Alpn
D' Alpn zyn de grotste en hoogste bergkeetn die hêlegans in Europa ligt, van de Fransche Middellandsche Zêekust in 't zuudwestn toet de Pannonische Vlakte in 't ôostn. 't Gebergte strekt hem oengeveer 1.200 km uut over acht stoatn: Ôostnryk (29%), Itoalië (27%), Vrankryk (21%), Zwitserland (13%), Duutsland (5,8%), Slovenië (3,5%), Liechtnstein (0,08%) en Monaco (0,001%). Den hoogstn top is de Mont Blanc (4810 m).
D' Alpn wordn begrensd deur de Povlakte, de Golf van Genua, de Rhônevlakte, 't Juragebergte, 't Zwitsers Plateau, de Beyersche Vôoralpn en de Klêene Hongoarsche Lêegvlakte. De boge van d' Alpn begunt by de Golf van Genua, woar da 't gebergte ôostwoarts overgoat in d' Apennynn. Vanof hier lopt 't gebergte noa 't nôordn en buugt ton ôostwoarts roend de Povlakte. In die ombugienge kommn d' Alpn teegn 't Juragebergte te liggn, vo ton verder noa 't ôostn geleidelijk an lêger te kommn. By Weenn zyn d' Alpn geschèid van de geologisch verwante Karpoatn deur de Weensche Bassing.
-
Mont Blanc -
Matterhorn, Walliser Alpn -
Jungfrau, Berner Alpn
| Ofbeeldiengn die ier by passn ku je vien in de categorie Alps van Wikimedia Commons. |