Sindi Chikunga
| Sindisiwe Chikunga | |
Chikunga in 2013 | |
Minister van Vervoer
| |
|---|---|
| Ampsbekleër | |
| Termynaanvang 7 Maart 2023 | |
| Vise | Lisa Mangcu |
| President | Cyril Ramaphosa |
| Voorafgegaan deur | Fikile Mbalula |
Adjunkminister van Vervoer
| |
| Ampstermyn 5 Augustus 2021 – 6 Maart 2023 | |
| President | Cyril Ramaphosa |
| Voorafgegaan deur | Dikeledi Magadzi |
| Opgevolg deur | Lisa Mangcu |
| Ampstermyn 12 Junie 2012 – 29 Mei 2019 | |
| President | Jacob Zuma Cyril Ramaphosa |
| Voorafgegaan deur | Jeremy Cronin |
| Opgevolg deur | Dikeledi Magadzi |
Adjunkminister van Staatsdiens en -administrasie
| |
| Ampstermyn 30 Mei 2019 – 5 Augustus 2021 | |
| President | Cyril Ramaphosa |
| Voorafgegaan deur | Chana Pilane-Majake |
| Opgevolg deur | Chana Pilane-Majake |
Persoonlike besonderhede
| |
| Gebore | 9 November 1958 Muden, Natal |
| Nasionaliteit | Suid-Afrikaner |
| Politieke party | African National Congress |
| Kind(ers) | 2 |
| Alma mater | Universiteit van Suid-Afrika Universiteit van Pretoria |
Sindisiwe Chikunga is 'n politikus wat sedert Julie 2024 die Minister in die Presidensie vir vroue, die jeug en persone met gestremdhede dien. Sy was van Maart 2023 tot Junie 2024 die Minister van Vervoer. 'n Lid van die African National Congress en sedert 2004 'n lid van die Nasionale Vergadering van Suid-Afrika. Chikunga het voorheen twee keer as Adjunkminister van Vervoer gedien, van 2012 tot 2019 en weer van 2021 tot 2023, en as Adjunkminister van Staatsdiens en Administrasie van 2019 tot 2021. Sy is 'n vroedvrou van beroep.
Vroeë lewe en opvoeding
[wysig | wysig bron]Chikunga is op 9 November 1958[1] in Muden in die huidige KwaZulu-Natal gebore. Haar pa was Lutherse kerkleraar ds Lucas Gcaba. Gedurende haar kinderjare het haar gesin gereeld tussen dorpe getrek, van Muden tot Greytown en verder na Kopleegte waar sy op laerskool was.[2]
Sy het 'n Baccalaureus Artium en 'n Honneursgraad in Verpleging van die Universiteit van Suid-Afrika sowel as 'n MA in Verpleging van die Universiteit van Pretoria. Aan die Edendale Verpleegkollege het sy beide 'n Diploma in Verloskunde en 'n Diploma in Verpleegwetenskap verwerf. Ten tyde van haar aanstelling as Minister van Vervoer in Maart 2023 het sy vir 'n meestersgraad in politieke wetenskappe aan die Universiteit van Suid-Afrika gestudeer.[3] Chikunga het as 'n verpleegster in Mpumalanga gewerk.[3]
Politieke loopbaan
[wysig | wysig bron]Chikunga het in die 1980's lid geword van die DCO Makiwane Youth League. Sy het ook leiersposisies in die African National Congress in Mpumalanga beklee;[4] sy was 'n ex officio-lid van die ANC se Gert Sibande Streek Uitvoerende Komitee en het ook as voorsitter van die streek gedien. Chikunga was ook 'n ex officio-lid van die Streek Uitvoerende Komitee van die African National Congress Women's League. Sy is 'n voormalige lid van die ANC se provinsiale uitvoerende komitee in Mpumalanga.[4]
Chikunga het in 2004 ’n parlementslid vir die ANC geword. Tydens haar ampstermyn as ANC-LP het sy op die portefeuljekomitee oor korrektiewe dienste, die gesamentlike begrotingsportefeuljekomitee, die portefeuljekomitee oor behuising, die komitee oor ouditeur-generaal asook die gesamentlike staande komitee oor verdediging gedien.[4] Van 2009 tot 2012 was Chikunga voorsitter van die Portefeuljekomitee oor Polisie waartydens sy gereeld met nasionale polisiekommissaris Bheki Cele gebots het.[5]
Minister van Vervoer: 2023
[wysig | wysig bron]Nadat die vorige minister van vervoer, Fikile Mbalula, as sekretaris-generaal van die African National Congress by die 55ste nasionale konferensie verkies is, 'n posisie wat vereis dat hy voltyds in Luthuli-huis moet wees, het Ramaphosa sy kabinet op 6 Maart 2023 geskommel waartydens hy Chikunga as Mbalula se opvolger as minister van vervoer aangewys. Lisa Mangcu is as die nuwe adjunkminister van vervoer aangestel. Chikunga en al die ander nuutaangestelde ministers en adjunkministers is die volgende dag deur hoofregter Raymond Zondo tydens 'n seremonie by Tuynhuys in hul amp beëdig.[6]
Op 24 Maart 2023 het Chikunga aansprake van die Ekonomiese Vryheidsvegters, 'n opposisieparty, ontken dat sy hul National Shutdown-protes op 20 Maart gesaboteer het, deur busmaatskappye opdrag te gee om hul dienste te kanselleer en nie EFF-ondersteuners te vervoer wat die betoging wil bywoon nie.[7]
Verwysings
[wysig | wysig bron]- ↑ NPE2024 - Nasionale Kandidatelys soos op 10 April 2024
- ↑ "On the record...Sindiswa Chikunga, Chairperson of the Parliamentary Portfolio Committee on Police". Besoek op 8 Maart 2023.
- ↑ 3,0 3,1 Payne, Suné (6 Maart 2023). "THE SHUFFLE: Who is Sindisiwe Chikunga, the new transport minister replacing Fikile Mbalula?". Daily Maverick (in Engels). Besoek op 8 Maart 2023.
- ↑ 4,0 4,1 4,2 "Sindisiwe Chikunga, Ms | South African Government". www.gov.za. Besoek op 8 Maart 2023.
- ↑ "Sindisiwe Chikunga: The fiery midwife who took on Cele". The Mail & Guardian (in Engels). 15 Desember 2011. Besoek op 8 Maart 2023.
- ↑ Payne, Suné (7 Maart 2023). "THE SHUFFLE: It's official, SA's seven new ministers and nine deputy ministers sworn into office". Daily Maverick (in Engels). Besoek op 8 Maart 2023.
- ↑ Ditabo, Malaika. "Transport minister rejects EFF claims of shutdown sabotage to 'serve personal, partisan agenda'". News24 (in Engels (VSA)). Besoek op 29 Maart 2023.
Eksterne skakels
[wysig | wysig bron]- "Sindi Chikunga". People's Assembly. Besoek op 24 Junie 2018.