XIII SC / TRABALLOS ARTÍSTICOS SOBRE A CORUÑA

 

No patio central están expostos os traballos artísticos feitos polo alumnado do centro nas clases de debuxo de lugares icónicos da nosa cidade.

X SEMANA CULTURAL: VIDEOS DOS TRABALLOS DE PLÁSTICA DE 1ºESO

Aquí tedes o vídeo que realizou o alumno do Practicum de Plástica, Aarón Sabucido Represa, cos traballos do curso de 1º ESO de Plástica.

Video:

DÍA MUS-E 2018

Hoxe venres 23 de marzo e como antesala das vacacións de Semana Santa, celebramos o Día MUS-E 2018 no IES Plurilingüe "RAFAEL DIESTE". 

Esta celebración  mostrou todo o traballado este curso dentro do Proxecto MUS-E nas disciplinas de debuxo, música e educación física incorporando as distintas expresións artísticas nestas clases.

Videos:

VIAXE A GRECIA 2018

Atenas vista dende a Acrópole

Vista nocturna da Acrópole

Aproveitando os días festivos do Entroido, os Departamentos de Grego e Latín do IES Plurilingüe "Rafael Dieste" en colaboración con outros centros escolares da cidade, organizan unha viaxe cultural a Grecia, visitando os seus lugares de interés histórico. Aquí tedes fotos enviadas polos participantes na viaxe. As profesoras son membros do equipo da Biblioteca.

Epidauro

As Cariátides orixinais no museo da Acrópole

Porta dos Leóns en Micenas

O grupo na Igrexia Bizantina de Atenas

Filipeion (Olimpia)

No museo de Epidauro

O grupo cenando en Atenas

TOP 10 DAS ARTES

Recordades que aló a principios do mes de outubro, lanzamos unha enquisa dentro da campaña "BIBLIOTECA ESCOLAR: TERRITORIO DAS ARTES" das Bibliotecas Escolares 2016, para coñecer cales eran as dez obras máis importantes de cada unha das artes, según o noso alumnado. As enquisas pasáronse polas aulas, e aquí están os resultados:

TOP 10: LIBRO ACTUAL FAVORITO

1- “DIARIO DE GREG”

2- “HARRY POTTER”

3- “GERÓNIMO STILTON”

4- “AFTER”

5- “OS XOGOS DA FAME”

6- “50 SOMBRAS DE GREY”

7- “BAIXO A MESMA ESTRELA”, “NUNCA MÁIS”

8- “FURBOLÍSIMOS”

9- “O NENO CO PIXAMA DE RAIAS

10- “A TUNELADORA”

TOP 10: LIBRO CLÁSICO FAVORITO

1- “O QUIXOTE”

2- “EL SEÑOR DOS ANEIS”, “PINOCHO”

3- “ORGULLO E PREXUÍZO”, “O PATITO FEO”, “A HISTORIA INTERMINABLE”

4- “O LAZARILLO DE TORMES”

5- “A VOLTA AO MUNDO EN 80 DÍAS”, "O PRINCIPIÑO”

6- “ROMEO E XULIETA”

7- “OS CINCO”

8- “MULLERIÑAS”

9- “SHERLOCK HOLMES”

10- “VIAXE AO CENTRO DA TERRA”

TOP 10: CÓMIC, NOVELA GRÁFICA OU MANGA FAVORITO

1- “MORTADELO E FILEMÓN”

2- “ASTÉRIX E OBÉLIX”

3- “TINTÍN”

4- “ZIPI E ZAPE”

5- “DEATH NOTE”

6- “MAFALDA”

7- “NARUTO”

8- “DRAGON BALL Z”

9- “ONE PIECE”, “DEADPOOL”

10- “THE WALKING DEAD”, “POKÉMON”

TOP 10: CANCIÓN ACTUAL FAVORITA

1- “LA BICICLETA”

2- “COLD WATER”, “LET ME LOVE YOU”

3- “MAMA SAID”

4- “WE DON'T TALK ANYMORE”

5- “HASTA EL AMANECER”

6- “TREAT YOU BETTER”

7- “COLORS”

8- “LA PROMESA”

9- “SEVEN YEARS”

10- “AVIONES DE PAPEL”

TOP 10: CANCIÓN FAVORITA DOS 70, 80 OU 90

1- “IMAGINE”, “LET IT BE”

2- “YELLOW SUBMARINE”, “THRILLER”, “MAMMA MIA”

3- “THUNDERSTRUCK”, “BILLY JEAN”

4- “BACK IN BLACK”

5- “MAQUILLAJE”

6- “¿A QUIÉN LE IMPORTA?”

