XORNADAS DE FORMACIÓN DE RADIO CON AGARESO

O alumnado de 4ºESO comenzou hoxe cunha serie de xornadas de formación sobre radio colaborativa. Igual que o curso pasado, os talleres son impartidos pola asociación AGARESO (Asociación Galega de Reporteiros Solidarios). Os grupos aprenderan como se fai un programa de radio: como locutar, elaborar unha escaleta, gravar un podcast... Nesta ocasión farán unha entrevista online a dous activistas no mundo LGTBIQ+

INAUGURAMOS "RADIOFIESTRA": O PRIMEIRO PROGRAMA, UNA ENTREVISTA A PILAR PALLARÉS

O pasado xoves inauguramos as emisións de "RADIOFIESTRA" cunha convidada moi especial. Aproveitando o acto de homenaxe á Pilar Pallarés, Premio Nacional de Poesía 2019, no noso instituto fixémoslle unha entrevista na nosa nova emisora.

- ENTREVISTA A PILAR PALLARÉS EN "RADIOFIESTRA"

A partir de agora, poderes acceder aos programas de "RadioFiestra" na ligazón que teremos na columna dereita deste blogue picando neste icono:

A CORUÑESA PILAR PALLARÉS, PREMIO NACIONAL DE POESÍA 2019

Foto: Víctor Echave para 'La Opinión de A Coruña'

Hoxe informouse que a coruñesa Pilar Pallarés gañou o Premio Nacional de Poesía 2019 pola súa obra "TEMPO FÓSIL". Licenciada en Filoloxía Galega pola Universidade de Santiago, traballou como profesora de Lingua e Literatura Galegas nun instituto de cidade e colabora en distintos medios de comunicación.

+ info: 
- 'La Opinión de A Coruña' A coruñesa Pilar Pallarés, Premio Nacional de Poesía

- Entrevista con Pilar Pallarés en 'Sermos Galiza'

X SEMANA CULTURAL: ENTREVISTA A MORIS DURÁN

O venres 3 de maio poidemos escoitar a entrevista que tres alumnos de 2ºESO A e B de ITI fixeron ao actor galego Antonio Durán, "Morris".

Morris é un actor de longa traxectoria interpretativa no teatro e moi coñecido en produccións audiovisuais galegas, como "Pratos Combinados", "Padre Casares" na TVG ou "Fariña".

Nesta entrevista feita por Izán Álvarez Roa e Daniel Seijo Mosquera (2ºB) e Martiño Montes López (2ºA), Morris fala dos seus inicios como actor e fai un repaso das súas interpretacións máis destacadas.

Lamentablemente non conseguimos poder insertar o audio da entrevista aquí, estamos traballando para poder facelo.

PREMIADAS EN "VOZ NATURA 2017"

[Foto: Ángel Manso, "La Voz de Galicia"]

Achegamos un recorte do xornal "La Voz de Galicia" do día de hoxe no que podemos ver a unha das alumnas e unha profesora do noso centro. Foi o pasado sábado 3 de xuño en Acea de Ama, Culleredo, donde se celebrou a XX Festa Anual de Fin de Curso de "VOZ NATURA". 

A nosa alumna Marta Guede de 2ºESO-A resultou gañadora do segundo premio na modalidade de Entrevista do Concurso "Mellor Periodista Infantil e Xuvenil 2016-2017". Na foto aparece coa súa profesora de Lingua Castelá, Mercedes Garrote.

Noraboa e parabéns a ambas!

DÍA DA PAZ: ENTREVISTA AOS MEDIADORES

Como xa falamos, este curso para conmemorar o Día Da Paz, o pasado 30 de xaneiro, entrevistamos ao grupo de mediadores do noso instituto. Estes foran as preguntas:

1- En qué consiste a mediación?
2- Por qué decidíchedes ser mediadores?
3- Cantas horas de formación recibíchedes?
4- En qué consistiu esa formación?
5- Qué cualidades ten que ter unha boa mediadora?
6- Cantos casos leváchedes o curso pasado? E iste?
7- Tiveron un resultado satisfactorio?
8-   Houbo algún caso que non fósedes quen de resolver e que pasara a mans de Xefatura de Estudos para seren sancionados?
9- Cales son os cursos máis conflictivos?
10- Cales adoitan ser as causas que levan a mediación?
11- Pensades que ter un grupo de mediación no instituto é positivo?
12- Vedes que a vosa labor ten resultados no día a día?
13- Levades casos de acoso?
14- Recomendaríades a experiencia a outras persoas?

Podedes ver o video picando neste ENLACE.