1 Ballom!

Eller ballong som me store seier  : )

Ballongane flyr, veka flyr og i morgon er det advent!

Som regel syns eg ikkje advent og desember kjem fort nok, men i år ramlar det over oss.

Sjølv om det himla kaldt for tida, så er det ei av dei beste tidene på året me er på veg inn i, spør du meg. Julemusikk, stearinlys og juleførebuingar. Kanskje ein adventskalender i år? 

Datamaskinen er tullete for tida, så eg får ikkje fiksa bileta slik eg vil. Når det er sagt er Ella tullete for tida også, og vil ikkje sove på kveldane og/eller nettene, så det hadde ikkje vore tid til billedredigering likevel...

Men ho er så SKJØNN at det gjer ingenting!

Nesten ingenting. 

♥

1 Kosemosesøndag

Laurdag, i går altså, hadde me koooseleg bursdagsfeiring! Heimen var pakka av gode vener. 13 vaksne og 6 born er nok på 55 m2 : ) Kanskje har me fått stort fint hus når eg når 35 år, så då kan eg invitere mange fleire, ikkje berre Ring 3-venar : )

Me vakna ti på ti i dag! Heile gjengen. Nei, Ella  sov IKKJE heile natta! 

Men då er me jo heldig at det ikkje er morgon kl. 07:00, eller det som verre er, uansett.
 Pappa P fekk den glimrande idéen at Ella skulle droppe kvila si ettersom ho hadde sove så lenge på morgonen.
Det enda med at Ella sovna i kveldsgrautfatet.
Ein kan sei at ho mor fekk hjarta i halsen då ho fant Ella hengande med hovudet i tripp-trappen. Rett bort og sjekka puls og pust! Så veit me at DET instinktet er på plass i alle fall...

Men me har kosa oss mykje mellom morgon og kveld! Frukosten bestod av luksussnittar frå gårsdagen, nam nam! Så lesekos, peiskos og ballongkasting : ) Endeleg, etter veker med lange arbeidsdagar: ein dag utan planar, berre fri og berre Ella. Jaja, pappa gjekk på kino då. Så då gjekk eg og Ella på lagersal av garn. Kanskje ikkje kjempelurt. Stikkorda er kø, kaldt og dyrt. Forhåpentlegvis vert det noko fint ut av det. Eg skal byrje i kveld: )
Skulle ikkje forundre meg om de får sjå resultatet når den tid kjem!

Her kan de forresten sjå to av dei tre gyngande tinga eg kjøpte på finn.no for ei stund tilbake. Gyngestolen (frå finaste Frogner, men made in Skudenes) var i noko oljebehandla tre, men har fått eit par strøk med kvitmaling av meg. Den treng eitt strøk til.
Planen var å male hesten (made in.. the 70s) også, men den må pussast ned først, og den tiltakslysta har ikkje funne meg enno.

Og kan eg verkeleg male over eit blikk som dette...?

I skrivande stund skulle ein tru at Ella søv godt i senga si, etter ein lang og god kosedag utan kvil, ikkje sant?
Slik er det ikkje.
Ho hadde ein liten dupp, som altså starta i grautfatet, men etter ein liten time var det tut og køyr att. No er ho lagd for andre gong.
Kaaanskje me no kan driste oss til å ta fram kakerestane frå i går?
Eg prøver...

♥

2 Finfint!

Det er litt drøyt å vere ferdig med 20-åra. Men ein er vel stadig i sin beste alder, er ein ikkje? Eg saknar sjeldan å vere noko anna, i alle fall.

Furte over alderen skal eg i alle fall ikkje gjere! Dei fleste er framleis eldre enn meg : ), og eg er på eit finfint stadie i livet. Småbornsfamilielivet er hektisk, men herleg. Dessutan er det ikkje Ella som er dagleg ansvarleg for å sleppe lufta ut av meg, det er det dei andre 20 borna mine som er. 