7- “HIGHWAY TO HELL”

8- “I WANT TO BREAK FREE”

9- “VALERIE”

10- “LOVE ME TENDER”

TOP 10: CANCIÓN CLÁSICA FAVORITA

1- 9ª SINFONÍA DE BEETHOVEN (O HIMNO Á ALEGRÍA)

2- “AS CATRO ESTACIÓNS”

3- 5ª SINFONÍA DE BEETHOVEN

4- “PARA ELISA”

5- “O LAGO DOS CISNES”

6- 7ª SINFONÍA DE BEETHOVEN

7- 6ª SINFONÍA DE BEETHOVEN

8- “CLARO DE LUNA”

9- RÉQUIEM DE MOZART

10- “A MARCHA TURCA”

TOP 10: PELÍCULA ACTUAL FAVORITA

1- “A FESTA DAS SALCHICHAS”

2- “HARRY POTTER”, “NUNCA APAGUES A LUZ”, “ESCUADRÓN SUICIDA”

3- “DEADPOOL”

4- “TRES METROS SOBRE O CEO”, “BAIXO A MESMA ESTRELA”

5- “O DIARIO DE NOAH”

6- “O SEÑOR DOS ANEIS”

7- “OS XOGOS DA FAME”

8- “O HOBBIT”, “50 SOMBRAS DE GREY”

9- “UN MONSTRUO VEN A VERME”, “O IMPOSIBLE”

10- “OS VENGADORES”, “AVATAR”, “CORPOS DE ÉLITE”

TOP 10: PELÍCULA CLÁSICA FAVORITA

1- “TITANIC”

2- “GREASE”

3- “FORREST GUMP”

4- “PETER PAN”, “MARY POPPINS”

5- “REGRESO AL FUTURO”, “KÁRATE KID”

6- “A VOLTA AO MUNDO EN 80 DÍAS”, “O REI LEÓN”

7- “A CINCENTA”, “ALOMORZO CON DIAMANTES”

8- “ALIEN”, “VENRES 13”

9- “A PANTASMA DA ÓPERA”

10- “A DAMA E O VAGABUNDO”

