1 Vakre Ella Marie...

Ventetida er over! Bileta er her: ) Det tok ikkje lange tida, tenker dykk kanskje. Stemmer det, Maria får det gjort! Feiande flotte bilete vart det også! Sjå den vakre jenta vår!

Fotograf: Maria Reme

Fotograf: Maria Reme

Fotograf: Maria Reme

0 Vårglede!

Påsken gjekk i år forbi som dagar flest, påskestemninga var verken til å ta eller føle på. Far i huset jobba kveldsvakter fram t.o.m. påskeafta, og mor gjorde det mødre gjer. Ikkje var veret til å rope Hipp Hurra for heller, så litt stusseleg var det jo. 1. påskedag derimot, kom tante Kari og onkel Jørgen på besøk, og med seg hadde dei eit svært lammelår som dei kokkelerte middag av. Det var eit HERLEG påskemåltid!

Takk for maten!

Eit par rundar med brettspel vart det også, og Ella fekk kikke litt på tante og onkel. Ein veldig koseleg dag: )

Sjølv om påska stort sett gjekk stille forbi, er jo likevel kvar dag er ein fest i Misjeheimen. Onsdag var derimot ekstra staseleg, då var Ella 1 mnd og det feira me med ein fotosession hos fotograf. Ella er jo eit veldig vakkert born! Maria tok i mot oss med mykje hjartevarme, og stort tolmod. Me syns jo Ella er vorten stor på ein månad, men ikkje stor nok til å gjere som foreldra vil. Til dømes var ikkje alle tre einige om at det ville vere søtt å ligge på magen, mindretalet vann. Med mykje skrik og skrål. Men kva gjer vel det, når veslepusen har så mange andre gode sider?! Me fekk nydelege bilete, men De må vente i kriblande spenning til me får dei ferdige resultata: )

Me kjem sjølvsagt til å feire kvar månadsdag stort. Eller ikkje.

Ella er meir og meir vaken og smokken er fast fylgjesven. Det er ikkje triveleg når den dett ut... Sjå sjølv:

Det er altså ikkje mykje mor får gjort når det er slik det skal vere... Trilling har heldigvis samme effekt, så me er stadig ute på trilletur. Friskt og godt, og de er DEILIG å kjenne sola vame att. Våren er komen for å bli, og buskar og tre har antydningar til grønskjær her i Tigerstaden. Eit herleg syn. Me gler oss til grøne, frisk blad stengjer av utsikta til Ring 2 frå stovevindauge. Og kanskje finn ein inspirasjon til å vaske vindaugo når det er så mykje fint å sjå på utanfor? Det ville vore noko!

Første kontroll på helsestasjonen er 6-vekerskontrollen. Det skal seiast at me kan gå på helsestasjonen når det måtte vere, og sjølv vege og måle. Det gjorde me på tysdag, dagen før ho var 1 mnd. Resultatet er som fylgjer:

Ho har lagt på seg omlag 900 g, og vokst 5-6 cm. Flott det!

I mai kjem me alle ein tur til vestlandet. Då håpar me at me får truffe dykk som held til der!

Mamma og pappa sin pus!

1 Så snille de er!

Gåver og blomar strøymer inn til Ella, så TUSEN TAKK!

Takkekort med hjarteknusande bilete kjem sjølsvagt etterkvart: )

Ella er no over 3 veker, og er fullt oppteken med å vekse. Me har ikkje vore på vekta etter me kom frå føden, men så er det heller ikkje så vanskeleg å sjå og kjenne! Kvernenesnasa er i ferd med å forsvinne. Eg har ein mistanke om at svært mange born vert fødd med Kvernenesnase. Kanskje er det omvendt, at det er me Kvernenesar som har fødselsnaser?

Og for dei som framleis undrar; ei Kvernenesnase er rund og brei!

Kva har me lært så langt? Jo..

1. Det er mindre slitsamt å gå på do i tre gonger i søvne når ein er gravid, enn å amme 2 gonger.

2. Grønn bæsj er ikkje farleg.

3. Graviditetplager og fødselssmerter vert svært fort gløymd. Eg såg på ein fødsel på programmet "Sykehuset" og tok meg sjølv i å tenkje "ÅÅÅÅ, så kjekt!". Eg kan ikkje hugse at eg tenkte det då eg låg der sjølv...

4. Overraskande lite vert gjort med baby i huset, likevel går dagen fort.

5. Ella bryr seg ikkje om møkkete vindauge. Herleg.

6. Det meste kan lukte sur mjølk.

7. Ein får aldri nok sovebilete...

...eller kosebilete...

Det går framleis i soving, eting og bæsjing, men også litt skriking, særskild om kvelden. Då er dette beste medisin:

Me har også hatt mange trilleturar og mamman og pappan er svært nøgd med vogna. Heilt topp! Og så har jo Ella fått så fin heimesydd dress av Bergljot og Sven Atle. Lua er frå Kamilla & Tor Arne. Mamman har faktisk ikkje sett den bra stripematchen før no... Stilig!

Det er PÅSKE, men ikkje mykje påskestemning...

For vesle familien Misje vert det bypåske. Petter skal ha jobbepåske og Ingrid skal ha kose-med-Ella-påske. Det er ikkje så veldig mange andre att i byen. Litt kjipt var det difor at Ingrid kom for seint på at det kanskje hadde vore lurt å skaffe seg ein hobby desse dagane, like kjipt var det at siste kvardag før ei rekkje med heilagdager var våt og regntung. Det fristar altså IKKJE å gå ut på handletur. Me får heller sjå kva me har i skuffer og skåp, noko skal ein vel finne på, også dersom veret held seg som det er, altså TRIST!

I dag skal me i alle fall på middag til tante Monika, onkel Ole og fetter Konrad. Mmm!!

GOD PÅSKE, ALLE SAMAN!!