Njuike sisdoaluide
Njuike sisdoaluide
Sápmi

Márjjábeivviid njoarostangilvu lei čohkken olu olbmuid Eanodahkii – 2 000 euro bálkkašupmi beroštahtii ollusiid

Ovddalgihtii ledje measta 130 gilvaleaddji almmuhan iežaset njoarostangilvui. Dat lea mealgat eambo go diibmá.

Juohke gilvvohalli oaččui nummirláhpo sealgái. Gilvvus ledje mielde measta 130 njoarosteaddji.

Mannan vahkuloahpas lágiduvvojedje árbevirolaš Márjjábeaivvedoalut Eanodagas. Eanemusat geasuhii Suohpangiehta-njoarostangilvu. Dasa ledje almmuhan mielde measta 130 gilvaleaddji.

Dán jagi ruhtabálkkašupmi njoarosteamis lei 2 000 euro. Dat geasuhii máŋgasiid boahtit iskkadit njoarostanattáldagaid.

Diibmá gilvvohalle 1 000 euro vuoittus sullii čuođi njoarosteaddji.

Suopunginheittokilpailu Enontekiön Marianpäivillä 21.3.2026.
Njoarosteaddjiid suohpangieđaid ledje maid valjis boahtán geahččit čuovvut. Muhtumat ledje joba ádden váldit iežaset stuoluid fárrui, vai vedjet geahččat measta olles beaivvi bistán gilvvohallama. Govva: Susanna Guttorm / Yle
Pieni lapsi kävelee suopunki kädessä Enontekiön Marianpäivillä 21.3.2026.
Njoarostangilvvu čuvvo buot ahkásaččat. Unnimusas gitta ahkeolbmuid rádjái. Govva: Susanna Guttorm / Yle
Lapsi istuu naisen sylissä. Suopunginheittokilpailu Enontekiön Marianpäivillä 21.3.2026.
Ovdal Márjjábeivviide lávijedje buohkat coggat gávttiid badjelii. Dán áigge hárve oaidná šat gávttehasaid. Heijá Ánne, Anni Äärelä goit lei coggalan sámebiktasiid dánge jagi badjelii. Govva: Susanna Guttorm / Yle
Suopunginheittokilpailu Enontekiön Marianpäivillä 21.3.2026.
Njoarosteaddjit galge deaivat lihkadeaddjistoalppuid. Gaskkamuš rukses stoalppus oažžu 3 čuoggá ja guovtti ravddamus stoalppus gas 1 čuoggá. Jus deaivá rukses ja ravddamus stoalppu de ii oaččo ovttage čuoggá. Govva: Susanna Guttorm / Yle
Aslak Paltto juontaa suopunginheittokilpailua Enontekiön Marianpäivillä 21.3.2026.
Njoarostangilvvu láidestii Hánno Heaikka Ásllat, Aslak Paltto. Govva: Susanna Guttorm / Yle
Kaksi suopunkimiestä 21.3. 2026 Marjanpäivillä Enontekiön koulukeskuksen pihalla.
Mihkkal Máhtte Gaup ja John Mathias Gaup leigga vuolgán geahččalit, jus basttášeigga fasket vuoittu njoarostangilvvus ja vuoitit 2 000 euro. Govva: Kirsti Länsman / Yle
Suopunginheittäjä seisoo kädet lantiolla ja suopunki kaulassa 21.3.2026 Enontekiön Marjanpäivät.
Nils-Heaika Magga Njunnásis lei váldán mánáid maid mielde njoarostit. Son muitala, ahte eai leat gal geargan olus trenet gilvvohallama várás. Magga mielas Márjjábeaivvit leat somás doalut, go dalle deaivá olbmuid iešguđet guovlluin. Govva: Kirsti Länsman / Yle
Joukko ihmisiä keskustelemassa ulkona markkinapaikalla. Sää on aurinkoinen ja tuulinen, ja ihmiset ovat pukeutuneet lämpimästi talvitakkeihin.
Oahpahusministtar Anders Adlercreutz ja riikkabeaiáirras Markus Lohi leigga maid boahtán oahpásmuvvat Márjjabeaidoaluide Eanodahkii. Govva: Kirsti Länsman / Yle

Buoremus suohpangieđat ledje Jon Andreas Eiras ja Kirsti Monica Eiras

Eanodaga Márjjábeaivve njoarostangilvvu almmáiolbmuid luohká vuittii Jon Andreas Eira Skuohtanjárgga orohagas. Nubbin bođii Máhtte Niillas Gaup ja goalmmádin Nils Jonas Eira.

Nissonolbmuin fas buoremus suohpangiehta lei Kirsti Monica Eiras. Nubbin bođii Biret Alice Utsi ja goalmmádin Karen Johanne Eira.

Ođđasamosat: paketissa on 10 artikkelia

Sápmi

Ohcejogas hárjehalle mot doaibmat jus dáhpáhuvvá stuorra johtolatlihkohisvuohta – dehálaš hárjehallat dákkár diliide, dadjá gielddahoavda

Maŋŋebárgga sáhte máŋgasat ruvvestit čalmmiid go skuvlaguovddáža buohta ledje rekčon biillat ja roasmmohuvvan olbmot, muhto dat lei lihkus dušše hárjehus.

Dáhpáhusat
Sápmi

Háliidit čoaggigoahtit gumppiid baikkaid boazodoallo­guovllusge – Sámi bálgosat -searvvi ságajođiheaddji mielas dasa lea dárbu

Gumppiid mearri lea lassánan boazodoallo­guovllus. Baikkaid čoaggin ja daid DNA attášii dárkilut dieđuid gumppiid mearis.

Boazodoallu
Sápmi

Xia Torikka já Mikkâl Morottaja lává Euroviisui uđđâ sämikielâg läiđejeijeeh – taan tove tuše fiinaal lii sämikielân

Sämikielâg Euroviisui laiđim uážžu taan ive uđđâ läiđejeijeid. Fiinaal čielgejuvvoo sämikielân lávurduv ehidist.

Anárašgiella
Girjjálašvuohta
Guolástus
Turisma
Bearrašat
Dálkkádat
Dáiddárat
Servodat