TOP 10: ESTILO DE DANZA FAVORITA

1- BAILE MODERNO/CONTEMPORÁNEO

2- BREAK DANCE

3- TWERKING

4- BACHATA

5- FLAMENCO

6- REGGAETON

7- BALLET

8- SALSA

9- JAZZ

10- SAMBA

TOP 10. ESCULTURA FAVORITA

1- O PENSADOR

2- A ESTATUA DA LIBERTADE

3- O DAVID

4- A VENUS DE MILO

5- A ESTATUA DE MARÍA PITA

6- O DISCÓBOLO

7- SOLDADO ROMANO DE BOTERO

8- A VICTORIA ALADA

9- APOLO E DAFNE

10- A SIRENIÑA DE COPENHAGUE

TOP 10: CUADRO FAVORITO

1- A GIOCONDA

2- AS MENINAS

3- O GRITO

4- O GUERNICA

5- OS XIRASOIS

6- A NOITE ESTRELADA

7- OS RELOXOS BLANCOS

8- O BICO

9- O CABALEIRO DA MAN NO PEITO

10- O NACEMENTO DE VENUS

TOP 10: OBRA DE TEATRO FAVORITA

1- ROMEO E XULIETA

2- O REI LEÓN

3- DON QUIXOTE

4- PROS E CONTRAS

5- CAPERUCHIÑA VERMELLA

6- MAMMA MIA

7- OS VELLOS NON DEBEN NAMORARSE

8- HAMLET

9- OS MISERABLE

10- DON JUAN TENORIO

TOP 10: OBRA ARQUITECTÓNICA FAVORITA

1- A TORRE DE HÉRCULES

2- A TORRE EIFFEL

3- A CATEDRAL DE SANTIAGO

4- A ESTATUA DA LIBERTADE

5- AS PIRÁMIDES DE EXIPTO

6- A SAGRADA FAMILIA

7- O BIG BEN

8- A TORRE DE PISA

9- O VATICANO

10- O TAJ-MAHAL

TOP TEN: FOTOGRAFÍA FAVORITA

1- O CHE GUEVARA DE KORDA

2- ALMORZO NO ALTO DUN RASCACEOS

3- O BICO DE EISENSTAEDT

4- O BICO DE DOISNEAU

5- A NENA DO NAPALM

6- NENA AFGANA DE OLLOS VERDES

7- O MELLOR BANCO DO MUNDO

8- OS BEATLES CRUZANDO ABBEY ROAD

9- ---

10- ---

AS PREGUNTAS PARA VALENTES
CÓMIC vs MANGA	CÓMIC
MARVEL vs DC	MARVEL
POESÍA vs PROSA	POESÍA
O SEÑOR DOS ANEIS vs XOGO DE TRONOS	O SEÑOR DOS ANEIS
CREPÚSCULO vs 50 SOMBRAS DE GREY	CREPÚSCULO
STAR WARS vs STAR TREK	STAR WARS
CINE vs TEATRO	CINE
FOTOGRAFÍA vs VIDEO	VIDEO
VINILO vs CD	CD
AC/DC vs GREMELIERS	AC/DC
TWERKING vs BALLET	TWERKING
FLAMENCO vs BAILE GALEGO	FLAMENCO

BIBLIOTECA ESCOLAR: TERRITORIO DAS ARTES

Este curso o lema e cartel da campaña de Bibliotecas Escolares 2016, cambia das exploracións do curso pasado (B.E.2015: Base de Exploracións) ás artes: BIBLIOTECA ESCOLAR, TERRITORIO DAS ARTES.

A ilustración do cartel é de Minia Regos, quen convida aos lectores a achegarse ao mundo das artes e experimentar o pracer de expresarse por medio da música, a pintura, a arquitectura, o teatro, a literatura, a escultura, as artes visuais (cine, cómic, fotografía, vídeo, videoxogos).

Por iso, dende a nos biblioteca queremos facer o TOP 10 das artes. E para conseguilo temos aquí esta enquisa. É importante que participedes nela, dende as titorías.

A BIBLIOTECA, O TERRITORIO DAS ARTES

AXÚDANOS A CREAR O TOP 10 DAS ARTES!

Axúdanos a entender mellor a xente nova. Dinos o que máis che gusta para que poidamos elaborar un ranking cos vosos gustos: 

1. Cal é o teu libro favorito? a. Actual: b. Clásico

2. Cal é o teu cómic, novela gráfica ou manga favorito? 

3. Cal é a túa canción favorita? a. Actual: b. Dos 70, 80 ou 90: c. Clásica

4. Cal é a túa película favorita? a. Actual: b. Clásica

5. Cal é o teu estilo de danza favorito? 

6. Cal é a túa escultura favorita? 

7. Cal é o teu cadro favorito? 

8. Cal é a túa obra de teatro favorita? 

9. Cal é a túa obra arquitectónica favorita? 

10. Cal é a túa fotografía artística favorita?

PREGUNTAS PARA VALENTES. ATRÉVETE!

1. Cómic ou manga? 

2. Marvel ou DC? 

3. Poesía ou prosa? 

4. "O Señor dos Aneis" ou "Xogo de Tronos"? 

5. "Crepúsculo" ou "50 Sombras de Grey"? 

6. "Star Wars" ou "Star Trek"? 

7. Cine ou teatro? 

8. Fotografía ou vídeo? 

9. Vinilo ou CD?

10. AC/DC ou Gemeliers? 

11. Twerking ou ballet? 

12. Flamenco ou baile galego?

Na nosa biblioteca temos unha exposición con documentos das diferentes artes: pintura, música, cómic, manga, fotografía, arquitectura, danza, teatro, literatura, escultura, cine e documental. Ven botarlle unha ollada! Se levas en préstamo algún documento exposto recibirás como agasallo o novo marcapáxinas da biblioteca.

