Ja, i all beskjedenhet vil eg kalla det nye kjøkenet vårt det : )
Me reiv det gamle, samt ein vegg, med det same me overtok huset. Snille, snille kompis Lars Harald var bygningssjef både på nedriving og oppbyggjing. Familien Buck hjalp også til, ikkje minst Andy. Thank you very beary much!!
Underskrivande var stor, tung og skranglete, og ikkje så mykje hjelp i.
Kjøkenet vart realtivt fort nesten ferdig, det har gjenstått noko listearbeid og tilpassingar.
Men så kom det ein baby først: )
Då passa det godt at det var dåp i helga, slik at me kom i gir att.
No har me endeleg satt punktum, og det er klart for å visast fram til alle som ikkje har vore her endå..
Kjøkenet er frå IKEA av typen Applåd. Vifta over platetoppen er einaste kvitevare frå IKEA, den er ikkje berre snasen og kul, men GOD. Dei fleste vil meine det er ein fordel at den er skrå, men så finst det også slike som meg som bruka å støtte hovudet til vifta under sauserøring... : )
Men diamanten i dette smykkeskrinet er kjøleskapet. Det er så tøft, det! Eg blir glad kvar gong eg ser det!
Då eg pakka opp lampen, fekk eg eit skeivt blikk frå mannen. Han lurte på kvar eg hadde fått tak i denne kyrkjeklokka? Og var det skipstønne morfar lurte på om det var..?
Dei kan berre le! Lampen og det kvite interiøret omfamnar kvarandre akkurat som Fru Salt og Herr Pepper frå markedet i Arguineguin.
Det skal seiast at Pappa P faktisk har vorten svært glad i lampen etterkvart : )
Ope og lyst. Morgonsola skin inn på frukostbordet. Passe open løysing til resten av etasjen, som altså er stova (den får de få sjå ei anna gong).
Me er rett og slett råfornøyd!
♡
Til samanlikning, her er bileta frå prospektet (som i grunn berre var Finn-annonsa, ettersom huset vart solgt privat).
Kva likte
du best? Hihi...
♡