde por outro que elaboren. 

Xa veredes o resultado!

Libre Office Impress en 4º de primaria para as Ciencias

Na aula de 4º estamos a traballar sobre a froita que se consume no outono. Buscamos información sobre esas froitas típicas en distintas páxinas de internet, e agora, estamos a preparar un Libre Office Impress nos ordenadores con esa información. 

Vainos quedar moi chulo!

Merge Cube para traballar o corpo humano en 4º de primaria

 Na aula estamos a traballar sobre o noso corpo. Fixemos uso dos Merge Cube, coa aplicación Mr. Body, para profundizar sobre o aprendido dun xeito moi atractivo e lúdico. Gustounos moito!

Toontastic na aula de 4º de primaria

 Os nenos e nenas de 4º creamos un Toontastic que recolle as conclusións as que chegamos logo de buscar información sobre o Día Escolar da Paz en diversas páxinas web.

Mirade que fermosos quedaron.

Paint, Tux Paint, Canva e Typorama para felicitar o Nadal

 Que fermosas tarxetas fixeron os nenos e nenas de 1º e 2º coa aplicación Paint para desexarnos un Bo Nadal e unhas felices festas.

 Os nenos e nenas de 3º e 4º de primaria deséxanvos unhas felices festas con estas tarxetas elaboradas coa aplicación Paint.

 O alumnado de 5º elaborou unhas fermosas postais coa aplicación Tux Paint e o alumnado de 6º coa aplicación Canva. Todos e todas queren desexarvos un Bo Nadal.

4º de primaria crea un cómic coa aplicación Strip Design

Que creatividade teñen estes nenos e nenas de 4º. Crearon as súas viñetas e montaron un cómic no que deixaron voar a súa imaxinación.

Quedoulles moi fermoso!

Strip Design en 4º de primaria

Aquí temos aos nenos e nenas de 4º de primaria. Fixeron unha presentación empregando a aplicación Strip Design nos Ipad. Eles e elas fixeron as fotos, editáronnas e crearon os diálogos. Mirade que fermosa quedou a presentación.

 

Robot ratón e escornabot en 3º e 4º de primaria

 Hoxe, tanto o alumnado de 3º como de 4º, estivemos traballando cos robots rato e cos escornabots nunhas plantillas nas que poñiamos un obxecto para lograr chegar a él e varios obstáculos no camiño. O movemento tiñamos que programalo colocando tarxetas de movemento no chan ou escribindo ditos movementos nun folio.

Estivo moi divertido!

Sphero Mini en 4º de primaria

 Hoxe, en 4º estivemos traballando a lateralidade, a percepción espacial, as matemáticas, a colaboración e traballo en equipo e moitas cousas máis coas Sphero Mini. Montamos circuitos e fixemos rodar o robot polos diversos camiños escollidos por cada un e unha.

Sphero Mini para traballar a organización da biblioteca en 3º e 4º de primaria

Estos días estamos traballando a organización dos distintos espazos da biblioteca para saber movernos polos distintos recantos. Aproveitamos as sphero Mini para facer a aprendizaxe máis divertida.

Merge Cube en 4º de primaria

 

Entramos nun espazo virtual e axudamos aos protagonistas a resolver un misterio e atopar un tesouro.

SPHERO MINI EN 4º DE PRIMARIA

 Aprendemos sobre os conceptos CopyRight, Creative Commons con atribucións e Creative Commons non comercial xogando coas Sphero Mini.

Encantounos!

MERGE CUBE EN 4º DE PRIMARIA

 Canto aprendemos sobre o corpo humano e os seus principais órganos xogando cos Merge Cube!