Natasha Mazzone
| Natasha Mazzone | |
Mazzone in 2018 | |
| Leier | John Steenhuisen |
|---|---|
Skaduminister van Kommunikasie en Digitale Tegnologie
| |
| Ampstermyn 21 April 2023 – 14 June 2024 | |
| Voorafgegaan deur | Dianne Kohler-Barnard |
| Opgevolg deur | Pos vakant |
Hoofsweep van die Amptelike Opposisie
| |
| Ampstermyn 31 Oktober 2019 – 18 Augustus 2022 | |
| Vise | Jacques Julius |
| Voorafgegaan deur | John Steenhuisen |
Lid van die Nasionale Vergadering van Suid-Afrika
| |
| Ampsbekleër | |
| Termynaanvang 6 Mei 2009 | |
Persoonlike besonderhede
| |
| Gebore | 9 Mei 1979 Pretoria |
| Politieke party | Demokratiese Alliansie |
| Eggenoot/-note | Kevin Mileham (2017–) |
| Alma mater | Universiteit van Pretoria Universiteit van Suid-Afrika |
Natasha Wendy Anita Mazzone (gebore op 9 Mei 1979) is 'n Suid-Afrikaanse politikus wat tans as die hoofsweep van die amptelike opposisie in die Nasionale Vergadering van Suid-Afrika dien. Sy dien al sedert 2009 as 'n LP en verteenwoordig die grootste opposisieparty, die Demokratiese Alliansie (DA). Sy is die tweede ondervoorsitter van die Federale Raad van die DA en die party se woordvoerder oor staatskaping. Sy was voorheen adjunk- skaduminister van justisie en staatkundige ontwikkeling, skaduminister van openbare ondernemings en ook skaduminister van kommunikasie.
Vroeë lewe en uitbeelding
[wysig | wysig bron]Mazzone is in 1979 in Pretoria gebore. Sy is die kind van immigrantouers. Haar vader Giovanni is in Pietrastornina in die Avellino provinsie van Italië gebore. Hy is 'n sjef. Haar moeder, Valerie, is uit Londen afkomstig. Mazzone is die jongste van drie kinders. Sy het haar skoolonderrig by die Laerskool Sunnyside en die Glen High School in Pretoria ontvang.[1]
Mazzone het aan die Universiteit van Pretoria gestudeer om 'n prokureur te word, maar sy kon nie die graad voltooi nie. Sy het daarna haar klerkskap by Hahn & Hahn Prokureurs voltooi. Mazzone het musiek en opera aan die Lorraine Haverman-musiekskool studeer. Sy is toe in 2010 gekies om aan die American Council of Young Political Leaders-program deel te neem.[2]
Politieke loopbaan
[wysig | wysig bron]Mazzone is 'n feminis en 'n ondersteuner van gelyke regte. Sy is ook 'n LGBTI-aktivis en 'n liberaal.
Mazzone het haar politieke loopbaan in 1997 aan die Universiteit van Pretoria (UP) begin, waar sy as die voorsitter van die Demokratiese Party (DP) se jeugtak gedien het. Sy word in 1998 as die federale jeugleier van die DP verkies. In dieselfde jaar is sy tot die Studenteraad by UP verkies en as die Uitvoerende Lid vir Studenteveiligheid verkies. Sy is in 1999 as die speaker van die UP Studenteraad verkies. In 2000 word die Demokratiese Alliansie (DA) gevorm en die DP vorm deel van hierdie samesmelting. Sy is toe as die federale jeugleier van die DA verkies, 'n amp wat sy tot 2004 beklee het.[3]
Op die ouderdom van 21 in 2000 is sy tot die stadsraad van Tshwane verkies. Op daardie stadium was sy die jongste raadslid. Sy word hierna in 2003 as die hoofsweep van die DA-koukus verkies.[3]
In 2009 word Mazzone 'n lid van die Nasionale Vergadering van Suid-Afrika. Sy het al verskeie posisies in die DA se skadukabinet beklee. Sy dien ook as 'n lid van verskeie komitees, insluitend die Gesamentlike Staande Komitee vir die Finansiële Bestuur van die Parlement, die Dissiplinêre Komitee, die Portefeuljekomitee vir Openbare Ondernemings en die Reëlskomitee. Sy is ook die DA se sweep verantwoordelik vir wetgewing.
Mazzone was destyds betrokke by die provinsiale politiek van Gauteng. Sy is as een van drie provinsiale voorsitters van die DA in 2009 verkies voor sy in 2010 vir die pos van provinsiale leier gestaan het. Voormalige DA-LP Janet Semple het daardie verkiesing gewen.[4]
In 2018 is sy as die tweede-adjunk voorsitter van die Federale Raad van die DA verkies. Sy het saam met Thomas Walters gedien.[5]
Op 31 Oktober 2019 het John Steenhuisen vir Mazzone as die hoofsweep van die DA-koukus aangestel wat haar gevolglik ook die hoofsweep van die amptelike opposisie gemaak het. Sy is die eerste dame om die amp te beklee.[6]
Persoonlike lewe
[wysig | wysig bron]Sy is getroud met mede-DA LP Kevin Mileham. Mazzone is 'n Boeddhis.
Verwysings
[wysig | wysig bron]- ↑ (en) Zulu, Makhosandile. DA’s Natasha ‘dark father’ Mazzone under Twitter fire for race comment, The Citizen, 7 Mei 2018. Besoek op 19 Desember 2019.
- ↑ (en) South African party leader qualifications: ANC vs DA vs EFF, BusinessTECH, 26 November 2018. Besoek op 19 Desember 2019.
- ↑ 3,0 3,1 (en) Natasha Mazzone: Qualifications, achievements, and new role explained, The South African, 31 Oktober 2019. Besoek op 19 Desember 2019.
- ↑ (en) Du Plessis, Carien. Charged DA leader voted out, IOL, 18 April 2010. Besoek op 19 Desember 2019.
- ↑ (en) Khoza, Amanda. Natasha Mazzone remains DA's second deputy federal council chair Geargiveer 17 Mei 2019 op Wayback Machine, News24, 10 Junie 2018. Besoek op 19 Desember 2019.
- ↑ (en) Steenhuisen appoints Mazzone as DA's chief whip in Parliament Geargiveer 5 November 2019 op Wayback Machine, News24, 31 Oktober 2019. Besoek op 19 Desember 2019.