Ut mot havet-genser

Eg valde litt andre fargar (for å seie det mildt) enn det Dorthe Skappel har gjort i denne Ut mot havet-genseren. Oppskrifta er gratis og du finn henne her.

Hovudfargen er ein tråd mini alpakka frå Sandnes (farge nr 4554) og ein tråd Suri Alpakka frå Sandnes (farge nr 4545). Det grå er ein tråd mini alpakka og ein tråd Suri. Det grøne og det gule er ein tråd Royal Alpakka frå Sandes og ein tråd Pickles Cozy.

Eg brukte pinnar nummer sju og strikka str M. Det blei ein romsleg og tjukk genser.

Ein fin måte å bli kvitt litt restegarn på!

Kastanje frå Skappel

Kastanje-genseren frå Skappel har fine haustfargar!  Det er nok minst eit år sidan eg kjøpte oppskrift og garn til denne genseren, men det er altså først no eg har strikka den.

Genseren er strikka på pinnar nummer sju i garnet MYK.  Eg strikka str M og genseren er ganske stor.  Meir om Kastanje her.

Halsen er litt for vid, så her må eg nok til med nokre fastmaskar for å stramme inn litt.

"Fiskerens genser"

Det er fine fargar i denne Skappelgenseren, synest eg.  "Fiskerens genser" er strikka på pinnar nummer sju med ein tråd Suri og ein tråd minialpakka frå Sandnes.  Meir informasjon her.

Kjappstrikka. Str. M.

Eskimo

Eg er stadig på leit etter nye måtar å bruke yndlingsgarnet mitt på: totråds merinoull frå Nøstebarn.  I denne Skappelgenseren, Eskimo, har eg difor brukt ein tråd Suri og ein tråd Nøstebarnull.  Det funka framifrå!

Oppskrifta på hettegenseren med lomme er henta frå boka "Mer Skappelstrikk". Genseren skal eigentleg strikkast i Suri og minialpakka, men eg skifta altså ut minialpakkaen med ull frå Nøstebarn.   Kvit Suri og blåbærblå ull vart ei vakker blanding, og ifølgje mottakaren er genseren skikkeleg herleg. 

Eg strikka genseren i str S på pinne nummer 7. Oppskrifta er enkel og lett å følgje. Stilig med detaljar som lomme og hette. Eg innbiller meg at nøstebarngarnet gir genseren litt meir "hald", slik at den kjem til å halde fasongen og ikkje sige.

Eg brukte nesten 350 gram Suri, medan det var nok med rundt 150 gram merinoull.

Lyng

Lyng, ja, det er akkurat det denne genseren heiter.  Grøn og brun: akkurat mine fargar.

Dette er faktisk ein Skappelgenser, berre sjå her.    Eg er i utgangspunktet ikkje så veldig begeistra for Skappelgenserar, fordi dei lett blir litt vide og slamsete.  Denne versjonen har eg laga rundfelling på, i staden for den fellinga som eigentleg skal vere på genseren (bildet er henta frå skappelgenseren.no):

Eg strikka min genser i str S-M.  Garnet er originalgarnet i originalfargane: bladgrøn og gyllenbrun MYK på pinnar nr 7.

Opning for tommelfingrane.

Skappelgenser med mønster

Dette er ein genser eg klarer å ha rett inn på huda.  Strikka i Suri frå Sandnes, som er originalgarnet. Det er laga av 96 prosent alpakka og 4 prosent polyamid.  I utgangspunktet slett ikkje mellom mine favorittgarn, men eg likte fargane veldig godt.

Fargar: rust nr 3355, sand nr 2521 og og blå 6081.  Strikka str M/L.