O PRIMEIRO PICASSO: O CORUÑÉS

Dende o pasado 20 de febreiro e ata o vindeiro 24 de maio, podedes ver no Museo Belas Artes de A Coruña a maior mostra realizada na historia da etapa coruñesa do pintor malagueño de fama mundial, Pablo Picasso, baixo o título de "O PRIMEIRO PICASSO".

Enlace: "O PRIMIERO PICASSO", A CORUÑA 2015. (Slide de imaxes de "La Opinión")

CAMIÑO DE SANTIAGO

O departamento de relixión traballou cos seus alumnos "O camiño de Santiago", aportando este power-point para a Semana Cultural.

SEMANA CULTURAL 2013: ARTE ROMÁNICA GALEGA

O departamento de debuxo traballou cos seus alumnos a Igrexa de Santiago de A Coruña e o Pórtico da Gloria da catedral de Santiago, aportando este power-point que debedes ver con atención para aprender e contestar ás preguntas do noso xogo.

PETEIRO: O PINTOR QUE COLOREOU A NOSA CIDADE

Onte faleceu o pintor coruñés Jorge Peteiro. As súas obras tan características e recoñecibles están espalladas ao longo da nosa cidade, como ese pez espada que recibe aos visitantes da Casa dos Peixes.

A noticia no xornal LA VOZ DE GALICIA.
Jorge Peteiro: o arte na súas propias palabras.

Galería: Peteiro, unha vida en imaxes.
Galería: A pegada de Jorge Peteiro.

O Hermitage no Museo do Prado

Bebedora de absenta (1901), P.PICASO, Hermitage Museum 

Do 8 de novembro ao 25 de marzo pódense ver no Museo do Prado cerca de 180 obras procedentes do Museo Hermitage de San Petersburgo. É a primeira vez que se mostra fóra do Hermitage unha selección tan importante e numerosa das obras deste Museo e, polo tanto, é unha ocasión única de aprezar unha extraordinaria colección de arte, con pezas que van desde o século V a.C. ao século XX da nosa era.

Se amades a arte, non deixedes pasar esta magnífica oportunidade.

PATRIMONIO ARQUITECTÓNICO GALEGO

Hoxe en día é habitual cando se achegan uns días de vacacións que a xente organice unha viaxe para visitar algún lugar que aínda non coñece. Uns elixen lugares para descansar, relaxarse e cargar as pilas, outros prefiren unha viaxe cultural para coñecer o máis destacado dun país ou dunha determinada zona do mundo. Mais tanto uns coma outros volven coa cámara chea de fotografías para ensinar orgullosos aos que aínda non foron por alí. A maioría elixe lugares alonxados, tal vez por aquilo de que "canto máis lonxe é a romaría máis o agradece o santo" ou tal vez porque descoñece que perto da súa casa ten un patrimonio cultural riquísimo aínda por descubrir.

Descubrir ese patrimonio aos que aínda non o coñecen é o obxectivo que pretendemos coa presentación que tedes a continuación, porque non se pode presumir do que non se coñece.

Mosteiros de Galicia

View more presentations or Upload your own.

O PRIMEIRO PASO PARA CONSERVAR O NOSO PATRIMONIO CULTURAL É COÑECELO.

O PRADO AO ALCANCE DUN CLIC

Hai pouco o Museo do Prado inaugurou PRADOMEDIA, un canal con acceso online aos distintos recursos multimedia dedicados ás principais obras da colección. A través de Pradomedia temos acceso directo a vídeos, audioguías, audioguías para os máis pequenos e xogos con diferentes niveis de dificultade.

Só hai que entrar neste link , e mentres contemplas os cadros escoitas a audioguía coas explicacións, como se estiveses no mesmo museo.

MIRADE E XA DIREDES SE NON É UNHA MARABILLA!