Ella blåser ny luft inn i ho mor kvar ettermiddag.

Så var det å få familieidyllen foreviga.... ikkje lett : )

Fotograf: iMac´en 

Gratulerar med 30-årsdagen til meg! Hurra hurra!

♥

1 Ei veksande jakke

Så var sesongens første strikkeplagg ferdig. Halve er strikka i ein solstol på Gran Canaria, men så kom me heim og prosjektet vart lagd i ein krok ei stund før eg satte inn støtet att.

Oppskrifta er frå Nøstebarn, garnet er Sandnes alpacca. Særdeles mjukt, varmt og deilig.

Jakka er strikka i eitt stykke, på tvers, og strekkjer seg når magen strekkjer seg. Derav det passande namnet "veksejakke". Denne jakka held fint to sesongar.

I mangel på fire like knappar, fekk den fire ulike : ) og eg fekk endeleg bruke poppis-knappen eg kjøpte på Snella og Petronellas knappelab for halvanna år sidan. Den har eg spara til riktig anledning: )
Forøvrig ein supersøt liten knappebutikk...eh.. fabrikk! Der lagar dei, og sel, dei søtaste porselensknappar iført kvite labfrakkar. Dei som jobba der altså, ikkje knappane.

Eg syns det vart ei veldig stilig knappesamansetting, eg!

Dei nye namnelappane er geniale til heimelaga strikkeklede. Namn og oppheng i eitt! Både barnehagen og mor er godt nøgd! Og ingen stryking. Dvs, dei KAN strykast på også.

Smart, eller kva?

Ellers må eg skryte litt av jentene i huset i dag (Ella Marie og meg sjølv). Me "vekka" pappa P med gåve og sjokolade på senga. Det er jo farsdag! Det kom eg på då eg passerte Dressmann i går. Men det var tidsnok, det! Pappa P sjølv, derimot, var ikkje klar over kva dag det var og meinte svoger R hadde bomma kraftig då han hadde sendt "Gratulerar Med Dagen" i ein sms rett før.

Eg byrjar å verte bekymra for den store dagen i komande veke...

Ella hostar, harkar og snørrar, men er ved godt mot der ho sit og kikkar etter pappa på TV. Cup-finale, kaninøyrer på hovudet, kakemenn og mandariner. Konsumeringa av dei to sistnemnde er betydeleg.

Greit det, det er jo snart advent!

♥

1 Jumpsuits

I mangel på god haustlektyre frå mi side, sender eg ut ein sval sommarbris i staden. I skrivande stund prøver å hugse kor godt sola varma og bruna... men får det ikkje til. Kanskje fordi sola ikkje virka som det skulle i sommaren som var. Eller kanskje fordi hjernebarken er frossen etter å ha vore ute i minusgrader i sommarjakka...

Vinterjakke er noko eg ALDRI finn. Eg kan ikkje hugse sist vinter eg var godt nøgd med vinterjakka mi.

Seinare i dag skal me derimot på Smart Club og kjøpe meg termodress. Ikkje til kvardagsbruk, men absolutt til turdagar med 1. trinn gjennom haust og vinter. 

Det vart ein del jumpsuits på symaskina i sommar. Både i størrelse 1, 2 , 6 og 8 år. 

Ei til kvar av kusinene.

Lette og deilige sommarbukser til store og små, med strikk nedst så den kan brukast som kortare bukse på varmare dagar (og gjerne med ballerinaskjørt!)

No er det november allereie og buksene er nok for små for heile gjengen : )

♥

4 Travelt

Veka er fyllt opp med foreldresamtalar og haustutstilling på jobb.

Ho mor får max eit par timar vakentid saman med Ellapusen kvar dag. Og då tøyer me leggjetida...

Det er alt for lite. 

100% jobb er ein naudsynt vondskap.

Gler meg til jul! Den siste veka har nemleg juleferien vorte to dagar lengre: )

Sommarferien har vorte to dagar kortare, men kven bryr seg?

♥