EXPOSICIÓN SOBRE ALEXANDRE MAGNO

O 3 de decembro inaugurouse no Centro de Exposicións ARTE CANAL de Madrid a exposición "Alejandro Magno. Encuentro con Oriente" que permanecerá aberta ata o 3 de Maio. Nesta exposición podemos admirar máis de 330 pezas procedentes de 40 museos de todo o mundo, destacando os relevos da Porta dos leóns en Babilonia, os numerosos bustos de Alexandre, cascos, cerámica e un calendario zodiacal.

Está dividida en 10 áreas que recollen todas as facetas deste gran conquistador que unificou baixo a bandeira do seu imperio un vasto territorio desde Macedonia ata a mesma beira do río Indo.

Pero a figura de Alexandre (Alexandre III de Macedonia, 356-323 a.C.) esperta tamén curiosidade por algúns aspectos da súa vida envoltos aínda hoxe en lenda, como a relación co seu mestre Aristóteles, a súa morte ou a localización da súa tumba. Por iso podemos aproveitar para ler algunha das moitas novelas históricas escritas sobre este personaxe, ou ver a última película que Oliver Stone fixo en 2004 sobre el.

A continuación tedes un exemplo dalgún dos vídeos que se poden ver na exposición e neste enlace.

PASIÓN POR RENOIR

O 19 de outubro inaugurouse no Museo do Prado a primeira exposición monográfica dedicada a Renoir en España, baixo o título PASIÓN POR RENOIR.

A mostra conten 31 obras do artista impresionista (1841-1919), as mellores entre as reunidas polo coleccionista norteamericano Robert Sterling Clark, que permanecerán expostas no Prado ata o 6 de febreiro.
Se algun de vós ten a sorte de poderse achegar a Madrid con motivo da festa do 1 de novembro, ou nas vacacións de Nadal, ha de saber QUE RENOIR O ESTÁ ESPERANDO.

Moza peiteándose (1894) .............................Dúas mozas ao piano (1894)

Se premedes AQUI poderedes ver unha importante selección de cadros deste pintor.

E CHEGOU A PRIMAVERA...

A primavera, o resurxir da vida despois do periodo de latencia invernal, deu orixe a multitude de obras de arte. Non é difícil rastrexar dende tempos remotos ata os nosos días referencias a esta estación en infinidade de obras de escritores, pintores, músicos..., ben como tema ben como motivo ou símbolo.

O rapto de Perséfone de Gian Lorenzo Bernini

Xa que estamos a preparar a Semana de Grecia eliximos para celebrar o día de hoxe un mito grego, O rapto de Perséfone, e unha pintura do Renacemento que utiliza elementos mitolóxicos gregos, A Primavera de Botticelli.

Son moitas as versións que hai sobre o rapto de Perséfore, máis a primeira e máis fermosa de todas é O himno homérico a Deméter, que nos resumen así Matilde de Cal e José Manuel Bértolo en Os deuses do Olimpo, mitoloxía clásica en Galiza de Baía Edicións:

"Este himno conta como Perséfone, que estaba a coller flores cunhas ninfas nunha pradaría, foi raptada polo seu tío Hades e levada ao mundo subterráneo sen que ninguén escoitase os seus berros. A nai buscou a filla durante nove días vestida de loito e alumeándose de noite cun facho. Ao décimo día Hécate, que vira pasar a Core (=Perséfone) nun carro, cóntallo a Deméter e mándaa xunto a Helio co fin de coñecer o nome do raptor. Informada de todo o sucedido, abandona o Olimpo e emprende unha longa busca. Finalmente a deusa, moi afrixida, deixa sen vida os campos. Entón Zeus envía a Hermes ante Hades para que deixe volver a Perséfone. Hades non desobedece, pero antes dá de comer á súa muller un gran de granada, que fai que a deixe ligada ás mansións subterráneas. Ante esta situación chégase a un acordo: Perséfone permanecerá un terzo do ano, o que corresponde ao inverno, no Hades co seu esposo, e os dous terzos restantes, os que corresponden ao florecemento das sementes e a maduración das colleitas, no Olimpo coa súa nai. A explicación deste mito é clara: a semente (Perséfone) pasa un terzo do ano baixo terra para renacer con forza en primavera."

Así explicaban os antigos gregos os ciclos da morte e renacemento anual da natureza.

A continuación podedes ver efémeras creacións de area mentres escoitades a Primavera de Vivaldi.